ေ မာ င် မိုး သူ မြ န် မာ ပြ န် သ ည် – ရှ က် ပြီးေ သ တဲ့ သေ င်္ဘာ ( အ ပို င်း – ၂ )

March 20, 2015

ေ မာ င် မိုး သူ မြ န် မာ ပြ န် သ ည် – ရှ က် ပြီးေ သ တဲ့ သေ င်္ဘာ ( အ ပို င်း – ၂ )

NICHOLAS MONSARRAT – THE SHIP THAT DIED OF SHAME

(မိုးမခ) မတ်လ ၂၀၊ ၂၀၁၅

=========
မိုးမခမဂ္ဂဇင်း
အတွဲ
၂၊ အမှတ် ၂ (ဖေဖော်ဝါရီ) ၂၀၁၅ မှ စတင်ဖော်ပြနေသည့် မိုးမခ
ဘာသာပြန်ဝတ္ထုတိုကဏ္ဍတွင် အခန်းဆက်ဖော်ပြနေခြင်း ဖြစ်ပါသည်။
မိုးမခအင်တာနက်စာမျက်နှာ ပရိတ်သတ်များအတွက် ပြန်လည်ဖော်ပြပေးလိုက်ပါသည်။

=======


စစ်ကြီးအပြီး ခြောက်နှစ်ကြာပြီးနောက် ကျုပ်ဟာ ကမ်းခြေစောင့်ရေတပ် သင်္ဘောသားကလပ်ရဲ့ဘားမှာ ငုတ်တုပ်ထိုင်နေ ပါတယ်။ စိတ်ထဲမှာတော့ ကျုပ် ဘာကြောင့်များ အလုပ်မရှိ အကိုင်မရှိ စစ်ပြန်ဘဝရောက်နေပါလိမ့်လို့ တွေးနေမိတယ်။

ကမ်းခြေစောင့်ရေတပ်ကလပ်မှ ငုတ်တုပ်ကြီးထိုင်နေရတာ စိတ်ပျက်စရာကောင်းပါတယ်။ ကလပ်ကလည်း စုတ်ပြတ်သပ် ချာတာတာပါဗျ။ ကလပ်ထဲမှာလည်း ထိုင်နေကြတဲ့ငနဲတွေကလည်း ကျုပ်လိုအကောင်တွေချည်းပဲဗျ။ စစ်အတွင်းမှာတော့ အကောင်းစားတွေပေါ့ဗျာ။ စစ်ကြီးပြီးသွားတဲ့အခါမှာ ဘယ်နေရာမှ အသုံးမကြတော့ဘူးဗျ။ ပြီးတော့ ကျုပ်တို့တတွေက စစ်အတွင်းကအောင်မြင်ခဲ့တဲ့လုပ်ရပ်တွေ တိုက်ပွဲတွေအကြောင်း စမြှုပ်ပြန်နေကြရတာပေါ့ဗျာ။ ကျုပ်တို့ စစ်ပြန်အလုပ် လက်မဲ့ တွေအတွက် အရသာရှိတဲ့ စမြှုပ်ပြန်စရာက ဒါပဲရှိတာကိုး။

အမှန်ကတော့ စိတ်ဓာတ်ကျစရာကောင်းလှပါတယ်။ အပေါစားဘားလေးတစ်ခုမှာထိုင်၊ ရေလိုဖြစ်နေတဲ့ ဘီယာခွက်ကို ကိုင်ပြီး ဘဝတူ ရေတပ်စစ်ပြန် အလုပ်လက်မဲ့တွေထိုင်ကြ၊ တစ်ယောက်နဲ့တစ်ယောက် ရေတပ်အတွင်းသုံးခဲ့ကြတဲ့ ဘန်း စကားလေးတွေပြော  တစ်ယောက် တစ်ယောက် ပုခုံးဖက်လိုက် ကျောပုတ်လိုက်နဲ့ နေကြရတာလေ။ ကျုပ်တို့ဘဝ အသုံးဝင် အသုံးကျတာကလည်း အဲဒီအချိန်လေးပဲ ရှိခဲ့ကြတာပဲ။ အခု အပြင်လောကကြီးဟာ ကျုပ်တို့ရင်ဆိုင်ကြဖို့ ခက်ခဲလှပါတယ်။

ကျုပ် ခဏ ခဏ စဉ်းစားတယ်။ ကနေ့ အပြင်လောကကြီး၌ ရင်ဆိုင်လုပ်ကိုင်ဖို့ ဘာကြောင့်များ ခက်ခဲရပါလိမ့်။ အဲဒီအတွေးကို ကျုပ်အကြိမ်တစ်ရာမက စဉ်းစားမိတယ်ဗျ။ စဉ်းစားလိုက်တိုင်း ကိုယ့်ကိုယ်ကိုယ်လည်း ဘာကောင်တွေပါလိမ့်လို့ အမြဲတွေး မိတယ်။ စစ်ကြီးအတွင်းမှာတော့ ကျုပ်တို့ဟာ ထူးချွန်ကောင်းမွန်တဲ့သူတွေပေါ့။ စစ်ကြီးလည်းပြီးရော ကျုပ်တို့ဘဝဟာ အသုံးကိုမကျတာ့ဘူး။ ကျုပ်တို့ ဥပမာပြောမယ်ဗျာ။ ၁၉၄၄ ခုနှစ်မှာ ပေါင် ၉၀၀၀ တန်တဲ့ သင်္ဘောတစ်စင်းကို ကျုပ် လက်ထဲအပ်တာကိုခံရတယ်။ အဲဒီသင်္ဘောနဲ့အတူ ရဲဘော်အသက်ပေါင်း ၂၄ ယောက်ကို ကျုပ်လက်ထဲ ယုံယုံကြည်ကြည်နဲ့အပ်တာကိုခံခဲ့ရတယ်။ ဟော .. ၁၉၅၀ ခုနှစ်ကြတော့ ဘယ်သူမှ ဘာကိစ္စမှ ကျုပ်ကို ယုံယုံကြည်ကြည်နဲ့အပ်တာ မရှိတော့ ဘူး။ လွန်ခဲ့တဲ့ ၆ နှစ်က ကျွမ်းကျွမ်းကျင်ကျင် လုပ်ဆောင်ခဲ့တဲ့အရည်အချင်းတွေက စစ်ကြီးလည်းပြီးရော မျက်မှောက်ငြိမ်း ချမ်းရေးကာလမှာ ကျုပ်က ဘယ်နေရာမှ အသုံးမဝင် အသုံးမကျဖြစ်နေပြီလား။

ကျုပ်က ကျုပ်ကိုကျုပ် ဝမ်းနည်းနေတာမဟုတ်ပါဘူး။ ဒါပေမယ့် အဲဒီအတွေးဟာ ကျုပ်အတွက် အဖြေမရှိတဲ့ ပဟေဠိ ပုစ္ဆာဖြစ်နေတယ်ဗျ။ ကျုပ်က ရှေ့မှာရှိတဲ့ ဘီယာခွက်ထဲက တစ်ငုံကိုသောက်လိုက်ပြီး ကျုပ်ပတ်ဝန်းကျင်ကိုကြည့်လိုက်မိ တယ်။ ကျုပ်တို့ရဲ့ ဘဝတူ ရဲဘော်ဟောင်းတွေဟာ အတော်လေးမူးနေကြပြီဆိုတော့ စစ်အတွင်းက သီချင်းတွေဆိုဖို့ပြင် ဆင်နေကြပြီဗျ။ ကျုပ်တို့စစ်ပြန်တွေရဲ့ဘဝက အလုပ်ထွက်ခါစက တော်တော်အဆင်ပြေတယ်။ ကျုပ်တို့စုဆောင်းထားတဲ့ ပိုက်ဆံလေးတချို့လည်းရှိတယ်။ တပ်ကပေးတဲ့ ပင်စင်တွေ ဂရက်ကျူရီတွေလည်းရှိတယ်။ ကျုပ်တို့ရဲ့ အတိတ်ကစွမ်းရည် လုပ်ရပ်တွေကလည်း ရှိသကိုး။ အခုတော့ ကျုပ်တို့တတွေ ဘာမှအသုံးမကျတော့ဘူးဗျ။ ကျုပ်ပတ်ဝန်းကျင်ကိုကြည့်ပြီး ကျုပ်စိတ်မချမ်းမသာဖြစ်ပြီး ဘားထဲက ထွက်လာခဲ့မိတော့တယ်။

ဘားထဲကထွက်လာပေမယ့် ကျုပ်ဘဝအဖြစ်အပျက်အတွေးတွေက မဆုံးနိုင်ဘူး။ နယ်လှည့်အရောင်းသမားလုပ်ဖို့ရယ်၊ စာ ရေးလုပ်ဖို့ရယ်၊ ရွက်လှေသင်္ဘောပွဲစားလုပ်ဖို့ရယ်၊ ရှိစုမတ်စုအရင်းလုပ်ဖို့ရယ်၊ နောက်ဆုံး နယ်လှည့်အရောင်းသမားပြန်ဖြစ်တာပဲ၊ ကျုပ်ဘဝဟာ တဖြည်းဖြည်းနဲ့ နိမ့်ကျသထက် နိမ့်ကျလာတော့တယ်။

ဒီလိုဒီလိုနဲ့ပဲ ကျုပ်က အလုပ်ရွေးမနေနိုင်တော့ဘူးဗျ။ အလုပ်ရှင်အသစ်တိုင်းကိုလည်း “(ဆာ)” လို့ခေါ်ဖို့လည်း ဝန်မလေး တော့ဘူး။ ဒါပေမယ့် နောက်ကျသွားပြီထင်ပါရဲ့ဗျာ အဆင်မပြေလှပါဘူး။ ဒါမှမဟုတ် ကျုပ်ကိုယ်တိုင်ကပဲ ဘာမှအသုံးမကျ ဖြစ်နေလေရော့လား။

ကျုပ်တို့အတွက် ရေတပ်သင်္ဘောသားဟောင်း ကလပ်ဟောင်းလေးကပဲ နားခိုရာဖြစ်နေတော့တယ်။ ဘဝတူတွေ စုနေကြ၊ အပေါစားဘီယာတွေသောက်ကြ၊ စစ်အတွင်းက ရွှေထီးဆောင်းခဲ့တဲ့အဖြစ်ကို စမြှုပ်ပြန်ကြပြီး နေကြရတဲ့အဖြစ်ရောက် တော့တာပေါ့ဗျာ။

တကယ်လို့သာ ကျုပ်ဇနီး လူစီလီဇာ ကျုပ်နံဘေးမှာရှိရင် အခြေအနေက တမျိုးဖြစ်နိုင်တယ်။ လူစီလီဇာ ကျုပ်လက်ကို တွဲ ခေါ်ပြီး အခြေအနေတခုကိုတည်ဆောက်မယ်ဆိုရင် ကျုပ်ဘဝလည်း မြင့်တတ်နိုင်မှာပေါ့။ အခုတော့ ကျုပ်ဘေးမှာ လူစီလီ လည်းမရှိတော့တာ ၇ နှစ်တောင်ရှိခဲ့ပြီပဲ။ ကျုပ်ဘဝတဖြည်းဖြည်းနဲ့ နိမ့်ကျသထက်နိမ့်ကျလာခဲ့ရာ ကုန်းကောက်စရာမရှိတဲ့ ဘဝကိုရောက်တာပဲ။

အခုတော့ လန်ဒန်ရဲ့မြို့ဦးလမ်းတွေအတွင်းမှာ အလုပ်လက်မဲ့ကျုပ်၊ ဘိုင်ကျနေတဲ့ကျုပ်၊ ကျုပ်နံဘေးမှာ ခပ်ဝဝတယောက် ထိုင်နေတယ်။ သူက ပေါက်တတ်ကရစကားတွေပြောတယ်။ ကျုပ်ကလည်း သူပြောတုန်းကစကားတွေကို ကြားဖြတ်ပြီး ‘အင်း အင်း’ ဆို ထောက်ခံတယ်။ သူပြောတဲ့စကားတွေက ကျုပ်တို့နှစ်ယောက်စလုံး အကြိမ်ပေါင်းများစွာပြောပြီးစကား တွေချည်းပါပဲ။ အဲဒီအချိန်မှာ ဘားခန်းထဲကို လူတစ်ယောက်ဝင်လာသည်။ သူက … ကျုပ်ကလည်း … “ဒီဘားရဲ့အကျဉ်း သားပဲဗျ” လို့ပြောတယ်။ ဝင်လာတဲ့သူကိုလှမ်းကြည့်လိုက်တော့ ဂျော့ဟော်စကင်ဖြစ်နေတယ်။ ချက်ချင်းပဲ တစ်ယောက် နှင့်တစ်ယောက် တစ်ပြိုင်တည်း မြင်ကြတယ်။ ကျုပ်က ထတယ်၊ သူက ကျုပ်ဆီတန်းပြီးလာတယ်။

ကျုပ်က …“ဟဲလို ဂျော့ …” လို့ နှုတ်ဆက်လိုက်တော …
သူက “ခင်များကို ဒီမှာတွေ့မယ်လို့ထင်သားပဲ”

ကျုပ်တို့နှစ်ယောက်တစ်ယောက်ကိုတစ်ယောက်ကြည့်ကြတယ်၊ သူကျုပ်ကိုမြင်တဲ့ပုံပန်းကတော့ ရှင်းပါတယ်။ ပိန်ပိန်ပါးပါး ဝတ်စုံဟောင်းဟောင်း ခပ်စုပ်စုပ် ရေတပ်သားဟောင်းပုံအတိုင်းပဲပေါ့။ ကျုပ်မြင်ရတဲ့ ဟော့စကင်ပုံကတော့ ကျုပ်နဲ့တခြားစီပဲ။ ဟိုးရှေးတုန်းကပုံပန်းမျိုး လုံးဝမဟုတ်တော့။

ဟော်စကင်က အောင်မြင်ကြီးပွားနေပုံရတယ်။ ကျကျနနချုပ်ထားတဲ့ အမည်းရောင်ဝတ်စုံဝတ်ထားတယ်။ အညိုရောင် လည်စီး စည်းထားတယ်။ သူ့ပုံပန်းက ကျုပ်နဲ့တခြားစီပဲ။ အောင်မြင်ကြီးပွားနေတဲ့ပုံစံမျိုး။ ကျုပ်တို့နှစ်ယောက် ဘားအလယ် ခေါင်စားပွဲမှာထိုင်ပြီး တစ်ယောက်နှင့်တစ်ယောက် ကြည့်နေကြတယ်။ ကျုပ်တို့နှစ်ယောက်မတွေ့ကြတာ ၅ နှစ်ကျော်ပြီပေါ့။ ကျုပ်နှင့်အတူ နောက်ဆုံးတွေ့ခဲ့တာက ကျုပ်က MGB1087 ကျုပ်က အဲဒီသင်္ဘောရဲ့ကပတိန်၊ သူက ကျုပ်လက်ထောက် ပထမ လက်ဖတင်နင်။ သူက စုပ်ပြတ်နေတဲ့အရက်ဆိုင်ကလေးနဲ့ ကျုပ်ပတ်ဝန်းကျင်ကို ကြည့်တယ်။ သူက …

“ဒီမှာရှိတဲ့လူတွေက စစ်တိုက်နေကြတုန်းပဲထင်တယ်”

ဟုတ်တယ် ကျုပ်ကိုယ်တိုင်ပဲ အဲဒီလိုတွေးနေမိတာပဲ။ ဒါပေမယ့် … “အဲဒီလိုခပ်ဆင်ဆင်ပါပဲကွာ” ပြီးမှ “မောင်ရင်ဘာ သောက်မလဲ”
သူက …. “ဖြစ်နိုင်ရင် ပန်းရောင်ဂျင် ခပ်ကြီးကြီးတစ်ခွက်”

