ကိုသန်းလွင် – စင်္ကာပူဘတ်ဂျက်

March 12, 2015

ကိုသန်းလွင် – စင်္ကာပူဘတ်ဂျက်
(မိုးမခ) မတ် ၁၂၊ ၂၀၁၅

(၁)

စင်္ကာပူနိုင်ငံ ဖွဲ့စည်းအုပ်ချုပ်ပုံအခြေခံဥပဒေတွင် အစိုးရသည် နှစ်စဉ်နှစ်တိုင်းရှေ့လာမည့် နှစ်တွင် သုံးစွဲမည့် အစီအစဉ် ဘတ်ဂျက် ကို နိုင်ငံတော်သို့ တင်ပြရမည်ဟု ပြဋ္ဌာန်းပါရှိသည်။

ဖေဖော်ဝါရီ ၂၃ ရက်နေ့ကလွှတ်တော်တွင် ဒုတိယ၀န်ကြီးချုပ်နှင့် ဘဏ္ဍာရေးဝန်ကြီး ဖြစ်သူ (Mr. Tharman Shanmugaratnam) က၂၀၁၅ခုနှစ်အတွက် ဘတ်ဂျက်ကိုတင်ပြခဲ့သည်၊ လွန်ခဲ့သော နိုဝင်ဘာလ မှစတင်၍ ပြည်သူတို့အကြား အကြံဥာဏ်  များရယူကာ နှစ်လကျော် အချိန်ယူ၍ ဤ ဘတ်ဂျက် ကိုရေးဆွဲခဲ့ကြခြင်း ဖြစ် သည်၊

မတ်လ၂ရက်နေ့ မှစတင်ပြီးလွှတ်တော်တွင် ကိုယ်စားလှယ်များက မာရသွန်ဆွေးနွေးပွဲများဖြင့် ဘတ်ဂျက်အသစ်နှင့်ပတ်သတ်၍ ဆွေးနွေးကြရန်ဖြစ်သည်၊ ထိုဆွေးနွေးပွဲများပြီးလျင်  မဲခွဲ ဆုံးဖြတ် ကြမည်၊ ထိုနောက် လွှတ်တော်ကအတည်ပြုပြီဆိုသည်နှင့် ဧပြီလ ၁ရက်နေ့မှစတင်ခါ ဘတ်ဂျက် မှချပေးသောလမ်းညွန်ချက်များ အတိုင်းဝန်ကြီးဌာနများက အကောင်အထည်ဖေါ်ဆောင် ရွက်ကြ ရန် ဖြစ်ပါသည်။

(၂)

၂၀၁၄ခုနှစ်က ဘတ်ဂျက်တွင် လိုငွေ ၄ဘီလီယံ ဒေါ်လာရှိလိမ့်မည်ဟုခန့်မှန်းခဲ့ရာ တကယ် လက်တွေ့ တွင် ၁.၂ဘီလီယံသာ(ဂျီဒီပီ၏ ၀.၃%) ရှိခဲ့သည်။ ယခု၂၀၁၅ဘတ်ဂျတ်မှာ ၀.၁ ရာနှုန်း သာလိုငွေပြလိမ့်မည်ဟုခန့်မှန်းထားရာ ၀င်ငွေနှင့်ထွက်ငွေကိုက်ညီနေသော ဘတ်ဂျက် တခု ဖြစ်လာဖွယ်ရာရှိသည်။ စင်္ကာပူနိုင်ငံအစိုးရသည် မိမိစီမံကိန်း၊အခြေခံလိုအပ်ချက် (infra- structure) ပရောဂျက် များအတွက် မိမိရှာနိုင်သမျှကိုသာသုံးသည်၊ ကမ္ဘာကြီးတွင် နိုင်ငံခြားမှ ချေးငွေ မယူရသော နိုင်ငံအနည်းငယ်သာရှိရာ စင်္ကာပူကဲ့သို့ သယံဇာတမရှိသော နိုင်ငံတခု အတွက် ဂုဏ်ယူဖွယ်ရာ ဖြစ်သည်။

၁၉၆၇ခုနှစ်က လစာအနိမ့်ဆုံးအလုပ်သမားမှာဖိနပ်စက်ရုံမှ လုပ်သားများဖြစ်ပြီးလခမှာ ၈ရ ဒေါ်လာ ခန့်သာ ဖြစ်သည်၊ (ယနေ့ငွေ၃၄၀ဒေါ်လာ) ယခုအခါ သူတို့လစာမှာ ၅ ဆခန့် မြင့်တက်လာပြီး ၁၈၆၀ ခန့်ရသည်၊ အလယ်လတ်တန်းစား ၀န်ထမ်းဖြစ်သည့် သူနာပြု ဆရာမများ၏လစာမှာ ၁၉၆၅ ခုနှစ်ကထက် ၆ဆခန့် မြင့်တက်လာပြီးယခုအခါ ဒေါ်လာ ၃ရ၅၀ ခန့်ရှိသည်၊ သူတို့တာဝန် ၀တ္တရား များမှာလည်း တစ်စတစ်စ ပြောင်းလဲလာရာယခင်က ဆရာဝန်များသာ လုပ်နိုင်သည့် လူနာကိုစမ်းသပ၊် ကုသခြင်းလုပ်ငန်းက်ိုပင် တာဝန်ယူ လုပ်ကိုင်နေကြပါသည်။

(၃)

ဘတ်ဂျတ်အသစ်တွင် ဒုဝန်ကြီးချုပ်က မီးမောင်းထိုးပြလိုက်သောဧရိယာ ၄ခုရှိသည်၊ နိုင်ငံ၏မြေ အကျယ်အ၀န်းသေးငယ်ပြီသယံဇာတပစ္စည်းမပိုင်ဆိုင်သောစင်္ကာပူနိုင်ငံသည် အောက်ပါလုပ်ငန်း များကို ဆောင်ရွက်မည်။

•    ပထမဦးစွာလူတဦးချင်းစီ၏ အလုပ်လုပ်နိုင်သောစွမ်းရည် (skill )ကိုတိုးတက်အောင် ဆောင်ရွက်မည်၊ လူသည်ဘ၀တလျှောက်လုံးဗဟုသုတ အတတ်ပညာကိုတ်ိုးတက် အောင် လုပ်ခြင်းဖြင့် မိမိအရည်အသွေးကိုမြှင့်တင်ပေးနေရမည်၊ လူတို့၏ အရည် အချင်းပေါ်တွင် မူတည်၍ အလုပ် အကိုင် အခွင့်အလမ်းရှိနေစေရမည်( Meritocracy)

•    ဒုတိယ-ကုမ္ပဏီများ၊ အလုပ်ရုံ၊ စက်ရုံများအနေဖြင့် တီထွင်တ်ိုးတက်မူ (innovation) များ နှင့် နိုင်ငံတကာအဆင့် မှီစေရမည်။

•    တတိယ-အနေဖြင့်ကမ္ဘာ့ တ်ိုးတက်ဖွံ့ဖြိုးမှုများ နှင့်အမှီလိုက်နိုင်စေရန် အခြေခံလိုအပ်သော အဆောက်အဦး  (infrastructure) ကိုတည်ဆောက်ယူမည်။

•    နောက်ဆုံးအချက်မှာအသက်အရွယ်ကြီးရင့်သော (pioneer Generation) အငြိမ်းစား များ အတွက်  ထောက်ပံ့ငွေကိုတိုးမြှင့်ပေးမည်။
စင်္ကာပူ၏ ယနေ့အနေအထား မှာ ဒေသတွင်းလုပ်ငန်းအမျိုးမျိုးတို့၌ဦးဆောင်မှုပေးနိုင်သည့် အခြေ အနေ တွင်ရှိ်သည်။

ကုန်ထုတ်လုပ်မှု စက်ရုံအလုပ်ရုံများတွင် ခေတ်မှီ တိုးတက်သော စက်မှုကိရိယာ လူအရင်းအမြစ် ရှိနေစေရန်အစိုးရက ကူညီရမည်၊
နိုင်ငံသားများကျန်းမာရေးတွင်ဒေသတွင်းကအားထားရသောဆေးရုံများရှိသည်၊ ဆေးသုတေသန နှင့်အတူပြည်တွင်းမှ ပြည်သူများအတွက် အားထားရသောဆေးကုသရေးစံနစ်ရှိစေရန် ဆောင်ရွက် ထားသည်၊

စင်္ကာပူမြို့တော်မှာခေတ်မှီသန့်ရှင်းသော မြို့တော်ကြီး ဖြစ်နေပြီ၊ မိမိနိုင်ငံတွင်းသာမက နိုင်ငံ တကာကပါ မိမိတို့ ရေအသုံးချမှု ၊ ရေဆိုးမြောင်းများ၊ ဒီဇိုင်းဆိုင်ရာကိစ္စများတွင် အားကိုးနေကြရ သည်၊

