တူမောင်ညို – ခါးပိုက်ဆောင်ဒီမိုကရေစီနဲ့ ခါးပိုက်ဆောင်အတိုက်အခံ

December 1, 2014

တူမောင်ညို – ခါးပိုက်ဆောင်ဒီမိုကရေစီနဲ့ ခါးပိုက်ဆောင်အတိုက်အခံ

မိုးမခ (၂၀၁၄ ခုနှစ်၊ ဒီဇင်ဘာလ ၁ ရက်)

 

ယနေ့ စစ်အုပ်စုဟာ ယခင် (နဝတ-နအဖ) စစ်အုပ်စုလို ထစ်ကနဲရှိရင် “အကြမ်းဖက်ဖိနှိပ်ချေမှုန်း” ဆိုတဲ့ နည်းတစ်ခုထဲ သာမကတော့ဘဲ။ အကွက်ဆင်လှည့်ဖြားတဲ့ “ဗြောင်လိမ်လည်မှု”ကိုပါ အတွဲအဖက်မိမိ ကျင့်သုံးလာနေတာဖြစ်တယ်။ ဒီလိုကျင့်သုံး လာ နိုင်စေဖို့ “၂၀၀၈အခြေခံဥပဒေ”၊ အဲဒီအခြေခံဥပဒေနဲ့ ဆက်စပ်အဆွယ်အပွား ယန္တယားတွေကို ဖန်တီးထားနိုင်ခဲ့လို့ဖြစ်တယ်။ ဗြောင် လိမ်ညာမှုက အကြမ်းဖက်မှုကို ဖုံးကွယ်ပေးပြီး၊ အပြန်အလှန်အားဖြင့် အကြမ်းဖက်မှုနဲ့ ဗြောင်လိမ်ညာမှုကို တည်တံ့ခိုင်မြဲစေတယ်။ 

 

စစ်အုပ်စုက “တပ်မတော်”ကို ခါးပိုက်ဆောင်တပ်အဖြစ် ပိုင်ပိုင်နိုင်နိုင်ချုပ်ကိုင်ထားတဲ့ အောက်မှာစိတ်ကြိုက်ရေးဆွဲအတည်ပြု ထားတဲ့ “၂၀၀၈ အခြေခံဥပဒေ”၊ ဒီ ဥပဒေအရ တစ်ဆက်ထဲဖန်တီးထားတဲ့ အုပ်ချုပ်ရေး၊ ဥပဒေပြုရေး၊ တရားစီရင်ရေးဆိုတဲ့ ယန္တယား တွေအဆင့်ဆင့် ဖန်တီးထားတယ်။ အဲဒီအထဲမှာ ကြံ့ဖွံ့ပါတီ၊ ရွေးကောက်ပွဲကော်မရှင် နဲ့ စွမ်းအားရှင်တို့ကိုပါ ထည့်သွင်းထားရမယ်။ 

 

ဒီယန္တယားတွေကို လိုသလို လည်ပတ်ခုတ်မောင်းစေခြင်းဖြင့် အကြမ်းဖက်မှုနဲ့ ဗြောင်လိမ်ညာမှုကို သင်းတို့စိတ်ကြိုက် အသုံး တော်ခံစေနိုင်ခဲ့တယ်။ “ ၁၄ပွင့်” တို့၊ “၆ ပွင့်” တို့၊ “လာလတ္တံအပွင့်” တို့ဆိုတာ ဒီယန္တယားရဲ့ အထွက်ပစ္စည်းတွေပဲဖြစ်တယ်။

 

မိတ်အင်သိန်းစိန်၊ မိတ်အင်ရွှေမန်း၊ မိတ်အင်မင်းအောင်လှိုင် ဆိုပြီး ပုဂ္ဂလိအမည်တွေကွဲပြားချင်ကွဲပြားနေမှာဖြစ်ပေမယ့်၊ သူတို့ “အကြမ်းဖက်/လိမ်ညာလှည့်ဖြား”လို့ ရရှိလာသမျှအကျိုးအမြတ်တွေတော့ သူတို့အားလုံးရဲ့ပင်မကုမ္ပဏီဖြစ်တဲ့ စစ်အုပ်စုကုမ္ပဏီထဲကို သာ တိုက်ရိုက်စီးဝင်သွားကြမှာပဲဖြစ်ပါတယ်။ 

 

လောလောဆယ်  “အီဘိုလာ”ထက် ဆိုးဝါးပြင်းထန်တဲ့ ထိပ်သီးရောဂါနဲ့ အပွင့်ဗိုင်းရပ်စ်ကို သူတို့ဖြန့်ဖြူးနေပါတယ်။ အခုအဲဒီ ရောဂါ တိုင်းရင်းသားနိုင်ငံရေးအင်အားစုတွေထဲမှာ ကူးစက်ပြန့်ပွားနေပါတယ်။ 

 

ယခုလတ်တလောတွင် အစိုးရနဲ့လွှတ်တော်၊ အုပ်ချုပ်ရေးနဲ့ ဥပဒေပြုရေး၊ (ဗိုလ်)ဦးသိန်းစိန်၊(ဗိုလ်) ဦးရွှေမန်း၊ ကာချုပ်ဗိုလ်မင်း အောင်လှိုင်တို့အကြား ထွေလီကာလီတွေ၊ မိုးပြောချိုးပြော ပြောနေကြသည်မှာအခြားမဟုတ်ပါ၊အတိုက်အခံအင်အားစုများကို ပရိယာယ် ဆင်၊ ဂွင်သွင်းပြီး လှည့်စားဖြို ခွဲဖို့ “ညာသံပေး”တောချောက်နေခြင်းသာဖြစ်ပါတယ်။ “၂၀၀၈အခြေခံဥပဒေ” အနှစ်သာရနဲ့ပတ်သက်ပြီး သူတို့အကြားမှာ ကွဲပြားမှု၊ ခြားနားမှုလုံးဝမရှိပါ။ ပြင်ဆင်ရေးဆိုသည်မှာလည်း သူတို့စိတ်ကြိုက်ပြင်ဆင်ရေးသာဖြစ်ပါတယ်။ ပြင်ဆင်ရေး နဲ့ပတ်သက်ပြီး ဘယ်ပုဒ်မ၊ဘယ်စကားလုံးကိုဘယ်လိုပြင်မယ်၊ ဘယ်လိုစကားလုံးနဲ့အစားထိုးမယ်ဆိုတဲ့အထိ သူတို့အချင်းချင်းအကြားမှာ စည်းဝါးရိုက်ထားပြီးသားဖြစ်ပါတယ်။

 

ပြန်ကြားရေးဝန်ကြီး ဦးရဲထွဋ် ဆိုသူမှာအစိုးရနဲ့လွှတ်တော်အကြား၊ အုပ်ချုပ်ရေးနဲ့ဥပဒေပြုရေးအကြား ဗိုလ်သိန်းစိန်နဲ့ ဗိုလ်ရွှေ မန်းနှင့်ဗိုလ်မင်းအောင်လှိုင်တို့ အကြားမှာ “ကြိုတင်သင်ပြညွန်ကြား” ထားသည့်အတိုင်း ပြည်သူအများ ထင်ရောင်ထင်မှားဖြစ်စေရန် အလို့ငှာ လိုအပ်သလို အကွက်ဆင်ပေးသူ၊ ချွန်ပေးသူ၊ ဖွပေးသူ၊ ဆွပေးသူ၊ ဆီထိုးပေးသူ၊ သဲပက်ပေးသူ၊ မှိုင်းတိုက်ပေးသူ၊ လေပင့်ပေး သူ၊ ဖာထေးပေးသူ စသဖြင့် ဗလောင်းဗလဲစကားတွေကို လျှာအရိုးမရှိတိုင်း ကြက်တူရွေးတစ်ကောင်ကဲ့သို့ ပြောနေသူသာဖြစ်ပါတယ်။ ဒီလိုပြောဖို့တာဝန်ဟာ သူ့အဓိကတာဝန်ပဲဖြစ်ပါတယ်။ 

 

