ဂျူနီယာဝင်း – နိုဘယ်-မြန်မာ စာပေပွဲတော် ၂၀၁၅ မှာ တစ်ရက်တာ

January 23, 2015
My Friend Tin Moe By Maung Swan Yi - Selection of MoeMaKa Articles

ဂျူနီယာဝင်း – နိုဘယ်-မြန်မာ စာပေပွဲတော် ၂၀၁၅ မှာ တစ်ရက်တာ

(Junior Win’ A Day at The Noble-Myanmar Literary Festival 2015 ဆောင်းပါးကို ကိုယ်တိုင် ဘာသာပြန်ထားသည်)

(မိုးမခ) ဇန်န၀ါရီ ၂၄၊ ၂၀၁၅


ဇန်န၀ါရီလ ၁၇ ရက်မှ ၁၉ ရက်တိုင် နိုဘယ်-မြန်မာ စာပေပွဲတော်ဟာ မြို့မကျောင်းလမ်းက အမျိူးသားကဇာတ်ရုံမှာ ကျင်းပ မှာ ဖြစ်ပါသည်။ အဲသည်ပွဲဟာ မြန်မာစာရေးဆရာတွေ၊ ကဗျာဆရာတွေ၊ ကာတွန်းဆရာတွေ စုပေါင်းပြီး ပျော်ရွှင်စွာ ကျင်းပတဲ့ပွဲပါ။ အထူးသဖြင့် စာအုပ်ချစ်သူတွေ လာရောက်ကာ အဲသည်ပျော်ရွှင်စရာပွဲကို ဆင်နွဲကြမှာ ဖြစ်ပေသည်။

ပွဲတော်မတိုင်မှီ ၂ ရက်အလိုမှာ မစ်နီလန်ဂျာနာ ဆမ်ဂုတ ကကျွန်မဆီကို အီမေးပို့ပြီး သူ့ရဲ့ စာအုပ်အသစ်တစ်အုပ် ဖြစ်တဲ့ “Khin Myo Chit to Aung San Suu Kyi“ ဆိုတဲ့စာအုပ်အကြောင်းကို ဇန်န၀ါရီလ ၁၉ ရက်မနက် ၉နာရီ၅၀မိနစ်မှာ ဟောပြောမယ်လို့ အကြောင်းကြားလာပါသည်။ ဒေါ်ခင်မျိူးချစ်ဆိုတာ ကျွန်မရဲ့အဖွား – Colourful Burma, Anawrahta of Burma စတဲ့စာအုပ်များရေးသား သူပါ။ သူသည်စာအုပ်ကို စရေးကတည်းက ကျွန်မတို့နဲ့ အဆက်အသွယ်လုပ်ခဲ့ပြီး ကျွန်မတို့ဆီက အချက်အလက်များ ဓါတ်ပုံများ ပေးခဲ့ပါသည်။ ထို့ကြောင့်လဲ အဲသည်နေ့ကျရင် ကျွန်မမိဘများပါ သူပြောတာ လာရောက်နားထောင်ကြမယ်လို့ အကြောင်းပြန်ဖြစ်ခဲ့ပါသည်။

၁၉ရက်နေ့ ။ ပွဲတော်၏ ဒုတိယနေ့။ ကျွန်မက စိတ်လှူပ်ရှားစွာ ပွဲတော်ကို ရောက်လာခဲ့ပါသည်။ သည် အမျိူးသားကဇာတ်ရုံဆိုတာ အထူးသဖြင့် အကယ်ဒမီပေးပွဲများ ကျင်းပရာနေရာပေါ့။ အ၀င်ဝကနေ လှမ်းမြင်လိုက်ရတာက ဘယ်ဘက်မှာ ကာတွန်းပြပွဲ၊ ညာဘက်မှာ အမှတ်တရ ပစ္စည်းများရောင်းပွဲပါ။ မှတ်စုစာအုပ်တွေ၊ ကီးချိန်းတွေ၊ ဘောပင်တွေ၊ ပန်ကန်ပြား၊ တီရှပ်၊ ဓါတ်ဗူး၊ ခွက်၊ လွယ်အိတ် အစရှိသဖြင့်ပေါ့။ ကျွန်မက လွယ်အိတ်၂အိတ်၊ ကီးချိန်း၂ ခုဝယ်ဖြစ်သွားပါသည်။

အမျိူးသားကဇာတ်ရုံအတွင်းထဲ ရောက်တော့ မစ္စတာ ဟာရဲယ်ဘော့မင် ကပထမဦးဆုံး နိုဘယ်ဆုအကြောင်းနဲ့ နိုဘယ်ဆုရှင် ဒေါ်အောင်ဆန်းစုကြည်အကြောင်းများ ဟောပြောနေတာကို နားထောင်ရပါသည်။ သူက ယူနီဆက်က မစ္စတာ ကူလွိုင်း အကြောင်းကို ထည့်ပြောပါသည်။

မစ္စတာ ဟာရဲယ်ဘော့မင်)

မစ္စတာကူလွိုင်းကို ကျွန်မက ကောင်းကောာင်းကြီးသိပါသည်။ သူကမေမေကြီးစာအုပ်နှစ်အုပ်ဖြစ်တဲ့ A Wonderland of Burmese legends နဲ့ Flowers and Festivals Round the Burmese Year ကိုထုတ်တဲ့ Tamarind press ကထုတ်ဝေသူလဲဖြစ်၊ ကျွန်မအဘိုးအဘွားများ နဲ့ခင်မင်တဲ့မိတ်ဆွေဟောင်းကြီး လဲဖြစ်ပါသည်။

 
သူပြောပြီးတော့ မစ္စ နင်လန်ဂျာနာ့ အလှည့်ပါ။ သူက “The Female Voice of Myanmar: Khin Myo Chit to Aung San Suu Kyi’, စာအုပ်အကြောင်းကို မိတ်ဆက်ပြောကြားခဲ့ကာ မေမေကြီး ဒေါ်ခင်မျိူးချစ်ရဲ့ ဓါတ်ပုံတစ်ချိူ့ကို ပြသသွားပါသည်။

(Ms Nilanjana)
(The Female voice of Myanmar ; Khin Myo Chit to Aung San Suu Kyi.)

 မိသားစုဓါတ်ပုံတစ်ခုကိုပြတုန်းက ကျွန်မပုံကလေးကိုထောက်ပြပြီး အခုပရိသတ်ထဲမှာ ရောက်နေပါတယ်လို့ ပြောသွားပါသေးသည်။ သူပြောပြီးမှပဲ စာရေးဆရာမကို သွားနှူတ်ဆက်ကာ ကွန်ကရက်ကျူလိပ်လုပ် ကျေးဖူးတင်စကား ပြောခဲ့ပါသည်။

(သည်နေရာမှာ ဖြတ်ပြီး သည်စာအုပ် “The Female Voice of Myanmar: Khin Myo Chit to Aung San Suu Kyi’ အကြောင်းပြောရရင် တော့ “ခင်မျိူးချစ်မှသည် အောင်ဆန်းစုကြည်” ဆုိုတဲ့စာအုပ်ဟာ ဒေါ်ခင်မျိူ်းချစ် – လူထုဒေါ်အမာ – မသီတာ(စမ်းချောင်း) – ဒေါ်အောင်ဆန်းစုကြည် ဆုိုတဲ့ မြန်မာအမျိူးသမီး လေးဦး၏ ခေတ်သမုိုင်း လို့ဆုိုမလား၊ သူတို့ ကျော်ဖြတ်ခဲ့တဲ့ ခုနှစ်များကုို ရည်ညွန်းမလား၊ ဒါမှမဟုတ် ၁၉ ၁၅ ခုနှစ်ကနေ ယခုထိ ခေတ်ကုို  ထုတ်ဖော် ပြသခဲ့တဲ့ အကြောင်းလား၊ ဒါကုိုတော့ စာအုပ်ဖတ်ပြီးမှပဲ ကောက်ချက်ချရပေလိမ့်မည်။ သည်စာအုပ်ထဲက ဒေါ်ခင်မျိူးချစ်နဲ့ လူထုဒေါ်အမာက အခု ၂၀၁၅ မှာ နှစ်တစ်ရာ ပြည့်ပါပြီ။ အဲသည် ရာပြည့်တဲ့အကြောင်းလဲ စာရေးဆရာက ထည့်ပြောသွားခဲ့ပါသည်။ အခု ပွဲတော်အကြောင်း ဆက်ပါမည်။)

အခုကျွန်မက အမျိူးသားကဇာတ်ရုံ အပြင်ဘက်ကိုပြန်ရောက်လာပါပြီ။ အပြင်ဘက်မှာ စာရေးဆရာတွေ၊ ကဗျာဆရာတွေရဲ့ ဟောပြောပွဲတွေ၊ ဆွေးနွေးပွဲတွေ နေရာသုံးနေရာလောက်မှာ အပြိုင်အဆိုင် ကျင်းပနေကြလေရဲ့။ ဒါဟာ လူထုကြား ဟောပြောပွဲတွေပါ။ ပရိသတ်တွေကလည်း ကဗျာရွတ်တာတွေ နားထောင်ရတာ၊ ၀တ္ထုတွေ အကြောင်းပြောတာ နားဆင်ရတာ သဘောကျကြပါသည်။ အတူတကွလာရောက်ကြ၊ နားထောင်ကြ၊ နှစ်သက်နေကြပါသည်။ စာရေးဆရာတွေ ကဗျာဆရာတွေ က သူတို့ခံစားချက်တွေ၊ ထင်မြင်ချက်တွေ၊ အတွေ့အကြုံတွေကို အားပါးတရ ပြောနေကြတာတွေ တွေ့ရမြင်ခဲ့ရပါသည်။

သူတို့က မော်ဒန်အော့တို့၊ ကလေးပုံပြင်တို့၊ တွေးခေါ်မူတို့၊ ပို့စ်မော်ဒန်တို့ အစရှိသဖြင့် အကြောင်းအရာခေါင်းစဉ်တွေ အောက်မှာ ပြောဆိုကြတာ ဖြစ်ပါသည်။ သူတို့အသံတွေကို အဝေးကနေကြားနေရပါသည်။ မိုက်ကရိုဖုန်းနဲ့ အသံဘောက်စ် တွေသုံးထားတာကြောင့် ဟောပြောချက်တွေ ကိုသွားလေရာ ကြားနေရတာ စိတ်လှူပ်ရှားစရာပါပဲ။ သို့သော်လည်း အဲသည်လို ပြောဆိုချက် ဟောပြောချက် ဆွေးနွေးချက်တွေကို တချိ်န်တည်းတပြိုင်နက်တည်း ကျင်းပနေကြတာဖြစ်လို့ အားလုံးကို နားထောင်ဖို့ဆိုတာ မဖြစ်နိုင်ပါဘူး။

အဲသည်မှာ ကာတွန်း၊ ပန်းချီ၊ ဓါတ်ပုံပြခန်းတွေကို ထောင့်တစ်ခုမှာ တွေ့ရပြန်သည်။ အဲသည်နေရာလေးက ပြခန်းအသေးလေးတစ်ခု အလားပါ။ ကာတွန်းတွေကို နံရံတွေ၊ တိုင်တွေမှာ ချိတ်ထားတာ အပြည့်ပါ။ လာကြည့် သူတွေကတော့ တစ်ခုမှ အလွတ်မပေးပါဘူး။ ကိုယ်ကြိုက်တာကို ဓါတ်ပုံရိုက်ယူကြ ပါသည်။ ထို့အပြင် ကယ်ရီကေးချားဆွဲနေသူ တော်တော်များများကိုလည်း တွေ့ရပါသည်။ ကျွန်မတို့က ဟောသည် အမျိူးသားကဇာါတ်ရုံမှာ စာရေးဆရာတွေ၊ ကဗျာဆရာတွေ၊ ကာတွန်းဆရာတွေကို တစည်းတလုံးတည်း လာတွေ့နေရ တာပါပဲ။ သူတို့ပြောတာတွေနားထောင်ရ သူတို့နဲ့ အတူတွဲဓါတ်ပုံတွေရိုက်ကြနဲ့ပါ။

 

စာအုပ်ဆိုင်တန်းတွေကိုလည်း အမိုးကြီးတစ်ခုအောက်မှာ တွေ့ရပါသည်။ အဲသည်မှာ စာအုပ်ဆိုင်ပေါင်း ရာချီပြီး ရောင်းချနေကြတာဖြစ်ပါသည်။ လူတွေကိုလည်း အဲသည်နေရာက ဆွဲဆောင်လျက်ရှိပါသည်။ အဲသည် စာအုပ်တိုင်းပြည်ကြီးထဲ လျောက်သွားရတာ ပျော်စရာ။

 

လူတွေအတွက် မနက်စာလွတ်မှာလည်းမပူ ရပါဘုး။ အဲသည်မှာ ခိုင်ခိုင်ကျော် မြန်မာဟင်းလျာရောင်းဆိုင်ရှိတာကြောင့် ကြိုက်နှစ်သက်ရာ မြန်မာထမင်းဟင်း ကောင်းကောင်း စားရင်း ခနတဖြုတ် အနားယူလို့ရပါသည်။

(ခိုင်ခိုင်ကျော် မြန်မာဟင်းလျာရောင်းဆိုင)

ညကြရင်လည်း စာရေးဆရာပြဇာတ်များ၊ ဇာတ်ပွဲများ အကအဆုိုများလည်းရှိပါဦးမည်။ ညလုံးပေါက် ထိကကြလိမ့်မည် ထင်ပါသည်။

နိဂုံး

နိုဘယ်မြန်မာစာပေပွဲတော်မှာ နာရီပေါင်းများစွာ အချိန်တွေပေးကာ ဆင်နွဲခဲ့ကြပါသည်။ လူတိုင်း လူတိုင်းရဲ့ အပြန်ခရီးမှာ စာအုပ်တွေ တပွေ့တပိုက်နဲ့၊ အမှတ်တရပစ္စည်းတွေနဲ့ ဖြစ်ပါသည်။ ကျွန်မလည်း အဲသည်ပွဲတော်ထဲ လျောက်ပတ်ကာ မပျင်းမရိလည်ပတ်ရတာ ပျော်ရွှင်မိပါသည်။ ကျွန်မ ပြန်လာတော့ ကျွန်မနောက်မှာ ကျန်ရစ်ခဲ့တာက လေထဲမှာ လွင့်ပါနေတဲ့ စာရေးဆရာ ကဗျာဆရာများ၏ မရပ်မနားဟောပြောသံတွေ ဖြစ်ပါတော့သည်။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဂျုနီယာဝင်း, ခေတ်ပြိုင်အတွေ့အကြုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments