တူမောင်ညို – ၂၁ ရာစု ရခိုင်နိုင်ငံရေးသမားများအား ပေးသနားတော်မူလှည့်ပါ အရှင်ဘုရား

September 15, 2014

တူမောင်ညို – ၂၁ ရာစု ရခိုင်နိုင်ငံရေးသမားများအား ပေးသနားတော်မူလှည့်ပါ အရှင်ဘုရား
စက်တင်ဘာလ ၁၅၊ ၂၀၁၄

ပျံလွန်လေပြီးသော ဆရာတော် ဦးဥတ္တမ (၁၈၈၀ ဒီဇင်ဘာ ၂၈  – ၁၉၃၉ စက်တင်ဘာ ၉ ) သည်၊  “ကရက်ဒေါက် ဂဲဒေါက်”  ( Craddock get out !)  ဆိုသည့် ဗြိတိသျှနယ်ချဲ့ဆန့်ကျင်ရေး ရဲရဲတောက်လှုံ့ဆော်သံပေးခဲ့သော တိုင်းချစ်ပြည်ချစ် ရဟန်းတော် တစ်ပါး ဖြစ်ပါသည်။

သူတို့ကိုယ်သူတို့ “အမျိုးသားနိုင်ငံရေး”လုပ်သူများဟု ကြော်ငြာလေ့ရှိသော (နဝတ-နအဖ) စစ်အစိုးရသည် ဆရာတော်အား ဂုဏ်ပြုသည့် အခမ်းအနားများကို ပိတ်ပင်တားမြစ်ထားခဲ့သည်။ ယခုအခါ (နဝတ-နအဖ)စစ်အစိုးရ၏အာဏာအမွေစားအမွေခံ (ဗိုလ်) ဦး သိန်းစိန်ကြံ့ဖွံ့အစိုးရက ဆရာတော်ဦးဥတ္တမ အခမ်းအနား ကျင်းပခွင့်ပြုလိုက်ပြီဖြစ်သည်။

ဆရာတော်ဦးဥတ္တမအား အောက်မေ့သတိရခြင်း၊ အထိမ်းအမှတ်ပြုကြခြင်းသည် မွန်မြတ်သော ဆောင်ရွက်ချက်ဖြစ်ပါသည်။ ဆရာတော် ဦးဥတ္တမအား “လူမျိုးရေးဘာသာရေးမုန်းတီးမှု၊အကြမ်းဖက်မှု” အတွက် ကာဗာတစ်ခု၊ လက်နက်တစ်ခု၊ စင်မြင့်တစ်ခုအဖြစ် ခါတော်မှီ အသုံးမချသင့်ပါ။

“အမျိုးသားနိုင်ငံရေး” ကို (နဝတ-နအဖ) စစ်အစိုးရ သည် “ပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်းကြီး” ဖွဲ့စည်း၍ လုပ် ခဲ့သည်။ ယခုအခါထိုသို့ “အမျိုးသားနိုင်ငံရေး” လုပ်သည်ဆိုသောအသင်းကြီးသည် “နိုင်ငံရေးပါတီ” ဖြစ်လာခဲ့ပြီ။ “အမျိုးသားနိုင်ငံရေး လုပ်သူများအတွက် လောကဓံအတက်ချည်းပဲရှိတယ်” ဆိုသည်မှာ ဤအချက်ကို ဦးဝီရသူ ဆိုလိုချင်တာပဲဖြစ်လိမ့်မည်။

ဆရာတော်ဦးဥတ္တမ ပျံတော်မူခြင်း ၇၅ နှစ်ပြည့် အခမ်းအနားစင်မြင့်ထက်တွင် သင်္ကန်းဝတ်ဦးဝီရသူ အားနေရာပေး ဟောပြော စေခြင်းသည် ဦးစွာအားဖြင့် ပျံလွန်လေပြီးသော ဆရာတော်ဦးဥတ္တမ၏ ဆောင်ရွက်ချက်များကို ကံသုံးပါးစလုံး (ကာယ၊ ဝစီ၊မနော) ဖြင့် မိုက်မိုက်မဲမဲ စော်ကားလိုက်ခြင်းဖြစ်သည်။

ဒုတိယအချက်အဖြစ် အထင်အရှားပေါ်လွင်နေသည်မှာ ဤပွဲကို စီစဉ်သူများ၏ မိုက်မဲသောကြံစည်လုပ်ဆောင်ချက် (ဦးဝီရသူ အား ဟောပြောစေသည့် အချက်) ပင်ဖြစ်သည်။ နတ်သုဒ္ဓါထဲ မစင်တစ်ပဲသားရောထည့်လိုက်ကြသည့် အကြံဆိုး၊ အကြံရိုင်းဖြစ်သည်။ ဆွမ်းဆန်တော်ထဲ ကြွက်ချေးရောထည့်ကြသည့် လုပ်ရပ်ဖြစ်သည်။

တတိယအချက်အားဖြင့် ဤအစီအစဉ်နှင့် ဤလုပ်ရပ်ကို သိက္ခာသမာဓိရှိကြသော ရခိုင်သံဃာတော်များ၊ရခိုင်လူကြီးသူမများ၊  ဂုဏ်သိက္ခာရှိ သော ရခိုင်နိုင်ငံရေးသမားများနှင့် ရခိုင်နိုင်ငံရေးပါတီများက ကန့်ကွက်၊ တားဆီးခြင်းမပြုသည့်အချက်ဖြစ်ပါသည်။  ကြိုတင် မသိရှိကြ၍လော၊ သို့တည်းမဟုတ် သိရှိသော်ငြားလည်း တွန်းလှန်ခြင်းငှာ (ဗိုလ်မောင်မောင်အုံးအား ရခိုင်ပြည်နယ် ဝန်ကြီးချုပ်အဖြစ် ခန့်အပ်သည် ကို မလွန်ဆန်နိုင်ကြသလို ) မစွမ်းသာကြ၍ လော။

ထို့အပြင် “၇၅ နှစ်ပြည့် ဦးဥတ္တမအခမ်းအနားစင်မြင့်” ပေါ်မှ လူမျိုးရေးဘာသာရေးအစွန်းရောက် အကြမ်းဖက်လှုံ့ဆော်ဟော ပြောသွားမှုများကို “လုံးဝသဘောမတူကြောင်း/ရှုံ့ချကြောင်း” အခြားသောဘာသာရေး/နိုင်ငံရေးနယ်ပယ်မှ သမာသမတ်ရှိသည့် ပုဂ္ဂိုလ် များ၊ အဖွဲ့အစည်းများအနေဖြင့်လည်း လေးလေးနက်နက် ကန့်ကွက်ဆန့်ကျင်ရန်လိုအပ်သည်။ ဤသို့ ငြိမ်ခံနေကြမည်ဆိုလျှင် လူမိုက် အားပေးသည့်လုပ်ရပ်ဖြစ်ပြီး၊ အကြမ်းဖက်ဟောပြောမှုကို အားပေးအားမြှောက်ပြုရာရောက်နေပါသည်။

အခမ်းအနားရှေ့တန်းနေရာတွင် ဒီချုပ်နာယကကြီးဦးတင်ဦး နှင့်ထင်ရှားသောနိုင်ငံရေးသမားဦးအေးသာအောင်တို့ တက် ရောက်နေသည်ကို အထင်အရှားတွေ့မြင်ရပါသည်။ ဤပုဂ္ဂိလ်ကြီး ၂ ဦးအနေဖြင့်လည်း ဦးဝီရသူပြောနေသည်များကို (အနည်းဆုံး “စတိ”ဖြစ်ဖြစ်) မတ်တပ်ရပ်၍ကန့်ကွက်တားဆီး၊ ရပ်တန့်စေသင့်ပါသည်။ သို့တည်းမဟုတ် (အခမ်းအနားတစ်ခုလုံးကို အားနာသည် ဟုဆိုလျှင်) ဦးဝီရသူပြောနေသည့်အစီအစဉ်မှ ထ၍ ခေတ္တခဏဖြစ်ဖြစ် ထွက်ခွါသွားသင့်သည်ဟု ယူဆပါသည်။

(ဗိုလ်)ဦးသိန်းစိန်ကြံ့ဖွံ့အစိုးရ၊ ဦးဝီရသူအပါဝင် “သင်္ကန်းဝတ်စွမ်းအားရှင်များ”နှင့် “ဘယ်ကမှန်းမသိတဲ့လူအုပ်ကြီးများ”သည် “လူမျိုးရေးဘာသာရေးအကြမ်းဖက်သုံးပွင့်ဆိုင်အုပ်စု”ဖြစ်သည်။ ဖြစ်ပွားခဲ့သမျှသော/ ဖြစ်ပွားလတ္တံ့သော လူမျိုးရေးဘာသာရေး အကြမ်း ဖက်လူသတ်မီးရှို့မှုများ၏ အဓိကလက်သည်များ၊ ပူးပေါင်းကြံစည်ခဲ့ကြသူများလည်းဖြစ်ပါသည်။

မြင့်မြတ်ရာဘုံဘဝမှ ဆရာတော်ဦးဥတ္တမ ကြားသိနိုင်မည်ဆိုလျှင် ယခုလို လျှောက်ထားပန်ကြားလိုပါသည်။ “ကရက်ဒေါက် ထွက်သွား” ဆိုသည့် ဆရာတော်၏ “စစ်မှန်သည့်တိုင်းချစ်ပြည်ချစ်စိတ် (ဝါ) ရဲရဲတောက်သတ္တိခွန်အား” မျိုး  “၂၁ ရာစု ရခိုင်နိုင်ငံရေး သမားများ” အား ပေးသနားတော်မူလှည့်ပါ အရှင်ဘုရား။

ညွန်း-
-၁၀ စက်တင်ဘာ ၂၀၁၄ ၊ ဗုဒ္ဓဟူးနေ့ ၊ ကမာရွတ်မီဒီယာ


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

One Response to တူမောင်ညို – ၂၁ ရာစု ရခိုင်နိုင်ငံရေးသမားများအား ပေးသနားတော်မူလှည့်ပါ အရှင်ဘုရား

  1. Thet Naing on September 16, 2014 at 5:48 am

    အနိမ့်ဆုံးအဆင့် လွှတ်တော်ထဲက စစ်သားတစ်မတ်သား ထွက်သွားလို့ ပြောဖို့လိုပါတယ်။ ကျနော် အပါအ၀င် အားလုံးကိုဆိုလိုပါတယ်။

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)