အတိုက်အခံလို့ ခေါ်တာမကြိုက်သော ကျနော်တို့ အတိုက်အခံတွေ အနေနဲ့လည်း ဒီအကွက်တွေ၊ ဒီအချက်တွေကို  မြင်ထား၊  သိထားပြီးဖြစ်မှာပါ။ မိတ်ဖြစ်ဆွေဖြစ်ထမင်းစားပွဲ မလာဝံ့၊ မလာရဲတဲ့ စစ်သားကြီးလုံးလုံး၊ ဗိုလ်မှူးကြီးရှုံးလောက်တဲ့ စစ်ဗိုလ်အမတ်တွေ ရဲ့ သူရသတ္တိရှိမှုကိုတိုင်းပြည်နဲ့လူထုက ပြက်ပြက်ထင်ထင်သိကြရပြီပဲ။ ဒီတော့ မိတ်ဆွေဖြစ်ထမင်းပွဲတောင် မလာဝံ့ရင်၊ နိုင်ငံရေးဆွေး နွေးပွဲဆိုရင်တော့ အဘယ်ဆိုဖွယ်ရာမရှိတော့ပါပြီ။ 

 

လွှတ်တော်ထဲသွားကြရတဲ့ စစ်ဗိုလ်အမတ်တွေဆိုတာ အမြင့်ဆုံး “ဗိုလ်မှူးချုပ်”အဆင့်နဲ့ အနိမ့်ဆုံးက “ဗိုလ်ကြီး- ဗိုလ်မှူး” အဆင့်တွေသာဖြစ်ပါတယ်။ အများစုက ဗိုလ်မှူးအဆင့်တွေသာများပါတယ်။ 

စစ်ဗိုလ်စစ်သားဆိုတာ လှေနဲ့မြင်းလိုပါပဲ။

 

စီးတဲ့သူ၊စေတဲ့သူ၊ နှင်တဲ့အတိုင်းသာ သွားလာ၊ သွားလာလှုပ်ရှားစမြဲဖြစ်ပါတယ်။ သူတို့ဟာ ဦးနှောက် (ကိုယ်ပိုင်ဆင်ခြင်မှု) မသုံးကြပါ။ သုံး၍လည်းမဖြစ်ပါ၊ သူတို့ အင်စတီကျူးရှင်းသဘာဝကိုက အထက်အမိန့်နဲ့ပေးတဲ့ တာဝန်ကို အကြွင်းမဲ့နာခံထမ်းရွက်ဖို့သာ ဖြစ်ပါတယ်။ စောဒကတက်ခွင့်လုံးဝမရှိပါ။ ရေဗူးပေါက်တာမလိုချင်/ရေပါဖို့အဓိက ဖြစ်ပါတယ်။

 

စစ်အုပ်စုအဆက်ဆက်က စစ်တပ်ရဲ့ ဒီလိုဖွဲ့စည်းမှုသဘာဝကို သူတို့အကျိုးအတွက် ပိုင်ပိုင်နိုင်နိုင် အသုံးချနေတာဖြစ်ပါတယ်။ စစ်တပ်ကို သူတို့စိတ်ကြိုက် ကြိုးကိုင်အမိန့်ပေး စေခိုင်းနေတာသာဖြစ်ပါတယ်။

 စစ်အုပ်စုက ကြည်း-ရေ-လေ တပ်မတော်ကြီး တစ်ခုလုံးကို အထက်အမိန့်ဆိုတဲ့သံနှောင်ကြိုးနဲ့ တင်းတင်းကြပ်ကြပ် ချုပ်ကိုင် ထားပြီး ခါးပိုက်ဆောင်တပ်အဖြစ်အသုံးချနေတာပဲဖြစ်ပါတယ်။ နှစ်ပေါင်း ၅၀ ကျော် အာဏာရယူထားနိုင်လေတော့ ဒီအပြုအမူနဲ့ အလေ့ အကျင့်ဟာ စစ်တပ်ထဲမှာ ကိုးကွယ်မှုတစ်ခုလို အရိုးစွဲနေစေခဲ့ပါတယ်။ ဒါကြောင့် တပ်မတော်ထဲက တကယ့်တိုင်းချစ် ပြည်ချစ် စစ်ဗိုလ်၊ စစ်သားတွေကို ဒီချုပ်ကိုင်မှုကနေ လွတ်မြောက်အောင် ရုန်းထွက်နိုင်စေကြရပါမယ်။

