ဂါမဏိ ဘာသာပြန် – ဖီဆန်ရေးလက်စွဲ (ဟောင်ကောင်)

October 10, 2014

ဘာသာပြန် – ဖီဆန်ရေးလက်စွဲ (ဟောင်ကောင်)
(မိုးမခ) အောက်တိုဘာ ၁၀၊ ၂၀၁၄

(၁) အတွေးအခေါ်

၁။ အာဏာဖီဆန်ရေး ဆိုတာ ဥပဒေတရပ်၊ အမိန့်ကြော်ငြာစာတခု သို့မဟုတ် ညွှန်ကြားချက်တခုကို လိုက်နာဖို့ ငြင်း ဆန်ခြင်းအားဖြင့် မတရားမှုကိုဆန့်ကျင်တဲ့ လုပ်ရပ်တွေကို ဆိုလိုတာဖြစ်တယ်။ ပါဝင်လုပ်ဆောင်သူတွေဟာ အကြမ်း ဖက်မှုကို မကျင့်သုံးရပါ။ အဲ့ဒီအစား သူတို့ဟာ ဖြစ်လာမယ့်ဥပဒေဆိုင်ရာအကျိုးဆက်တွေကို စိတ်ပါလက်ပါခံယူရမှာ ဖြစ်တယ်။ လုပ်ရပ်တွေဟာ ယဉ်ကျေးသိမ်မွေ့မှုကို ပြသရမယ့်အပြင် မတရားတဲ့အာဏာပိုင်တွေနဲ့ ပူးပေါင်းဆောင် ရွက်ရေးကို ငြင်းဆန်ရာမှာ ဖီဆန်တဲ့သဘောထားကိုလည်း ပြရမှာဖြစ်တယ်။ ဆက်တိုက်ကန့်ကွက်ဆန္ဒပြမှုကနေ လူ့ အဖွဲ့အစည်းထဲမှာ အပြောင်းအလဲတွေဖြစ်ဖို့ ကြိုးပမ်းရမှာဖြစ်တယ်။ စစ်မှန်တဲ့ရွှေပြည်အေးဝါဒဟာ ဆိုးယုတ်မှုတွေကို မတွန်းလှန်ဘဲနေတဲ့ အဓိပ္ပာယ်မဟုတ်ဘဲ ဆိုးယုတ်မှုတွေကို အကြမ်းမဖက်နည်းလမ်းတွေနဲ့ တေ့တေ့ဆိုင်ဆိုင်တိုက်ပွဲ ဝင်ဖို့ ဖြစ်တယ်။

၂။ အကြမ်းဖက်မှုကို အကြမ်းဖက်မှုနဲ့ ရင်ဆိုင်ကျင့်သုံးခြင်းဟာ အာဃာတတွေနဲ့ အကြောက်တရားတွေကိုဘဲ ပိုကြီးမားလာစေပြီး အစိုးရအတွက် နှိပ်ကွပ်စရာအကြောင်းပြချက်ဖြစ်သွားလိမ့်မယ်၊ ဖိနှိပ်သူတွေကို အားပိုကြီးစေလိမ့် မယ်။ အာဏာဖီဆန်ရေး ဆိုတာ အမုန်းတရားကို မေတ္တာနဲ့အောင်နိုင်ဖို့ဖြစ်တယ်။ ပါဝင်လုပ်ဆောင်သူတွေဟာ ဒုက္ခ သုက္ခတွေကို ဂုဏ်သိက္ခာရှိရှိရင်ဆိုင်ရမယ်၊ ဒါမှသာ ဖိနှိပ်သူတွေရဲ့လိပ်ပြာကို ခြောက်ခြားစေပြီး နှိပ်ကွပ်မှုနောက် ကွယ်က အမုန်းတရားတွေကို လျော့နည်းစေနိုင်မယ်။ ပိုအရေးကြီးတာကတော့ အကြမ်းမဖက်ရေးဟာ လမ်းဘေးက ရပ်ကြည့်သူတွေရဲ့ စာနာမှုကို ဆွဲဆောင်နိုင်မှာဖြစ်ပြီး ဖိနှိပ်သူတွေက ငါတို့အပေါ်ကျင့်သုံးတဲ့ စနစ်တကျအကြမ်းဖက် မှုရဲ့ လုံးဝတရားမဝင်မှုကို ပွင့်ကျစေမှာဖြစ်တယ်။ မိမိကိုယ်မိမိစတေးခြင်းဟာ အများပြည်သူကို နိုးထစေနိုင်တယ်။

၃။ လှုပ်ရှားမှုရဲ့ အဆုံးစွန်ရည်မှန်းချက်ဟာ တန်းတူညီမျှမှု၊ သည်းခံခွင့်လွှတ်မှု၊ မေတ္တာတရား၊ အကြင်နာတရားတို့ ထွန်းကားတဲ့ လူ့ဘောင်ကို ထူထောင်ဖို့ဖြစ်တယ်။ ငါတို့ဟာ မတရားတဲ့စနစ်ကြီးကို တိုက်နေတာဖြစ်တယ်၊ လူပုဂ္ဂိုလ် တွေကို တိုက်နေတာ မဟုတ်။ ငါတို့ဟာ ဥပဒေကြပ်မတ်သူ(=ရဲ) တွေကို ချေမှုန်းဖို့၊ ဒါမှမဟုတ် သိက္ခာကျစေဖို့ မဟုတ်၊ သူတို့ရဲ့နားလည်မှုနဲ့ လေးစားမှုကို ရအောင်စည်းရုံးဖို့ဖြစ်တယ်။ ငါတို့ဟာ လူချင်းထိပ်တိုက်ရင်ဆိုင်မှုကို ရှောင်ရှားဖို့ လိုအပ်ရုံတင်မကဘဲ နှလုံးသားမှာ အမုန်းတရား ဖြစ်ပေါ်ကြီးထွားစေမှုကိုလဲ ရှောင်လွဲရမှာဖြစ်တယ်။

၎။ ငါတို့ဟာ ပြည်သူလူထုရဲ့ နားလည်မှု ထောက်ခံမှုကို ရချင်ရင် လှုပ်ရှားမှုမှာပါဝင်သူတွေဟာ အကြမ်းမဖက်ရေးမူကို တင်းတင်းကြပ်ကြပ်လိုက်နာရမယ်။ ဆန္ဒပြသမားတွေဟာ ဥပဒေကြပ်မတ်သူတွေနဲ့ ကာယကံ သို့မဟုတ် ဝစီကံ မြောက် ပဋိပက္ခတွေ မဆင်နွှဲရ၊ ပြည်သူပိုင်ပစ္စည်းတွေကို မဖျက်ဆီးရပါ။ ရက်စက်ကြမ်းကြုတ်တဲ့ အင်အားသုံးမှုကို ရင် ဆိုင်ရတဲ့အခါ မိမိခန္ဓာကိုယ်ကို ကာကွယ်ဖို့လုပ်နိုင်ပါတယ်၊ ဒါပေမဲ့ ပြန်ချတာ မလုပ်ပါနဲ့။ လာဖမ်းရင် ဆန္ဒပြသမား တွေဟာ လူချင်းတွဲဆက်ပြီး လူတန်းကြီးလုပ်၊ မြေပြင်ပေါ်လှဲချလိုက်ပါ၊ ဒီနည်းနဲ့ ဖမ်းဆီးဖို့ ပိုခက်အောင်လုပ်နိုင်တယ်၊ ဒါပေမဲ့ တအားမရုန်းပါနဲ့။ ဆန္ဒပြသမားတွေဟာ ငြိမ်းချမ်းတဲ့သဘောထား၊ အကျိုးသင့်အကြောင်းသင့်သဘောထားကို သိက္ခာရှိရှိပြသင့်တယ်။ မိမိတို့ဟာ ဖိနှိပ်သူတွေထက်မြင့်မားတဲ့ အကျင့်သီလစံတွေပြဖို့ ကိုယ့်ကိုယ်ကို အမြဲသတိပေး နေသင့်တယ်၊ ဒါမှသာ လူ့အဖွဲ့အစည်းရဲ့ ထောက်ခံမှုကို ရမှာဖြစ်တယ်။

(၂) အကြမ်းမဖက်ရေးဆန္ဒပြပွဲအတွက် စည်းကမ်းများ

၁။ အကြမ်းမဖက်ရေးနည်းလမ်းများ သုံးဖို့ ရပ်ခံပါ။ ဥပဒေကြပ်မတ်သူများ နဲ့ တန်ပြန်ဆန္ဒပြသမားများကို ရင်ဆိုင်ရတဲ့ အခါ ဘယ်တော့မှ သူတပါးကို ရုပ်ပိုင်း သို့မဟုတ် စိတ်ပိုင်းအရ ထိခိုက်နာကျင်အောင် မလုပ်ပါနဲ့၊ ဘယ်တော့မှ ပစ္စည်း ပစ္စယတွေ ပျက်စီးအောင် မလုပ်ပါနဲ့။

၂။ အာဏာပိုင်တွေနဲ့ ရင်ဆိုင်ရာမှာ သတ္တိရှိပါ၊ အာဏာဖီဆန်ခြင်းအတွက် တာဝန်ယူပါ။ မျက်နှာကိုဖုံးကွယ်တဲ့ မျက် နှာဖုံးတွေ မသုံးပါနဲ့။

၃။ ဘာလက်နက်မှ ယူမလာပါနဲ့၊ ဒါမှမဟုတ် လက်နက်အဖြစ်သုံးနိုင်တဲ့ ဘာပစ္စည်းမှ ယူမလာပါနဲ့။

၎။ လာဖမ်းတဲ့အခါ လူချင်းတွဲဆက်ပြီး လူတန်းကြီးလုပ်၊ မြေပြင်ပေါ်လှဲချပြီး မပူးပေါင်းမဆောင်ရွက်ရေးကို ပြပါ။ ထိ ခိုက်ဒဏ်ရာ မရစေဖို့အတွက် တအားကြီးတော့မရုန်းကန်ပါနဲ့။

၅။ အကြမ်းဖက်ခံရတဲ့အခါ သတ္တိရှိပါ။ ပြန်မချပါနဲ့။ အန္တရာယ်ကင်းတဲ့နေရာကိုရွှေ့ပြီး သပိတ်တားအဖွဲ့ သို့မဟုတ် ဆေး အဖွဲ့ကို အကူညီတောင်းပါ။

၆။ တည်ငြိမ်တဲ့ လူစုလူဝေးထိန်းချုပ်ရေးအချက်အလက် ပေးနိုင်ဖို့အတွက် သတ်မှတ်ထားသူမဟုတ်ရင် လော်စပီကာ ပေးမသုံးပါနဲ့။ မြင်ကွင်းကိုကာဆီးတဲ့ အလံအရှည်ကြီးတွေ၊ ပိုစတာအကြီးကြီးတွေ မသုံးပါစေနဲ့။

၇။ လှုပ်ရှားမှုခေါင်းဆောင်တွေဟာ အချိန်မရွေးအဖမ်းခံရနိုင်တယ်။ ဒါကြောင့် ခေါင်းဆောင်မှုအပြောင်းအလဲအတွက် အသင့်ပြင်ထားပြီး အမြဲတမ်း အစီအစဉ်တကျဖြစ်နေအောင် ကြိုးစားပါ။

၈။ ဆန္ဒပြပွဲဦးစီးအဖွဲ့ရဲ့ ဆုံးဖြတ်ချက်တွေကို လေးစားပါ။ သဘောမတူညီမှုတွေကို လုပ်ငန်းပြီးမှ ပြန်လည်သုံးသပ်သင့် တယ်။ လုပ်ငန်းကို ကမောက်ကမဖြစ်စေမယ့် လုပ်ရပ်မှန်သမျှ ရှောင်ရှားပါ။

