ငြိမ်းချမ်းအေး – အာဏာရှင်စနစ် ရဲ့ လက္ခဏာရပ်များ

September 3, 2014

ငြိမ်းချမ်းအေး – အာဏာရှင်စနစ် ရဲ့ လက္ခဏာရပ်များ
စက်တင်ဘာ ၃၊ ၂၀၁၄
 
 

• လမ်းစဉ် တသွယ်၊ ပါတီ တခု၊ ခေါင်းဆောင် တယောက်
အာဏာရှင်စနစ်မှာ ခေါင်းဆောင် တဦး၊ ကိုယ်စားပြုတဲ့ ပါတီ တခု၊ စိတ်တိုင်းကျ ဖော်ဆောင်တဲ့ လမ်းစဉ် တမျိုးတည်းသာ တစိုက်မတ်မတ် ကြီးစိုးလေ့ရှိတယ်။  တချို့ အာဏာရှင်တိုင်းပြည်တွေမှာ ပါတီငယ် တချို့ကို ဟန်ပြ တည်ထောင်ခွင့် ပေးထားလေ့ရှိပေမယ့် မရှင်သန် မကြီးထွားစေဖို့ရာ အဘက်ဘက်ကနေ နှိပ်ကွပ် ထားတယ်။  ဒါကြောင့် ခေါင်းဆောင်နဲ့ သူ့ပါတီ သာ နိုင်ငံကို ကိုယ်စားပြုနိုင်တဲ့ ပြယုဂ်၊ စုစည်း ညီညွှတ် ရှင်သန် ကြီးထွားရာ နိုင်ငံရဲ့ အခြေခံအုတ်မြစ်၊ အနာဂတ်လမ်း ဆိုတဲ့ သဘောမျိုး ဖြစ်သွားတယ်။

• လူတဦးချင်းရဲ့ လွတ်လတ်မှု ပျောက်ကွယ် ဆိတ်သုဉ်းခြင်း
အာဏာရှင်စနစ်မှာ “နိုင်ငံတော်” ဆိုတဲ့ “စိတ္တဇ” ကို မြှင့်တင်ထားပြီး လူထုရဲ့ကဏ္ဍ ကို လျှော့ချထားတယ်။  စိတ်တိုင်းကျ ပြဋ္ဌာန်းထားတဲ့ မတရားတဲ့ ဥပဒေ ဆိုတာတွေရဲ့ အချုပ်အနှောင်ကို ခံရလေ့လည်း ရှိတယ်။  ဒီသဘောမှာ လူတဦးချင်းရဲ့ လွတ်လပ်စွာ ပြောဆို စည်းရုံးခွင့်၊ အဖွဲ့အစည်း ထူထောင်ခွင့် နဲ့ စာနယ်ဇင်း လွတ်လပ်ခွင့်တွေဟာ လုံးဝ ဆိတ်သုဉ်း သွားတယ်။  ပညာရေး စနစ်နဲ့ လူထု ကြားခံမီဒီယာများကို သွတ်သွင်းလိုတဲ့ အယူဝါဒ ဖြန့်ချိဖို့ သက်သက် အသုံးချတယ်။

• ပြည်သူ့ဘဝ လုံခြုံမှု မဲ့ခြင်း
အာဏာရှင်စနစ်မှာ အာဏာပိုင် နဲ့ လက်ပါးစေတွေဟာ အာဏာကို အတိုင်းအဆမရှိ ကျင့်သုံးခွင့်ရှိတယ်။  ဥပဒေပြုရေး၊ တရားစီရင်ရေး နဲ့ ဥပဒေကို ကိုယ်စားပြုတဲ့ အဖွဲ့အစည်းတွေဟာလည်း အာဏာရှင် ရဲ့ လက်အောက်၊ သူတို့ စိတ်ကြိုက်သာ ရပ်တည် ရတဲ့အတွက် လူထုမှာ ခိုကိုးရာမဲ့ ဖြစ်နေတတ်တယ်။  ဥပဒေ စိုးမိုးမှု မရှိခြင်းနဲ့ အတူ လူထုဟာ တရားမဲ့ ရှာဖွေ ဖမ်းဆီး အပြစ်ပေး ထောင်ချခံရခြင်းတွေကို နေ့စဉ်ကြုံတွေ နေရလေ့ရှိတယ်။

• စစ်တပ် နဲ့ စစ်ပွဲတွေရဲ့ အခန်းကဏ္ဍ ကို မြှင့်တင်ခြင်း
အာဏာရှင်စနစ်မှာ စစ်တပ်ဟာ တိုင်းပြည်ရဲ့ အရေးကြီးဆုံးအဖြစ် ပုံဖော်ထားပြီး အခွင့်ထူး ခံတယ်။  စစ်ပွဲဖော်ဆောင်ခြင်းဟာ တည်ငြိမ်မှု နဲ့ ငြိမ်းချမ်းရေးကို တည်ဆောက်နေခြင်း ဖြစ်တယ်ဆိုတဲ့ အတွေးအခေါ်ကို ဦးထိပ်ထားလေ့ရှိတယ်။  စစ်အင်အား ကြီးမားအောင် ဆောင်ရွက်ပြီး နိုင်ငံကို မြှင့်တင် နိုင်တယ်လို့ ယူဆလေ့ရှိတယ်။  “တပ်မတော် အင်အားရှိမှ တိုင်းပြည် အင်အားရှိမည်” ဆိုတဲ့ သဘောမျိုးပေါ့။  ဟစ်တလာ့ အလိုအရတော့ “အဆုံးစွန်သော စစ်ပွဲတွေကို ဖော်ဆောင်ခြင်းဖြင့် တိုင်းပြည် နဲ့ လူမျိုးဟာ ကြီးကျယ် မြင့်မြတ်စေတယ်၊ ငြိမ်းချမ်းရေး နည်းလမ်းဟာ တိုင်းပြည်ကို ပျက်စီးစေတယ်” ဆိုတယ်။  ဒါပေမယ့် ဒုတိယကမ္ဘာစစ်မှာ နာဇီဖက်ဆစ်နိုင်ငံများ ပျက်စီးခဲ့ရခြင်း လက်သည်က တော့ “စစ်ဝါဒ” ဆိုတာ သမိုင်းက သက်သေပြုခဲ့ပြီးပါပြီ။

• ဘုံရန်သူ အဖြစ် အကြောင်းအရာ တခုခုကို မွေးမြူ ဖန်တီးခြင်း

အာဏာရှင်စနစ်မှာ လူမျိုး/ဘာသာကွဲ အုပ်စု တခုခုကို နိုင်ငံရဲ့ ရန်သူအဖြစ် ဗဟိုပြု ရန်ပြု တိုက်ခိုက် ဖိနှိပ် ချုပ်ခြယ်တယ်။  နိုင်ငံရေး ဝါဒ မတူတဲ့ အုပ်စု တခုခုကိုလည်း အန္တရာယ် အဖြစ် လူထုကြား ထင်မှတ်မှားအောင် ဝါဒဖြန့်လေ့ရှိတယ်။  နာဇီဂျာမဏီ ခေတ်မှာ ဂျူးတွေနဲ့ ကွန်မြူနစ်တွေကို ရန်သူအဖြစ် ပုံဖော်တဲ့ သဘောပါပဲ။  ဗမာပြည်မှာ စစ်အစိုးရ အဆက်ဆက် နိုင်ငံရေးနဲ့ ဖြေရှင်းရင် အလွယ်ဖြေရှင်းလို့ ရနိုင်တဲ့ လူမျိုးစုရေးရာ၊ အယူအဆရေးရာ ပြဿနာများကို မဖြေရှင်းဘဲ စစ်ရေးနည်းသာသုံး မြွေမသေ တုတ်မကျိုး ရန်သူမွေးထားပြီး ပြည်တွင်းစစ်မီး တငွေ့ငွေ့ ဆက်စေခဲ့တဲ့ သဘောနဲ့ လည်း အတူတူပါပဲ။  တကယ် အန္တရာယ် မပြုနိုင်တဲ့ ရန်သူကို မွေးရင်း နှိမ်နင်းဖို့လိုတယ်ဆိုတဲ့ အကြောင်းပြချက်နဲ့ လည်း အာဏာရှင်စနစ်ရဲ့ ဒေါက်တိုင် စစ်တပ်အင်အားကို အဆက်မပြတ် တိုးချဲ့နိုင်ကာ အာဏာသက်ဆိုးရှည်အောင် ကြံဆောင်တယ်။

• အမျိုးသား လုံခြုံရေး အခန်းကဏ္ဍ ကို အလွန်အကျွံ မြှင့်တင်ခြင်း
“ပြည်တွင်း/ပြည်ပ အဖျက်သမားများအား ဘုံရန်သူ အဖြစ် သတ်မှတ် ချေမှုန်းကြ”၊ “တပ်မတော်သည် အမျိုးသားရေးကို ဘယ်တော့မှ သစ္စာ မဖောက်” စတဲ့ ဆောင်ပုဒ်တွေကို ရှေ့တန်းတင် ကြွေးကြော်လေ့ရှိတယ်။  နိုင်ငံရဲ့ အချုပ်အခြာ အာဏာ ကို ပြည်ပကနေ ခြိမ်းခြောက်နေတယ်၊ စစ်တပ်ကို ဗဟိုပြုတဲ့ အာဏာရှင်စနစ်ကသာ တိုင်းပြည်ရဲ့ ပြည်ပ ရန်တွေကို တွန်းလှန် ဖယ်ရှားနိုင်တယ် အစရှိသလို လူထု ကို ဝါဒဖြန့် ယုံမှတ်မှားစေတယ်။  ဒီလိုနဲ့ အာဏာရှင် တိုင်းပြည်တွေဟာ နိုင်ငံခြားအမုန်းရောဂါ စွဲကပ်ကာ တံခါးပိတ်ဝါဒသာ ကျင့်သုံးတယ်။  အကျိုးဆက် ဖွံ့ဖြိုးတိုးတက်မှု၊ ကမ္ဘာမှာ လူဝင်ဆန့်နိုင်မှု နည်းပါးလာကာ ကျန်းမာ၊ ပညာ၊ လူမှု၊ စီးပွား ချွတ်ခြုံကျ ပျက်စီး ရလေ့ရှိတယ်။  အကောင်းဆုံး ဥပမာ – အာရှတိုက်ရဲ့ အလားအလာ အကောင်းဆုံး၊ ဖွံ့ဖြိုးတိုးတက်လာနိုင်မှု အရှိဆုံး တိုင်းပြည် ကနေ အာဏာရှင်စနစ်ဆိုး ကြောင့် အထီးကျန်ဖြစ်ရင်း ကမ္ဘာ့ အဆင်းရဲဆုံးအဖြစ် ထိုးဆင်း သွားခဲ့ရတဲ့ ဗမာပြည်ပါ။

• မဟာ ဖို ဝါဒ ကျင့်သုံးခြင်း
အာဏာရှင် စနစ် တိုင်းပြည်တွေရဲ့ အစိုးရ၊ နိုင်ငံရေး နဲ့ လူမှုအဖွဲ့အစည်းတွေမှာ အမျိုးသမီး တွေရဲ့ အခန်း ကဏ္ဍ ကို အရေးမပေး ခွဲခြား ဆက်ဆံ နှိမ်ချ လေ့ရှိတယ်။  ဒီသဘောကို ဘာသာရေးနဲ့ လူမှုထုံးတမ်း အရ ဒေသတွင်း အိမ်နီးချင်းများထက် သာလွန်တဲ့ အမျိုးသမီး အခွင့်အရေး အစဉ်အဆက် ရှိခဲ့တဲ့ ဗမာပြည် မှာ လက်ရှိ အာဏာရှင်စနစ်ဆိုးဒဏ်ကြောင့် လူမှု၊ စီးပွား နဲ့ အထူးသဖြင့် နိုင်ငံရေး ၊ အုပ်ချုပ်ရေးမှာ အမျိုးသမီးတွေ ခွဲခြား ဖိနှိပ်၊ နေရာမရဖြစ်နေတဲ့ အခြေအနေက ကောင်းကောင်း ပုံပေါ်စေတယ်။

• လူမျိုးကြီး ဝါဒ ကျင့်ကြံ အားထုတ် ဖော်ဆောင်ခြင်း
အာဏာရှင်တိုင်းပြည်တွေမှာ လူအများစု ထောက်ခံမှု ရရှိစေဖို့အတွက် “ငါဒို့သာ မြင့်မြတ်တဲ့ လူမျိုးကြီးတွေ” ဖြစ်တယ် ဆိုတဲ့ သဘောကို အင်တိုက်အားတိုက် ဝါဒဖြန့် မြှင့်တင် ပြောဆိုလေ့ရှိတယ်။  ဟစ်တလာ ဟာ မြင့်မြတ်တဲ့ အာရီယန် မျိုးနွယ် ဂျာမန်တွေကသာ အကြီးကျယ်ဆုံး ဆိုပြီး ဝါဒဖြန့်ရင်းနဲ့ လူထု ရဲ့ အသည်းနှလုံးတွေကို သိမ်းပိုက် ဖမ်းစား နိုင်ခဲ့တယ်။  မူဆိုလီနီ ကလည်း ရှေးရိုမန် သူရဲကောင်း မျိုးနွယ်က ဆင်းသက် ပေါက်ဖွားတဲ့ အီတာလျံ လူမျိုးတွေကသာ အမြင့်မြတ်ဆုံး ဆိုတဲ့ အယူအဆနဲ့ လူထုကို သူ့နောက်လိုက်အောင် စွမ်းဆောင်နိုင်ခဲ့တယ်။  မြင့်မြတ်တဲ့ နေမျိုးနွယ်များသာ အာရှတိုက်ကြီးမှာ ကြီးစိုးရမယ် ဆိုတဲ့ ဝါဒမှိုင်းတိုက်မှုနဲ့ ပြည်သူတွေကို ဒုတိယကမ္ဘာစစ်ထဲ ဆွဲခေါ်ခဲ့တဲ့ စစ်ဝါဒီများ ကြီးစိုးရာ ဖက်ဆစ်ဂျပန်မှာလည်း ဒီသဘောအတိုင်း တွေ့မြင်နိုင်တယ်။

• ပြင်းထန်တဲ့ အမျိုးသားရေး ဝါဒ၊ နိုင်ငံချစ်စိတ်၊ မျိုးချစ်စိတ်များ တိုးပွားအောင် ဖော်ဆောင်ခြင်း
အာဏာရှင်စနစ်မှာ နိုင်ငံ့ဂုဏ်၊ အမျိုးဂုဏ်၊ ဘာသာသာသနာ ဂုဏ်ကို အကျိုးအကြောင်း မညီညွတ် မမျှမတ တရားလွန် ချီးမြောက် ဂုဏ်ဖော် မြှင့်တင်လေ့ရှိတယ်။  အဆုံးစွန်သော ရူးသွတ်မှု သဘောဆောင်တဲ့ အစွန်းရောက် မျိုးချစ်စိတ်ဓာတ် ကို လူထုရဲ့စိတ် မှာ ခိုင်မာ စွဲထင်၊ တိုးပွားအောင် လှုံ့ဆော်လေ့ရှိတယ်။  ဒီလိုနဲ့ မြင့်မြတ်တဲ့ လူမျိုး/နိုင်ငံ/ဘာသာ အတွက် စွန့်လွှတ် အနစ်နာခံမှု နဲ့ တိုက်ပွဲဝင်မှု လုပ်ရမယ်ဆိုတဲ့ အတွေးအခေါ်တွေ လူအများကြား တဖက်စွန်းရောက် ရှင်သန်လာတယ်။  ဒီလိုနဲ့ ဒုတိယကမ္ဘာစစ်အတွင်း ဂျာမာဏီ၊ ဂျပန် နဲ့ အီတလီ တို့ဟာ သမိုင်းမှာ လူမဆန်ဆုံးသော ရာဇဝတ်မှုကြီးတွေကို လူမျိုး/သာသာ မတူသူတွေ အပေါ် လက်ရဲ၊ ဇက်ရဲ အဖတိုင်းပြည် နဲ့ လူမျိုးအတွက် ဆိုပြီး ကျူးလွန်ခဲ့ ကြတယ်။

• ဘာသာရေး နဲ့ နိုင်ငံတော် ရောထွေး ပေါင်းစပ် ယှက်နွယ် နေခြင်း
အာဏာရှင်တိုင်းပြည်များမှာ လူအများစု ကိုးကွယ်ရာ ဘာသာ တခုခုကို တဖက်စောင်းနင်း ချီးမြှင့်မြှောက်စား အားပေးကာ လူထု ထောက်ခံမှု ရရှိအောင်လည်း ကြံဆောင် လေ့ရှိတယ်။  သာသနာ အဓွန့်ရှည် ရှင်သန်ကြီးထွား တည်တံ့ ခိုင်မြဲ စေဖို့အတွက် ဒီအစိုးရ နဲ့ စနစ် ရှိမှ ဖြစ်မယ်ဆိုတဲ့ သဘောမျိုး ပုံဖော်တယ်။  အာဏာရှင်တွေရဲ့ ပါးစပ်က သူတို့ တကယ် လက်တွေ့ ကျင့်ကြံ အားမထုတ်တဲ့ ဘုရား တရားစကား တွေ အတွင်တွင် ပြောလေ့ရှိတယ်။  လူထုကို သူတို့ ဖန်တီးထားတဲ့ ဝါဒမှိုင်းဆိုးတွေ နဲ့ ချုပ်ကိုင်နိုင်ဖို့ မလုံလောက်တဲ့အတွက် ဘာသာတရား ကို ခုတုံးလုပ် မှိုင်းတိုက် အာဏာသက်ဆွဲဆန့်ခြင်းပါ။  ဒီသဘောကို ပါဋ္ဌိ လိုတွေ ရွက်ရွက် ပြပြီး ခါးမှာ ဗြောက်ထိုးလျက် ဘုန်းကြီး ပြန်စာချ လေ့ရှိတဲ့ စစ်ဗိုလ်ချုပ်ကြီးတွေရဲ့ လုပ်ရပ်နဲ့ တွေ့ကြုံရင်းနှီး ကျွမ်းဝင်ခဲ့တဲ့ စာဖတ်သူများ ကောင်းကောင်း သဘောပေါက်နိုင်မှာပါ။

• အကျင့်ပျက် ခြစား မှု နဲ့ ခရိုနီ စီးပွားရေး စနစ် အမြစ်တွယ်ခြင်း
အာဏာရှင် စနစ်တွေမှာ လာဘ်ပေး လာဘ်ယူမှု၊ အာဏာ အလွဲသုံးစားလုပ်မှု၊ အကျင့်ပျက်မှုတွေဟာ တဦးချင်းရဲ့ အကျင့်စာရိတ္တ ဖောက်ပြန်မှု သဘော မဟုတ်တော့ဘဲ လူ့အဖွဲ့အစည်းမှာ လူအများစု အကြား ရှင်သန် နေတဲ့ ယဉ်ကျေးမှု တရပ် အနေနဲ့ တည်ရှိလေ့ရှိတယ်။  တဆက်တည်း အာဏာရှိသူ က လက်သင့်ရာ စားတော်ခေါ်၊ ကျွမ်းဝင်ရာ မျက်နှာသာပေး၊ လုပ်ပိုင်ခွင့်ချပေးတဲ့ ခရိုနီ စီးပွားရေးစနစ်ဟာ တိုင်းပြည်မှာ တခုတည်းသော ရှင်သန်ကြီးထွားနေတဲ့ စီးပွားရေးစနစ် ဖြစ်လာတယ်။  ဒီလိုနဲ့ အာဏာပိုင်ရယ် သူတို့နဲ့ နီးစပ်တဲ့ လူတစုရယ်သာ တိုင်းပြည်ရဲ့ စီးပွားရေး အပါအဝင် အရေးပါတဲ့ ကဏ္ဍ တိုင်းမှာ စိတ်တိုင်းကျ ထိန်းချုပ် ခွစီး သွေးစုပ် အမြတ်ထုတ်နေနိုင်ပြီး အခြား လူတန်းစားအားလုံးဟာ အရိုးအရင်း လောက်နဲ့ မသေရုံစား အရှက်လုံရုံ ဝတ်ကာ ဘဝတွေကို ရှင်သန်ဖို့ ကြိုးစားရလေ့ရှိတယ်။

• ရွေးကောက်ပွဲ အတု တွေ၊ ထောင်ခံပွဲ အတုတွေနဲ့ လူထု ထောက်ခံမှု အတုတွေကို ပြသခြင်း
အာဏာရှင် စနစ်တွေမှာ ရွေးကောက်ပွဲ ဟန်ပြ လုပ်ဆောင်လေ့ရှိပြီး ရွေးကောက်ပွဲ တိုင်း လိုလိုဟာ ရှက်ဖွယ်လိလိ မဲမသမာမှုတွေ၊ မမျှတမှုတွေ ဖြစ်ပေါ်လေ့ရှိတယ်။  တိုင်းပြည်မှာ နိုင်ငံရေး အကျပ်အတည်းများ၊ နိုင်ငံတကာ က ဖိအားများ ကြုံလာတိုင်း ထောက်ခံပွဲတွေ အတင်းအဓမ္မ ကျင်းပလေ့ရှိပြီး လူထုထောက်ခံမှု ရှိနေကြောင်းလည်း လိမ်လည်တတ်တယ်။  ဒီသဘောကိုလည်း တမလွန်က ပုဂ္ဂိုလ်တွေ မဲပေးခွင့်ရခဲ့တဲ့ ထူးခြားလှတဲ့ ၂၀၁၀ ရွေးကောက်ပွဲ ကို ဖြတ်သန်းဖူးတဲ့၊ “ထောက်ခံချင်လွန်းလို့ မနက် လေးနာရီ ကတည်းက ကိုယ့်ထမင်းထုပ် ကိုယ်ထုပ်ပြီး လာစောင့်နေပါတယ်” ဆိုတဲ့ ဟာသ ကို နာနာကြဉ်းကြဉ်း ရယ်မော ခံစားခဲ့ဖူးတဲ့ ဗမာလူထု အလွယ်တကူပဲ နားလည်သဘောပေါက်နိုင်မှာပါ။

• နိဂုံး

နိဂုံးချုပ်ရရင် စိတ်ပညာရပ် မှာ ပြန်ပေးဆွဲခံရသူတွေဟာ သူတို့ကို အဓမ္မ ပြန်ပေးဆွဲသူများရဲ့ အတွေးအခေါ်၊ လုပ်ရပ် တွေကို နားယောင် ပြန်လည် ကာကွယ်မှု ပေးတတ်တဲ့ အဖြစ်အပျက်မျိုးကို စတော့ဟုမ်း ရောဂါလက္ခဏာ လို့အမည်ပေးပြီး စိတ်ရောဂါ အနေနဲ့  သတ်မှတ်လေ့ရှိတယ်။  အမေရိကန် အက်ဖ်ဘီအိုင်ရဲ့ လေ့လာချက် အရ ဆိုရင် ပြန်ပေးဆွဲမှုတွေရဲ့ (၂၇) ရာခိုင်နှုန်းမှာ ပြန်ပေးဆွဲခံရသူ သားကောင် တွေဟာ ဒီလို စတော့ဟုမ်းရောဂါ စွဲကပ်နေလေ့ ရှိတယ်လို့ ဆိုတယ်။  ဒီသဘောဟာ ပြင်းထန်တဲ့ ဖိနှိပ် ချုပ်ခြယ်၊ ဝါဒမှိုင်းတိုက်မှု ဒဏ်ကို မျက်စိပိတ်၊ နားပိတ် နှစ်ပေါင်းများစွာ ခံခဲ့ရတဲ့ အာဏာရှင်စနစ်ဆိုး ကြီးစိုးရာ တိုင်းပြည်တွေက လူထု အတွက်လည်း အတူတူပါပဲ။  အာဏာရှင်တွေ အဓမ္မ သွတ်သွင်းခဲ့တဲ့ စရိုက်များဟာ လူအများအကြားမှာ ဝင်ရောက် ပူးကပ်နေလေ့ရှိတယ်။

စစ်အာဏာရှင်စနစ် ရာစုဝက်ကျော် အုပ်ချုပ်ခံ ထိခဲ့တဲ့ ကျနော်တို့ စတော့ဟုမ်း ရောဂါ ဘယ်လောက် အထိ စွဲကပ်နေပါသလဲ။  မသိစိတ် အတွင်းအဇ္ဈတ္တသန္တာန် မှာ ဘယ်လောက် အာဏာရှင် အကျင့်စရိုက်တွေ ကိန်းအောင်းနေပြီလဲ။  မျက်မှောက်ခေတ် (အထူးသဖြင့် လူငယ်များ) လူမျိုး/ဘာသာရေး ဆတ်ဆတ်ထိ မခံ အမြင်ကျဉ်းမြောင်းမှုတွေ၊ စစ်အုပ်စု လော်ဘီလုပ် လမ်းကြောင်းသမျှကို နားယောင်လွယ်မှုတွေကို ကြည့်ရင် ဒီရောဂါ စွဲကပ်မှု မသေးကြောင်း တွက်ဆနိုင်တယ်။

ဒါကြောင့် ဒီလို စနစ်ဆိုးရဲ့ အကျင့်စရိုက် ခံယူချက်ဆိုးများ၊ အလုပ်ဆိုး အပြုအမူဆိုးများကို လက်ရှိ စစ်တပိုင်း အစိုးရ တွင်မက ပြည်သူ အများကပါ သိနားလည်သဘောပေါက် အလုံးစုံ စွန့်လွှတ် ရှောင်ကြဉ် နိုင်ရပါမယ်။  ဒီနည်းဖြင့်သာ အနာဂတ်တိုင်းပြည်ရဲ့ ဒီမိုကရေစီ ခရီးလမ်း သာယာဖြောင့်ဖြူးနိုင်ကာ တိုင်းသစ်၊ ပြည်သစ် မှာ လွတ်လပ် ခွင့်တူ ညီမျှ ဝါဒဖြူစင်တဲ့ စိတ်ဓာတ်အသစ်တွေ တည်ဆောက် ငြိမ်းချမ်းဖွံ့ဖြိုးတိုးတက် နိုင်မှာ ဖြစ်ကြောင်းပါ ခင်ဗျား။

ငြိမ်းချမ်းအေး
(ဆက်သွယ်ရန် – nyeinchanaye81@gmail.com)

မူလ ဗားရှင်း ကို ခေတ်မောင်း အွန်လိုင်း စာစောင် အတွဲ (၁)၊ အမှတ် (၄)၊ သြဂုတ်၊ ၂၀၁၄ နှင့် ဧရာဝတီ Blog (သြဂုတ် ၂၈၊ ၂၀၁၂) တို့တွင် အွန်လိုင်း ဖော်ပြခဲ့ပြီး ဖြစ်သည်။  ယခု တည်းဖြတ် ဗားရှင်းကို The Ladies News Journal: အတွဲ (၂)၊ အမှတ် (၂၈)၊ သြဂုတ်၊ ၂၄-၃၀၊ ၂၀၁၄ ထုတ် တွင် ပုံနှိပ်ခဲ့သည်။  မိုးမခ တွင် အွန်လိုင်း ထပ်မံ ပုံနှိပ်သည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, သူတို့အာဘော်, ငြိမ်းချမ်းအေး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊ အချိန်မီ ထွက်ပါပြီ

By

  မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊...

Read more »

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်