ထင်အောင် – ကျွန်တော်အားကျခဲ့ရသောစာရေးဆရာကြီးများ

May 7, 2015



 – ကျွန်တော်အားကျခဲ့ရသောစာရေးဆရာကြီးများ

 (မိုးမခ ) မေ ၇ ၂၀၁၅

ကျွန်တော်ဟာ စာရေးရမှာကို အလွန်ပျင်းရိသော သူတစ်ယောက်ဖြစ်ပါတယ်။

ငယ်ငယ်တုန်းက အတန်းထဲမှာ ဆရာမက မှတ်စုစာတွေခေါ်ပေးနေချိန်မှာ ကျွန်တော်က ရေးချင်သလိုရေးပြီး လိုက်မှတ်ထားပါတယ်။ ဆရာမက “မောင်ဘ  ကျောင်းသို့ သွားပါသည်” လို့  ခေါ်ပေးတာကိုကျွန်တော်က “ဘသွားသည်”လို့ သာရေးမှတ်ထားပါတယ်။ ဆရာမကမှတ်စုစာအုပ်တွေကိုပြန်စစ်တော့မှ “ဘ”ဆိုတာက”မောင်ဘ” “သွားသည်”ဆို တာက” ကျောင်းသို့ သွားသည်”ဆိုတာတွေကို ရေးထားပါတယ်လို့ ပြန်ရှင်းပြရပါတယ်။ ဆရာမက စာအုပ်ထဲမှာ အနီရောင်ခဲတံကြီးနဲ့ ကြက်ခြေခတ် အမှားလက္ခဏာတွေကို ပေးထားတာ ပေါမှပေါ ဖြစ်နေပါတယ်။ လက်ရေးတိုနည်းနဲ့ ရေးထားသလိုဖြစ်နေတာကို ဆရာမက ဘယ်ကြိုက်ပါ့လဲ။

အလယ်တန်းကျောင်းသားအရွယ်မှာ မြန်မာစာသင်ခန်းစာအထဲမှာ စာစီစာကုံး

ရေးသားနည်းကို သင်နေရပါပြီ။ နိဒါန်း စာကိုယ် နိဂုံး အင်္ဂါရပ်တွေနဲ့  ညီညွတ်အောင် ရေးရပါတယ်။

ကျွန်ပ်တို့၏ စာသင်ကျောင်း၊ ကျွန်တော်မိသားစု၊ နွေရာသီကျောင်းပိတ်ရက် စတဲ့ ခေါင်းစဉ်တွေကို ဖွဲ့ နွဲ့ ရေးသားရပါတယ်။ ဒီအခါမှာ ကျွန်တော်ရေးသားထားတဲ့ ဝါကျတွေက တိုလွန်းလို့ အဖွဲ့အနွဲ့တွေ လုံးဝမပါတာကြောင့် အမှတ်မရပြန်ပါဘူး။ အရေးအသားကောင်းသူတွေက ဆယ်မှတ်ရနေချိန်မှာ ကျွန်တော်က နှစ်မှတ်နဲ့  ကျေနပ်နေရပါတယ်။ စာရေးရတာကို ပျင်းရိပေမဲ့ စာဖတ်ရတာကိုတော့ မပျင်းခဲ့ပါဘူး။ စာဖတ်အားကောင်းလာရင် စာစီစာကုံးအရေးအသားမှာ တိုးတက်လာမယ်လို့  ဆရာမက ပြောပြပါတယ်။ စာဖတ်တဲ့တခြားကျောင်းသားတွေက “ဦးလတ်” ရေးသားတဲ့ “ရွှေပြည်စိုး” ဝတ္တုကို ဖတ်ပြီးချိန်က စပြီး “အရှေ့အရပ်က နေထွက်လာပြီ” လို့ ရေးမဲ့အစား “အရှေ့ဂေါ်ယာကျွန်းမှ ပုဗ္ဗနေမင်းကြီးသည် တောင်တန်းကြီးများကို ကျော်လွန်ကာ…” စသဖြင့်ပြောင်းလဲကာ ရေးသားလာခဲ့ကြပါတယ်။ ဒီအပြောင်းအလဲတွေထဲမှာ ကျွန်တော် မပါသေးပါဘူး။ ကျွန်တော်က “နေထွက်လာပြီ” ကနေ မတက်သေးပါဘူး။

စာဖတ်တတ်လာတော့ အိမ်ကိုလာလည်ကြတဲ့ စာရေးဆရာတွေကိုလည်း သတိထားတတ် လာပါတယ်။ ဆေးပြင်းလိပ်ကြီး ခဲပြီးလာတဲ့ ဦးကြီးမောင်(ငွေဥဒေါင်း)၊ စစ်တပ်ကဗိုလ်ကြီးဝတ်စုံနဲ့  ကဗျာစာအုပ်တွေ ယူလာပေးတဲ့ ဗိုလ်ကြီးစိုးညွန့် (ထီလာစစ်သူ)၊ မြန်မာ့အသံမှာ အထူးအရာရှိလုပ်နေတဲ့ ဦးဝင်းမောင်(မင်းရှင်) စသူတွေပါ။ လူတွေကိုခင်လာတော့ သူတို့ရေးတဲ့ ကဗျာတွေ စာတွေကို ဖတ်မိပါတယ်။ စာအရေးအသားတွေကို သဘောကျမိပေမဲ့ လူတွေကိုတော့ အားမကျမိပါဘူး ။

မော်တင်အိမ်ယာမှာ နေတုံးက ပန်းပုဆရာဦးလွင် (ပန်းပုမောင်လွင်)၊ ဦးသိန်း(ဇဝန) တို့ နဲ့  အိမ်နီးနားချင်း နေခဲ့ရဘူးပါတယ်။ ပါရမီအခြေခံနည်းလို့လား မသိပါ၊ ယနေ့ထိ ပန်းပုကို မခံစားတတ်သေးပါဘူး။ ဦးလွင်ကပလာစတာအဖြူပေါ်မှာ ဗိုလ်ချုပ်အောင်ဆန်းကတုံးနဲ့ပုံကို ရွှေရောင်နဲ့ သွန်းလောင်း ရောင်းချနေပါပြီ။ သူလုပ်နေတာကို ကြည့်ရုံသာကြည့်ပြီး စိတ်ဝင်စားမှု မရှိခဲ့ပါဘူး။ “ကောလိပ်ကျောင်းသား” ဝတ္တုကို မဖတ်နိုင်သေးပေမဲ့ “ဆိုးပေ” ဇာတ်လမ်းကိုတော့ “ကလေးဂျာနယ်” မှာ ဖတ်မိနေပါပြီ။ ဆရာဇဝနကိုတော့ နည်းနည်းသဘောကျမိပေမဲ့ သူ့ဇာတ်ဆောင် ဆိုးပေလိုပဲ ခပ်ပေပေတေတေနေမှာပါလို့ တွေးတောမိပြီး အားမကျခဲ့ပါဘူး။