ကျုပ်လည်း သူ့အတွက်ဂျင်မှာလိုက်ပြီး ကျုပ်အတွက် ဘီယာပဲမှာလိုက်တယ်။ ပတ်ဝန်းကျင်ကလူတွေအားလုံးကလည်း ကျုပ်တို့်ရှိရာကို မျက်စိရောက်နေကြတယ်။ ဒီခပ်စုပ်စုပ် ရေတပ်သားဟောင်းကလပ်မှာ ဘယ်သူမှ ဂျင်မသောက်ကြဘူး။ ဘာလို့တုန်းဆိုတော့ ဂျင်က ဈေးကြီးတယ်။ ဟော်စကင်က ကျုပ်ကိုကြည့်ပြီး … “ခင်ဗျားကိုတွေ့ရတာ ဝမ်းသာတယ်ဘေလ်။ ခင်ဗျား ဘာတွေလုပ်နေလဲ”

ဟော်စကင်ဟာ ကျုပ်ကိုကပတိန်လို့ပဲခေါ်ခဲ့တာ ကျုပ်နာမည်မခေါ်ဘူးဖူး။ ကျုပ်က    “ဒီလိုပါပဲကွာ။ ဟိုလိုလုပ် ဒီလိုလုပ်ပါ ပဲ”

ဟော်စကင်ကခေါင်းငြိမ့်ပြီးကြည့်တယ်။ ကျုပ်ကလည်း တန်ပြိုင်ကြည့်တယ်။ သူဝတ်စားဆင်ယင်ထားပုံနဲ့ ကျုပ်ဝတ်စား ဆင်ယင်ထားပုံက တခြားစီပဲ။ ကျုပ်တို့နှစ်ယောက်က ရှေးဟောင်းနှောင်းဖြစ်တွေပြောတယ်။ နောက်ဆုံးတော့ ကျုပ်က “မောင်ရင်ရော ဘာတွေလုပ်နေလဲ”

ဟော့စကင်က …     “ဟိုဟာလုပ် ဒီဟာလုပ်ပြီးတော့ ဒီနေ့ခေတ်ကြီးက လုပ်ရကိုင်ရတာလည်း မလွယ်ဘူးဗျ။ စည်းကမ်းတွေ ဥပဒေတွေကလည်း အရမ်းတင်းကျပ်တာ”

နှစ်ယောက်သား သောင်စင်ရေမရတွေပြောကြတယ်။ ပြီးမှ သူက     “ခင်ဗျားမှာ လက်ရှိအတည်တကျ အလုပ်အကိုင်မရှိဘူး။ ခင်ဗျားနဲ့ သင့်တော်မယ့်အလုပ်တခု ကျုပ်စဉ်းစားမိထားတာရှိတယ်ဗျ”

ကျုပ်က ဘာမှမပြောပဲ သူ့ကိုကြည့်နေတယ်။ ဘာပဲပြောပြော လောကကြီးမှာ ကျုပ်နဲ့ကိုက်ညီတဲ့အလုပ်ရှိနေတယ်ဆိုတဲ့ သတင်းကြားရတာပဲ ဝမ်းသာရတာပေါ့ဗျာ။ ကျုပ်အဲဒီလိုတွေးနေမိတာကို ဟော့စကင်ကလည်း သိနေပုံရတယ်။ သူက “သ င်္ဘောတစ်စင်း လိုတာပဲဗျ။ အကောင်းစားသင်္ဘောတစ်စင်း။ လူနှစ်ယောက်ထဲနဲ့ မောင်းလို့ရတဲ့ဟာ။ ကျနော်နဲ့ ခင်ဗျားနဲ့ပဲ”

ကျုပ်ကဘာမပြောသေးဘဲ သူ့ကိုကြည့်နေမိတယ်။ သူက  “အဲဒီမော်တော်က မြန်မြန်မောင်းနိုင်တဲ့သင်္ဘောဖြစ်ရမယ်။ ရေ လက်ကြားကို အပြန်အလှန်မောင်းနိုင်တဲ့သင်္ဘောမျိုးပေါ့”

ပြောရင်းဟော့စကင်က ပြုံးတယ်။ ပြီးတော့ …
“ကျုပ်တို့နှစ်ယောက်စလုံး ရေလက်ကြားကို အခေါက်ပေါင်းမရေတွက်နိုင်အောင် ဖြတ်ခဲ့ကြတယ်မဟုတ်လား”
“ကျုပ်က ဘာတွေအသယ်အပို့လုပ်ကြရမှာလည်း ခရီးသည်တွေလား ကုန်တွေလား”

ဟော်စကင်က ခေါင်းညိမ့်ပြတယ်။
“ရရာပေါ့ဗျာ မြန်ဖို့ပဲလိုတာပဲ”

ကျုပ်က ….
“ကျုပ်တို့နှစ်ယောက်ကတော့ဟုတ်ပါပြီ။ ဘယ်သူက သင်္ဘောအတွက် ပိုက်ဆံထုတ်ပေးမှာလဲ”

ဟော်စကင်က ကျုပ်ကိုစိုက်ကြည့်ပြီး
“ကျုပ်မှာမိတ်ဆွေတွေရှိပါတယ်။ အဲဒီလူတွေထဲမှာ စည်းကမ်းတွေ ဥပဒေတွေ တင်းကျပ်မှုတွေ သဘောမကျကျဘူး။ အဲဒီ အလုပ်ကို ခင်များစိတ်ဝင်စားသလား”

ကျုပ်က … “စိတ်ဝင်စားပါတယ်”
ဟော်စကင်က …“ကောင်းဗျာ”

ဟော်စကင်သည် ပြုံးပြီး ပတ်ဝန်းကျင်ကိုကြည့်သည်။ ပြီးမှ … “ကျုပ်တို့နှစ်ယောက်အတွက် လွတ်လွတ်လပ်လပ် စကားပြော စရာမရှိဘူးလား”

ကျုပ်က …
“အပေါ်ထပ်မှာတော့ စာရေးစာဖတ်တဲ့ အခန်းတစ်ခန်းရှိတယ်။ များသောအားဖြင့် အားနေတာပါပဲ”
“အိုကေ ကျုပ်တို့ခွက်တွေယူပြီး အပေါ်တတ်ကြတာပေါ့”

ကျုပ်ကအိပ်ထဲကိုနှိုက်ပြီးလုပ်နေချိန်မှာပဲ ဟော့စကင်က အိပ်ထဲက တစ်ပေါင်တန်စက္ကူထုပ် ဘားကောင်တာပေါ်ကိုချတယ်၊
“အားလုံးအရက်ဖိုးတွေအတွက် လောက်ပါတယ်နော်”

ဘာကောင်တာမှလူက ခေါင်းငြိမ့်ပြသည်။
“ဘယ်မလောက်ရှိမှာလဲ ပိုတောင်ပိုနေအုံးမှာ”

ကျုပ်တို့နှစ်ယောက် အပေါ်ထပ်တက်သွားကြသည်။ ကျုပ်က .. “မောင်ရင်ဆိုလိုတာက ကျုပ်တို့မှောင်ခိုလုပ်ကြရမှာလား”
ဟော်စကင် ခေါင်းငြိမ့်ပြပြီး …“ဟုတ်တယ်”

ကျုပ်က ကန့်ကွက်စကားတွေ ဘာတွေ ပြောမနေတော့ပါဘူး။ ကျုပ်အခြေအနေကလည်း ဘိုင်ကျ၊ အလုပ်လက်မဲ့ဘဝ ဘိုင်ကျတဲ့အပြင် အကြွေးတောင်တင်နေသေးတယ်။ အပေါ်ထပ်အခန်းထဲရောက်တော့ ဟော့စကင်က သူ့စိတ်ကူး သူ့လုပ် ငန်းကိုရှင်းပြတယ်။ တကယ်တော့ မှောင်ခိုချတာပဲပေါ့ဗျာ။ မှောင်ခိုကုန်ပစ္စည်းတွေဟာ မှောင်ခိုလမ်းကြောင်းနဲ့ ဝင်လာရရင် အမြတ်အစွန်းကြီးတာပေါ့။

ကျုပ် လက်ရှိအခြေအနေက အရမ်းဆိုးနေတယ်။ ဟော့စကင်ပြောတဲ့အတိုင်း မှောင်ခိုလုပ်မယ်ဆိုရင်တော့ ကြီးပွားနိုင်သ ပေါ့လေ။

ကျုပ်လည်း ကျုပ်ရဲ့အင်္ဂလန်နိုင်ငံကြီးအခြေအနေကို စဉ်းစားပါတယ်။ အင်္ဂလန်ဟာ စစ်ရဲ့ဘေးဒဏ်ကြောင့် စီးပွားရေးချွတ်ခြုံ ကျပြီး ရုန်းထရတဲ့အခြေအနေလေ၊ တည်ဆောက်မှုတွေ ရုန်းကန်မှုတွေ လုပ်နေကြရဆဲပေါ့။ တိုင်းသူပြည်သားများရဲ့ ဘဝ ကလည်း ရုန်းကန်ရှင်သန်ဖို့ ပင်ပင်ပန်းပန်းကြိုးစားကြရတာပေါ့။ ကျုပ်ကိုယ်တိုင်လည်း အဲဒီအထဲမှာတစ်ယောက်ပါတာပေါ့။

ဒီိအခြေအနေမျိုးမှာ ဟော့စကင်ရဲ့ အကြံဉာဏ်စိတ်ကူးတွေ ငြင်းဆန်ဖို့ ခွန်အားသိပ်မရှိတော့ဘူး။ အဲဒီလိုနဲ့ပြောရင်းဆိုရင်း ညနေပိုင်းရောက်လာတယ်။ ကျုပ်ကပြောမိတယ် …“အေးကွာ ဒို့ရဲ့သင်္ဘောကိုသာ ပြန်ရလိုက်ရင် အကောင်းဆုံးဖြစ်မှာပဲ”

ဟော့စကင်က ချက်ချင်းခေါင်းငြိမ့်တယ်။ သူလည်း ကျုပ်လိုတွေးနေပုံရတယ်။
“ခင်ဗျားအဲဒီလိုပြောမှ ပြောပါ့မလားလို့။ ကျနော်တို့သင်္ဘောဘယ်မှာရှိသလဲဆိုတာ ကျုပ်သိတယ်။ စစ်သုံးရေယာဉ်ဟောင်း များနေရာမှာပေါ့”
+++++

MGB1087 ပြန်မြင်ရတာ ဝမ်းသာအံ့သြစရာပါပဲ။ သင်္ဘောဟာ ပစ်ထားခံရတာကြာပြီမို့ စုတ်ပြတ်နေတာတော့ အမှန်ပေါ့ဗျာ၊။ အမ်ရှားရားမြို့က လစ်မစ်တန်မြစ်ရဲ့မြေအပုံအထဲမှာ တုံးလုံးပက်လက်လဲနေတာဗျ။ ဟော်စကင်နဲ့ ကျုပ်ဟာ ကုန်းဘောင်နှစ် ချပ်သုံးချပ်ကိုဖြတ်ပြီး သင်္ဘောပေါ်တက်လိုက်တဲ့အချိန်မှာ ဟောင်းနွမ်းဆွေးမြည့်နေတဲ့ အတိတ်ထဲကို ခြေလှမ်းချလိုက်သလို ခံစားရပါတယ်။ သင်္ဘောဟာ စွန့်ပစ်ခံရတဲ့ဇနီးမယားတစ်ယောက်လို ချစ်ခင်သူလည်းမရှိ၊ ဂရုစိုက်သူလည်းမရှိ ဖြစ်နေရှာ သလို ခံစားရပါတယ်။ သင်္ဘောမှာသုတ်ထာတဲ့ဆေးတွေကလည်းကွာပြီး ရေညှိတွေတောင်တတ်နေပြီ။ သူမ အဲဒီ သင်္ဘော ရဲ့ဘဝမှာ ဂုဏ်ယူစရာကောင်းတဲ့အတိတ်ပဲ ပြသစရာရှိတယ်လို့ ဖြစ်နေပါပြီ။ သင်္ဘောရဲ့ကုန်းဘက်တစ်နေရာမှာ ဗုံးဆန်ထိမှန်ထားတဲ့ဒဏ်ရာဟောင်းသာမတွေ့ရရင် ကျုပ်သင်္ဘောလို့ မှတ်မိမလားတောင် မပြောနိုင်ဘူး။

ဟော်စကင်ကလည်း သင်္ဘောကိုလှည့်ပတ်ကြည့်ပြီး ကျွမ်းကျင်တဲ့ သင်္ဘောသားတစ်ယောက်လိုတယ်။

“ပြင်ရမှာတွေကတော့ အများကြီးပဲဗျို့။ ဒါပေမယ့် သင်္ဘောဆောက်ထားတဲ့လူတွေက အခိုင်အမာဆောက်ထားတော့ ကောင်းသေးတယ်ဗျ”

ကျုပ်က “ဒို့အတွက်တော့ အင်ဂျင်လေးလုံးတောင် မလိုလောက်ပါဘူးကွာ။ လေးလုံးဆိုရင် ကုန်ကျစရိတ်များတာပေါ့”
ဟော်စကင်ကပြုံးပြီး“ဟုတ်တာပေါ့ဗျာ။ ကျုပ်တို့အတွက်တော့ နေရာကျယ်ကျယ်ဝန်းဝန်းရတာပေါ့”

နှစ်ယောက်သား သံချေးတက်နေတဲ့ သင်္ဘောအခန်းထဲဝင် ကျုပ်တို့နှစ်ယောက် အကြိ်မ်ပေါင်းများစွာထိုင်ခဲ့တဲ့နေရာမှာ ထိုင် လိုက်ကြတယ်။ နှစ်ယောက်သား အနာဂတ်အတွက် ပြင်ဆင်ဖို့စဉ်းစားကြတယ်။ အတိတ်က ထမ်းဆောင်ခဲ့တဲ့စွမ်းရည်တွေကို ပြန်ပေးကြဖို့ ကျုပ်တို့မှာတာဝန်ရှိသလို ခံစားရပါတယ်။

ကျုပ်ဟာ လစ်မစ်တန်မြစ် သင်္ဘောကျင်းထဲမှာပဲ သုံးလလောက်ကြာအောင် သင်္ဘောကိုပြင်ဆင်ရပါတယ်။ ပြင်ဆင်ရတာ ကတော့ ကျုပ်အတွက် အလွန်ပျော်မွေ့ဖွယ်ရာ ကောင်းလှပါတယ်။ ဟော့စကင်ကတော့ လန်ဒန်မှာနေပြီး သင်္ဘောလိုင်စင်ရဖို့ ဘာတို့ ညာတို့ MGB1087 ကို လိုအပ်တဲ့ လုပ်ငန်းဆောင်တာအဝဝကို  လုပ်နေလေရဲ့။ တခါတလေတော့ ဒီလို သင်္ဘောပြင် တဲ့ဆင်တဲ့အလုပ်ဟာ ပထမလက်ဖတင်နင်ဖြစ်တဲ့ ဟော့စကင်လုပ်ရမယ့်အလုပ်တွေပဲလို့ တွေးမိတဲ့အခါတွေလည်း ရှိပါ တယ်။ ဒါပေမယ့် အခုမျက်မှောက်အခြေအနေက စစ်အတွင်းကလိုမဟုတ်တော့ပဲ ပြောင်းပြန်ဖြစ်သွားပြီ။ သင်္ဘောကို ပြန် တွေ့တွေ့ချင်း ဟော့စကင်ပြောတာက ‘ကျုပ်တို့ လုပ်စရာတွေအများကြီးရှိတယ်’ အဲဒီပြောတဲ့ အဓိပ္ပါယ်ကိုကလည်း ပြင်စရာ ဆင်စရာ လုပ်စရာ ကိုင်စရာအကုန်လုံးကို ကျုပ်က လုပ်ရကိုင်ရမယ့်သဘောပါပဲ။ သူက ကုန်ကျစရိတ်တွေပေးထားတဲ့လူကို၊၊

အနေအထားက ပြောင်းပြန်ဖြစ်သွားပြီ။ အရင်တုန်းက ကျုပ်က ကပ္ပတိန်၊ သူကလက်ထောက်။ အခုတော့ သူကပိုင်ရှင် လုပ် ငန်းရှင်၊ ကျုပ်က လုပ်ကိုင်ရတယ်။ ကျုပ်အတွက်တော့ ဘာနာမည်ပဲတပ်တပ် ဘယ်နေရာပဲပေးပေး ပြဿနာမရှိပါဘူး။ ဘာဖြစ်လို့လဲဆို ကျုပ်လုပ်စရာတွေလုပ်နေရတယ်၊ ပင်လယ်ပြင်နဲ့လည်း ထိစပ်နေတယ်။ အရေးကြီးဆုံးက ကျုပ်ရဲ့  ဘိုး အေသင်္ဘောဖြစ်တဲ့ MGB 1087 အပေါ်မှာရောက်နေပြီပဲ။

ပထမဆုံးလုပ်ရတဲ့အလုပ်ကတော့ အင်ဂျင်စက်တွေကို ပြင်ဆင်ရတာပဲ။ သံချေးတက်နေတာတွေ ခွာရတယ်၊ ဆေးပြန် မှုတ်ရတယ်။ အင်ဂျင်စက်တွေက တကယ်တော့ အကောင်းကြီးရှိသေးတယ်ဗျ။ စက်လေးလုံးရှိတဲ့အနက် နှစ်လုံးကိုဖယ်ပြီး နှစ်လုံးကို ကောင်းသထက်ကောင်းအောင် ကျုပ်တို့ပြင်လိုက်ကြတယ်။ ဒီနှစ်လုံးရဲ့အင်ဂျင်အားနဲ့ပဲ ရေမိုင် ၂၅၊ ၃၀ လောက် တော့ အရေးပေါ်အခြေအနေမှာ ခုတ်မောင်းနိုင်ဖို့ဖြစ်တယ်။ အရေးကြီးဆုံးအချက်ကတော့ ဒီသင်္ဘောကို လူနှစ်ယောက် ထဲကနေ ကိုင်တွယ် မောင်းနှင် လုပ်ဆောင်ကြရတာဖြစ်တာကြောင့်ပဲ။ ပဲ့ကိုင်စနစ် အင်ဂျင်ထိန်းသိမ်းတဲ့စနစ်အားလုံးကို တစ်ယောက်ထဲ တစ်လက်ထဲလုပ်နိုင်အောင် စီစဉ်ရတယ်။ ဒါမှ ကျန်တဲ့သင်္ဘောအလုပ်သမားတွေရဲ့ တာဝန်က ဆိပ်ကမ်း ရောက်ရင် ကျောက်ဆူးချဖို့နဲ့ ဝေယျာဝစ္စ လုပ်ဖို့လောက်ပဲရှိအောင်လို့။

အထွေထွေပြုပြင်မှုတွေကို ကျုပ်တို့လုပ်ကြရပါတယ်။ သင်္ဘောကို ရေထဲကဆယ်ပြီး သင်္ဘောရဲ့သံချေးတွေကို ချွတ်တိုက် ဆေးပြန်သုတ်  သစ်သားကုန်းဘက်ကိုလည်း ပွတ်တိုက်ပြီး ပြန်လည်ချောမွေ့အောင် လုပ်ကြရပါတယ်။ သင်္ဘောပေါ်မှာရှိတဲ့ သံထည်ပစ္စည်းအားလုံးကိုလည်း ကော်ပတ်နဲ့စားပြီးတော့ ချောမွေ့အောင်လုပ်ရပါတယ်။ ဒီလို ဒီလိုနဲ့ MGB1087 ကို ရေထဲစွန့်ပစ်ခံရတဲ့ အခြေအနေကနေ သင်္ဘောပီပီသသဖြစ်အောင် လုပ်ကြရပါတယ်။ အခု ကျုပ်တို့ပြင်ဆင်တဲ့ MGB1087 ဟာ စစ်အတွင်းက တိုက်သင်္ဘောတော့ မဟုတ်တော့ဘူးပေါ့ဗျာ။ ရေမိုင် ၃၅ မိုင်နှုန်းနဲ့ ရန်သူအီးဘုတ်တွေကြား ပစ်ခတ်နိုင်တဲ့ တိုက်ပွဲဝင်နိုင်တဲ့ တိုက်သင်္ဘောတော့ မဟုတ်တော့ဘူးပေါ့။ ဒါပေမယ့် သင်္ဘောဘဝအစစ်အမှန်တော့ အပြည့်အစုံ ရောက် သွားပါပြီ။ စက်အင်ဂျင်ရော အပြင်အဆင်ရော ပကတိလှပတဲ့ အမျိုးသမီးသင်္ဘောတစ်စင်း ပြန်ဖြစ်လာပါပြီ။ ဒီသင်္ဘောဟာ ကျုပ်တို့တွေကို အပြည့်အဝစွမ်းဆောင်မှုပေးနိုင်မယ်လို့ ကျုပ်ယုံကြည်တယ်၊၊

သင်္ဘောအားလုံး ပြင်ဆင်ပြီးသွားတဲ့အခါမှာ လန်ဒန်မှာရှိတဲ့ဟော့စကင်ကို ဖုန်းဆက်အကြောင်းကြားတယ်။ စနေ၊ တနင်္ဂနွေ နှစ်ရက် ဟော့စကင် ပြန်လာကြည့်ပြီး မြစ်ထဲမှာစမ်းမောင်းကြည့်တယ်။ ပင်လယ်ပြင်ဘက်ကိုလည်း ထွက်ကြည့်တယ်။

ပင်လယ်ပြင်ကို သင်္ဘောနဲ့ထွက်လိုက်ရတဲ့အရသာဟာ တကယ်ပဲ ကျုပ်အတွက် ခမ်းနားကြီးကျယ်လှပါတယ်။ ကျုပ်တို့ ကံကောင်းတာက ရာသီဥတုကသာယာပြီးတော့ နေသာနေတယ်။ ပင်လယ်ပြင်ကလည်း ပကတိငြိမ်သက်နေတယ်။ ကျုပ် တို့ဟာ သင်္ဘောကို ဝိုက်ကျွန်းကိုဖြတ်မောင်းပြီး ရေလက်ကြားထဲဝင်လိုက်တယ်။ MGB1087 ဟာ အင်ဂျင်ပါဝါလျော့သွားသည့်တိုင်အောင် ပကတိ ချောချောမောမော မောင်နှင်သွားလာနိုင်တာတွေ့ရတယ်။ ကျုပ်တို့နှစ်ယောက်လည်း တနေကုန်လုံး ပင်လယ်ပြင်မှာထွက် အင်ဂျင်စက်အရှိန်ကို လျော့လိုက် ပြုလိုက် အမျိုးမျိုးလုပ်၊ ကွေ့ရ ကောက်ရ ဖြောင့်ရ တန်းရ မောင်း နှင်ရတဲ့ ပဲ့ကိုင်စနစ်ကိုလည်း စမ်းရတယ်။ သင်္ဘောတစ်စင်းလုံးရဲ့ လျှပ်စစ်ဆက်သွယ်မှုတွေအကုန်လုံးလည်း အဆင်ပြေ ရဲ့လား ကြည့်ရတယ်။ အရေးကြီးဆုံးကတော့ MGB 1087 ဟာ ပင်လယ်ခရီးဆန့်နိုင်လောက်တဲ့ အရည်အသွေး ရှိ/မရှိ စမ်းသပ်ကြည့်ရတာဖြစ်တယ်။ နောက်ဆုံးတော့ နှစ်ပေါင်းများစွားပစ်ထားခံရတဲ့ ကျုပ်ရဲ့သင်္ဘော MGB 1087 မှာ ဘာ အပြစ်မှ ကျုပ်ရှာလို့မတွေ့တော့ပါဘူး။ သင်္ဘောကို တနေကုန် တစ်ပတ်မောင်းပြီးတဲ့နောက် ကျုပ်က …

“ဒီကောင်မကြီး … အဲလေ ဒီသင်္ဘောက ကောင်းတုန်းပဲဗျ”

နောက်ဆုံးတော့ ပင်လယ်ပြင်ကခွာ လစ်မင်တန်မြစ်ထဲပြန်ဝင်လိုက်ပြီး ကျုပ်က … “ ဒီကောင်မကြီးဟာ ကျုပ်တို့သွားလိုရာ ဘယ်ခရီးကိုမဆို ပို့ဆောင်နိုင်မှာ သေချာပြီဗျ”

ဟော်စကင်ဟာ ကျုပ်နဲ့အတူပေါင်းပြီး  ပဲ့ထိန်းခန်းထဲရောက်လာပါတယ်။ အဲဒီအခန်းမှာ ကျုပ်က အလိုလိုထိန်းချုပ်တဲ့ ပဲ့ထိန်းစနစ်ကိုကိုင်ရပြီး၊ သူကတော့ အခန်းထဲမှာရှိတဲ့ ရေဒီယိုကိုကိုင်ကာ ရှေးတုန်းက MGB 1087 ပြောင်းပြန်ပေါ့၊ ဟိုတုန်း ကတော့ တိုက်ရေယာဉ်၊ သင်္ဘော အခုတော့ ကုန်သွယ်သင်္ဘောပေါ့။ ဟော်စကင်ကတော ပြုံးပြုံးကြီးဖြစ်နေသည်ကို သူက ဝမ်းမြောက်ဝမ်းသာလေသံနှင့် … “လန်ဒယ်နှင့် ဟော်စကင် ပြန်တွဲကြနေပြီပေါ့”

ကျုပ်စိတ်ထဲမှာလည်း ဟုတ်တော့ဟုတ်ပေသားပဲဟု တွေးမိပါတယ်။ အသေးစိတ် လုပ်ပုံကိုင်ပုံတွေကတော့ တမျိုးတဖုံပေါ့။

ဆက်လက်ဖော်ပြပါမည်။
—————-
● ရှ က် ပြီးေ သ တဲ့ သေ င်္ဘာ ( အ ပို င်း – ၁ )


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဘာသာပြန်ကဏ္ဍ, အခန်းဆက်များ, မောင်မိုးသူ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်