မြသန်းစံ – လုံးဝမရေးချင်ဘဲ ရေးရတဲ့စာ

March 7, 2015

 

မြသန်းစံ – လုံးဝမရေးချင်ဘဲ ရေးရတဲ့စာ

(သူ့ဖေ့စ်ဘွတ်) မတ် ၇၊ ၂၀၁၅

အရိုးသားဆုံးစိတ်နဲ့ပြောရရင် ကျွန်တော်အခုရေးမယ့်စာမျိုးလုံးဝမရေးချင်ပါဘူး။ေ တ်ာတော်များများလည်း သိကြပါတယ်။ ကျွန်တော် ဓမ္မဆိုင်ရာစာပေနဲ့ပဲမွေ့လျော် မိမိကိုယ်ကိုကောင်းအောင် ဆောက်တည်ရင်း နေလာခဲ့တာ နှစ်အတော်ကြာပါပြီ။

ကျောင်းဆင်းဒုဗိုလ်ဘဝ(၁၉၈၁ခုနှစ်)လောက်က ကြာအင်းဆိပ်ကြီးဒေသရှေ့တန်းစစ်မျက်နှာမှာ

သေကောင်ပေါင်းလဲ တိုက်ပွဲဖြစ်ခဲ့ရတဲ့ရန်သူကို ၁၉၉၉ခုနှစ်ရောက်တော့ လက်နက်နဲ့ ငြိမ်းချမ်းရေးလုပ်မယ် လို့ပြောလာတဲ့အချိန်မှာ တာဝန်ပေးချက်အရ ကျွန်တော့်ဘက်က စေတနာပါပေါင်းထည့်ပေးပြီး

“ငြိမ်းချမ်းရေးပန်းခင်း”ဆိုတဲ့သီချင်းကိုရေးပေးခဲ့ရတဲ့သူပါ။

အဲဒီတုံးကအဲဒီတိုက်ပွဲမှာ မအူမလည်နဲ့ကျွန်တော်သာကျဆုံးခဲ့ရင် “ငြိမ်းချမ်းရေးပန်းခင်း” သီချင်းထွက်လာမှာမဟုတ်သလိုကျွန်တော်လည်း သီချင်းရေးဆရာ တစ်ယောက်လည်းဖြစ်လာမှာမဟုတ်ပါဘူး။

အခုတော့ငြိမ်းချမ်းရေးဆွေးနွေးပွဲတွေမှာ အဲဒီသီချင်းဖွင့်ပြီးဆိုကြ ကကြတယ်လို့ ခပ်ဝေးဝေးပဲကြားနေရပါတယ်။

အဲဒီတုံးကအခုလိုmediaတွေသိပ်မထွန်းကားသေးတော့ တလောက ဖြစ်ခဲ့တဲ့ ‘လောက်ကိုင်စစ်ပွဲ ‘ပုံရိပ်တွေလို ပြည်သူတွေအချိန်နဲ့တပြေးညီသိခွင့်မရခဲ့ဘူး။ ဒါပေမယ့်ကျွန်တော်ကိုယ်တိုင်မြေမြုပ် အမိန့်ပြန်ခဲ့ရတဲ့ ကျွန်တော့်ရဲဘော်တွေရဲ့ဓာတ်ပုံတွေကတော့ ကျွန်တော့်ရင်ထဲမှာဆေးသားမပျက်ပြယ်သေးပါဘူး။

လောက်ကိုင်စစ်ပွဲမှာ ကျဆုံးသွားတဲ့ကလေးတွေရဲ့မိဘတွေကိုကိုယ်ချင်းစာနားလည်စိတ်နဲ့ ခံစားနေရချိန်မှာတော့ တချိန်ကကျွန်တော်ကိုယ်တိုင် မျက်ရည်သုတ်ပေးခဲ့ရတဲ့ ကျွန်တော့်ရဲဘော်တွေရဲ့ဇနီးသားသမီးတွေဟာ အခုတော့ မျက်ရည်တွေခြောက်ခမ်းလို့ ရင့်ကျက်ကုန်ကြပါပြီ။

