မျိုးဆွေသန်း (ဒီဇိုင်း) – ဂီတသည် ကျွန်တော့် အနားတွင် ကူးခပ် နေပါသည်

June 12, 2014

ဂီတသည် ကျွန်တော့် အနားတွင် ကူးခပ် နေပါသည်
မျိုးဆွေသန်း (ဒီဇိုင်း)၊ မိုးမခ၊ ဇွန် ၁၁၊ ၂၀၁၄

Design Myo Swe Than

ကျွန်တော် စာ အုပ်ဖတ်နေတာပါ၊  ဒီဇိုင်းလုပ်ပြီးလို့ အပေါ်ထပ်က ထပ်ခိုး ကျဉ်းကျဉ်းလေးထဲမှာ စိတ်ကလေး ကို အကျယ်ချဲ့ပြီး စန့်စန့်လေးကျောခင်းနေတာပါ။  ဒီထပ်ခိုးလေးထဲမှာ ကျွန်တော့် ညီ ကျော်ဇံလှ နေတာ၊ နောက်ဆုံးနှစ် ယဉ်ကျေးမှု တက္ကသိုလ်က ပန်းချီကျောင်းသား၊ အခန်းထဲမှာ ရှုပ်ပွလို့ ပန်ချီကားတွေ ပြည့်လို့၊ သံတိုင်နဲ့ ပြတင်းပေါက် သေးသေးလေးကနေ အပြင်ကို မြင်နေရတာ ဗိုလ်အောင်ကျော်လမ်းက ဟိန္ဒူဘုရားရှိခိုးကျောင်း။  အဲဒီ ဘုရားကျောင်း က ကုလား တာပလာဗုံသံတွေ ဆူညံ နေအောင်တီးနေတယ်၊ သူနောက်ကျောက လမ်း ၄၀ က ထပ်ခိုးလေးထဲကို အဲဒီဗုံသံတွေ ၀င်လာတာပေါ့၊  အဲဒီဗုံသံတွေက ကျွန်တော့်နားမှာ ကူးခတ်နေတာကို ပြောတာမဟုတ်ပါဘူး။  ကျွန်တော့်ညီ ပန်းချီကျောင်းသားရဲ့ အိပ်ရာဘေးက စာအုပ် တအုပ်ကို လက်လှမ်းမီလို့ ယူဖတ်နေတာ။  သူ နောက်ဆုံးနှစ် စာမေးပွဲ အတွက် တင်သွင်းရတဲ့ကျမ်း..။

အဲဒီစာအုပ်က “ခေတ်သစ် ပန်းချီ ဦးခင်မောင်ရင်၏ လက်ရာများနှင့် အနုပညာ အတွေးအမြင်များ လေ့လာချက်” ဘွဲ့ယူစာတမ်းတဲ့။

ဦးခင်မောင်ရင်၏ ဘ၀ဖြစ်စဉ်၊ ပန်းချီပညာလေလာသင်ကြားမှု၊ လက်ရာများနှင့်အတွေးအမြင်များ၊ တွေ့ဆုံမေးမြန်းချက်၊ ခေတ်ပြိုင် ပန်းချီပညာရှင်များ၊ အနုပညာ စွမ်းဆောင်ချက်များ ဆိုပြီးအခန်းတွေ ခွဲထားတာတွေ လျှောက်ဖတ်ရင်းနဲ့ ဦးခင်မောင်ရင်ရဲ့ အမေးအဖြေ အခန်း မေးခွန်း ၃၄ မှာ ကျော်ဇံလှက ဆရာဂီတကို ကြိုက်လားလို့ အမေးမှာ ဦးခင်မောင်ရင်ရဲ့ အဖြေက “ဂီတ က ငါအသည်းပေါ့ ကွာ၊ နားထောင်တယ် ဒါပဲ အသည်းလို့ ပြောတာ၊ အသည်းပဲ။  နှစ်ဆယ်လေးနာရီ ဂီတ၊ မီးမလာရင်လည်းဂီတ၊ လာရင်လည်း ဂီတပဲ။  “Music Swan Around Me – ဂီတသည် ကျွန်တော့် ပတ်ဝန်းကျင်မှာ အမြဲပဲ ကူးခတ်နေပါသည်။”

“ဆရာ အဲဒါဘယ်သူ့ စကားလုံးလဲဆရာ ”..။

“ငါ့ စကားပေါ့ဟ..” တဲ့..။

အဲဒီ အမေးအဖြေ (၁၁၃) ခုကို ဖတ်ပြီးတာနဲ့ ချက်ချင်းပဲ စာအုပ်ချပြီး ဆရာဆီသွားဖို့ အောက်ဆင်းလာခဲ့ တာပါပဲ၊ အဲဒီလမ်း၄၀ ထပ်ခိုးက အခန်းကျဉ်းကျဉ်းလေးထဲ မှာပဲ ခတ်သစ်ပန်းချီဆရာကြီး ဦးခင်မောင်ရင်ကို စတွေ့ခဲ့တာပါ။

ဆရာ့ ပန်းချီကား တချပ်ကို ပြပွဲ တခုမှာ တသောင်းကျပ်နဲ့ တကားဝယ်ဖူးတယ်၊ အညိုရောင် ဘုန်းကြီးကျောင်းလေးပါ။

ဆရာ့ကို လူချင်းမတွေ့ဖူးဘူး၊ အခုကျွန်တော့်ညီရဲ့ စာအုပ်ထဲမှာ ဆရာကိုတွေ့လိုက်ရပါပြီ၊ ချက်ချင်းပဲ ကားငှားပြီး စာအုပ်ထဲက လိပ်စာ အတိုင်း  ဆရာနေထိုင်ရာ မြောက်ဥက္ကလာပကို ထွက်ခဲ့တယ်၊ ကျွန်တော့် ညီ ကျမ်းစာအုပ်က အကြမ်းဆိုတော့ ပန်းချီဦးခင်မောင်ရင်၏ ဘဝဖြစ်စဉ် အကျဉ်းဆိုတဲ့ ခေါင်းစဉ်အောက်မှာ ကွက်လပ်အဖြူကြီးပဲရှိနေသေးတယ်၊ အောက်က စာတန်းကတော့ထိုးထားတယ်။  “တင်ပြ ဓာတ်ပုံ(၁) ခေတ်သစ် ပန်းချီဦးခင်မောင်ရင်၏ပုံ” တဲ့၊  ဓာတ်ပုံ ကပ်ထားတာ မတွေ့ရဘူး၊ ဆရာ ဓာတ်ပုံ နေရာမှာ စက္ကူ အဖြူသားပဲ ရှိနေသေးတယ်။  အဲဒါ.. နောင်တော့လည်း ဆရာနဲ့ တွေ့တွေ့ချင်းရော အခုထိပါ အဲဒီ အတိုင်းဆရာက အဖြူထည် သက်သက်ပါပဲ။

“ဘ၀မှာ ဘာ အစွန်းအထင်းမှ မခံဘဲ လွတ်မြောက်နေသူ” ဆိုလို့ အခုထိ တယောက်တည်းတွေ့ဖူးတာ ဆရာ ဦးခင်မောင်ရင်ပါပဲ။

****************************

၁၉၃၈ နိုဝင်ဘာ မြန်မာလို ၁၃၀၀ ပြည့်နှစ်မှာ ဆရာ့ကို သာယာကုန်းရွာ ၊ အင်းတကော် ၊ ပဲခူးတိုင်းမှာ အဖ ဦသန်းမောင်၊ အမိဒေါ်မြသီတို့ကနေ မွေးပြီး မွေးချင်း ၁၀ယောက်မှာ အကြီးဆုံးသား၊ ငယ်စဉ် တနှစ်ခွဲက စပြီး အဖေ၊ အမေ နှင့်မနေရဘဲ ဘဘကြီး၊ ကြီးကြီး တို့ နှင့် ရန်ကုန်မှာနေ၊ စစ်ပြီး ဖေဖေ၊ မေမေတို့ နှင့် ပြန်တွေ့သော်လည်း မမှတ်မိ။  စစ်ပြီးတော့ T T C ကျောင်းမှာ ၆ တန်း ၊ ၇တန်း ကနေ ၁၀ တန်းအထိ ပြည်ဦးလွင် စိန်မိုက်ကယ် ကျောင်းမှာ ကျောင်းအိပ်ကျောင်းစား၊ ၁၀တန်းအောင်ပြီး အင်းယားလမ်းမှာနေ တက္ကသိုလ် နှစ်နှစ်တက်။  တက္ကသိုလ်တက်ပြီး (BOC College)  လိပ်ခုံးနောက်ဘက် Engineering College (၄)နှစ်တက်၊ ကျောင်းသား ပန်းချီဆွဲသူများထဲမှ တဦးတည်း ပန်းချီဆက်ဆွဲ။

၁၉၆၀မှာ ပန်းချီ စရေး၊ ဗိသုကာ (၄)နှစ် အောင်မြင်ပြီးနောက် ဦးဘိုကြီး၊ ဦးအောင်ကြီးမြင့် ဦးတင်ထွန်းတို့ စုပေါင်းဖွင်လှစ်ထားတဲ့ “AI” ရုံးခန်းတွင်နေပြီး အလွတ်ဗိသုကာ အလုပ်ကို လုပ်၊ ဗိသုကာ လုပ်ရင်း ပန်းချီဆွဲ။  ၁၉၆၁ မှာ ကြီးကြီး၏ သမီး ဒေါ်စိုးစိုးက ပန်းချီပြပွဲလုပ်ပေး၊ နောက်ပိုင်းအနည်းဆုံး တနှစ်တကြိမ် ပန်းချီဲပြပွဲ များပြုလုပ်ဖြစ် ၊အနုပညာလုပ်ငန်းများအနေဖြင့် ပန်းချီဆရာ အလုပ်အပြင် ရုပ်ရှင်ဒါရိုက်တာ လုပ်ကာ “နှမလက်လျှော့နေလေတော့ ” ရုပ်ရှင်ကားကို ရိုက်ကူးခဲ့။

စာပေ အနေဖြင့် အနုပညာစံ စာအုပ် ကို ဇော်ဇော်အောင်နှင့် အတူတူတွဲထုတ်ဝေခဲ့၊ ဗိသုကာ အနေဖြင့်  ယခင် အရှေ့ပါကစ္စတန်၊ ယခု ဘင်္ဂလာဒေ့ရ်ှနိုင်ငံရှိ ဒက္ကားဘူတာရုံ ဒီဇိုင်းသည် ဆရာ လက်ရာ ဖြစ်။  အိမ်များစွာကို  ဒီဇိုင်ပုံစံ ထုတ်ရေးဆွဲခဲ့၊ ပုဂံရှိ သဇင်ဟော်တယ်သည် ဆရာ့ ဗိသုကာ လက်ရာဖြစ်။

ဆရာ့ ပုံ သဏ္ဌာန် ကို ဆက် ရေးထားပါတယ်။

ဆရာ ဦခင်မောင်ရင်၏ နေအိမ်သည် သော့မရှိ၊ အခန်းမရှိသော၊ အမိုးအကာ မလုံသော တဲအိုကြီး တလုံးသာဖြစ်ပါသည်၊ ဖရိုဖရဲ ကျူရှင်ခုံများ၊ သံချေးတက် ပေရေနေသော ရေခဲသေတ္တာတလုံး၊ ပျက်စီးနေသော ပန်းချီကားများ၊ ရေးလက်စ ပန်းချီကားများ၊ အိမ်အောက်ကြမ်းပြင်မှ ထိုးထိုးထောင်ထောင် ထွက်နေသော သစ်ပင်ငယ်များ၊ ရှုပ်ပွနေသော စာအုပ်များ ၊ သင်ဖြူးဖျာနှင့် ခြင်ထောင်၊ ခေါင်းအုံး ပတ်လည်မှ အစားအစာ ဘူးများ၊ ဖာတောင်းများ၊ ပုလင်းများ၊ ဆေးလိပ်တိုများသည် ဆရာ၏ အိမ်တွင်းပစ္စည်း များဖြစ်လေသည်။  ဆရာသည် ဘူး အကြီး အသေးတို့ ဖြင့် လက်ဖက်နှင့် အကြော်များကို ထည့်ထားကာ လက်ဖက် အမြဲစားလေ့ရှိသည်၊ ရေခဲသေတ္တာဟောင်း အတွင်းအမြဲ ရှိတတ်သည်မှာ အသီးအနှံ တမျိုးဖြစ်သည်။  ဘီယာကို အလွန်ကြိုက်ကာ စကားပြောလျှင်ဘီယာသောက်လိုက်၊ ဆေးလိပ်သောက်လိုက်ဖြင့် စကားပြောလေ့ရှိသည်။  စားပွဲ အသေးလေးမှာ ခင်းထားသော သတင်းစာ စက္ကူသည် လက်သုပ်ပုဝါဖြစ်သည်။  ပုဆိုးနှင်စွပ်ကျယ်ဖြူကိုသာ အမြဲဝတ်လေ့ရှိသည်။  ပန်းချီရေးသည့် နေရာ၊ အိပ်သည့် နေရာ၊ စားသည့်နေရာနှင့် အပေါ့အပါး သွားသည့် နေရာသည် သိပ်မဝေးလှ။  ဆရာ့ အိမ်သည် ခေတ်မီသော၊ သန့်ရှင်း သပ်ရပ်သော တပည့်များ၊ မိတ်ဆွေများနှင့် စည်ကားနေတတ်သည်။

သစ်သားတုံး ငုတ်တိုင်နှင့် အိမ်တိုင်သည် ပန်းချီရေးသော Stand ပင်ဖြစ်သည်။ ပန်းချီ ရေးရာတွင် ကြမ်းပြင်ပေါ် ရေးရသည်ကို ကြိုက်သည်။  ဆရာ့ အိမ်တွင် ထူးထူးခြားခြား အကာတခုသည် အိပ်သည့်နေရာ၊  ပန်းချီရေးရာ တွင် ခွေးများ၊ ကြောင်များ မတိုးစေရန် ကာထားသည့် ခြောက်ပေ သုံးပေခန့် ပန်းချီကား တချပ်ပင်ဖြစ်သည်။  ဆရာ၏ တနေ့တာ အချိန်သည် ဂီတ နားထောင်ခြင်း၊ စာသင်ခြင်း၊ ဘီယာသောက်ခြင်း၊ ပန်းချီရေးခြင်း  တို့သာ အများဆုံး ဖြစ်သည်။  ပန်းချီရေးခြင်းနှင့် အနုပညာ အကြောင်းပြောနေရပါက ဆရာ အတွက် နေ့ည မရှိပါ။  အနုပညာ အကြောင်း ပြောနေချိန်တွင်အရှိန်ရလာပြီး မျက်ရည်များ ကျလာတတ်သည်။

ဆရာ့ စကားပြောဟန်သည် နိမ့်လိုက် မြင့်လိုက် ဂီတ Rhythm တခုကဲ့သို့ ရှိပါသည်၊ လက်ဟန် ခြေဟန် အကိုးအကား အထောက်အထားများဖြင့်လည်း ပြောဆိုတတ်ပြီး English စကားလုံးများကိုလည်း ကြားညှပ်သုံးစွဲလေ့ရှိပါသည်။  နှုတ်ခမ်းမွေး ရေးရေးရှိပြီး အရွယ်နှင့်မမျှ ငယ်ရွယ်နုပျိုကာ အသားအရေ စိုပြေသူ တယောက်ဖြစ်ပါသည်။

ယနေ့ထိ အင်္ဂလိပ်စာ ကျူရှင်ပေးကာ စာသင်ပေးလျက်ရှိပြီး ရုပ်ရှင် ဒါရိုက်တာ၊ ဗိသုကာ၊ စာရေးဆရာ ဘ၀များနှင့် ပန်းချီဆွဲသော အနုပညာအလုပ်ကို လုပ်ရင်း လွပ်လပ်သောလူပျိုကြီး ဘ၀ဖြင့် ယနေ့အသက် ၆၀ ကျော်အထိ ကျန်းမာစွာဖြင့် အောင်စည်ကျော် ကျူရှင်၊ အမှတ် ၁၀၈၊ သန္တာ(၁၁) လမ်း၊ မြောက်ဥက္ကလာပ၊ ရန်ကုန်တွင်နေထိုင်လျက်ရှိပါသည်။

****************************

ဆရာ့ ဓာတ်ပုံကို တွေ့စရာမလိုပါဘူး၊ ဒီလောက်မှာတင် ဆရာ့ကို မြင်ရပါပြီ။  ကျွန်တော့် ညီရေးတဲ့ ဘွဲ့ယူကျမ်းက သူအစ်ကို ဖြစ်တဲ့ ကျွန်တော့် ကိုစပြီး ဒုက္ခပေးလိုက်တာပဲ။  မြောက်ဥက္ကလာ အ၀ိုင်းကိုရောက်တော့ ကားဆရာက မေးပြီ၊ ဘယ်ရပ်ကွက်လဲတဲ့၊ ဟာ ရပ်ကွက်မပါဘူးဗျ၊ သန္တာ ၁၁လမ်း။  မြောက်ဥက္ကလာက အကျယ်ကြီး သန္တာလမ်းတွေ အများကြီးနေမှာဗျတဲ့၊ ဘယ်မောင်းရမှာလဲ အဲဒါ ဒုက္ခပဲ။  ကဲ ကျူရှင်တွေသိလားဗျာ ဆိုမှ ကျူရှင် ဆိုင်းဘုတ် တခုအောက်မှာ ကျွန်တော့် ကိုချထား ပေးခဲ့တော့တယ်။

စာသင်တာဟာ Performance တခုလို့ ခံယူလို့ ယနေ့ထိ စာသင်ပေးဆဲ ဆိုတဲ့ ဆရာ ဦးခင်မောင်ရင်ကို ကျူရှင်တခု ၀င်မေးလိုက်တယ်။  “အောင်စည်ကျော်” ကျူရှင်မရှိပါဘူး၊ မကြားဘူးပါဘူးတဲ့ဗျာ။  ပန်းချီတွေ ဘာတွေ ဆွဲတယ်လေ ဦးခင်မောင်ရင် ဆိုတာလို့ ပြောတော့ သြော် သိပြီ၊ သိပြီ ဟိုလမ်းအတိုင်း တည့်တည့်ဝင်သွား လမ်းထိပ်က တဲကြီးပဲတဲ့။

တံခါးလည်း ခေါက်စရာမလိုပါဘူး၊ အိမ်ရှင်တို့ လည်း ခေါ်စရာမလိုဘူး။  ကြမ်ပြင်တွေ ကြားက အပင်စိမ်းစိမ်းလေးတွေက ထောင်မတ်လို့၊ အဲဒီအပင်လေးတွေ ရှေ့က လက်တန်း တဖက်ပြုတ်နေတဲ့ ထိုင်ခုံပေါ်မှာ စွပ်ကျယ်နဲ့ ထိုင်နေတာ ဆရာဦးခင်မောင်ရင်ပဲ။  အာလုံးဟာ ကျွန်တော့် ညီ ရေးထားတဲ့ ကျမ်းထဲက အတိုင်း နေသားတကျပါပဲ။

ဆရာ ကျွန်တော်က ကျော်ဇံလှ အစ်ကိုပါ လို့ ပြောရင်းဝင်သွားလိုက်တာပဲ၊ သြော် အေး.. အေး ဒီဇိုင်း လုပ်တဲ့ လူလားဟ တဲ့၊ အေးကောင်းတယ်၊ ကောင်းတယ် ထိုင်ထိုင်ဆိုပြီး ရွှေကြက် ပဲကြီးလှော် ဖောက်လက်စလေးကို ကျွန်တော့် လက်ထိုးပေးလိုက်ပြီး စားဦး ကောင်းတယ်၊ ကောင်းတယ်၊ အခွံတွေ ကို ဟောဒီလို ကြမ်းကြားကနေ ချလိုက်တဲ့။

ဆရာ ကျွန်တော် အခုပဲ ဆရာ့ အကြောင်းရေးထားတဲ့ ကျော်ဇံလှ ရဲ့ ကျမ်းဖတ်လာတာဆိုတော့ အေးအေး၊ အေးအေးဒီကောင် ဘာလုပ်နေလဲလို့ မေးပြီး စကားတွေပြောကြတယ်။  တသက်လုံးက ပေါင်းသင်း သိကျွမ်းလာခဲ့တဲ့ လူတွေလိုပဲ၊ အဲဒါလည်း ဆရာက လူတိုင်းကို ချက်ချင်း ရင်းနှီးနေကြပါ။

ကျွန်တော်က ပန်းချီကားတွေ လျှောက်ကြည့်တယ်။  မှောက်ထားတာ၊ ထပ်ထားတာတွေ ကို အကုန်လှန်ပြီး တချပ်ချင်းကြည့်တယ်၊ ဆရာ ဒါကဘာတုန်းလို့ မေးတော့ “ငါလည်းမသိဘူး၊ မသိဘူးလျှောက်ရေးထားတာပဲဟ တဲ့၊ အဲဒါပြောင်းပြန်ကြီး ဒီလိုလှန်ကြည့်၊ ထိန်ပင်တောလေး ရေးထားတာဟ” တဲ့။