ဥပဒေပိုင်းပြဿနာများ

(၁) ဥပဒေပိုင်းကိစ္စများနဲ့ပတ်သက်လို့ လမ်းညွှန်မှတ်စု

ငါတို့ဟာ အာဏာဖီဆန်ရေးအတွက် ငြိမ်းချမ်းစွာလှုပ်ရှားမှုဖြစ်ပြီး ရည်ရွယ်ချက်ကတော့ လူ့အဖွဲ့အစည်းထဲက တခြား လူတွေ တက်ကြွလာအောင် လှုံ့ဆော်ဖို့ဖြစ်တယ်၊ ဥပဒေ သို့မဟုတ် လက်ရှိစနစ်ကြီးရဲ့ မတရားမှုတချို့ကို မြင်လာစေ ဖို့ဖြစ်တယ်၊ မတရားမှုအားလုံး အမှန်ရောက်ရေး အားပေးနိုင်အောင် စိတ်ဓာတ်တွန်းအားပေးဖို့ဖြစ်တယ်။ အာဏာဖီ ဆန်ရေးမှာ ပါဝင်သူတွေဟာ ဥပဒေထဲက သို့မဟုတ် စနစ်ကြီးထဲက မတရားမှုတွေကို စိန်ခေါ်ကြမှာဖြစ်တယ်။ စိန်ခေါ် ရာမှာ၊ ဥပဒေနဲ့မညီတဲ့လုပ်ဆောင်ချက်တွေ အကန့်အသတ်နဲ့လုပ်ခြင်းအားဖြင့် စိန်ခေါ်မှာဖြစ်ပြီး ဒီလိုဥပဒေနဲ့မညီတဲ့ လုပ်ဆောင်ချက်တွေအတွက် ဥပဒေပိုင်းအကျိုးဆက်တွေကို ခံယူမှာဖြစ်တယ်။ ဒါဟာ ဥပဒေအရတာဝန်ခံစရာရှိတာ ကိုခံပြီး လူတိုင်းမဲပေးခွင့်ရဖို့ တိုက်ပွဲဝင်မယ့် ဟောင်ကောင်ပြည်သူတွေရဲ့ပိုင်းဖြတ်မှုကို ပြဖို့ဖြစ်သလို ကျန်တဲ့လူ့အဖွဲ့ အစည်းကိုလဲ နှိုးဆော်ဖို့ဖြစ်တယ်။ ငါတို့ဟာ ငါတို့လုပ်ဆောင်မှုရဲ့ ဥပဒေအကျိုးဆက်တွေကို ခံယူဖို့ ဆန္ဒရှိနေပေမဲ့ ဥပဒေရဲ့ သက်ဆိုင်ရာပုဒ်မတွေကိုလဲ နားလည်ရမယ်၊ တဦးချင်းအခွင့်အရေးတွေရော၊ စုပေါင်းအခွင့်အရေးတွေကိုပါ ကာကွယ်စောင့်ရှောက်ရမယ်၊ လုပ်ကိုင်ဆောင်ရွက်ရာမှာ သတိရှိရမယ်။ ဒါမှသာ မလိုအပ်တဲ့ တာဝန်ယူရမှုတွေ၊ ပဋိ ပက္ခတွေကို တားဆီးနိုင်မှာဖြစ်တယ်။

၁.၁ လူထုစုဝေးပွဲအပေါ် ဆွဲချဘက်ကတပ်နိုင်တဲ့ ပုဒ်မတွေ

၁) အများပြည်သူဆိုင်ရာနေရာများကို ပိတ်ဆို့ဟန့်တားမှု – ဟောင်ကောင်ဥပဒေများ အခန်း ၂၂၈ ပုဒ်မ ၄(က)

၂) ခွင့်ပြုချက်မရှိဘဲစုဝေးမှု – ဟောင်ကောင်ဥပဒေများ အခန်း ၂၄၅ ပုဒ်မ ၁၇(က)

၃) ဥပဒေနဲ့မညီတဲ့စုဝေးမှု – ဟောင်ကောင်ဥပဒေများ အခန်း ၂၄၅ ပုဒ်မ ၁၈

၎) အများပြည်သူဆိုင်ရာနေရာများ နှောင့်ယှက်မှု – ဟောင်ကောင်ဥပဒေများ အခန်း ၂၄၅ ပုဒ်မ ၁၇(ခ)

အကယ်၍ ဆန္ဒပြသူများသည် ဆန္ဒပြဦးစီးအဖွဲ့၏ အကြမ်းမဖက်ရေးရပ်တည်ချက်ကို ကိုင်စွဲနိုင်ပါက ဒုတိယပုဒ်မနှစ်ခု ကို ကျူးလွန်ရာရောက်မည်မဟုတ်ပါ

၁.၁.၁ အများပြည်သူနေရာများကို ပိတ်ဆို့ဟန့်တားမှု

ဟောင်ကောင်ဥပဒေများ အခန်း ၂၂၈ ပုဒ်မ ၄(က) အရ-

“မည်သူမဆို ဥပဒေနှင့်အညီခွင့်ပြုချက် သို့မဟုတ် ခြွင်းချက်မရှိဘဲ အများပြည်သူဆိုင်ရာနေရာဌာနတခုရှိ တစုံတဦး သို့မဟုတ် ယာဉ်တစီးစီးကို ပိတ်ဆို့ သို့မဟုတ် နှောင့်ယှက် သို့မဟုတ် အန္တရာယ်ပြုသည့် သို့တည်းမဟုတ် ပြုနိုင်သည့် အရာဝတ္ထုတခု သို့မဟုတ် ပစ္စည်းတခုကို ချထားလျှင် သို့မဟုတ် လုပ်ဆောင်လျှင် ဒဏ်ငွေ ဒေါ်လာ ၅၀၀၀ သို့မဟုတ် ထောင် ၃ လ ကျခံရမည်။”

တရားစွဲ အပြစ်ပေးခံရရင် ရာဇဝတ်မှုမှတ်တမ်း ဝင်သွားမှာဖြစ်တယ်။ ပထမအကြိမ်ကျူးလွန်သူအများစုကိုတော့ ဒဏ် ငွေဘဲရိုက်မှာဖြစ်တယ်။

၁.၁.၂ ခွင့်ပြုချက်မရှိဘဲစုဝေးမှု

ဟောင်ကောင်ဥပဒေများ အခန်း ၂၄၅ ပုဒ်မ ၁၇(က)(၃)(က) အရ-

လူ ၅၀ ထက်ပိုပြီး စုဝေးချင်ရင် ရဲမင်းကြီးဆီ ကန့်ကွက်ရန်ရှိမရှိ လျှောက်လွှာတင်ရမှာဖြစ်တယ်။ အမျိုးသားလုံခြုံရေး သို့မဟုတ် အများပြည်သူအေးချမ်းရေး သို့မဟုတ် အများပြည်သူငြိမ်ဝပ်ပိပြားရေး သို့မဟုတ် သူတပါးလွတ်လပ်ခွင့် နဲ့ ရပိုင်ခွင့် ကာကွယ်စောင့်ရှောက်ရေးအကျိုးအရ ရဲမင်းကြီးက တားဆီးနိုင်တယ်။