ကုန်စည်ကူးသန်းဖြန့်ဖြူးရေး (Logistic) အတွက် ကုန်းလမ်း၊ လေကြောင်းလိုင်း ၊ ရေနက် ဆိပ်ကမ်း စသည်ဖြင့် တိုးတက်လာသောကုန်စည်ပမာဏကိုကိုင်တွယ်ထိမ်းသိမ်း နိုင်စေရမည်၊

အာရှနှင့် တစ်ကမ္ဘာလုံး ဘဏ္ဍာငွေကြေးဆိုင်ရာလုပ်ငန်းများအတွက် ခိုင်ခံ့သောငွေကြေးစံနစ်ကို တိုးတက်စေရန် အခြေခံလိုအပ်ချက်များကိုပံ့ပိုးပေးရမည်။

ကမ္ဘာကြီး၏ တဟုန်ထိုးပြောင်းလဲနေမူကိုအမှီ လိုက်နိုင်စေရန်မူလက်ရှိစီးပွားရေးစံနစ်နှင့် လူမှု ဆက်ဆံရေးပုံစံကို ပြောင်းလဲပြစ်ရမည်ဟုဆိုသည်။ လူတစ်ဦးချင်းအနေဖြင့် မိမိ၏ မူလ ပညာရေး အပြင် လက်ရှိ ပတ်ဝန်းကျင် ဗဟုသုတရှိစေရန်  အမြဲတစေသင်ယူလိုစိတ်နှင့် ကြိုးစားနေကြရ လိမ့်မည်၊ ကုမ္ပဏီ အလုပ်ရှင်များအနေဖြင့် မိမိအတွက် အလုပ်လုပ်နေသူများမှာမိမိ၏ အင်အား၊ အသက် ဖြစ်ပြီးထိုလူစုအရည်အချင်း ပြည့်ဝတိုးတက်ရေးအတွက်ဆောင်ရွက်ရမည်။

စင်္ကာပူရှိ စက်မှုလုပ်ငန်းများမှာ တကွဲတပြား ဖြစ်နေပြီးလုပ်သားများ၏ Training သူတို့ အရည် အသွေး တိုးတက်ရေးကို တစုတစည်း စုပေါင်းလုပ်သင့်သည်ဟုဆိုသည်၊ ဂျာမဏီ၊    ဆွစ်ဇာလန် နိုင်ငံတ်ို့မှာရှိသော စုပေါင်းလေ့ကျင့်ပေးရာသင်တန်းတွေ မရှိသေးဟုဝေဖန်သည်၊ မိမိတို့ ယဉ်ကျေးမူအခြေအနေနှင့် ကိုက်ညီသောကုမ္ပဏီများအချင်းချင်းပူးပေါင်းဆောင်ရွက်  နိုင်သော နေရာတွေကိုရှာဖွေဘို့လိုသည်ဟုအကြံပြုသည်၊
အခြေခံအဆောက်အဦးတည်ဆောက်ရေးရင်းနှီးမြုပ်နှံမူများမှာလွန်ခဲ့သော ၅နှစ်က ၁၂ ဘီလီယံ ရှိခဲ့ရာမှာယခုအခါ ၂၀  ဘီလီယံ မျှရှိလာပြီ ( ၄.၈% of GDP)  ဟုဆိုသည်။ အခုဆယ်စု ကုန်လျင် ၅၀ ဘီလိယံမျှရှိလာမည်ဟုခန့်မှန်းသည်။

၁၉၉၀ခုနှစ်များတွင် အရေးကြီး သောပရောဂျက်ကြီးများကိုစတင်ခဲ့ကြသည်၊ Jurong Induitral Zone (ဂျူရောင်း စီးပွားရေးဇုံ)   ဖြစ်မြောက်ရေး၊ MRT  မီးရထားလိုင်းများတိုးချဲ့ရေး နှင့် ချန်ဂီဆေးရုံ တည်ဆောက်ရေးတို့ဖြစ်ကြပါသည်။ IR ခေါ် Integrated Resort ဟူ၍ ကာစီနို နှစ်ခုကို မတည်ဆောက်မီ ဤသို့ ပင် ဘတ်ဂျက်ချပြ ဆွေးနွေးခဲ့ကြပါသည်၊

ယခုအကြံပြုထားသောပရောဂျက်များတွင် ချန်ဂီလေဆိပ် အမှတ်၅ တည်ဆောက်ရေးပါဝင်ပါ သည်၊ ၄င်းသည် အရွယ်ပမာဏမှာ လက်ရှိ တာမီနယ် အားလုံးပေါင်း ၁၊၂ နှင့် ၃ (T1.T2  နှင့် T3) ပေါင်းစပ်ထားသလောက် ရှိမည်။ ရည်ရွယ်ချက်မှာပိုမိုများပြားလာသော လေကြောင်းလိုင်းများကို ကိုင်တွယ်နိုင်ရန်ဖြစ်သည်၊

ပိုမိုများပြားလာသောသင်္ဘောလိုင်းများအတွက်မူအနောက်ပိုင်း Tuas တွင်ရေနက် ဆိပ်ကမ်းတခု ဆောက်လုပ် ရန်ဖြစ်သည်၊

ဆေးရုံများတွင်  ကုတင်ဦးရေပမာဏမှာ  ၂၀၂၀ခုနှစ် အရောက်တွင်လက်ရှိကုတင်ဦးရေ၏ ၂၅ ရာခိုင်နှုန်းပိုများပြားလာရန် ရည်ရွယ်သည်၊ လူအိုရုံများအနေဖြင့်  70% ပို၍ လက်ခံနိုင်ရန် ဆောင်ရွက်မည်။

စင်္ကာပူတွင် အိမ်နီးချင်းနိုင်ငံတွေက အားကျရသော ပညာရေးစံနစ်ရှိသည်၊ နိုင်ငံပေါင်းများစွာက ခေါင်းဆောင်ကြီးများသူဌေးကြီးများ၏ သား၊ သမီးများမှာစင်္ကာပူကျောင်းများတွင် ပညာသင်နေကြ သည်၊၊

ထို့အပြင်  CPF (ပင်စင်  Fund) ရေးရာကိစ္စများ၊ အလုပ်သမား  နှင့် အိမ်တွင်းအကူ ခန့်ထားရေး အတွက် အစိုးရကိုပေးသွင်းရသော Levy  ကိစ္စများ ပါဝင်ပါသည်၊

ထူးခြားသောကိစ္စတခုမှာ Silver Support Schume ခေါ် အသက်အရွယ်ကြီးရင့်လာသူများ ကို အစိုးရ က ထောက်ပံ့ကြေးငွေ ထုတ်ပေးရေးအစီအစဉ်များအကြောင်းပင်ဖြစ်သည်၊

ဝင်ငွေများသော သူဌေးကြီးများထံမှ အခွန်တိုးကောက်ပြီး အလုပ်သမားများ လေ့ကျင့်ရေး  (Training)  ကိစ္စ၊ အသက်ကြီးသူများအတွက် ထောက်ပံ့ရေးကိစ္စတို့တွင် ပိုမိုသုံးစွဲကြမည်၊  ဒုဝန်ကြီးချုပ် ကျေညာအပြီး ဖေဖော်ဝါရီလ ၂၃ရက် ညနေခင်းတွင် Bloomberg  Website  ကဤဘတ်ဂျက် ကို Robinhood Budget ဟုအမည်ပေးလိုက်ပါသည်၊ ရော်ဘင်ဟုမှာ ‘‘မကောင်းသူပယ်  ကောင်းသူကယ် ”  ဟုသောဆောင်ပုဒ်နှင့်  ဆင်းရဲသူလူတန်းစားကို အကူ အညီပေးနေသူဖြစ်ရာ စင်္ကာပူအစိုးရကို နောင်တချိန် ရွေးကောက်ပွဲတွင် အစိုးရမဲပိုရစေရန် လုပ်ဆောင်ချက်ဖြစ်သည် ဟုဆိုလိုက်ခြင်း ပင်ဖြစ်သည်။

ဤဘတ်ဂျက်ကိုကိုယ်စားလှယ်များကလွှတ်တော်တွင်  မာရသွန် ဆွေးနွေးကြပါလိမ့်မည်၊

COS ခေါ် –  Committe  of Supply  မှာ ၀န်ကြီးဌာနအလိုက် အသုံးစရိတ်များကိုအသေးစိတ်ချ ပေးရမည့်ကော်မရှင်ဖြစ်သည်၊ ဆွေးနွေးကြမည့်ခေါင်းစဉ်များမှာ

