ထင်အောင် – ကွေ့ မယ်ကိုင်ထား

August 27, 2014

– ကွေ့ မယ်ကိုင်ထား
သြဂုတ် ၂၇၊ ၂၀၁၄

ကျွန်တော်တို့ ငယ်စဉ်က လမ်းဆုံလမ်းခွ – ဘယ်ဘက်ထောင့်တွေမှာ အနီ၊ အဝါနဲ့ အစိမ်းရောင်ပါတဲ့ တိုင်တတိုင်ကိုစိုက်ထားတာကိုတွေ့ နိုင်ပါတယ်။ လမ်းတိုင်းရဲ့ထိပ်တိုင်းမှာရှိတာပါ။ ရန်ကုန်မြို့တွင်သာမက နယ်မြို့တွေမှာပါရှိနေတဲ့ အမှတ်အသားတိုင်လေးတွေပါ။ အဓိပ္ပါယ်က လမ်းဆုံရောက်ပြီ၊ အရှိန်လျော့၊ သတိထားဆိုတာကို သတိပေးထားတာပါ။ ကမ္ဘာနိုင်ငံကြီးတွေမှာတော့ လျှပ်စစ်အားသုံးပြီး အချက်ပြစံနစ် ကိုသုံးနေကြပြီ။ အနီပြရင်ရပ်၊ အဝါဆိုရင်အသင့်ပြင်၊ အစိမ်းပြရင်ထွက်တော့ ဆိုတဲ့ အဓိပ္ပါယ်ကိုလူတိုင်းသိနေကြပါတယ်။ သခင်ကြီးတို့ရဲ့ တိုင်းပြည်နဲ့ စာရင် တောသာသာအဆင့်သာရှိနေသေးတဲ့ ကျွန်တော်တို့ နိုင်ငံကို နီဝါစိမ်းတိုင်လေးနဲ့ အန္တရာယ်ကင်းအောင်သတိပေးတဲ့အကျင့်လေးလုပ်ပေးထားတာပါ။ ကားမောင်းတဲ့သူတွေ၊ မြင်းလှည်း၊ နွားလှည်းမောင်းသူတွေ၊ ဆိုက်ကားနင်းသူတွေ၊ လံချားဆွဲသူတွေအားလုံးက လမ်းဆုံရောက်ရင်ရပ်ရမယ်၊ ဘယ်ညာကို အန္တရာယ်ကင်းမကင်း ကြည့်ရမယ်၊ စိတ်ချရမှ ထွက်ရမယ်ဆိုတာကို သိထားကြပါတယ်။ လမ်းစည်းကမ်းယာဉ်စည်းကမ်းကို လံချားဆွဲသူကအစ သိရှိနားလယ်ပြီး လေးလေးစားစားလိုက်နာနေတာကိုသိနိုင်ပါတယ်။

လမ်းဆုံရောက်ပါက မိမိယာဉ်သည် တဲ့တဲ့ကို သွားနိုင်သလို၊ ဘယ်သို့မဟုတ် ညာဘက်ကိုလဲ ကွေ့ နိုင်ပါတယ်။ ဘယ်ဘက်ကိုပဲသွားချင်သွားချင်ရင် လမ်းဆုံရောက်ရမယ်ဆိုတဲ့ အသိရှိနေတာကိုက လမ်းစည်းကမ်းကိုလိုက်နာနေတာပါ။ ယာဉ်ကိုရပ်ဘို့ရန် အရင်ဆုံးအရှိန်ကို လျော့ချရပါတယ်။ အရှိန်လျော့သွားတာနဲ့ ယာဉ်မောင်းသူက မိမိကိုင်တွယ်နေသောယာဉ်ကို လိုသလိုထိန်းသွားနိုင်မှာဖြစ်ပါတယ်။ ခရီးသည်တွေ အတွက်အန္တရာယ်ကင်းသွားပြီဖြစ်ပါတယ်။ တိရစ္ဆာန်တွေနဲ့ သွားလာနေတဲ့ လှည်းတွေတောင် ရပ်လိုက်ခြင်းဖြင့် အန္တရာယ်ကင်းစေနိုင်ပါတယ်။

ယခုခေတ်မှာတော့ လမ်းဆုံတွေကတိုင်တွေ ပျောက်ကွယ်သွားပါပြီ။ တိုင်တွေအစား အနီရောင်နဲ့ ထင်မြင်အောင်ရေးသားထားတဲ့ ‘ရပ်’ ဆိုသော စာတမ်းပါတဲ့တိုင်လေးတွေကို စိုက်ထားပေးပါတယ်။ သဘောတရားက အတူတူပါပဲ။ လမ်းဆုံရောက်ရင်ရပ်ပါ – ဆိုတဲ့အဓိပ္ပါယ်ပါ။နောက်ပိုင်းမှာတော့ ‘ရပ်’ ဆိုတဲ့တိုင်လေးတွေတောင်မတွေ့ရတော့ပါဘူး။ လူတွေက စည်းကမ်းသိလွန်းတော့ ထားဖို့ မလိုတော့တာ ဖြစ်နိုင်ပါ တယ်။ ဒီကာလများမှာ ကားဆရာတွေရဲ့ပါးစပ်ဖျားက ‘ကွေ့ မယ်ကိုင်ထား’ ဆိုသော စကားသံခေတ်စားလာပါတယ်။ ဒီထက်ပိုလာတာက ‘မီးပ္ပိုင့်ဖြတ်မယ်- ကိုင်ထား …’ ဆိုတဲ့ စကားလုံးလေးပါ။ အဓိပ္ပါယ်က လမ်းဆုံရောက်ရင်မရပ်ဘူး၊ လမ်းရှင်းနေရင် အရှိန်နဲ့  ဆက်မောင်းမယ်၊ မရှင်းရင် ရုတ်တရက်ဘရိတ်ကို ဆောင့်အုပ်လိုက်မယ်။ ဒီအချိန်မှာ မကိုင်ထားတဲ့ခရီးသည်တွေ ယိမ်းယိုင်ပြီး လဲကျနိုင်တယ်ဆိုတာကို … စေတနာနဲ့ ကြိုတင် သတိပေးနေတဲ့စကားလုံးပါ။ စပယ်ယာရဲ့ သတိပေးစကားကိုမလိုက်နာလို့ လဲကျပြီး၊ ထိပ်ပေါက် ခေါင်းပေါက်ဒူးပြဲ လက်ကွဲဖြစ်ပြီး ဆေးရုံဆေးခန်းသွားရတဲ့သူတွေ များလှပါ ပြီ။ သူတို့ မဆင်မခြင်မောင်းနှင်မှုကြောင့် ရရှိသောဒဏ်ရာဝေဒနာများအတွက် တာဝန်ယူခြင်း လုံးဝမရှိခဲ့ပါ။ ဝေဒနာရသူများကို စပယ်ယာက သူ့သတိပေးနေတာကို နားမထောင်တဲ့အတွက်ဆူပူကြိမ်းမောင်းပါသေးတယ်။ ဆေးဘိုးဝါးခ အာမခံချက် ဘာမှမပေးသောစံနစ်ဖြင့် ပြေးဆွဲသောယာဉ်များဖြစ်နေပါတယ်။

လမ်းဆုံမှာအရှိန်မလျော့ပဲ လမ်းမကြီးပေါ်သို့ အတင်းထိုးဝင်မှုကြောင့် လမ်းမပေါ်မှသွားလာနေသောယာဉ်များကို ထိခိုက်နစ်နာမှုများ မကြာခဏဖြစ်လာကြပါတယ်။ ထိုအမှားကိုပြင်ဆင်မယ်လို့ စိတ်မကူးပဲ လမ်းဆုံမှာ ‘ကွေ့ မယ်ကိုင်ထား’ လို့ပြောနေတာက မှန်ကန်သော မောင်းနှင်နေတာလို့ တလွဲထင်နေကြပါတယ်။ ပိုဆိုးတာက လမ်းပိတ်ဆို့မှုပြေလည်အောင်ဆိုပြီး ပြုလုပ်ပေးလိုက်တဲ့ ကုန်းကျော်တံတားတွေ ပေါ်လာတာပါ။ အရေးပေါ်ကုန်းကျော်တံတားတွေရဲ့ပုံသဏ္ဏာန်က အရှိန်ပြင်းစွာမောင်းမဲ့ယာဉ်တွေကို အန္တာရာယ်မကင်းအောင်ဆောက်ထားတဲ့ ပုံစံဖြစ်နေပါတယ်။ ရွှေဂုံတိုင်ကုန်းတံတားပေါ်မှာ မျက်နှာခြင်းဆိုင်လမ်းကြောကနေ မောင်းတဲ့လိုင်းကားတွေရှိပါတယ်။ လမ်းကွေ့မှာ တဘက်ကလာတဲ့ကားကသာ ရုတ်တရက်ပေါ်လာရ င်ဘယ်လိုမှမရှောင်နိုင်တဲ့ အနေအထားပါ။ ကားချင်းမျက်နှာချင်းဆိုင်တိုက်မိနိုင်သလိုရှောင်ပြန်ရင်လဲ ခရီးသည်အပြည့်နဲ့ တံတားအောက်ကို ပြုတ်ကျသွားနိုင်ပါတယ်။ ကံဆိုးတာနဲ့ ကြုံနိုင်တဲ့ အောက်လမ်းကသွားနေတဲ့ကားတွေလူတွေ၊ အဆာက်အဦးတွေပါ ထိခိုက်ပျက်စီးနိုင်တဲ့ အနေအထားဖြစ်နေပါတယ်။ တကယ်တော့ လိုင်းကားတွေကို တံတားရဲ့အောက်လမ်းသာ သွားခိုင်းတာ အန္တရာယ်ကင်းပါလိမ့်မယ်။ ရုံးချိန်ကျောင်းချိန် rush hour မှာတော့ တံတားပေါ်ကသွားခွင့်ပြုရမှာပါ။ ဒီအချိန်က ကားတွေကြပ်နေတော့ လိုင်းကားတွေ ကျော်တက်တာ မလုပ်နိုင်ပါဘူး။ ဒါတောင်လစ်ရင်လစ်သလို တဘက်ယာဉ်ကြောကို လုမောင်း၊ ကျော်တက်တာ လုပ်နိုင်ပါသေးတယ်။

အခုအသစ်ဆောက်လုပ်မဲ့မြေနီကုန်းက ကုန်းကျော်တံတားမှာ လိုင်းကားတွေအောက်ကသွားနိုင်အောင် လမ်းနေရာကျယ်ကျယ်လေးချန်ထားဘို့ အကြံပြုချင်ပါတယ်။ ရွှေဂုံတိုင်တံတားပေါ်တက်သွားတဲ့အတွက် မူလရှိပြီးသား ရွှေဂုံတိုင်မှတ်တိုင်ဟာ ပျောက်ကွယ်သွားပါတော့တယ်။ လူအတက်အဆင်းများသော လမ်းဆုံနေရာ သံဃာတော်များ နာမကျမ်းဖြစ်ပါက ဆေးလာကုရသော ဇီဝိတဒါနဆေးရုံသို့လာပြသော သံဃာတော်များအတွက် သွားရေးလာရေး အင်မတန်အဆင်ပြေစေသောမှတ်တိုင် ပျောက်သွားတာ နှမျောစရာပါ။ ပိုဆိုးတာက ကုန်းပေါ်တက်ခါနီးကျရင် ကွေ့မယ်ကိုင်ထားလို့ အော်တဲ့အသံပါ။ တကယ်က ကုန်းတက်ကာနီးရင်အရှိန်လျော့၊ ဂီယာကိုချိန်းပြီး၊ သတိဝီရိယနဲ့ ဖြေးဖြေး မောင်းရမှာပါ။ အခုတော့ … ပါးစပ်ကအော်ဟစ်ပြီး ခြေထောက်က လီဘာဖိနင်းနေတာက အန္တရာယ်ကိုဖိတ်ခေါ်နေသလိုဖြစ်နေပါတယ်။ ယခုမြေနီကုန်းမှာလုပ်မဲ့ ကုန်းကျော်တံတားကြောင့် လူအသုံးများသောမြေနီကုန်းမှတ်တိုင်ပျောက်သွားနိုင်ပါတယ်။ စောစောကအကြံပြုထားသလို လိုင်းကားတွေကို တံတားအောက်မှ သွားစေပါက ခရီးသည်တွေအတွက် အဆင်ပြေနိုင်သလို ယာဉ်တွေလည်း ပြိုင်မမောင်းရနိုင်သဖြင့် ဘေးကင်းရန်ကင်း သွားနိုင်ပါတယ်။