တက္ကသိုလ်ကျောင်သားဘဝ(၁၉၇၄-၇၈)တုံးက ကြုံခဲ့ရတဲ့ဦးသန့်အရေးအခင်း ၊သခင်ကိုယ်တော်မှိုင်းရာပြည့်

ပွဲတွေတုံးက ဆံပင်ရှည်ရှည် ဝေလေလေဘဝနဲ့ လုံခြုံရေးလုပ်နေတဲ့စစ်သားတွေကိုလူအင်အားအရှိန်အဝါနဲ့

မကျေမနပ်ဖြစ်ခဲ့ဘူးတဲ့ကျွန်တော်ဟာ ရှေ့တန်းစစ်မြေပြင်ရောက်လို့ တိုက်ပွဲတွေမှာ အသက်ပေးသွားကြတဲ့ ရဲဘော်တွေကို ကိုယ်တိုင်မြေမြုပ် အမိန့်ပြန်ရတဲ့အချိန်မှာ နောင်တကြီးစွာနဲ့အရမ်းကိုထိခိုက်ကြေကွဲခံစားခဲ့ရဖူးပါတယ်။

အခုလေးတင်ပဲ ပလပ်စတစ်စခင်းပြီးထမင်းကြမ်းခဲနဲ့ သဲတရှပ်ရှပ်ပဲဟင်းကို မြေကြီးပေါ်ထိုင်ပြီးအတူစားခဲ့ကြသေးတယ်။ အခုတော့တိုက်ပွဲပြီးလို့ကျွန်တော်ကမြေကြီးပေါ်မှာ တစ်ယောက်တည်း ထိုင်စားနေရပြီး ကျွန်တော့်ရဲဘော်

မြေကြီးထဲရောက်နေပြီ။ သူ့အလောင်းပေါ်မှာကျွန်တော်က ထမင်းကြမ်းခဲထိုင်စားနေရသလိုပါပဲ။

ဒီအတွေ့အကြုံတွေဟာတရားဓမ္မဘက်ကို ငယ်ငယ်ရွယ်ရွယ်နဲ့ရောက်လာဖြစ်ဖို့တွန်းအား အကြောင်းတရားတွေမှန်း အဲဒီတုံးကတော့ကျွန်တော်မသိခဲ့ဘူး။ ဒါပေမယ့်နှစ်တွေကြာလာတဲ့အခါ သောင်းကျန်းသူတွေကအလင်းဝင် စီးပွားရေး လုပ်ငန်းတွေလုပ် ကြီးပွားချမ်းသာပြီး လူကြီးတွေနဲ့တခမ်းးတနားအတူတွဲပြီးcheers လုပ်နေတဲ့အချိန်မှာ တစ်ခါက အဆင်ပြေရာ တောတွင်းတစ်နေရာမှာ မြေမြုပ်ခဲ့ရတဲ့  အညတြစစ်သည်တွေရဲ့ဂတိနဲ့လားရာတွေကိုကျွန်တော်  တွေးဆနေမိပါတယ်။

တစ်ခါကျောင်းသားတွေဘက်ကိုပြန်ကြည့်လိုက်ပြန် တော့လည်း ၁၉၆၂ခုနှစ်ကတည်းက မိုင်းခွဲခံခဲ့ရလို့  မကျေမနပ်နဲ့ဘဝကူးခဲ့ရတဲ့ကျောင်းသားသမဂ္ဂအဖွဲ့ဝင်တွေဟာ ၁၉၇၄ ဦးသန့်အရေးအခင်းရောက်တော့ တစ်ကြိမ်၊ ၁၉၇၅ သခင်ကိုယ်တော်မှိုင်းရာပြည့်ရောက်တော့တစ်ကြိမ်၊ ၁၉၈၈ (၈လေးလုံး) အရေးအခင်းရောက်တော့တစ်ကြိမ်၊ ဗိုလ်ချုပ်အောင်ဆန်းဓာတ်ပုံတွေကိုင်ပြီးတောင်းဆိုတိုက်ပွဲဝင် နေလိုက်ကြတာ သမိုင်းနဲ့ချီပြီး ကြားရတဲ့အရိုးတွန်သံပဲလို့တွေးဆမိပါတယ်။

