မောင်မောင်စိုး – တရုတ်ပေါ်လစီ အရွေ့နှင့် မြန်မာ့ပြည်တွင်းရေး (၂)

June 19, 2015

– တရုတ်ပေါ်လစီ အရွေ့နှင့် မြန်မာ့ပြည်တွင်းရေး (၂)
(မိုးမခ) ဇွန် ၁၈၊ ၂၀၁၅

(ခ) တရုတ်ပါတီနှင့် ပါတီခြင်းဆက်ဆံရေး
၁။ သခင်ဗသိန်းတင်

ဒေါ်အောင်ဆန်းစုကြည်၏ တရုတ်ခရီးစဉ်အား သတင်းရေးသားဖေါ်ပြကြရာတွင် အချို့သတင်းဌာနများက ၃၅ နှစ်အတွင်း တရုတ်နိုင်ငံအနေနှင့် မြန်မာ့အတိုက်အခံခေါင်းဆောင်နှင့်တွေ့ဆုံမှုဟု တိကျစွာဖေါ်ပြခဲ့သည်။ အမှန်ပင် လွန်ခဲ့သော ၃၅ နှစ်အရင် ၁၉၈၀ မတိုင်မှီကာလက တရုတ်ပါတီအနေနှင့် အခြားမြန်မာအတိုက်အခံခေါင်းဆောင်နှင့် တွေ့ဆုံဘူး၍ ဖြစ် သည်။

ထိုသူမှာ ထိုစဉ်က ဗမာပြည်ကွန်မြူနစ်ပါတီဒုဥက္ကဌ ဖြစ်သူ သခင်ဗသိန်းတင် ဖြစ်သည်။ တကယ်တော့ သခင်ဗသိန်းတင်တို့မှာ ၁၉၅၀ နှောင်းပိုင်းကာလများကထဲက နိုင်ငံတကာနှင့် ချိတ်ဆက်အကူအညီရရန် တရုတ်ပြည်သို့ရောက်ရှိနေကြပြီး တရုတ် ပြည် စစ်ချွမ်းပြည်နယ်တွင် နေရာချပေးခြင်းခံရသူများဖြစ်ကြသည်။ အစောပိုင်းတွင် တရုတ်မှ နေရာထိုင်ခင်း အစားအ သောက် ကျန်းမာရေးတာဝန်ယူမှုအပြင် နိုင်ငံရေးသင်တန်းများပေးသည်မှအပ မည်သည့်ထူးခြားသည့်အကူအညီမှမရှိချေ။

သို့သော် ၁၉၆၆ တရုတ်ယဉ်ကျေးမှုတော်လှန်ရေးနှင့်အတူ နိုင်ငံတကာပါတီများ ပြည်သူများနှင့်ပတ်သက်ပြီး သဘောထား
ပေါ်လစီများ ပြောင်းလဲသတ်မှတ်ခဲ့သည်။ နိုင်ငံတကာတော်လှန်ရေးများ နိုင်ငံတကာ ကွန်မြူနစ်ပါတီများအား ကူညီအားပေး
ထောက်ပံ့ရမည်ဟု ဆုံးဖြတ်လိုက်သည်။ ပေါ်လစီအသစ် ချမှတ်လိုက်သည်။ ဤသို့ဖြင့် ၁၉၆၇ ခုနှစ်တွင် ဘေကျင်းရှိ ပြည် သူ့ခန်းမအတွင်း၌ တရုတ်ကွန်မြူနစ်ပါတီ ဥက္ကဌမော်စီတုန်းနှင့် ဗမာပြည်ကွန်မြူနစ်ပါတီ ဒုဥက္ကဌနှင့် အဝေးရောက် ဗဟ်ိုအဖွဲ့ ခေါင်းဆောင်သခင်ဗသိန်းတင်တို့ တွေ့ဆုံလက်ဆွဲနှုတ်ဆက်ခဲ့ပြီး အလှည့်အပြောင်းတခုစခဲ့သည်။

