တူမောင်ညို – ကိုပါကြီး နှင့် လူသတ်သော စစ်တပ်

October 28, 2014

 
တူမောင်ညို – ကိုပါကြီး နှင့် လူသတ်သော စစ်တပ် 
(မိုးမခ) အောက်တိုဘာ ၂၈၊ ၂၀၁၄
စစ်တပ်က သတ်လို့ သေရတဲ့အထဲမှာ “ကိုပါကြီး” က ပထမဆုံးမဟုတ်သလို၊ နောက်ဆုံးလည်းမဟုတ်သေးဘူး။ မပြီးဆုံးသေး တဲ့  ပြည်တွင်းစစ်ကြီးထဲမှာ စစ်တပ်ကသတ်လို့ “ကိုပါကြီး”လို သေခဲ့ကြရသူတွေမြောက်များစွာရှိပါတယ်။  “ကိုပါကြီး” က ယောက်ျား သားမို့ နှိပ်စက်ညှင်းပမ်းပြီး အသတ်ခံရတာပဲ။ “ကိုပါကြီး” နေရာမှာ မိန်းမသားတစ်ယောက်သာဆိုရင် မသေခင် မဖွယ်မရာအလုပ်ခံရ ဦးမှာသေချာတယ်။ ပြည်နယ်မှာ အစောပိုင်းက ဖြစ်ပွားတဲ့တိုက်ပွဲတွေမှာ စစ်တပ်က ဖမ်းထားတဲ့ ရွာသားကိုတောင် မဖွယ် မရာလုပ်တယ်ဆိုတဲ့ သတင်းထွက်ပေါ်ခဲ့သေးတာမို့ စစ်တပ်ရဲ့ အကြမ်းဖက်ယုတ်မာမှုတွေက ကမ်းကုန်အောင် ဆိုးဝါးရိုင်းစိုင်းပါတယ်။
စစ်တပ်ဆိုတာ ဟိုတုန်းကလည်း လူသတ်ခဲ့တယ်၊အခုလည်းသတ်နေတယ်၊ နောင်လည်းသတ်နေဦးမှာပဲ။ “၂၀၀၈  အခြေခံ ဥပဒေ” ဆိုတာ စစ်တပ်ကို ထင်ရာစိုင်းခွင့်လိုင်စင်ပေးထားတဲ့ အခြေခံဥပဒေဖြစ်တယ်။ စစ်သားအမတ်တွေက “ပုဒ်မ ၄၃၆ ” မပြင်လို ဘူးလို့ ဗြောင်ပြောထားပြီမဟုတ်ပါလား။
ဗိုလ်နေဝင်းတို့ ၁၉၆၂ အာဏာသိမ်းပြီးတော့ (လွတ်တော်အမတ်) သီပေါစော်ဘွားစပ်ကြာဆိုင်ဖမ်းဆီးခံရပြီး အသတ်ခံရပါ တယ်။အလောင်းပင်ပြန်မရပါဘူး။ ဒီနေ့အထိလည်း လက်သည်တရားခံဘယ်သူဆိုတာမပေါ်ပါဘူး။ ဒါပေမယ့်ဗိုလ်နေဝင်းစစ်တပ်နဲ့ ထောက်လှမ်းရေးက သတ်ပစ်တယ်ဆိုတာတော့ လူတိုင်းသိတယ်။ အခြားသော တော်လှန်ရေးအဖွဲ့အစည်းများက လူတွေကိုလည်း တိုက်ပွဲ မှာ အရှင် ဖမ်းမိပေမယ့် ထွက်ပြေးလို့ ပစ်ခတ်ဖမ်းဆီးရတယ်။ အသေဖမ်းမိတယ်ဆိုပြီး လက်စတုန်းစီရင်ခဲ့တာလည်း ဗိုလ်နေဝင်း တို့စစ်တပ် ပဲဖြစ်တယ်။ ဒီနေ့စစ်တပ်က ညှင်းပန်းနှိပ်စက်သတ်ဖြတ်တာ၊ မုဒိန်းကျင့်တာတို့နဲ့ပတ်သက်လာရင် လက်ယဉ်နေတဲ့ သွေး ဆာနေတဲ့ ဖက်ဆစ်စစ်တပ်ဖြစ်တယ်။
“၂၀၀၈ အခြေခံဥပဒေ”  မရှိခင်ကလည်း စစ်တပ်တပ်က ဒီလိုပဲလူသတ်ပါတယ်။ “၂၀၀၈ အခြေခံဥပဒေ”ရှိလာတော့လည်း စစ်တပ်က လူသတ်နေဆဲပါပဲ။ ဘာများထူးခြားပါသလဲ။ စစ်တပ်က လူသတ်ပါတယ်လို့ အော်နိုင်တဲ့ အခွင့်အလမ်းကလေးတော့ရလာပါ တယ်။ “အော်လို့ရတဲ့” အခွင့်အလမ်းကလေးပဲရတာပါ။ ဒိထက် ထိထိရောက်ရောက်ဘာမှ မလုပ်နိုင်ပါဘူး။ စစ်တပ်က ခိုးကြောင်ခိုး ဝှက် ထုတ်ပြန်တဲ့ကြေညာချက်မှာပဲကြည့်ပါ။ ဖမ်းမိထားတာကို “သေနတ်လုပြီးပြေးဖို့ကြိုးစားလို့ ပစ်ခတ်ဖမ်းဆီးရာမှာ သေဆုံးသွားတယ်” တဲ့။ တခါထဲကိစ္စပြတ်ကြေညာထားပါတယ်၊ သူတို့ နှိပ်စက်ညှင်းပန်းသတ်ဖြတ်လို့ သေသွားရတဲ့လူ၊ ဘာမှပြန်မပြောနိုင်တော့တဲ့လူကို တခါထဲ တရားခံတောင် လုပ်ထားလိုက်သေးတယ်။ ဘယ်လောက်သေးသိမ်စုတ်ပဲ့ပါသလဲ။
ဒီလို စစ်တပ်က ဗြောင်ကျူးလွန်တဲ့ လူသတ်မှုကို ဘယ်သူတွေက၊ ဘယ်နိုင်ငံရေးပါတီတွေက ကန့်ကွက်ရှုံ့ချပါသလဲ။
လွှတ်တော်ထဲရောက်နေတဲ့ အတိုက်အခံပါတီနဲ့လွှတ်တော်ကိုယ်စားလှယ်တွေဆီက ဘာသံမှ မကြားရပါဘူး။ စစ်ဗိုလ်ဟောင်း၊ သာသာနာရေးဝန်ကြီးဟောင်း (ဗိုလ်)ဦးဆန်းဆင့်ကို ထောင် ၁၃ နှစ်ချတာကိုတော့ စိုးရိမ်ကြတဲ့၊ လက်မှတ်ထိုးပြီးအသနားခံစာဝိုင်း တင် ကြတဲ့  လွှတ်တော်အမတ်တွေနဲ့ သက်ဆိုင် တဲ့နိုင်ငံရေးပါတီတွေဟာ ကိုပါကြီးကိစ္စမှာတော့ သိပ်ကိုနေနိုင်လွန်းကြတာဟာ စစ်တပ် က လူသတ်တဲ့ကိစ္စလိုပဲ ဗြောင်အကျဆုံး ရေငုံနှုတ်ပိတ်နေမှုပဲဖြစ်ပါတယ်။ ရာဇဝတ်မှုကျူးလွန်တာကိုသိပါလျက်နဲ့ ကန့်ကွက်ဆန့်ကျင်ခြင်း မပြုတာဟာ ကြီးမားတဲ့ တာဝန်ပျက်ကွက်မှုဖြစ်ပါတယ်။ ဒါ့အပြင် အခုလို ရေငုံနှုတ်ဆိတ်နေတာကလည်း တနည်းအားဖြင့် စစ်တပ်က လူသတ်မှုကျူးလွန်တာကို သွယ်ဝိုက်သော အားဖြင့် အားပေးနေတာပဲဖြစ်ပါတယ်။
စာနယ်ကောင်စီ (ယာယီ) ကထုတ်ပြန်တဲ့ကြေညာချက်ကတော့ဖြင့် စာနယ်ဇင်းကောင်စီ (ယာယီ) ဘာလဲဆိုတာကို ဖော်ပြတဲ့ ကြေညာချက်ဖြစ်ပါတယ်။ရယ်စရာကောင်းတဲ့ တာဝန်ကျေ/ဝတ္တရားကျေထုတ်ပြန်တဲ့ကြေညာချက်ကလေးဖြစ်လို့နေပါတယ်။ စာနယ်ဇင်း ကောင်စီ ( ယာယီ) ရဲ့ နေရာမှာ စာနယ်ဇင်းကောင်စီ (ရယ်စရာ) လို့ ပြောင်းသင့်ပါတယ်။
၂၆ အောက်တိုဘာမှာ လက်သီးလက်မောင်းတန်းပြီး အာဘောင်အာရင်းသန်သန် မိန့်ခွန်းတွေပြောကြတဲ့ “၈ ပူး ငြိမ်းပွင့်တွေ” ကိုကြည့်ကြပါစို့။ သူတို့ဟောပြောချက်တွေက “ဆူပွက်နေတဲ့ ရေနွေးအိုးထဲက ရေကို ခွက်တစ်ခုနဲ့ခပ်ယူပြီး အဲဒီ ဆူပွက် နေတဲ့အိုးထဲ ပြန်လောင်းထည့်တာမျိုးနဲ့ အလားသဏ္ဍာန်တူနေပါတယ်”။
 ဒီလိုလုပ်ခြင်းကြောင့် ခဏတာအားဖြင့်တော့ အိုးထဲမှာ ဆူပွက်နေတဲ့ရေတွေဟာ ယာယီအားဖြင့် ငြိမ်သက်သွားပါလိမ့်မယ်။ ဒီလိုနည်းနဲ့ မတရားမှုကို ဆန့်ကျင်လာမယ့်လူထုရဲ့ အုံကြွမှုကိုအချိန်ဆွဲလိုက်တယ်၊ တားဆီးထားလိုက်တယ်လို့မြင်တယ်။ ကြီးမားတဲ့ အုံကြွမှုကြီးအဖြစ်မခံဘဲ၊ အုံကြွမှုလေးတစ်ခု ဖော်ထုတ်ပြီး ထိန်းသိမ်းတဲ့ သဘောပေါ့။ ဥပမာရေပြည့်လျှံနေတဲ့ ရေကာတာကြီးကို ရေကာ တာကြီးကျိုးသွားမှာစိုးတဲ့အတွက် ရေတချို့ကို ကြိုတင်အစီအစဉ်ရှိရှိ ဖောက်ထုတ်/လွှဲထုတ်ပေးလိုက်တဲ့ သဘောမျိုးနဲ့ အလားတူနေပါ တယ်။ ယနေ့မြန်မာပြည်ရဲ့အခြေအနေက  အကြမ်းဖက်ဖိနှိပ်မှုတွေ၊ မတရားမှုတွေနဲ့ ပြည့်လျှံလာနေတဲ့ ရေကာတာကြီးနဲ့တူနေပါတယ်။ အုပ်စိုးသူတွေက ဘာသာရေးလူမျိုးရေးမှိုင်းတိုက်မှုတွေနဲ့ လမ်းလွှဲပြီး ယာယီအားဖြင့် ရှောင်လွှဲဖို့ကြိုးစားနေပါတယ်။ “အတိုက်အခံ” လို့ဆိုသူတွေကလည်း လမ်းမပေါ်က အုံကြွမှုတွေဖြစ်လာမှာကို စိုးရိမ်ပါတယ်။