အဲဒီတုန်းက ပြောကြတာ ဆရာက အနုပညာအကြောင်း၊ ပေါ်ဦးသက် အကြောင်း၊ သိမ်ကြီးဈေး ရွှေကြက်ပဲကြီးလှော်အကြောင်း၊ မင်းသားကြီး ဂရေ ဂရေရီပက်အကြောင်း ရီဒါဒိုင်ဂျက် စာအုပ်အဟောင်းတွေအကြောင်း၊ ကျွန်တော်မေးတာက အရှေ့ပါကစ္စတန် ဒက္ကားမြို့က ဘာလို့ ပြန်လာတာလဲဆိုတဲ့ အကြောင်းတွေပါ။

“မသိဘူးဟ၊ အဲ့ဒီ ဒက္ကားကို မြန်မာဘောလုံးအသင်းက လာကန်တယ်။ သူတို့ နဲ့ ရောလိုက်နေရင်းက သူတို့လည်း ပြန်မယ်ဆိုရော ငါလည်း ပြန်လိုက်မယ်ဆိုပြီး ပြန်လာတာပဲ။  ဆီးသီး အစိမ်းထုတ်လေး တထုပ်ပဲပါလာတယ်။  အေးအေး အဲဒီ ဇီသီးလေးတွေက ဒီကဇီးသီးနဲ့ မတူဘူးဟ၊ ချွန်ချွန်လေးတွေ နဲ့ စိမ်းစိမ်းလေး ချစ်စရာလေးမို့ ပါဟာ၊  သိပါဘူးကွာ ရုပ်ရှင်ရိုက်ချင်လို့လည်း ပြန်လာတာ၊ မသိဘူး ၊ မသိဘူး..။”

နောက်တော့ လည်း ဆရာ့ အိမ်ကို ခဏခဏ ရောက်ပါတယ်။ ဆရာ့ ပုံရိပ်က ဒီအတိုင်းပဲ လာရင် ကုန်းကုန်းကွကွ နဲ့ ငှက်ပျောသီး သော်လည်းကောင်း မရမ်းပြား သော်လည်းကောင်း၊ ပဲကြီး လှော်သော်လည်းကောင်း တခုခုရှာပြီး ကျွေးတော့တာပဲ။

“ဘီယာ နည်းနည်း သောက်ပါဟ” လည်းရှိတယ်၊ ဘေးကပ်လျက် လက်ဖက်ရည် ဆိုင်ဖွင့်ထားတဲ့ အခေါက်တုန်းက လက်ခုပ်တီး ပြီး လက်ဖက်ရည်မှာ တိုက်တာလည်း သောက်ရဖူးတယ်။  ကက်ဆက်အစုတ်ကြီး ပလေး ခလုတ်ကို သွားကြားထိုးတံညှပ်ပြီး တီးလုံးတွေ ထဖွင့်တာလည်း ကြုံရဖူးတယ်၊ လက်ဖက်ရည်ဆိုင်က ကျွန်တော်နားမလည်နိုင်တဲ့ သီချင်းတွေ ဖွင့်နေတာမို့ နားမငြီးဖူးလား မေးတော့ “မငြီးပါဘူး၊ ငါတောင် ဖွင့်စရာမလိုဘဲ နားထောင်လို့ ရသေးတယ်” တဲ့။

ကျွန်တော်တို့ အနီးတ၀ိုက်မှာ ဆရာ့ အကြောင်းပြောကြရင် ဆရာရဲ့ “နှမလက်လျှော့နေလေတော့ ” ရုပ်ရှင်ကား အကြောင်း အမြဲပါတယ်။  ဒါပေမဲ့ ကျွန်တော်တို့ မမီလိုက်ပါဘူး၊ မကြည့်ဖူးပါဘူး။  မူကွဲ တွေ အမျိုးမျိုးပြောနေကြတဲ့ အထဲ က ပန်းချီဆရာ မောင်ဒီက ရုံထဲမှာ ကြည့်ဖူးတယ်။

မင်းသားက ဂျာနယ်ကျော် မမလေးရဲ့သား  ကိုသိန်းတန်က မင်းသား၊ ဇာတ်လမ်းက မင်္ဂလာဆောင် သတို့သား၊ မင်္ဂလာဆောင်ကိုသွားရင်း လမ်းမှာ ၀က်ရူးပြန်လို့ သတို့သား အစားထိုးတဲ့ ဇာတ်၊ မင်းသားက ကန်ဘေးမှာ ထိုင်ပြီး ရေပြင်ကိုကြည့်တော့ ရေ ကို ရိုက်ပြထားတာ ကဒ်မချိန်းဘဲ ၁၅ မိနစ်လောက်ကြာတော့ နောက် က ကြည့် နေတဲ့ လူတွေက ရေမြင်ဖူးတယ်၊ ရေမြင်ဖူးတယ် လို့ အော်ကြသတဲ့၊ တခါ ပဲပြုတ်သည်က လှည်းတန်းကနေ အင်းလျားလမ်းကို ပဲပြုတ်လာရောင်းတဲ့ အခန်းမှာ ပဲပြုတ်သည် နောက်က နေ ကင်မရာလိုက်ပြီး ပဲပြုတ်၊ ပဲပြုတ်နဲ့ ပဲပြုတ်သည် အော်ပြီး လမ်းလျှောက်နေတာ နာရီဝက်လောက် ကဒ်မချိန်းဘဲ ပြတဲ့ အခန်းရောက်တော့ နောက်က လူတွေက  ခုံတွေ ဒုန်းဒုန်း ဒုန်းဒုန်း နဲ့ ထုပြီး လမ်းလျှောက်တာ မြင်ဖူးတယ်ကွ၊ လမ်းလျှောက်တာ မြင်ဖူးတယ်ကွနဲ့ အော်ပြန်ရော၊ မနေနိုင်တဲ့ လူတွေက ရုံအပြင်ထွက်မယ်လည်း လုပ်ရော ဆရာဦးခင်မောင်ရင်က ပြီးအောင် ကြည့်ဆိုတဲ့ သဘောမျိုးနဲ့ သော့ခတ်ထားသတဲ့၊ ဆရာ့ ပြန်မေးတော့ မသိဘူး၊ မသိဘူးလို့ ပဲ ဖြေပြန်တယ်။

ဆရာတပည့် ကို အောင်ကျော်ဆန်း အပြောကတော့ ပါကစ္စတန်ကနေ ရုပ်ရှင်မရိုက်ရမှာ စိုးလို့ ပြန်လာတာဟ။  ဆာဂျစ်ယေးရိုက်တဲ့ “ဆလမ်ဘုံဘေ”ဆိုတဲ့ ရုပ်ရှင်ကားကို ကြည့် ပြီး  “ငါလည်း ရုပ်ရှင် တကားမှ မရိုက်ဘဲ အသေမခံနိုင်ပေါင်” ဆိုပြီး ပြန်လာတာတဲ့။

(ဦး) ခင်မောင်ရင် ဒါရိုက်တာ အဖြစ် ရိုက်ကူးခဲ့သည့် ရုပ်ရှင် ကြော်ငြာ
ဓာတ်ပုံ မျှဝေသူ – မျိုးဆွေသန်း (ဒီဇိုင်း)

ကိုအောင်ကျော်ဆန်းတို့ ဆရာပေါ်ဦးသက်ရဲ့ သား ကိုဖိုးဇော်တို့က ဆရာကျောင်းမှာ ကျောင်အိပ် ကျောင်းစား။  “တို့ ည ည ခြင်ထောင်ထဲ က ခြင်တွေ တဖတ်ဖတ်နဲ့ လက်ဖ၀ါနဲ့ ရိုက်တော့ နားငြီး တယ်ဆိုပြီ သရေဒိုးကွင်းအထုပ်ကြီး ၀ယ်လာပေးတယ်၊ ခြင်တွေ ဒါနဲ့ ပစ် နားမငြီးဘူး” တဲ့။

မြန်မာစာသင်ဖို့ ဆရာဦးသိန်းနိုင် ရောက်မလာလို့ စိတ်ဆိုးရာကနေ ကျောင်းသားတွေ ခေါ်ပြီး လာကွာ မြန်မာစာများ လွယ်ပါတယ်၊ ငါသင်ပေးမယ် လိုက်ဆို “မင်းဝံကပြာ၊ ဧရာကဖွေး” ကို  ကိုအောင်ကျော်ဆန်းတို့ သံပြိုင်လိုက်ဆိုပြီးတော့ “မင်းဝံ အစ်စ် ဘလူး၊ ဧရာအစ်စ် ၀ှိုက်”  ကိုင်း မလွယ်ဘူးလားတဲ့။

ဆရာ ဦးခင်မောင်ရင်ကို အသက်အများကြီးကွာတော့ ဘာမှ ကျွန်တော်တို့ မသိရပါဘူး၊ အများပြောကြတဲ့ အကြောင်းအရာနဲ့ လက်ရှိ မျက်မြင်ဆရာ ပန်းချီကားတွေ ကပဲ ဆရာကို ပြန်မြင်ရတာပါ။  အဲဒါတွေအားလုံးကပဲ ဆရာရဲ့ အနုပညာပေါ်ထားတဲ့ စိတ်နဲ့ အရာရာ ကို စိတ်ရှင်းရှင်းထားတတ်တာတွေ က အထင်းသား မြင်နေရပါတယ်။  ဆရာကိုယ်တိုင်ရဲ့ အယူအဆကလည်း အနုပညာဆိုတာ လွပ်လပ်စွာနဲ့ မိမိဖန်တီးချင်တာကို ဖန်တီးခြင်းပဲ မဟုတ်လား။  အနုပညာရှင်ဟာ လွပ်လပ်မှုကို အရသာခံရင်း အနုပညာကို ဖန်တီးတယ်၊ လွပ်လပ်မှုမရှိပဲ ချုပ်တည်းမှုတွေနဲ့ ရင်ဆိုင်နေရရင် ပြောင်မြောက်တဲ့ အနုပညာရှင်ဖြစ်လာမှာမဟုတ်ဘူးတဲ့။

ဆရာဦးခင်မောင်ရင်ဟာ ခေတ်သစ် ပန်းချီဆရာတယောက်ရဲ့ အခက်အခဲတွေကို ရင်ဆိုင်ကျော်ဖြတ်ခဲ့တယ်လို့ ထင်ပါတယ်။ ဒါပေမဲ့ ဆရာဟာ အခုချိန်မှာ လွတ်မြောက်အေးချမ်းတဲ့ ဘ၀ကို ရနေတယ်ဆိုတာ ဆရာ့ ပန်းချီကားတွေ ၊ လက်ရှိ ဆရာ့ လူမှုဘ၀ထဲမှာ နေထိုင်နေပုံတွေက သက်သေခံနေပါတယ်။