၂။ နိုင်ငံတကာဆက်ဆံရေးဌာန
ထိုစဉ် ဗကပမှာ မြန်မာပြည်မှ အတိုက်အခံဖြစ်ရုံသာမက မတရားသင်း ကြေငြာခံထားရသည်ဖြစ်ရာ ဗကပနှင့်ဆက်ဆံ ဆောင်ရွက်ရသည့်ကိစ္စအဝဝကို တရုတ်ပါတီ နိုင်ငံတကာဆက်ဆံရေးဌာနက တာဝန်ယူဆောင်ရွက်ရသည်။ အစိုးရအဖွဲ့အ နေနှင့် ဆက်ဆံမှုမပြုခဲ့။

သို့သော် ထိုနိုင်ငံတကာဆက်ဆံရေးဌာနသည် ပါဝါပြည့်လုပ်ဆောင်နိုင်သည့်ဌာနတစ်ခုဖြစ်သည်။ KIA မှ ခွဲထွက်လာသောဇခုံတိန့်ယင်းနှင့်အဖွဲ့အား ဗကပနှင့်ချိတ်ဆက်ပေးပြီး ၁၀၁ စစ်ဒေသအဖြစ်၎င်း တရုတ်ပြည် ကွေ့ကျိုးပြည်နယ်တွင် နိုင်ငံ ရေးခိုလှုံခွင့်ပေးထားသော ဗိုလ်နော်ဆိုင်းနှင့်အဖွဲ့အား ဗကပနှင့်ချိတ်ဆက်ပေးပြီး ၃၀၃ စစ်ဒေသအဖြစ်၎င်း အစိုးရအားခံတိုက်နေသောကိုးကန့်ကာကွယ်ရေးခေါင်းဆောင် ဖုန်ကြားစင်းတို့အား ဗကပနှင့်ချိတ်ဆက်ပေးပြီး ၄၀၄ စစ်ဒေသအဖြစ်၎င်း တရုတ်ဖြူ ကူမင်တန်ဆန်ကျင်ရေးအတွက်မွေးထားသော ဝ လူငယ်များအား ဗကပနှင့်ချိတ်ဆက်ပေးပြီး အရှေ့မြောက် ဝ ဒေသအား ၎င်း ဗကပတို့အား အခြေချနိုင်အောင် ကူညီပေးခဲ့သည်။ ထို့ပြင် လိုအပ်သော လက်နက်ခဲယမ်း စစ်အသုံးအဆောင် ရိက္ခာဆေးဝါး ငွေကြေးအားလုံးကိုလည်း ပံ့ပိုးပေးခဲ့ရာ ဗကပ အရှေ့မြောက်စစ်ဒေသသည် လျင်လျင်မြန်မြန် အင်ကြီးအားကြီး ဖြင့် ပေါ်ထွက်ခဲ့သည်။

ဤသို့လုပ်ဆောင်ရာတွင် တရုတ်ပါတီ နိုင်ငံတကာဆက်ဆံရေးဌာန၏ လုပ်နိုင်စွမ်း လက်တံရှည်မှုကို အသိမှတ်မပြုဘဲမဖြစ်နိုင်ပေထိုစဉ်က တရုတ်ပါတီအနေနှင့် ဗကပတို့နှင့် မြန်ဆန်စွာထိရောက်စွာ ဆက်ဆံနိုင်ရန် အရှေ့မြောက်နယ်စပ်၌ CPC ၏ ဗဟိုကော်မတီဝင်တစ်ဦးဖြစ်သူ လူနင့်ယိ အား နိင်ငံတကာဆက်ဆံရေးဌာနမှတာဝန်ပေးထားခဲ့၏။ ထိုစဉ်တွေ့ရချက်များအရ တရုတ်ပါတီ နိုင်ငံတကာဆက်ဆံရေးဌာနသည် လက်တံရှည်သည်။ စွမ်းဆောင်ရည်ပြည့်သည်။ ဘတ်ဂျက်တောင့်တင်း သည်။ ဒေသန္တရအစိုးရအဆင့်ဆင့်ထက် ပါဝါပိုမြင့်သည်။ ပုံမှန်အစိုးရဌာနလုပ်ဆောင်ချက်များကို ကျော်လွှားနိုင်သည်။

ချုပ်၍ပြောရလျှင် တရုတ်ပါတီ နိုင်ငံတကာဆက်ဆံရေးဌာန၏လုပ်ပိုင်ခွင့်နှင့် လုပ်နိုင်စွမ်းမှာ ပုံမှန်အစိုးရဌာနများထက် ပိုမြင့် သည်။ ပိုမြင့်သည့် အဓ်ိကအကြောင်းမှာ အစိုးရဌာနများကဲ့သို့ သံတမန်နည်းလမ်းစည်းကမ်းများကို လိုက်နာလေ့မရှိ၍ ဖြစ်သည်။ သူတို့အတွက် ရည်မှန်းချက်ပေါက်မြောက်ရေးသာ အဓိကဖြစ်သည်။

၃။ လက်ရှိ ပါတီချင်းဆက်ဆံရေးများ
ယခင် တရုတ်ကွန်မြူနစ်ပါတီအဖို့ ပါတီချင်းဆက်ဆံရေးဆိုသည်မှာ မက်ခ် လီနင်ဝါဒ မော်စီတုန်းအတွေးအခေါ် ကိုအတူ တကွကိုင်ဆွဲသည့် ညီအကိုပါတီချင်းဆက်ဆံရေးဖြစ်သည်။ “ထလော့ အငတ်ဘေးကျရောက်သူတို့တတွေ ထလော့ ကမ္ဘာ့ တဝှမ်းကကျေးကျွန်တွေ” ဟူသော အင်တာနေရှင်နယ်သီချင်းကို အတူတကွ လက်ချင်းယှက်ဆိုနိုင်သော ညီအကိုပါတီများ ဆက်ဆံရေးဖြစ်သည်။

သို့သော် ဤအခြေအနေသည် ၁၉၈၈ နောက်ပိုင်း သိသိသာသာပြောင်းလဲသွားသည်။ တကယ်ဆိုလျှင် ၁၉၆၀ ပတ်ဝန်းကျင် ရုရှားနှင့်တရုတ် သဘောတရားကွဲလွဲမှု စကတည်းက ကမ္ဘာ့လက်ဝဲဂိုဏ်းအတွင်း အကွဲအပြဲစခဲ့ပြီဖြစ်သည်။ ထိုမှ ၁၉၈၈ နောက်ပိုင်း ဆိုဗီယက်ယူနီယံ ပြိုကွဲသည့်အပြင်  အရှေ့ဥရောပဆိုရှယ်လစ်နိုင်ငံများရှိ ကွန်မြူနစ်ပါတီများ တခန်းရပ်သွား သည်။ ပြိုကွဲသွားသည့် ဆိုဗီယက်နိုင်ငံငယ်များတွင်လည်း ယခင်ဗော်ရှီဗစ်များသည် ခရစ်ယာန်သူတော်စင်များအဖြစ် ပြောင်းကုန်ကြသည်။

အရှေ့တောင်အာရှရှိ ကွန်မြူနစ်ပါတီများ အရေးနိမ့်သွားသည်။ ရှားရှားပါးပါးအာဏာရသည့် ဗီယက်နမ်ပါတီနှင့်လည်း တရုတ်တို့အဆင်မပြေ။ ညီနောင်တို့လည်း အကွဲကွဲအပြားပြား ဖြစ်ကုန်ကြသည်။ ကွန်မြူနစ်အလံ ဆက်လွှင့်လိုသူ ညီနောင် ပါတီအချို့ရှိသော်လည်း ထိုပါတီငယ်များမှာ အရှုံးသမားများဖြစ်နေပြီး ကိုယ့်နိုင်ငံတွင်းမှာတောင် ရပ်တည်ဖို့အခက်ခဲရှိ နေပေရာ တရုတ်အဖို့ မလွမ်းလောက်ဟု ဆိုရပေမည်။ ဤအခြေအနေများအောက်တွင် ဘေကျင်းအသံလွှင့်ဌာနလည်း အင်တာနေရှင်နယ်သီချင်း ထုတ်လွှင့်မှုကို ရပ်တန့်လိုက်ရပေတော့သည်။

ထိုအချိန်မှစ၍ တရုတ်ကွန်မြူနစ်ပါတီ အတွက် ပါတီချင်းဆက်ဆံရေးအသစ်စသည်။ ပထမ စတင်သည့် ပါတီချင်းဆက်ဆံရေး
အစိုးရချင်းဆက်ဆံမှုရှိသည့်နိုင်ငံများမှ အာဏာရပါတီများနှင့်ဖြစ်သည်။ တရုတ်အဖို့ စီးပွားရေးအကျိုးအမြတ်အတွက် ဆက်ဆံသည့် အာရှနှင့်အာဖရိကရှိ နိုင်ငံအချို့မှာ အာဏာရှင်နိုင်ငံများဖြစ်ကြပြီး ထိုအာဏာရှင်နိုင်ငံများမှ အာဏာရပါတီ များနှင့် ဆက်ဆံရခြင်းမှာလည်း တရုတ်အဖို့ နာမည်ပျက်ဆေးဖော်ရသလို ဖြစ်သည်။ သို့သော် တရုတ်သည် အာဏာရ ပါတီများနှင့် ဆက်ဆံရေးကိုမူ မဖြစ်မနေ ထူထောင်ထားသည်။

နောက်ပိုင်းတွင် နိုင်ငံအလိုက် သက်တမ်းရင့်ပါတီများ သိက္ခာရှိသောပါတီများ လူထူထောက်ခံမှုမြင့်သောပါတီများနှင့် ပါတီ
ချင်းဆက်ဆံရေးထူထောင်လာသည်။ ထို့ပြင် အိန္ဒိယကဲ့သို့ ဒီမိုကရေစီနိုင်ငံများတွင် ကွန်ဂရက်ပါတီနှင့် ဟိန္ဒူအမျိုးသားရေး
ပါတီတို့မှာ တလှည့်စီ အစိုးရနှင့်အတိုက်အခံဖြစ်နေပေရာ တရုတ်တို့အနေနှင့် ၂ ပါတီစလုံးနှင့် ဆက်ဆံရေးထူထောင် ထားခဲ့သည်။

တရုတ်ပါတီအနေနှင် မြန်မာအာဏာရပါတီဖြစ်သော ကြံ့ဖွံ့နှင့်လည်း ဆက်ဆံရေးထူထောင်ထားသည်။ နှစ်ပါတီအပြန် အလှန်ဆက်ဆံရေးကို ထူထောင်ထားသည်။ ထို့ပြင် NLD အပါအတိုက်အခံပါတီများ တိုင်းရင်းသားပါတီများနှင့် ဆက်ဆံရေး ကို ၂၀၁၀ နောက်ပိုင်းမှ စတင်တည်ထောင်လာခဲ့သည်။

သို့ဖြစ်၍ တရုတ်အနေနှင့် အစိုးရရော အတိုက်အခံပါ ဆက်ဆံခြင်းသည် မထူးဆန်းဟုဆိုသော်ရပေသည်။ သို့သော်လည်း
ဒေါ်အောင်ဆန်းစုကြည်နှင့် တရုတ်ထိပ်တန်းခေါင်းဆောင်များတွေ့ဆုံခြင်းသည် အပြောင်းအလဲတခု၏ အစဟုဆိုရခြင်းမှာ
ထူးခြားသော မြန်မာပြည်တွင်းရေးအခြေအနေများကြောင့်ဟု ဆိုရပေမည်။

ဆက်လက်ဖေါ်ပြပါမည်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments