ဝိသေသ – သည်းခံခြင်းနှင့် အညံ့ခံခြင်း(ကျွန်ခံခြင်း)

September 23, 2014

ဝိသေသ – သည်းခံခြင်းနှင့် အညံ့ခံခြင်း(ကျွန်ခံခြင်း)

(မိုးမခ) စက်တင်ဘာ ၂၃၊ ၂၀၁၄

ကြပ်ကလဲကြပ်၊ ကြာကလည်းကြာ။ စိတ်ညစ်ဖွယ် လိုင်းကားကို လူထွေးစီးမိပြီ။ မြို့တွင်းမှ ဆင်ခြေဖုံးအရပ်သို့လည်း ရောက်ရော ဒရောသောပါး ဒလကြမ်း မောင်းပါလေတော့၏။ ကားပြိုင်မောင်းနေခြင်းဖြစ်သည်။ အသည်းတယားယား၊ ရင်တဖိုဖို ဖြစ်ရ၏။ လူထွေးသည် ၁၉၉၆ လောက်က ဒိုင်နာယာဉ်တိမ်းမှောက်မှုတစ်ခုတွင် ပါဖူး၏။ ကံကောင်း၍ မသေခြင်းဖြစ်သည်။ နက်ဖြန်ဆိုတာကမှ ဝေးဦးမည်၊ သေခြင်းဆိုတာက (မတော်တဆမှုကြောင့်ဖြစ်စေ၊ အခြားသော အကြောင်းတစ်ခုခုကြောင့်ဖြစ်စေ) နီးသွားနိုင်သည်။

မဒမ်လူထွေးက သူ့ခင်ပွန်းအား ငပွကြီးဝင်မလုပ်နဲ့ဟု အတန်တန်ပြောထားတဲ့ကြားက လူထွေးပြောမိပြီ။

‘ကားဆရာတို့ မှန်မှန်ပဲ မောင်းကြပါ။ အန္တရာယ်ဖြစ်နိုင်တယ်။ ပြိုင်မမောင်းပါနဲ့။’

ကားဒရိုင်ဘာရော၊ စပယ်ယာကပါ ကောင်းကောင်းကြား၏။ သို့သော် ဖုတ်လေသည့် ငပိ ရှိတယ်လို့ပင် မထင်။ အံ့သြစရာတော့ အကောင်းသား။ မှတ်တိုင်ကျော်ရပ်တာတို့၊ မှတ်တိုင်မရောက်မီ ရပ်တာတို့ကို ဖမ်းဆီးအရေးယူတာတွေ့ဖူးသည်။ ခရီးသည်တွေ ပိုးဆိုးပက်စက် မာလကီးယားသွားနိုင်သည့် ကားပြိုင်ပွဲတွေကို ဖမ်းဆီးအရေးယူတာ လူထွေးမတွေ့ဖူးပေ။ (ဗဟုသုတ နည်းတာလဲ ဖြစ်ကောင်းဖြစ်မည်။)

လူထွေးသည် မခံချိ မခံသာ ဖြစ်၍ နောက်တစ်ခေါက် ထပ်ပြောသည်။

‘ပြိုင်မမောင်းကြပါနဲ့ဗျာ။’

ဒုတိယအကြိမ် ပြောသောအခါ၌မူ ကားစပယ်ယာက လူထွေးကို စွေစောင်းစောင်း ရှုံ့မဲ့မဲ့ဖြင့် ကြည့်သည်။ သို့သော် ကားပြိုင်ပွဲကို ကျင်းပသည်မှာ မပြီးသေး။

တတိယအကြိမ် လူထွေး ပြောပြန်၏။

‘…အန္တရာယ် ဖြစ်နိုင်လို့ပါ…’

ကားစပယ်ယာက မနေနိုင်တော့။

‘ခင်ဗျားတစ်ယောက်ထဲပဲ ချီးပေါက်နေတာ၊ ကျန်တဲ့သူ ဘယ်သူမှ ဘာမှမပြောဘူးဗျ။’

အလွန်မှန်သောစကားပါပဲခင်ဗျား။ ဘယ်သူကမှ ဘာမှမပြော။ ယာဉ်မတော်တဆမှု တစ်ခုခုဖြစ်လျှင် လူထွေးတစ်ယောက်ထဲ ခံရမည်မဟုတ်၊ အခြားခရီးသည်တွေလဲ ခံရမည်သာ…။ လူတွေ ဘာဖြစ်ကုန်ပြီနည်း။ မိမိအသက်ဘေးကိစ္စကိုပင် ဘာမျှထည့်တွက်စရာ မလိုတော့ပြီလော။ ကားသမားတွေကို စိတ်ဆိုးတာထက်၊ ကျန်ခရီးသည်တွေကို လူထွေးစိတ်ဆိုးသလိုလို ဖြစ်လာသည်။

မဒမ်လူထွေး ဤကိစ္စကြားလျှင် ‘အစက တို့ မပြောလား’ ဟု လှောင်ရယ်နေပေလိမ့်ဦးမည်။

X     x    x

၂၀၁၂ သြဂုတ်လဆန်းပိုင်းလောက်က ဖြစ်သည်။

လူထွေး၏မိတ်ဆွေ Taxi ယာဉ်မောင်းတစ်ဦး ပြောပြသော အဖြစ်မှန်ပါ။

အလုံ သစ်တောလမ်းနှင့် ကျောင်းလမ်းထောင့်တွင် စိတ်ဝေဒနာရှင်တစ်ဦးသည် အထုပ်အပိုးများနှင့်တကွ ရောက်နေ၏။ ဟိုကြည့် ဒီကြည့်၊ ဟိုပြော ဒီပြောလုပ်နေရာမှ သူ့အထုပ်အပိုးတွေကို အောက်ချကာ မတော်မလျှော် လုပ်ပြနေတော့၏။ မလှမ်းမကမ်း စတိုးဆိုင်ရှိ မိန်းကလေးငယ်များကို လုပ်ပြနေရာ၊ မိန်းကလေးငယ်များ အထဲသို့ ၀င်ပြေးကြကုန်၏။ အနီးပတ်ဝန်းကျင်တွင် အရွယ်ရောက်လူငယ်၊ လူကြီး ယောက်ျားသားများ ၇ ဦးထက်မနည်း ရှိနေ၏။ လူကြီးတစ်ယောက်ကသာ ဝေဒနာရှင်နားသွား၍ ‘ဒီလို မလုပ်နဲ့’ ဟု သွားပြောသည်။
ဝေဒနာရှင်က ‘လုပ်တော့ ဘာဖြစ်လဲ’ ဟု အကျယ်ကြီး ပြန်အော်၏။ ထိုအခါ ထောင်ထောင်မောင်းမောင်း ထိုလူကြီးမှာ မျက်စိမျက်နှာပျက်၍ အခြားသို့ သုတ်ခြေတင်လေတော့၏။ အခြားသော အတောင်နှစ်ဆယ်ဝတ် ယောက်ျားသားများမှာ ဘာမျှဝင်မပြောရဲတော့။ ပုပုပျပ်ပျပ် ယာဉ်မောင်းသည် တုတ်တစ်ချောင်းကိုဆွဲ၍ အေးအေးဆေးဆေးသွားပြောသည်။

‘ကောင်းကောင်းပြောမယ်နော်၊ ထွက်သွားလိုက်တော့။ ဒါဘာလဲ သိတယ်နော်…’

ဝေဒနာရှင်လဲ တုတ်ကို ကြည့်၍ ဖြုံသွားဟန်တူသည်။ အထုပ်အပိုးများကို မ၍ ထွက်သွားသည်။ သို့သော် ၀ါးတစ်ရိုက်ပင် မရောက်မီ ပြန်လှည့်လာပြီးအော်သည်။

‘မသွားဘူးကွာ…ဘာဖြစ်လဲ’

ယာဉ်မောင်းလဲ ဝေဒနာရှင်ထံ တဟုန်ထိုးပြေး၍ ရိုက်တော့မလို လုပ်သည်။ ထိုအခါမှ ဝေဒနာရှင်လဲ ဖ၀ါးနှင့် တင်ပါး တသားထဲကျအောင် ပြေးလေတော့သည်။

အနီးအနားရှိ မိန်းကလေးများက ပြောတော့မှ ယာဉ်မောင်းလဲ အံ့သြသွားသည်။ ထိုစိတ်ဝေဒနာရှင်သည် ယခင်က ၂ ကြိမ် ၃ ကြိမ်မက ထိုသို့ မတော်တလျှော် လုပ်တတ်ရာ ပြောမည့်သူ မရှိခဲ့ပါတဲ့။ ကဲ – လူတွေ ဘာဖြစ်ကုန်ပြီနည်း။ သည်းခံခြင်းနှင့် အညံ့ခံခြင်း (ကျွန်ခံခြင်း)သည် ဘယ်လိုမှ မတူနိုင်ကြောင်း မေ့လျော့ကြကုန်ပြီလော။ အမျိုးကောင်းသမီးတို့ကို သမီးအရွယ်၊ နှမအရွယ် သဘောထား၍ စောင့်ရှောက်ကာကွယ်ရမည်မှန်း မသိကြတော့ပြီလော။

                                                                                               

အသံဗလံဆူညံမှုတွေက အမျိုးမျိုးအဖုံဖုံပင်ဖြစ်သည်။ ကားနှင့် အလှူခံသူတွေ၊ ဓမ္မာရုံတွေ၊ တရားခွေ CD ရောင်းသူတွေ…။
လူထွေးက သွားပြောမိတော့ ‘ငါတို့ကို မင်းက စော်ကားတာလား’ ဟု သူ့ကို မေးကြ၏။ မြတ်စွာဘုရား…။ လူထွေးက စော်ကားတာလား။ လူထွေးကို စော်ကားတာလား။ ရပ်ကွက်နေ လမ်းနေ တိုက်ခန်းတွဲနေ လူအများစုက ထိုဆူညံမှုတွေ မကြိုက်ကြောင်း လူထွေးကို ပြောတတ်ကြသည်။ သို့သော် တိုးတိုးကြိတ်ကြိတ်သာ…။ သူတို့ကိုယ်တိုင် ပြောဖို့ကျ ဝေးရော။ လူထွေး ကြားဖူးသည်။ ခပ်ညံ့ညံ့ ရွာသားတွေ အဖို့၊ ခပ်ညံ့ညံ့ သူကြီးပဲ ရလိမ့်မည်တဲ့။

တော်သော သူကြီးပင် ညံ့သောရွာမှာ မနေနိုင်ပါတဲ့။

ယခုအခါ အုပ်ချုပ်ရေးပိုင်း၊ ဥပဒေပြုရေးပိုင်းတို့တွင် အမြော်အမြင်ရှိသူတို့က ကောင်းမြတ်သော ပြုပြင်ပြောင်းလဲရေးများကို ဆောင်ရွက်ပေးနေကြပါသည်။ လူထွေးတို့ကလဲ ပါဝင်စရာရှိလျှင် ပါဝင်ဖို့လောက်တော့ စိတ်မ၀င်စားသင့်ပေဘူးလား။ ပြောစရာရှိလျှင် ပြောဖို့လောက်တော့ စိတ်မ၀င်စားသင့်ပေဘူးလား။

ဝိသေသ


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခေတ်ပြိုင်အတွေ့အကြုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး ချမ်းမြ စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်