ဖိုးစီ (ရုံးတော) – ပိုးဟပ် တောင်ပံ ခတ်သံ

October 14, 2014

ဖိုးစီ (ရုံးတော) – ပိုးဟပ် တောင်ပံ ခတ်သံ
(မိုးမခ) အောက်တိုဘာ ၁၄၊ ၂၀၁၄

စင်္ကာပူ မာရီနာပင်လယ်အော် သောင်စခန်း (Marina bay Sands) စားသောက်တန်း က ကြက်ဆီထမင်းဆိုင် မှာ ပိုးဟပ်ကလေး (၅) ကောင်တွေ့တာ စင်္ကာပူ အမျိုးသား သဘာဝ ပတ်ဝန်းကျင် ထိန်းသိမ်းရေး အဖွဲ့အစည်း (National Environment Agency – NEA) က ပုဂ္ဂိုလ်တွေ ပျားတုပ်နေကြတယ်။  ဆိုင်ရှင်လည်း ဒဏ်ရိုက်ခံရ၊ စားသောက်တန်းကိုလည်း ခဏပိတ်ပြီး ရောဂါပိုးမွှားနှိမ်နင်းရေး စစ်ပွဲကြီး ကို တပ်ထောင်ကာ ဗိုလ်ထု နဲ့ လူစုပြီး လုပ်ကြသပေါ့လေ။

စင်္ကာပူ ရုပ်သံ Channel News Asia ကလည်း ကင်မရာကြီးတွေ တကားကား နဲ့ ပိုးဟပ်ကလေး တကောင် တလေ ရိုက်ပြလို့ ရလိုရငြား မီးတွေ ထိုးရှာလို့။

တကယ်တမ်းပြောရရင်တော့ ဒါက အမေဇုံတောထဲက လိပ်ပြာတောင်ပံ ခတ်သံကလေးသာ ဖြစ်ပါတယ်။  နောက်ဆက်တွဲ ကျမယ့် မုန်တိုင်းကို မျှော်ရင်တော့ ဒါဟာ ရွှေဗမာ တွေအတွက် သတင်းကောင်းပဲလို့ ရုံးက စလုံးမိတ်ဆွေ တွေ ရဲ့ မှတ်ချက်တွေကြား အပြီးမှာ သိမှတ်ထားလိုက်ရပါတယ်။  ပိုးဟပ် …

ဒီမှာ ပိုးကောင် မွှားကောင်တွေ နှိမ်နင်းတာ၊ ပန်းခြံ မြက်ခင်းပြင်တွေကို စောင့်ရှောက်တာ၊ အပန်းဖြေ နေရာတွေ ကို ဖန်တီးပြုပြင်တာ စတဲ့ အလုပ်တွေကို သက်ဆိုင်ရာ မြို့ကောင်စီ အဖွဲ့ တွေကနေ ပြည်သူ့ငွေ နဲ့ စီမံ ခန့်ခွဲပြီး လုပ်ကိုင်ခွင့်တွေ ချထားပေးတာ ဖြစ်ပါတယ်။  ပိုးမွှားထိန်းချုပ်နှိမ်နင်းရေးဘက် မှာ ဗမာ တွေ များပြီး မြေယာပြု ပြင်တဲ့ အပိုင်းမှာ ကုလား များ ပါတယ်။

အစိုးရ အာဏာ နဲ့ ချပေးတဲ့ အလုပ်တွေ ဖြစ်တဲ့ အားလျော်စွာ ဗမာပြည်က လိုမျိူး ၀ါဒဖြန် လူအင်အားလိုနေရင် ကုမ္ပဏီ ပိုင်ရှင်တွေက သူ့အလုပ်သမားတွေ သုံးပြီး တတပ်တအား ပါဝင်ကူညီလေ့ရှိပါတယ်။ စလုံးမှာလည်း ရှိပါတယ်။  စင်ကာပူရောက် စွမ်းအားရှင်လေးတွေ ပေါ့နော့်..။