 

တပ်မတော်ကြီးကို “ဗိုလ်နေဝင်း- ဗိုလ်သန်းရွှေတို့ရဲ့ တစ်လက်ကိုင်ခါးပိုက်ဆောင်တပ်” ဆိုတဲ့ ဘဝဆိုးကနေ “ဗိုလ်ချုပ် အောင်ဆန်း- ဗိုလ်ချုပ်ကျော်ဇော” တို့ ရည်ရွယ်မျှော်မှန်းခဲ့ကြတဲ့ ၊ ပြည်သူ့အကျိုးကို ကာကွယ်တဲ့ တပ်မတော်၊ ဒီမိုကရေစီကိုကာကွယ် တဲ့တပ်မတော်ဖြစ်အောင် ပြုပြင်ပြောင်းလဲယူရပါ့မယ်။ 

 

 တပ်မတော်ကို “ခါးပိုက်ဆောင်တပ်”ဘဝကနေ ပြည်သူ့အကျိုးပြုတပ်မတော်ဘဝသို့  မပြုပြင်မပြောင်းလဲနိုင်သမျှ ကာလပတ် လုံး ဒီမိုကရေစီရေး၊ ဖက်ဒရယ်ပြည်ထောင်စုအရေး၊ ပြည်တွင်းငြိမ်းချမ်းရေးတွေအတွက် အာမခံချက်မရှိနိုင်ပါ။ 

 

စစ်အုပ်စုက “တပ်မတော်” ခါးပိုက်ဆောင်တပ်အဖြစ် ပြီး နိုင်ငံရေး၊ စီးပွားရေးဘက်ပေါင်းစုံမှာ လွှမ်းမိုးချုပ်ခြယ်လှယ်နေတာကို  ကုန်စင်အောင် ဖယ်ရှားရှင်းလင်းပစ်ရေးဟာ ယနေ့ ဒီမိုကရေစီအရေးရဲ့သော့ချက်အကျဆုံး လုပ်ငန်းတာဝန်လည်းဖြစ်ပါတယ်။ 

 

ယခုအခါမှာ စစ်အုပ်စုက“ခါးပိုက်ဆောင်တပ်မတော်”လုပ်ထားနိုင်ခဲ့သလို၊ “ခါးပိုက်ဆောင်ဥပဒေ”၊“ခါးပိုက်ဆောင်လွှတ်တော်” တို့ကိုပါ ဖန်တီးလာနိုင်ခဲ့ပြီဖြစ်ပါတယ်။ “ခါးပိုက်ဆောင်အတိုက်အခံ” တွေတောင်အရှင်မွှေးနေချင်း “ကြီး” နေကြပြီမဟုတ်ပါလား။ 

 

“မြန်မာနိုင်ငံရဲ့ဒီမိုကရေစီဟာ ‘တပ်မတော်’က ပေးသလောက်ပဲရမှာပါ၊ ‘တပ်မတော်’ အလိုရှိသလောက်ပဲ ကျမတို့လွှတ်တော် သက်တမ်းက ရှိမှာပါ” လို့ ဒေါ်အောင်ဆန်းစုကြည့်ကပြောဖူးပါတယ်၊ အဲဒီစကားကို ယခုလိုပြင်ဆင်ဖြည့်စွက်ပါရစေ။ 

 

 

 “မြန်မာနိုင်ငံရဲ့ဒီမိုကရေစီဟာ ‘စစ်အုပ်စု’ ကပေးသလောက်ပဲရမှာပါ၊ ‘စစ်အုပ်စု’ အလိုရှိသလောက်ပဲ လွှတ်တော်နဲ့အတိုက်အခံ သက်တမ်းကရှိနေမှာပါ”။ 

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

One Response to တူမောင်ညို – ခါးပိုက်ဆောင်ဒီမိုကရေစီနဲ့ ခါးပိုက်ဆောင်အတိုက်အခံ

  1. Thet Naing on December 2, 2014 at 5:47 am

    ကျနော့အမြင်နဲ့ တစ်ထပ်တည်းပဲဗျာ။ (ဒါပေမဲ့ အမြင်ချင်းတူ မတူ အပေါ်မှာ အမှန်နဲ့အမှားက မှီတည်နေတာ မဟုတ်တာကိုလည်း ဆင်ခြင်ပြီးသားပါ။) တကယ်တော့ ဒီစစ်အုပ်စုက ဘာကိုဘယ်လိုလုပ်မယ်ဆိုတာတွေကို ကြိုတင်ရှိပြီးသားပါ။ ၂၀၀၈ဖွဲ့စည်းပုံ၊ ပီအာ၊ ဘယ်နှစ်ပွင့် ဆိုတာတွေအားလုံးကို သူတို့ဆုံးဖြတ်ထားပြီးသားပါ။ အဖြေက ရှိနှင့်ပြီးသား။ ဒါပေမဲ့ အဲဒီအဖြေတွေကို ရုပ်ပြလွှတ်တော်တိုတာကြီးက ငွေ၊ အချိန်၊ လူ့စွမ်းအားတွေကို အဟောသိကံ အဖြစ်ခံထားပြီး မျက်လှည့်ပြ ထိုးကျွေနေတာပါ။ ကုန်ကုန်ပြောမယ်၊ အခုနောက်ဆုံး အမတ်တွေကို တိုးပေးတဲ့လစာကိစ္စဟာ တကယ်တော့ စစ်အုပ်စုသွားတဲ့လမ်းကြောင်း ချောမွေ့ရေးအတွက် ပြည်သူ့ပိုက်ဆံနဲ့ အလျှော်အစား လုပ်လိုက်တာပါ။ လွှတ်တော်ထဲမှာ အချိန်ကန်ခံထိုင်ပြီး ဘယ်သူက ဘယ်လောက်ပဲ ပါးစပ်ကအမြှုပ်ထွက်အောင် ကန့်ကွက်တာ၊ ထောက်ခံတာလုပ်နေနေ စစ်အုပ်စု အာဏာတည်မြဲရေးနဲ့ သူတို့အကျိုးစီးပွါးကို မထိခိုက်မဲ့ဟာလောက်ကိုဘဲ ပြုပြင်ပြောင်းလဲရေး စကားလုံးသုံးပြီး လုပ်နေမှာဖြစ်တယ်။ သူတို့ကို ထိခိုက်မဲ့ဟာဆိုရင်တော့ နိုင်ငံတော်လုံခြုံရေး၊ တည်ငြိမ်အေးချမ်းရေး၊ အင်စတီကျူးရှင်းကို ကိုယ်စားပြုရေး စတဲ့စတဲ့ စကားတွေနဲ့ အကာအကွယ်ယူနေမှာ အသေအချာပဲ။ အခုနောက်ဆုံး သူတို့ရဲ့ အကွက်ဆန်းဆန်း ကပြနေတာလေး တစ်ခုတည်းကိုပဲ ထောက်ပြပါရစေ။ ပီအာစနစ်ကို ပြည်သူ့လွှတ်တော်က ဖွဲ့စည်းပုံအခြေခံဥပေးနဲ့ မညီလို့ဆိုပြီး ကန့်ကွက်လိုက်ရုံရှိသေးတယ်၊ အမျိုးသားလွှတ်တော်က အတည်ပြုလိုက်တယ်။ ဒါဟာ ရည်ရွယ်ချက်ရှိရှိကို လုပ်တာ။ တိုက်ကွက် အသစ်ပဲ။ လူတွေကို ရှုပ်ထွေးသွားအောင် လုပ်ပြနေတာ။ ရွှေမန်းပြောတာကို အစိုးရနဲ့ ကာချုပ်ကကန့်ကွက်တာတွေ အားလုံးဟာ တစ်ဆင်တည်းပဲ။ သူတို့ချင်း ညှိထားပြီးလုပ်နေတာ မဟုတ်ဘူးဆိုတဲ့ အထင်ရောက်သွားအောင်ကို လုပ်ပြနေတာ။ တကယ်က သူတို့စစ်အုပ်စုက တစ်သားတည်း။ အဖြေကလည်း သူတတို့ချင်း ညှိပြီးသား၊ ရှိပြီးသားပါဗျာ။

ကြော်ငြာ … ကြော်ငြာ …

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags