အရှင်စန္ဒိမာ (မွန်စိန်တောရ) – သမာရုိုးကျအတွေးအခေါ်ကုို စွန့်လွှတ်လုိုက်ပါ

December 11, 2014

 

အရှင်စန္ဒိမာ (မွန်စိန်တောရ) – သမာရုိုးကျအတွေးအခေါ်ကုို စွန့်လွှတ်လုိုက်ပါ

(မိုးမခ) ဒီဇင်ဘာ ၁၁၊ ၂၀၁၄

၂၀၀၁ ခုနှစ် စက်တင်ဘာ ၁၁ ရက်နေ့က  အယ်လ်ကုိုင်းဒါးအကြမ်းဖက်သမားတွေဟာ  ခရီးသည်တင်လေယာဉ် ၄ စီးကို အပုိုင်စီးပြန်ပေးဆွဲကာ နယူးယောက်မြို့က ကမ္ဘာ့ကုန်သွယ်ရေးအမွှာညီနောင်အဆောက်အအုံကြီးနဲ့ ဝါရှင်တန်ဒီစီမြို့တော်က ပင်တဂွန်စစ်ဌါနချုပ်ကုို လေယာဉ်တွေနဲ့ အသေခံဝင်တုိုက်ခဲ့တာကြောင့် လူပေါင်း ၃၀၀၀ နီးပါး အသက်ဆုံးခဲ့ရပါတယ်။ ထုို့နောက် အကြမ်းဖက်သမားအဖြစ် သံသယရှိသူတွေကုို လိုက်လံရှာဖွေဖမ်းဆီးခဲ့ကြပြီး စစ်ကြောတဲ့အခါမှာ အမေရိကန်ဗဟုိုထောက်လှမ်းရေးအေဂျင်စီ CIA ဟာ နှိပ်စက်ညှင်းပန်းတဲ့ နည်းလမ်းတွေကုို အသုံးပြုခဲ့ကြပါတယ်။ 

 

ထုိုအကြမ်းဖက်မှုဖြစ်ပွားအပြီး ၁၃ နှစ်အကြာ ၂၀၁၄ ခုနှစ် ဒီဇင်ဘာ ၉ ရက်နေ့က အမေရိကန်ဆီးနိတ်လွှတ်တော် ထောက်လှမ်းရေးကော်မတီက အစီရင်ခံစာထုတ်ပြန်ကာ CIA ရဲ့ နှိပ်စက်ညှင်းပန်းတဲ့ စစ်ကြောရေးနည်းစနစ်ကုို လူသိရှင်ကြား ကြေငြာလုိုက်ပါတယ်။  

ထုိုအစီရင်ခံစာဟာ အကြမ်းဖက်သမားတွေရဲ့ ဒေါသကုို နှိုးဆွသလုို ဖြစ်သွားစေနုိုင်ပြီး အကြမ်းဖက်လက်တုံ့ပြန်လာနုိုင်တဲ့ အန္တရာယ်ကုို တွက်ဆကာ အစီရင်ခံစာကုို ထုတ်ပြန်လုိုက်တဲ့ တချိန်တည်းမှာ နုိုင်ငံတကာမှာရှိကြတဲ့ အမေရိကန်သံရုံးတွေနဲ့ အမေရိကန်စစ်ဖက်ဆုိုင်ရာ အချက်အချာနေရာတွေမှာ လုံခြုံရေးတွေကုို တုိုးမြှင့်ချထားလုိုက်ကြပါတယ်။

သမ္မတအုိုဘားမားက နှိပ်စက်ညှင်းပန်းတဲ့ နည်းလမ်းဟာ အမေရိကန်ရဲ့ စံတန်ဘုိုးနဲ့ မကုိုက်ညီရုံမျှမက နုိုင်ငံတကာမှာရှိကြတဲ့ အမေရိကန်ရဲ့ အကျိုးစီးပွါးကုို ထိခုိုက်စေပြီး အကြမ်းဖက်မှုတန်ပြန်စစ်ဆင်ရေး အားထုတ်မှုတွေကုိုလည်း အထောက်အကူ မဖြစ်စေဘူးလုို့ ဆုိုပါတယ်။ အစီရင်ခံစာဟာ အတိတ်ကအမှားကုို အတိတ်မှာ ထားခဲ့ဖုို့ ကူညီရာရောက်လိမ့်မယ်လို့ ဆုိုလုိုက်ပါတယ်။ 

အစီရင်ခံစာထုတ်ပြန်မှုကုို ဆန့်ကျင်ကြတဲ့ အမေရိကန်လွှတ်တော်အမတ်တွေနဲ့ CIA ထိပ်တန်းအရာရှိဟောင်းတွေကတော့ ထုိုစစ်ကြောရေးနည်းလမ်းကုို အသုံးပြုခဲ့တာကြောင့် အကြမ်းဖက်သမားများစွာကုို ဖမ်းဆီးနုိုင်ခဲ့ပြီး အကြမ်းဖက်မှုလုပ်ငန်းစဉ်တွေကို ဟန့်တားနုိုင်ခဲ့ကာ လူ့အသက်ပေါင်းများစွာကုို ကယ်တင်နုိုင်ခဲ့တယ်ဆုိုပြီး အဆုိုပါ ညှင်းပန်းနှိပ်စက်တဲ့ စစ်ကြောရေးနည်းစနစ်ဘက်မှ ကာကွယ်ပြောဆုိုကြပါတယ်။ 

ဒီနေရာမှာ မြန်မာအစုိုးရသာ ဆုိုရင်တော့ အစီရင်ခံစာထုတ်ပြန်ဖုို့ နေနေသာသာ ဘူးခံငြင်းမှာ အသေအချာပါ။ ၈၈ နောက်ပုိုင်း စစ်ကြောရေးစခန်းတွေမှာ အသတ်ဆုံးခဲ့ကြရ၊ စစ်ကြောရေးမှ ရခဲ့တဲ့ ဒဏ်ရာဒဏ်ချက်တွေနဲ့ နောက်ပုိုင်းအသတ်ဆုံးခဲ့ကြရတဲ့ နုိုင်ငံရေးသမားကျောင်းသားရဟန်းရှင်တွေ များစွာရှိခဲ့ပေမယ့် စစ်အစုိုးရက ဘယ်တုန်းကမှ ဝန်မခံခဲ့ပါဘူး။ အရပ်ဝတ်ပြောင်း သမ္မတဦးသိန်းစိန်အစုိုးရလက်ထက်မှာလည်း လူမသိသူမသိတွေရော လူအများသိသွားခဲ့တဲ့ ညှင်းပန်းနှိပ်စက်မှုတွေရော ရှိနေဆဲပါ။ စစ်တပ်က ကုိုပါကြီးကုို နှိပ်စက်ညှင်းပန်းသတ်ဖြတ်ခဲ့တာကတော့ ကမ္ဘာသိဖြစ်သွားခဲ့ပါတယ်။ ဒါပေမယ့် စစ်တပ်နဲ့ အစုိုးရက ဒါကုို အမှန်အတုိုင်း ဝန်မခံခဲ့ပါဘူး။ အစုိုးရက ဖွဲ့ပေးထားတဲ့ လူ့အခွင့်အရေးကော်မရှင်ကလည်း စစ်တပ်နဲ့ အစုိုးရကုိုယ်စား ဗြောင်ငြင်းဆုိုလိမ်ညာပေးခဲ့ပါတယ်။ ”ကုိုပါကြီးကုို အထူးတလည်စစ်ကြောတယ်ဆုိုတာမျိုးကုို အရိပ်အရောင်တောင် မတွေ့ခဲ့ရပါဘူး”လုို့ RFA ရဲ့ ဆက်သွယ်မေးမြန်းချက်တခုမှာ လူ့အခွင့်အရေးကော်မရှင်ဒုဥက္ကဌ ဦးစစ်မြိုင်က ဖြေဆုိုသွားခဲ့ပါတယ်။ ဦးစစ်မြိုင်ရဲ့ပြောဆုိုချက်ဟာ ကုိုပါကြီးအလောင်းမှာ အညိုအမဲဒဏ်ရာဒဏ်ချက်တွေကုို တွေ့မြင်ခဲ့ရသူတွေရဲ့ ပြောဆုိုချက်တွေနဲ့ ကွဲလွဲနေပါတယ်။ 

ယခု ထုတ်ပြန်လုိုက်တဲ့ အမေရိကန်ဆီးနိတ်လွှတ်တော် ထောက်လှမ်းရေးကော်မတီရဲ့ အစီရင်ခံစာနဲ့ ပတ်သက်ပြီး အမေရိကန်ပြည်သူတွေအကြားမှာရော အမေရိကန်နုိုင်ငံရေးသမားများအကြားမှာပါ အမြင်မတူမှုတွေ ရှိနေပေမယ့် သူတုို့ရဲ့ ဦးတည်စဉ်းစားလုပ်ဆောင်ချက်တွေဟာ သူတို့နုိုင်ငံရဲ့ အကျိုးစီးပွါးအတွက်ဆုိုတဲ့ ရည်ရွယ်ချက်စိတ်ဓါတ်ကတော့ ကွဲပြားမှု မရှိပါဘူး။ အထူးသဖြင့် ရီပတ်ဗလစ်ကန်နဲ့ ဒီမုိုကရက်ပါတီကြီှးနှစ်ခုအကြား နုိုင်ငံရေးအရ အမြင်မတူမှုတွေ ငြင်းခုံမှုတွေဟာ ပုဂ္ဂိုလ်တဦးဦး အဖွဲ့အစည်းတခုခုရဲ့ ကုိုယ်ကျိုးစီးပွါးကုို ကာကွယ်မှုအပေါ်မှာ အခြေခံထားတာမဟုတ်ဘဲ တုိုင်းပြည်အကျိုးစီးပွါးဆုိုတဲ့ ဦးတည်ချက်လမ်းကြောင်းပေါ်မှာ အမြင်မတူမှုနဲ့ ငြင်းခုံနေကြခြင်းသာ ဖြစ်ပါတယ်။ 

ထုိုအခြေအနေမျိုးဟာ မြန်မာ့နုိုင်ငံရေးဖြစ်စဉ်မှာတော့ ဒဏ္ဍာရီပုံပြင်လို ဖြစ်နေတာပါ။ မြန်မာနုိုင်ငံဟာ နှစ်ပေါင်း ၅၀ ကျော် အစဉ်အဆက် အာဏာကုို ချုပ်ကုိုင်လာခဲ့တဲ့ ထိပ်တန်းစစ်ခေါင်းဆောင်တွေရဲ့ ကုိုယ်ကျိုးစီးပွါးကာကွယ်မှုကုို အမျိုးသားနုိုင်ငံရေး တုိုင်းပြည်တည်ငြိမ်ရေးဆုိုတဲ့ သကာဖုံးထားတဲ့ ဟန်ဆောင်စကားလုံးတွေနဲ့ ဝါဒဖြန့်မှုတွေအောက်မှာ လူထုဘဝတခုလုံး ပြားပြားဝပ် နစ်မွန်းခဲ့ရတဲ့ အခြေအနေဆုိုးမှ မလွတ်မြောက်နုိုင်သေးပါဘူး။ 

လက်ရှိအစုိုးရရဲ့ ပြုပြင်ပြောင်းလဲမှုတစိတ်တပုိုင်းအနေနဲ့ ပွင့်လင်းစွာ ထုတ်ဖေါ်ပြောဆုိုရေးသားခွင့် ရလာနေတဲ့ အခြေအနေကောင်းတချို့ ရှိလာသော်လည်း ပြည်သူအများစုရဲ့ ဆင်းရဲမွဲတေမှုနဲ့ လူ့အခွင့်အရေးချိုးဖေါက်ခံရမှုတွေက ဆုိုးဝါးလျှက်ပါ။ လုပ်ပုိုင်ခွင့်ရှိကြတဲ့ အုပ်ချုပ်သူအဆင့်ဆင့်ရဲ့ အနုိုင်ကျင့်မှုတွေ မတရားမှုတွေကုို အခံရဆုံးက တောင်သူလယ်သမား အလုပ်သမား အောက်ခြေလူတန်းစားပြည်သူတွေပဲ ဖြစ်ပါတယ်။ အစုိုးရနဲ့ စစ်တပ်က စေတနာမှန်မယ်ဆုိုရင်တော့ ဒီအခြေအနဆုိုးကုို မြန်မြန်ဆန်ဆန် ကျော်လွှားလွန်မြောက်နုိုင်ပါလိမ့်မယ်။ 

ဒါပေမယ့် ပြည်သူတွေ မျှော်လင့်နေကြတဲ့ အစုိုးရနဲ့ စစ်တပ်ရဲ့ စေတနာမှန်မှုဆုိုတာ စိတ်ကူးယဉ်အိပ်မက်ပမာသာ ဖြစ်နေတာပါ။ အဲဒီအစား စစ်တပ်ခေါင်းဆောင်တွေရဲ့ ဘယ်သူ့ကုိုမှ ပမာမခန့်တဲ့ ပြောဆုိုမှုတွေ သိသာမြင်သာတဲ့ တင်းမာတဲ့ သဘောထားတွေကုိုသာ တွေ့မြင်နေရပါတယ်။ တချိန်တည်းမှာ စစ်တပ်ကျောထောက်နောက်ခံပါတီက လွှမ်းမုိုးထားတဲ့ အစုိုးရနဲ့ လွှတ်တော်တွေမှာ ရုိုးရှင်းဖြောင့်တန်းစစ်မှန်တဲ့ ခြေလှမ်းတွေကုို မတွေ့မြင်ရသေးပါ။ အခြေအနေကုို ရှုပ်ထွေးဝေဝါးအောင် တမင်လုပ်နေတာလားလုို့တောင် အများက သံသယဝင်လာကြပါတယ်။ ဆုိုလုိုတာက လက်တလောနုိုင်ငံရေးအခင်းအကျင်းမှာ လက်ရှိစစ်တပ်အကြီးအကဲတွေနဲ့ အစုိုးရနဲ့ လွှတ်တော်မှ စစ်ဗုိုလ်ချုပ်ဟောင်းတွေဟာ လက်ဝါးချင်းရုိုက်ထားကြသလားဆုိုတဲ့ မေးခွန်းထုတ်စရာ ရှိလာပါတယ်။ 

ဒီမုိုကရေစီသန္ဓေတည်စ မြန်မာနုိုင်ငံကုို အမေရိကန်လုို ဒီမုိုကရေစီဘုိုးအေကြီးနဲ့ နှိုင်းယှဉ်၍ မရမှန်းလည်း သိပါတယ်။ အမေရိကန်လို နုိုင်ငံကြီးနုိုင်ငံတနုိုင်ငံကုို အရာရာကောင်းပါတယ်လုို့ မျက်စိစုံမှိတ် အထင်ကြီးနေတာလည်း မဟုတ်ပါ။ ဒါပေမယ့် ကမ္ဘာ့ထိပ်သီးနုိုင်ငံကြီးတနုိုင်ငံမှ ယူစရာတွေ တပုံတပင်ရှိနေတာကုို ယူတတ်မယ်ဆုိုရင် မြန်မာနုိုင်ငံအတွက် အဖုိုးမဖြတ်နုိုင်တာ အမှန်ပါ။ 

ဗုဒ္ဓ္ဓ္ဒ္ဒဘာသာယဉ်ကျေးမှုနဲ့ အနည်းနဲ့အများ ယဉ်ပါးပြီးသား မြန်မာ့မြေ မြန်မာ့ရေမှာ ဘုိုးဘွားအစဉ်အဆက် ရှင်သန်ကြီးပြင်းလာခဲ့ကြတဲ့ တုိုင်းရင်းသားပြည်သူလူထုတရပ်လုံးဟာ ယဉ်ကျေးသိမ်မွေ့မှုနဲ့ စဉ်းစားတွေးခေါ်မှု ဉာဏ်ပညာပုိုင်းမှာ ပင်ကုိုယ်အားဖြင့် နိမ့်ပါးကြသူတွေ မဟုတ်ကြပါဘူး။ စနစ်ဆုိုးရဲ့ ဒဏ်ချက်တွေကြောင့်သာ အစစအရာရာ ချွတ်ခြုံကျသွားခဲ့ရပေမယ့် ပြန်လည်ရုန်းထဖုို့ စိတ်ဓါတ်နဲ့ အားမာန်တွေက ကျန်းမာသန်စွမ်းလျှက်ပါ။  

လက်ရှိစစ်တပ်ခေါင်းဆောင်တွေ အစုိုးရနဲ့ လွှတ်တော်မှ စစ်တပ်ခေါင်းဆောင်ဟောင်းတွေအနေနဲ့ အမေရိကန်နုိုင်ငံကုို ပုံတူကူးချဖုို့ ဆုိုလုိုနေတာမဟုတ်ဘဲ အမေရိကန်နုိုင်ငံရေးခေါင်းဆောင်တွေရဲ့ သူတုို့နိင်ငံနဲ့ သူတုို့လူမျိုးအပေါ်ထားတဲ့ စိတ်ဓါတ်ကုို နမူနာယူ စဉ်းစားကြဖုို့ သင့်ကြောင်းကုိုသာ တင်ပြလုိုရင်း ဖြစ်ပါတယ်။ လက်နက်အားကုိုးချင်တဲ့ သမာရုိုးကျအတွေးအခေါ်ကုို စွန့်လွှတ်ရတော့မယ့် အချိန်ပါ။ စိတ်ရှည်ရမယ်၊ အချိန်ယူရမယ်၊ ယခုရေတွင်းတူး ယခုရေကြည်သောက်လုို့ မရဘူး၊ အခက်အခဲတွေ ရှိတယ်၊ စိန်ခေါ်မှုတွေရှိတယ် စတဲ့ ယေဘုယျဆန်တဲ့ သမားရုိုးကျ ဆင်ခြေဆင်လက်တွေကုို စွန့်လွှတ်ရတော့မယ့်အချိန် ရောက်နေပါပြီ။     

 

အရှင်စန္ဒိမာ (မွန်စိန်တောရ)     


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်