မနှစ်ကတော့ အတိုက်အခံ အလုပ်သမား ပါတီ (WP) က မြို့ကောင်စီ တွေ ရဲ့ ဘဏ္ဍာငွေ ခွဲဝေသုံးစွဲမှုကို မေးခွန်းတွေ ထုတ်ပြီး အသားပေး ပြောဆိုလာတာနဲ့ အစိုးရက နည်းနည်း ကျပ်လုိုက်တာ ပိုးမွှားထိန်းချုပ်ရေးဘက်မှာ အလုပ်လုပ်နေတဲ့ ကျနော်တို့ ရွှေ တော်တော်များများ အလယ်အလတ်တန်း ကျွမ်းကျင် နိုင်ငံခြားသား အလုပ်လုပ်ခွင့် (S pass) သက်တမ်းတိုးမရဘဲ အခက်အခဲ ဖြစ်ကြပါတယ် ။  ဟော ခု လှည့်ကွက်ကလေးက တပတ်လည်လာပါပြီ။

မာရီနာ သောင်ကမ်း အပန်းဖြေစခန်းရာလို နေရာမျိုးမှာတောင်မှ ပိုးဟပ်တွေ့ရသလား ဆိုပြီး အခု ဆွေးနွေးပွဲ ဖိုရမ်တွေမှာ မေးခွန်းထုတ်နေကြတယ် ဆိုပဲ။  ဖိဖိစီးစီး ပြန်လုပ်ဖို့ NEA ကနေ ဖိအားတွေ ပေးနေပြီတဲ့။  အနည်းဆုံး ရာဂဏန်းလောက်တော့ ရွှေတွေ အလုပ်အကိုင် ရကြ ဦးတော့မှာပေါ့။

နောက်များမကြာခင် ရွေးကောက်ပွဲ စနစ် နဲ့ သွားတော့မယ် ဆိုတဲ့ ရန်ကုန် စည်ပင်သာယာရေး မြူနီစီပယ် ၀င်ချင်တဲ့ ၀န်ကြီး ၀န်လေးတွေ စင်္ကာပူကိုလာပြီး လေ့လာအတုယူစေချင်လှတယ်။

ကန်ထရိုက်၊ တင်ဒါ အစရှိတဲ့ ပြည်သူ့ငွေ စီမံ ခန့်ခွဲမှု မှာ အစိုးရ အလိုက် နဲ့ ပြည်သူ့ အကြိုက် ကြားချပြီး ငွေ အလေအလွင့် မရှိရအောင် ဘယ်လိုစီမံ အုပ်ချုပ်ကြတယ်ဆိုတာလေးများ မြင်ဖူးရအောင်။  ဧဟိပဿိကော လက်တွေ့စမ်းသပ် လှည့်ပါ လို့ ဖိတ်ခေါ်ပါတယ်။

ဖိုးစီ (ရုံးတော)

အောက်တိုဘာ ၁၃၊ ၂၀၁၄

ဓာတ်ပုံ – FACEBOOK/KOVIT ANG၊ တနင်္လာနေ့တုန်းက စင်္ကာပူ နိုင်ငံသား Kovit Ang တယောက် Facebook မှာ တင်လိုက်တဲ့ စားသောက်ဆိုင် က ပိုးဟပ် (၅) ကောင်

ရည်ညွှန်း သတင်း ဖတ်ရန် –

NEA to take action against MBS food court stall over cockroach incident

http://www.straitstimes.com/news/singapore/more-singapore-stories/story/nea-take-action-against-mbs-foodcourt-stall-cockroach-in

(ဆောင်းပါးရှင်သည် စင်္ကာပူ တွင် ခေတ္တ ရောက်ရှိ အသက်မွေးဝမ်းကြောင်း ပြုနေသည့် ရန်ကုန်စက်မှုတက္ကသိုလ်ကျောင်းဆင်း အင်ဂျင်နီယာ တစ်ဦး ဖြစ်သည်။  အွန်လိုင်း ပုံနှိပ် စာနယ်ဇင်းများတွင် အတွေ့အကြုံ၊ အမြင်နှင့် အထွေထွေ ဆောင်းပါးများ ရေးသားနေသူလည်း ဖြစ်သည်။)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရေခြားမြေခြား မြန်မာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်