•    Caring Society (ကူညီရိုင်းပင်းသောလူနေမှုစံနစ်)

•    A Nation of Opportunities ( အခွင့်အရေးများနှင့် ဒို့နိုင်ငံ)

•    Liveable City   (နေဘွယ်ကောင်းသည့်မြို့တော်)

•    Endearing Home (ချစ်စရာအိမ်)

•    Safe and Secure Singapore  ( လုံခြုံသောစင်္ကာပူ)

•    Trusted Goverment( ယုံကြည်ရသောအစိုးရ)

စသည်ဖြင့်ခေါင်းစဉ် များခွဲကာဆိုင်ရာဆိုင်ရာကိစ္စတွေကိုဆွေးနွေး တင်ပြ ကြရပါသည်၊  ကိုယ်စား လှယ် တွေကအသုံးစားရိပ်များတွင် ဒေါ်လာ  ၁၀၀  တော့ ဖြတ်ပါဟုတင်ပြရသည်၊ ၀န်ကြီးဌာန တွေကအဘယ်ကြောင့် ဒီငွေကိုလိုပါတယ်၊ အသုံးစရိတ်ကဘယ်လိုပါ စသည်ဖြင့် တင်ပြတာ ကိုလက်ခံနိုင်လျင် အဆိုတင်သွင်းသူက ဖြတ်တောက်ရန် တင်ပြချက်ကို ပြန်ပြီးရုတ်သိမ်းရသည်။ မတ်လ ၁၃ရက်တွင် ဘတ်ဂျက်ကိုအတည်ပြုမပြု  မဲပေးဆုံးဖြတ်ပြီးလျင်ထိုဘတ်ဂျက်သည် အတည်ဖြစ်သွားပေပြီ။

(၄)

နိုင်ငံတော်ဘတ်ဂျက်ဆိုသည်မှာတိုင်းပြည်၏ လက်ရှိအခြေအနေများ အပေါ်သုံးသပ်ချက်နှင့်အတူ ရှေ့နှစ်တွင် လုပ်ကိုင်ရမည့် လုပ်ငန်းစဉ်များအတွက်စီစဉ်လမ်းညွှန်ချက်များပါဝင်ရသည်ဟု ဆိုခဲ့ပါ ပြီ။

ဘတ်ဂျက်ကြေညာအပြီး စင်္ကာပူပြည်သူတို့၏ တုန့်ပြန်ချက်မှာ အားရဘွယ်ပင်၊ အားကျစရာလည်း ကောင်းသည်၊ နောက်နေ့သတင်းစာတွင် ဘတ်ဂျက်အကြောင်းက မျက်နှာတိုင်းလိုလိုမှာ ပါသည်၊ လွှတ်တော် ကိုယ်စားလှယ် ၃၀ ခန့်ကို အင်တာဗျူးထားသည်များကို ဖတ်ရသည်၊ ပြည်သူ့အသံ မှာလည်းပြည်သူတွေ၏ ရေးသားချက်များကို ဖတ်ကြရသည်၊ Transparency ကားအပြည့်အ၀ပင်၊

ကျွန်တော်သည် စင်္ကာပူကဘတ်ဂျက်အကြောင်းများကိုဖတ်ရသောအခါ မိမိတိုိ့ နိုင်ငံက ဘတ်ဂျက် တွေ အကြောင်းစဉ်းစားကြည့်မိသည်၊ အလွန်ကြွယ်ဝချမ်းသာသော အိမ်နီးချင်းဖြစ်သူ သုံးစွဲ နေသည် ကိုကြည့်ခါ မုဒိတာပွားနေရသူလိုဖြစ်နေသည်၊

မဆလခေတ်က လွှတ်တော်ကြီးမှ ပဌမ လေးနှစ်စီမံကိန်း ဒုတိယလေးနှစ်နှစ်စီမံကိန်း ဟုအချိန် မှန်မှန် ကျေညာခဲ့တာတွေကိုမှတ်မိသည်၊ စီမံကိန်းအောင်မြင် တာတွေကို အကြာကြီး ဖတ်ပြ နေတာတွေကိုလည်းတွေ့ခဲ့ရသည်၊ ပြည်သူတွေက စိတ်မ၀င်စား ခဲ့ကြပေ၊ န၀တ ခေတ် များတွင်မူ ဘတ်ဂျက် ဟူ၍ပင် အစိုးရက တင်ပြ သည်ကို မတွေ့ရတော့ပေ၊ ပြည်သူအများပါဝင်ဆွေးနွေးရ မည့် ဘတ်ဂျက်ဆိုသည်မှာ အိပ်မက်သဘွယ်သာဖြစ်နေသည်၊

ယခုအချိန်တွင် ဘတ်ဂျက်ရေးမည်ဆိုသော် အောက်ပါ အချက် အလက်များ ပါဝင်ရလိမ့်မည်၊

ကျွန်တော်တို့ နိုင်ငံအတွက် ယနေ့ အရေးကြီးဆုံးလုပ်ရမည့် အလုပ်မှာ အစိုးရ၀န်ထမ်းတွေသည် မိမိအလုပ်ကိုမိမိလုပ်နိုင်ရေးစီစဉ်ပေးရန်ပင်ဖြစ်ပါသည်၊ ကျောင်းဆရာသည် စာသင်သော အလုပ် ကိုလုပ်၊ ဆရာဝန်တွေက ဆေးကုသရေး နှင့် အင်ဂျင်နီယာများကတည်ဆောက်ရေးလုပ်ငန်း များကိုလုပ်ကြရန်ပင်ဖြစ်သည်၊ စစ်သားတွေက  နိုင်ငံတော်ကာကွယ်ရေး လုပ်ငန်းတွေကိုသာ လုပ်ပြီး၊ အုပ်ချုပ်ရေး၊ မြို့ပြစီမံခန့်ခွဲရေးကိစ္စတွေ မှာပါဝင်စရာ မလိုပါ။

ထိုကိစ္စသည် အချိန်မည်မျှကြာအောင် ဖြေရှင်းအကောင်အထည်ဖော်ရမည်ကို ကျွန်တော်မသိ၊     ထိုကိစ္စပြီးလျင် ကျွန်တော်တို့ နိုင်ငံအတွက် လုပ်ဆောင်စရာရှိသည်တို့ မှာအောက်ပါအတိုင်းဖြစ်  ပါသည်။

ကျွန်တော်တို့ နိုင်ငံတွင်  e-government  ခေါ် အစိုးရ၏ မှတ်တမ်းမှတ်ရာများအတွက် ဒီဂျစ်တယ်  မှတ်တမ်းများထားရှိနိုင်ရန် ဦးစားပေးဆောင်ရွက်သင့်ပါသည်၊ နိုင်ငံသူ နိုင်ငံသားများ၏ မှတ်ပုံတင်၊ မှတ်တမ်းမှတ်ရာတွေ၊ လိပ်စာတွေ၊ အသက်တွေ အချက်အလက် data တွေကိုဒီဂျစ်တယ် ဖိုင်များနှင့် ထားနိုင်ရပါမည်၊

ဘဏ်လုပ်ငန်းငွေပေးငွေယူကိစ္စ နှင့် ဈေးဝယ်ရာတွင်အီလက်ထရောနစ် နည်းနှင့် ၀ယ်နိုင်ရေး အစိုးရ အခွန် အကောက်ကိုပေးရာတွင်၎င်း၊ ရထားလက်မှတ်၊  ကားလက်မှတ်ဝယ်ရာတွင် ၄င်း အားလုံးသည် ဒီဂျစ်တယ်နည်းကိုသုံးနိုင်ကြရပါမည်။

နိုင်ငံနှင့် အ၀ှမ်း  ဟိုက်ဝေး (Highway) လမ်းမကြီးများ ဥဒဟိုဖောက်ထားပြီး ပြည်သူလူထု ခရီးသွားလာရေး၊ ကုန်စည်စီးဆင်းရေးသည် ချောမွေ့နေစေရပါမည်၊ သင်္ဘောဆိပ်၊ လေဆိပ်၊ ကုန်ပစ္စည်း အ၀င်အထွက်၊ အကောက်အခွန် ရရှိရေးကိစ္စတွေသည် လွယ်ကူချောမွေ့နေ စေရပါ မည်။
ပြည်သူလူထုသည် အခြေခံလိုအပ်ချက်တွေဖြစ်သည့်နေစရာအိမ်၊ လျှပ်စစ်မီး၊ သန့်ရှင်းသောရေ၊  လောင်စာဆီ၊ လုံလုံလောက်လောက်ရှိစေရပါမည်။

သိက္ခာရှိသောဆရာ၊ ဆရာမများဖြင့် ကမ္ဘာ့အဆင့် အတန်းမှီပညာသင်ရာဌာနကြီးများရှိရမည်၊  ကျောင်း၊ စာကြည့်တိုက်၊ အင်တာနက်စသည်ဖြင့် ပညာရေးအတွက်  လိုအပ်ချက်များ ဖြည့်ဆည်း ပေးရမည်။

ကျန်းမာရေးအတွက် ဆေးရုံ ၊ ဆေးပေးခန်းအဆင့်မှီရမည့် ပြည်သူအားလုံး အခြေခံကျန်းမာရေး လိုအပ် ချက် ကို သင့်တော်သောအဖိုးအခဖြင့် ဖြည့်ဆည်းပေး နိုင်ရမည်။

စက်မူလက်မူလုပ်ငန်း၊ ထုတ်ကုန် နိုင်ငံခြားရင်းနှီးမူများ၏ အရေးအစီအစဉ်တွေ ချမှတ်ရမည်၊ ရင်နှီး မြုပ်နှံ မည့် သူအတွက် ဥပဒေနည်းလမ်းများမှာရှင်းရှင်းလင်းလင်းချမှတ်ပြီး ဖြစ်ရမည်၊ နိုင်ငံသားများအတွက် ကိုယ်ပိုင်လုပ်ငန်း၊ စက်ရုံအလုပ်ရုံတည်ဆောက်ရေး၊ စီးပွားရေးလုပ်ငန်းအလွယ်တကူလုပ်နိုင်ရန် စီစဉ်ပေး ရမည်။

စစ်တပ်ကအသုံးမလိုဘဲသိမ်းထားသောမြေများကိုပြည်သူများအတွက် ဖွံ့ဖြိုးရေး၊ အိုးအိမ်တည်ဆောက်ရေး လုပ်ငန်းများတွင် အသုံးပြုနိုင်စေရမည်၊

(၅)

ဗီယက်နမ်နိုင်ငံကိုအလည်ရောက်လာသောဧည့်သည်များအတွက် ဧည့်ကြိုလုပ်သူက “ ကျမတို့နိူင်ငံက နှစ်ထောင်ချီပြီးတရုပ်တွေနဲ့ စစ်တိုက်ခဲ့တယ်၊ ပြင်သစ်ကို နှစ်တစ်ရာ၊ အမေရိကန်နဲ့ အနှစ်၂၀ စစ်ဖြစ်ခဲ့တယ် အဲဒီစစ်ပွဲတိုင်းကိုကျမတို့ကဘဲနိုင်ခဲ့တယ်” ဟုသူတို့် နိုင်ငံအကြောင်းကိုရှင်းပြမိတ်ဆက်တတ်ပါ သည်၊ ကျွန်တော်တို့ကား ငေးဘဲနေရသည်၊ ဟုတ်တုတ်တုတ် ဟုသာမှတ်ချက်ချရတော့သည်၊

မြန်မာနိုင်ငံကိုအလည်ရောက်လာသောမိတ်ဆွေများကိုမူ အခုလိုရှင်းပြလိုက်ချင်ပါသည်၊ “ကျမတို့ နိူင်ငံ ဟာဗုဒ္ဓဘာသာအများစုကိုးကွယ်တဲ့  နိူင်ငံဖြစ်ပြီး ရာစု နှစ်ပေါင်း များစွာ ငြိမ်းချမ်းစွာနေခဲ့ကြပါတယ်၊ အင်္ဂလိပ်တွေရောက်လာ ပြီး နှစ်တရာလောက်၊ အုပ်စိုးသွား တယ်၊ ဒီမိုကရေစီခေတ်က ၁၅ နှစ်ပဲခံတယ်၊ စစ်တပ်ကအုပ်ချုပ်နေတာ နှစ် ၅၀ ကျော်ပြီအခုချိန်ကစပြီး စစ်တပ် နဲ့ပေါင်းပြီးဒီမိုကရေစီလမ်းကြောင်း ပေါ် ရောက်နေပါပြီ၊ အောင်မြင်ဘို့ နှစ်အနည်းငယ်ဘဲ၊ စောင့်ရ တော့မယ်” ပာုပြောရလိမ့်မည်ထင်သည်၊ ……

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုသန်းလွင်, သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်