ငြိမ်းချမ်းအေး – သိက္ခာရှိတဲ့ အရှုံးသမား

January 19, 2015

 

ငြိမ်းချမ်းအေး – သိက္ခာရှိတဲ့ အရှုံးသမား

(မိုးခခ / သည်လေဒီးစ်နယူးစ်) ဇန်န၀ါရီ ၂၀၊ ၂၀၁၅

တရားမျှတတဲ့ ပြိုင်ဆိုင်မှု၊ အကောင်းဆုံး အနိုင်ရသူ၊ သိက္ခာရှိတဲ့ အရှုံးသမား စတဲ့ စကားလုံးတွေ၊ သဘောတွေကို အာဏာအဆိပ်သင့်နေကြသူများကို သွား တရားပြလို့ မရဘူးဆိုတာ သိပါတယ်။

ဒါပေမဲ့ အကောင်းကို ရှာ၏၊ အကောင်းကို တွေ့ချင်စိတ်နဲ့ ရေးခဲ့ပါတယ်။ 

(မှတ်ချက် — (၂၀၁၂) ဧပြီ ကြားဖြတ်ရွေးကောက်ပွဲ ကာလ ရေးခဲ့သည့် မိုးမခ ဆောင်းပါးဟောင်း “ဂုဏ်သိက္ခာရှိတဲ့ ပြိုင်ဆိုင်မှု” ကို အခြေခံ၍ မျက်မှောက် (၂၀၁၅) အတွက် အသစ်ပြင်ဆင် ရေးသားခဲ့ပြီး ပြည်တွင်း ဂျာနယ်၌ ပုံနှိပ်ခဲ့ခြင်းကို ထပ်မံ ဖော်ပြခြင်း ဖြစ်ပါသည်။)

×××××××××

ကမ္ဘာ့နိုင်ငံရေး၊ စီးပွားရေး၊ အားကစား အစရှိတဲ့ နယ်ပယ်အသီးသီးမှာ ပြင်းထန်တဲ့ ပြိုင်ဆိုင်မှုတွေ တွေ့ရလေ့ရှိတယ်။  အမေရိက က နိုင်ငံရေးပါတီကြီးနှစ်ခုရဲ့ ပါတီတွင်းနဲ့ သမ္မတရွေးကောက်ပွဲတွေလိုပေါ့။

ဂုဏ်သိက္ခာကိုအခြေပြုတဲ့ နိုင်ငံရေးအသိုင်းအဝန်းဆိုတော့ ယှဉ်ပြိုင်ချိန်မှာ တဖက်နဲ့တဖက် အနိုင်ရလိုမှု စိတ်အခြေခံ အားသွန်ခွန်စိုက်ကြိုးပမ်းလေ့ရှိကြပေမဲ့ အဆုံးရလဒ် သိတဲ့အချိန်မှာ နှစ်ဖက်စလုံးက လေးစာမှုအပြည့်နဲ့ အနိုင်၊ အရှုံးကို လက်ခံလေ့ရှိကြတယ်။  အမြင်မတူတာတွေကို ဝေဖန်ထောက်ပြကြပေမဲ့ တူတာတွေကိုတွဲလုပ်ကြဖို့လည်း ဝန်မလေးကြဘူး။

ဥပမာ – ဟီလာရီကလင်တန်ဟာ ဒီမိုကရက်တစ်ပါတီတွင်း သမ္မတလောင်းရွေးပွဲမှာ အိုဘားမားကိုရှုံးခဲ့ပေမဲ့ နောက်ပိုင်း ပါတီမဲဆွယ်ပွဲတလျှောက် အိုဘားမားဘက်က ထောက်ခံပေးပြီး အိုဘားမား အစိုးရအဖွဲ့ ပထမသက်တမ်းမှာလည်း အရေးပါတဲ့ နိုင်ငံခြားရေးဝန်ကြီးရာထူး တာဝန်ယူပေးခဲ့တယ်။  ဒါဟာ ဘုံအကျိုးစီးပွား ပါတီအကျိုးကြောင့်ပါဆိုတာ မှန်ပေမဲ့ အနည်းဆုံး ပြိုင်ဘက်တွေဟာ စိတ်သဘောထားကြီးကြီး ထားနိုင်ရင် အလုပ်တွဲလုပ်နိုင်တယ်ဆိုတာကို သာဓက ဖြစ်စေတယ်။

အတွေးအခေါ်မတူ၊ အယူအဆကွဲပေမဲ့ နောက်ဆုံး သမာသမတ်ကျကျ၊ မျှတမှုရှိရှိ တရားသဖြင့် အနိုင်ယူသွားတယ်ဆိုရင် ကျေကျေနပ်နပ်လက်ခံလေ့ရှိတယ်ဆိုတဲ့ အစဉ်အလာကောင်းတွေကို အမေရိကန်ရွေးကောက်ပွဲသမိုင်းမှာ အမြဲ တွေ့ရလေ့ရှိတယ်။

(၂၀၀၀) ခုနှစ် အမေရိကန်သမ္မတရွေးကောက်ပွဲ၊ အယ်လ်ဂိုးနဲ့ ဂျော့ဘွရှ် (အငယ်) တို့ ပြိုင်ကြတုန်းကဆို သမိုင်းဝင် ဗဟိုတရားရုံးအထိ တက်ပြီး အရှုံး၊ အနိုင်ဆုံးဖြတ်ခဲ့ရပေမဲ့ နောက်ဆုံး တရားရုံး အဆုံးအဖြတ်ကို ရှုံးနိမ့်သူ အယ်လ်ဂိုးက ကျေကျေနပ်နပ်လက်ခံခဲ့တယ်။  နောက်ပိုင်း အယ်လ်ဂိုးဟာ ဘွရှ် (အငယ်) အစိုးရအဖွဲ့ကို အာဖဂန်စစ်ပွဲနဲ့ ပတ်သက်ပြီး ပြင်းပြင်းထန်ထန် ဝေဖန်ခဲ့တယ်။  နို့ပေမဲ့ ဒါက သူနဲ့ အမြင်သဘောထားမတူလို့ သူယုံကြည်တဲ့ဘက်ကနေ ရိုးရိုးသားသား ရပ်တည်ပြီး ဝေဖန်တာသာဖြစ်ပြီး သူ့ကို အနိုင်ယူသွားသူရဲ့အစိုးရအဖွဲ့ဖြစ်လို့ ဝေဖန်ခဲ့ခြင်းမျိုး မဟုတ်ဘူး။

ဒီနေရာမှာ သတိပြုရမှာက အယ်လ်ဂိုးဟာ ဂျော့ဘွရှ် (အငယ်) ရဲ့ဖခင် ဂျော့ဘွရှ် (အကြီး) ဦးဆောင်တိုက်ခဲ့တဲ့ ပထမပင်လယ်ကွေ့စစ်ပွဲ (၁၉၉၀) တိုက်ဖို့ဆုံးဖြတ်ချက်ကို လွှတ်တော်မှာထောက်ခံခဲ့တဲ့ လက်တဆုပ်စာ ဒီမိုကရက်အမတ်ထဲမှာ တဦးအပါအဝင်ဖြစ်ခဲ့တယ် ဆိုတာပါ။  (၁၉၉၀) တုန်းက အီရတ်က အားနည်းတဲ့ ကူဝိတ်ကို ကျူးကျော်ခဲ့လို့ အားနည်းတဲ့ မဟာမိတ်ဘက်က (ရေနံကြောင့်လည်း ပါတာပေါ့လေ – စကားချပ်) ဝင်ကူတိုက်ရမယ်ဆိုတာဟာ မှန်တယ်ဆိုပြီး ထောက်ခံခဲ့တယ်။  (၂၀၀၂) အာဖဂန်စစ်ပွဲက အမေရိကန်အတွက် မလိုအပ်ဘူး၊ အကျိုးမဲ့စေတယ် ယူဆလို့ ကန့်ကွက်ခဲ့တယ်။  သူတို့ဆီက အတုယူရမှာက ပါတီစွဲ၊ ပုဂ္ဂလိက ပြိုင်ဆိုင်မှု၊ အငြိုးအတေး၊ အာဃာတ စတာတွေထက် အယူအဆရေးရာ ကွဲလွဲမှုကြောင့်သာ ထောက်ခံတာ၊ ဝေဖန်တာ တွေဟာ ဖြစ်လေ့ရှိတယ်ဆိုတာကိုပါ။

စီးပွားရေးနဲ့ နည်းပညာ ပြိုင်ဆိုင်မှုတွေမှာဆိုလည်း ဘီလ်ဂိတ်(စ်) (Microsoft)၊ စတိဗ်ဂျော့ဘ်(စ်) (Apple) (ကွယ်လွန်) တို့ကို နမူနာယူကြည့်ပါ။  တဦးနဲ့တဦး အမြင်မတူလို့ ဝေဖန်ထောက်ပြတာတွေ ရှိခဲ့၊ စီးပွားရေးရာ ဆက်စပ် ဈေးကွက်ပြိုင်ဆိုင်မှု၊ နည်းပညာ ယှဉ်ပြိုင်မှုတွေရှိပေမဲ့ နှစ်ဦးနှစ်ဖက် အပြန်အလှန် လေးစားမှုရှိခဲ့တယ်။  နှစ်ဦးစလုံးရဲ့ ခေတ်သစ်ကမ္ဘာလူသားတွေအတွက် နည်းပညာပေးဆပ်ခဲ့မှု၊ အကျိုးပြုစေခဲ့မှုတွေကို အပြန်အလှန် အသိအမှတ်ပြုမှုတွေ အမြဲတမ်းပြသနိုင်ခဲ့ကြတယ်။

ဒီလို တရားမျှတ၊ ဂုဏ်သိက္ခာအရင်းတည် ယှဉ်ပြိုင်မှု၊ အနိုင်ရမှု၊ ရှုံးနိမ့်မှုတွေကို ကမ္ဘာ့သတင်းဖြစ်ရပ်တွေမှာ အများအပြား တွေ့နိုင်ပါတယ်။  ယူတတ်ရင် သင်ခန်းစားတွေ ရနိုင်သလို ကိုယ့်ဆီမှာလည်း လက်တွေ့ကျင့်ကြံနိုင်ရင် ကောင်းပါတယ်။

ကျနော့် ရင်ကို ထဲထဲဝင်ဝင် ထိခိုက်စေပြီး အမြဲစွဲထင်ကျန်ရစ်စေခဲ့တဲ့ သိက္ခာရှိတဲ့ ပြိုင်ဆိုင်မှု၊ အကောင်းဆုံး အနိုင်ရသူ၊ သိက္ခာရှိတဲ့ အရှုံးသမား ပုံရိပ်တွေကို အကောင်းဆုံးပုံဖော်စေတဲ့ သတင်းမြင်ကွင်းလေးတခုကတော့ အားကစားပွဲမှာ ဖြစ်သွားခဲ့တာပါ။  (၂၀၀၉) ခုနှစ် သြစတြေးလျ အလွတ်တမ်း တံခွန်စိုက် ထိပ်သီးတင်းနစ်ပြိုင်ပွဲရဲ့ ရော်ဂျာဖက်ဒရယ် (ဆွစ်ဇာလန်) နဲ့ ရာဖယ်လ်နာဒယ်လ် (စပိန်) တို့ပြိုင်တဲ့ နောက်ဆုံးဗိုလ်လုပွဲ ဆုပေးပွဲ အခမ်းအနားမှာပါ။

ပထမဆုံးအနေနဲ့ ဆုပေးပွဲတာဝန်ရှိသူက ဆုရတဲ့ကစားသမားနှစ်ဦးဟာ စံနမူနာပြုထိုက်တဲ့ အားကစားသမားကောင်းတွေ ဖြစ်တဲ့အကြောင်း မိတ်ဆက်ပြီး ဒုတိယရသွားတဲ့ ဖက်ဒရယ်ကို ဆုယူဖို့ဖိတ်ရင်း အမှတ်တရ စကားပြောစေတယ်။  ဗိုလ်လုပွဲမှာ ငါးနာရီနီးပါးကြာ အကြိတ်အနယ်ယှဉ်ပြိုင်ပြီး နောက်ဆုံး အဆုံးအဖြတ် (၅) ပွဲမြောက်မှာ နာဒယ်လ်ကို ရှုံးခဲ့တဲ့ ဖက်ဒရယ်ဟာ ကြေကွဲဝမ်းနည်းလွန်းလို့ စကားပြောထွက်ဖို့ အတော်ကြိုးစားရတယ်။

အဲဒီအချိန်က နိုင်ခဲ့ရင် အရင်တင်းနစ်သမိုင်းရဲ့ သူရဲကောင်း ဆမ်းပရပ်စ် (အမေရိကန်) တင်ခဲ့တဲ့ အဓိကပြိုင်ပွဲကြီး (Grand Slam) တွေမှာ (၁၄) ကြိမ်ဗိုလ်စွဲတယ်ဆိုတဲ့ စံချိန်ကိုရစေမှာဖြစ်တဲ့အတွက် သူရှုံးသွားရတာဟာ တကယ့်ကို အထိနာစေခဲ့တယ်။  (လက်ရှိမှာတော့ စံချိန်သစ် (၁၇) ကြိမ် တင်ထားနိုင်ပါပြီ – စကားချပ်)။

ဒါ့အပြင် အဲဒီပြိုင်ပွဲ သြစတြေးလျအိုးပင်းဟာ သူပိုင်နိုင်ကျွမ်းကျင်တဲ့ (နာဒယ်လ် မကျွမ်းကျင်၊ စိတ်ကြိုက်မဖြစ်တဲ့) ကွင်းမာ (Hard Court) (မြေစေးကွင်း Clay Court မဟုတ်) ဖြစ်တဲ့အတွက် သူ့ရဲ့ရှုံးနိမ့်မှု၊ တနည်းအားဖြင့် နာဒယ်လ်ရဲ့အားသာလာမှုက ပိုပြီး သိသာလာစေခဲ့တယ်။

အဲသလို နောက်ခံအခြေအနေမို့ လေးလုံးခြောက်ဖက် ယောက်ျားရင့်မာကြီး ဖက်ဒရယ်ဟာ ကမ္ဘာ့ပရိသတ်အလယ်မှာ စကားမပြောနိုင်ဘဲ မျက်ရည်စက်လက်နဲ့ ချုံးပွဲချ ငိုရရှာတယ်။  တာဝန်ရှိသူက ဖက်ဒရယ်ပြန်ပြီး စကားပြောနိုင်အောင် အချိန်ပေးတဲ့အနေနဲ့ ခဏနားစေပြီး ပထမဆုယူဖို့ နာဒယ်လ်ကို ဖိတ်တယ်။  အနိုင်ရသူ နာဒယ်လ်ကလည်း အောင်မြင်မှုကြောင့်ရယ်၊ ဖက်ဒရယ် အဖြစ်ကိုကြည့်ပြီးတော့ရယ်ကြောင့် မျက်ရည်တွေဝဲနေတယ်။  ဆုယူဖို့ စင်မြင့်ကိုတက်တဲ့လမ်းမှာ “အနိုင်ရသူ” နာဒယ်လ်က လေးစားချစ်ခင်မှု၊ အားပေးမှုပြတဲ့အနေနဲ့ “ရှုံးနိမ့်သူ” ဖက်ဒရယ်ရဲ့ခြေထောက်ကို ထိပြီးနှုတ်ဆက်တယ်။  ပြီးတော့မှ ပထမဆုကိုယူတယ်။

အဲဒီအချိန်မှာပဲ ဖက်ဒရယ်က သူကြိုးစာပြီး စကားထပ်ပြောကြည့်မယ်ဆိုပြီး စကားစပြောတယ်။  မျက်ရည်တွေကြားထဲက ဖက်ဒရယ် ပထမဆုံးစပြောတဲ့စကားက “နာဒယ်လ်ဟာ ထိုက်ထိုက်တန်တန် အနိုင်ယူပြီး ဒီဆုကိုရသွားတာပါ” ဆိုတာဖြစ်တယ်။  နာဒယ်လ်ကို ဂုဏ်ပြုစကား လှိုက်လှိုက်လှဲလှဲဆိုပြီး နောက်နှစ်တွေမှာ သူပိုကြိုးစားမယ့် အကြောင်းတွေဆက်ပြောခဲ့တယ်။

နာဒယ်လ်စကားပြောဖို့ အလှည့်ရောက်တော့လည်း ဖက်ဒရယ်ဟာ ကမ္ဘာ့တင်းနစ်သမိုင်းမှာ အကြီးကျယ်ဆုံးထဲက တယောက်ဖြစ်ပြီး သူဘယ်လို လေးစားအားကျခဲ့ရတယ်ဆိုတာတွေကို ထောင်လွှားမာနမပါ၊ အပေါ်ယံမဟုတ်ဘဲ ရင်ထဲရှိတဲ့အတိုင်း ထုတ်ဖော်ချီးမွမ်းသွားခဲ့တယ်။

(၂၀၀၀) ခုနှစ်များရဲ့ အလယ်နှစ်တွေကစခဲ့တဲ့ ရော်ဂျာဖက်ဒရယ်နဲ့ နာဒယ်လ်တို့ရဲ့ ပြင်းထန်တဲ့ တင်းနစ်ကွင်းထဲက ပြိုင်ဆိုင်မှုတွေဟာ ပုဂ္ဂိုလ်ရေးမုန်းတီးမှု လုံးဝ မပါ၊ တဦးနဲ့ တဦးနဲ့ လေးစားမှု၊ အသိအမှတ်ပြုမှုတွေ ဝေဆာနေတဲ့ သိက္ခာရှိတဲ့ ပြိုင်ဆိုင်မှုတွေ ဖြစ်ခဲ့တယ်။

သူတို့နှစ်ယောက်ရဲ့ စာနယ်ဇင်း တွေ့ဆုံမေးမြန်းခန်းတွေကိုကြည့်ရင် တဦးနဲ့တဦး အပြန်အလှန်လေးစား အသိအမှတ်ပြုမှု၊ တဦးရဲ့အရည်အချင်းက တဦးကို အထောက်အကူပြုမှု စတဲ့ အတုယူထိုက်တဲ့ အပြုအမူ၊ အပြောအဆိုတွေကို တွေ့နိုင်တယ်။  ဖက်ဒရယ်ဟာ တင်းနစ်မှာ ကမ္ဘာ့နံပါတ်တစ်နေရာကို အချိန်အကြာကြီး ယူနိုင်ခဲ့တာဟာ နာဒယ်လ်ရဲ့ ပြင်းထန်တဲ့၊ ကြိုးစားတဲ့ ပြိုင်ဆိုင်မှုကြောင့်ပါဆိုတာ အမြဲလိုလို ဝန်ခံလေ့ရှိခဲ့တယ်။  နာဒယ်လ်ကလည်း သူ နောက်ပိုင်း နံပါတ်တစ်နေရာကို ယူနိုင်ခဲ့တာဟာလည်း ဖက်ဒရယ်ကိုနမူနာထားပြီး ကြိုးစာခဲ့လို့ပါဆိုတာ အမြဲဖွင့်ဟလေ့ရှိခဲ့တယ်။

စာဖတ်သူ မိတ်ဆွေများရဲ့ ညီငယ်၊ ညီမငယ်၊ ဒါမှမဟုတ် သားသမီးတွေကို လောကမှာ စံနမူနာပြုစရာ စံပြပုဂ္ဂိုလ် (Role Model) အနေနဲ့ ခိုင်းနှိုင်းညွှန်ပြပြောဆိုဖို့ သာမန်သူလို ကိုယ်လိုထဲက ထူးချွန်၊ ထက်မြက်၊ ထင်ရှားလာပြီး အကျင့်စာရိတ္တပါ ကောင်းမွန်ပြည့်စုံတဲ့ ပုဂ္ဂိုလ်တွေပြပါဆိုရင်တော့ (ကျနော့်အနေနဲ့) ဖက်ဒရယ်နဲ့ နာဒယ်လ် နှစ်ယောက်ကိုညွှန်းချင်တယ်။  အားကစားကွင်းအတွင်း အောင်မြင်မှု၊ အားကစားသမားစိတ်ဓာတ် အပြည့်အဝရှိမှု၊ လူကြီး၊ လူကောင်းဆန်မှု၊ စိတ်သဘောထားကြီးမြတ်မှုတွေသာမက အားကစားကွင်းပြင်ပ နေထိုင်၊ ပြောဆို၊ ပြုမူ ဆက်ဆံတဲ့ လူနေမှုပုံစံတွေကပါ လူငယ်တွေအတွက် အတုယူစရာကောင်းတယ်။

ဒါ့အပြင် တရားသဖြင့် ယှဉ်ပြိုင်လိုမှု၊ အရှုံးကို သိက္ခာရှိစွာ လက်ခံနိုင်မှု၊ အနိုင်ကို မဝံ့ကြွားတတ်မှုတွေကိုလည်း ကျနော်တို့ဆီက စစ်ဝတ်စုံချွတ် နိုင်ငံရေးသမားဆိုသူ ဗိုလ်ချုပ်ဟောင်းများ၊ မိုးကျရွှေကိုယ် ယူနီဖောင်းဝတ် လွှတ်တော်အမတ် စစ်ဗိုလ်များ လေ့လာသင်ယူ ကျင့်သုံးတတ်စေချင်တယ်။

အခု တိုင်းပြည်ဟာ ခေတ်စနစ်တွေပြောင်းပြီး ဒီမိုကရေစီနိုင်ငံတော်ကြီးဆီသို့ သွားနေတယ် ဆိုပါတယ်။  နိုင်ငံရေးအရ ဒီမိုကရေစီဓလေ့အနေနဲ့ (၂၀၁၀) ရွေးကောက်ပွဲ၊ (၂၀၁၂) ကြားဖြတ် ရွေးကောက်ပွဲတွေလည်း ကျင်းပခဲ့တယ်။  အခု (၂၀၁၅) နှစ်ကုန်ပိုင်းမှာဆိုရင် နောက်တကြီမ် ရွေးကောက်ပွဲကြီး တခုတောင် ထပ်မံကျင်းပပါတော့မယ်။  ဂုဏ်သိက္ခာရှိတဲ့ ပြိုင်ဆိုင်မှု၊ တရားမျှတတဲ့ ရလဒ်တွေ အတိတ်မှာ ဖြစ်ခဲ့ပါသလား၊ အနာဂတ်မှာ ဖြစ်နိုင်ပါမလား။

ပြီးခဲ့တဲ့ အကြိမ်များကတော့ ကြိုတင်မဲတွေ၊ ကွယ်လွန်ပြီးသူများတောင် မဲပေးခွင့်ရခဲ့တဲ့ မရဏမဲတွေ၊ မဲပေးမှ မီးပေး၊ ရေပေး၊ လမ်းခင်းပေးမယ် ဆိုတာတွေသာ မျက်မြင်တွေ့ခဲ့ရတယ်။  အခုလည်း စစ်တပ်နောက်ခံရှိ အာဏာရပါတီကြီးက မဲဆွယ်မှုတွေ စလုပ်နေရာမှာ လူထုဆန္ဒမဲကို ပြန်ပေးဆွဲလိုတဲ့ အလားတူ အသံ၊ ထပ်တူ အလုပ်တွေပဲ ထပ်မံ မြင်တွေ့ကြားနေရတယ်။  လာမယ့် (၂၀၁၅) ရွေးကောက်ပွဲမှာ အင်အားကြီး စစ်တပ်ရဲ့ ကြားနေမှု၊ လက်ရှိ အာဏာရ အစိုးရရဲ့ သမာသမတ်ကျမှုမျိုး အာမ မခံနိုင်ရုံမက ဒိုင်လူကြီးဖြစ်သူ ရွေးကောက်ပွဲ ကော်မရှင်ရဲ့ ဘက်မလိုက်မှု၊ တရားမျှတမှု လူကြီးလူကောင်းပီသမှုမျိုးကိုပါ မတွေ့ရသေးပါဘူး။  အာဏာရပါတီ ဆက်လက် အာဏာတည်မြဲရေးအတွက်သာ စစ်ဗိုလ် အဟောင်း၊ အသစ်များ ငါ့စကားနွားရ အပြော၊ အလုပ်တွေ တင်းကျမ်းပြည့် တနေ့တမျိုး မရိုးရအောင် တွေ့နေရဆဲပါပဲ။

ဒီမိုကရေစီထုံးတမ်းစဉ်လာ ယှဉ်ပြိုင်မှုကို အားကစားသမားကောင်းစိတ်ဓာတ် (Sportsmanship) အလုပ်၊ အပြုအမူ၊ ကျင့်ဝတ်အပြည့်နဲ့ ပြိုင်ပွဲဝင်လိုမှုမရှိဘဲ နိုင်ရင်ပြီးရော ဘာမဆို လုပ်ဝံ့၊ မတရားတာလည်း လုပ်ဖို့ ဝန်မလေးတဲ့ ကလိမ်ကကျစ် လောင်းကစားသမား (Gamesmanship) စိတ်ဓာတ်နဲ့သာ အနိုင်ရယူလိုစိတ် ရှိနေဆဲ ဆိုတာ မြင်နေရတယ်။

ဒီမိုကရေစီစနစ်ရဲ့ လူမှုစီးပွားရေးရာမှာလည်း လူအမျာစု သာတူညီမျှမှုရှိတဲ့ လူမှုတရားမျှတမှု (Social Jusice) ရရှိခံစားရမှုဟာ အဓိက အရေးပါပါတယ်။  ဒါပေမဲ့ လက်ရှိ ဒီမိုကရေစီနိုင်ငံကြွေးကြော်နေတဲ့ ကျနော်တို့ဆီမှာ ထားစရာမရှိလောက်အောင် ကြွယ်ဝနေသူ လူတစုနဲ့ စားစရာကို မရှိဖြစ်နေတဲ့ လူအများစုဆိုတဲ့ ဆင်းရဲချမ်းသာ ကွာဟချက်က ကြီးမား၊ အခွင့်အရေးချင် မတူညီ မမျှတတဲ့ တဖက်စောင်းနင်း တရားမဲ့ လူမှုလောကမြင်ကွင်းဟာ ပြတ်ပြတ်သားသား တနေ့တခြား ပိုသာဆိုးလာနေတယ်။

ပြန်ချုပ်ရရင် အခုလို မြေစမ်း၊ ခရမ်းပျိုး အဆင့်ပဲရှိသေးတဲ့ ဒီမိုကရေစီပွင့်သစ်စ ကျနော့်တို့ နိုင်ငံမှာ လွတ်လပ်မျှတတဲ့ လူ့အဖွဲ့အစည်းတခုကို အနာဂတ်မှာ ရရှိစံစားချင်ရင် နိုင်ငံရေး၊ စီးပွားရေး၊ လူမှုရေး၊ ဥပဒေရေး၊ တရားစီရင်ရေး၊ ပညာရေး၊ ကျန်းမာရေး၊ အစရှိတဲ့ တိုင်းပြည်ရဲ့ကဏ္ဍအသီးသီးမှာ သမာသမတ်ကျ မျှတတဲ့ စနစ်တွေ အခြေတည်၊ ဆူကြုံနိမ့်မြင့် လူမျိုး၊ ဘာသာ လူတန်းစား မရွေး၊ သာတူညီမျှ တသမတ်တည်း တန်းတူ သက်ရောက် ဘက်မလိုက်တဲ့ နည်းလမ်းဥပဒေ စည်းကမ်းတွေ ရှင်သန်၊ တရားမှု အတွေးအခေါ်တွေ ဖွံ့ဖြိုးစေဖို့ လိုအပ်နေပါတယ်။  ကြီးနိုင်ငယ်ညှဉ်း အားကြီးသူသာ အမြဲအသာရတဲ့ အရိုင်းအစိုင်း တောတွင်း ဥပဒေသ တိရစ္ဆာန်ဝါဒ အကျင့်အကြံ၊ အလုပ်တွေ ပပျောက်ဖို့လည်း အရေးတကြီး လိုနေပါတယ်။  တရားမျှတလွတ်လပ်ခြင်းအပြည့်နဲ့ ခွင့်တူညီမျှဝါဒဖြူစင်တဲ့ပြည် တကယ်ဖြစ်စေမယ့် ဒီမိုကရေစီလူ့ဘောင်သစ် တိုင်းပြည်မှာ ရေရှည်တည်တံ့နိုင်ဖို့ရာ အပြန်အလှန်လေးစားမှုရှိ၊ တရားမျှတ ဂုဏ်သိက္ခာရှိတဲ့ ပြိုင်ဆိုင်မှုတွေကို အားပေးတဲ့ ရေပြင်ညီကစားကွင်း (Level Playing Field) တွေ နေရာတိုင်းမှာ ဖော်ဆောင်ဖို့လည်း မဖြစ်မနေလိုနေပါတယ်။

အလိုအပ်ဆုံးကတော့ လက်ရှိ အာဏာရ၊ အသာရနေသူ စစ်ဗိုလ်ချုပ် အဟောင်း၊ အသစ်ကြီးများ လာမယ့် ရွေးကောက်ပွဲမှာ မတရားအနိုင်ရသူ မဖြစ်စေဘဲ ပြည်သူ့ဆန္ဒအမှန်ကို လက်ခံရဲတဲ့ အကောင်းဆုံး ယှဉ်ပြိုင်သူ (Good Competitor)၊ သိက္ခာရှိတဲ့အရှုံးသမား (Gracious Loser) အဖြစ် ခံယူဝံ့တဲ့ နှလုံးရည်မြင့်မား ရင်ဘတ်ကျယ်ပြန့်သူများ ဖြစ်ဖို့ပါပဲ။  အရာရာအောက်တန်းနောက်တန်းကျခဲ့ရတဲ့ သမိုင်းဆိုးကို သင်ခန်းစာယူရင်း ကောင်းမွန်တဲ့ တိုင်းပြည် အနာဂတ် တည်ဆောက်နိုင်ဖို့ရာ လူထုအများအကျိုးမျှော် “နိုင်လည်း နိုင်၊ ရှုံးလည်း နိုင်ရမယ်” ဆိုတဲ့ စိတ်ဓာတ်တွေဖျောက် ဒီမိုကရေစီစနစ်မှာ “သိက္ခာရှိတဲ့ အရှုံးသမား” များ အဖြစ် ခံယူနိုင်ကြဖို့ (၂၀၁၅) နှစ်စမှာပဲ ကြိုတင် မေတ္တာရပ်ခံ တိုက်တွန်းလိုက်ကြောင်းပါ ခင်ဗျာ။

ငြိမ်းချမ်းအေး

(သည်လေဒီးစ် သတင်းဂျာနယ်၊ အတွဲ (၂)၊ အမှတ်စဉ် (၄၈)၊ (၂၀၁၅) ခုနှစ် ဇန်နဝါရီ (၁၆) သောကြာနေ့ထုတ်၌  ပုံနှိပ်ခဲ့သည်။  မိုးမခ တွင် ထပ်မံ အွန်လိုင်း ဖြန့်ချိသည်။  ဆောင်းပါး ပါ အာဘော် ကို ဝေဖန်ရန် nyeinchanaye81@gmail.com သို့ စာရေး နိုင်သည်။)

@The Ladies News Journal https://www.facebook.com/News.TheLadies/posts/376662749175367:0

မူလ (၂၀၁၂) မိုးမခ ဆောင်းပါး – 

@MoeMaKa Media – News Group covering Burmese Community by Burmese People

ဂုဏ်သိက္ခာရှိတဲ့ ပြိုင်ဆိုင်မှု

http://moemaka.com/archives/22172

 

http://moemaka.blogspot.com.au/2012/04/nyein-chan-aye-articles.html


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သူတို့အာဘော်, ငြိမ်းချမ်းအေး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်