တူမောင်ညို – လွှတ်တော် ဝဋ်ဆင်းရဲမှာ ဇွတ်ဆွဲပြီး မနေကြပါနဲ့

December 13, 2014

တူမောင်ညို  – လွှတ်တော် ဝဋ်ဆင်းရဲမှာ ဇွတ်ဆွဲပြီး မနေကြပါနဲ့
(မိုးမခ) ဒီဇင်ဘာလ ၁၃၊ ၂၀၁၄

photo source :  www.thehindu.com

အတိုက်အခံများအတွက် လွှတ်တော်တွင်းနိုင်ငံရေးကား လမ်းဆုံးနေချေပြီ၊  ရှေ့ခရီးဘယ်လိုဆက်ကြမလဲ။

၂၀၁၂ ကြားဖြတ်ရွေးကောက်ပွဲဝင်စဉ်က ချမှတ်ခဲ့တဲ့ “တာဝန်ကြီး ၃ ရပ်” (ဥပဒေစိုးမိုးရေး၊ ပြည်တွင်းငြိမ်းချမ်းရေး၊ ဖွဲ့စည်းပုံ အခြေခံဥပဒေပြင် ဆင်ရေး) ကို လွှတ်တော်တွင်းမှာ ဘယ်လောက်အတိုင်းအတာအထိ လုပ်ဆောင်နိုင်ခဲ့ကြသလဲ။ ထိရောက်တဲ့ အကျိုး သက်ရောက်မှု ဘာတွေရရှိခဲ့သလဲဆိုတာ ဒီချုပ်ပါတီနဲ့လွှတ်တော်ကိုယ်စားလှယ်များက ဆန်းစစ်သင့်ပါတယ်။ ဆန်းစစ်ရရှိလာတဲ့အချက်တွေကို ပြည်သူအများသိရှိအောင်တင်ပြအစီရင်ခံသင့်ပါတယ်။

အောင်မြင်မှုရရှိခဲ့တဲ့ ရည်မှန်းထားချက်တွေက ဘာတွေလဲ။

မျှော်မှန်းထားပြီး မရရှိခဲ့တာတွေက ဘာတွေလဲ။ ဘာကြောင့်အောင်မြင်မှုတွေရရှိခဲ့ပြီး၊ ဘာကြောင့်မရရှိခဲ့သလဲ၊ ဘယ်လို ပြုပြင်သွားမှ၊ ဘယ်လိုနည်းလမ်းနဲ့ပြောင်းလဲဆောင်ရွက်နိုင်မှရည်မှန်းချက်တွေပေါက်မြောက်နိုင်မလဲစသဖြင့် အချက်အလက်ရှိရှိဆန်းစစ် လေ့သုံးသပ်တင်ပြသွားသင့်တယ်လို့မြင်ပါတယ်။

လွှတ်တော်တွင်းနိုင်ငံရေး “မျှော်လင့်သလောက်မဖြစ်ဘူး”ဆိုတာ ဒီချုပ်ပါတီဥက္ကဋ္ဌ အပါအဝင် ဒီချုပ်လွှတ်တော်အမတ်တွေ ကိုယ်တိုင်ထုတ်ပြောနေတာဖြစ်ပါတယ်။ ဒီလိုတော့လည်း ဖြည့်စွက်ပြောပါသေးတယ် “လွှတ်တော်ထဲမှာ လွတ်လွတ်လပ်လပ် ပြောနိုင် တယ်၊ထိရောက်မှုမရှိတာ၊ပြောတဲ့အတိုင်း၊ တောင်းဆိုတဲ့အတိုင်းဖြစ်တာ၊ မဖြစ်တာက သပ်သပ်၊ ဒီလိုလွတ်လွတ်လပ်လပ်တိုင်းသိပြည်သိ တင်ပြနိုင်တာ ကိုယ်က တိုးတက်မှုပဲ” တဲ့။ ဘယ်လိုပဲပြောပြော အနှစ်သာရကတော့ မျှော်လင့်ထားသလိုဖြစ်မလာခဲ့ဘူး၊ လွှတ်တော်ထဲမှာ အလုပ်မဖြစ် ဘူးဆိုတာ ငြင်းခုန်စရာမလိုအောင် ထင်ရှားနေပါပြီ။

ဒီချုပ်လွှတ်တော်အမတ်အချို့ ပွင့်ပွင့်လင်းလင်းရင်ဖွင့်ထားတဲ့ လွှတ်တော်တွင်းအခြေအနေအချို့ကို ကောက်နုတ်ဖော်ပြရရင်

