ဂျူနီယာဝင်း – နုိုင်ငံရေး နေ့စဉ်မှတ်တမ်း သုို့မဟုတ် သတင်းကာတွန်း

July 17, 2014

 

နုိုင်ငံရေး နေ့စဉ်မှတ်တမ်း သုို့မဟုတ် သတင်းကာတွန်း

ဂျူနီယာဝင်း၊ ဇူလိုင် ၁၇၊ ၂၀၁၄

ကာတွန်းဦးဖေသိန်းက သတင်းကာတွန်းတစ်ပုဒ် ဆွဲဖုို့အတွက် သတင်းစာကုို ဖတ်ရပါတယ်။ ဖတ်ပြီးတော့ သတင်းတွေရေးထားတာတွေထဲက တချိူ့သော သတင်းစာကြောင်းများကုို လေ့လာပါတယ်။ စာကြောင်းတစ်ကြောင်း နှစ်ကြောင်းတွေ့ရင် ဒါကုိုဦးတည်ပြီး ဒီစာကြောင်းများကုို သုံးပြီးကာတွန်းဆွဲပါတယ်။ နောက်တစ်နေ့သတင်းစာမှာ အဲသည်ဆွဲထားတဲ့ ကာတွန်းပါလာပါတယ်။ သတင်းစာဖတ်သူက ဒါကုိုတွေ့ပြီး တနေ့ကသတင်းစာထဲက သတင်းကုို ကာတွန်းဆွဲတာပါလားလုို့ သိမှာဖြစ်ပါတယ်။ သည်လုိုနဲ့ ဦးဖေသိန်းရဲ့ နေ့စဉ်သတင်းကာတွန်းတွေ ကုိုလူတွေက စိတ်ဝင်စားလာကြပါတယ်။

ဥပမာ – “ညောင်မြစ်တူးပုတ်သင်ဥပေါ်” ဆုိုတဲ့ မြန်မာစကားပုံ တစ်ခုကိုသုံးပြီး နုိုင်ငံရေးအခြေအနေတစ်ခုကုို တင်စားရေးထားတဲ့ သတင်းကုို ဦးဖေသိန်းက ကာတွန်းထဲမှာ တကယ်ပဲ ညောင်ပင်ကြီးအမြစ်ကုို တကယ်တူးနေကြတဲ့ပုံဆွဲပြ တာမျိူးပါ။ ဒါကုိုကြည့်ပြီး သတင်းရေးသူတော့ နောက်ကျရင် မြန်မာစကားပုံတွေ ထည့်သုံးရဲပါ့မလားပဲ။

၁၉ ၅၉  ခုနှစ် စက်တင်ဘာ ၁၇ ရက်နေ့ကသတင်းတစ်ပုဒ် – …

“ညောင်မြစ်တူး- ပုတ်သင်ဥပေါ်သော နုိုင်ငံရေးပြသနာတွေနှင့် တနုိုင်ငံလုံးတွင် ဓမ္မန္တရာယ်တွေကုို ရူံ့ချနေချိန်…..’’

ဆုိုတဲ့ သတင်းစာထဲက စာကြောင်းကုို ဦးဖေသိန်းက ညောင်ပင်ကြီးရဲ့အမြစ်ကုို လူဆုိုးသူခုိုးတွေ တူးဖော်နေကြတဲ့ပုံဆွဲထားပြီး နဘေးက သစ်ပင်စောင့်နတ်မင်းနှစ်ပါးက ဒါကုိုပြန်ပြောပြနေပုံ ပါ။

“ဓမ္မန္တရာယ်တွေလေ.. ဗေါဓိညောင်ပင်မှာ ပုပ်သင်ဥ ပေါ်အောင် ညောင်မြစ်တူးနေကြဒါ နတ်မင်းရဲ့ “

သတင်းစာထဲက စာကြောင်းတွေ သတင်းတွေဟာ အခုလုို ဆွဲထုတ်ပြီး ကာတွန်းဆွဲပြလုိုက်ပုံက ဟာသမြောက်လှပါတယ်။ ကာတွန်းလက်ရာ တစ်ခုကြောင့် စာဖတ်သူက မြင်သွားတယ်။ သည်စာကြောင်းကုို သည်လုိုသရုပ်ဖော်ပြလုိုက်တော့ ကာတွန်းဟာ သတင်းကာတွန်းဖြစ်သွားတယ်။

ဒီလုိုသာဆုိုရင် သတင်းကြေငြာသူတွေ သုံးသုံးနေတဲ့ စကားလုံးလှလှတွေ၊ သတင်းစာထဲက ရေးထားတဲ့ စကားပုံဆန်ဆန် စာကြောင်းတွေ ဟာလည်းပဲ သတင်းကာတွန်းတွေ အများကြီး ဖြစ်လာနိင်ပါတယ်။

ကာရီကေးချားဆုိုတဲ့  ကာတွန်းလက်ရာဟာလည်း သတင်းကာတွန်းတွေ အတွက်လူထုစိတ်ကြိုက် ဖြစ်လာပါတယ်။

ဥပမာ – ၁၉ ၅၉  စက်တင်ဘာ ၁၄ ရက်နေ့သတင်း မှာ အခုလုို ပါတယ်…။

“နုိုင်ငံတော် အစုိုးရကအလံနီ သခင်စုိုး ကြီးအားဖမ်းဆီးပေးလျှင် ဆုတော်ငွေ တသိန်းပေးမည်ဟု ကျေညာခြင်း။(သခင်သန်းထွန်း ဖမ်းမိလျှင် လည်းဆုတော်ငွေ တသိန်းထုတ်ခဲ့သည်။)

ဒါကုို ဆရာဦးဖေသိန်းက အလံနီ သခင်စုိုးနဲ့ သခင်သန်းထွန်တုို့ပုံ ကာရီကေးချား ဆွဲထားပြီး တစ်ယောက်နဲ့တစ်ယောက် ၀ုိုင်းကြီးပတ်ပတ်ပုံ လုိုက်ဖမ်းနေကြပုံ ပြထားတယ်။ သည်တော့ သခင်သန်းထွန်းက  အလံနီသခင်စုိုးကုို “မင်းကြောက်လုို့ထွက်ပြေးနေတာ မဟုတ်ဘူး။ မင်းမိရင် ဆုငွေတသိန်း ရမယ်ဆုိုလို့ မင်းကုိုလုိုက်ဖမ်းနေဒါ“ တဲ့။

အလံနီသခင်စုိုးကလည်း “ငါလဲမင်းလိုက်ဖမ်းလုို့ ပြေးနေတယ်မှတ်သလား။ မင်းမိရင် ဆုငွေတသိန်း ရမယ်ဆုိုလုို့ မင်းကုို လုိုက်ဖမ်းနေဒါ“ လုို့ တစ်ယောက်နဲ့တစ်ယောက် စက်ဝုိုင်းပုံ ပြေးလုိုက်နေကြပုံနဲ့ သူတုို့ ပြောဆုိုကြတဲ့စကားများ ထည့်သွင်းရေးဆွဲ ထားပါတယ်။

ဒါကုိုနားလည်ဖုို့အတွက် သတင်းစာထဲက သတင်းကုိုသိထားရမယ်။ အလံနီသခင်စုိုးဆုိုတာ ဘယ်သူ သခင်သန်းထွန်းဆုိုတာ ဘယ်သူ စသည်ဖြင့် သတင်းဖတ်နေသူက ဒါကုို ယဉ်ပါးနေသူ ဖြစ်ရင် သည်ကာတွန်းဟာ တော်တော်လေးကုို ဟာသမြောက်သွားမှာ ဖြစ်ပါတယ်။ သတင်းကုို ဖတ်ပြီး နုိုင်ငံရေးကုိုလည်း စိတ်ဝင်စားသူဖြစ်ရင်တော့ ကာတွန်းရဲ့ ကာရီကေးချားကုိုခံစားပြီး ပြုံးမိရယ်မိတဲ့ သတင်းကာတွန်း တစ်ပုဒ်အဖြစ် အသိအမှတ်ပြုကြ ပါလိမ့်မယ်။

သည်လုို ကာရီကေးချား ပုံများနဲ့ သတင်းကာတွန်းတွေ ရေးဖုို့ သတင်းစားထဲက သတင်းတွေ ကိုဖတ်ကာ နုိုင်ငံရေးသမားများ ရဲ့ ကာရီကေးချားပုံများ ကြည့်ရတာနဲ့ ကုိုပဲ သတင်းကာတွန်း တွေ ရေပန်းစားလာနုိုင်ပါတယ်။

နုိုင်ငံရေးသတင်း တစ်ပုဒ်ဖြစ်တဲ့ ၁၉ ၅၉  ထုတ် ဒီဇင်ဘာ၅ ရက်နေ့ မှာ

“ကျူပ်တုို့ တည်မြဲအစုိုးရ တက်လျှင် စသုံးလုံးကုို ဖျက်ပစ်မည်“

ဆုိုတဲ့ တည်မြဲခေါင်းဆောင် ဦးကျော်ငြိမ်း (သတင်းစာရှင်လင်းပွဲ) သတင်းဖြတ်ပုိုင်းကုို ဦးဖေသိန်းက “စ“ ဆုိုတဲ့စကားလုံး သုံးလုံးကုို မျက်လုံးကြီးတွေလုို လူသုံးဦးပုံရေးဆွဲထားတယ် ပြီးတော့ သူတုို့သုံးဦးက အနောက်တုိုင်းဝတ်စုံ (အဲသည်ဝတ်စုံက စသုံးလုံးတွေဝတ်တဲ့ ၀တ်စုံဖြစ်ပုံရ ပါတယ်။) ခါးထောက်ပြီး မျက်လုံးဒေါက်ထောက်ကြည့်နေပုံ ပေါ်အောင် “စ“ ကုိုထင်းနေအောင်ဆွဲပြထား တယ်။ သူတုို့ကြည့်နေတဲ့ နေရာဘက်မှာ လူတစ်ယောက် ခေါင်းမြီးချူံပြီး ကြောက်လွန်းလို့ တုန်ပြီး ထွက်ပြေးနေပုံဆွဲထားတယ်။ (အဲသည်ကြောက် နေတယ်ဆုိုတဲ့လူ ကုိုမျက်မှန်အနက်နဲ့ ဆွဲထားတာဟာလည်း အတွေးပွားစရာပါပဲ။)

သူက“စသုံးလုံးဆုို ကြောက်လွန်းလုို့ပါ“ တဲ့။

သည်တော့ သည်ကာတွန်းဖတ်တဲ့သူက စ သုံးလုံးတွေရဲ့ ပုံသဏာန်ကုို မျက်စိထဲ ထင်းနေအောင်မြင်သွား တယ်။ ရယ်ချင်စရာဖြစ်သွားတယ်။ ဟုိုလူလည်း ကြောက်လွန်းလုို့ စ သုံးလုံး ဆုိုိုတာလည်းပေါ်လွင်တယ်။ ဒီကာတွန်းလေးဟာ ပြောရရင် ရုိုးရုိုးလေးပဲ။ စ လုံးကုို မျက်လုံးကြီးနဲ့ လူ့ခေါင်းပုံဆွဲထားတာလေးက စိတ်ဝင်စားစရာကောင်းတယ်။ သူတုို့မျက်လုံးတွေကုို လူတွေဘယ်လောက်ကြောက်ကြရသလဲ ဆုိုတာကုို ကာတွန်းဆရာက ပေါ်အော်ဆွဲပြထားတာပဲ လုို့ခံစားမိတယ်။ ဒါဟာ နုိုင်ငံရေးစာလုံးတွေကုို သရုပ်ဖော်တဲ့ သတင်းကာတွန်းတစ်ပုဒ် ဖြစ်ပါတယ်။ သည်လုို စသုံးလုံးကို ဖျက်ပစ်မယ်လုို့ ဆုိုတာဟာ သူ့ဘက်ကုိုလူတွေ ပါလာအောင်မဲဆွယ်တဲ့ စကားပါပဲ။

ဒီနေရာမှာ ကောက်ချက်ချစရာက သတင်းကာတွန်းတွေဟာ သတင်းထဲက စာသားတွေကုို ကာတွန်းဆွဲတယ်။ နုိုင်ငံရေး တစ်ခုတည်းကုို ကွက်ပြီးဆော်တာမျိူး မဟုတ်ဘူး။ ပြီးတော့ လုိုက်အပြစ်ရှာပြီး ရေးတာမဟုတ်ပါဘူး။ လှောင်ပြောင်တာမျိူးလည်း မဟုတ်ပါဘူး။ ဒါဟာ ဦးဖေသိန်းရဲ့ မွေးရာပါ ကာတွန်း ပညာစွမ်းပါပဲ။

ဦးဖေသိန်းရေးတဲ့ သတင်းကာတွန်းတွေထဲမှာ ဘာမှဆွဲလုို့ မရနိုင်ဘူးလုို့ထင်ရတဲ့ မုိုးလေ၀သ သတင်းတောင်ပါပါတယ်။ ၁၉ ၆၀ ဇန်န၀ါရီလ ၂၉  ရက်နေ့မှာ ပါတဲ့ ကာတွန်းပါ။ ခေါင်းစဉ်ကုို “ထီးကုပ်ကုပ်ဆောင်း“ လုို့ပေးထားပါတယ်။

“ဇန်န၀ါရီ ၂၇ ရက် ရှမ်းပြည်နယ် မုိုးခေါင်ရေရှားရပ် မြစ်ဝကျွန်းပေါ် နှင့် တနင်းသာရီဒေသတုို့တွင် မုိုးထစ်ချူန်းရွာ၏။ ရန်ကုန်နှင့် အနီးတ၀ုိုက်တွင် မုိုးစွေရွေ့ အလွန်ဧမြကာ အုံ့ဆုိုင်းနေ၏။ ရွာသွန်းသော မုိုးရေချိန်မှာ ၀.၂၂ လက်မဖြစ်၏“

ဆုိုတဲ့မုိုးလေ၀သသတင်းကုို ဦးဖေသိန်း ဆွဲထားတာက ခမောက်ဆောင်းထားတဲ့ တောင်သူတောင်သားတစ်ဦးက ပြောနေပုံ …

“အချိန်အခါမဟုတ် မိုးရွာ တာဟာ တယောက်ယောက်က မကောင်းကြံနေလုို့ဘဲ“ ။

သူလှမ်းကြည့်နေတဲ့ နေရာမှာရှိ နေသူက အကျီအနက် ဘွတ်ဖိနပ်အနက် မျက်မှန်အနက် ထီးအနက်နဲ့ လူဆုိုးပုံသဏာန် နဲ့လူပါ။ မုိုးတွေကလည်း သည်းသည်းမဲမဲ ရွာနေတဲ့အခြေအနေပါ။ ဆုိုလုိုတာကတော့ သည်လုို စိတ်ကူးမျိူး နဲ့ဆွဲတတ်ဖုို့ဟာ ပညာပါပဲ လုို့ မြင်ပါတယ်။ ဇန်န၀ါရီလ ဆုိုတာ အမှန်တော့ ဆောင်းကာလပါ။ ဆောင်းပြီးရင် နွေရောက်ပါ့မယ်။ ဒီလုိုအချိန်အခါမှာ မုိုးရွာတယ် ဆုိုတဲ့မုိုးလေ၀သ သတင်းဟာ ထူးခြားပါတယ်။ ဒါကုို ဦးဖေသိန်းက စဉ်းစားပြီးရေးဆွဲတဲ့ ကာတွန်းပါပဲလုို့ ခံစားမိပါတယ်။

ပြီးတော့ ရုိုးရှင်းတဲ့ အတွေးနဲ့လည်း သတင်းကာတွန်းတွေ ဆွဲလုို့ရပါတယ်။

ဆန်းအော့ဖ် – တကျွန်းစံ ဆုိုတဲ့ကာတွန်း – ဆိုတာ တကျွန်းစံကျနေတဲ့သူရဲ့ သား ပေါ့။ ၁၉ ၅၉  ဒီဇင်ဘာလ ၂၆ ရက်နေ့မှာပါတဲ့ကာတွန်းပါ။ သတင်းက ဒီဇင်ဘာ ၂၃ ရက်သတင်းပါ။

“ကိုကိုးကျွန်းမှ နုိုင်ငံရေး အကျဉ်းသား များအား ဒီဇင်ဘာလ ၃၁ ရက်နေ့ မတုိုင်မီ ရန်ကုန် အရောက်ပြန်ခေါ်မည်။“ တဲ့။

ကလေးက ပျော်လုို့ကနေတဲ့ပုံနဲ့

“မုိုးရွာရင် မုိုးရေချိူးမယ် ဖေဖေလာရင် အုန်းသီးခွဲ စားမယ်“ သီချင်းဆုိုလုို့။

ဒီတော့ ကလေးရဲ့ဖခင်က ကုိုကုိုးကျွန်းမှာ ကျနေတဲ့အကျဉ်းသားဖြစ်မယ် သူ့အဖေလွတ်လာရင်တော့ ကိုကုိုးကျွန်းက အုန်းသီးတော့ပါ လာမှာပဲပေါ့။ ကုိုကုိုးကျွန်းမှာ အုန်းသီးကလွဲလို့ ဘာရှိလုို့လဲ။

အခုသည်ခေတ် သည်အခါမှာ သတင်းစာထဲက သတင်းစာကြောင်းတွေကုို ဖတ်ပြီး သတင်းကာတွန်းလေး များဖတ်လုိုက်ရရင် သတင်းစာဖတ် ပရိသတ်တော့ ဘယ်လောက် အသိဉာဏ်ပွင့် လင်းသွားလုိုက်လေမလဲ။ သည်လုိုကာတွန်းတွေ မဖတ်ဖူးရင် မဖတ်တတ်ရင် တော့ဆရာဦးဖေသိန်း၏ ရွေးကောက်ပွဲအထူး အုိုးဝေမှ အပတ်စဉ် ကာတွန်းများနှင့် ဥဒေတယံနေ့စဉ် ကာတွန်းများ စာအုပ်ကုို ဖတ်ကြည့်ရွေ့ လေ့လာကြပါလေ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဂျုနီယာဝင်း, အတွေးအမြင်

One Response to ဂျူနီယာဝင်း – နုိုင်ငံရေး နေ့စဉ်မှတ်တမ်း သုို့မဟုတ် သတင်းကာတွန်း

  1. Maung Zaw on July 17, 2014 at 5:08 am

    ကျေးဇူးတင်တယ် ဆရာမရေ
    အုိုးဝေမှ အပတ်စဉ် ကာတွန်းများနှင့် ဥဒေတယံနေ့စဉ် ကာတွန်းများ စာအုပ်
    အခုခေတ်မှာ ကာတွန်းဆရာများစွာ ပေါ်လာပါပြီ။ သူတို့အတွက် လက်စွဲစာအုပ်ပါ။

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)