ရန်နောင်(ဗုိုလ်တထောင်) – “နှလုံးသားဖြင့် ပြုလုပ်သည်” ရုပ်ရှင် ဇာတ်ကားအထူးပွဲ ပြသ

September 28, 2014



ရန်နောင်(ဗုိုလ်တထောင်) – “နှလုံးသားဖြင့် ပြုလုပ်သည်” ရုပ်ရှင် ဇာတ်ကားအထူးပွဲ ပြသ

(မိုးမခ) စက်တင်ဘာ ၂၈၊ ၂၀၁၄
          အချစ်အပေါ် တန်ဖိုးထားလေစေရန်၊အချစ်မေတ္တာတို့အပေါ် လိမ်လည်လှည့်ဖြားပါက ဒုက္ခ ရောက်တတ်ကြောင်းသိရှိစေရန်၊ အချစ်၊မေတ္တာကို အသုံးပြု ကလဲ့စားချေပါက မိမိပြန်ခံရကြောင်း သိရှိစေရန် ရည်ရွယ်ချက်ဖြင့် ဒါရိုက်တာ ဝိုင်း ရိုက်ကူးပြီး လပ်ကီးဆဲဗင်းရုပ်ရှင်နှင့် ဗီဒီယို ထုတ်လုပ်ရေးမှ တင်ဆက်လိုက်သည့် “ နှလုံးသားဖြင့်ပြုလုပ်သည် ”  ရုပ်ရှင်ဇာတ်ကား စာနယ်ဇင်းအထူးပွဲကို ရန်ကုန်မြို့ သမ္မတ အဆင့်မြင့်ရုပ်ရှင်ရုံတွင်  ပြသခဲ့သည်။

 

              သစ္စာရဲရဲနီ မှာ ချမ်းသာကြွယ်ဝပြီး ဓနဂုဏ်မောက်မာသည့် ဦးသစ္စာ၏ သမီးဖြစ်၏။ အိမ်မှ ဒရိုင်ဘာ၏ သား သီဟ၏ ချစ်ရေးဆိုခြင်းကို ခံရသည့်အခါ မာနခေါင်ခိုက်နေသည့် သစ္စာရဲရဲနီက သီဟအား ရယ်စရာ၊ကစားစရာ  လူတစ်ယောက်ပမာ သဘောထားကာ နည်းမျိုးစုံနှင့် အနိုင်ကျင့် နှိပ်စက်သည်။ သစ္စာရဲရဲနီ၏ အစ်ကို လူရိုးလူအေး မိုးနီက အမြင်မတော်၍ ဝင်ရောက်ဟန့်တားသော်လည်း အရာမထင်။သစ္စာရဲရဲနီ အား အချစ်ဦး အဖြစ် ရူးရူးမူးမူး ချစ်နေသည့် သီဟ ကလည်း အန္တရာယ်ကိုပင် အမှု မထားပဲ မိမိ အချစ်ကိ်ု  ယုံကြည်လက်ခံလာစေရန် အစါမ်းကုန် ချစ်သက်သေပြခဲ့သည်။

        သီဟ၏ အချစ်ကို မျက်ကွယ် မပြုနိုင်တော့သည့်အဆုံး သီဟနှင့် သစ္စာရဲရဲနီ တို့ ချစ်သူများဖြစ်သွားကြသော အခါတွင်လည်း သစ္စာရဲရဲနီက ဗိုလ်ကျမြဲပင်။ထိုသို့ ဗိုလ်ကျသော်လည်း သီဟအားမြတ်မြတ်နိုးနိုး ချစ်ခဲ့ခြင်းဖြစ်ပြီး တစ်ဦး နှင့် တစ်ဦး သွေးသစ္စာပြုကာချစ်သက်သေ ထူခဲ့ကြသည်။
             သီဟ ဆယ်တန်းအောင်သောအခါ ဂုဏ်ထူးလေးဘာသာပါသဖြင့် ဖခင်ဖြစ်သူက ဆေးကျောင်းတက်ခိုင်းသောအခါ သီဟ က သူ့ရည်မှန်းချက်အတိုင်း စီးပွားရေးလုပ်ငန်းရှင် တစ်ဦးဖြစ်ရေးနှင့် ချမ်းသာကြွယ်ဝသည့် အခြေအနေဖြင့် သစ္စာရဲရဲနီအား လက်ထပ်ယူရေး ကိုသာ စဉ်းစားရွေးချယ်ခဲ့သည်။
           သီဟ နှင့် သစ္စာရဲရဲနီတို့၏ ချစ်မေတ္တာ ဇာတ်လမ်းကို သူဌေး ဦးသစ္စာ သိသွားသောအခါ သီဟနှင့် နှစ်ယောက်တည်း ဆွေးနွေး ကတိပေးခဲ့ကြသည်။ သီဟ က မိမိရည်မှန်းချက်အတိုင်း ချမ်းသာလာသည့် အချိန်တွင် သစ္စာရဲရဲနီ နှင့် လက်ထပ်ခွင့်ပြုရန်တောင်းဆိုသောအခါ  ဦးသစ္စာက ရည်မှန်းချက်ပြည့်သည်အထိ ကြိုးစားရန်နှင့် လေးနှစ်အတွင်း ဖြစ်မြောက်ရန် အချိန်ပေးခဲ့သည်။ ထိုအတော အတွင်း သစ္စာရဲရဲနှီ အား မည်သို့သောနည်းနှင့် မှ မဆက်သွယ်ရန် လည်း ကတိထပ်မံတောင်းသောအခါ သီဟ မှ အားရဝမ်းသာကတိပေးပြီး အိမ်ကြီးဆီမှ ထွက်ခွာလာခဲ့သည်။
       လေးနှစ်တာ အတွင်း ကြိုးစားအားထုတ်မှု နှင့် ကံတရားကြောင့် သီဟတစ်ယောက် သူတစ်သက်လုံး စိတ်ကူးယဉ် အိပ်မက်မက်ခဲ့ရသည့် စီးပွားရေးလုပ်ငန်းရှင်ဘဝသို့ ရောက်၍ သစ္စာရဲရဲနီ တို့အိမ် သို့ပြန်သောအခါ  သစ္စာရဲရဲနီမှာ ဖခင်ပေးစားသော သူနှင့် လက်ထပ်ကာ နိုင်ငံခြား သို့ လိုက်ပါသွားကြောင်း၊သမီးလေးတစ်ယောက်ပင်ရရှိနေပြီ ဖြစ်ကြောင်း ၊ ဦးသစ္စာမှာလည်း သမီးထံ အလည်အပတ်သွားနေကြောင်း ၊မိမိ၏ ဖခင်ဖြစ်သူ မှာလည်း ကွယ်လွန်သွားပြီ ဖြစ်ကြောင်းတို့ကို မိုးနီ ထံမှသိလိုက်ရသော်လည်း မိမိနှင့် ဦးသစ္စာတို့၏ ကတိကဝတ်ကို မည်သူမျှမသိလိုက်ကြောင်း  သိရှိလိုက်ရသည်။

 

         ကြိုးစားကာ ရည်မှန်းထားသမျှ သဲထဲရေသွန်သလို ပျက်စီးခဲ့ရသောကြောင့် သီဟ အချိန်အတန်ကြာလေလွင့်ပျက်စီးသွားခဲ့သည်။ သို့သော်ဘဝကိုရေစုန်မျောကာ ပျက်စီးရန်မသင့်ကြောင်း အသိတရားပြန်ဝင်လာပြီးနောက် သီဟ မှာ ဘဝတစ်ခုလုံးကို စီးပွားရေးလုပ်ငန်းများတွင်မြှပ်နှံကာ လူကုံတန်စာရင်းဝင်တစ်ဦး အဖြစ်ထင်ရှားလာခဲ့သည်။

       လူကုံတန် သူဌေး ဦးသီဟ အဖြစ်နှင့် ဦးမိုးနီ ၏ မင်္ဂလာဧည့်ခံပွဲ ကျင်းပရာ ဦးသစ္စာ၏ အိမ်သို့ ရောက်သွားသောအခါ သစ္စာရဲရဲနီ ၏ သမီး အပျိုချောလေး မီးမီးရဲရဲနီ ကို တွေ့ ရှိသွားခဲ့သည်။ မီးမီးရဲရဲနီ ကိုအမှတ်မထင်သိကျွမ်းခဲ့ရာမှ ဦးသစ္စာအား ကလဲ့စားချေရန် စိတ်ကူးရသွားသော သီဟသည် မည်သို့ မည်ပုံ ဆက်လက် လုပ်ဆောင်မည်ဆိုသည်ကိုတော့ ပိတ်ကားပေါ်တွင် ဆက်လက်ရှုစားတော်မူကြ ခင်ဗျား။

 

 

         လွန်းထားထား (ဆေးတက္ကသိုလ်) ၏ ဝတ္တုကို ဒါရိုက်တာဝိုင်းက ပြေတီဦး၊ ဇင်ဝိုင်း၊မိုးဟေကို၊ဝတိမှုံရွှေရည် တို့ မှ သရုပ်ဆောင်ထားကြသော နှလုံးသားဖြင့်ပြုလုပ်သည် ရုပ်ရှင်ဇာတ်ကားသည် ကတိကိုပေးပြီးမတည်သူများ ဒုက္ခရောက်ပုံ ကို တင်စားဖွဲ့ ဆိုထားသော ဇာတ်ကားကောင်း တစ်ကားအဖြစ်တော့ ညွှန်းဆိုလိုက်ပါတော့သည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Yan Naung (Bo Ta Htaung), ဓာတ်ပုံသတင်း

One Response to ရန်နောင်(ဗုိုလ်တထောင်) – “နှလုံးသားဖြင့် ပြုလုပ်သည်” ရုပ်ရှင် ဇာတ်ကားအထူးပွဲ ပြသ

  1. Aung on September 28, 2014 at 11:11 am

    It is Wuthering heights

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း သြဂတ်စ် ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်