ပထမဆုံး ဖတ်ခဲ့ရတဲ့ ပုဂ္ဂိုလ်တစ်ယောက်အကြောင်း ရေးထားသောစာအုပ်ကတော့ ဆရာမ “ဂျာနယ်ကျော်မမလေး” ရေးသားသော “သူလိုလူ” စာအုပ်ဖြစ်ပါတယ်။ ဆရာမဘဝအတွေ့ အကြုံကို အရေးအသားကောင်းကောင်းနဲ့  ရေးဖွဲ့ထားတာကို ဖတ်ရတော့ လက်က မချနိုင်အောင် ဆက်တိုက် ဖတ်မိသွားပါတော့တယ်။စာအုပ်တစ်အုပ်လုံးကို ဖတ်ပြီးသွားတော့ အားကျသွားသူက ဆရာ”ဦးချစ်မောင်”ဖြစ်နေပါတယ်။ ဘယ်လောက်တောင် အားကျမိသလဲဆို … ကြီးလာရင် သတင်းစာတိုက်မှာ အယ်ဒီတာလုပ်မယ်။ အယ်ဒီတာတောင်မှ “မြန်မာ့အလင်း” သတင်းစာတိုက်မှာမှ လုပ်ချင်တာပါ။ အခုထိရွှေဂုံတိုင်က ကိုယ့်မင်းကိုယ့်ချင်းလမ်းကို ရောက်ရင် မြန်မာအလင်းသတင်းစာတိုက်နေရာလေးကို ငေးကြည့်မိနေတုံးပါ။ ဆရာဦးချစ်မောင်လွယ်အိတ်ကလေးကိုလွယ်ပြီး လက်တစ်ဘက်က သူ ကြိုက်တဲ့ လက်ဖက်ရည်ကို ထဲ့ထားသော နို့ဆီခွက်ကိုကိုင်ကာ ကိုင်းကိုင်းနဲ့ ခေါင်းငုံ့တက်သွားနေကျ ကုန်းစောင်းလေးကို အမြဲမြင်ယောင်နေမိပါတယ်။ ဆရာက အယ်ဒီတာကောင်းတစ်ယောက်ဖြစ်သလို ရသစာပေတွေ၊ ပညာပေးစာပေတွေကိုလဲ ရေးသားနိုင်ခဲ့သူ ဖြစ်ပါတယ်။ ဆရာရေးခဲ့တဲ့ “သူ” ဝတ္တုမှာ ဂျိုင်းထောက်ကြီးနဲ့  ဆရာဝန်ကိုမြင့်မောင်ကို စာဖတ်နေသူတွေက စာဖတ်ရင်း ချစ်ခင်လာအောင် ရေးသားခဲ့ပါတယ်။ ဒီဇာတ်လမ်းကို ရုပ်ရှင်အဖြစ်လဲ အသက်သွင်း ပြသခဲ့ပါတယ်။ မောင်သင်၊ တင်တင်မူ၊ ကြည်ကြည်ဋ္ဌေးတို့က ပါဝင်သရုပ်ဆောင်ပေးခဲ့ကြပါတယ် ။နိုင်ငံရေးစကားလုံးတွေ အများကြီးသုံးထားတဲ့ “ကမ္ဘာကြီး ပျက်စီးလုပြီလော” စာအုပ်ကျတော့ နားမလည်သေးတော့ သဘော မကျမိပါဘူး။ အသက်ကြီးမှ ပြန်ဖတ်ရပါတယ်။

ကျွန်တော့် အဘိုးအဘွားတွေနေတဲ့ ရန်ကုန်အရှေ့ပိုင်းက ၅၁လမ်းမှာ စာရေးဆရာတွေ အများကြီးနေထိုင်ခဲ့ပါတယ်။ ဆရာကြီးမဟာဆွေ၊ မေမြို့မောင်၊ ဇဝနတို့က အကြာကြီးနေခဲ့ပါတယ်။ ကျွန်တော်တို့ ကလေးတွေညနေဆိုရင် လမ်းမပေါ်မှာ ဘောလုံးကန် ကစားလေ့ရှိပါတယ်။ ကစားရင်းမောတဲ့အခါများမှာ အနီးက အိမ်တအိမ်ကို ပြေးဝင်ကြပြီး ရေဝင်သောက်ကြပါတယ်။ အိမ်ရှင်က ရေဝင်သောက်တဲ့ဘောလုံးသမားတွေကို ပြုံးပြုံးကြီး ကြည့်နေတတ်ပါတယ်။ ရေသောက်ပြီးတဲ့ကလေးတွေကို ဘောလုံးကို ဘယ်လိုကန်ရတယ် ဆိုပြီးပညာပေးပါသေးတယ်။ လူကြီးတွေက ပြောပြတော့မှ အိမ်ရှင်ကြီးက ဘောလုံးပွဲတွေကို အောင်ဆန်းအားကစားကွင်းကနေ တိုက်ရိုက်အသံလွှင့်ခဲ့တဲ့ ပထမဆုံးပုဂ္ဂိုလ်ဆိုတာကို သိခဲ့ရပါတယ်။ ဒါကြောင့်လဲ လမ်းမပေါ်မှာ ရာဘာဘောလုံးလေးတွေနဲ့ ကလေးတွေကစားနေတာကိုတောင် အလွတ်မပေးပဲ ကြည့်ပြီး ဝေဖန်နေတာပါ။

မောလို့ ရေဝင်သောက်ရင်းနဲ့ အိမ်ရှေ့ကကြေးပြားဆိုင်းဘုတ်ကို ဖတ်လိုက်တော့ “ဦးအမ်ဘိုးချိန်” လို့  ရေးထားပါတယ်။ သမာဓိသတင်းစာမှာ အယ်ဒီတာလုပ်ခဲ့တဲ့သူပါ။ တခေါင်းလုံးဖြူဖွေးပြီး ငွေရောင်ပေါက်နေပါပြီ။ သူသဘောကျရင် မျက်နှာက ပါးနှစ်ဘက်လုံး မို့တက်လာအောင် ပြုံးတတ်ပါတယ်။ ရယ်ရင်တော့ အသံအကျယ်ကြီးထွက်အောင် ရယ်တတ်ပါတယ်။ ရယ်သံနဲ့ အတူ သူ့ မျက်လုံးနှစ်လုံးက မျက်ရည်တွေ စီးကျလာတတ်ပါတယ်။ ကျလာတဲ့မျက်ရည်တွေကို သုတ်ရအောင် သူ့အင်္ကျီမှာ  လက်ကိုင်ပုဝါကို ချိတ်နဲ့ ချိတ်ပေးထားပါတယ်။ အဖေက သူ့ကို ဆရာလို့ ခေါ်တာကြောင့် ကျွန်တော်ကလဲ ဆရာလို့ ခေါ်မိပါ တယ်။ သူကလဲအများခေါ်သလို အန်ကယ်ကြီးဆိုတာထက် ဆရာခေါ်သံကို နှစ်သက်ပုံရပါတယ်။ ဆရာက ရုပ်ရှင်ဆင်ဆာအကဲဖြတ်အဖွဲ့ဝင်လူကြီးပါ။ ကျွန်တော့်အဖေက နိုင်ငံခြားရုပ်ရှင်ကား တင်သွင်းရေး အေဂျင်စီက ဝန်ထမ်းဆိုတော့ နိုင်ငံခြားကားတွေကို ဆင်ဆာတင်ရတဲ့နေ့တွမှာ တာဝန်အရ လိုက်ကြည့်ခွင့်ရပါတယ်။ ညနေစောင်းရင် ဆင်ဆာသွား၊ ကြည့်ဘို့လာကြိုတဲ့ကားက ဆရာကို အရင်ဝင်ကြိုပါတယ်။ ပြီးတော့ ကျွန်တော့်ကိုခေါ်ပါတယ်။ ဆရာ့ သမီးနှစ်ယောက်၊ သားတစ်ယောက်နဲ့ ကျွန်တော်က မိသားစုအနေနဲ့ လိုက်ကြည့်ကြတာပါ။

