ဒေါက်တာဓမ္မပိယ (ITBMU) – သဘောထားကွဲလွဲခွင့်မူကို မည်သို့လေ့လာသုံးသပ်မည်နည်း

September 17, 2014

ဒေါက်တာဓမ္မပိယ (ITBMU) – သဘောထားကွဲလွဲခွင့်မူကို မည်သို့လေ့လာသုံးသပ်မည်နည်း
စက်တင်ဘာ ၁၇၊ ၂၀၁၄

ဘာသာရေးနှင့် နိုင်ငံရေး … ။ ဤအရေးနှစ်ရေးသည် အတိမ်းအစောင်းမခံသော အရာများဖြစ်ကြ၏။ ဒီနှစ်ခုထဲက တစ်ခုခုကို တစ်စုံတစ်ယောက်သောသူက အမှားတစ်စုံတစ်ရာကို ပြုခဲ့မိလျှင် အပြင်ခက်၊ အပြု ခက်၊ အဖြုတ်ခက်၊ အနှုတ်ခက်တဲ့ အနေအထားမျိုးမှာ ရှိနေတာကြောင့် ဆွေးနွေးညှိနှိုင်းဖို့ ခက်ခဲတဲ့အနေ အထားမျိုးမှာ ရှိနေခြင်းဖြစ်၏။

ဒီတော့ ဒီလိုအခက်ခဲမျိုးကို ငြိမ်းချမ်းစွာ ဖြေရှင်းပေးနိုင်တဲ့ နည်းမျိုးတွေ ရှာဖွေပေးနိုင်ဖို့ လိုအပ်လာ တယ်။ သို့သော် ဘာသာရေးနှင့် နိုင်ငံရေးပြဿနာမျိုးဆိုတာ ရှုပ်ထွေးလှတဲ့ အစ်ရှုးတွေ (များသောအားဖြင့်) ရှိနေတတ်တာမို့ ဖြစ်နိုင်ရင် ဒီပြဿနာမျိုးကို ဝေးဝေးကရှောင်ဖို့ ဆန်ဟိုဆေး စတိတ် ယူနီဗာစီတီ (SJSU) မှာ ကျောင်းတက်စဉ်အခါက ပရောဖက်ဆာတစ်ယောက် ပြောကြားသွားခဲ့တဲ့စကားကို အမှတ်ရနေမိတယ်။ ဘာသာရေးနှင့် နိုင်ငံရေးပြဿနာများဟာ ဖြေရှင်းရန် သိပ်ကိုခက်ခဲတယ်။ တိမ်မယောင်ယောင်နှင့် နက်နေတတ်ပြီး၊ လွယ်မယောင်ယောင်နှင့် ခက်နေတတ်တဲ့ ပြဿနာမျိုးတွေဖြစ်တယ်။

ဘာကြောင့်လဲဆိုရင် ဘာသာရေးယုံကြည်မှုက သိမ့်မွေ့နူးညံ့သလို၊ နိုင်ငံရေးခံယူချက်က အကိုင် အတွယ်ခက်တဲ့ ကိစ္စမျိုးတွေဖြစ်နေတတ်တယ်။ ထို့ကြောင့် နိုင်ငံရေး မရောထွေးတဲ့ ဘာသာရေးပြဿနာ များကို ဖြေရှင်းနိုင်ဖို့အတွက် အခြေခံအားဖြင့် စိတ်ဓာတ်ကောင်းတွေ ပြန်လည်ရှင်သန်လာနိုင်အောင် မွေးမြှူ ပေးကြရမှာဖြစ်တယ်။ အသိတရားရှိခြင်း၊ သတိတရားထားခြင်းနှင့် အချင်းချင်းအပေါ်မှာ သီးခံစိတ်များ မွေးမြူပေးခြင်းဟာ ဘာသာတရားရဲ့ အခြေခံအနှစ်သာရကို ပြန်လည်မွေးဖွားပေးခြင်းဖြစ်တယ်။

ဘာသာရေးမရောထွေးတဲ့ နိုင်ငံရေးပြဿနာများကို ဖြေရှင်းနိုင်ဖို့အတွက် အခြေခံအားဖြင့် အချင်းချင်း အကြား ယုံကြည်မှုများ ပြန်လည်တည်ဆောက်နိုင်အောင် တွေ့ဆုံဆွေးနွေးခြင်း၊ ညှိနှိုင်းတိုင်ပင်ခြင်းနှင့် ပူးပေါင်း ဆောင်ရွက်ခြင်းများကို အားဖြစ်စေနိုင်တဲ့ စိတ်ဓာတ်ခွန်အားများကို တိုးမြှင့်ပေးကြရမှာဖြစ်တယ်။  အပြန်အလှန် နားလည်မှုများ၊ အပြန်အလှန်လေးစားမှုများကို ပြန်လည်ရှင်သန်လာနိုင်အောင် မွေးမြှူပေးကြရမှာဖြစ်တယ်။ ငြိမ်းချမ်းရေးကို ကိုယ်တိုင်က လိုလားသူဖြစ်ခြင်း၊ တန်းဖိုးထားခြင်းနှင့် အချင်းချင်းအပေါ်မှာ သင်ပုန်းချေဝါဒကို ကျင့်သုံးနိုင်ရန် သီးခံစိတ်များ မွေးမြူပေးခြင်းဖြင့် နိုင်ငံရေးရဲ့ အခြေခံအနှစ်သာရများကို ပြန်လည်ရှင်သန် လာစေမှာဖြစ်တယ်။

ဒီလိုစိတ်ထားများကို မိမိတို့သန္တာန်မှာ ပြန်လည်ရှင်သန်နိုင်ရေးအတွက်၊ သဘောတရား ရေးရာများမှာ အစာကြေညက်ဖို့ လိုအပ်လာတယ်။ “သဘောထားကွဲလွဲခွင့်”ဆိုတဲ့ သီအိုရီကို အသိတရားနှင့် အတွေ့အကြုံ အနေအထားများကို အခြေခံလျှက် ပီပြင်တဲ့ သဘောတရားများကို ဥာဏ်သဘောမှာ သက်ရောက်လာ နိုင်အောင် ကြိုးစားဖို့လိုအပ်လာတယ်။

ဘာသာတရားကို လက်ခံယုံကြည်ရာမှာပဲဖြစ်ဖြစ်၊ ကိုယ်ယုံကြည်ထားတဲ့ နိုင်ငံရေးကို (ဒီမိုကရေစီ စနစ်စသည်ကို) အကောင်အထည်ပေါ်လာအောင် ဆောင်ရွက်ရာမှာပဲဖြစ်ဖြစ်၊ အများကို မထိခိုက်တဲ့ အပြုအမူ၊ အပြောအဆိုမျိုးနှင့် ဘာသာတရားရဲ့ ဂုဏ်သိက္ခာ၊ လူမျိုးရဲ့ဂုဏ်သိက္ခာ၊ နိုင်ငံရဲ့ဂုဏ်သိက္ခာကို ထိန်းသိမ်း ထားနိုင်ဖို့ လိုအပ်တယ်။ ထိုနည်းတူစွာပင် အများကို မတိုက်ခိုက်တဲ့ နိုင်ငံရေးမျိုး ဖြစ်လာနိုင်ဖို့ “သဘောထား ကွဲလွဲခွင့်”ဆိုတဲ့ လူ့အခွင့်အရေးသီအိုရီကို လေးစားလိုက်နာရမှာဖြစ်တယ်။ ဘာကြောင့်လဲဆိုရင် သဘောထား ကွဲလွဲခွင့်ဆိုတဲ့ လူ့အခွင့်ရေးဟာ လူသားများရဲ့ မွေးရာပါ အခွင့်ရေးဖြစ်တယ်။

ဒီမိုကရေစီစနစ်မှာ လူတိုင်း တန်းတူအခွင့်အရေး ရှိရမယ်ဆိုတဲ့ သီအိုရီမျိုးရှိထားတာမို့ ကိုယ့်ဘက်မှာ နစ်နာနေတယ်ဆိုရင် ပြည်သူများထံမှ လက်မှတ်ကောက်ခံပြီး ပြည်ထောင်စုလွှတ်တော်သို့ တင်ပြရန်ဖြစ်တယ်။ လွှတ်တော်မှာ အကြေအလည် ဆွေးနွေးပြီး၊ အများဆန္ဒနဲ့ မဲခွဲဆုံးဖြတ်ရမှာဖြစ်တယ်။ ထိုနောက် ဥပဒေကို အတည်ပြုပြဋ္ဌာန်းပေးရမှာဖြစ်တယ်။ ထိုနည်းတူစွာပင် သူ့ဘက်မှာ နစ်နာနေတယ်ဆိုရင် ပြည်သူများထံမှ လက်မှတ်ကောက်ခံပြီး ပြည်ထောင်စုလွှတ်တော်ကို တင်ပြရန်ဖြစ်တယ်။ လွှတ်တော်မှာ အကြေအလည် ဆွေးနွေးပြီး၊ အများဆန္ဒနဲ့ မဲခွဲဆုံးဖြတ်ရမှာဖြစ်တယ်။ ထိုနောက် ဥပဒေကို အတည်ပြုပြဋ္ဌာန်းပေးရမှာဖြစ်တယ်။

ဒီမိုကရေစီစနစ်အရ လွတ်တော်မတင်ခင်မှာ ပြည်သူအချင်းချင်း အကြောင်းအရာတစ်ခုအတွက် သူမှန်တယ် ကိုယ်မှန်တယ်စသည်ဖြင့် အငြင်းပွားနေစရာအကြောင်းမရှိပါ။ သို့သော် ဒီကိစ္စမျိုးမှာ မလိုအပ်ပဲ အချင်းချင်း တိုက်ခိုက်ပြောဆို နေကြရခြင်းဟာ ဒီမိုကရေစီနည်းလမ်းမကျတဲ့ ငြင်းခုံမှုမျိုးသာဖြစ်တယ်။ ထိုကြောင့် စစ်မှန်သော ဒီမိုကရေစီကို လိုချင်နေတဲ့ တိုင်းသူ၊ ပြည်သားများအတွက် ၀မ်းနည်းမိခြင်းပါ။

တကယ်ဆိုလျှင် “သဘောထားကွဲလွဲခွင့်”ဆိုတဲ့ အနေအထားတစ်ခုကို ပြည်သူများသိရှိနားလည် မထားလို့ ဒီလိုဖြစ်ရတယ်လို့ ထင်မြင်မိခြင်းပါ။ “သဘောထားကွဲလွဲခြင်း” ဆိုတဲ့ သဘောတရားဟာ ဘယ်အချိန်က စခဲ့သလဲ။ လူသားတစ်ယောက်ဟာ မမွေးဖွားခင်ကတည်းက အရသာ (၆)ပါးက ရှိနှင့်ပြီး ဖြစ်နေတယ်။ ထို့ကြောင့် မွေးဖွားလာသူတိုင်းဟာ အဲဒီအရသာ (၆)ပါးအပေါ်မှာ အကြိုက်ခြင်း တူနိုင်၊ မတူနိုင် စဉ်းစားဖို့ လိုအပ်လာတယ်။ အမေကြိုက်တဲ့ အချဉ်အရသာကို သမီးက ကြိုက်ချင်မှကြိုက်မယ်။ အဖေကြိုက်တဲ့ အခါးအရသာကို သားက နှစ်သက်ချင်မှ နှစ်သက်မယ်။ သူအကြိုက်၊ ကိုယ့်အကြိုက် ဘယ်လိုနည်းနဲ့မှ ထပ်တူမကျနိုင်ကြောင်း သိသာထင်ရှားတယ်။ သူကြိုက်တဲ့အရသာကို ကိုယ်မကြိုက်ရုံနဲ့ ကိုယ်မကြိုက်တဲ့ အရသာကို သူမကြိုက်ရုံနဲ အချင်းချင်းအကြားမှာ ရန်သူတွေလို ဆက်ဆံနေကြခြင်းဟာ ဒီမိုကရေစီစနစ်နှင့် မလျှော်ညီတဲ့ ခံယူချက်မျိုးသာဖြစ်တယ်။ စဉ်းစားနိုင်ကြဖို့ပါ။

နောက်ဥပမာတစ်ခုက အာရုံ (၆)ပါးဆိုတာဟာလည်း (အမြင်အာရုံ၊ အကြားအာရုံ၊ အနံ့အာရုံ၊ အရသာအာရုံ စသည်(၆)ပါးကို ဆိုလိုသည်) လူသားတစ်ယောက် လူ့ဘ၀ မရောက်ခင်ကတည်းက ရှိနှင့်နေပြီးဖြစ်တယ်။ ဆိုကြပါစို့၊  တစ်ယောက်သောသူက အမြင်အာရုံကို နှစ်သက်သဘောကျတယ်။ တစ်ယောက်သောသူက အကြားအာရုံကို နှစ်သက်သဘောကျတယ်။ အာရုံအကြိုက်ခြင်း မတူရုံနှင့် ထိုသူနှစ်ဦးဟာ “ငါနှင့်မတူ ငါ့ရန်သူ”အဖြစ်ကို ရောက်ကြရတော့မည်လား။ မေးစရာတွေက တစ်လှေကြီး ရှိနေခြင်းပါ။

“သဘောထားကွဲလွဲခွင့်”ဆိုတဲ့ သီအိုရီကို အခြေခံကျကျ နားလည်နိုင်အောင် အလေ့အကျင့်များ ပြုလုပ်ထားဖို့လိုတယ်။ လူတစ်ယောက်အတွက် ကြိုက်ချင်တဲ့အရသာကို ကြိုက်ပါစေ။ အကြိုက်ခြင်းမတူရုံမျှနှင့် သူကို ရန်မမူသင့်ပါ။ ရန်သူလိုမဆက်ဆံသင့်ပါ။ လူတစ်ယောက်ဟာ သူမြတ်နိုးချင်တဲ့အာရုံကို သူမြတ်နိုးစမ်း ပါစေ။ အာရုံအကြိုက်ခြင်း မတူရုံနှင့်တော့ သူအပေါ်မှာ စိတ်မခုသင့်ပါ။ သူကိုးကွယ်ထားတဲ့ ဘာသာ သာသနာကို ဖျက်ဆီးချင်တဲ့စိတ်တွေ မမွေးမြူသင့်ပါ။ အဘယ့်ကြောင့်ဆိုသော် သဘောထားကွဲလွဲခြင်းကို အပြစ်လို့ မယူဆနိုင်သောကြောင့်ဖြစ်တယ်။

လူသားတစ်ယောက်မှာ မွေးဖွားခြင်းနှင့်အတူ အတူရှင်သန်လာတဲ့ လူ့အခွင့်ရေးဖြစ်စဉ်မှာ သဘောထား ကွဲလွဲခွင့်လဲ ပါဝင်နေခြင်းဖြစ်တယ်။ သဘောထားကွဲလွဲခွင့်ဆိုတဲ့ လူ့အခွင့်အရေးကို ကိုယ်တိုင်က လေးစား လိုက်နာပါမှ သဘောထားကွဲလွဲခြင်းကြောင့် တစ်ဦးနှင့်တစ်ဦးအကြား အမုန်းတရားတွေ တိုးပွားမလာမှာ ဖြစ်တယ်။

နိုင်ငံတိုင်းမှာ သူ့ဥပဒေ၊ သူ့စည်းကမ်း၊ သူ့မူ၊ သူ့စနစ်၊ သူ့ယဉ်ကျေးမှုဆိုတာ ရှိနေပြီးဖြစ်တယ်။ လမ်းစည်းကမ်းအရ လက်ျာမောင်းကျင့်သုံးနေတဲ့ မြန်မာနိုင်ငံလို နိုင်ငံမျိုးကို လက်ဝဲမောင်းကျင့်သုံးနေတဲ့ အာဆီယံနိုင်ငံများနှင့် မတူကွဲပြားနေတာကြောင့် အပြစ်လို့ ပြောဆိုလို့ မရနိုင်တဲ့အချက်ဖြစ်တယ်။