– “အားလုံးသိတဲ့အတိုင်းပဲ ပြောင်းလာတဲ့ လွှတ်တော်ကိုယ်စားလှယ်သုံး ယောက်နဲ့ စုပေါင်း ၄၆ ယောက်၊ ၄၆ ယောက် အင်အားက ဘာမှ မရှိဘူး။ ဒါပေမဲ့ အဓိကပင်မရည်မှန်းချက်ကြီးဖြစ်တဲ့ အခြေခံဥပဒေပြင်ဆင်ရေးရယ်၊ အမျိုးသားပြန် လည်သင့်မြတ်ရေးရယ်၊ တရားဥပဒေ စိုးမိုးရေးရယ်၊ အဲဒီရည်မှန်းချက်သုံးချက်မှာ  ၄၆ ယောက်ဆိုတဲ့ ဆယ်ပုံတစ်ပုံ အတိုင်းအတာနဲ့လုပ်ရတာဟာဘာမှခရီးမတွင်ပါဘူး။ ဒါပေမဲ့ ဆက်ပြီးတော့မှ ဒေါ်အောင်ဆန်းစုကြည်ခေါင်းဆောင်မှုနဲ့ ကျွန်တော်တို့ ကိုယ်စားလှယ်တွေအားလုံးက ဆက်လက်သွားနေကြတယ်” (ဦးဝင်းမြင့်)

– “ပြည်သူတွေလိုလားချက်နဲ့ ကျွန်မတို့လွှတ်တော်က လုပ်နေတာတွေက နည်းနည်းလွဲများလွဲနေသလားလို့ တခါတခါ သံသယဖြစ်မိ တယ်ပေါ့၊ ပြည်သူတွေတောင်းဆိုတာတစ်ခခု၊ လွှတ်တော်မှာတင်လိုက်တဲ့အာဂျင်ဒါကတစ်မျိုးတွေဖြစ်နေ တယ်၊ အဆိုးဆုံးက ကျွန်မတို့အင်အားကနည်းတဲ့အခါကျတော့ ကျွန်မတို့ဆွေးနွေးလိုက်တာ၊ တောင်းဆိုလိုက်တာ၊ ပြော လိုက်တဲ့ကိစ္စရပ်တွေဟာ ဖြစ်မလာတာတွေများ တယ်ပေါ့နော်” (မဖြူဖြူသင်း)

– “ဘယ်လောက်စိတ်တိုတယ်အောက်မေ့လို့လဲ၊ထလည်းမထူးမှာမို့လို့ မထတာ၊ မိုက်တောင်းတယ်၊မပေးဘူး၊ တစ်ခုတော့ ရှိတာပေါ့လေ၊ ဦးသူရရွှေမန်းက ကျွန်တော်တို့ NLDနဲ့ဆက်ဆံရေးပြေလည်ပြီးတော့ အထိုက်အလျောက်နိုင်ငံရေး space  ပေးတယ်၊အဲဒီဟာလေးထောက်ထားပြီးတော့နေတာ၊ နို့မဟုတ်ရင်တော့ ကလော်တုတ်တော့မှာပဲ” (ဦးဝင်းထိန်)

လွှတ်တော်ထဲမှာ ထိရောက်မှုရှိဖို့၊ တင်ပြတဲ့အတိုင်းဖြစ်မြောက်လာဖို့ဆိုတာမှာ အဓိကအားဖြင့် ကိုယ့်ပါတီကအမတ်တွေဟာ လွှတ်တော် ထဲမှာ နေရာအများစုရထားမှ၊ အင်အားအများစုဖြစ်နေမှမဟုတ်ပါလား။ ဒါ့အပြင် ကိုယ့်ပါတီနဲ့ မိတ်ဖက်ဖြစ်နေတဲ့ အခြားပါတီ များရဲ့ အမတ်တွေ ရဲ့ထောက်ခံမှုလည်းလိုတယ်လေတယ်လေ။ ဒါက ပါလီမန်နိုင်ငံရေး၊လွှတ်တော်နိုင်ငံရေးတွေရဲ့ အခြေခံသဘော သဘာဝ မဟုတ်ပါလား။ ဒါ့အပြင် အခြေခံဥပဒေအပါအဝင်၊ အခြားသော လွှတ်တော်နိုင်ငံရေးဆိုင်ရာ ဥပဒေ၊ နည်းဥပဒေတွေကလည်း တဖက်စီးနင်း မဟုတ်ဘဲ၊ မျှတတဲ့အခြေခံနဲ့လည်းတည်ရှိရဦးမယ်လေ။

ဒီချုပ်ပါတီက ဒီလို အခြေခံတွေ ပြည့်ပြည့်စုံစုံ၊ လုံလုံလောက်လောက်မရှိဘဲနဲ့လွှတ်တော်ထဲ ဇွတ်ဝင်သွားခဲ့တာပါ။ အမတ် ၄၆ ယောက်နဲ့ လွှတ်တော်ထဲမှာ ဘာမှထိထိရောက်ရောက်အောင်အောင်မြင်မြင် ဖြစ်မလာနိုင်ဘူးဆိုတာ အခုတော့ ဒီချုပ်လွှတ်တော်အမတ် တွေကိုယ် တိုင်အတွေ့အကြုံအရ နားလည်သဘောပေါက်ပြီး ဖွင့်ပြောနေကြပါပြီ။

ဒီတော့ ထိရောက်မယ့်ဒီချုပ်ပါတီကိုယ်တိုင်က “လိုလျှင်ကြံဆနည်းလမ်းရ” ဆိုတဲ့စကားအတိုင်း နည်းလမ်းရှာကြံသင့်ပါပြီ။ “သံသရာဝဋ်ထဲ၊ ဇွတ်ဆွဲလို့နေမယ်၊ သေပါစေခင်ရဲ့”ဆိုတာလို့ လွှတ်တော် ဝဋ်ဆင်းရဲမှာ ဇွတ်နှစ်ပြီးမနေစေချင်ပါဘူး။

အန်ကယ်ဦးဝင်းထိန်လည်း “ကလော်တုတ်”ရမယ့်ကိန်းလည်း ဆိုက်ရောက်မသွားစေချင်ပါဘူး။

ထောက်ထားနေရတဲ့ “အထိုက်အလျောက်နိုင်ငံရေး space” ဆိုတဲ့ “ဗထက်ချိုင့်” လို ချိုင့်ခွက်ကလေးထဲနေလည်း အလျင် အမြန်လွတ် မြောက်စေချင်ပါတယ်။ ဒါကြောင့်ပါတီတွင်းမှာသော်လည်းကောင်း၊ မိတ်ဆွေများ၊ မဟာမိတ်ပါတီများနဲ့သော်လည်းကောင်း တိုင်းပြည်နဲ့ လူထုအတွက် အကောင်းဆုံးဖောက်ထွက်နိုင်မယ့် နည်းလမ်းကို ဒီချုပ်ပါတီအနေဖြင့်  ညှိနှိုင်းရှာဖွေသင့်ပါပြီ။

ဒီလိုနည်းလမ်းရှာဖွေကြရမှာလည်း “ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည်” ကဏ္ဍမှာ “ နိုင်ငံရေး တွေ့ဆုံဆွေးနွေးပွဲ တွေကို မိတ်ဆုံစားပွဲအဆင့်ထက်ပိုပြီး အကျိုးရှိအောင် ဘယ်လိုဆောင်ရွက်သင့်တယ်ထင်ပါသလဲ” ဆိုတဲ့ မေးခွန်းကို ဒေါ်အောင်ဆန်း စုကြည်ပြန်လည်ဖြေကြားခဲ့သလို “စိတ်ပြောင်းရမှာပေါ့၊ နိုင်ငံရေးဆွေးနွေးပွဲဆိုတာ တိုင်းပြည်ရဲ့ကံကြမ္မာ၊တိုင်းပြည်ရဲ့ အနာဂတ်အတွက် အရေးကြီးတယ်၊ ဒါဟာလေးလေးနက်နက်နဲ့သတ္တိရှိရှိနဲ့ရင်ဆိုင်ရမယ်ဆိုတာလက်ခံဖို့လိုတာပေါ့”ဆိုတဲ့ဖြေနည်းကားမျိုးနဲ့တော့ ဘယ်လိုမှ မဖြစ်နိုင်ပါဘူး။ အဲဒီဖြေဆိုမှုဟာ အလွန့်အလွန် ယေဘုယျဆန်လွန်းလှပါတယ်ခင်ဗျာ။

ညွန်း
– (VOA) ဦးသန်းလွင်ထွန်း နှင့် ဒေါ်အောင်ဆန်းစုကြည်အင်တာဗျူး (၂၃- ၁၁- ၂၀၁၄)
– လွှတ်တော်ကိုယ်စားလှယ်များနဲ့စကားဝိုင်း (ရဲမြင့်ကျော်)၊ ဒီလှိုင်းစာစောင်၊ အတွဲ ၃၊ အမှတ် ၄၆၊ အမှတ် ၄၇
– (RFA)၊ ဒီမိုကရေစီခရီးကြမ်းနဲ့ဒေါ်အောင်ဆန်းစုကြည် (၁၁ – ၁၂ – ၂၀၁၄ )


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်