ဒီလိုထိန်းနိုင်ဖို့ဆိုရင် ပထမဆုံးလိုအပ်ချက်က ကိုပါကြီးသတ်ဖြတ်ခံရမှုအပေါ် ထင်ရှားတဲ့သူတွေ၊ လွှတ်တော်အမတ်တွေ၊ နိုင်ငံရေးပါတီတွေက ဘယ်လိုသဘောထားတစုံတရာမှ ကြိုတင်ထုတ်ပြန်ချက်ကြေညာခြင်းမပြုဖို့ပါပဲ။
ထင်ရှားသူတွေ၊ လွှတ်တော်အမတ်တွေ၊ နိုင်ငံရေးပါတီတွေက တစုံတရာမှတ်ချက်ပြုခြင်း၊ ဝေဖန်၊ရှုံ့ချခြင်း၊ ကန့်ကွက်၊ ဆန့်ကျင်ခြင်းမရှိတဲ့အချက်ကလည်း လက်တွေ့မျက်မြင်ပါပဲ။
ဒါကြောင့် ၂၆ အောက်တိုဘာ၊ မြို့တော်ခမ်းမရှေ့က ပွဲဟာ ဘာမှထွေထွေထူးထူးမဟုတ်ဘဲ၊  “သမ္မတကြီးကို ဦးတိုက်ပြီး တောင်းဆိုပါတယ်”တို့၊ အခုလိုမတရားမှုတွေကို အမျိုးသားပြန်လည်သင့်မြတ်ရေးကြောင့်သက်သက်နဲ့ နှုတ်ပိတ်နေရမယ့်၊ နှာစီးနေ ရ မယ့် အခြေအနေမျိုးကိုတော့ ကျနော်တို့လက်မခံနိုင်ဘူး၊ အမျိုးသားလူ့အခွင့်အရေးကော်မရှင်ထံတောင်းဆိုတယ်၊ ရွေးကောက်ပွဲနဲ့ တင် မြှောက်လို့မရတဲ့ လက်နက်ကိုင်တပ်ဖွဲ့ကို သူတို့အမူအကျင့်တွေအမြန်ဆုံးပြင်ပါလို့ ပြောချင်တယ် ”ဆိုတဲ့  စကားလုံးတွေနဲ့ အဆုံးသတ် သွားပြီး တိကျတဲ့ အရေးဆိုမှုတွေပါမလာဘူး။ ရဲကလည်း လာတယ်ဆိုရုံ စတိပဲလာပြီး ပြန်သွားတာကလည်း မထူးဆန်းဘူးလား။ (အစိုးရနဲ့အတိုက်အခံ)တာဝန်ရှိသူတွေ အချင်းချင်း အပြန်အလှန်ကြိုတင်ညှိနှိုင်းအာမခံပြီး ဆောင်ရွက်သွားကြသလိုမျိုးပါပဲ၊ ဒီပွဲမှာပွဲ ထိန်းသွားတာ၊ (crowd control) လုပ်သွားတာ သိပ်ပြီး စည်းကမ်းသေဝပ်လွန်းလှပါတယ်။
ဒါကြောင့် မသင်္ကာစရာကောင်းပါတယ်။ ကော်မရှင်ဖွဲ့ပြီးစုံစမ်းစစ်ဆေးပေး ဖို့တောင်းဆိုချက်ဆို တာက လည်းတိုးတိမ်လွန်း လှပါတယ်။ နောက်ဆုံးတော့ ကျန်ရစ်သူမုဆိုးမ ခမျာ၊ စစ်တပ်က ပေးတဲ့ လျှော်ကြေးဆိုတာနဲ့ နှစ်သိမ့်ကြေနပ်ရမယ့် ကိန်းဆိုက်နေပါ တယ်။
 ကိုပါကြီးကျန်ရစ်သူမုဆိုးမရဲ့ စကား ကတော့ တောက်ပြောင်လှပါတယ်။ “စစ်တပ်ရဲ့ဘယ်လို ကူညီထောက်ပံ့မှုများပေးအပ် မည် ဆိုသည်ကို (လုံးဝ) လုံးဝ လက်မခံပါ”တဲ့။ အမှုကိုဆက်လက်ဖော်ထုတ်သွားမယ်လို့ ဆိုပါတယ်။
တကယ်တော့ “ကိုပါကြီးအသတ်ခံရမှု” ဟာ “၂၀၀၈ အခြေခံဥပဒေ” ၊“တည်ဆဲဥပဒေ” ၊ “တရားဥပဒေစိုးမိုးရေး ” စတဲ့ ဘာ ဘာညာညာတွေ ဘယ်သူတွေက ဘယ်လိုပင် ပြောဟောနေပေမယ့် ပြည်သူတွေရဲ့ အသက်အိုးအိမ်စည်းစိမ်တွေဟာ မလုံခြံမြဲ မလုံခြုံ ဘူး၊ စိတ်မချရဘူး၊ မကာကွယ်နိုင်ဘူး၊ စစ်တပ်က အချိန်မရွေးဖမ်းဆီးသတ်ဖြတ်နိုင်တယ်ဆိုတဲ့အချက်ကို အရှင်းလင်းဆုံးဖော်ပြနေတဲ့ အချက်သာဖြစ်ပါတယ်။
ဒီလိုမတရားအသတ်ဖြတ်ခံရမှုအပေါ်မှာ ဒီမိုကရေစီခေါင်းဆောင်၊ အတိုက်အခံပါတီခေါင်းဆောင်တွေ၊ လွှတ်တော်အမတ်ဆို သူတွေဆီက ဘယ်လိုပြောသံဆိုသံမှမကြားရတာကလည်း စည်းကမ်းပြည့်ဝသောဒီမိုကရေစီရဲ့စံကျဖော်ပြချက်တစ်ခုပင်ဖြစ်ပါကြောင်း။

 

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

One Response to တူမောင်ညို – ကိုပါကြီး နှင့် လူသတ်သော စစ်တပ်

  1. Dawn Gwin on October 30, 2014 at 12:05 am

    ၈၈ ငြိမ်းပွင့်တွေ ငြိမ်နေတယ်။ ဘာမှ မလုပ်ဘူးစသဖြင့် ဝေဖန်သံတွေညံနေတဲ့အချိန်မှာ ကိုပါကြီး ကိစ္စမှာ သူတို့ ထွက်လာတယ်။ ဒါကိုတော့ အသိအမှတ်ပြုရမှာပါ။ ၈၈ စိတ်ဓါတ်ဟာ မတရားမှုမှန်သမျှကို စိန်ခေါ်၊ စစ်အစိုးရကို တော်လှန်၊ ပြည်သူတွေနဲ့ တသားတည်းရပ်တည် ခဲ့ပါတယ်။ မတရားတာမှန်သမျှကို မတရားဘူးလို့ ပြောရဲတဲ့ သတ္တိရှိဖို့ လိုပါတယ်။ ငြိမ်းချမ်းရေးဆိုတဲ့ခေါင်းစဉ်ကို အကြောင်းပြပြီး ငြိမ်နေမယ်ဆိုရင် ဒုက္ခရောက်နေတဲ့ ပြည်သူတွေနဲ့ တဖြည်းဖြည်းဝေးသွားမယ်လို့ မြင်ပါတယ်။

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)