ရုပ်ရှင်ဆင်ဆာအကဲဖြတ်တာကို ပြည်လမ်းပေါ်က မြန်မာ့အသံစတူဒီယို “အေ”ခန်းမကြီးမှာ ပြုလုပ်ပါတယ်။ဆိုကြမယ် ပျော်ကြမယ် အစီအစဉ်ရိုက်တဲ့ ခန်းမကြီးပါ။ ဆရာက အမြဲတမ်းရှေ့ဆုံးတန်းက ခုံမှာ နေရာယူထိုင်လေ့ရှိပါတယ်။ ဂျယ်ရီလူးဝစ်တို့၊ နော်မန်ဝင်စဒမ်တို့ပါတဲ့ ဟာသကားတွေပြသတဲ့နေ့မှာဆိုရင် ဆရာရဲ့ရယ်မောသံအကျယ်ကြီးက တခန်းလုံးကို လွှမ်းနေပါတော့တယ်။ ရုပ်ရှင်ကားပြီးဆုံးချိန်မှာတော့ ဆရာမျက်လုံးမှာ မျက်ရည်တွေနဲ့ ဖြစ်နေပါတယ်။ ဒါပေမဲ့ မျက်နှာကတော့ ပြုံးရွှင်နေပါတယ်။ အိန္ဒိယဇာတ်ကားပြ သတဲ့နေ့မှာတော့ ဘာသာပြန်ပေးတဲ့သူတယောက်က ဆရာနားမှာထိုင်ပြီး တခန်းလုံးကြားရအောင် အော်ပြီးဘာသာပြန်ပေးပါတယ်။ လွမ်းခန်းတွေမှာတော့ မျက်ရည်ကျတာကို မတွေ့ ဘူးပါဘူး။ ဒီအခန်းမှာပဲ ရုပ်ရှင်အကယ်ဒမီဆုတွေကို ချီးမြှင့်ပေးခဲ့ပါတယ်။ နောင် … လူများလာမှ မြန်မာ့အသံ မြက်ခင်းပြင်မှာ နေရာပြောင်း ကျင်းပခဲ့ပါတယ်။ နောက်တနေ့မှာ ဆရာနဲ့ ကျွန်တော် ညကကြည့်ခဲ့တဲ့ရုပ်ရှင်ကားကို ဝေဖန်လေကန်ကြပါတယ်။ ငယ်ငယ်က သမာဓိသတင်းစာမှာ ဝေဖန်ရေးတွေရေးခဲ့သူဆိုတော့ လိုအပ်ချက်တွေကို ဝေဖန်ချက်ပေးနိုင်တဲ့သူဖြစ်ပါတယ်။ အခုတော့ ပါးစပ်ကသာ ဝေဖန်နိုင်ပါတော့တယ်။ သူရဲ့စာရေးနည်းအတတ်ပညာ၊ ပျော်ပျော်ရွှင်ရွှင်နေတတ်တာ၊ အရွယ်သုံးပါးမရွေး လေးလေးစားစား ပြောဆိုဆက်ဆံတတ်တာတွေကို ကျွန်တော် အားကျခဲ့တာပါ။

ကျွန်တော်ကမြန်မာအလင်းသတင်းစာမှာ နေ့စဉ်ပါတဲ့ ဆရာဓူဝံရဲ့ဝတ္တုကိုဝေဖန်

မိပါတယ်။ ဝတ္တုထဲမှာ  ပါပြီးသားအချက်အလက်တွေကို နေ့တိုင်းပြန်ရေးပြနေတာကို ဝေဖန်မိပါတယ်။ “မောင်ဘသည် ပဲခူးမြို့အနီးအနား တောရွာလေးမှ မြေပိုင်ရှင်သားဖြစ်ပါသည်။ ခေတ်ပညာကို အသင့်အတင့်သင်ကြားခဲ့ဘူးပြီး လောကဓာတ်ပညာကို အထူးစိတ်ဝင်စားသူတစ်ဦးဖြစ်ပါသည်။” ဆိုတဲ့ စာပိုဒ်လေးက နေ့စဉ် ပါနေပါတယ်။ ကျွန်တော်က ဝတ္တုကိုရှည်အောင် ထပ်ထပ်ရေးနေတာလို့ ပြောမိပါတယ်။ ဆရာက “မင်းက သတင်းစာကို နေ့တိုင်းဖတ်နေတော့ စာသားတွေထပ်နေတယ်လို့ ထင်လိမ့်မယ်။ တချို့က လမ်းကြုံမှ ဝယ်ဖတ်တဲ့သူတွေ ရှိတယ်။ သူတို့က မောင်ဘ၊ မြေပိုင်ရှင်သား၊ ခေတ်ပညာတတ်၊ လောကဓာတ်ပညာကိုစိတ်ဝင်စားလို့ တီထွင်မှုတွေ ပြုလုပ်တတ်တယ် ဆိုတာကို အဲဒီသတင်းစာဖတ်မိတဲ့နေ့မှ သိကြတာလေ။”

ဒီတော့မှ လစဉ်ထုတ်မဂ္ဂဇင်းက အရေးအသားနဲ့ နေ့စဉ်ထုတ် သတင်းစာက အရေးအသားကွာခြားမှုကို သ တိပြုမိပါတော့တယ်။

အဲဒီနေ့ကစပြီး ဆရာဓူဝံရေးသားတဲ့ “မိုက်ခဲထွန်းရွှေ”လုံးချင်းဝတ္တုကို ဖတ်မိပါတယ်။ ဒီတော့မှ ဆရာဓူဝံရဲ့လုံးချင်းအရေးအသားကို ခံစားမိပါတော့တယ်။

