တူမောင်ညို – “ဥပဒေ သရဖူ” ဆောင်းလာတဲ့ ဘာသာရေးလူမျိုးရေးအကြမ်းဖက်မှုများ

July 4, 2014

“ဥပဒေ သရဖူ” ဆောင်းလာတဲ့ ဘာသာရေးလူမျိုးရေးအကြမ်းဖက်မှုများ

တူမောင်ညို (၂၀၁၄ ခုနှစ်၊ ဇူလိုင်လ ၁၄ ရက်)

ကြံ့ဖွံ့အစိုးရသမ္မတ(ဗိုလ်)ဦးသိန်းစိန်တို့ရဲ့“စည်းကမ်းပြည့်ဝသောဒီမိုကရေစီ” လေးဘက်သွားခါစ ကာလမှာ ဘာသာရေး/ လူမျိုး ရေး ခုတုံးလုပ်ပြီး အကြမ်းဖက်တဲ့ လုပ်ရပ်တွေ ဘာကြောင့် ပေါ်ပေါက်လာရသလဲ။

လိုအပ်ချက်အရပေါ်ပေါက်လာရတာပါ။

ဘယ်သူတွေရဲ့ လိုအပ်ချက်လဲ။

(နဝတ-နအဖ) စစ်အစိုးရရဲ့ အာဏာအမွေစားအမွေခံ ကြံ့ဖွံ့အစိုးရ၊လွှတ်တော်၊ စစ်တပ်တို့ရဲ့ လိုအပ်ချက်အရ ပေါ်လာရတာ ဖြစ်ပါတယ်။ ဘာသာရေး/လူမျိုးရေး အဓိကရုဏ်း/အကြမ်းဖက်မှုတို့ဆိုတာ အုပ်စိုးသူတွေကသာ ဖန်တီးနိုင်တာ/ အကျယ်ချဲ့နိုင်တာ ဖြစ် ပါတယ်။ ပေါ်စေ/ပျောက်စေဆိုတာ အုပ်စိုးသူတွေအပေါ်မှာသာတည်နေတာဖြစ်ပါတယ်။ လူထုအစိတ်အပိုင်းအချို့ကြားမှာ တရုတ် ဆန့်ကျင်ရေးရေခံမြေခံရှိနေပြီး၊ ပြည်တွင်းပြည်ပ လှုံ့ဆော်နေသော်လည်း တရုတ်ဆန့်ကျင်ရေးပေါ်ပေါက်မလာသေးတာဟာ အုပ်စိုးသူ အစိုးရလိုအပ်ချက်နဲ့ မကိုက်ညီသေးလို့သာဖြစ်ပါတယ်။ [ လိုအပ်ချက်ရှိလာတဲ့အချိန်မှာတော့ အုပ်စိုးသူအပေါ်ဦးတည်နေတဲ့ “လူထုဆန် ပြဿနာ”အမျက်ဒေါသကို “တရုတ်ဗမာအရေးအခင်း(၁၉၆၇) ” အဖြစ် အုပ်စိုးသူ (တော်လှန်ရေးကောင်စီ) က လူမျိုးရေးရန်တိုက်ပေးမှု အဖြစ် လမ်းကြောင်းလွှဲပေးခဲ့တယ်မဟုတ်ပါလား]

(နဝတ-နအဖ) စစ်အစိုးရ လက်ထက်မှာ ဘာသာရေး/ လူမျိုးရေးအဓိကရုဏ်းတွေမပေါ်ပေါက်ခဲ့ဘဲ၊ “အခြေခံဥပဒေနဲ့အုပ်စိုးတဲ့ အစိုးရ” လက်ထက်မှာပေါ်လာတာဟာ “ဒီမိုကရေစီရှိလာလို့” ဆိုတဲ့သုံးသပ်ပြောဆိုတာဟာ ယနေ့အုပ်စိုးသူများရဲ့ လှည့်စားမှု ဦးတည် ချက်ကို အလိုတူအလိုပါ ကြိုးစားပမ်းစား ဖုံးကွယ်ပေးတာ/ ကာကွယ်ပေးတာသာလျှင်ဖြစ်ပါတယ်။

(နဝတ-နအဖ) စစ်အစိုးရလက်ထက်မှာ စစ်အာဏာရှင်စနစ်၊ စစ်ဗျူရိုကရက်ယန္တယားနဲ့ ပြည်သူလူထုကိုအလုံးစုံအကြမ်းဖက် ဖိနှိပ်အုပ်စိုးထားတာဖြစ်တယ်။ ဒီတော့ ဘာသာရေး/လူမျိုးရေးအဓိကရုဏ်းတွေ ယခုကာလမှာကဲ့သို့ ပေါ်ဖို့မလိုဘူး။ ဘာသာရေး/ လူမျိုး ရေးအကြမ်းဖက်မှုမျိုးစုံကို စစ်တပ်က (တောင်ပေါ်/မြေပြန့်မှာ) ကန်ထရိုက်ယူထားချိန်ဖြစ်တယ်။ တစ်ခါတလေ လိုအပ်ချက်ရှိလာတဲ့အခါ မှာတော့ အလတ်စားနဲ့အကြီးစားအကြမ်းဖက်မှုတွေကို နယ်ပယ်အချို့မှာ  စစ်အစိုးရက “ပြည်ထောင်စုကြံ့ခိုင်ရေးအသင်းနဲ့ စွမ်းအားရှင်” ဆိုသူများကို ပုတ်ပြတ်ပေးပြီးခိုင်းလေ့ရှိပါတယ်။

ဒီလိုနဲ့ “ကမ္ဘာအေးဘုရားလမ်းပေါ်ကအကြမ်းဖက်မှု”၊ “ဒီပဲယင်းအကြမ်းဖက်မှု” စတာတွေ ပေါ်ပေါက်လာခြင်းဖြစ်ပါတယ်။

“အခြေခံဥပဒေနဲ့အုပ်စိုးတဲ့အစိုးရ” လက်ထက်မှာ စစ်တပ်က(နဝတ-နအဖ)ခေတ်မှာလို နေရာတကာမှာ အလုံးစုံအကြမ်းဖက် ဖို့ဆိုတာ မဖြစ်နိုင်တော့ဘူး။  “အခြေခံဥပဒေနဲ့အုပ်စိုးတဲ့အစိုးရ” ဆိုတဲ့ သဏ္ဍာန်နဲ့သရုပ်တူမှဖြစ်မယ် မဟုတ်လား။ ပြီးတော့ တချိန်က လက်ခွဲယူပြီး အကြမ်းဖက်ခဲ့တဲ့ “ ပြည်ထောင်စုကြံ့ခိုင်ရေးအသင်းကြီး” ဆိုတာကလည်း “ကြံ့ဖွံ့ပါတီ” ဖြစ်လာခဲ့ပြီမဟုတ်လား။ ဒီတော့ အကြမ်းဖက်ဇာတ်ညွန်းသစ်အတွက် အကြမ်းဖက်လူရမ်းကားအုပ်စုအသစ်တွေဖော်ထုတ်ဖန်တီးလာရတော့တယ်။ မြို့နယ်တွေတိုင်းမှာ ယခင်ကရှိပြီးဖြစ်တဲ့“စွမ်းအားရှင်”ဆိုတဲ့ အကြမ်းဖက်လူရမ်းကားအစုတွေကို လက်ရင်းထား ချုပ်ကိုင်ညွန်ကြားပြီး ဘာသာရေး/ လူမျိုးရေး အကြမ်းဖက်မှုတွေကို ချိန်ကိုက်ဖန်တီးလှုပ်ရှားစေတယ်။ လူရမ်းကားတွေရဲ့အကြမ်းဖက်မှုတွေကို “ အချိန်မီဟန့်တားခြင်း/ ထိရောက်စွာ အရေးယူကိုင်တွယ်မှုမပြုခြင်း/ လက်ပိုက်ကြည့်နေခြင်းတုိ့ဖြင့် ရဲ/စစ်တပ် စတဲ့ အုပ်ချုပ်ရေး အာဏာပိုင်တွေက အားဖြည့်ကူညီပေးခဲ့ကြ တယ်။ စိတ်ကြိုက်၊သတ်ဖြတ်၊ လုယက်၊ မီးရှို့ဖျက်ဆီးပြီးတော့မှရဲနဲ့စစ်တပ်ကဝင်ရောက်ပါတယ်။ရဲက အကြမ်းဖက် ရမ်းကားနေသူများကို “ညီလေးတို့ရာ ဒီလောက်ဆိုကျေနပ်ကြပါတော့” ဆိုပြီး နားချတယ်။

ဒီလိုနဲ့ ရခိုင်ပြည်နယ်ထဲက နှစ်ကျော့ပြန်၊သုံးကျော့ပြန် အကြမ်းဖက်မှုတွေ၊ မိထ္ထီလာ၊ ဥက္ကံ၊ ထန်းကုန်း၊ လားရှိုး၊ တိုက်ကြီး ဘက်က အကြမ်းဖက်မှုတွေပေါ်ပေါက်လာရတာပါ။ ကျယ်ပြန့်လာရတာပါ။ အဲဒီဖန်တီးမှုတွေဟာ အခုတော့ မျိုးစောင့်ဥပဒေ ၃ ခု (ကိုးကွယ်ရာဘာသာကူးပြောင်းခြင်းဆိုင်ရာဥပဒေ၊ လူဦးရေတိုးပွားနှုန်းထိန်းညှိရေးဆိုင်ရာဥပဒေ၊ တစ်လင်တစ်မယားစနစ် ကျင့်သုံးခြင်း ဆိုင်ရာဥပဒေ) အဖြစ်နဲ့ ဖွဲ့တည်လာခဲ့ပါပြီ။ ဘာသာရေး/လူမျိုးရေး အကြမ်းဖက်မှုတွေကနေ ဘာသာရေး/လူမျိုးရေး ခွဲခြားဖိနှိပ်တဲ့ ဥပဒေ တွေကိုဖန်တီးလာခဲ့ပါပြီ။

ဒီဥပဒေ ၃ ခုကို ဘယ်သူတွေက တာဝန်ယူပြီး မူကြမ်းရေးသားပေးသလဲဆိုတဲ့ အချက်ကပဲ၊ ဒီအကြမ်းဖက်မှုရဲ့ဖော်ထုတ်မရ တဲ့နောက်ကွယ်ကကြိုးကိုင်သူ ဘယ်သူဖြစ်သလဲဆိုတဲ့ အချက်ကို ဖော်ထုတ်ဝန်ခံနေပါတယ်။ သူခိုးဟာ၊လူသတ်သမားဟာ သူ့ကိုယ်သူ သူခိုးပါ၊ လူသတ်သမားပါလို့ ထုတ်ဖော်ဝန်ခံခြင်းမပြုသလိုပါပဲ။ ကြံ့ဖွံ့အစိုးရဟာ အကြမ်းဖက်မှုများရဲ့ ဇာတ်ညွန်း/ဒါရိုက်တာ ဟာ သူတို့ သာလျှင်ဖြစ်တယ်ဆိုတာကို ဘယ်လိုလုပ်ပြီးဖော်ထုတ်ပြောဆိုပါ့မလဲ။ ဖော်ထုတ်မှာလဲ။

သို့သော်လည်း “ဘာသာရေး/လူမျိုးရေး အကြမ်းဖက်မှု သတို့သား” ကို ကြံ့ဖွံ့အစိုးရက “ဥပဒေ” ဆိုတဲ့ သဖူဆောင်းပေးလိုက် ခြင်းအားဖြင့် ဘယ်သူဘာလဲဆိုတာ လုံလောက်သွားပါပြီ၊ တိုင်ပေါ်အလံစိုက်လိုက်ပါပြီ။ ဒါဟာပြည်သူတွေရဲ့ အသက်သွေးချွေးစည်းစိမ် ဥစ္စာတွေမိုက်မိုက်ကန်းကန်း စတေးပြီး ဘာသာရေး/လူမျိုးရေး အကြမ်းဖက်ရှော်ဗင်ဝါဒကို ဗြောင်လုပ်ကြံဖန်တီးလိုက်ခြင်းဖြစ်ပါတယ်။

ဒီလို ဘာသာရေး/လူမျိုးရေး သွေးခွဲမှိုင်းတိုက်တဲ့လုပ်ရပ်တွေနဲ့ပဲ အတိုက်အခံပါတီကို တိုင်းရင်းသားလူမျိုးစုအချို့အကြား သပ် ရှိုထားပါတယ်။ ဗုဒ္ဓဘာသာကိုးကွယ်သူပြည်သူများနဲ့အစ္စလာမ်ဘာသာကိုးကွယ်သူပြည်သူများအကြား ရန်တိုက်ပေးထားပါတယ်၊ သံဃာ တော်များအတွင်းမှာလည်း (မဟန) ရှိနေပါလျက် (မဘသ)ကို ပွဲထုတ်ပြီး သံဃာချင်းဂိုဏ်းကွဲစေခဲ့ပါတယ်။

ဒီလိုဘာသာရေး/လူမျိုးရေးမှိုင်းတိုက်မှုအောက်မှာ“အနောက်ဖက်တံခါးလုံခြုံရေး၊ အရိုးနဲ့စည်းရိုးကားမယ်၊ ပြည်ပကကျူးကျော် လာခဲ့ရင် တပ်မတော်ကြီးအတူတိုက်ပွဲဝင်မယ်” ဆိုတဲ့ ငယ်သံပါတဲ့အော်ဟစ်သံတွေ ထွက်လာခဲ့ပါတယ်။ အမျိုးသားစီးပွားရေး ဆင်းရဲနုံ ချာလှတဲ့တိုင်းပြည်၊ပြည်ပနိုင်ငံပေါင်းစုံကိုမှီခို၊ လက်ယပ်ခေါ်၊ လက်ဖြန့်နေရတဲ့တိုင်းပြည်၊ အမျိုးသားသွေးစည်းမှု လုံးဝမရှိတဲ့ တိုင်းပြည်၊  ဘာသာရေးလူမျိုးရေးရန်တိုက်ပေးထားခြင်းခံရတဲ့တိုင်းပြည်၊ ခေတ်မီတပ်မတော်တစ်ခုရဲ့ကြန်အင်လက္ခဏာ ချို့တဲ့ကြုံလှီလှတဲ့ တိုင်း ပြည်ဟာ ဘယ် ပြည်ပရန်သူကိုမျှ ခုခံနိုင်မှာ မဟုတ်သလို အနိုင်တိုက်နိုင်ဖို့ဆိုတာလည်း မဖြစ်နိုင်ပါဘူး။

ကမ္ဘာ့ဗိုလ်ကြီးက “သေနတ်တစ်ချက်မဖောက်ရပဲ အိပ်ကပ်ထဲ ရောက်လာပြီ”လို့ ပြောတာကို မတုန့်ပြန်ဝံ့ဘဲ၊ အမြှီးကုပ်နေရ သူက (RSO)ကို ပြည်ပကျူးကျော်သူအဖြစ် အကျယ်ချဲ့ပြပြီး မျိုးချစ်စိတ်ဓါတ် ထက်သန်ပြနေတာကလည်း ရယ်စရာ ကောင်းလှပါတယ်။ စစ်တပ်က ကြွားသလိုနဲ့ တိုင်းရင်းသားလက်နက်ကိုင်များကို ချောက်လှန့်ထုတ်ပြနေတဲ့ စစ်လေယာဉ်၊ စစ်သင်္ဘော၊ တင့်ကား၊ အမြောက် ဆို တာတွေဟာ ခေတ်ဟောင်း၊ ဒိတ်လွန်တွေသာဖြစ်တယ်ဆိုတာ အိမ်နီးချင်းနဲ့ ဒေသတွင်း နိုင်ငံတွေက သိကြပါတယ်။

အထက်မှာရေးခဲ့သလို အုပ်စိုးသူအစိုးရဟာ သူတို့ကိုယ်တိုင်အကြမ်းဖက်မှုတွေမလုပ်တော့ဘူးလား။

လုပ်နေဆဲပါ။ ပြည်သူတွေကိုနည်းနာသစ်တွေနဲ့ ပိုပြီးထိထိရောက်ရောက်အကြမ်းဖက်ဖိနှိပ်နိုင်ဖို့ (EU)ရဲ့ပညာပေးမှု အစီအစဉ် တွေကို အပြင်းအထန် လေ့ကျင့်သင်ယူနေကြပါတယ်။ ကမ္ဘာသိ အကြမ်းဖက်မှုတွေနဲ့လက်စွမ်းပြခဲ့တဲ့ စစ်တပ်ကိုခေတ္တ အနားပေးထား ချိန်မှာ ရဲတပ်ဖွဲ့ကို “ လေ့ကျင့်ရင်းအကြမ်းဖက်၊ အကြမ်းဖက်ရင်းလေ့ကျင့်”ဆိုသလို လူထုဆန္ဒပြမှုတွေမှာ လက်စွမ်းပြခိုင်းစေနေပါတယ်။

သူတို့ဘဏ္ဍာရေးအသက်သွေးကြောကိုထိခိုက်စေတဲ့ လက်ပံတောင်းမှာ မီးလောင်ဗုံးနဲ့ပစ်တဲ့ကိစ္စမှာပဲကြည့်ပါ။ ကျူးကျော်နေ ထိုင်သူတွေပါဆိုပြီးဘူဒိုဇာနဲ့ထိုးကော်နေတာတွေ၊သန္တိသုခဘုန်းတော်ကြီးကျောင်းကို အချိန်မဟုတ်အခါမဟုတ်ဝင်ရောက်စီးနင်းခဲ့တဲ့ ပူပူ နွေးနွေး အကြမ်းဖက်တဲ့ လုပ်ရပ်တွေကိုကြည့်ရင် ကြံ့ဖွံ့အစိုးရရဲ့ သဘောထားနဲ့လုပ်ရပ်ကို ရှင်းလင်းစွာသိနိုင်ပါတယ်။

အုပ်စိုးသူများကတော့ အတိုက်အခံပါတီတွေအချင်းအချင်းအကြား၊ အတိုက်အခံပါတီတွေနဲ့ပြည်သူတွေအကြား၊ ပြည်သူတွေ အချင်းချင်းအကြား၊ ဘာသာရေး/လူမျိုးရေး သွေးထိုးရန်တိုက်ပေးထားခြင်းဖြင့် သူတို့အုပ်စိုးမှုလွယ်ကူလိမ့်မယ်။ ရေရှည်အုပ်စိုးထားနိုင် လိမ့်မယ်၊ သူတို့အပေါ် ပစ်မှတ်ထားနေတဲ့ နိုင်ငံရေး၊စီးပွားရေး၊ပညာရေး၊ ကျန်းမာရေးအစရှိတဲ့ ပြဿနာတွေကနေ ရှောင်လွှဲနိုင်မှာဖြစ် တယ်ဆိုတာ ကောင်းစွာသဘောပေါက်ထားတယ်။ ဒါကြောင့်လည်း အခုလို သွေးခွဲသပ်ရှိုမှုတွေကို နည်းလမ်းပေါင်းစုံနဲ့ နယ်ပယ် ပေါင်းစုံ ကနေ မိုက်မိုက်ကန်းကန်းလုပ်နေတာဖြစ်ပါတယ်။

ဒီလို အုပ်စိုးသူက လုပ်ကြံဖန်တီးနေတဲ့ အချက်ကို အတိုက်အခံပါတီများ၊ တိုင်းရင်းသားပြည်သူများက မသိမြင်ပဲ ရေလိုက်လွဲ နေသမျှတော့ အုပ်စိုးသူကိုဆန့်ကျင်ပြီး စစ်မှန်တဲ့ဒီမိုကရေစီနိုင်ငံ၊ စစ်မှန်တဲ့ဖက်ဒရယ်ပြည်ထောင်စုနိုင်ငံတည်ဆောက်ရေး ကလည်း ခရီးမတွင်ပဲဖြစ်နေပါလိမ့်မယ်။ အုပ်စိုးသူများအကြိုက်ပဲဖြစ်နေပါလိမ့်မယ်။

ဘာသာရေး/လူမျိုးရေး အဓိကရုဏ်း/အကြမ်းဖက်မှုတို့ဆိုတာတွေကို အုပ်စိုးသူများကသာ ဖန်တီးနိုင်တာ/အကျယ်ချဲ့နိုင်တာ ဖြစ်ပါတယ်။ ပေါ်စေ/ပျောက်စေဆိုတာ အုပ်စိုးသူတွေအပေါ်မှာသာတည်နေတာဖြစ်ပါတယ်။

အခုတော့ “ဘာသာရေး/လူမျိုးရေး အကြမ်းဖက်မှုသတို့သား”ကို ကြံ့ဖွံ့အစိုးရက “ဥပဒေ” ဆိုတဲ့ သဖူဆောင်းပေးလိုက်ပါပြီ။

ကြံ့ဖွံ့အစိုးရ ဖန်တီးနေတဲ့ “ဘာသာရေး/လူမျိုးရေးအကြမ်းဖက်ရှော်ဗင်ဝါဒ” ကို လူမျိုးပေါင်းစုံ၊ ဘာသာပေါင်းစုံပြည်သူများက ဝိုင်းဝန်းဆန့်ကျင်တိုက်ဖျက်ကြပါစို့။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

2 Responses to တူမောင်ညို – “ဥပဒေ သရဖူ” ဆောင်းလာတဲ့ ဘာသာရေးလူမျိုးရေးအကြမ်းဖက်မှုများ

  1. Thet Naing on July 5, 2014 at 5:27 am

    တရားခံအစစ်က စစ်အုပ်စုဆိုတာကို ကိုမျိုးချစ်တွေ မသိရုံမက အလိုတူအလိုပါ ဖြစ်နေကြပြီဗျာ။ အဲဒီအထဲမှာ ဓမ္မနဲ့ ဓားမကို မှားပြီးကိုင်ထားကြတဲ့ ဘုန်းကြီးတွေ၊ ဒီမိုနဲ့ လူ့အခွင့်အရေးလိုလို ဟန်ရေးပြနေတဲ့ ကျ ဉ်းမြောင်းတဲ့ အမျိုးသားရေးပါတီတွေ၊ ကုန်ကုန်ပြောရရင် ကျနော့အမျိုးထဲမှာတောင်ပါတယ်။ ဒီအမှားကို ၀ိုင်းဝန်းထောက်ပြ၊ ပြု ပြင်ပေးကြပါခင်ဗျာ။ ကျေးဇူးတင်ပါတယ်။

  2. uaarnandar on July 5, 2014 at 10:43 pm

    အဖျက်အမှောင့် ပယောဂတွေ ပုဆိန်ရိုးတွေလို့ သူတို့ပြောနေကျစကားကို ငှါးသုံးရပါတော့မယ်။ မဘသကတစ်မှောင့် ခင်ဝိုင်းကြည်တို့ကတစ်မှောင့် မဟနကတစ်မှောင့် ကြံ့ဖွတ်ကတစ်မှောင့် သိန်းစိန်တို့ကိုရွှေမန်းတို့က တစ်မှောင့်မှောင့် မျိုး စုံရောင်စုံလို့ပြောရပါတော့မယ်။ ဘယ့်နှယ်ဗျာ တိုင်းပြည်ကောင်းစားရေး အများအကျိုးသယ်ပိုးလုပ်ဆောင်နေကြတာကိုမှ အားမနာပါးမနာ မှောင့်ကြတာတွေ၊ ဒီအမှောင့်တွေကို တောထုတ်မှရတော့မှာပါ။

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

MoeMaKa Monthly July 2017 ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်