အရှင်စန္ဒိမာ (မွန်စိန်တောရ) – မေးခွန်းထုတ်ရမယ့် စိတ်စေတနာနဲ့ ဉာဏ်ပညာ

September 16, 2014

  – မေးခွန်းထုတ်ရမယ့် စိတ်စေတနာနဲ့ ဉာဏ်ပညာ
စက်တင်ဘာ ၁၆၊ ၂၀၁၄

လောကမှာ ဖြစ်ပေါ်နေတဲ့ မတရားမှုတွေဟာ ပညတ်အမြင်မှာ အခြေခံတယ်။ လူတွေဟာလည်း ပညတ်အမြင်ကုိုယ်စီနဲ့ တွေးတောပြောဆုိုလုပ်ကုိုင်နေကြတာ ဖြစ်တယ်။ မောဟဖုံးလွှမ်းမှုကြောင့်  တကယ့်အရှိတရား ပရမတ္ထကုို မမြင်ဘဲ အပေါ်ယံ ပညတ်ကုိုသာ မြင်တယ်။ နက်နဲတဲ့ ပရမတ္တတရားကုို မမြင်နုိုင်ဘဲ အပေါ်ယံ ပညတ်ကုိုသာ မြင်မှုကြောင့် တပ်မက်မှု တဏှာလောဘ၊ ခက်ထန်ကြမ်းတမ်းမှု ဒေါသ၊ ငြူစူစောင်းမြောင်းမနာလိုမှု ဣဿာ စသည်ဖြင့် ပုံမှန်အနေအထားမှ စိတ်ရဲ့ ပြောင်းလဲဖေါက်ပြန်မှုတွေ ဖြစ်လာနုိုင်တယ်။  လောဘ ဒေါသ ဣဿာ စတဲ့ စိတ်ရဲ့  ဖေါက်ပြန်မှု သဘာဝတွေဟာ ဘယ်ပုဂ္ဂိုလ်မှာ ဖြစ်ဖြစ် အတူတူပါ။ တိရစ္ဆာန်မှာ ဖြစ်ရင်လည်း ဒီသဘော။ သမ္မတမှာ ဖြစ်ရင်လည်း ဒီသဘော။ သာမာန်လူတယောက်မှာ ဖြစ်ရင်လည်း ဒီသဘောပါပဲ။

လူတွေရဲ့ ဒီမကောင်းဆုိုးဝါးစိတ်တွေဟာ ကြည်လင်တဲ့ ရေပြင်အောက်ခြေမှာ ဝပ်နေတဲ့ အနည်တွေလုို အချိန်မရွေး လှုပ်ခတ်ပေါ်ထွက်လာနိုင် တယ်။ ရေထဲမှာ လှုပ်ရှားရုိုက်ခတ်မှုတခုခုကြောင့် အောက်ခြေမှ အနည်တွေဟာ ငြိမ်သက်ကြည်လင်နေတဲ့ ရေပြင်ကုို လှိုင်းခတ်နောက်ကျိ သွား စေသလုိုပါ။

နုိုင်ငံရေး လူမျိုးရေး ဘာသာရေး စီးပွါးရေး စသည်ဖြင့် ဘယ်လိုအကြောင်းကြောင့်ဖြစ်စေ ဖေါက်ပြန်လာတဲ့ စိတ်ရဲ့ သဘာဝက အတူတူပါ။ သတ်မှု၊ အနုိုင်ကျင့်မှု၊ အာဏာပြဖိနှိပ်မှု၊ ခုိုးမှု၊ လိမ်လည်မှု စတဲ့ မတရားမှုတွေဟာ အဆုိုပါ စိတ်ရဲ့ ဖေါက်ပြန်မှုမှ ပေါ်ပေါက်လာကြတယ်။ သုို့သော် လူတွေအားလုံး လောဘဒေါသတွေ ကင်းစင်တဲ့ အရိယာသူတော်ကောင်းများ မဟုတ်ကြလေတော့ လောကမှာ အဆုိုပါ မတရားမှုတွေ လုံးဝချုပ်ငြိမ်းပပျောက်သွားဖုို့ ဆုိုတာလည်း မဖြစ်နုိုင်ပါဘူး။ ဒါကြောင့် မတရားမှုတွေကုို တက်နုိုင်သမျှ ဟန့်တားနုိုင်အောင် လူတွေ စုပေါင်းနေထုိုင်ကြတဲ့ နုိုင်ငံလူ့အဖွဲ့အစည်းတွေမှာ စည်းမျဉ်းဥပဒေတွေကုို ပြဌာန်းသက်မှတ်ခဲ့ကြရတယ်။ လူအမျိုးမျိုး စရုိုက်အမျိုးမျိုး ယုံကြည်မှုအမျိုးမျိုးဆုိုတော့ ပြဌာန်းထားကြတဲ့ စည်းမျဉ်းဥပဒေတွေဟာလည်း မတူကွဲပြားမှု ရှိနေတာမဆန်းပါ။

ဥပမာ ကွန်မြူနစ်စနစ်ကျင့်သုံးတဲ့ နုိုင်ငံတွေရဲ့ စည်းမျဉ်းဥပဒေတွေနဲ့ ဒီမိုကရေစီနုိုင်ငံတွေရဲ့ စည်းမျဉ်းဥပဒေတွေဟာ တူညီနုိုင်မယ် မဟုတ်ပါဘူး။ မြန်မာနုိုင်ငံနဲ့ ထုိုင်းနုိုင်ငံလည်း စည်းမျဉ်းဥပဒေချင်း တူညီမှာ မဟုတ်ပါဘူး။ မတူညီကြသော်လည်း နုိုင်ငံနယ်နမိတ်တွေကုို ဖြတ်ကျော်။ ကူးလူးဆက်ဆံမှုတွေ ကျယ်ပြန့်လာ။ သတင်းနည်းပညာတွေ ခေတ်မှီတုိုးတက်လာတဲ့ မျက်မှောက်ခေတ်ကမ္ဘာမှာ နုိုင်ငံအချင်းချင်းနဲ့ လူအချင်းချင်းအကြား အတုယူလေ့လာသင်ယူ သင်ခန်းစာထုတ်ယူစရာတွေလည်း များစွာ ရှိလာပါတယ်။

နုိုင်ငံတနုိုင်ငံရဲ့ နုိုင်ငံရေးစနစ်နဲ့ စည်းမျဉ်းဥပဒေတွေ တရားမျှတကောင်းမွန်မှန်ကန်မှု ရှိမရှိကုို ထုိုနုိုင်ငံရဲ့ နုိုင်ငံရေးတည်ငြိမ်မှု၊ ငြိမ်းချမ်းမှု၊ စီးပွါးရေးဖွံ့ဖြိုးတုိုးတက်မှု၊ လူနေမှုဘဝမြင့်မားမှု၊ လူ့ဂုဏ်သိက္ခာကုို လေးစားတန်ဘုိုးထားမှု စတဲ့ အကျိုးရလဒ်တွေနဲ့ တုိုင်းတာရမှာပါ။ စည်းစနစ်ကျန လူနေမှုဘဝမြင့်မားတဲ့ ထုိုထုိုနိုင်ငံတွေမှာ လူတွေဟာ စည်းမျဉ်းဥပဒေတွေနဲ့ အသားကျလျှက် လုိုက်နာကျင့်သုံးမှုတွေ ရှိနေကြတာကုို သတိပြုမိတယ်။ လူနေမှုအဆင့်အတန်းနဲ့ ဆင်းရဲချမ်းသာ လူတန်းစားကွာဟမှုနည်းပါး။ လူတုိုင်းအနေနဲ့ နေရေး စားရေး ဝတ်ရေး ပူပင်စရာ သိပ်မရှိလှတဲ့ ထုိုလူ့အဖွဲ့အစည်းတွေမှာ မာန်မာနဂုဏ်ပကာသန ပြိုင်ဆုိုင်မှုတွေကုိုလည်း မတွေ့ရသလောက်ပဲလုို့ ပြောရင် လွန်များနေမလား။

တခါက ဆွီဒင်နုိုင်ငံရဲ့ မြို့ငယ်တမြို့မှာ အခမ်းအနားလေးတခု ပြုလုပ်တယ်။ သံစုံတီးဝုိုင်းနဲ့ တီးခတ်ဖျော်ဖြေမှုလည်း ပါဝင်တယ်။ ဆွီဒင်ဘုရင်ကြီးကုိုယ်တုိုင် အခမ်းအနားကုို တက်ရောက်မယ်လို့ သိရတယ်။ အခမ်းအနားကျင်းပရာနေရာက ရထားဘူတာရုံနဲ့ လမ်းတခု သာခြားတဲ့ မြေကွက်လပ်တခုမှာပါ။ မကြာမှီ ဘုရင်ကြီးရဲ့ ရထား ထုိုးဆုိုက်လာတယ်။ ဘုရင်ကြီး ရထားပေါ်မှဆင်း။ သက်တော်စောင့်တွေခြံ ရံလျှက် လမ်းကုို ဖြတ်ကူး။ လမ်းတဖတ်ခြမ်းကုို ရောက်တော့ လမ်းနဲ့ကပ်ရပ် stage စင်ရဲ့အနောက်ဘက် သစ်ပင်ကြီးတပင်ရဲ့ အောက် လူတွေကြားမှာ ရပ်နေတဲ့ အသက် ၇၀ လောက်ရှိမယ့် လူကြီးဟာ ဆွီဒင်နုိုင်ငံရဲ့ ဘုရင်ကြီးတပါးလို့ ထင်မှတ်စရာ မရှိပါဘူး။ stage စင်မှာ တီးခတ်မှု မဆုံးသေးတာကြောင့် ဘုရင်ကြီး ခေတ္တစောင့်ဆုိုင်းနေရတာပါ။ တီးခတ်မှုဆုံးတော့ ဘုရင်ကြီးနဲ့ နယ်ခံအုပ်ချုပ်ရေးမှူးအပါအဝင် အရာရှိကြီး သုံးလေးယောက်ဟာ အဆင်တန်ဆာ ထယ်ထယ်ဝါဝါ ပြင်ဆင်မှုတွေမပါတဲ့ stage စင်ရှိ တန်းစီချထားတဲ့ ထုိုင်ခုံတွေပေါ်မှာ ဝင်ရောက်နေရာယူလိုက်ကြခြင်းဖြင့် အခမ်းအနားစတင်တယ်။ ထိုင်ခုံတွေက ဒူးလောက်မြင့်တဲ့ သာမာန်ထုိုင်ခုံမျိုးတွေပါ။ ဆုိုဖါကြီးတွေ ဆက်တီကြီးတွေလည်း မဟုတ်ပါဘူး။

တဆက်တည်း ဆွီဒင်နုိုင်ငံမှာပဲ ရထားနဲ့ ခရီးတုိုသွားခဲ့တဲ့ အတွေ့အကြုံလေးတခုကုိုလည်း ပြောပြချင်ပါတယ်။ ရထားထွက်ပြီး ခဏနေတော့ အသက် ၆၀ လောက်ရှိမယ့် ယူနီဖေါင်းကုို သပ်ရပ်ကြော့ရှင်းစွာ ဝတ်ဆင်ထားတဲ့ လူကြီးတယောက်က လက်မှတ်လိုက်စစ်တယ်။ ရထားထုိုင်ခုံနံဘေးတွေမှာ အမှိုက်ထည့်ဖုို့ ကြွပ်ကြွပ်အ်ိတ်လေးတွေ ချိတ်ထားတယ်။ တအောင့်လောက်ကြာတော့ စောစောက လက်မှတ်စစ်လူကြီးကပဲ အ်ိတ်ကြီးတလုံးနဲ့ ခရီးသည်တွေရဲ့ အမှိုက်အိတ်တွေကုို လုိုက်သိမ်းတယ်။

အလုပ်မှန်သမျှကုို လေးစားတန်ဘုိုးထားမှု၊ စည်းကမ်းလိုက်နာမှု၊ ဂုဏ်ပကာသနနည်းပါး နှိမ့်ချရုိုးသားစွာ နေုထုိုင်တတ်မှု စတဲ့ မြင်တွေ့ခဲ့ဖူးတဲ့ လူ့အဖွဲ့အစည်းတခုရဲ့ မြင်ကွင်းတချို့ပါ။

ရေပြည့်အုိုးဟာ ဘောင်ဘင်မခတ်တော့သလို ရုပ်ဝတ္ထုပစ္စည်းတွေ လုံလောက်ပြည့်စုံ စည်းကမ်းသေဝပ်တဲ့ လူ့အဖွဲ့အစည်းမှာ လူတွေရဲ့ စိတ်ကုိုလည်း ရင့်ကျက်တည်ငြိမ်မှုတွေ ဖြစ်လာစေသလားလုို့ တွေးနေမိတယ်။ ထူးခြားမှုတခုက  ဆွီဒင်နုိုင်ငံဟာ ယနေ့အထိ နှစ်ပေါင်းနှစ်ရာကျော်ကာလအတွင်း စစ်ဘေးစစ်ဒဏ်မှ ကင်းဝေးနေခဲ့တယ်။

လုိုရင်းချုပ်ရရင် လူတွေအားလုံး မောဟကင်းစင် ပရမတ်ထင်ကာ အရိယာသူတော်ကောင်းကြီးတွေ ဖြစ်လာကြဖုို့ မျှော်လင့်တောင့်တရင်လည်း လက်တွေ့နဲ့ အလှမ်းဝေးနေမှာပါ။ ပညတ်အမြင်အပေါ်မှာပဲ လောဘဒေါသအတ္တမာန်မာနတွေ လျှော့ပြီး တနုိုင်ငံတည်းမှာ မှီတင်းနေထုိုင်ကြတဲ့ ပြည်သူများနဲ့ ပြည်ထောင်စုသား တုိုင်းရင်းသားညီအကုိုမောင်နှမအချင်းချင်းအကြား ကုိုယ်ချင်းစာတရားလေးတွေ မွေးမြူကြပြီး တရားမျှတစွာ ပြဿနာတွေကုို ညှိယူအဖြေရှာကြကာ နုိုင်ငံကုို တက်ညီလက်ညီ ပြန်လည်တည်ဆောက်ကြရင်ဖြင့် ထုိုထုိုနုိုင်ငံတွေမှာလုို မြန်မာပြည်သူလူထုဟာလည်း စားရေး ဝတ်ရေး နေရေးတွေအတွက် များစွာ မပူပင်ရဘဲ လူချင်းတူတူ သူချင်းမျှမျှ တည်ငြိမ်အေးချမ်းတဲ့ ဘဝတွေကုို ကာလတုိုအတွင်းမှာ ရရှိပုိုင်ဆုိုင်နုိုင်ကြလိမ့်မယ်လုို့ ယုံကြည်မျှော်လင့်မိတယ်။ မျှော်လင့်ချက်တွေ လက်တွေ့ဖြစ်လာဖုို့ ဆုိုတာကလည်း တုိုင်းပြည်အရေးအရာတွေကုို စီမံဆုံးဖြတ်နေကြတဲ့ အုပ်ချုပ်သူတွေရဲ့ စိတ်စေတနာနဲ့ ဥာဏ်ပညာအပေါ်မှာ အဓိကမှီတည်နေပြန်တယ်။

လူ့ဒုက္ခရဲ့ အရင်းမူလက မောဟအဝိဇ္ဇာပါ။ အဝိဇ္ဇာကြောင့် တဏှာလောဘကိလေသာတွေပွားပြီး ဒုက္ခသံသရာ မဆုံးနုိုင်တာပါ။ လက်ငင်းအနေနဲ့ လောဘဒေါသအတ္တမာန်မာနတွေလျှော့ပြီး  ရင်ဆုိုင်ကြုံတွေ့နေကြရတဲ့ ပြဿနာဒုက္ခအထွေထွေကုို ပြည်ထောင်စုသားအချင်းချင်းအကြား ကုိုယ်ချင်းစာတရားနဲ့ ဖြေရှင်းနုိုင်ကြစေချင်ပါတယ်။ အုပ်ချုပ်ရေးနဲ့ စီမံဆုံးဖြတ်ခွင့်တာဝန်တွေကုို ယူထားကြသူတွေအနေနဲ့ ကုိုယ်ချင်းစာတရားလေးတခုကုို မွေးမြူလုိုက်ကြမယ်ဆုိုရင် နုိုင်ငံအတွက် အံ့မခန်း ရလဒ်ကောင်းတွေ ထွက်ပေါ်လာမယ်လုို့ ယုံကြည်မိပါတယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊ အချိန်မီ ထွက်ပါပြီ

By

  မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊...

Read more »

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်