ငယ်ငယ်က အဖတ်ဆုံးစာအုပ်တွေကတော့ လူထုဦးလှရေးသားတဲ့ ပုံပြင်စာ

အုပ်တွေ ဖြစ်ပါတယ်။ ရခိုင်ပုံပြင်၊ ကရင်ပုံပြင်၊ ကျောင်းကန်အတွင်းမှပုံပြင်များ စတာတွေပါ။ ဘိုးသူတော်ကကဏန်းကောင်ကို ငရဲမကြီးပဲ စားရအောင် အကောင်ကြီးတဲ့ကဏန်းကို “နင်ကကြီးတယ်၊ နှစ်ခါလျှောက်” ဆိုတဲ့အရေးအသားကို အင်မတန်သဘောကျမိပါတယ်။ ဒီလိုပုံပြင်စာအုပ်တွေ ဖတ်နေရင်းက မထင်မှတ်ပဲကောက်ဖတ်မိလိုက်ရာကနေ စွဲသွားတာက “သူ့စာများကပြောခဲ့တဲ့ သိပ္ပံမောင်ဝအကြောင်း” စာအုပ်ဖြစ်ပါတယ်။

သိပ္ပံမောင်ဝရဲ့ စာတွေကိုဖတ်ဘူးပါတယ်။ မြန်မာစာသင်ရိုးအဖြစ် အထက်တန်းမှာ သတ်မှတ်ထားတဲ့ စာ အုပ်ကို အထက်တန်းကျောင်းသား အကိုတွေဆီကနေ ယူဖတ်ဘူးပါတယ်။ “နယ်ပိုင်မင်း”၊  “မင်းလတ်” စတဲ့ဆောင်းပါး ဆယ်ပုဒ်လောက် ပါ ပါတယ်။ မောင်လူအေးနဲ့ မောင်လူမွှေးတို့  အပြန်အလှန်စကားစစ်ထိုးကျတဲ့ “ဆိတ်ပုံပြင်” ကို မကျက်ပဲအလွတ်ရတဲ့အထိ အထပ်ထပ် ဖတ်မိနေပါတယ်။ ဆရာရဲ့ကားမောင်းသမား “မောင်ငယ်”ကို ဇာတ်ကောင်ထားပြီး ရေးဖွဲ့ထားတဲ့ ဇာတ်လမ်းမှာ ခွေးတွေက သူကားမောင်းလာရင် “မောင်ငယ်ဟာ လူမိုက်ကြီး”လို့  ဝိုင်းအော်ကြတာကို အလွန်သဘောကျတာပေါ့။

စာအုပ်ထဲမှာ ပြဇာတ်တွေကို ဖတ်မိတော့မှ ဆရာဝ က ပြဇာတ်ရေးတတ်မှန်း သိရပါတော့တယ်။ “ငို့ ဘ” ဆိုတဲ့ပြဇာတ်က အမည်ကိုက ဆန်းနေတာပါ။ အဖွဲ့အစည်းကို ဖွဲ့ကြပြီး လူတွေက ကိုယ့်ကျိုးရှာကြတာကို “ငါ့ဘို့ ” အဓိပ္ပါယ်ဖေါ်ရေးထားတာပါ။ ဆရာတို့ခေတ်က မြူနီစပယ်လူကြီးအဖြစ်လ အရွေးချယ်ခံရသူတွေကကိုယ်ကျိုးရှာကျပုံကို တင်စားဖွဲ့ နွဲ့ထားတဲ့ ပြဇာတ်ဖြစ်ပါတယ်။ အရေးအသားက ကောင်းလွန်းတော့ လက်က မချတန်း ဖတ်မိသွားပါတယ်။ ပြဇာတ်စာပေကို ဖတ်ရန် ဝန်မလေးဘူးဖြစ်သွားပါတယ်။ အသင်းအဖွဲ့ အ စည်းတွေမှာ နေရာဝင်ယူနေကြတဲ့ ကြောင်သူတော်တွေကိုလဲ “ဗြဟ္မစရိယ” ပြဇာတ်နဲ့ သရော်ထားပါသေးတယ်။ ဗြဟ္မစရိယအသင်းဝင် သူတော်ကောင်းဟန်ဆောင်ကာ သူဋ္ဌေးသမီးကို လိမ်လည်ပြီး ရအောင်ယူခဲ့တဲ့ ဇာတ်ဖြစ်ပါတယ်။ ဆရာဝဟာ သူရေးခဲ့စာတွေကိုသာမက လူပုဂ္ဂိုလ်အရပါ လေးစားခဲ့တဲ့သူ ဖြစ်ခဲ့ပါတယ်။

အချို့စာရေးဆရာကြီးများဆိုရေးထား တဲ့စာတွေကိုသဘောကျခဲ့ပေမယ့်ပုဂ္ဂိုယ်ရေးအရတော့လေးစားစရာမရှိသူတွေရှိပါတယ်။ဆရာဝကတော့ဒီလိုပုဂ္ဂိုလ်မဟုတ်ပါဘူး။ပုဂ္ဂိုလ်ခင်လို့ တရားမင်တာလားမသိပါ။ကိုလို နီခေတ်မှာ”မြန်မာစာဂုဏ်ထူးတန်း”တက်တာကိုကလေးစားမိတာပါ။မြန်မာစာကောင်း နေလို့ သခင်ကြီးတို့ ဘာသာမှာညံ့သွားမလားမထင်လိုက်ပါနဲ့ ။အောက်စဖို့ ဒ်တက္ကသိုလ် ကနေအိုင်စီအက်စ်ဖြစ်အောင်သင်ကြားလာနိုင်တဲ့သူပါ။ဒီလိုလူမျိုးကိုမှအားမကျရင် ဘယ်လိုလူမျိုးကိုအားကျရမလဲဗျာ။ဂါးတားရွာမှာစစ်ပြေးနေတုံးလူဆိုးတွေရဲ့ပစ်ခတ်မှု ကြောင့်အဘက်ဘက်အတော်တဲ့လူတော်တစ်ယောက်ဆုံးခဲ့ရပါတယ်။

ကျွန်တော်သာမကစာပေချစ်မြတ်နိုးသူတိုင်းအားကျကြမဲ့သူလို့ ပြောရဲပါတယ်။

ဆရာကိုကျွန်တော်အားကျတာကရောက်တဲ့နေရာကတွေ့ လိုက်တဲ့မြင်ကွင်းကိုလှပ အောင်စာရေးဖွဲ့ နိုင်တာပါ။သူရေးဖွဲ့ ထားတာကိုဖတ်လိုက်ရတဲ့စာဖတ်သူတွေကစာဖတ် ရင်းမြင်ကွင်းကိုဆရာဝမြင်သလိုမြင်နေရပါတယ်။သူခံစားနေရသလိုစာဖတ်တဲ့သူတွေ ကလိုက်ခံစားနေရပါတယ်။”ပစ္စန္တရစ်”ဆောင်းပါးကိုဖတ်မိရင်စာဖတ်သူကိုယ်တိုင်”ပစ္စန္တရစ်”ဒေသကိုရောက်သွားသလိုဖြစ်အောင်ရေးဖွဲ့ နိုင်သူဖြစ်ပါတယ်။”ရွှေတိဂုံဘုရား”ကိုလှေတွေနဲ့ ရေကြောင်းကနေဘုရားဖူးခရီးထွက်လာရင်းလမ်းခရီးတလျှောက်ပျော်ပျော် ပါးပါးချက်ပြုတ်စားသောက်ကြတာတွေသီချင်းသီဆိုကြတာတွေကိုဖတ်မိတော့မိမိကိုယ် တိုင်လှေစီးပြီးဘုရားသွားဖူးချင်လာပါတယ်။

ဆရာအညွှန်းကောင်းလို့ အလွန်ဖတ်ချင်တဲ့စာအုပ်တစ်အုပ်ရှိပါတယ်။”ဆရာဦး

ဘသန်း”ရေးတဲ့”ဘီအေမောင်ဘလွင်”စာအုပ်ပါ။မြို့ မဆရာကြီးဦးဘလွင်အကြောင်းဖြစ် မယ်ထင်ပါတယ်။အခုထိမတွေ့ ဘူးမဖတ်ဘူးသေးပါ။ဆရာသိပ္ပံမောင်ဝရဲ့ကြော်ငြာ တွေအပေါ်ထားတဲ့အမြင်သဘောထားကိုလည်းကျွန်တော်တအားကြီးသဘောကျမိပါ တယ်။ဆရာကကျားမဟုတ်ပဲကျားလို့ တစ်ခါပြောလိုက်ရင်လန့် လိမ့်မယ်။နှစ်ခါပြောရင် လန့် အုံးမယ်။သုံးခါပြောရင်တော့မလန့် တော့ဘူး။ဟုတ်ချင်ဟုတ်မဟုတ်ချင်နေညွန့်  လောက်အောင်ကြော်ငြာနေသူတွေကိုသတိပေးထားတာပါ။လှည်းသမားဆောင်းပါးကို ဖတ်လိုက်ရင်ရေးဟန်တမျိုးစကားပြောဟန်နဲ့ ရေးထားတာကိုသတိထားမိပါလိမ့်မယ်။ လှည်းသမားရဲ့စရိုက်-နွားတွေရဲ့သဘာဝနဲ့ လှည်းသွားနေတဲ့လမ်းကြောင်းပတ်ဝန်းကျင်သာယာပုံတွေကိုရေးဖွဲ့ ထားတာပါ။ဖတ်နေသူကဖတ်နေရင်းကိုယ်တိုင်လှည်းသ မားမောင်းတဲ့လှည်းပေါ်မှာထိုင်စီးနေရသလိုခံစားမိမှာပါ။နွားတွေပြေးဆင်းသွားတဲ့ကုန်း လျှောလေးမှာဖတ်နေရင်းလိမ့်မကျသွားအောင်စာအုပ်ကိုကိုင်နေရင်းလက်တဘက်ကနီး စပ်ရာနေရာကိုလှမ်းကိုင်ထားမိပါတယ်။အရေးကောင်းလွန်းလို့ အားကျမိတာမမှားပါဘူး နော် ။

စာရေးနေရင်းနို့ ဆီခွက်ထဲကလက်ဘက်ရည်ကိုတစ်ငုံသောက်လိုက်လက်ထဲ

ကဖောင်တိန်နဲ့ ဆောင်းပါးတွေကိုတည်းဖြတ်လိုက်လုပ်နေတဲ့ဂျာနယ်ကျော်ဦးချစ်မောင် လိုစာရေးအားကောင်းချင်တဲ့ကျွန်တော်-စာမူတွေကိုတည်းဖြတ်ချင်တဲ့ကျွန်တော်-တွေ့  တဲ့လူတိုင်းနဲ့ ပျော်အောင်နေတတ်တဲ့ဦးအမ်ဘိုးချိန်လိုနေချင်တဲ့ကျွန်တော်-စာပေထူးချွန် သလိုစာအရေးအသားကောင်းလှတဲ့ဆရာသိပ္ပံမောင်ဝလိုစွယ်စုံတော်ချင်တဲ့ကျွန်တော် ဟာကျွန်တော်အားကျမိတဲ့ဆရာကြီးတွေလိုဖြစ်အောင်စာရေးနေမိပါတယ်။ကျွန်တော် ရေးထားတဲ့ဆောင်းပါးကိုဖတ်ပြီးရင်ဆရာဦးချစ်မောင်ကသူ့ လွယ်အိတ်ထဲကမင်နီနဲ့ ပယ်  လို့ အကြီးကြီးရေးလိုက်မှာပါ။ ဦးဖိုးချိန်ကတော့စာစဖတ်ကထဲကမျက်ရည်တွေစီးကျလာ အောင်အကျယ်ကြီးရယ်နေမှာပါ။ ဆရာဝကတော့နောက်နေ့ ထုတ်သတင်းစာတစ်စောင် မှာဒီလိုလူတွေစာရေးတာကိုဖတ်ရတာရှက်လွန်းလို့ ရှက်လွန်းလို့ ရှက်လွန်းလို့ လို့ ရေး မှာသေချာပါတော့တယ်။

ထင်အောင်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:လူများ၊ ရုပ်ပုံလွှာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်