တူမောင်ညို – ကျောင်းသားသပိတ်လှုပ်ရှားမှုထဲ မှ အတွေ့အကြုံသင်ခန်းစာ ထုတ်ယူရေး

April 24, 2015

တူမောင်ညို – ကျောင်းသားသပိတ်လှုပ်ရှားမှုထဲ မှ အတွေ့အကြုံသင်ခန်းစာ ထုတ်ယူရေး
(မိုးမခ) ၂၀၁၅ ခုနှစ်၊ ဧပြီလ ၂၄။

လှုပ်ရှားမှုတစ်ခု (သပိတ်၊ဆန္ဒပြမှု၊တိုက်ပွဲ) ပြီးစီးသွားတဲ့အခါ အတွေ့အကြုံနဲ့သင်ခန်းစာတွေထုတ်ယူပြီးမိမိတို့ကိုယ်မိမိတို့ ပညာပေးခြင်းဟာ ပိုမိုမြင့်မားတဲ့၊  ကြီးကျယ်တဲ့တိုက်ပွဲနဲ့ အောင်မြင်မှုများဆီသို့ တက်လှမ်းနိုင်ရေးအတွက် အရေးကြီးတဲ့ လုပ်ငန်းတစ် ရပ်ဖြစ်ပါတယ်။ ကျနော့်ရဲ့နိဂုံးချုပ်ချက်ကိုတော့ အဝေးရောက်ကျောင်းသားဟောင်းတစ်ဦးရဲ့ တစိတ်တပိုင်းနိဂုံးချုပ်ချက် အဖြစ်မှတ်ယူ သဘောထားကြစေလိုပါတယ်။

တကယ်တော့ လှုပ်ရှားမှုမှာ၊တိုက်ပွဲမှာ ကိုယ်တိုင်ကိုယ်ကျ ဦးဆောင်ပါဝင်သူတွေက နိဂုံးချုပ်လုပ်တာသာလျှင် ပို၍နက်ရှိုင်း ကျယ်ပြန့်ပြီး ပြည့်စုံပါလိမ့်မယ်။ အဲဒီနိဂုံးချုပ်ချက်ကို ကျနော်စောင့်မျှော်နေပါတယ်။

ကျနော့် နိဂုံးချုပ်ချက်ကို အောက်ပါအချက် ၂ ခုအပေါ်က အစပြုထားပါတယ်။
၁။ ကျောင်းသားတွေနိုင်တယ်
၂။ လှုပ်ရှားမှုရဲ့ အကန့်အသတ်

၁။ ကျောင်းသားတွေနိုင်တယ်

“ကျောင်းသားတွေနိုင်တယ် ”ဆိုတာကို ကျနော်က နှလုံးသားခံစားချက်၊ ဆန္ဒသက်သက်နဲ့ပြောတာမဟုတ်ပါ။ အောက်ပါ အခိုင်အမာအချက် ၂ ရပ်အပေါ်ကနေ တိတိကျကျပြောတာဖြစ်ပါတယ်။

ကျောင်းသားသပိတ်က

–    “ဒီမိုကရေစီ” အရေခြုံထားတဲ့ သိန်းစိန်ကြံ့ဖွံ့အစိုးရရဲ့မျက်နှာဖုံးကို ခွာချပြီး၊ ပင်ကိုယ်မူလဖြစ်တဲ့အကြမ်းဖက်စစ်ဘီးလူရုပ် ကိုဖွင့်ချပြခြင်း

–    “လမ်းမပေါ်ထွက်ပြီးဆန္ဒပြတာ- သပိတ်မှောက်တာ ခေတ်ကုန်သွားပြီ” ဆိုတဲ့ မှောက်မှောက်မှားမှား ယုံတမ်းစကားကို လက်တွေ့လှုပ်ရှားမှုနဲ့ကျောင်းသားတွေကထိထိမိမိထိုးနှက်ချေဖျက်ပြီး ခေတ်မကုန်သေးကြောင်း အထင်အရှားသက်သေ ထူလိုက်ခြင်း  တို့ဖြစ်ပါတယ်။

သိန်းစိန်ကြံ့ဖွံ့အစိုးရဟာ ကျောင်းသားသပိတ်လှုပ်ရှားမှုကို ဘက်ပေါင်းစုံ၊ နည်းပေါင်းစုံနဲ့ အရှက်မဲ့ဆုံး၊အယုတ်မာဆုံး၊ အကောက်ကျစ်ဆုံး ဖြိုခွဲအကြမ်းဖက်ခဲ့ပါတယ်။ “နန်းမြင့်တောင်ကြား ဖောက်ထွက်ကျော်လွှားနိုင်မှု” ဟာ ချီတက်နေတဲ့ကျောင်းသား လူငယ်တွေကိုသာကမက တပြည်လုံးရှိကျောင်းသားလူငယ်တွေရဲ့ အောင်စိတ်ရဲမာန်ကိုအညွန့်တလူလူတက်စေခဲ့ပါတယ်။ ကျောင်း သား တွေရဲ့တိုက်ပွဲဟာ ပြည်သူလူထုဝန်းရံပါဝင်လာတဲ့အခါ အခက်အခဲနဲ့ အတားအဆီးကို အောင်မြင်စွာ ကျော်လွှားနိုင် တယ် ဆိုတဲ့ အသိတရားကိုလေးနက်ခိုင်မာစေပါတယ်။ ဒီလိုအောင်စိတ်နဲ့အောင်မာန်နဲ့ ပြည်သူတွေပေါင်းစပ်ပါဝင်လာရေးဆိုတဲ့ သတင်းစကား တပြည်လုံးကိုပျံ့နှံ့စိမ့်ဝင်သွားပြီး လူထုလှုပ်ရှားမှုကြီး၊ နောက်ထပ် “၁၉၈၈ ဒီမိုကရေစီအရေးတော်ပုံကြီး” တစ်ရပ် ထပ်မံဖြစ်ပွားလာ မှာကို သိန်းစိန်ကြံ့ဖွံ့အစိုးရက အကြောက်ကြီးကြောက်သွားပါတယ်။

ဒါကြောင့် နန်းမြင့်မှာ ပရိယာယ်နဲ့ ယာယီနောက်ဆုတ်ပေးလိုက်ပြီး လက်ပံတန်းမှာ အကြမ်းဖက်ချေမှုန်းနိုင်ဖို့ သတ်ကွင်းပြင် ခဲ့ပါတယ်။ ကျောင်းသားအချင်းအချင်းအကြား၊ ကျောင်းသားနဲ့ ကျောင်းဆရာအကြား၊ ကျောင်းသားနဲ့မိဘအကြား၊ ကျောင်းသားနဲ့ သံဃာအကြား ဘက်ပေါင်းစုံဒေါင့်ပေါင်းစုံက မြှူဆွယ်မှုတွေ၊ သပ်ရှိုမှုတွေ၊ သွေးခွဲမှုတွေနဲ့ လှည့်စားပါတော့တယ်။

ဝန်ကြီးဦးအောင်မင်းနဲ့တွေ့ဆုံစေပြီး ဟန်ပြလိုက်လျောမှုတွေကို ပေါပေါလောလောပေးပြီး လှည့်စားအယုံသွင်းခဲ့ပါတယ်။ ဒါကို ကျောင်းသား/သူခေါင်းဆောင်တချို့က “သမိုင်းဝင်တွေ့ဆုံမှု” လို့ပင် ထင်မှတ်မှားခဲ့ကြပါတယ်။

ဒါဟာ တကယ်တော့ ကျောင်းသားလူငယ်ထုနဲ့ ပြည်သူလူထုအကြားမှာ တစတစပျံ့နှံ့စိမ့်ဝင်လာပြီဖြစ်တဲ့ ကျောင်းသားလှုပ် ရှားမှုရဲ့ အညွန့်နဲ့အရှိန်အဟုန်ကို အချိန်ဆွဲရိုက်ချိုးပြီးလက်ပံတန်းမှာအကြမ်းဖက်နိုင်စေဖို့ ပရိယာယ်ဆင်ခဲ့တာပဲဖြစ်တယ်ဆိုတာ အခုချိန် မှာတော့ လယ်ပြင်မှာဆင်သွားသလို ထင်ရှားနေခဲ့ပါပြီ။

လှည့်စားမှုနဲ့အကြမ်းဖက်မှုကို ကြံ့ဖွံ့အစိုးရ၊ကြံ့ဖွံ့လွှတ်တော်၊ပြည်ထဲရေးဝန်ကြီးဌာန၊ ပြန်ကြားရေးဝန်ကြီးဌာန၊ ပညာရေးဝန်ကြီး ဌာန၊ အလိုတော်ရိ ဘုန်းကြီးများ၊ အစိုးရပိုင်သတင်းစာ၊ ရုပ်သံ စသဖြင့် ကွက်ပြည့်နင်းပြီး လုပ်ကြံသွားခဲ့ကြတာပါ။

တစ်ဖက်ကလည်းကျောင်းသာားသပိတ်ချီတက်ရာ မြို့တိုင်းမှာ အုပ်ချုပ်ရေးပိုင်းကနေ ပုဒ်မမျိုးစုံတပ်ပြီးတားဆီးမှုတွေ၊ ခြိမ်း ချောက်မှုတွေ၊ကျောင်းသားအသွင်ထောက်လှမ်းရေးထည့်ပြီးဖြိုခွဲမှုတွေလည်း မျိုးစုံအောင်လုပ်ခဲ့ပါတယ်။

၁၉၈၈ အရေးအခင်း လိုအဖြစ်မခံနိုင်ဘူး၊ ရန်ကုန်ချီတက်တာမခံဘူးဆိုတဲ့ သဘောထားကို ပြည်ထဲရေးဝန်ကြီးကနေ တဆင့် လည်း ကြိမ်းဝါးပြီးလက်တွေ့မှာလည်း အကြမ်းဖက်ဟန့်တားခဲ့ပါတယ်။

မတ်လ ၅ ရက်နေ့၊ ရန်ကုန်မြို့မှာ အစိုးရကကျွေးမွေးထားတဲ့ တေလေဂျပိုးတွေကို တာဝန်လက်ပတ်နီပတ်ပေးပြီး ပွဲဦးထွက် အကြမ်းဖက်စေခဲ့ပါတယ်။ မတ်လ ၁၀ ရက်နေ့မှာတော့ လက်ပံတန်းမှာ သပိတ်ကို ခွင့်ပြုသယောင်လှည့်စားပြောဆို အကြမ်းဖက်မှုကို လူမဆန်ဆုံးပြုမူခဲ့ပါတယ်။ (EU) သင်တန်းဆင်းရဲများဟာ စာတွေ့သင်ခန်းစာများကို လက်ပံတန်းမှာ မီးကုန်ယမ်းကုန် လက်တွေ့အသုံး ချပါတော့တယ်။ အရက်ကိုးမောင်းတိုက်ထားတဲ့ နာဠာဂီရိဆင်ဆိုးလို အညှိုးအာဃာတကြီးစွာနဲ့ လက်နက်မဲ့ ကျောင်းသားလူငယ်များကို အကြမ်းဖက်ရိုက်နှက်ပါတော့တယ်။ အထက်ကပေးထားတဲ့အမိန့်အတိုင်း မိုက်မိုက်ကန်းကန်းလုပ်ပါတော့တယ်။ မော်တော်ကားကိုပင် အညှိုးတကြီးထုနှက်ဖျက်ဆီးနေတာ၊ အေးအေးဆေးဆေးအဖမ်းခံသူများကို ဝိုင်းဝန်းရိုက်နှက်နေတာတွေကို တပြည်လုံး တကမ္ဘာလုံးက မြင်တွေ့ခဲ့ရပါတယ်။

ဒီလို မိုက်မိုက်ကန်းကန်းအကြမ်းဖက်ရမ်းကားတာနဲ့ပတ်သက်ပြီး “ကျောင်းသားတွေဘက်က စရိုက်လို့ ရိုက်ရတာပါ” ကြံ့ဖွံ့ အစိုးရ သမ္မတဦးသိန်းစိန်က အရှက်အမဲ့ဆုံး၊ ဗြောင်အကျဆုံးကာကွယ်ပြောဆိုသွားပါတယ်။ ဒီလိုအပြုအမူတွေ၊ ဒီလိုအပြောအဆိုတွေ က သိန်းစိန်ကြံ့ဖွံ့အစိုးရရဲ့ပင်ကိုယ်ဗီဇရုပ်ကို တကမ္ဘာလုံး၊ တပြည်လုံးသိအောင်ဖော်ထုတ်ပြသသွားပါတယ်။

ဒါကြောင့် ကျောင်းသားတွေ နိုင်တယ်။

၂။ လှုပ်ရှားမှုရဲ့အကန့်အသတ်

သဘာဝကျစွာပဲ၊ အာဏာရအုပ်စိုးသူရဲ့ဘက်ပေါင်းစုံလက်ဦးမှုရှိနေတဲ့ အနေအထားအောက်မှာ ဆန္ဒပြပွဲလုပ်ရတာ၊ သပိတ် တိုက်ပွဲ ဆင်နွှဲရတာမှာ  မုချပဲ အကန့်အသတ်တွေရှိပါတယ်။

ဒီအကန့်အသတ်တွေကို ပိုတွက်ပြီးမလှုပ်ရှားဝံ့တာ၊  အစိုးရကလိုက်လျောနေပြီဆိုပြီး (ဆန္ဒပြတာ/သပိတ်မှောက်တာ ခေတ် ကုန်နေပြီဆိုပြီး) အညံ့ခံအလျော့ပေးတဲ့ စိတ်ဓါတ်မျိုး ကို ဆန့်ကျင်ရမှာဖြစ်သလို။ဒီလိုအကန့်အသတ်တွေကိုလျှော့တွက်ပြီး မိမိ အင်အား ကို လိုတာထက်ပိုပြီးတွက်ဆတဲ့ အရဲစွန့်မှုမျိုးဟာလည်း မသင့်တော်ပါ။

ဒါကြောင့် အာဏာအုပ်စိုးသူကို တပွဲချင်း၊ တလှမ်းချင်းဆန့်ကျင်ကြရတဲ့ ဆန္ဒပြပွဲ၊ သပိတ်တိုက်ပွဲတွေကို ဆင်နွှဲကြရာမှာ ခိုင်လုံ တဲ့အကြောင်းအကျိုးရှိရမယ်၊ အကျိုးအမြတ်ရှိရမယ်၊ အကန့်အသတ်ရှိရမယ်ဆိုတဲ့ ပေါ်လစီနဲ့ အစဉ်ကိုက်ညီဖို့လိုအပ်ပါတယ်။

ကျောင်းသားသပိတ်ရဲ့အကန့်အသတ်ကို ကျောင်းသားသပိတ်ရဲ့လက်တွေ့တောင်းဆိုမှုကြွေးကြော်သံတွေက ပြဋ္ဌာန်းပါတယ်။ ပညာရေးဥပဒေပြုပြင်ပြောင်းလဲမှုဆိုတဲ့တောင်းဆိုချက်အောက်မှာ အလုပ်သမားလယ်သမားပြည်သူတွေ တိုက်ရိုက်ပူးပေါင်း ပါဝင်လာဖို့ အကန့်အသတ်ရှိပါတယ်။ မိဘပြည်သူများကတော့ မိမိသားသမီးတွေရဲ့ကြောင်းကျိုးဆီလျော်တဲ့ တောင်းဆိုမှုကို ဘေးမှ၊ရှေ့မှဝန်းရံခြင်း ဖြင့်ပူးပေါင်းပါဝင်လာပါတယ်။ ဒါကလည်း အုံနဲ့ကျင်းနဲ့ပါဝင်လာဖို့ တပြည်လုံးလက္ခဏာဆောင်တဲ့၊ အထွေထွေသပိတ်အထိ ဖြစ်ပေါ် လာဖို့ဆိုတာမှာ အချိန်အရ၊ ပြင်ဆင်မှုအရ အကန့်အသတ်တွေရှိမြဲရှိနေပါတယ်။

နောက်အကန့်အသတ်တစ်ခုက အဆင့်ဆင့်ချီတက်လာရမှုပါပဲ။

ဒီမှာလည်း သပိတ်ဖြတ်သန်းချီတက်ရာ မြို့ရွာများရှိ လူငယ်ကျောင်းသားများ၊ မိဘပြည်သူများကို လှုံ့ဆော်စည်းရုံးနိုင်သလို၊ အခြားတစ်ဖက်မှလည်း အာဏာရအုပ်စိုးသူအတွက် စိတ်ကြိုက်ဖြတ်တောက်၊ ဟန့်တား၊ အကြမ်းဖက်နိုင်ဖို့အတွက်အရေးသာမှု ရရှိစေပါ တယ်။

အကန့်အသတ်တွေကြားက တိုက်ပွဲဆင်ရတဲ့အတွက် အောင်ပွဲကိုလည်း တခွင်တပြည်လုံးအောင်ပွဲကြီးအဖြစ်မျှော်မှန်းတာဟာ လက်တွေ့နဲ့မကိုက်ညီနိုင်ပါဘူး။ ဒါကြောင့် ဦးဆောင်မှု၊ ပြင်ဆင်မှု၊ စည်းရုံးမှု၊ စုဖွဲ့မှု၊ အချိန်ကိုက်မှု၊ တိုက်ပွဲတွင်းဆက်သွယ်မှု စတဲ့ ဘက် ပေါင်းစုံကနေ နိဂုံးချုပ်မှုတွေကို ပြုလုပ်သင့်ပါတယ်။ ဒါတွေလုပ်နိုင်ဖို့ ကျနော်လက်လှမ်းမမီပါ။

အထက်ပါအချက်များဟာ အဝေးရောက်ကျောင်းသားဟောင်းတစ်ဦးရဲ့ အဝေးမြင်နိဂုံးချုပ်ချက် တစိတ်တဒေသမျှသာဖြစ်ပါ တယ်။ လွှမ်းခြုံမှုရှိတဲ့ နိဂုံးချုပ်ချက်ကိုတော့ အဓိကပါဝင်သူများကသာ နိဂုံးချုပ်သင်ခန်းစာထုတ်ယူနိုင်ပါလိမ့်မယ်။

ဘယ်လိုပဲဖြစ်ဖြစ် ဖမ်းဆီးခံရတဲ့ကျောင်းသားတွေကို စွဲချက်တင်၊ ရုံးထုတ်တာ၊ ဝရမ်းပြေးနေတဲ့ ကျောင်းသားခေါင်းဆောင် တွေကို ဖမ်းဆီးရမိတာ၊ ကျောင်းသားကျောင်းသူတွေအပေါ်ပုဒ်မတွေ တသီတတန်းကြီးတပ်နေတာ၊ ထောင်ဒဏ်နှစ်ရှည်ချမှတ်နေတာ၊ ကျောင်းသူမိန်းကလေးတွေကို လက်ထိပ်ခပ်တာ၊ အာမခံမပေးတာ စတဲ့အချက်တွေက သိန်းစိန်ကြံ့ဖွံ့အစိုးရရဲ့ကျောင်းသားလူငယ်တွေ အပေါ်ထားတဲ့အညှိုးအာဃာတကြီးမှုနဲ့မိုက်လုံးကြီးမှုကိုအထင်အရှားသက်သေပြသနေပါတယ်။

ဒါကြောင့်ဘယ်လိုပဲဖြစ်ဖြစ် ကျောင်းသား လူငယ်တွေ ဘက်ကဘယ်တော့မှ မရှုံးဘဲ။ အုပ်စိုးသူဘက်ကသာ ရှုံးပြီးရင်း ရှုံးနေပါ လိမ့်မယ်။

ဘာကြောင့်လဲ။

ကျောင်းသားလူငယ်တွေဟာ သူတို့ခေတ်ရဲ့တောင်းဆိုမှုအတိုင်း ခေတ်ဝန်ကို ထမ်းပြီးခေတ်လမ်းကို ရဲရဲဝံ့ဝံ့လျှောက်လှမ်းနေ ကြလို့ပဲဖြစ်ပါတယ်။

အောင်ပွဲဟာ ကျောင်းသားပြည်သူတွေအတွက်ဖြစ်တယ်။ အောင်ပွဲဆက်ဆက်ခံကြပါဦးစို့။

(ဓာတ်ပုံ – ရန်နောင်(ဗိုလ်တထောင်)။ ဧပြီ ၂၃၊ လက်ပတန်းတရားရုံးရှေ့က မတရားဖမ်းဆီးခံ ကျောင်းသားပြည်သူများ)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်