ကျွန်တော့် ညီ စာတမ်းရှင်ကတော့ ဦးခင်မောင်ရင်ဟာ ရဟန်းကိစ္စ ရဟန်းလုပ်မှ ပြီးတဲ့ အယူအဆလို ခေတ်သစ်ပန်းချီမှာ ကြုံတွေ့ ရတဲ့ ပြသနာတွေကို လည်း ခေတ်သစ်ပန်းချီဆရာတို့ ဖြေရှင်းမှ သာ ပြီးပေလိမ့်မယ် လို့ ယူဆကြဟန်တူတယ်။  အဲဒီလို ခေတ်သစ်ပန်းချီ ပြသနာများကို ဖြေရှင်း ဆောင်ရွက်ကြခြင်းပင်လျှင် ခေတ်သစ်ပန်းချီတို့ ၏ အနုပညာလုပ်ရပ်များ  ဖြစ်လာတယ်လို့ မြင်တယ် ။

အဲဒီခေတ်သစ် ပန်းချီကို စတင်ခဲ့တဲ့ လူတွေထဲမှာ ဦးခင်မောင်ရင်ဟာ အစောဆုံးလူများထဲက တယောက်ဖြစ်တယ်လို့ ဆိုထားပါတယ်၊ ဇာတ်အငြိမ့်တွေမှာ ငယ်ငယ်က အနုပညာ၊ အနုပညာဆိုတာကို ခဏခဏ ကြားဖူးပါတယ်။  အနုပညာဟု ပြောတိုင်း အနုပညာမဟုတ်ဘူး ဆိုတာကို နားလည်ခဲ့ တယ်။  ဒါကြောင့် အနုပညာဆိုတာဘာလဲ၊ “ART ဆိုတာ SHARE”  ဖြစ်တယ်၊ အနုပညာဆိုတာ မျှဝေခံစာခြင်း၊ မိမိခံစားချက်ကို သူတပါး မိမိကဲသို့ ခံစားစေလို့ လုပ်သော အလုပ်ဖြစ်တယ်၊ ဒါကြောင့် အနုပညာရှင်ဟာ ကိုယ်ကျိုးမရှိ၊ အများအကျိုး ဆောင်ရွက်ပေသည်ဟု ဆရာဦးခင်မောင်ရင် ယူဆတယ်။  သူတပါးအား မိမိကဲ့သို့ ခံစားစေလိုတဲ့ Sharing လို့ အခိုင်အမာပြောလို့ ဆရာဦးခင်မောင်ရင် ဟာ အများ အကျိုးဆောင်ရွက်လိုသူ တဦဖြစ်တယ်။

ပြီးတော့ ဆရာ ကပုံတူတွေ အရေးများတယ်၊ အဖေပုံ၊ အမေပုံ၊ အောင်မိုးပုံ၊ ကြီးကြီးပုံ၊ မခင်ဝင်းပုံ၊ ရိုစီပုံ၊ နိုင်ငံခြားသား တယောက်ပုံ၊ ကချေသည်ပုံ။  ကျွန်တော်ဖြင့် အိန္ဒြာကျော်ဇင့် ပုံတောင် ရေးထားတာ အများကြီး တွေ့တယ်။  လှလည်း မလှဘူးလို့ ပြောတော့ “မလှရင်လည်း လည်ပင်းမှာ ပတ္တမြားဘယက်ကြီးထည့် ပေးလိုက်မယ်၊ အဲဒါဆို လှရော၊ သိဘူး၊ သိဘူး” တဲ့..။

ပုံတူတွေရေးတာကို ကျွန်တော့် ညီပြောတာ ကဖြင့် အဲဒါ ဆရာက လူတွေ အပေါ် မေတ္တာစိတ် ထားနိုင်အားကြီးလို့ ပုံတူတွေ ရေးတာတဲ့၊ ဒါလည်းဟုတ်သားပဲ။

တခါက ဆရာ့ ညီ ဆရာဝန် ဒေါက်တာခင်မောင်လင်း လာတယ်တဲ့၊ ဆရာ ရေးဆွဲထားတဲ့ ဆရာ့ မိခင်ပုံကို သေသေချာချာကြည့်ပြီး “ဒါအမေ့ပုံလား” လို့ မေတော့ “အေး ဟုတ်တယ်”၊ “ဟင်.. တူလည်း မတူဘူး” ဆိုတော့၊ “မင်းက မတူဘူး ဆိုရင် ဘာလို့ အမေပုံလား မေးရတာလဲ” တဲ့။

ဆရာဦးခင်မောင်ရင်က ပန်းချီပုံတူသည် မတူသည်ကို ရှင်းပြနေမှာ မဟုတ်ဘူး။  ပန်းချီဟာ ရှင်းပြစရာမလို၊ လက်တွေ့ခံစား တွေး သိမှုသာလျှင် သဘောပေါက် နားလည်မည်လို့ တွေးမြင်ထားသူ တယောက်သာဖြစ်တယ်။  နူးညံ့၊ ခက်ခဲ ၊နက်နဲလှတဲ့  ပန်းချီပညာကို ရိုးရိုးနဲ့ရှင်းရှင်းရေးဖွဲ့ခြင်းဟာ အလှတရား တန်ဖိုးကြီး သောအနှစ်သာရလို့ ယူဆသူဖြစ်တယ်။

“Simplicity is Beauty ရိုးသားခြင်းဟာ အလှတရား” ဆိုတဲ့ ဆောင်ပုဒ်ကို လက်ကိုင်ထားပါတယ်။  ဆရာကပြောဖူးတယ် Inspiration လို့ခေါ်တဲ့ စိတ်ပါခြင်း တက်ကြွခင်းမရှိတဲ့ အနုပညာရှင်ဟာ ဘာမှ လုပ်မရ တဲ့။

အက်ဒီဆင်ကပြောတယ်၊ “ချွေးထွက်ခြင်းက အဓိက၊ Inspiration က ဇီးရိုး” တဲ့။

“အေးပေါ့၊ အက်ဒီဆင်က အနုပညာရှင်မှ မဟုတ်တာ တီထွင်သူပဲ၊ ငါတို့ က အနုပညာရှင်ပဲဟာ ကိုယ့်စိတ်၊ ကိုယ့် ခံစားချက်၊ တက်ကြွမှု ပေါ်မူတည်ပြီး ဖန်တီးသူတွေပဲဟ” တဲ့။  ဈာန်ဝင်စားခြင်း မရှိဘဲ မိမိကိုယ်ကို ဒဏ်ခတ်ပြီး အနုပညာကိုဖန်တီးမယ့် သူတွေထဲမှာ ခင်မောင်ရင် မပါ။

ဆရာနဲ့ ကျွန်တော့် ညီကျော်ဇံလှရဲ့ အမေးအဖြေမှာတော့ ဆရာ အဖြေတွေက ကျေနပ်စရာအပြင် ပျော်ရွင်ဖွယ်၊ အံသြဖွယ်ရာတွေ အပြင် လန်းဆန်းသွားရတာတွေ ပါ ပါဝင်ပါတယ်။

မေးခွန်း (၂) – ဆရာရဲ့ လုပ်ရပ်တွေ ကို ကြို တွေးထားတာရှိလား။

အဖြေ – မရှိပါဘူး ဘယ်လိုလုပ်သိမလဲ၊ ရေးမယ် ဟဆို ရေးလိုက်တာပဲ။

မေး – ရှေ့နိမိတ်ကို ကြို မမြင်ဘူးပေါ့။

ဖြေ – “မမြင်ပါဘူး၊ မသိဘူး။ ငါတော့ ပုံဆွဲဦးမယ်ဟေ့၊ အဲဒါ စိတ်ထဲရောက်လို့ ဆွဲလိုက်တာပဲ။

”မေခွန်း (၆) – Artistic Genius ဆိုတာ ဘယ်ပေါ်မှာမူတည်သလဲ။

အဖြေ – “ငါ ကတော့ လုပ်ယူရတဲ့လူ၊ တတ်အောင်သင်ပြီးမှ လုပ်ရတယ်၊ ကိုယ့်ဘာသာ ကိုယ် လေ့လာ ယူရတယ်၊ ပေါ်ဦးသက်တို့ကျတော့ အလို အလျောက်တော်တယ်၊ ပါရမီရှိတယ်၊ တို့မှာက မရှိဘူး၊ နမူနာနဲ့တော့ ပြောလို့ရတယ်၊ ပြောရတာခက်တယ်။

မေးခွန်း (၇) – Expression of Emotion ရှင်းပြပါဦး။

အဖြေ – ဘယ်လိုခံစားချက်နဲ့ ဆွဲတယ် ငါမသိဘူး၊ ရည်းစားလွမ်းလို့လား၊ အမေလွမ်းလို့ လား၊ ဒါတွေ မရှိတော့ဘူး၊ အဲဒါတွေ မရှိတော့ဘူး။  Abstract  ပဲ။ (Abstract  ဆိုတာ ဦးခင်မောင်ရင်က အဆီအနှစ်တဲ့) သူဟာ သူ ထုတ်ထားတာ ၊ မင်းက ဘယ်လိုပြောမလဲ၊ Abstract ဆိုတာ အဓိပ္ပာယ်မဲ့တာမဟုတ်ဘူး။

မေးခွန်း (၁၂) – Inspiration အကြောင်းရှင်းပြပါဦး။

အဖြေ – တခုကို မြင်ပြီးတော့ ငါ ဒီလိုလုပ်ချင်တယ်၊ အမြင်ပေါ့။  ဂီတဆိုလည်း အကြားပေါ့ ဒါလေး ကြားပြီးတော့ လုပ်ချင်တာ။  အဲဒီ အမြင်အကြားလေးတွေကို တွေးပြီးတော့၊ ကိုယ်က စိတ်ဓာတ် တက်ကြွပြီးတော့ ငါလည်း လုပ်ချင်တယ်၊ သူဒီလို ဖန်တီးထားတာမျိုး ငါလည်း ဖန်တီးချင်တယ်။  အဲဒီတော့ တခါတရံ ဘာလုပ်ရမယ် မှန်းမသိတော့ Inspiration  ရအောင် ဒါလေးတွေ ဖတ်၊ ဟိုဟာလေးတွေ လျှောက်ကြည့်လိုက်၊ ကောင်းလိုက်တာ၊ ကြိုက်လိုက်တာ အဲဒီမှာ Inspiriate  ဖြစ်သွားတာ။  အဲဒီတော့  Inspiration ဆိုတာ တခုခုကို မြင်ပြီးတော့ သိပြီးတော့ အဲဒါလေးကို သဘောကျပြီး၊ ကြိုက်ပြီးတော့ လုပ်တဲ့ အလုပ်။

မေးခွန်း ( ၁၆ ) – ဆရာ Intuition  (ထိုးထွင်းသိမြင်မှု) က ပန်းချီနဲ့ ပတ်သက်ရင် Automatic ဖြစ်တဲ့ သဘောကို ပြောတာလား။

အဖြေ – ကိုယ်ပိုင်ရှိရမယ်လို့ ပြောထားတယ်။  ပြတင်းပေါက်မှာ ထိုင်နေတဲ့ ကောင်ကို ဟေ့ကောင် လိမ့်ကျမယ် ဆင်မြန်မြန်ဆင်းလို့ စိတ်ထဲက ရှိနေလို့ ပြောလိုက်တာ။  သူဘာသာသူ အလိုအလျောက် ပေါ်လာတာ၊ သူဟိုမှာ ထိုင်နေတာ လိမ့်ကျမှာစိုးလို့ ပြောလိုက်တာ၊ ငါပြောတဲ့ စကားက Intuition  ရှိလို့ပြောလိုက်တာ၊ Intuition ဆိုတာ Auto ဖြစ်ပြီး လုပ်ယူတာ မဟုတ်ဘူး၊ အတွေအကြုံနဲ့ လည်းဆိုင်တယ်။  Experience များလေ Intuition  ကများလေပဲ။  များရမယ်၊ ရှိကိုရှိရမယ်။

မေးခွန်း (၂၀) – ဆရာ Aesthetic (ရသဗေဒဆိုင်ရာ ခံစားမှု)ဆိုတာ ကကော။

အဖြေ – အဲဒါ မင်းဆီမှာ ရှိတယ်၊ မွေးထဲက ရှိတယ်။
မေးခွန်း(၂၂) – စာ သင်တာနဲ့  အနုပညာ ဘယ်လိုပတ်သက် ပါသလဲ။

အဖြေ – စာသင်တာလည်း အနုပညာပါပဲ Teacher က Actor လုပ်ရတယ်။ Actor  ဆိုတာ သိလား။

မေး – Performance သဘောမျိုးလား။

အေးဟုတ်တယ် Performance လုပ်ရတာ၊ ဟေ့ကောင်.. ဟင်း ဟင်း ဘာညာ ကြောက်သွားအောင်၊ ကိုယ်ဖြစ်ချင်တာဖြစ်အောင်၊ ပြောရတာကိုယ်က မဟုတ်ဘဲနဲ့ လုပ်ပြရတာ။

မေးခွန်း (၂၆) – ဆရာ့ ရုပ်ရှင် အကြောင်းလည်း ပြောပြပါဦး။

အဖြေ – အင်း.. နှစ်ကား ရိုက်ဖူးတယ်၊ ငါ ပထမ ကား အပြီး နှစ်နှစ် လောက်ကြာတော့ ရုပ်ရှင် တကား ထပ်ရိုက်ဖို့ ကြိုးစားတယ်၊ မဖြစ်နိုင်ဘူး။  ကိုနေ၀င်း (ကောလိပ်ဂျင်) တို့ကို တကား ကူရိုက်ပေးရတယ်။

မေး – ဆရာ ရိုက်တဲ့ ကားက “နှမလက်လျှော့ နေလေတော့နော်”။

ဖြေ – အင်း..။

မေး – ရုပ်ရှင်နဲ့ ပန်းချီ ဘယ်လို ပတ်သက်နေလဲ။

ဖြေ – ငါက ဇာတ်လမ်းတွေ ဘာတွေနားမလည်ဘူး။  Compose လုပ်ချင်တာ။  သိပ်လှတာ အဲဒီစကား၊ ဘာလာလာ အဲဒါပဲ၊ ငါရိုက်ချင်တယ်ဆိုတာ ဓာတ်ပုံရိုက်ချင်တာ အဲဒါ အဓိကပဲ၊ သိသွားတယ်။

မေးခွန်း (၃၀) – အဲဒီကားရိုက်တော့ စိတ်ချမ်းသာမှုရလား။

အဖြေ – ရတာပေါ့၊ ဘာလို့မရရမှာ တုန်း၊ တနှစ်နေရတယ်။  တနှစ် အကြွေးကျေတယ်။

မေး – အဲဒီအထဲမှာ ပန်းချီ အမြင်နဲ့  ဆရာ ဘယ်လိုမြင်လဲ။

ဖြေ – ဓာတ်ပုံတွေ Composition တွေဘယ်နားက ထားရမလဲ၊ အဲဒါ Frame ထဲမှာ ဘယ်လိုမြင်လည်းဆိုတော့ အမည်း၊ အလင်း ၊အမှောင်၊ သိပ်ကောင်းတဲ့ Photography တကယ်ကိုကောင်း။

မေးခွန်း(၃၂) – ဆရာ ဘာလို့ဆက်မလုပ်တာလဲ။

အဖြေ – မလုပ်နိုင်တော့ ဘူးလေ၊ နောက်တကားက ကိုနေ၀င်း(ကောလိပ်ဂျင်)တို့ ထုတ်တဲ့ ကား။  နှမလက်လျှော့ အတွက် ကိုယ်မှာရှိတဲ့ပိုက်ဆံနဲ့ ဟိုကောင်ဆီကချေး၊ ဒီကောင်ဆီကချေး၊ အဲလိုလုပ်တာ၊ ကိုယ်ဟာကိုယ် ထလုပ်တာ၊ ဟိုဟာက သူများလုပ်ပေးတာက ပိုက်ဆံရတယ်။  ပြီးပြီ။  ပြီးတော့ နောက်ထပ်ရိုက်ဖို့ ကြိုးစားတယ်။ မဖြစ်လာဘူး၊ သိဘူး၊ ပြောချင်တော့ ဘူး။

မေး – ဆရာ Modern Art  ရဲ့သဘောထား Autitude ဘယ်လိုရှိမလဲ။

ဖြေ –  ပစ္စည်းတခုကို ရိုးရိုးမြင်ရတာ မကျေနပ်လို့ ထူဆန်းသော ပန်းချီဆရာရဲ့ အမြင်တခုနဲ့ အမြင်ကိုသိလိုက်လို့ အရသာခံတာ။

မေး – Modern Art ဆိုတာ အရာရာအားလုံးက လွတ်မြောက်နေတဲ့ အရာလို့ တချို့ကဆိုတယ်။

ဖြေ – မကြိုက်ဘူး၊ အဲဒီ စကားမကြိုက်ဘူး။

မေး – အဲဒါဆို Modern Art တို့ နိုင်ငံရေးတို့ စီးပွားရေး၊ သိပ္ပံ စတဲ့ သဘောတရားတွေနဲ့ ဆက်စပ်နေတယ်လို့ ဆရာဆိုလိုပါသလား။

ဖြေ – ဟင်အင်.. မဆက်စပ်ဘူး။

မေး – အဲဒါတွေနဲ့ လည်း လွတ်မြောက်နေတယ်ပေါ့။

ဖြေ – အင်း လွတ်မြောက်နေတယ်။  အမြင်ပဲ။  ဘာနဲ့မှမဆိုင်ဘူး။  အမြင်သက်သက်ပဲ၊ မျက်စိနဲ့ အရသာခံချင်တာကို  ရသခံပေးတာ။  လုပ်ပေးတာ၊ ဒါပဲနေမှာပါ။

မေးခွန်း(၅၀) – တချို့ကလည်း Modern ပန်းချီဆရာ တယောက်နဲ့ တယောက် လွတ်လပ်တာချင်း မတူကြဘူးတဲ့။

အဖြေ –  ဟင် ဘယ်လိုလုပ် တူမလဲ၊ တူလို့မရဘူး၊ Personal  ခေါ်တယ်။  လူရဲ့ အကြိုက်၊ မင်းက ဘယ်လိုကြီးထွားလာတာတုန်း၊ မင်းက ဘယ်သူ့အဖေ၊ မင်းအဖေက ဘယ်သူ၊ မင်း ဘယ်မှာနေ၊ မင်းဘယ်လို ပညာသင်တာကတင် မတူတော့ဘူးလေ။  ပန်းချီလိုသိဖို့ က အဓိက၊ သိပြီးတော့ လက်ကမလိုက်နိုင်ဘူး၊ မလုပ်တတ်ဘူး၊ အဲဒါက တကဏ္ဍ။

အ၀တ်စတခုကို အနီရောင်ဆိုးပေးစမ်းပါ။ ဆိုးပြီး မင်းဘာသာ ချိတ်ထားလိုက်၊ ပြီးပြီလေ။ မင်းဘာသာအနီဆိုပြီး နာမည်ပေးထားလိုက်၊ အဲဒီကျတော့ ဘာတုန်းမေးတော့ ဘာမှလည်းမဟုတ်ဘူး၊ အဲတော့ နှစ်မျိုးပဲကျန်တော့ တယ်။  Representative  နဲ့ Non Representative အချုပ်ပဲ။  Modern Art လို့မင်းကပြောတာ၊ Representative က ပုလင်းတခုဖြစ်ချင်ဖြစ်မယ်၊ မီးခြစ်တခုဖြစ်ချင်ဖြစ်မယ်။ နောက် တခုက ဘာမှမဟုတ်ဘူး၊ လောကမှာမရှိတဲ့ ပစ္စည်း၊ ဒါပဲ ဒီနှစ်မျိုးပဲရှိတယ်။

အဲတော့ ပုလင်းဖြစ်လို့ Modern  မဟုတ်ဘူးလို့ မင်းမပြောနဲ့ ဟုတ်ချင်လည်းဟုတ်မယ်၊ မသိဘူး။  နောက်တခုက Line and Colour မင်းဘာသာ မင်းTexture ထည့်ချင်ထည့် မထည့်ချင်နေ၊ Line and Colour  လုပ်ခြင်းအားဖြင့် Texture သူ့ဘာသာပါ လာလိမ့်မယ်။  ဒီပစ္စည်းတွေ နဲ့ ဖန်းတီးတာ မင်းရဲ့Elements of Design  ပဲ၊ အချုပ်က ဒါပဲ၊ Point လည်းပါတယ် Line လည်းပါတယ်။  Hermony  လုပ်မလား၊ Contrast လုပ်မလား နှစ်မျိုးပဲရှိတယ်။  ဒါတွေသိပြီးတော့ မင်းလျှောက်လုပ်နေရင်လည်း မကောင်းဘူး။  မသဲဘဲနဲ့ လုပ်တော့ မှ သူဘာသာသူဖြစ်လာတာ၊  ငါက အသိကောင်ကြီးဆိုပြီး လျှောက်မလုပ်နဲ့၊ ငါကအသိကောင်ကြီးဆို မင်းဟာကြီးက မကောင်းတော့ဘူးလေ၊ မသိဘဲနဲ့လုပ်တာကောင်းတယ်၊

မသိဘဲနဲ့ဆိုဘာမှ မသိဘူး ဟေ့ ဆိုတော့ လည်း မဖြစ်သေးဘူး၊ သိသင့်တာတော့ သိထားရမယ်။  သိတာလေးကို မေးပြီးတော့ လုပ်ချင်တာလုပ် Intangible စကာလုံးမှတ်၊ Modern  ဆိုတဲ့ စကားသုံးစရာ မလိုတော့ ဘူး၊ မရှိတော့ ဘူး၊ Post Modern တဲ့ ၊ Pre War ဆိုတာ စစ်မဖြစ်ခင်က Post War ဆိုတာ စစ်ဖြစ်ပြီးက၊ ဒုတိယ ကမ္ဘာစစ်မတိုင်ခင် Pre War Pre လို့ခေါ်တယ်။  စစ်ကြီးပြီးတော့ Post War ၊ အဲဒီတော့ Post Modern, Modern  ပြီးသွားပြီးပြီ။

အဲဒီမေးခွန်းတွေကို ဖြေနေမယ့် ဆရာ့ပုံကိုမြင်ကြည့်လို့ရပါတယ်။  ဆရာ ဆေးပေါ့လိပ် ဖွာလိုက်၊ မျက်လုံးကြီးပြူးလိုက်နဲ့ ပလေကပ် ပုဆိုးအပြာရောင်ပေါ်ကျလာတဲ့ ဆေးလိပ်ပြာတွေကို ခါချလိုက်နဲ့ပေါ့။

Single ကဆရာသဘောနဲ့ နေတာပေါ့ Single Life ကိုကြိုက်တယ်ပေါ့ လို့ ဆက်မေးတော့ “ကြိုက်တယ်မိန်းမ မရတာ၊ ကိုယ့်ဘာသာကိုယ် ကံကောင်းတယ်” တဲ့..။

ဘာသာတရားနဲ့ပတ်သက်လို့ ကျတော့ “ဗုဒ္မဘာသာပဲ၊ ဒါပဲ အမှားတခုမှမရှိဘူး၊ ဒါပဲပြီးရော၊ ဒီလောက် ကောင်းတာလောကမှာ မရှိဘူး” တဲ့။

တကယ့် ဆရာခေတ်ပြိုင်တွေ ဘယ်သူချရေးရမှာလဲ ဆိုတော့ “ပေါ်ဦးသက်” ဒါပဲ တဲ့။

ဂီတကျတော့ “ဗီသိုဗင်၊ ချက်ကော့စကီး အကုန်ကြိုက်၊ ဂီတဆို အကုန်ကြိုက်တာပဲ၊ ငါ့စာထဲမှာ ဂီတအမြဲပါနေတာပဲ”။

အခုခေတ်ပုံစံထဲကရော “ထူးအိမ်သင် အမြဲကြိုက်၊ ဟေမာနေ၀င်း၊ ခင်မောင်တိုး”။  ဆရာ ဟေမာနေ၀င်းက ဆရာထိန်းခဲ့ရလို့ မဟုတ်လားဆိုတော့ “ဟုတ်ပေါင်” တဲ့ အသံကောင်းလို့ ကြိုက်တာတဲ့။  ခင်ဝမ်းကော မကြိုက်ဘူးလား ဆိုတော့ “ခင်ဝမ်းတယောက်မှလွဲ၊ ခင်းဝမ်းမှ အပ အကုန်ကြိုက်၏” တဲ့။

ဆရာ ဘာ Instrument တီးခတ်တတ်သလဲ ဆိုတော့ စန္ဒယား နှိပ်၊ ဒါပဲ။

ကျော်ဇံလှက ဆရာ ကို ဆက်မေးထားတယ်။

မေး – ဆရာ ခံစားတဲ့ အရောင်တွေ သိချင်ပါတယ်။

“ငါက Contrast အစိမ်း၊ အနီ၊ အဲဒီ ဆန့်ကျင်ဘက်က ငါ ပတ်ဝန်းကျင်မှာ အမြဲရှိနေတယ်။  ပတ်ဝန်းကျင်မှာ သိပ်လှတဲ့ အစိမ်းတွေကို ကြည့်စမ်း၊ အဲဒီနှစ်ခုက ငါ့မှာ…။

မေး – ယဉ်ကျေးမှုနဲ့ပန်းချီ ဘယ်လို ဆက်နွယ်မှုရှိပါသလဲ။

ဖြေ – “ပုဂံတမြို့လုံးလည်း Museum ကြီးပါ၊ အဲဒါ မှတ်ထား၊ ဒါလေးပဲ။

မေး – Time and Space အကြောင်းလေးလည်း ရှင်းပြပါ။

ဖြေ – လောကမှာTime and Space ပဲ ရှိတယ်၊ တချို့ကလည်းTime က အရင်လာတယ်၊ Space က အရင်လာတယ် ငြင်းကြတယ်။ ဘယ်သူပြီးမှ ဘယ်သူလာလာ နောက်ဆုံးတော့ လည်း ဘာမှ မဟုတ်ဘူး။  နှစ်ခုစလုံးကပြိုင်တူပဲ၊ Time ပြောင်းတိုင်း Space က ပြောင်းသွားတယ်။  Space  ပြောင်းတိုင်း Time ကပြောင်းသွားတယ်။  ဒါလေးပဲ။  လူတွေက ကိုယ့်ကိုယ်ကို အထင်ကြီးအောင် ပြောသောစကားများသာလျှင် ဖြစ်တယ်လို့ပဲ့ ငါယူဆလိုက်တော့ တယ်။

မေး – ဆရာ့ ဆီမှာ ပန်းချီပညာသင်ချင်တယ်ဆိုရင်ကော။

ဖြေ – ပန်းချီက သင်လို့မရဘူး၊ ကိုယ့်ဘာသာကိုယ် ဆွဲ။

မေး – ပန်းချီဆရာ တယောက်အတွက် ပုဂ္ဂလိက တန်ဖိုးဆိုတာ..။

ဖြေ – ပြောပြော၊ မင်းပြော..။

သူ့ရဲ့ အဆိုကတော့ — ဗမာပြည် ခေတ်သစ် ပန်းချီကို အစောဆုံးလုပ်ခဲ့ ကြတဲ့  ပန်းချီဆရာတွေက သူတို့ တစိုက်က်မတ်မတ် လုပ်ခဲ့ ကြတဲ့ ခေတ်သစ် ပန်းချီ ပြဿနာကို လူသိထင်ရှား ရှင်းလေ့ မရှိဘူးတဲ့။ ပုဂ္ဂလိက တန်ဖိုးဟာ ခေတ်သစ်ပန်းချီရဲ့ ထင်ရှားတဲ့ ၀ိသေသ လက္ခဏာ တရပ်ဖြစ်တယ်လို့ စွဲစွဲ မြဲမြဲ ယုံကြည်ကြဟန်တူတယ်တဲ့။

အဲဒီပုဂ္ဂလိက တန်ဖိုးဆိုတဲ့ ကိစ္စကို ပယ်ဖျက်လိုက်ပါတယ်၊ သူဟာသူ ပုဂ္ဂလိ က တန်ဖိုး နာမည်ပေးတာကို မကြိုက်ဘူး။

ငါ့ဘာသာ မကြိုက်တာနော်၊ ကြိုက်ရင်လည်း ကြိုက်ကြမှာပေါ့။  ငါမှမကြိုက်တာ၊ ရှင်းပြနေစရာ မလိုဘူး၊ ဟုတ်တယ်၊ ရှင်းနေရရင် ပန်းချီ မဟုတ်ဘူး၊ ပန်းချီဆိုတာကြည့်၊ ကြည့် ပြီးရင်သိ၊ မသိရင် မသိနဲ့ ဒါပဲ။

မေး – ဆရာ ယဉ်ကျေးမှုတို့ အနုပညာတို့ တိုးတက်ဖို့ ပန်းချီဆရာအနေနဲ့ ဘယ်ကဏ္ဍမှာ ရှိသလဲ။

ဖြေ –  ပုံဆွဲတဲ့ ကဏ္ဍမှာ၊ ဟဲ.. ဟဲ..။  ပုဂံ ခေတ်မှာ လုပ်ခဲ့ကြတယ်လေ၊ ပုဂံခေတ် လောက်ထွန်းကားခဲ့တဲ့ ပန်းချီခေတ်မရှိတော့ဘူး။  ပုဂံ ခေတ်ထက် ဘယ်ခေတ်မှ မသာဘူး၊ ပုဂံ ခေတ်ပန်းချီလောက် ကောင်းတာ။  တကယ်မြန်မာပန်းချီ မင်းမှတ်ထား။

မေး – ဆရာ စောစောက စကားကို ပြန်ဆက်ရအောင် Non Realism ဆိုတဲ့ ကိစ္စ။

ဖြေ – Non Realism  မပြောဘူး၊ အဲဒါလက်မခံဘူး၊ Representative  နဲ့ Non Representative    နှစ်ခုပဲရှိတယ်။ ငါပြောချင်တာ Line မှာ ဘာတွေရှိမတုန်း၊ တိုတာတွေရှိမယ်၊ ရှည်တာ ရှိမယ်၊ ဖြောင့် တာ ကောက်တာ ရှိတယ်၊ ထူတာရှိတယ်၊ ပါးတာရှိတယ်။  အရောင်နှစ်ခုတွေ့လိုက်ရင် နှစ်ခုဖြစ်တယ်။  အသေးဆုံးပဲ၊ ဒီထက်သေးအောင် ဘယ်သူမှ မဆွဲနိုင်ဘူး၊ အဓိကLine ပဲ ဒါ မြန်မာပဲ။ အောင်စိုးက ပြောတယ်၊ ကောက်ကြောင်း ဆိုတာ အောင်စိုးက နာမည်ပေးသွားတာ။

မေး – ဆရာ ရှုခင်းတွေ အရေးများသလား၊ ရေးလား။

ဖြေ – ရေးတယ်၊ အရေးမများဘူး၊ ဒါပေမဲ့ ငါက ဘာကို စူးစမ်းနေတာလဲ ဆိုတော့ ဟိုမိုးကုပ်စက်ဝိုင်းကို ဖြုတ်ချင်တာ အဲဒီမိုးကုတ်စက်ဝိုင်း ကြီးပါလာတာ စိတ်ညစ်တယ်၊ အဲဒါဖြုတ်ချင်တာကြာလှပြီ။ ဖြုတ်ပြီးတော့ ငါဒီလိုကြည့်တော့ မိုးကုတ်စက်ဝိုင်းမပါဘူး၊ ဟိုလိုကြည့်တော့ ပါတယ်၊ ဟိုနားမှာ မိုးကုတ်စက်ဝိုင်း၊ မင်းသိလား၊ ဘာလိုို့ ဖြုတ်ချင်တာလဲ၊ မမေးနဲ့ ဖြုတ်ချင်လို့ဖြုတ်တာ၊ ဘာအကြောင်းမှမရှိဘူး။  ဒါပေမဲ့ အမြဲပါနေတယ်။  ဒါလေးပဲ ခံနေရတယ်။  ဒါငါ့ ပြသနာ၊ ငါ့ ပြသနာ ဖြုတ်လို့လည်းရမှာ မဟုတ်ဘူး။

မေး – ဂီတနဲ့ပတ်သက်လို့ ဗမာပြည်ဂီတကို ဘယ်လိုမြင်လဲ။

ဖြေ – ဗမာပြည်ဂီတ – အခုခေတ်ပြောတာမဟုတ်ဘူး – မြန်မာ ဂီတ သိပ်ကောင်းလှတယ်၊ ကမ္ဘာ အမွှမ်းတင်ပြီးသား၊ ဆိုင်းတွေ အကုန်ကောင်းတယ်၊ အသည်း ထဲဝင်လာတယ်၊ နတ်ဆိုင်း။

မေး – နတ်ဆိုင်းသံကို သဘောကျလား။

ဖြေ – ကျတယ်။

မေး – နိုင်ငံခြား ပန်းချီဆရာတွေထဲက ဘယ်သူ့ကို သဘောကျလဲ။

ဖြေ – အကုန်လုံးပဲ၊ အကုန်ကြိုက်တာ၊ လီဒိုနာဒိုဒါဗင်ချီက စပြောမလား အများကြီးပဲ၊ ခေတ်သစ်တွေ လည်း အများကြီးပဲပေါ့လေ၊ ဒီကိုနီး၊ မိုဒီလီယာနီ၊ ကိုယ်ဘာသာ ရူးပြီးတော့ မိုဒီနီယာနီ့ ပုံတွေဆွဲ၊ လည်ပင်းရှည်ရှည်ကြီးတွေနဲ့။

မေး – အခု ဗမာပြည်က ပန်းချီဆရာတွေ ဘယ်သူကို ဆရာမျက်စိထဲ မြင်ထားလဲ။

ဖြေ – အကုန်မြင်တာ၊ ဘယ်သိမှမသိတာ၊ ဦးလွန်းကြွယ်သိတယ်လေ။

မေး – နောက်ကော..။

ဖြေ – လူကြီးထဲက ဒီတယောက်ပဲ ကျန်တော့တယ်၊ အကုန်သေကုန်ပြီလေ၊ လူငယ်တွေ ထဲ က ကျော်ဇံလှပေါ့ကွာ၊ ဒါပဲ ဟဲဟဲ။  ခင်ဝမ်း သိတယ်၊ ခင်ဝမ်းက ငါ စိတ်အညစ်ဆုံး လူတယောက်၊ မုတ်သုံသိတယ်။  ဒါပေမဲ့ ငါအကြိုက်ဆုံးသူက မိုးကုတ်က..။

မေး – ဆရာ အခုချိန် ပေါ်ဦးသက်ဘယ်ရောက်နေလောက်ပြီလဲ။

ဖြေ – ရန်ကုန်ပြန်လာမယ်တဲ့၊ ငါမသေခင် ငါနဲ့တွေဦးမှာ။

မေး – ပေါ်ဦးသက်နဲ့ ဘာလုပ်ကြမှာ တုန်း။

ဖြေ – သိဘူးလေ၊ သူပြောတာပဲ။

မေး – ဆရာ ပေါ်ဦးသက်က ဆုံးပြီးပဲ၊ ဘာလုပ်ချင်လို့ တုန်း။

ဖြေ – သိဘူး၊ မသေခင် ငါနဲ့တွေဦးမှာ ပါဆို။

မေး – ဆရာတို့ပေါ်ဦးသက်တို့နဲ့  ၂၄ လမ်းမှာ နေတဲ့ကာလနဲ့ ဆရာ လက်ရှိဘဝ ဘာကွာလဲ။

ဖြေ – ဟိုးတုန်းက လွပ်လပ်တယ်၊ ပိုက်ဆံလေး နည်းနည်းလေးရပြီးတော့ အများကြီးရတယ်။  အခုပိုက်ဆံ အများကြီးရပြီးတော့ နည်းနည်းလေးရတယ်။  အဲဒါ စီးပွားရေး။  စိတ်ပိုင်းဆိုင်ရာ ကျတော့ ဟိုတုန်းက ပျော်တယ် Stuggle လုပ်ရတာ ပိုပျော်တယ်၊ ငါအခု Stuggle လုပ်စရာ မလိုတော့ဘူး။

မေး – ဆရာပြင်ဦးလွင်က လွပ်လပ်ရေးကျောက်တိုင်က ဆရာ့ဒီဇိုင်းဆို။

ဖြေ – ဟုတ်ဘူး၊ ဘိုကြီး။

ဖြေ – ရှေ့လျှောက် ဆရာရေးမယ့် ပန်းချီတွေ က မြန်မာမှုနဲ့ ဆက်စပ်ဦးမလား။

ဖြေ – သိဘူး၊ ပါချင်လည်းပါမယ်၊ မပါချင်လည်း မပါဘူး။  မြန်မာမှုကတော့ စိတ်ထဲ၊ အသည်းထဲမှာ အမြဲရှိတယ်။

ဆရာဦးခင်မောင်ရင်က မြန်မာ့ ယဉ်ကျေးမှု အဆင့်အတန်း အောက်တန်းမကျခဲ့တာကို သိသာထင်ရှားစေချင်တယ်။  ကမ္ဘာ မှာ မြန်မာအနုပညာလကို တင့်တယ်စေချင်တယ်။  မြန်မာတို့ရဲ့ ကိုယ်ပိုင်အနုပညာကို ပြည်ပ လွှမ်းမိုးမှု အောက်ရောက်သွားမှာ စိုးရိမ်သူ တယောက်ဖြစ်တယ်။  မြန်မာတို့ရဲ့ ကိုယ်ပိုင်အနုပညာကို ကိုယ်ပိုင် အနုပညာ အရိပ်အာဝါသအောက်တွင်ရှိရမည်မှာ အနုပညာရှင်တို့ရဲ့ တာဝန်လို့ ခံယူထားတယ်။  ပြည်ပ လွှမ်းမိုးမှု အနည်းနှင့်အများရှိတာကို လက်ခံ၊ ထိုဒဏ်ကို ဖောက်ထွင်း ကျော်လွှားပြီး မိမိတို့ရဲ့ ကိုယ်ပိုင်စွမ်းအင် ဖော်ထုတ်ချင်စိတ်ရှိတာကို စွပ်ကျယ် အဖြူဝတ်ထားတဲ့ ခန္မာကိုယ်ထဲက နှလုံးသားထဲမှာ ရှိနေတာကို  ဆရာ့ကို ခဏ စကားပြောကြည့်တာနဲ့ မြင်လို့ ရမှာမဟုတ်ဘူးပေါ့။  ဆရာက လည်း ပါးစပ်က သိဘူး၊သိပါဘူး၊ ဟာ.. ရှုပ်လွန်းလို့ပဲ အမြဲပြောနေတာကိုး။

ဂီတကျတော့လည်း ဆရာက  အကုန် နားထောင်တယ်။  မြန်မာ့ဂီတ ဘယ်သူတွေ သိထားတုန်း မေးတော့ မြို့မငြိမ်း၊ ရွှေတိုင်ညွန့်၊ ရွှေပြည်အေး၊ အဲဒါဂရိတ်တွေပဲတဲ့။

ဆရာ ဘယ်သီချင်းတွေကြိုက်လဲ။  “စိန်ဝေလျှံ၊ (ရေးတဲ့သူနာမည်)။  နောက်ပိုင်းကတော့ ဘယ်သူတွေ ရေးတာသိလည်းဆိုတော့ ထူးအိမ်သင်ရေးတာသိတာပေါ့၊ ထူးအိမ်သင်ကြိုက်လား၊ ကြိုက်ပါ့။

ကြုံရင် ဘာပြောလိုက်ရဦးမလဲဆရာ။  ဆံပင်တိုတာနဲ့ ရှည်တာကို ပြဿနာလုပ်မနေနဲ့ လို့၊ နှလုံးသားအိမ်ကို ဓားနဲ့ မမွှန်းနဲ့ လို့..။

ဆရာ လေးဖြူတို့ ဇော်ဝင်းထွဋ် တို့ရော။  ဇော်ဝင်ထွဋ် သိပ်ကြိုက်၊ လေးဖြူက ဘယ်သူတုန်း၊ အဆိုတော်ပဲ၊ အေး.. ကြိုက်မှာ ပေါ့..။

ဆရာ လွတ်လွတ်လပ်လပ် ပန်းချီကားတွေ ရေးတာမျိုး၊ သူများတွေ ကို လည်းဖြစ်စေချင်တဲ့ ဆန္ဒမရှိဘူးလား။

ဖြစ်စေချင်တဲ့ ဆန္ဒပဲ ရှိတယ်၊ မဖြစ်စေချင်တဲ့ ဆန္ဒမရှိဘူး၊ လုပ်စေချင်တာပဲ၊ ကိုယ်လုပ်ချင်တာကို လုပ်လိုက်စမ်းပါ၊ ငါလည်း ကိုယ်လုပ်ချင်တာလုပ်တာ၊ အဲဒါအဓိကပဲ။

ဆရာ ခေတ်မီခြင်း မမီခြင်းဟာ ဘာနဲ့ဆိုင်တုန်း။

အသိနဲ့ အသိနဲ့…။  ရှေးတုန်းက ဟာတွေ မသိလို့ ခေတ်မမီတာ၊ ရှေးတုန်းက ဟာတွေ သိရင် ခေတ်မှီတယ်၊ ပြန်ပြောမယ် ရှေးတုန်းက ဟာတွေ သိအောင်လုပ်ရမယ်။  ရှေးတုန်းက ဘယ်လို ဘယ်လို ဖြစ်ဘာတယ်၊ ဒီ ကိစ္စဘယ်လိုဖြစ်လာတာသိရမယ်၊ သိရရင်ခေတ်မီမယ်၊ မသိရင်ခေတ်မမှီဘူး။

အဲဒါဆို အသစ်သစ်တွေ ဖန်တီးဖို့ အဟောင်းအဟောင်းတွေ သိဖို့ လိုတယ်ပေါ့။

သိပ်မှန်ပေါ့၊ မသိလို့မရဘူး။

Intuition, Inspiration, Imagination ဒီသုံးခုက ကိုယ်ပိုင်ရှိရမယ်။  Creation  ဖြစ်ဖို့ Inspiration  ရှိဖိုလိုတယ်၊ Inspirationရှိရင် Automation ဖြစ်သွားတယ်၊ ဒီလိုပဲ ခင်မောင်ရင် ယူဆတယ်။

နောက်ဆုံးမေးခွန်း (၁၁၃) က “အဲဒါဆိုပြန်မယ်”..။

ဆရာ အဖြေက “ပြန်နဲ့ ဦး၊သီချင်းတပုဒ်ဆိုပြမယ်၊ ပြီးမှပြန်” တဲ့..။

ဆရာနဲ့ ကျော်ဇံလှတို့ ကြားမှာ ဆရာတို့ နှစ်ယောက်ပဲ နားလည်တဲ့ ဘာသာစကားတွေ နားလည်မှုတွေ ရှိကြပါတယ်။  ကျော်ဇံ လှက တခါတခါ ဆရာ ဆီ ကို သူငယ်ချင်းတွေ၊ ဆရာ ဦးခင်မောင်ရင်ကို တွေ့ကြရင် လူတွေက ကြည်ညိုစိတ်ချစ်ခင်လေးစားစိတ်တွေ ချက်ချင်းဖြစ်သွားတော့ တာပဲ၊ ပြီးရင် ပန်းချီကားတွေ လိုချင်လာကြရော၊ ဆရာကို ဂုဏ်ပြုခြင်တာလည်း ပါတယ် အားပေးချင်တာလည်းပါတယ်။  ကိုယ်တိုင် လိုချင်ကြတာလည်းပါတယ်။  ပြီးရင် ပန်းချီကားတွေယူကြရော ပိုက်ဆံပါတာတွေ လည်းရှိတယ်၊ မပါတာလည်းရှိတယ်။  အဲဒီလို စည်းကမ်းမကျတာကို ကျော်ဇံလှက စိတ်ညစ်လို့ ညည်းတွား ညည်းတွား နေတာကို ခဏခဏ ကြားရတယ်။

အဲဒါ မင်းပြောတဲ့ ဆရာဦးခင်မောင်ရင်ပဲလို့ ပြောရတယ်။ ဆရာ့ သဘောက အဲဒီလိုပဲ၊ လိုချင်ရင် ယူသွားအားလုံးကို ပေးလိုက်မယ်၊ ကျန်တာ စိတ်မ၀င်စားပါ။  ဆရာ က ဘယ်ပူလိမ့်မလဲ၊ မျက်စောင်းထိုး ညီမအိမ်က ထမင်းပို့မယ်။ ကျန်းမာရေးဆို ဆရာ့ အပြောအရ ကျော်စိန်ရှိတယ်၊ နေမျိုးရှိတယ်ပေါ့။  ဘယ်သူတွေ ဘယ်လိုလာရှုပ်ရှုပ် ဆရာက ရှင်းပြီးသားပေါ့။

ဓာတ်ပုံမျှဝေသူ – မျိုးဆွေသန်း (ဒီဇိုင်း)

၂၀၀၄ ခုနှစ် သြဂုတ်လလောက်တုန်းက ဆရာရဲ စတုထ္တအကြိမ်မြောက် ပန်းချီပြပွဲ ကို ကျွန်တော်ရယ်၊ ကိုဇော်ထွန်းရယ်က လုပ်ပေးတယ်။  ကင်းဗတ်စ်နဲ့ ဆေးတွေ ပို့ထားပေးတယ်။  ပန်းချီကား ၃၀ မပြည့်နိုင်ဘူး၊ ပြီးပြီလို့ ထင်လို့ သွားကြည့်လိုက်ရင် ရှေ့က ရေးထားတဲ့ ကားတွေ ကကုန်ကုန်သွားရင်းနဲ့  ကား ၃၀ ပြည့်အောင် မနည်းတားယူရတယ်။ လိုချင်တယ်လို့ပြော ပေးလိုက်မှာပဲ။  ဒါပေမဲ့ ဆရာ က ဘယ်သူ ဘယ်လိုပုံစံမျိုးနဲ့ ယူသွားတယ်ဆိုတာကို မှတ်မိနေပြန်တယ်။

အဲဒီပန်းချီကားတွေ ပြပွဲ အတွက်သွားယူရင်း တခေါက်က သီချင်းဆိုတဲ့ ဇော်ပိုင်လိုက်လာတယ်။  ဆရာ ကိုတွေ့ တော့ သနားလို့ သနားလို့တဲ့ သူက အနုပညာရှင်ကြီး တယောက် ဒီလိုနေနေရတယ် ဆိုတဲ့ သဘောနဲ့ ပေါ့။ ကျွန်တော်က ပြန်ပြောရတယ်၊ အေးဆရာ ဦးခင်မောင်ရင်ကို သွားသနားတယ် လုပ်မနေနဲ့၊ ဟိုက မင်းပြန်ပြီးတော့ သနားလိုက်ဦးမယ်လို့။

နှစ်နာရီလောက်ကြာပြီး ဆရာအိမ်က ပြန်တော့ ဇော်ပိုင်က ဟုတ်တယ်ဗျို့ ကိုယ်ကမှ သနားစရာဖြစ်သွားပြီ။  ဆရာက တကယ်ကို လွတ်မြောက်နေတာဗျ လို့ဖြစ်သွားရော။

ဆရာဦးခင်မောင်ရင်ကို ဘယ်သူကမှ ဂုဏ်တင်လို့ မရသလို ဘယ်သူကမှလည်း ရှုတ်ချလို့မရပါဘူး၊ ဘယ်သူမှလည်း ဆရာ ဦးခင်မောင်ရင် အနီးနားရောက်အောင် ချဉ်းကပ်၊ ငြိတွယ်လို့မရပါဘူး၊ ဆရာအနားမှာသူပြောသလိုပဲ ဂီတက ပဲ ကူးခတ်နေတာပေါ့။

မနေ့ ကပဲ ကျော်ဇံလှတို့ ဆရာဦးခင်မောင်ရင်ဆီက ပြန်လာကြတယ်။  ဟင်ငါ့လည်းမခေါ်ဘူး၊ ငါလည်း ဆရာ့ ဆီသွားချင်နေတာလို့ပြောတော့၊ ဆရာက မင်းကိုမေးပါတယ်၊ ဘာလုပ်နေလဲဆိုတော့ သူခါတိုင်းလိုပဲ ဒီဇိုင်းတွေ လုပ်နေတာပေါ့ ဆိုတော့ “အရေးမပါတာတွေ လုပ်နေတယ်တဲ့ ”။

ဒကာဆိတ်က သူ့ဝတ္ထု စာအုပ်မျက်နှာဖုံးလုပ်ဖို့ ဆရာဦးခင်မောင်ရင် ပန်းချီကားသွားဝယ်တာ။ ငါးသောင်းပေးခဲ့တယ် ဒီပန်းချီကားပဲတဲ့။  အဖြူရောင်အခံမှာ ဘုန်းကြီးလေးကို ကျောင်းသားလေးက ထီးမိုးထားတဲ့ ပုံ၊ အသားရောင်နေရာမှာ အနက်ခြယ်ထားပြီး သင်္ကန်းက လိမ္မော်၊ ထီးက အနီ၊ အောက်မှာ ခင်မောင်ရင် (ဇီးရိုးဆဲဗင်း) လို့ လက်မှတ်ထိုးထားတယ်။

ဆရာက အိမ်အသစ်နဲ့ ဖြစ်သွားပြီးတဲ့။  သွပ်မိုးကာနဲ့ သူမနေတတ်ဘူးဖြစ်နေတယ်တဲ့၊ ကျန်းမာရေးကောင်းတယ်။  ကျွန်တော်တို့ ဆရာပန်းချီကားကို ကြည့်ပြီး ကြိုက်နေကြတုန်းမှာ ကျော်ဇံလှကမေးတယ်။

“ဆရာဘာလို့ ဒီဘုန်းကြီးလေးကို ဆေးရောင်အနက်နဲ့ ရေးတာတုန်း” လို့မေးတော့

“ငါ့မှာ အသားရောင် ဆေးကုန်လို့ အနက်ရောင်ခြယ်လိုက်တာပေါ့ဟ၊  သူများတွေလို ဖိုက်မန့် (Five Monks)၊ ဆစ်ခ် (Six) မယ်သီလရင် ရေးတတ်ပါဘူး၊ ဝမ်းဘုန်းကြီး၊ ဝမ်းကျောင်းသား၊ ဝမ်း အမ်ဘရဲလား၊ ဝမ်း ခင်မောင်ရင်ပေါ့ဟ..” တဲ့..။

ဟုတ်ပါတယ် ဆရာ၊ ဆရာ ဦးခင်မောင်ရင်ဟာ ONE ဦးခင်မောင်ရင်ပါ။


ဒီဇိုင်း မျိုးဆွေသန်း / ဆရာ ကျောင်း

စာရေးသူ မှတ်ချက် – ၂၀၀၈ ခုနှစ်က မြင်ကွင်းမဂ္ဂဇင်းမှာ လူ၊ မြို့၊ သစ်ပင်၊ လမင်း၊ ကြယ်စင် ဆိုတဲ့ ခေါင်းစဉ်အောက်ကနေ (၁၂)ပုဒ် ရေးခဲ့ပါတယ်။  ဗမာ့ ခေတ်သစ် ပန်းချီဆရာ ဦးခင်မောင်ရင် သံသရာခရီးကို ထွက်ခွာသွားခဲ့ပြီဖြစ်လို့ ပြန်တင်ပေးလိုက်ပါတယ်။  တကယ်တော့လည်း ကျွန်တော့် ညီ ကျော်ဇံလှ ရဲ့မေးခွန်းတွေက ကျွန်တော်တို့ သိချင်တာတွေ ဖြစ်နေတော့၊ သူကောင်းလို့ပဲ ပြောရတော့မယ်၊ ဒါ့အပြင်အဲဒီကာလက ကျော်ဇံနဲ့ ကိုအောင်ကျော်ဆန်း တွဲလျက်မြင်ရတော့သူ့ခြေရာလက်ရာ မကင်းတာလည်းတွေ့ရပါတယ်။  ကျေးဇူးက ဒီ (၂)ယောက်ကိုတင်ရမှာပါ။  ဦးခင်မောင်ရင် ဆီက နှိုက်ထုတ်နိုင်တာ ဒီ(၂)ယောက်အပြင် ဘယ်သူမှ မစွမ်းပါ။

မိုးမခ မှတ်ချက် –  ဇွန် ၁၀၊ ၂၀၁၄ တွင် ကွယ်လွန် အနိစ္စ ရောက်ခဲ့သည့် ဗမာ့ မော်ဒန် ပန်းချီကျော် (ဦး) ခင်မောင်ရင် (၁၉၃၈-၂၀၁၄) အမှတ်တရ အဖြစ် တင်ဆက်ခြင်း ဖြစ်သည်။  ဆောင်းပါး နှင့် ဓာတ်ပုံ အသုံးပြုခွင့် ပေးခဲ့သည့် ဆရာ မျိုးဆွေသန်း ကို မိုးမခ က ကျေးဇူးအထူး တင်ရှိကြောင်း မှတ်တမ်းတင်အပ်ပါသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, လူများ၊ ရုပ်ပုံလွှာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်