စေထွဋ်ပိုင် (ပုသိမ်) – နှစ်ဟောင်းမှ နှစ်သစ်သို့စီသည့် ၀ါကျများ

December 31, 2014

စေထွဋ်ပိုင် (ပုသိမ်) – နှစ်ဟောင်းမှ နှစ်သစ်သို့စီသည့် ၀ါကျများ
(မိုးမခ) ဒီဇင်ဘာ ၃၁၊ ၂၀၁၄

နှစ်ကုန်ခါနီးအချိန်က ရင်ထဲကို မီးတောက်များပစ်ထည့်သွား၏။ ကမ္ဘာမကြေသီချင်းက ကျွန်တော်တို့ ဆိုလို့မဆုံးသည့် သီချင်းသံလား။ နှစ် ဟောင်းကို သွေးနှင့်ကြွေစေပြီး နှစ်သစ်ကို သွေးနှင့် ဝေစေမှာလား။ ကျည်ဆံကတော့ အကျဉ်းတန်စွာ ၂၀၁၄ ကို ဖောက်ထွက်သွားခဲ့ပြီ။

အိပ်ရေးပျက်သည်အထိ အကြမ်းဖက်သတင်းများက လူတိုင်းကို နှောင့်ယှက်နေ၏။ ဘူဒိုဇာပုံရိပ်များ၊ ၀ါရင်းတုတ်များ၊ လှံ၊ လေးခွ၊ သေနတ် နှင့် ဓားကအစ အနုမြူဗုံးကလည်း မျက်ခုံးတလှုပ်လှုပ်။ နောက်ကျောမလုံသည်စိတ်နှင့် လူသည်လည်း သံသယများ ဖွံ့ထွားလာခဲ့ပုံ။ လုံခြုံမှုမရှိသည့် စိုးရိမ်စိတ်တွေနှင့် အိပ်ရေးပျက်သူများ နှစ်ကုန်ခါနီးမှာ ပိုများလာသည်ထင်မိ၏။

ပြဿနာပေါင်းသောင်းခြောက်ထောက်နှင့် အမယ်ဘုတ်ချည်ခင်ကြီးက ရှုပ်ထွေးမက ရှုပ်ထွေးလျှက်။ ဖြစ်ချင်ရာဖြစ် မောင်ဘချစ်ဟု ခေါ်ရ မည်လားမသိ။ တာဝန်ရှိသူများကလည်း ဖြစ်ချင်ရာဖြစ်ဟု ပစ်ထားသလိုပင်။ တာဝန်များ ပျက်ကွက်နေကြ၏။ သို့တည်းဟုတ် တာဝန် မကျေဟု အမည်တပ်ရမည်လား။ ထိုသူများက မည်သို့ပင် တာဝန်များပျက်ကွက်စေကာမူ အိတ်ဖောင်းဖို့လမ်းကြောင်းအတွက်မူကား ကြိုး စားနိုးကြားကြ၏။ စာချင်းရာစားမည့်ပါးစပ်ကြီးပမာ အပူစာလား၊ အအေးစာလားမခွဲခြားတော့။ ထိုပါးစပ်လိုလူများက ရှိသမျှအကုန် မြိုပွဲ ဆင်နေ၏။

အကြောင်းမလှသည့် အနာဂတ်က ယခင်အတိုင်းလဲလျောင်းနေပါသည်။ နှိုးမည့်သူမရှိသောကြောင့် သူအိပ်ကောင်းနေပုံပင်။ သူ့ကြောင့် ကျွန်တော်တို့မှာ အကြောင်းမလှသည့် အနာဂတ်ကြီးနှင့် တောက်လျှောက်ပတ်သက်နေရ၏။ မျက်ရည်ကျမဆုံးသည့် ဇာတ်လမ်းတွဲကြီးက မပြီးစီးသေး။ ထိုင်ကြည့်လိုက်၊ ထကြည့်လိုက်ဖြင့် ကျွန်တော်တို့သာ ငုတ်တုပ်မေ့နေရပေသည်။

အမှောင်က မိုးကုပ်စက်ဝိုင်းအထိ ရှည်လျားနေပေ၏။ အလင်းရောင်ငတ်နေသည့် မျက်လုံးများသည် နှစ်ချီသည်အထိ ငတ်မြဲ၊ ငတ်ဆဲ။ အလင်းကိုစောင့်စားနေသည့် မျက်လုံးပိုင်ရှင်များသာ သားစဉ်မြေးဆက် သေဆုံးသွားကြသည်။ အလင်းရောင်မူကား ခဏလေးဖြစ်ဖြစ် တောင် အရောင်မပြခဲ့။ အမှောင်များသာ အချိန်ကြာလာသည်နှင့်အမျှ ပို၍နက်လာပေသည်။

ခေတ်သစ်နယ်ချဲ့တွေနှင့် ခေတ်သစ်အလိုတော်ရိတွေကြောင့် လူ့ငရဲက လူ့ဘုံ၌ဖြစ်တည်လာ၏။ စည်းကျော်လာသည့်ဧည့်သည်များက အိမ်ရှင်တွေကို အိမ်ထဲမှ နှင်ထုတ်ဖို့ကြံစည်နေကြ၏။ တစ်စတစ်စနှင့် အိမ်ရှင်များက ဧည့်ဆိုးများကြောင့် အိမ်ခြေယာမဲ့အဖြစ်သို့ ရွေ့လျား လို့။ ဧည့်ဆိုးများက ကောက်ကျစ်ဗိုလ်ကျကာ အိမ်ပိုင်ယာပိုင်များဖြစ်သွားကြ၏။

မြေနိမ့်ရာ လှံတဆုံးစိုက်ဝင်သည့်အကြောင်းတွေက ရေး၍မဆုံး။ မျိုးဆက်သစ်များ ပိုလီယိုဖြစ်သည်အထိ လုပ်ကြံခံနေရဆဲ။ အပြောက မိုးပေါ်တက်ရန် လှေကားများချပေးနေပါသည်ဟူ၍။ တကယ်တမ်းချပေးသည့်လှေကားက အောက်လှေကားဖြစ်သည့်အတွက် တဖြည်း ဖြည်း တွင်းကနက်နက်လာ၏။ အဆင့်များကလည်း တဖြည်းဖြည်းအောက်သို့။

အမှန်ကိုလှည့်ဖြားလေ့ရှိသည့်သတင်းစာက ပြည်သူ့ဘဏ္ဍာနှင့် လည်ပတ်နေတုန်း။ လုပ်နေကြ လှည့်စားမူများက ရင်ခုန်စရာမရှိ။ အမှန်ကို ဖော်ပြသည့်သတင်းစာများစွာကို မကျော်နိုင်။ ဖတ်သူများကလည်း နလိန်ပိန်းတုံးများမဟုတ်ကြ။ သို့သော်လည်း အိပ်ချင်ယောင်ဆောင်သော ထိုသတင်းစာများက နိုးရခက်လှ၏။ ပြည်သူ့အတွက်ဝန်ဆောင်မှုစစ်စစ်ကိုသာ အလိုရှိကြောင်း အိပ်ချင်ယောင်ဆောင်နေသူများ သိစေချင်၏။

လူမှန်နေရာမှန်မဖြစ်သေးသည့်လောကကြီးက ကမောက်ကမ။ အလိမ်အညာ၊ အဖုံးအဖိတွေနှင့် မိမိ၏ညံ့ဖျင်းမှုကို ၀န်မခံချင်သူများက လုပ်ပိုင်ခွင့်အလုံးအရင်းနှင့် နေရာယူလျှက်။ အပုပ်နံ့တွေသာ ဟုန်းဟုန်းကျော်သွားသည်။ ဘို့တစ်ဘို့ကောင်းစားရေးနှင့် သူတို့ရေးသည့် သမိုင်းက မလှမပ။

အခြေအနေရဆိုပြီး အဆိုးကို တွန်းချသည့်လက်၊ အဆင်းကို ဘီးတပ်ပေးသည့်လက်များနှင့် ကျွန်တော်တို့က ဓားစာခံများသဖွယ်။ နေမြင့် တိုင်း အပူပိုလာသလိုခံစားရ၏။ လုပ်ရပ်၊ အကျင့်ဆိုးများနှင့် လူများကြောင့် ကျွန်တော်တို့၏ သွေးများဆူပွက်သည်မှာလည်း ရေနွေးပူ အလား။ ထိုသူများကတော့ ဆင်ခြင်မှုမရှိ၊ ဆင်ခြေဆင်လက်များသာရှိ၏။

စားဝတ်နေရေးမအေးသည့်ဂယက်နှင့် လှိုင်းလုံးကြီးများက ဆန္ဒပြပွဲများဆီသို့ ဦးတည်၏။ အလိုမကျမှု၏ အော်သံများဟု အမည်တပ်ရမည်။ ထိုအော်သံများ ဘယ်လောက်အော်အော် အဆင်ပြေသွားသည်ဟု မကြားရ။ အဆင်မပြေမှုများသာ ရေကြီးရေလျှံကြားရသည်။

သမာသမတ်ကျကျ ဥပဒေကြီးတောင်မှ တချို့လူတွေ၏လုပ်ရပ်များကြောင့် အရောင်အမျိုးမျိုးအဆိုးခံရ၏။ ရောင်စုံဥပဒေ၊ မျက်နှာများသည် ဥပဒေအဖြစ် ဥပဒေက တရားမျှတမှုအောက် လျော့ကျသွား၏။ ဥပဒေ၏ အားကိုးရာမရသော မျက်နှာမွဲများမူကား နစ်သထက်နစ်လာသည့် နွံပမာ။

“လူနပ်ချမ်းသာ” ဟူသော ဆိုရိုးစကားပြောင်းသွား၏။ ထိုစကားနှင့် ဖျံသမားများက နေရာအနှံ ငွေပင်လယ်ကျယ်ကြီးတွင် ပျော်ရွှင်စားကူး ခတ်နေကြ၏။ ငါးများစွာလည်း စိတ်ကြိုက်ဖမ်းစားနိုင်သေး၏။ ထိုဖျံများသည် အကုသိုလ်များနှင့် တဖြည်းဖြည်းဝဖြီးလာပြီး သဘာဝငါးများမျိုးတုဉ်းသွားသကဲ့သို့။ စိတ်ပျက်စရာမြင်ကွင်းပင်။

ထိုစိတ်ပျက်စရာမြင်ကွင်းထဲမှ သားစားကြူးသော အမြန်လမ်းလည်းပါ၏။ အမြန်လမ်းဆိုသည့်အတိုင်း သေလမ်းကို အမြန်ရွေးပေးနေ သည်လားမသိ။ စိတ်မကောင်းစရာ၊ ၀မ်းနည်းစရာ ယဉ်မတော်တဆမှုများ မကြားချင်မှအဆုံး။ ချို့ယွင်းချက်ကို ရှာဖွေမှုက နောက်ကျနေ သည်လားမသိ။ ဆိုးဝါးမှုက တဖြည်းဖြည်းအလောင်းတွေပုံထပ်သွားစေ၏။

ရောက်လာသည့် နှစ်သစ်သည် မည်သည့်ပုံစံရှိမည်နည်း။ တံခါးကို အချိန်က ဖွင့်ချလိုက်သည်။ အဆိုးလား၊ အကောင်းလား။ နှစ်ဟောင်းက အဆိုးမှန်သမျှကို နှစ်သစ်က တံခါးပိတ်ထားလို့ရရင်ကောင်းမည်။ ဖြစ်နိုင်ရင် ရောက်ရှိနေသည့်နှစ်သစ်ကို မီးမကူးစေချင်ပါ။ နှစ်သစ်သည် သစ်လွင်တောက်ပသောအနာဂတ်များကို သယ်ဆောင်လာလျှင်ကောင်းမည်။ သို့သော် လည်ပင်းရှည်ခဲ့ရသည့် နှစ်ပေါင်းများစွာအတွက် စိုးရိမ်နေမိဆဲ။ သို့သော်လည်း မကြိုမဖြစ် ကြိုနေရသည်သာ။ လာခြင်းကောင်းပါစေ နှစ်သစ်ရေ။

စေပိုင်ထွဋ် (ပုသိမ်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာစုတို

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

MoeMaKa Monthly July 2017 ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်