ဒီမီးတွေကိုအစိုးရအဆက်ဆက်တာဝန်ယူသွားခဲ့ကြသူတွေဟာ တာဝန်ရှိရက်နဲ့ ငြိမ်းအောင်မငြိမ်းသတ်ခဲ့ကြဘူး။

နောက်မျိုးဆက်ကို “မီးတုတ်”တွေအမွေပေးခဲ့ကြတယ်။ ၁၉၈၈မှာသမ္မတဖြစ်ခဲ့တဲ့ ဒေါက်တာမောင်မောင်ဟာ ပညာရှိပီပီ မီးငြိမ်းနိုင်ဖို့အစီအစဉ်တစ်ခုဖြစ်တဲ့ “ကျွန်တော်တို့ကျောင်းသားသမဂ္ဂကိုပျော်ပျော်ပါးပါး အုတ်မြစ်ချပါစို့” လို့ကျေညာခဲ့ပေမယ့်စိတ်ကြွဆေးကျွေး၊ ထောင်တံခါးဖွင့်၊ အရပ်ထဲဝင်မွှေ၊ ဂိုဒေါင်ဖောက်၊အရေးအခင်းကိုပုံဖျက်၊တိုင်းပြည်ပျက်တဲ့ ကိန်းဆိုက်လေဟန်ဖန်တီးပြီး အခြေအနေဆိုးတွေ ပေါ်ပေါက်လာတာကြောင့် စစ်တပ်ကအာဏာသိမ်းလိုက်လို့ဒေါက်တာမောင်မောင်ရဲ့ ကြေငြာချက်လည်း အသက်မဝင်တော့ဘဲ ပျက်ပြယ်ခဲ့ရပြန်ပါတယ်။

ဒီလိုနဲ့ပဲကျောင်းသားနဲ့အစိုးရ၊ ကျောင်းသားနဲ့စစ်တပ်ဟာ အစေးကပ်တယ်လို့မရှိတော့ပဲ အစိုးရအဖွဲ့တွေဘယ်လိုပြောင်းပြောင်း နောက်ထပ်လူသစ်တွေ ဘယ်သူပဲ အာဏာရလာ ရလာ ရန်မီးဟာအခုအချိန်အထိမငြိမ်းနိုင်တော့ပဲ  အခုဖြစ်ပွားနေတဲ့ ပညာရေးသပိတ်အထိရှည်လျားလာခဲ့တာ

ဘယ်ကာလကျမှ အဆုံးသတ်မယ်မသိနိုင်ဘူး။

ဒါတွေအားလုံးဟာ ကိုယ့်မြန်မာပြည် ကိုယ့်တိုင်းပြည်ထဲမှာပဲ

ဖြစ်နေကြတာပါ။ ကိုယ့်တိုင်းပြည်ထဲက လူတွေပဲနစ်နာကြ ၊ဒဏ်ရာရကြ၊ အသက်တွေပေးကြရ၊ စစ်သားတွေအသက်ဆုံးရှုံးရ ၊ ကျောင်းသားတွေအဖမ်းခံကြရ၊  ပညာသင်ခွင့်တွေမရခဲ့ကြ၊ တဖြည်းဖြည်းနဲ့တိုင်းပြည်မှာပညာတတ်တွေကနည်းပါးလာ ၊ ပညာတွေကောင်းကောင်းသင်ခွင့်မရတော့ ဆင်ခြင်တုံ တရားတွေနည်းပါးလာ၊ စီးပွားရေးကမပြေလည်၊  ဝင်ငွေအတွက် မနည်းရုန်းကန် ရှာဖွေနေရတော့ မကျေမနပ်စိတ်ကအမြဲအသင့်ဖြစ်နေ၊ ရုတ်ရုတ်သဲသဲဖြစ်တာနဲ့ဖောက်ခွဲဖို့ကအသင့်ဖြစ်နေ၊

ဒါပေမယ့် နိုင်ငံရေးပေါ်လစီပြောင်းလိုက်တာနဲ့ ဘိန်းနဲ့အသက်မွေးခဲ့တဲ့သူတွေ ကနေ့ချင်းညချင်း စီးပွားရေးလုပ်ငန်းရှင်ကြီးတွေဖြစ်လာကြတဲ့ အချိန်မှာတိုင်းပြည်ထဲက သာမန်လက်လုပ်လက်စားတွေရဲ့ ဘဝကတော့ မွဲပြီးရင်းမွဲ ပြာကျပြီး ရင်းပြာကျနဲ့ ဘယ်တော့မှနလံပြန်ထနိုင်ပါတော့မလဲ

နိုင်ငံတကာရောက်နေတဲ့မြန်မာနိုင်ငံသားပညာတတ်တွေကလည်း သူတို့ပညာနဲ့ထိုက်တန်တဲ့နေရာမရှိတာရယ် ဒီရောက်ပြန်ရင်လည်း ဘာမှမတတ်ဘဲနဲ့အပေါ်စီးကနေ  အာဏာပြတာမခံချင်တော့လို့ ဘယ်သူမှမလာချင်တော့ဘူး။

မြန်မာပြည်ပြန်ရောက်ပြီး ထူးမခြားနားပတ်ပျိုးကြီးနားထောင်နေရတာထက်စာရင်  နိုင်ငံခြားမှာပဲတည်ငြိမ်နေတဲ့ လူမှုပတ်ဝန်းကျင် ကိုယ့်ပညာနဲ့ထိုက်တန်တဲ့အလုပ်ခွင်မှာ pop music လေးနဲ့ပဲငြိမ့်နေတော့မယ် ဆိုတဲ့သူတွေကိုလည်း အပြစ်မဆိုချင်တော့ပါဘူး။

ဒါကလည်း သူတို့ရဲ့ကိုယ်ပိုင်အခွင့်အရေးပဲလေ။

နောက်ဆုံးတော့ – တိုင်းပြည်ကြီးကို ကျွန်တော်အပါအဝင် ဖိုးသုည အများစုနဲ့လည်ပတ်နေရတော့

ကမ္ဘာ့အလယ်မပြောနဲ့ အိမ်နီးနားချင်းနိုင်ငံတွေကြားမှာတောင်  ကျွန်တော်တို့ အလည်အပတ်ရောက်တဲ့အခါ မျက်နှာခပ်ငယ်ငယ်ရယ်။ ကျန်းမာရေးဆိုလည်း နည်းပညာမြင့်ပြီး  စိတ်ချရတဲ့ (စေတနာလည်းပါတဲ့)  အိမ်နီးချင်းနိုင်ငံကိုပြေးကြရ၊ ပညာရေးဆိုလည်း အိမ်နီးချင်းနိုင်ငံကိုပြေးကြရပြန်၊ သွင်းကုန်ဆိုလည်း သူတစ်ပါးကိုအားကိုးရ၊ ထုတ်ကုန်ကျပြန်တော့လည်း မတန်တဆဈေးအနှိမ်ခံရပြီး ကုန်ကြမ်းသက်သက် ရောင်းစားနေရတဲ့နိုင်ငံဖြစ်မှန်းမသိဖြစ်နေရနဲ့ ပြောရတာကိုယ့်ပေါင်ကိုယ်လှန်ထောင်းရသလို ရှက်လည်းရှက်ပါတယ် မရှက်လည်းမရှက်နိုင်တော့ပါဘူး။

ဒီပြဿနာတွေအားလုံးပြေလည်သွားဖို့ နိုင်ငံတော်ရဲ့ အဆင့်အမြင့်ဆုံးတာဝန်ယူထားတဲ့သူတွေနဲ့ ကျွန်တော်တို့နိုင်ငံသားအားလုံးမှာတာဝန်ရှိပါတယ်။

ဒီနေ့ဒီအချိန်မှာ ကျွန်တော်တို့ဒီပြဿနာကိုပြေလည်အောင် မဖြေရှင်းနိုင်ခဲ့ရင် မြန်မာပြည်မြေပုံဆိုတာ

နောက်များမကြာမီမှာ ကမ္ဘာအလယ်မှကနေပြီးပျောက်ကွယ်သွားနိုင်ပါတယ်။ “ဒို့ခေတ်ရောက်မှ ညံ့ကြတော့မှာလား “ဆိုတဲ့စကားအတိုင်း ဖြစ်နေပြီဆိုရင်တော့လည်းဘာမျှမတတ်နိုင်တော့ဘူးပေါ့။

တိုင်းပြည်တစ်ခုတိုးတက်ဖို့ဆိုတာ-

(၁) တိုင်းပြည်တည်ငြိမ်ဖို့လိုပါတယ်။

နိုင်ငံရေးပထဝီကိုလေ့လာပြီးကိုယ့်တိုင်းပြည်ဘေးမှာ ကိုယ့်တိုင်းပြည်ရဲ့အနာဂတ်ကိုဝါးစားဖို့

ကျားရဲကြီးတွေ အစွယ်တဖြီးဖြီးနဲ့စောင့်နေတာကို မြင်အောင်ကြည့်ကြပါ။

(၂) တာဝန်ရှိသူတွေကလည်း ကိုယ့်ပြည်သူပြည်သားတွေအပေါ်မှာ ကျားကစားသလို လှည့်ကွက်တွေနဲ့

ဥာဏ်မများဖို့လိုပါတယ်။

(၃) ကိုယ့်တိုင်းပြည်ထဲက  human resources တွေကိုစံနစ်တကျအသုံးချတတ်ဖို့လိုပါတယ်။

(၄) အရေးအကြီးဆုံးကတော့ တစ်ဦးနဲ့တစ်ဦး တစ်ဖွဲ့နဲ့တစ်ဖွဲ့ အပြန်အလှန်ယုံကြည်မှု  ပရိယာယ်မပါတဲ့

ရိုးသားဖြူစင်မှု  သစ္စာရှိမှုနဲ့  မေတ္တာထားတတ်မှု    တွေရှိဖို့လိုပါတယ်။

(၅) တာဝန်အရonlineတွေပေါ်မှာ  account မျိုးစုံတတ်ပြီး ရေးနေကြသူတွေအနေနဲ့ hate speeches တွေတတ်နိုင်သမျှရပ်တန်းကရပ်ကြပါတော့လို့လည်း မေတ္တာရပ်ခံချင်ပါတယ်။ အပြန်အလှန်ဆဲဆိုနေကြတဲ့သံသရာမဆုံးနိုင်သရွေ့ နောက်ဆုံးနစ်နာတော့ ကိုယ်တွေချည်းပါပဲ ဆိုတာကို အမြင်ကျယ်ကျယ်နဲ့ကြည့်တတ်ဖို့လိုနေပါပြီ။

(၆) ယုံကြည်ထိုက်သူက ယုံကြည်အောင်နေပြလိုက်ပါ။ အခုဖြစ်နေသမျှအားလုံးဟာ အယုံကြည်မခံရလို့ ဖြစ်ကြတာပါ။ မြန်မာပြည်သားတွေရဲ့စိတ်အခြေခံကဒီလောက်မညံ့ပါဘူး။ ပြေလွယ် ပျောက်လွယ် ကျေအေးလွယ်ပါတယ်။ အရှိန်အဝါကိုကိုင်ပြီးတင်းခံနေရင်တော့ တင်းလွန်းရင်ပြတ်တတ် လျှော့လွန်းပြန်တော့ဘတ်လပ်ဘတ်လပ်ဖြစ်တတ်တဲ့သဘာဝကိုလည်းနားလည်ပြီးသားဖြစ်မှာပါ။

ဆက်ပြောရင်တော့အများကြီးပါ။

ဒါပေမယ့်ကိုယ်ကနိုင်ငံရေးသမားလည်းမဟုတ်တော့ဒီလောက်ရေးပြလိုက်ရတာတောင်အတော်လွန်လှပါပြီ။ အမှားပါရင်လည်းခွင့်လွှတ်ကြပါ။ ရန်ကုန်နဲ့နေရာအစုံမှာဖြစ်နေသမျှမြင်ကွင်းတွေကိုကြည့်ပြီး စိတ်မချမ်းသာလွန်းလို့ ဒီစာကိုရေးလိုက်ရတယ်လို့မှတ်ပါ။ ပညတ်တွေအာရုံပြုရတာပင်ပန်းလှပါတယ်။

ဒါပေမယ့် ပရမတ် ရုပ်နာမ်တွေရှုမြင်ရာကနေ ပညတ်နယ်ပယ်ကိုမေတ္တာပို့ဖို့လှမ်းကြည့်လိုက်တဲ့အခါ

ကသောင်းကနင်းဖြစ်နေတာတွေ လှမ်းတွေ့လိုက်ရလို့ စိတ်မသက်မသာဖြစ်သွားရာက ရေးလိုက်ရတဲ့စာပါခင်ဗျာ။

အားလုံးကောင်းကျိုးလိုရာဆန္ဒ ပြည့်ဝကြပါစေ……။

(၆.၃.၂၀၁၅)

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

3 Responses to မြသန်းစံ – လုံးဝမရေးချင်ဘဲ ရေးရတဲ့စာ

  1. ko metta on March 7, 2015 at 6:37 pm

    ဆရာမြသန်းစံ အခုလိုရေးသားလိုက်တာ ကျေးဇူးတင်မဆုံးပါ။ လူတော်လူကောင်း စစ်သား၊ စစ်ဗိုလ်ဟောင်းများလည်း ရေးကြပါ
    The only thing necessary for the triumph of evil is that good men do nothing. Edmund Burke

  2. Dr. Maung Maung Gyi on March 7, 2015 at 7:05 pm

    နမဝိသေသနနေရာအထားမှားလို့အဓိပ္ပါယ်ပြောင်းပုံကို ဦးစံလှကြီးက မိုးမခမှာ ရေးခဲ့ဖူးပါတယ်။

    အောက်ပါဝါကျနှစ်ခုကိုယှဉ်ကြည့်ရင် ဘယ်သူဟာ “ဆံရှည်ကိုယ်တော်” ဖြစ်သွားသလဲ ရှင်းရှင်းလင်းလင်းမြင်နိုင်ပါတယ်။

    (၁) တက္ကသိုလ်ကျောင်သားဘဝ(၁၉၇၄-၇၈)တုံးက ကြုံခဲ့ရတဲ့ဦးသန့်အရေးအခင်း ၊သခင်ကိုယ်တော်မှိုင်းရာပြည့်ပွဲတွေတုံးက

    ဆံပင်ရှည်ရှည် ဝေလေလေဘဝနဲ့ လုံခြုံရေးလုပ်နေတဲ့စစ်သားတွေကို

    လူအင်အားအရှိန်အဝါနဲ့မကျေမနပ်ဖြစ်ခဲ့ဘူးတဲ့ကျွန်တော်ဟာ ရှေ့တန်းစစ်မြေပြင်ရောက်လို့ တိုက်ပွဲတွေမှာ အသက်ပေးသွားကြတဲ့ ရဲဘော်တွေကို ကိုယ်တိုင်မြေမြုပ်အမိန့်ပြန်ရတဲ့အချိန်မှာ နောင်တကြီးစွာနဲ့ အရမ်းကိုထိခိုက်ကြေကွဲခံစားခဲ့ရဖူးပါတယ်။

    (၂) တက္ကသိုလ်ကျောင်သားဘဝ(၁၉၇၄-၇၈)တုံးက ကြုံခဲ့ရတဲ့ဦးသန့်အရေးအခင်း နဲ့ သခင်ကိုယ်တော်မှိုင်းရာပြည့်ပွဲတွေတုံးက လုံခြုံရေးလုပ်နေတဲ့စစ်သားတွေကို လူအင်အားအရှိန်အဝါနဲ့မကျေမနပ်ဖြစ်ခဲ့ဘူးတဲ့

    ဆံပင်ရှည်ရှည် ဝေလေလေဘဝနဲ့ ကျွန်တော်ဟာ

    ရှေ့တန်းစစ်မြေပြင်ရောက်လို့ တိုက်ပွဲတွေမှာ အသက်ပေးသွားကြတဲ့ ရဲဘော်တွေကို ကိုယ်တိုင်မြေမြုပ် အမိန့်ပြန်ရတဲ့အချိန်မှာ နောင်တကြီးစွာနဲ့ အရမ်းကိုထိခိုက်ကြေကွဲခံစားခဲ့ရဖူးပါတယ်။

  3. zinmin on March 8, 2015 at 12:46 am

    မှန်လိုက်တာဗျာ။ကျွန်တော်တို့တိုင်းပြည်မှာ အောက်ခြေလူတန်းစားတွေရဲ့ဘဝဟာ ငွေဆိုတာကိုခက်ခက်ခဲခဲရှာဖွေစားသောက်နေရတာပါ။ငွေရလွယ်တဲ့သူတွေကြတော့လဲ ပြောမကုန်အောင်ပါဘဲ။ညဘက် KTVတို့ နံမည်ကြီးဆိုင်တွေမှာ ငွေတွေဖြန်ုးနေကြတာ တိုင်းသူပြည်သား အောက်ခြေလူတန်းစားအသီးသီးတော့မဟုတ်တာအမှန်ပါ။ဒါပေမဲ့ဘာမှမပြောချင်ပါ။အဲဒီလိုလူမျိုးတွေဟာတိုင်းပြည်ရဲ့ တစ်ဘက်ကနေပြီး တစ်သက်တအားပါဝင် ကူညီလိုက်ရင် တဖြည်းဖြည်းနဲ့တိုးတက်လာမှာအမှန်ပါ။ဒါပေမဲ့ယနေ့မျက်မှောက်ခတ်မှာ တစ်ဦးနဲ့တစ်ဦး တိုင်းသူပြည်သားချင်းမညီညွတ်ဘဲ တစ်ယောက်နဲ့တစ်ယောက် နိုင်လိုစိတ်တွေနဲ့ရန်လိုနေကြတာဟာ ကို့မြန်မာလူမျိုးအချင်းချင်း စီးလုံးမှု့ပျက်ပြားလာတာပါ။တစ်ခါတစ်လေ တိုင်းပြည်အတွက်အသက်ကို စတေးခဲ့ရတဲ့သူတွေကို သနားမိပါတယ်။စာနာမိပါတယ်။ဒီနေ့ဒီလိုနေနေရတာဟာ သူတို့တွေအနစ်နာခံတိုက်ပွဲဝင်ပေးခဲ့ရလို့ပါ။မိမိတိုင်းပြည်အတွက် တိုးတက်ဖို့တော့ လိုချင်ကြတယ်။ကိုလဲမပါ သူများလုပ်ရင်လဲအပြစ်ပြော မြန်မာဆိုတာ လူများတိုင်းပြည်မှာ အနှိမ်ခံဘဝနေနေရတာ ကို့တိုင်းပြည်လူမျိုးတွေရဲ့လုပ်ရက်ကြောင့်ပါဘဲ။အဲဒီလိုခံစားချက်မျိုးကို မပြည့်စုံတဲ့ကျွန်တော်တို့တိုင်းပြည်ရဲ့အောက်ခြေလူတန်းစာ ဝန်ထမ်းဘဝတွေ ပြည်သူတွေပါဘဲ။နှစ်ပေါင်းများစွာတိုင်ခဲ့ပါပြီ။ယနေ့အချိန်ထိဘာမှမပြောင်းလဲကြသေးပါ။အရာဝတ္တုတွေသာပြောင်းလဲတိုးတက်သွားခဲ့ပါပြီ။စိတ်ဓါတ်ရေးရာတွေမပြောင်းလဲကြသေးပါ။ဒီလိုသာဆို တိုင်းပြည်ရဲ့အနာဂတ်ဟာ တော်တော်ကိုရင်လေးစရာဖြစ်နေပါပြီဗျာ။ကို့တိုင်းပြည်ထဲမှာဘဲတစ်ဦးနဲ့တစ်ဦး အော်ဟစ်ဆဲဆို သတ်ဖြတ်နေကြတာပါ။လူများတိုင်းပြည်မှာဆိုလုပ်ရဲပါ့မလားလို့။ပြောမှားဆိုမှားရှိရင်လဲခွင့်လွှတ်ပေးပါလို့ တောင်းပန်ပါတယ်။ပြည်သူတစ်ယောက်အနေနဲ့လဲ ရင်မောလှပါပြီ။

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်