ဒီဥပဒေအရ အခုဆန္ဒပြပွဲဟာ ခွင့်ပြုချက်မရှိဘဲစုဝေးမှု ဖြစ်နေပြီး “မည်သူမဆို ဥပဒေနှင့်အညီခွင့်ပြုချက် သို့မဟုတ် ခြွင်းချက်မရှိဘဲ ခွင့်ပြုချက်မရှိသောစုဝေးမှုတခုခုမှာ အသိရှိရှိနဲ့ ပါဝင်ခြင်း သို့မဟုတ် ဆက်လက်ပါဝင်ခြင်း သို့မဟုတ် ဖြစ်ပေါ်စေခြင်း ပြုလုပ်လျှင် … (၁) တရားရုံးတင် အပြစ်ရှိကြောင်းတွေ့ရှိပါက ထောင်ဒဏ် ၅ နှစ် နှင့် (၂) အကျဉ်း ရုံးစီရင်ပါက ဒဏ်ငွေအဆင့် ၂ နဲ့ ထောင်ဒဏ် ၃ နှစ် ကျခံရမည်။”

တရားစွဲ အပြစ်ပေးခံရရင် ရာဇဝတ်မှုမှတ်တမ်း ဝင်သွားမှာဖြစ်တယ်။ ပထမအကြိမ်ကျူးလွန်သူအများစုကိုတော့ ဒဏ် ငွေဘဲရိုက်မှာဖြစ်ပြီး ရက်သတ္တပတ်တချို့ ထောင်ကျနိုင်တယ်၊ ဆိုင်းငံ့ထောင်ဒဏ်လဲ ဖြစ်နိုင်တယ်။

၁.၁.၃ ဥပဒေနဲ့မညီတဲ့စုဝေးမှု

ဟောင်ကောင်ဥပဒေများ အခန်း ၂၄၅ ပုဒ်မ ၁၈ အရ-

“လူ ၃ ဦး သို့မဟုတ် ၃ ဦးထက်ပို၍ စုရုံးပြီး ပရမ်းပတာ၊ ခြောက်လှန့်၊ စော်ကား၊ ရန်စသည့်ပုံစံဖြင့် အခြားတဦးဦးကို ကြောက်လန့်စေရန် ရည်ရွယ် သို့မဟုတ် အလားအလာရှိသည့်အတွက် ၎င်းလူစုအနေဖြင့် အေးချမ်းမှုကို ပျက်ပြား စေလျှင် သို့မဟုတ် အခြားလူများအနေဖြင့် အေးချမ်းမှုပျက်ပြားအောင် ထိုးဆွလျှင် ဥပဒေနှင့်မညီသည့် စုဝေးမှု ဖြစ် သည်။ (က) တရားစွဲ အပြစ်ပေးခံရလျှင် ထောင်ဒဏ် ၅ နှစ် (ခ) အကျဉ်းရုံးအပြစ်ပေးခံရလျှင် ဒဏ်ငွေအဆင့် ၂ နှင့် ထောင်ဒဏ် ၃ နှစ် ကျနိုင်သည်။”

အခုဆန္ဒပြပွဲမှာ ပါဝင်သူတွေဟာ တခြားဘာမှမလုပ်ဘဲ လမ်းမပေါ်မှာ ရပ်နေ သို့မဟုတ် ထိုင်နေပြီး အကြမ်းမဖက်ရေး၊ အေးဆေးရေးနဲ့ ငြိမ်းချမ်းရေးစိတ်ဓာတ်ကို ကိုင်စွဲရင် ဥပဒေနဲ့မညီတဲ့စုဝေးမှုကို ကျူးလွန်ရာရောက်မယ့်အလားအလာ နည်းပါလိမ့်မယ်။

၁.၁.၄ အများပြည်သူဆိုင်ရာနေရာများ နှောင့်ယှက်မှု

ဟောင်ကောင်ဥပဒေများ အခန်း ၂၄၅ ပုဒ်မ ၁၇(ခ) အရ-

“(၁) အများပြည်သူစုဝေးမှု တခုခုအတွင်း မည်သူမဆို အလုပ်အကိုင်ဆောင်ရွက်မှုကို တားဆီးရန်ရည်ရွယ်ချက်ဖြင့် ပရမ်းပတာလုပ်ဆောင်လျှင် ဒဏ်ငွေအဆင့် ၂ နှင့် ထောင်ဒဏ် ၁၂ လ” သို့မဟုတ် “(၂) မည်သူမဆို အများပြည်သူ နေရာဌာနတခုခုတွင် အေးချမ်းမှုပျက်ပြားစေရန် ရည်ရွယ်ချက်နှင့် ဆူဆူညံညံ ပရမ်းပတာပုံစံဖြင့် ပြုမူလျှင် သို့မဟုတ် ခြိမ်းခြောက် ဆဲဆို စော်ကားသည့်အသုံးအနှုံးပါသောစာ ဖြန့်ဝေ သို့မဟုတ် ပြသ သို့မဟုတ် အသုံးပြုလျှင် ဒဏ်ငွေ အဆင့် ၂ နှင့် ထောင်ဒဏ် ၁၂ လ ကျခံရမည်။”

ဥပဒေနဲ့မညီတဲ့စုဝေးမှုမှာလိုဘဲ ငါတို့ဟာ အကြမ်းမဖက်ရေးစိတ်ဓာတ်ကို ဆုပ်ကိုင်ထားနိုင်ရင် ဒီပုဒ်မကို ကျူးလွန်ရာ ရောက်ဖို့ အလားအလာနည်းတယ်။

(၂) အဖမ်းခံရေးနဲ့ပတ်သက်တဲ့ လမ်းညွှန်မှတ်စု

၂.၁ ဝင်မနွှဲခင်

၁။ လူထုစုဝေးပွဲမှာဝင်မပါမယ့် အရေးပေါ်အဆက်အသွယ်တယောက် ပြင်ထားပြီး ကိုယ့်နာမယ်ကို အင်္ဂလိပ်လို နဲ့ တရုတ်လို အပြည့်အစုံမှတ်ခိုင်းပါ၊ ကိုယ့်မှတ်ပုံတင်နံပတ်ကိုလဲ မှတ်ထားခိုင်းပါ။ ဒါမှ ကိုယ်နဲ့ အဆက်သွယ်ပြတ် သွားတဲ့အခါ သုိ့မဟုတ် ကိုယ်အဖမ်းခံရမှန်း သိသွားတဲ့အခါ ဆန္ဒပြပွဲဦးစီးအဖွဲ့ကို ဆက်သွယ်အသိပေးနိုင်မယ်၊ ဒါမှ မဟုတ် ရှေ့နေအကူအညီ စီစဉ်နိုင်မယ်။

၂။ ကိုယ့်နာမယ် အင်္ဂလိပ်လိုနဲ့တရုတ်လိုအပြည့်အစုံ၊ နဲ့ မှတ်ပုံတင်နံပတ် တို့ရေးထားတဲ့ ဖုံးမက်ဆေ့မူကြမ်းတခု ကြို ရေးထားပြီး အဖမ်းခံရခါနီးလေးမှာ ဆန္ဒပြပွဲဦးစီးအဖွဲ့ အရေးပေါ်ဖုံးနံပတ်ကို ပို့နိုင်အောင် အသင့်လုပ်ထားပါ။

၃။ သာမန်အဝတ်အစားအပိုတစုံနဲ့ အနွေးထည်တထည် ပြင်ထားပါ။

၎။ ကိုယ့်မှာ နာတာရှည်ရောဂါတခုခုရှိရင် ဒါမှမဟုတ် အထူးဆေးဝါးလိုအပ်ချက်တွေ ရှိရင် ကိုယ်နဲ့အတူ ဆေးလက် မှတ်ယူလာပါ။

၅။ အဖမ်းခံရတဲ့အခါ ပုလိပ်က ကိုယ့်ပစ္စည်းတွေ၊ ကိုယ်ပိုင်ပစ္စည်းတွေအားလုံးကို သိမ်းယူလိမ့်မယ်၊ ဒါကြောင့် ပြဿ နာတက်နိုင်တဲ့ ပစ္စည်းတွေ သတင်းအချက်အလက်တွေ ယူမလာမိစေနဲ့။

၆။ ကိုယ်နဲ့ပါလာတဲ့ လက်ကိုင်ဖုံးထဲမှာ လူထုစုဝေးပွဲနဲ့ ပတ်သက်တဲ့ အရေးကြီးအချက်အလက်တွေ သို့မဟုတ် ပုဂ္ဂိုလ် ရေးအချက်အလက်တွေ မပါစေနဲ့။

၂.၂ အဖမ်းခံရတဲ့အခါ

လူထုစုဝေးပွဲဟာ ခွင့်ပြုချက်မရှိတဲ့စုဝေးမှုဖြစ်တယ်လို့ ရဲတွေက ပထမကြေညာပြီး အများပြည်သူငြိမ်ဝပ်ပိပြားရေး ဥပဒေထဲက သက်ဆိုင်ရာပုဒ်မတွေကို ဖတ်ပြလိမ့်မယ်။ ဒါပြီးရင် လူစုခွဲဖို့ ပြောမယ်၊ မခွဲရင် ပုလိပ်တွေက အရေးယူတာ တွေ လုပ်ရလိမ့်မယ်လို့ ပြောလိမ့်မယ်။

စုဝေးနေသူတွေ လူစုမခွဲရင် ပုလိပ်က နောက်ဆုံးသတိပေးခြင်း ထုတ်ပြန်ပြီး လူထုစုဝေးပွဲဟာ ဥပဒေနဲ့မညီတဲ့စုဝေးပွဲ ဖြစ်ကြောင်း ကြေညာလိမ့်မယ်။ ပြီးတော့ ဥပဒေအတိုင်းကြပ်မတ်တဲ့လုပ်ဆောင်မှု မကြာခင်လုပ်မယ့်အကြောင်း ကြေ ညာလိမ့်မယ်။ ရဲတွေက စုဝေးနေသူတွေကိုဝိုင်းပြီး စည်းဝိုင်းထဲကထွက်ခွာခွင့် တားမြစ်ပြီးမှ ရှင်းလင်းမှု စလုပ်နိုင် တယ်။

ရဲတွေ ရှင်းလင်းမှုစလုပ်တဲ့အခါ ပဋိပက္ခ သို့မဟုတ် အကြမ်းဖက်မှုတွေ ဘာမှပြန်မလုပ်ရင် ဆန္ဒပြသမားတွေကို ဖယ် ရှားရာမှာ အဓမ္မအင်အား အနည်းဆုံးဘဲသုံးနိုင်တယ်။ ဆန္ဒပြသမားကို မဖယ်ရှားခင် ရဲအရာရှိက အချုပ်ကားထဲ ကိုယ့်ဖာသာကိုယ် ဝင်မလား အရင်မေးလိမ့်မယ်။ ကိုယ့်ဖာသာဝင်လိုက်ရင် ရဲအရာရှိက အင်အားသုံးမှာ မဟုတ်တော့ ပါ။ တကယ်လို့ ဆန္ဒပြသမားက မဖယ်နိုင်ဘူးပြောရင်တော့ ရဲလေးယောက်က ဆန္ဒပြသမားရဲ့ ခြေလက်လေးဘက်က နေမ,ပြီး ဖယ်ရှားလိမ့်မယ်။ ဆန္ဒပြသမားကို သယ်မ,သွားတဲ့အခါ ရုန်းကန်သည်ဖြစ်စေ၊ မရုန်းသည်ဖြစ်စေ ရဲတွေက လက်လိမ်ချုပ်လိမ့်မယ်။ ဆန္ဒပြသမားတွေအနေနဲ့ ဒီအချိန်မှာ ခန္ဓာကိုယ်တောင့်တင်းမထားဖို့ အကြံပြုပါတယ်။ ဒါမှ ဒဏ်ရာအနာတရ မဖြစ်ဘဲ ရဲတွေအနေနဲ့ အင်အားသုံးဖို့ အခွင့်အရေး မရတော့မှာဖြစ်တယ်။ အချုပ်ကားဆီ သယ်သွား တဲ့လမ်းမှာ ဆန္ဒပြဦးစီးအဖွဲ့ရဲ့ စေတနာ့ဝန်ထမ်းလုပ်အားပေးတွေက အဖမ်းခံရသူတွေရဲ့ နာမယ်စာရင်း ယူလိမ့်မယ် (တကယ်လို့ အဲ့လိုလုပ်မှာကို ရဲက မတားဘူးဆိုရင်)။ အဲ့ဒီရဲဘော်တွေရဲ့ ပန်ကြားချက်တွေကို လိုက်နာပြီး ကိုယ့်နာ မယ်ကို ကျယ်ကျယ်အော်ပြောပါ၊ ဒါမှ ဥပဒေအထောက်အကူရအောင် စီစဉ်နိုင်မှာဖြစ်တယ်။

ရဲကားပေါ်ရောက်ရင် အခြေအနေပေါ်မူတည်ပြီး ရဲတွေက ဖမ်းမိမှတ်ပုံတင်စာရင်းသွင်းတာ လုပ်ချင်လုပ်လိမ့်မယ်။ အဖမ်းခံရသူက ဘယ်ရဲစခန်းကို ခေါ်သွားမှာလဲဆိုတာ မေးမြန်းနိုင်တယ်။

ရဲစခန်း သို့မဟုတ် ယာယီထိန်းသိမ်းရေးစခန်း ရောက်ရင် ရဲတွေက အသုတ်လိုက် စာရင်းကောက်လိမ့်မယ်၊ တဦးချင်း ရဲ့ နာမယ်၊ အသက်၊ အရပ်အမြင့်၊ အလုပ်အကိုင်၊ နေရပ်လိပ်စာနဲ့ ဆက်သွယ်ဖို့ဖုံးနံပတ်တွေ မှတ်ယူလိမ့်မယ်။ ဖမ်းတဲ့ ပုဒ်မတွေကိုလည်း ရဲကပြောပြလိမ့်မယ်။ မိသားစု ဆွေမျိုးတွေနဲ့ ဆက်သွယ်ပေးဖို့ လိုမလို မေးလိမ့်မယ်၊ အဖမ်းခံရသူ က ကြိုက်သလို ဆုံးဖြတ်နိုင်တယ်။ စာရင်းသွင်းနေချိန်မှာ ရဲအရာရှိက အဖမ်းခံရသူရဲ့ ကိုယ်ပိုင်ပစ္စည်းတွေ သိမ်းချင် တာသိမ်းထားဖို့ ပလတ်စတစ်အိတ်တလုံးပေးလိမ့်မယ်။ အဲ့ဒီအိတ်ကိုချိတ်ပိတ်ပြီးရင် အဖမ်းခံရသူက အိတ်ကို ကိုယ်နဲ့ အတူ ထားနိုင်တယ်။ အဲ့ဒီအိတ်ဟာ လွတ်တဲ့အခါကျမှ အဖမ်းခံရသူရဲ့ ကြိုတင်ခွင့်ပြုချက်နဲ့ ရဲတွေရဲ့ကြေညာချက် အရ ချိတ်ဖွင့်နိုင်တယ်။ ချိတ်မဖျက်ခင်၊ အဖမ်းခံရသူမလွတ်ခင်မှာ အိတ်ကိုဖွင့်ခွင့်မရှိပါ။ အဖမ်းခံရသူက ပလတ်စတစ်အိတ်တလုံးထက် ပိုတောင်းနိုင်တယ်၊ အမျိုးမတူတဲ့ပစ္စည်းတွေကို အိတ်တွေခွဲထည့်နိုင်တယ်။

စာရင်းသွင်း၊ ပလတ်စတစ်အိတ်တွေ ချိတ်ပိတ်ပြီးရင် ရဲတွေက အဖမ်းခံရသူကို ဓာတ်ပုံခန်းမှာ ဓာတ်ပုံရိုက်ဖို့ စီစဉ်လိမ့် မယ်။ တကယ်လို့ တပြိုင်တည်း လူအများကြီးအဖမ်းခံရရင် အချိန်မကုန်အောင် စာရင်းသွင်းနေရင်းနဲ့ (ခုရိုက်ခုထွက်) ပိုလာရွိုက်ကင်မရာနဲ့ ဓာတ်ပုံရိုက်လိမ့်မယ်။ ဒါပြီးရင် ထွက်ချက်ယူဖို့နဲ့ ရှေ့နေတွေ့ဖို့ ရဲကစီစဉ်လိမ့်မယ်။ အဖမ်းခံရ သူဟာ ကိုယ့်ရှေ့နေရှေ့မှောက်မှာ ထွက်ချက်ပေးချင်တယ်လို့ တောင်းဆိုနိုင်တယ်။ တကယ်လို့ တပြိုင်တည်း လူ အများကြီး အဖမ်းခံရရင် ရဲတွေက ထွက်ချက်မတောင်းတာ ဖြစ်နိုင်တယ်၊ ဒါပေမဲ့ အဖမ်းခံရသူကို သူ့ရှေ့နေနဲ့တွေ့ဖို့ စီစဉ်ပေးရမယ်။

အထက်ပါလုပ်ထုံးလုပ်နည်းပြီးရင် ဖမ်းဆီးမှုလုပ်ထုံးလုပ်နည်းက ပြီးသလောက် ဖြစ်သွားပြီ။ အဖမ်းခံရသူဟာ အာမခံ မလိုဘဲ သတိပေးမှုလောက်ဘဲ ခံရရင် (အများအားဖြင့် လူထုစုဝေးပွဲမှာ သာမန်ပါဝင်သူအဆင့်) ရဲတွေက ဖြစ်နိုင်သမျှ အမြန်ဆုံး ပြန်လွှတ်လိမ့်မယ်။ တကယ်လို့ ရဲက အာမခံ တောင်းရင် (အများအားဖြင့် လူထုစုဝေးပွဲ စီစဉ်သူအဆင့်) အဖမ်းခံရသူဟာ အာမခံတင်မလား သို့မဟုတ် အချုပ်ထဲ ၄၈ နာရီနေမလား ရွေးချယ်နိုင်တယ်။ အဖမ်းခံရသူ တယောက်ဟာ အာမခံရခွင့်ရှိသလို ဖြစ်နိုင်သမျှအမြန်ဆုံး တရားခွင်တက်ခွင့်လဲရှိတယ်။ ဘယ်လိုအခြေအနေဘဲဖြစ် ဖြစ် အဖမ်းခံရသူတယောက်ကို တရားရုံးခွင့်ပြုချက်မရှိဘဲ ၄၈ နာရီထက် ကျော်လွန်ချုပ်ထားလို့ မရနိုင်ဘူး။

အဖမ်းခံရသူက အာမခံတင်ဖို့ ရွေးလိုက်ရင် ရဲက ဖြစ်နိုင်သမျှအစောဆုံး ပြန်လွှတ်ပေးလိမ့်မယ်၊ ဒါပေမဲ့ လွတ်ပြီး နောက် ရဲတွေသတ်မှတ်ထားတဲ့အတိုင်း ရဲစခန်းကို ပုံမှန်သတင်းပို့ဖို့လိုလိမ့်မယ်။ သတင်းပို့ဖို့ နေ့ရက်နဲ့အကြိမ်ရေကို ပုံ သေချမှတ်ထားတာ မရှိပါ၊ ရဲတွေမှာ အဖမ်းခံရသူကို တရားစွဲခွင့် ရှိနေလိမ့်မယ်။

တကယ်လို့ အဖမ်းခံရသူက ရဲအချုပ်ထဲ ၄၈ နာရီနေဖို့ ရွေးချယ်လိုက်ရင် ရဲက သူ့ကို ပုဒ်မတပ်ပြီး တရားရုံးရှေ့ ခေါ်မလား မခေါ်ဘူးလား ချက်ခြင်းဆုံးဖြတ်ရလိမ့်မယ်။ တကယ်လို့ ရဲတွေက အဖမ်းခံရသူကို ချက်ခြင်းလွှတ်ဖို့ ဆုံး ဖြတ်လိုက်ရင်လဲ ရဲအနေနဲ့ တရားစွဲဆိုခွင့် ဆက်ရှိနေမယ်၊ ဒါပေမဲ့ အဖမ်းခံရသူကတော့ ရဲစခန်းကို အချိန်မှန်လာ သတင်းပို့ဖို့နဲ့ အာမခံတင်ဖို့ မလိုတော့ဘူး။

ရဲတွေ စဖမ်းတဲ့အချိန်ကစပြီး အဖမ်းခံရသူအခွင့်အရေးအားလုံးကို ကျင့်သုံးလို့ရပြီ။ ရဲစခန်းရောက်ရင် အဖမ်းခံရသူ ဟာ အိမ်သာသွားခွင့်တောင်းနိုင်တယ်။ ရဲတွေဆီက အစားအသောက် တောင်းဆိုနိုင်တယ်။

၂.၃ အဖမ်းခံရပြီးနောက်

အဖမ်းခံနေရချိန်မှာ ကိုယ့်ကိုဖမ်းတဲ့ ရဲအရာရှိရဲ့ ကိုယ်ပိုင်နံပတ်၊ ဖမ်းဆီးရတဲ့အကြောင်းရင်းနဲ့ ပြစ်မှုကို မှတ်ယူပါ၊ မှတ်မိအောင် ကြိုးစားပါ။

ကိုယ့်အနေနဲ့ ပုလိပ်ကို ကိုယ့်ဖုံးနံပတ်၊ လိပ်စာနဲ့ မှတ်ပုံတင်နံပတ်ဘဲ ပေးဖို့လိုတယ်။

အဖမ်းခံရပြီးနောက်မှာ ကိုယ်ပြောသမျှကို သက်သေအထောက်အထားယူနိုင်တယ်၊ တရားဝင်စစ်ကြောရေး အပြင် ဖက်မှာပြောတာတောင် (ရဲကားပေါ်မှာ၊ ရဲစခန်းထဲ ထိုင်စောင့်နေရင်း ပြောတာ စသဖြင့်) သက်သေဖြစ်သွားနိုင်တယ်။

ထွက်ချက်ယူတဲ့အခါ တခုခုပြောရမယ့်တာဝန် မရှိပါ။ ရဲကမေးတာတွေကို “ကျနော် ဘာမှ မပြောနိုင်ပါ” လို့ ထွက်ဆို နိုင်တယ်။

ပြင်ပကမ္ဘာနဲ့ ဆက်သွယ်ခွင့်ပေးဖို့ တောင်းဆိုနိုင်တယ်။ ကိုယ့်ရဲ့ အရေးပေါ်အဆက်အသွယ်ကို ပထမဦးစားပေး ဆက် သွယ်သင့်တယ်၊ သူ့ကို ကိုယ်ရောက်နေတဲ့ ရဲစခန်းနာမယ်နဲ့ ပြစ်မှုအကြောင်း အသိပေးပြီး ဥပဒေအထောက်အကူ တောင်းခံသင့်တယ်။

ရှေ့နေစာရင်းတခုပေးဖို့ ရဲတွေကို တောင်းဆိုနိုင်တယ်။

ရဲက အဖမ်းခံရသူကို တကိုယ်လုံးရှာတာ လုပ်နိုင်တယ်။ ဒါပေမဲ့ ကျိုးကြောင်းဆီလျော်မှု မရှိရင် တကိုယ်လုံးချွတ်ရှာ ခွင့် မရှိပါ။

ခဏအနားယူခွင့်ပေးဖို့ တောင်းဆိုနိုင်ပြီး ရဲတွေဆီက အစားအသောက် တောင်းနိုင်တယ်။

ဆရာဝန်တွေ့ခွင့်တောင်းနိုင်တယ်၊ ဆေးစစ်ခံပြီး လိုအပ်တဲ့ဆေးဝါး တောင်းနိုင်တယ်။

အဖမ်းခံရသူတွေအတွက် အသိပေးကြော်ငြာစာတခု ရလိမ့်မယ်၊ အဲ့ဒီမှာ အဖမ်းခံရစဉ် ကိုယ့်အခွင့်အရေး ဘာတွေ ရှိတယ်ဆိုတာ သိနိုင်မယ်။

အဖမ်းခံရသူတယောက်မှာ အာမခံတောင်းခွင့်ရှိသလို ဖြစ်နိုင်သမျှအမြန်ဆုံး တရားရုံးရှေ့မှောက်ရောက်ခွင့်လဲ ရှိ တယ်။ ဘယ်လိုအခြေအနေဘဲ ဖြစ်ဖြစ် အဖမ်းခံရသူတယောက်ကို တရားရုံးခွင့်ပြုချက်မရှိဘဲ ၄၈ နာရီထက် ကျော် လွန်ချုပ်ထားလို့ မရနိုင်ဘူး။

၂.၄ “ထွက်ချက်” ယူခြင်းနဲ့ပတ်သက်လို့ လမ်းညွှန်မှတ်စုများ

တကယ်လို့ ကိုယ်က ထွက်ချက်ပေးဖို့ ဆန္ဒရှိတယ်ဆိုရင် ကိုယ့်ရှေ့နေ ရောက်လာတဲ့အထိ စောင့်ပါ။ အဖမ်းခံရသူ တယောက်ဟာ ကိုယ့်ရှေ့နေ မလာမချင်း ဘာသတင်းအချက်အလက်ကိုမှ ရဲကို မပေးဘဲနေခွင့်ရှိတယ်။

ကိုယ်ဆန္ဒမရှိရင် ဘာမေးခွန်းကိုမှ ဖြေစရာမလိုပါဘူး။ ကိုယ်ပေးတဲ့အချက်အလက်ကို ရဲကရေးမှတ်ပြီး သက်သေ အဖြစ်တင်လိမ့်မယ်။ အဲ့ဒီထဲမှာ ကြွင်းကျန်နေတာ သို့မဟုတ် မှားယွင်းနေတာ သို့မဟုတ် လက်တွေ့နဲ့လွဲနေတာ တွေ့ ရင် ထွက်ချက်ကိုပြင်ဆင်ပေးဖို့ ချက်ခြင်းတောင်းဆိုသင့်တယ်၊ မပြင်ပေးရင် လက်မှတ်ထိုးဖို့ ငြင်းဆန်သင့်တယ်။

ရဲအရာရှိတွေဟာ ထွက်ချက်ရဖို့ သို့မဟုတ် တခုခုစကားထွက်လာဖို့အတွက် ခြိမ်းခြောက် ဖိအားပေးတာ မလုပ်နိုင်ပါ။

အဖမ်းခံရသူတယောက်ဟာ နေလို့မကောင်းရင် ထွက်ချက်ပေးနေတာကို ရပ်ခွင့် သို့မဟုတ် ငြင်းဆန်ခွင့်ရှိတယ်။

ဝတ်စားဆင်ယင်မှု နဲ့ ကိရိယာတန်ဆာပလာ

၁။ အခြေခံလိုအပ်ချက်များ

–    ထမင်းစားရင် နည်းနည်းနဲ့ ခဏခဏစားတာဟာ အစာကြေဖို့နဲ့ စွမ်းအင်ချွေတာဖို့အတွက် ကောင်းတယ်။ ၂-၃ ရက်စာ အစားအသောက်တွေ ယူလာပါ။ နောက်ထပ်လိုတာကို စီစဉ်သူက လုပ်ပေးလိမ့်မယ်။

–    သောက်ရေ။

–    မုန့်ခြောက် (ဘီစကစ်၊ သစ်သီးခြောက်၊ အားဖြည့်ရိက္ခာခြောက် စသဖြင့်)

–    ဓာတ်ဆားရည်။

–    တကိုယ်ရေသုံး ဆေးဝါးကိရိယာများ။

–    ကျန်းမာရေးအခြေပြကဒ်ပြား (နာတာရှည်ရောဂါရှိရင် အသေးစိတ်ဖော်ပြထား၊ အရေးပေါ်ဆက်သွယ်ဖို့ ဆေးရုံဆေးခန်း ဆရာဝန်ဖုံးနံပတ်များပါ)။

နာတာရှည်ရောဂါရှိသူများ အဆောက်အဦးအပြင်ဖက် လမ်းပေါ်မှာ အချိန်အကြာကြီးတိုက်ပွဲ မဝင်သင့်ပါ။

၂။ ကျန်းမာရေးပိုင်း

–    ပေါ့ပေါ့ပါးပါး နဲ့ ဘေးကင်းရန်ကင်း ခရီးသွားပါ။

–    နွေးထွေးပြီး လေတိုးခံတဲ့အဝတ်အစား၊ လဲစရာ အဝတ်အစားအပို။

–    သွားလာလှုပ်ရှားရလွယ်တဲ့ မကျွတ်နိုင်တဲ့ဖိနပ်။

–    အကာအကွယ်မျက်မှန်။ (မျက်ကပ်မှန်မတပ်နဲ့)

–    နေပူဒဏ်ကာ မိုးရေကာ ကိရိယာ (ထီး)။

–    ရေသန့်၊ ပိုးသတ်ဝါဂွမ်း၊ တဘက်ကြီးကြီး၊ ရေပုလင်းကြီးကြီးအလွတ်များ (ယောက်ျားများအတွက်)။

၃။ ကိရိယာတန်ဆာပလာ

–    စီစဉ်သူက လက်စွဲစာစောင်များကို အဲ့ဒီနေရာမှာ ဝေငှပေးမယ်။

–    စာရွက်နဲ့ဘောပင် (အရေးကြီးတဲ့မှတ်စုများလိုက်ရန်)။

–    လက်ကိုင်ဖုံး (မက်ဆေ့ပို့ရန်)၊ ဓာတ်ခဲအပို၊ ဖုံးအားသွင်းစက်၊ ရေလုံအိတ်များ။

–    ငွေသား (ညဘက် အိမ်ပြန်ဖို့ တက္ကဆီငှားရန်)။

–    အိပ်ရာလိပ် (ခရီးဆောင်တဲကိုတော့ အားမပေးပါ)၊ ခရီးဆောင်ကုလားထိုင်။

–    ကျောပိုးအိတ်ကြီးကြီးနဲ့ အိတ်ငယ်များ။

ဂါမဏိ ဘာသာပြန်သည်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မှတ်စုမှတ်တမ်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်