ဆောင်းဖြူ – အစ်ကို

June 27, 2015

 

– အစ်ကို
(မိုးမခ) ဇွန် ၂၇၊ ၂၀၁၅

၁၆ နှစ်သားမှာ
ကုန်ကားပေါ်ကို
လွှားခနဲခုန်တက်သွားလိုက်တာ
‘မျောက်လွှဲကျော်’ တစ်ကောင်လိုပါပဲ။

အဖေတားလည်းမရ
အမေတားလည်းမရ
ပညာတစ်ပိုင်းတစ်စကို တာ့တာပြပြီး
သူ့ခရီးသူနှင်
သူ့လမ်းကိုသူထွင်သွားခဲ့တယ်။

သုံးနှစ်လောက်ကြာတော့
ကုန်ကားကြီးတစ်စီးကို ဝေါခနဲ ဝေါခနဲမောင်းပြီး
ကားနောက်မြီးကနေ
ကားရှေ့ခန်းကို ရောက်ခဲ့ပြန်တယ်။

ဒီလိုနဲ့
ကုန်ကားကြီးဟာသူ့ထမင်းအိုး
ရိုးမလမ်းတွေဟာ
သူ့ အိပ်ရာဖြစ်လာတယ်။

ခရီးကပြန်လာတိုင်း
အဖေနဲ့အမေဖို့
ညီလေးညီမလေးဖို့ဆိုတဲ့ သိတတ်မှုတွေကို
တစ်ပွေ့တစ်ပိုက်ကြီး ယူ ယူလာခဲ့တယ်။

ပြီးတော့
ကျွန်တော့်အတွက်
စကားလက်ဆောင်တွေလည်းပါလိုက်သေး …

“ညီလေးရေ
ငါတို့ကုန်ကား
ဟိုးတောင်ထိပ်ဖျားကို ရောက်တဲ့အချိန်
တိမ်တွေနဲ့ တစ်သားတည်းပဲကွ
ငါတို့ငယ်ငယ်က မော့မော့ကြည့်ခဲ့ရတဲ့တိမ်တွေလေ
ငါတို့ဘေးနားမှာ
ငါတို့အောက်ဘက်မှာ …
ပြီးတော့
ငါတို့ငယ်ငယ်က ချိုးခဲ့ရတဲ့ မိုးဆိုတာလည်း
ဒီနေရာမှာ
ငါတို့ခြေထောက်အောက်က ရွာတာကွ
ဒီမှာညီလေး
အမြင့်ကိုရောက်အောင်ကြိုးစား
အမြင့်ကိုရောက်ရင်
ကိုယ်တစ်ခါက မော့ကြည့်ခဲ့ရတဲ့အရာတွေဟာ
ကိုယ့်ရဲ့ဘေးမှာ ကိုယ့်ရဲ့အောက်မှာ ရှိနေလိမ့်မယ်”။

ဒီစကားတွေဟာ
လောကဓံနှိပ်စက်လို့
နှလုံးသားအသားမာတက်ပြီးပြောခဲ့လေသလား
ကျွန်တော်ေ၀၀ါးနေခဲ့တယ်။
အဖေကတော့ တုံဏှိဘာဝေ
အမေကတော့
သူ့သားကြီး အန္တရာယ်ကင်းဖို့
အဆိပ်ရည်တွေ မသောက်ဖို့
‘မ’ ဘက်လိုက်ပြီး မိုက်ဘက် မပါဖို့
ရှင်တော်မြတ်ဘုရားရှေ့မှာ
ဦးညွတ်ဝတ်တွားလို့
ဆုတောင်းမေတ္တာပို့သလို့
သိတတ်စ ညီမလေးတောင်
မျက်ရည်စို့နေခဲ့တယ် …။

တစ်ခါသားမှာတော့
အမြဲတမ်းဆီကြေး ( ဂျီး ) တပေပေ
စက်ဆီနံ့တသင်းသင်းနဲ့
ဟိုင်းဝေးခရီးပြင်းမောင်းနေတဲ့
ကုန်ကားဒရိုင်ဗာတစ်ယောက်မှာလည်း
နှလုံးသားရှိတဲ့အကြောင်းကို
အိမ်ရှေ့အိမ်နောက် မောင်းခတ်ပြီး
သူ့ချစ်သူနဲ့ လက်ထပ်ပြခဲ့တယ်။

သက်မဲ့ကုန်တွေကို တင် တင်ပြီး
လိုရာခရီးတွေကို နှင် နှင်နေရတဲ့ ဒရိုင်ဗာလေးဟာ
ခုတော့
အိမ်ထောင်ရေးကားကြီးကိုမောင်းရင်း
လောကဓံလမ်းကြောင်းပေါ်မှာ
ချစ်စရာရင်သွေးတွေကိုမွေးဖွား
သား      ၁
သား     ၂
ဒါတွေဟာ
သူ့ရဲ့ နှလုံးသားကုန်စည်အစစ်တွေဖြစ်တယ်။

အစ်ကိုရေ
အဝေးပြေးလမ်းတွေက
ဆိုရှယ်လစ်ခေတ်တုန်းကလို ကြမ်းနေဆဲလား
ရိုးမတောင်တွေက
စစ်အစိုးရခေတ်မှာလို ချောက်ချားစရာကောင်းနေဆဲလား
ဒရိုင်ဗာတစ်ယောက်ရဲ့ဘ၀ကလည်း
အခုလိုဒီမိုကရေစီခေတ်မှာ မွန်းကျပ်နေဆဲလား …
ကုန်ကားတစ်စီးရဲ့ကူရှင်ပေါ်မှာ
ဟိုင်းဝေးလမ်းတွေပေါ်မှာ
ရိုးမတောင်တွေပေါ်မှာ
ဘ၀ကို
အရုပ်လို ထိုင်ဆွဲနေခဲ့တာ
ဘယ်လောက်ကြာပြီလဲ
ဘယ်လောက်တောင်ကြာခဲ့ပြီလဲ …။          ။

ဆောင်းဖြူ @ Saung Phyu

(မျောက်လွှဲကျော် = စပယ်ရာ
ဆရာမင်းလူ၏ အသုံးအနှုန်း)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်