မောင်မောင်စိုး – တရုတ်ပေါ်လစီအရွေ့နှင့် မြန်မာ့ပြည်တွင်းရေး – အပိုင်း (၈)

June 29, 2015

မောင်မောင်စိုး – တရုတ်ပေါ်လစီအရွေ့နှင့် မြန်မာ့ပြည်တွင်းရေး – အပိုင်း (၈)
(မိုးမခ) ဇွန် ၂၉၊ ၂၀၁၅

(ဇ) နိဂုံး
သို့သော် အချို့ကလည်း တရုတ်သည် နိုင်ငံကြီးဖြစ်သည့်အားလျော်စွာ မည့်သူတက်တက် ဆက်ဆံမည့် ဗျူဟာများချပြီးဟု ဆိုကြသည်။ နိုင်ငံကြီးတခုအနေနှင့် plan A မအောင်မြင်လျှင် ကျင့်သုံးမည့် plan B ဆိုသည်မှာ ရှိစမြဲဖြစ်ပါသည်။ သို့သော် လက်ရှိ တရုတ်၏ အာဘော်ခြေလှမ်းများအရကြည့်လျှင် တရုတ်တွင်တက်ကြွသောရည်ရွယ်ချက်ရှိသော ခြေလှမ်းများ မြင် နေရသည်။ ဒေါ်အောင်ဆန်းကြည်နှင့် မတွေ့မှီဂလိုဘယ်တိုင်းတွင်ဖော်ပြသော မြန်မာပြည်၏ ပြဿနာအရပ်ရပ်ကို ဖြေရှင်းနိုင်မည့်ခေါင်းဆောင်ဟု ညွှန်းဆိုခြင်းသည် ဒေါ်အောင်ဆန်းစုကြည်နှင့်ပတ်သက်သည့် သူတို့၏ အာဘော်ကိုဖော်ပြထားခြင်း ဖြစ်သည်။

တရုတ်တို့သည် သူတို့ရည်မှန်းချက်ကို ပေါက်မြောက်ခြင်း ရှိ/မရှိထိုင်စောင့်နေမည့်သူများ မဟုတ်ကြ။ သူတို့အကျိုးစီးပွား အတွက် ရသည့်နည်းနှင့် အကောင်ထည်ဖော်တတ်သူများဖြစ်သည်။ သို့ဖြစ်ရာ လက်ရှိ တွေ့ရှိသည့် အချက်အလက်များအရ တရုတ်တို့ဘက်ပြောင်းမည့် အလားအလာကပိုများနေသည်ဟု ဆိုရမည်။ ဤသို့ဆိုလျှင် မြန်မာပြည်တွင်းရေးနှင့် နိုင်ငံရေး အရွေ့ ပြင်းထန်စွာ လှုပ်ခတ်လိမ့်မည်ဟု ယူဆရသည်။

ဤသို့ဆိုလျင် ဇတ်လမ်းတလျှောက်လုံး လူကြမ်းတို့၏ အထိုးအကြိတ်ခံနေရသော ကိုရွှေဘ မကြာမှီ ပြန်ထပြီး ရင်ဆိုင်အနိုင် ယူနိုင်ပါလိမ့်မည်။ သို့သော် လက်သည်ချည်းအားကိုးနေ၍ မရနိုင်။ ကိုယ်တိုင်လည်း အားစိုက်ညှစ်ဘို့လိုပေလိမ့်မည်။

၁၉၆၈ ဗကပ အားတရုတ်တို့အား ထောက်ပံ့ပေးစဉ်က မြန်မာစစ်ခေါင်းဆောင်များအား အမေရိကန် ဂျပန်နှင့် အနောက် အုပ်စုက ကူညီပေးခဲ့ရာ မည်သည့်သံတမန်အကြပ်အတည်းမှ မရှိချေ။သို့သော် ယခုအခါတစ်ဦးတည်းအားကိုးအားထားရာဖြစ်သောတရုတ်တို့၏ ထောက်ခံမှုရုပ်သိမ်းသွားပါက မြန်မာစစ်ခေါင်းဆောင်များအတွက် သံတမန် အကြပ်တည်း ကြီးပေလိမ့်မည်။ သို့သော် လုံးဝထွက်ပေါက်မရှိသည်တော့ မဟုတ်ချေ။ ဒေါ်အောင်ဆန်းစုကြည်နှင့် ပူးပေါင်းခြင်းသည် သူတို့အတွက် အကောင်းဆုံးထွက်ပေါက် ဖြစ်ဘွယ်ရာရှိပေသည်။

• နောက်ဆက်တွဲ ၁
သံခင်းတမန်ခင်း သုံးသပ်ရာတွင် ရုရှားနိုင်ငံကျန်ခဲ့သည်။ ဗီတိုအာဏာပိုင်ဆိုင်သကဲ့သို့ အနုမြူလက်နက်ပိုင်သော ရုရှား သည် အင်အားကြီးနိုင်ငံတခုဖြစ်သကဲ့သို့ မြန်မာစစ်ခေါင်းဆောင်များနှင့် အဆက်အဆံရှိသောနိုင်ငံဖြစ်သည်။ နျူကလီယား ဓါတ်ပေါင်းဖိုအပါ စစ်လက်နက်ပစ္စည်းများ ရုရှားမှဝယ်ယူဘူးသည့်ပြင် မြန်မာစစ်ဖက်အရာရှိများ စေလွှတ် သင်တန်းတက် စေခဲ့သည့်နိုင်ငံဖြစ်သည်။ ထို့ပြင် လောလောဆယ် ဒုသမတဦးဉာဏ်ထွန်းနှင့်အဖွဲ့ရောက်ရှိနေသည်။

လက်ရှိရုရှား၏ စီးပွားရေးအခြေအနေမှာမကောင်းပေ။ အမေရိကနှင့် ဥရောပ၏ စီးပွားရေးပိတ်ဆို့မှုကို ခံနေရသည်။ ပိတ်ဆို့ မှုသက်တမ်းကို ၂၀၁၆ ထိ တိုးထားသည်။ ပြည်တွင်း၌ စီးပွားရေးအကြပ်အတည်းရှိသည်။ ထို့ပြင် အရှေ့တောင်အာရှဒေသတွင်း နိုင်ငံရေးသြဇာ မရှိလှ။ နိုင်ငံရေးသြဇာကို ထောက်ကူပေးသည့် စစ်ရေးတည်ဆောက်မှုလည်း ဒေသတွင်း၌မရှိချေ။ ထို့ ကြောင့်ရုရှားထံမှ စစ်လက်နက်ဝယ်ယူရေးမှအပ ကျန်တာအားကိုးအားထားပြု၍ မရနိုင်ပေ။

• နောက်ဆက်တွဲ ၂

စင်္ကာပူသည် ကုန်သည်နိုင်ငံဖြစ်သည်ဟုဆိုကြသည်။ အကျိုးအမြတ် အလွန်တွက်ချက်တတ်သည်ဟု ဆိုသည်။ နဝတ ခေတ်တလျှောက်လုံး စင်္ကာပူတို့သည် မြန်မာစစ်ခေါင်းဆောင်တို့နှင့်သာ ဆက်ဆံ၍ စီးပွားရှာခဲ့သူများဖြစ်သည်။ အနောက်၏ ပိတ်ဆို့မှုခံနေရသော မြန်မာစစ်အစိုးရ၏ နိုင်ငံခြားငွေကြေးအားလုံးသည် စင်္ကာပူရှိဘဏ်များမှဖြတ်သန်းသည်။ မြန်မာနိုင်ငံ ခြား ငွေကြေးအခြေအနေကို အသိဆုံးနိုင်ငံဟု ဆိုရပေမည်။

ထိုစင်္ကာပူသည် ပြီးခဲ့သောနှစ်များအတွင်း ဒီမိုကရေစီရေးတခွန်းမဟခဲ့။ ဒေါ်အောင်ဆန်းစုကြည်အကြောင်း တလုံးတပါဒမှ ပြောခြင်းမရှိခဲ့။ သို့သော် ထိုစင်္ကာပူသည် ဒေါ်အောင်ဆန်းစုကြည်အား လေယာဉ်စီးလုံးဖြင့် အကြိုအပို့လုပ်ပြီး စင်္ကာပူသို့  ဖိတ်ကြားခဲ့သည်။ အတွက်အချက်တော်သော စင်္ကာပူတို့ မည်သို့တွက်ချက်ထားသည်မှာ စိတ်ဝင်စားဖွယ်ဖြစ်သည်။

စင်္ကာပူသည် အကောင်သေးပေမဲ့ လျော့တွက်မရ။ တရုတ်ပြည်မကြီးနှင့် ဆက်ဆံရေးကောင်းသည်။ တရုတ်ပြည်မကြီး တွင်လည်း စင်္ကာပူလိုဖြစ်ချင်သောမြို့များသည်။ ဟန်တရုတ်လူမျိုးချင်းလည်းဖြစ်၍ နီးစပ်မှုများသည်။ တရုတ် ဗီယက်နမ် စစ်ပွဲသည် တိန့်ရှောက်ဖိန်နှင့် လီကွမ်ယူးတို့တွေ့ဆုံအပြီး ရလဒ်တခုလည်းဖြစ်သည်။

• နောက်ဆက်တွဲ ၃

၂၀၁၅ ဇွန်လဆန်း လော်ခီးလားညီလာခံက နော်စီဖိုးရာစိန်ခေါင်းဆောင်သော ၁၅ ဦးပါ အဆင့်မြင့်ကိုယ်စားလည်အဖွဲ့တခုဖွဲ့စည်းပြီးအစိုးရနှင့် ဆက်လက်ဆွေးနွေးရန် ဆုံးဖြတ်ခဲ့သည်။ ထို့ပြင် NCCT နှင့် သဘောတူထားသည့်အထဲမှ အချက် ၁၅ ချက်အား ပြင်ဆင်ဖြည့်စွက်ဆွေးနွေးရန်ရှိသည်ဟု ဆိုသည်။ အစိုးရဘက်မှ ယခုထိလက်မခံ၍ NCA လက်မှတ်ထိုးရေး အစီ အစဉ်မှာ ရှေ့မတိုးသာ နောက်မဆုတ်သာ အခြေအနေတွင်ရှိနေသည်ဟု ဆိုရပေမည်။ ထို့ပြင် အစိုးရကလက်မခံသော အဖွဲ့ ၃ ဖွဲ့ပါ NCA လက်မှတ်ထိုးရေးတောင်းဆိုထားရာ သဘောတူညီမှုရရန် ခက်ခဲဘွယ်ရှိသည်။

လော်ခီးလာညီလာခံအစတွင် KNU ဥက္ကဌ စောမူတူးစေးက ဘာဘဲဖြစ်ဖြစ် လက်မှတ်ထိုးလိုက်ဘို့ ပြောဆိုနေသော်လည်း လက်တွေ့တွင် NCA စာချုပ်ပါအချက်များ ပြင်ဆင်ညှိနှိုင်းဘို့လိုသည်ဟု ဆုံးဖြတ်ချက်ထွက်လာသည့်ပြင် KNU ဒုဥက္ကဌ နော်စီဖိုးရာစိန်က ဆွေးနွေးမည့် အဖွဲ့သစ် ခေါင်းဆောင်ဖြစ်လာသည်။

NCA လက်မှတ်ထိုးဘို့ ဝေးနေဆဲဖြစ်နေသည့်ပြင် ပြည်နယ် ဖားကန့်ဒေသနှင့် ရှမ်းပြည်မြောက်ပိုင်းတွင် KIA နှင့်တိုက်ပွဲငယ်များဖြစ်ပွားခြင်း မိုင်းဆတ် ပုံပါကျင်ဘက်မှအစပြု၍ UWSA နှင့် တင်းမာမှုများဖြစ်နေသည်ကို တွေ့ရသည်။

ကိုးကန့်ဒေသတွင် လက်နက်နှင့်ငြိမ်းချမ်းရေးလဲလှယ်ရန်အစိုးရမှ ဝန်ကြီး ဦးလှထွန်းလာရောက်ကမ်းလှမ်းသည်ဟုဆိုသည်တရုတ်၏ဖိအားကြောင့် ဖြစ်မည်ဟုသုံးသပ်ရသည်။ MNDAA က တဖက်သတ်အပစ်ရပ်ကြေငြာခြင်းက်ို အစိုးရက လက်နက် ချရန်ကမ်းလှမ်းခြင်းဖြင့် တုန့်ပြန်လိုက်သည်။ ဤကိစ္စကို UPWC က ဦးအောင်မင်းက မကိုင်တွယ်ဘဲ သမတရုံးဝန်ကြီးက ကိုင်တွယ်ပုံထောက်လျှင် ဆွေးနွေးဘို့သဘောထားမရှိဟု တွက်ဆ၍ရသည်သို့ဖြစ်ရာ ကိုးကန့်အခြေအနေ ပြေလည်ဘွယ်ရာ မရှိသေးဟု ဆိုရပေမည်။ သို့သော်နှစ်ဖက်စလုံးမှ လောလောဆယ် တိုက်ပွဲများလျော့ချသွားမည့်ပုံပေါ်သည်။

• နိဂုံး၏ နိဂုံး

တကယ်တမ်းဆိုလျှင် ကျနော်အနေနှင့် အချက်အလက်များပေးနိုင်ရန်သာ အဓိကရည်ရွယ်ပါသည်။ စာဖတ်သူများအနေနှင့် ကိုယ်တိုင်သုံးသပ်ကောက်ချက်ချနိုင်ရန် အချက်အလက်များ မျှဝေခြင်းကို ပို၍အလေးထားပါသည်။ပြီး ပါ ပြီ ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး, မောင်မောင်စိုး

One Response to မောင်မောင်စိုး – တရုတ်ပေါ်လစီအရွေ့နှင့် မြန်မာ့ပြည်တွင်းရေး – အပိုင်း (၈)

  1. Thein Win on June 29, 2015 at 12:15 pm

    Very good political analysis.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်