ဥပမာ၊ မလေးရှားနိုင်ငံမှာ မွေးဖွားကြတဲ့ (အများစုဖြစ်တဲ့) ဘူမိပုတြအမျိုးသား၊ အမျိုးသမီးများကို လက်ထပ်သူတိုင်းသည် (အမျိုးသားဖြစ်စေ၊ အမျိုးသမီးဖြစ်စေ) ထိုဘူမိပုတြာ လူမျိုးကိုးကွယ်သော ဘာသာ တရားကို (ဆန္ဒပါသည်ဖြစ်စေ၊ မပါသည်ဖြစ်စေ) ခံယူကြရခြင်းကို အပြစ်လို့ ပြောလို့မရနိုင်ပါ။ အဘယ့်ကြောင့် ဆိုသော် ထိုနိုင်ငံမှာ သူ့ဥပဒေ၊ သူ့မူ၊ သူ့စည်းကမ်းများ ရှိထားပြီး၊ ထိုဥပဒေ၊ ထိုစည်းကမ်းအတိုင်း ကျင့်သုံးခြင်းကြောင့်ဖြစ်တယ်။ သို့သော် မြန်မာနိုင်ငံမှာလည်း သူ့နိုင်ငံအတွက် သူ့ဥပဒေ၊ သူ့စည်းကမ်း၊ သူ့မူ၊ သူ့ယဉ်ကျေးမှုများရှိသော်လည်း လိုက်နာကျင့်သုံးရေးအပိုင်း၌ နိုင်ငံရေးသဘောအရ နည်းဗျူဟာများသုံးလျှက် ဆက်တိုက်ဆိုသလို ဆန့်ကျင်ဘက်များ ပြုလုပ်နေကြလျှက် ချမှတ်ထားသော စည်းမျဉ်း၊ ဥပဒေများကို လိုက်နာရန် ငြင်းဆန်နေခြင်းသည် ဒီမိုကရေစီစနစ်ကို စနစ်တကျ အကောင်အထည်ဖေါ်လို၍လော။ သို့မဟုတ် သဘောထားကွဲလွဲခွင့်ကို ပညာသားပါပါနှင့် အသုံးချလိုကြ၍လော။ ဝေခွဲမရနိုင်အောင် ဖြစ်မိတယ်။

ဒီနေ့ဒီအချိန်မှာ ကမ္ဘာ့နိုင်ငံရေးဟာ နိုင်ငံရေးပြဿနာထက် ဘာသာရေးပြဿနာက ပိုပြီး လွှမ်းမိုးရှုပ် ထွေးနေတာကို တွေ့ရတယ်။ သမ္မတအိုဘာမားတို့လို နိုင်ငံရေးသြဇာကြီးမားတဲ့နိုင်ငံတွေက ခေတ်မီ လက်နက်များကို အသုံးပြုပြီး ဘာသာရေး အစွန်းရောက်နေသူများကို ချေမှုန်းနှိမ်နှင်းခဲ့တယ်။ ဒါကို ကမ္ဘာ့လူသားအများစုက ကြိုဆိုတဲ့သဘောမှာ ရှိနေတယ်။ သို့သော် ဘာသာရေး အစွန်းရောက်အဖွဲ့ တွေကလည်း ခေတ်မီမီဒီယာလက်နက်များကို အသုံးပြုပြီး ငြိမ်းချမ်းစွာနေလိုတဲ့ ကမ္ဘာ့ပြည်သူ၊ ပြည်သားတွေကို တန်ပြန်အနေနှင့် ပြန်လည် ခြိမ်းခြောက်နိုင်ရန် သတင်းမီဒီယာတွေကို ကျယ်ကျယ်ပြန့်ပြန့် အသုံးပြုနေတာကို တွေ့ရတယ်။ သတင်းတွေ နေ့တိုင်းလိုလို ဖတ်ရှုနေရတယ်။

အကျိုးဆက်အနေနှင့် ထိုအစွန်းရောက်ဘာသာသာတရားကို ကမ္ဘာ့ပြည်သူများ နားလည် လာနိုင် စေရန် အစွန်းရောက်ဘာသာတရားသည် ငြိမ်းချမ်းရေးကို ရှေးရှုတဲ့ဘာသာတရားလား၊ သို့မဟုတ် အကြမ်း ဖက်မှုကို အားပေးနေတဲ့ ဘာသာတရားလားဆိုတာ မေးခွန်းထုတ်နိုင်ရန် ဖေ့စ်ဘုတ်ခ်စာမျက်နှာများ၊ အင်တာနက်စာမျက်နှာများပေါ်မှာ ဒီဘိတ်(စကားစစ်ထိုးပွဲ)လုပ်ထားတဲ့ တီဗွီသတင်းတွေကလည်း ရာ ထောင် ချည်ပြီး ရှိနေတယ်။ လူတိုင်း လေ့လာကြည့်ရှုသင့်တဲ့ သတင်းများပါ။

ယခုနှစ်သည် ဗုဒ္ဓဘာသာအတွက်  အန္တရာယ်တွေ ၀န်းရံနေသောနှစ်ဟု ဆိုနိုင်တယ်။ ဘာသာရေး အစွန်းရောက်တို့၏ နည်းဗျူဟာကို မသိရှာကြတဲ့ အချို့သောဘာသာရေးခေါင်းဆောင်တို့သည် ဆန်စင်ရာ ကျည်ပွေ့လိုက်၍ အထင်နှင့် ဘာသာဝင်အချင်းချင်းအပေါ်မှာ အထင်မှား၊ အမြင်မှားတွေ ဖြစ်နေကြတယ်။

ထို့ကြောင့် တိုင်းကျိုး၊ ပြည်ကျိုးများနှင့် ဘာသာ သာသနာ အကျိုးများကို ရှေ့တန်းမှ ဆောင်ရွက် နေကြသော ရဟန်းရှင်လူ ပြည်သူ၊ ပြည်သားများအတွက် အဟောအပြော၊ အသွားအလာ၊ အနေအထိုင်ကစပြီး အရာရာတွင် သတိကြီးစွာထားရမည့် အချိန်အခါမျိုးဖြစ်တယ်။ အစွန်းရောက်သောစကားမျိုး၊ အစွန်းထွက်သော အဟောအပြောမျိုးသည် “အသံကြောင့် ဖားသေရသည့်” အဖြစ်မျိုးသို့ ရောက်သွားနိုင်၍ “ပညာရှိ သတိဖြစ်ခဲ” ဆိုသည့်အတိုင်း ပညာသတိဖြင့် ဆင်ဆင်ခြင်းခြင် ပြုလုပ်ကြရန်ဖြစ်တယ်။  သဘောထား ကွဲလွဲမှုများ ရှိနေ သော်လည်း “သဘောထားကွဲလွဲခွင့်” မူကို နားလည် သဘောပေါက်ထားကြမည်ဆိုလျှင် အချင်းချင်းအကြား ပြဿနာဆိုတာ ရှိလာနိုင်စရာအကြောင်းမရှိဟု ယုံကြည်ထားမိတယ်။ ချမ်းသာစွာ အိပ်စက်နိုင်ကြပါစေ။

(သရုပ်ဖော် – ၂၀၀၈၊ နာဂစ်မုန်တိုင်းသင့်သူများ ကူညီရေး ရန်ပုံငွေပန်းချီပြပွဲမှ ကားတကား)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အတွေးအမြင်, ဒေါက်တာဓမ္မပီယ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

 ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ

By

ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ (မိုးမခ) ဖေဖော်ဝါရီ ၅၊...

Read more »

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ 

By

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ  မိုးမခစာပေက ထွက်ပါပြီ။...

Read more »

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်