နံနက်ကားကြပ်ချိန်နဲ့  ညနေကားရှုပ်ချိန်တွေမှာတော့ ကုန်းပေါ်ကနေပဲ သွားရပါမယ်။ ဒီအချိန်ပိုင်းမှာတော့ မှတ်တိုင်မှာ မရပ်ပေးနိုင်ပါဘူး။ ခရီးသည်တွေက လမ်းနဲနဲတော့လျှောက်ရပါမယ်။ တချို့ နိုင်ငံတွေမှာဆို လမ်းပြောင်းပြေးဆွဲတာတောင် ပြုလုပ်တတ်ကြပါတယ်။ ဒီလိုပြသနာတွေကင်းအောင် အကောင်းဆုံးက နှစ်ထပ်လမ်းတွေကို တည်ဆောက်ဘို့ လိုပါတယ်။ အောက်လမ်းက လိုင်းကားတွေ၊ အဌားကားတွေ မောင်းစေပြီး၊ အပေါ်လမ်းက ကိုယ်ပိုင်ကားတွေကို မောင်းခိုင်းလိုက်ရင်၊ ယာဉ်ကြောတွေချောင်သွားနိုင်ပါတယ်။

ခငိဗျားရေးတာက တယ်လွယ်တာကိုး … အခု BRTဆိုတဲ့ သုံးမိနစ်တစင်းလာမဲ့ကားတွေ ပြေးဘို့ - တတ်နိုင်သူတွေက သန်းနဲ့ချီ ရင်းနှီးမြူတ်နှံတဲ့ စီမံချက်ကြီးကို လုပ်နေကြပါပြီ။ ဒီလိုကားကြီးတွေကို ‘ကွေ့မယ်ကိုင်ထား’ ဆိုတဲ့ ယာဉ်ကိုမောင်းတဲ့သူတွေ၊ အော်ဟစ်သတိပေးနေတဲ့ ယာဉ်နောက်လိုက်စပယ်ယာတွေ ရှိနေသမျှကာလပတ်လုံး ခရီးသည်တွေ ဘုရားစာတွေရွတ်ဖတ်ရင်း၊ အန္တရာယ်ကင်းအောင် ဆုတောင်းမေတ္တာပို့ စီးနေရတဲ့ကာလတွေ ရှိနေအုန်းမှာဆိုတာကို ယာဉ်စည်းကမ်းထိန်းသိမ်းနေတဲ့ ပုဂ္ဂိုလ်ကြီးသိသင့်တယ်လို့  သတိပေးတင်ပြလိုက်ပါတယ်။
Photo Credit – www.oilseedcrops.org 1000 × 514Search by image

Yangon Myanmar Traffic Jam Paya Road Image David DuByne


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဝေဖန်ရေးရာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments