ရန်နောင်(ဗိုလ်တထောင်) – အထက်ပေါင်းလောင်းရေအားလျှပ်စစ်စီမံကိန်း မြင်တွေ့ကြားသမျှ

August 27, 2014

 

ရန်နောင်(ဗိုလ်တထောင်) – အထက်ပေါင်းလောင်းရေအားလျှပ်စစ်စီမံကိန်း မြင်တွေ့ကြားသမျှ
သြဂုတ် ၂၇၊ ၂၀၁၄

အထက်ပေါင်းလောင်းရေအားလျှပ်စစ် စီမံကိန်းကို နေပြည်တော် ပျဉ်းမနားမြို့၏ အရှေ့ဘက် ၂၆ မိုင်ကွ်ာလက်ရှိ ပေါင်းလောင်းရေအားလျှပ်စစ်ဓါတ်အားပေးစက်ရုံ၏ အထက်ဘက် (၁၅) မိုင်ခန့်အကွာ ပေါင်းလောင်းမြစ်ပေါ်တွင် တည်ဆောက်လျက်ရှိသည့် စီမံကိန်းသည် ယခုအခါ ၉၅.၅၀ % အထိပြီးစီးနေပြီဖြစ်သည်။

အထက်ပေါင်းလောင်းစီမံကိန်းအား နိုင်ငံတော်ပိုင်ငွေကြေးဖြင့် ရင်းနှီးမြှပ်နှံ၍ လျှပ်စစ်စွမ်းအားဝန်ကြီးဌာန ၊ ရေအားလျှပ်စစ်အကောင်အထည်ဖော်ရေးဦးစီးဌာနလက်အောက်ရှိ အင်ဂျင်နီယာဝန်ထမ်းများဖြင့် တည်ဆောက်ခဲ့ခြင်းဖြစ်သည်။ ၂၀၀၅ ခုနှစ်တွင် တမံနှင့် ဆက်နွယ်ရေအားအဆောက်အအုံများ ဒီဇိုင်းပုံစံထုတ်လုပ်နိုင်ရန်အတွက် မြေပြင်တိုင်းတာမှုလုပ်ငန်းများ၊ဘူမိဗေဒဆိုင်ရာ မြေစမ်းသပ်မှုလုပ်ငန်းများဆောင်ရွက်ခဲ့ပြီး ၂၀၀၈ ခုနှစ်တွင် ရေလွှဲဥမင်လိုဏ်ဖြင့် မြစ်ရေလွှဲခြင်း လုပ်ငန်းကို အောင်မြင်စွာ ဆောင်ရွက်နိုင်ခဲ့သည်။

အထက်ပေါင်းလောင်းရေအားလျှပ်စစ်စီမံကိန်း အကောင်အထည်ဖော်ရာတွင် အခြားစီမံကိန်းများကဲ့သို့ မဟုတ်ဘဲ ထူးခြားချက်အနေဖြင့် ရေလှောင်တမံ ရေဝပ်ဧရိယာအတွင်း ကျရောက်နေသည့် ကျေးရွာအုပ်စု (၂)ခု၊ ကျေးရွာပေါင်း (၂၃) ရွာအား ရွှေ့ပြောင်းပေးခြင်းနှင့် ပြန်လည်ထူထောင်ပေးခြင်းလုပ်ငန်းများကို စီမံကိန်းလုပ်ငန်းကြီးတစ်ခုကဲ့သို့ ဆောင်ရွက်ပေးခဲ့ပါသည်။

“ အဲ့ဒီ ရွှေ့ပြောင်းပေးတဲ့ အချိန်တုန်းက ကျေးရွာသူ၊ကျေးရွာသားများ အဆင်ပြေချောမွေ့စွာပြောင်းရွှေ့နိုင်ရေးအတွက်ကို ကားကြီးတွေစီစဉ်ပေးပြီး လုပ်ပေးခဲ့တာပါ၊ သူတို့ ရဲ့ အိမ်တွေပြောင်းပြီး အသစ်ပြန်လည်တည်ဆောက်တဲ့အခါမှာလည်း စိတ်ကြိုက်သယ်နိုင်သလောက်  သယ်ပြီး တဲ့ သစ်ဝါးတွေနဲ့ အိမ်တွေဆောက်တဲ့သူကဆောက်ကြပါတယ်။ သူတို့လိုအပ်တဲ့ပစ္စည်းတွေဝယ်ဖို့လည်း ဈေးကားကို စီစဉ်ပေးခဲ့ပါတယ်” ဟု လျှပ်စစ်စွမ်းအားဝန်ကြီးဌာန ဒုတိယဝန်ကြီး ဦးမော်သာအေး မှ ရွှေ့ပြောင်းကျေးရွာသစ်များ၏ သံဃာတော်များအားဝါဆိုသင်္ကန်းနှင့် ဆွမ်းဆန်တော်ကပ်လှူပွဲအခမ်းအနားအပြီးတွင် ပြုလုပ်သော သတင်းမီဒီယာထုတ်ပြန်ရှင်းလင်းပွဲ တွင် ပြောကြားခဲ့သည်။

အထက်ပါအချက်များအပြင် လယ်။ယာ၊ကိုင်း/ကျွန်းနှင့် ဥယျာဉ်ခြံမြေပိုင်ဆိုင်ခြင်းမရှိသည့် လက်လုပ်လက်စားများအတွက် သီးခြားထောက်ပံ့စရိတ်အဖြစ် အိမ်ထောင်စုတစ်စုလျှင် ကျပ်(၃)သိန်းစီ၊ အိမ်ယာမပိုင်ဆိုင်သည့် ယာယီအခြေချ၍ လုပ်ကိုင်စားသောက်နေသော လမ်းဘေးဈေးဆိုင်များအတွက် ထောက်ပံ့စရိတ်အဖြစ် အိမ်ထောင်စုတစ်စုလျှင် ကျပ်(၂)သိန်းစီ ထောက်ပံ့ပေးခဲ့သည်။ ကျေးရွာသူ၊သားများနှင့် ညှိနှိုင်းကာ လယ်တစ်ဧကလျှင် ၁သိန်းခွဲနှင့် လယ်သစ်ဖော်ထုတ်မှုစရိတ် ၆သောင်း ပေါင်းပြီး ငါးနှစ်စာ ၄သိန်းခွဲကိုလည်းထုတ်ပေးခဲ့သည်။ကျေးရွာသူ၊သားများ ခြံအတွင်း ရှိ နှစ်ရှည်သီးပင်၊စားပင်များအားလည်း ထောက်ပံ့ကြေးများပေးခဲ့ပါသည်။စုစုပေါင်း ထောက်ပံ့ကြေး သန်းပေါင်း တစ်ထောင်ကျော် ပေးအပ်ခဲ့ပြီးဖြစ်သည်။

ကျေးရွာသစ်များသို့ ရွှေ့ပြောင်းနေထိုင်ပြီးနောက် အထက်ပေါင်းလောင်းစီမံကိန်းမှ ထွက်ရှိလာမည့် လျှပ်စစ်ဓါတ်အားကိုလည်း ကျေးရွာသစ်များအရောက် တိုက်ရိုက်သွယ်တန်းဖြန့်ဖြူးပေးနိုင်ရေးကိုလည်း တစ်ပြိုင်နက်တည်း ဆောင်ရွက်ပေးခဲ့သည်။

“တကယ်တော့ ကျွန်တော် ကျေးရွာ၊ကျေးရွာလို့ပြောနေသော်လည်း နောင်အခါမြို့တစ်မြို့ ဖြစ်လာမှာပါ” ဟုလည်း ဒုဝန်ကြီးက ပြောပြခဲ့သည်။ ထို့အပြင် စိုက်ပျိုးမြေများမှ ထွက်ရှိလာမည့် ကောက်ပဲသီးနှံများ အလွယ်တကူရောင်းဝယ်နိုင်ရေးအတွက် ကျေးရွာသစ်များအနီးတွင် ကုန်စည်ဒိုင်တစ်ခုကိုလည်း ဖွင့်လှစ်ပေးသွားနိုင်ရန် စီစဉ်ထားရှိသည်။

သို့ဖြစ်ရာ အထက်ပေါင်းလောင်းရေအားလျှပ်စစ်စီမံကိန်းသည် နိုင်ငံတော် ရန်ပုံငွေဖြင့် အပြည့်အဝရင်းနှီးမြှပ်နှံ၍  လျှပ်စစ်စွမ်းအားဝန်ကြီးဌာနမှ တာဝန်ယူတည်ဆောက်ပေးခဲ့သော စီမံကိန်းကြီးဖြစ်ပြီး ထွက်ရှိလာသည့်ဓါတ်အားများကိုလည်း ပြည်တွင်းတွင် သုံးစွဲရန်အတွက် ဖြန့်ဖြူးပေးနိုင်တော့မည်ဖြစ်သည်။

(အမှတ်(၁) တည်ဆောက်ရေး စီမံကိန်းဦးစီးဌာန ညွှန်ကြားရေးမှူး ဦးအောင်ဇော်မင်း )

အထက်ပေါင်းလောင်းစီမံကိန်းသည်  နှစ်စဉ်ပျမ်းမျှ စီးဝင်ရေ ၂ ၁၀၆ ၅၀၀ ဧကပေ ရှိပြီး ကန်ရေပြည့် ရေလှောင်ပမာဏ မှာ ၁၀၄၂၇၀၀ ဧက ပေ ရှိသည်။ တစ်နှစ်လျှင် ပျမ်းမျှထုတ်လုပ်နိုင်သည့်အားမှာ ၄၅၄ သန်းကီလိုဝပ်နာရီဖြစ်ပြီး စီမံကိန်းစက်တပ်ဆင်အင်အားမှာ ၁၄၀ မဂ္ဂါဝပ် ဖြစ်သည်။ ရေစတင်သိုလှောင်သည့် အချိန်မှာ ၂၀၁၄ ခုနှစ် ဇူလိုင်လ (၁၆) ရက်နေ့တွင်ဖြစ်ပြီး ၂၀၁၅ ခုနှစ်တွင် စီမံကိန်းပြီးဆုံးမည်ဖြစ်သည်။အထက်ပေါင်းလောင်းစီမံကိန်းအတွက် ဘတ်ဂျက်ငွေသန်းပေါင်း ၃၁၂ ဘီလီယံ သုံးစွဲရန် သတ်မှတ်ထားသော်လည်း လောလောဆယ်တွင် ၂၈၀ ဘီလီယံသာကုန်ကျသုံးစွဲထားသေးကြောင်းလည်း အမှတ်(၁) တည်ဆောက်ရေး စီမံကိန်းဦးစီးဌာန ညွှန်ကြားရေးမှူး ဦးအောင်ဇော်မင်း က ရှင်းလင်းပြောပြခဲ့သည်။တရုတ်နိုင်ငံမှ စက်ပစ္စည်းများ ကိုအသုံးပြုထားပြီး တမံကို နည်းပညာပိုင်းကျွမ်းကျင်သော ဆွစ်ဇာလန်နိုင်ငံမှ ကိုလံဘိုကုမ္ပဏီ၏ နည်းပညာများဖြင့်တည်ဆောက်ထားခြင်းဖြစ်သည်။ ယခုအခါ တရုတ်နိုင်ငံ မှ ကျွမ်းကျင်ပညာရှင်များက စက်ပစ္စည်းများကို တပ်ဆင်နေသည်ကိုလည်းတွေ့မြင်ခဲ့ရပါသည်။

(ရှမ်းပြည် ပြည်ထောင်စုဝန်ကြီး ဦးစိုင်းထွန်းရင်)

မြန်မာနိုင်ငံသည် အရှေ့တောင်အာရှနိုင်ငံများအနက် ရေအရင်းအမြစ်များကို စောစီးစွာ အသုံးချခဲ့ပြီး အနော်ရထာမင်းလက်ထက်တွင် ဆည်မြောင်းစနစ်ဖြင့် ရေသွယ်ယူ၍ စိုက်ပျိုးရေးလုပ်ငန်းများအတွက် စတင်အသုံးပြုခဲ့ပါသည်။၁၈၉၈ ခုနှစ်တွင် ဧရာဝတီမြစ်၏ လက်ဝဲဘက်မြစ် လက်တက်တစ်ခုဖြစ်သည့် ချောင်းမကြီးချောင်းအတွင်းသို့ စီးဝင်သည့် မိုးကုတ်မြို့အား ဖြတ်သန်းစီးဆင်းနေသည့် ရေနီချောင်းပေါ်တွင် တပ်ဆင်စက်အင်အား (၄၈၀) ကီလိုဝပ်ရှိသည့် အသေးစားရေအားလျှပ်စစ်စက်ရုံတစ်ရုံ တည်ဆောက်၍ လျှပ်စစ်ဓါတ်အားထုတ်ယူခြင်းလုပ်ငန်းကို စတင်ဆောင်ရွက်နိုင်ခဲ့ပါသည်။ ထို့နောက် ၁၉၆၁ ခုနှစ်တွင် ကယားပြည်နယ် လွိုင်ကော်မြို့ အနီး ဘီလူးချောင်းပေါ်၌ ဘီလူးချောင်းအမှတ်(၂) ရေအားလျှပ်စစ် စက်ရုံကို တပ်ဆင်စက်အင်အား (၈၄) မဂ္ဂါဝပ်ဖြင့် တည်ဆောက်ပြီးစီးခဲ့ပြီး ရေအားလျှပ်စစ်ဓါတ်အားပေး စက်ရုံ စီမံကိန်းများ အဆက်မပြတ်ဆောင်ရွက်ခဲ့ရာ ယခုအခါတွင် ရေအားလျှပ်စစ်တပ်ဆင်စက်အင်အားစုစုပေါင်း (၂၉၂၉) မဂ္ဂါဝပ်သို့ ရောက်ရှိလာခဲ့ပြီး တစ်နိုင်ငံလုံး ဓါတ်အားထုတ်လုပ်မှု၏ (၇၄) % ခန့်ရှိပြီ ဖြစ်သည်။

 

 

 

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Yan Naung (Bo Ta Htaung), သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)