အုန်းနိုင် – ၁၉၉၁ ခုနှစ် ဒေါ်အောင်ဆန်းစုကြည်အား အမျိုးသားဒီမိုကရေစီအဖွဲ့ ချုပ်မှ ထုတ်ပယ်ခြင်း (၉)

June 30, 2015

အုန်းနိုင် – ၁၉၉၁ ခုနှစ် ဒေါ်အောင်ဆန်းစုကြည်အား အမျိုးသားဒီမိုကရေစီအဖွဲ့ ချုပ်မှ ထုတ်ပယ်ခြင်း (၉)
(မိုးမခ) ဇွန် ၃၀၊ ၂၀၁၅

• ဥပဒေနောက်ထပ်တိုးပြန်တော့
န၀တကတော့ လက်ရဲဇက်ရဲနိုင်လာပါပြီ..။ ဒေါ်အောင်ဆန်းစုကြည်ကို နေအိမ်အကျယ်ချုပ်ချထားတဲ့ မူလဥပဒေ “နိုင်ငံ တော် အား  နှောင့်ယှက်ဖျက်ဆီးလိုသူများဧ။် ဘေးအန္တရာယ်မှ ကာကွယ်စောင့်ရှောက်သည့်ဥပဒေ” ကို  ထပ်ပြီး  ပြင်ဆင် တိုးမြှင့်လိုက်ပြန်ပါတယ်..။

မူလဥပဒေ  အခန်း (၄) ပုဒ်မ (၁၄) မှာပါဝင်တဲ့ “တကြိမ်လျှင်  ရက်ပေါင်း ၁၈၀ ထက်မပိုစေပဲ  (၃) နှစ်အထိ” ဆိုတဲ့ စကား ရပ်အစား “တကြိမ်လျှင်  တနှစ်ထက်မပိုစေပဲ စုစုပေါင်း (၅) နှစ်အထိ” ဆိုတဲ့ စကားရပ်နဲ့ အစားထိုးရမယ်လို့ ပြင်ဆင်ပါတယ်..။

ဒေါ်အောင်ဆန်းစုကြည်ကို  စဖမ်းတာ ၁၉၈၉ခု  ဇူလိုင်လကဆိုတော့  ၁၉၉၂ ခု ဇူလိုင်လဆိုရင်  (၃) နှစ်ပြည့်တော့မယ်..။ မူလဥပဒေအရ (၃) နှစ်ဆိုရင် လွှတ်ပေးရတော့မယ်..။ မလွှတ်သေးဘူး..။ ဒါကြောင့် (၃) နှစ်အစား  (၅) နှစ်လို့ ပြင်တယ်..။ နောက်ထပ် (၂) နှစ် ထပ်ချုပ်ထားဦးမယ်ဆိုတဲ့သဘောနဲ့ ဥပဒေပြင်တာပါ။

မူလဥပဒေဟောင်းရဲ့ ပုဒ်မ (၂၀) မှာ အယူခံပိုင်ခွင့်ရှိသည်ဆိုတဲ့ စကားကိုလည်း ပယ်ဖျက်လိုက်တယ်..။ အယူခံခွင့် မရှိ တော့ဘူးပေါ့..။ အဲဒီလောက် ညစ်ပတ်တာပါ..။

ဒါတွေဟာ ဘာကိုညွှန်းနေလဲဆိုတော့ အမျိုးသားဒီမိုကရေစီအဖွဲ့ ချုပ်ရဲ့ လက်ရှိဗဟို အလုပ်အမှုဆောင်ကို   ဒေါ်အောင်ဆန်း စုကြည်အပေါ် ပိုပြီးလျစ်လျှူရှုအောင် တဖြည်းဖြည်း ညစ်နေတာပါပဲ။ ခုတော့  တဖြေးဖြေးမျိုလာလိုက်တာ မထွေးလေးနဲ့ မြွေမင်းသားပုံပြင်ထဲကလို လည်ပင်းရောက်နေပါပြီ..။ ဒါတောင် အဖွဲ့ချုပ် ဗဟိုခေါင်းဆောင်တွေက ချစ်လို့ ကျီစားတယ် ထင်နေတုန်းလား  မသိပါဘူး..။

ဒီအချိန်မှာပဲ  “အဖွဲ့ ခေါင်းဆောင် ဘယ်သူလဲ” ဆိုတဲ့ မေးခွန်းကို  အာဏာပိုင်တွေဘက်က အလုပ်မရှိ ကြောင်မရေချိုးသလို  မေးလာပါတယ်။ အစိုးရပိုင်  သတင်းစာထဲက ဆောင်းပါးတွေကနေ   ရေလာမြောင်းပေး    စရေးလာကြပါတယ်..။ မသိမသာ
မေးခွန်းထုတ်လာကြတယ်..။ နောက်တော့ မ၀တ (မြို့ နယ်အာဏာပိုင်) တွေက မြို့ပေါ်ရှိ နိုင်ငံရေးအဖွဲ့အစည်းတိုင်းရဲ့ အ မှုဆောင်တွေကို  ဖိတ်ခေါ်ပြီး မေးပါတယ်။ မိမိတို့နိုင်ငံရေးပါတီရဲ့ခေါင်းဆောင်ဘယ်သူလဲ..တဲ့။ အချက်အလက် အချို့ပါ တဲ့ပုံစံတွေကိုပေးပြီး ဖြေခိုင်းတယ်။ အဲဒီပုံစံထဲမှာပဲ  အဖွဲ့ခေါင်းဆောင် ဘယ်သူလဲလို့မေးပါတယ်။ အထူးသဖြင့် အမျိုးသား ဒီမိုကရေစီအဖွဲ့ချုပ်ကို ဦးတည်ပြီးမေးတာပါ။ လက်ရှိအနေအထားအရ အဖွဲ့ချုပ်မှာ ခေတ္တယာယီဥက္ကဌက ဦးအောင်ရွှေ ဖြစ်နေတော့ တချို့ကလည်း  ဇဝေဇ၀ါပေါ့။ ကျနော်တို့မြို့နယ်မှာတော့  ကျနော်တို့အဖွဲ့ရဲ့ ဒုဥက္ကဌ ဦးမြင့်သိန်းနဲ့ တွေ့ တော့တာကိုး။ သူက လူဝင်မှုကြီးကြပ်ရေးမြို့နယ်မှူးကနေ အငြိမ်းစားယူလာတဲ့သူ။ ဌာနဆိုင်ရာဝန်ထမ်းဘ၀မှာကတည်းက မဟုတ်မခံ။ ဂွတိုက်တတ်သူမို့ အသက်မပြည့်ခင်စောပြီး အငြိမ်းစားယူခဲ့ရသူပါ။ သူ့ကိုပေးထားတဲ့ပုံစံရဲ့  အဖွဲ့ခေါင်းဆောင် နေရာမှာ  ဒေါ်အောင်ဆန်းစုကြည်လို့ ရေးရုံမက  စာရွက်ရဲ့လွတ်နေတဲ့နေရာ ကွက်လပ်မှန်သမျှမှာ ကျနော်တို့ အမျိုး သားဒီမိုကရေစီအဖွဲ့ချုပ်၏ခေါင်းဆောင်မှာ  အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏သမီး  ဒေါ်အောင်ဆန်းစုကြည်ဖြစ် ပါသည်.. လို့  ကွက်လပ်တွေ မပြည့်မချင်း  အကြိမ်ကြိမ်ထပ်ရေးပါတယ်..။

ဒီတော့  မ၀တအတွင်းရေးမှူးက  ဒါ..တမင်ရွဲ့ပြီးလုပ်တာလားလို့  မေးပါတယ်..။ ဦးမြင့်သိန်းက ခင်ဗျားတို့  ဘယ်သူခေါင်း ဆောင်လဲလို့မေးတာကရော အလုပ်ပိုတွေလုပ်နေတာမဟုတ်ဖူးလားလို့ ပြန်မေးပါတယ်..။ နဲနဲတော့အခြေအတင်ဖြစ်သွား တာပေါ့..။ ဒီတော့ ရုံးအဖွဲ့ မှူးက“နေပါစေ..ထားလိုက်ပါ။ ထားလိုက်ပါ” လို့ပြောမှ ပြီးသွားပါတယ်..။

မြို့နယ်စည်းရုံးရေးကော်မတီဝင်များကို  မ၀တရုံးမှာခေါ်မေးရုံတင်မကဘူး..။ နောက်တဆင့် မြို့နယ်လွှတ်တော်ကိုယ်စားလှယ်နှစ်ဦးကို  ပြည်မြို့မင်းကြီးတောင်ပေါ်က စစ်ဘက်ထောက်လှမ်းရေးရုံးမှာခေါ်ပြီး  မေးပြန်ပါတယ်..။ ဒီလိုခေါ်မေးတဲ့ မြင်ကွင်းကလေးနဲ့ မေးပုံကလေးကို  ဖော်ပြချင်ပါတယ်..။

အခန်းတခန်းမှာ   စားပွဲတလုံးရှေ့ မှာကုလားထိုင်ချထားပြီး  ကျနော့်ကိုထိုင်စေပါတယ်..။ မျက်နှာချင်းဆိုင်မှာတော့  ထောက် လှမ်းရေးအရာခံဗိုလ်က  ထိုင်နေပြီးစောင့်ကြည်နေပါတယ်။ စားပွဲပေါ်မှာ စာရွက်အတိုအစတွေ    ဖြန့်ကျဲထားပြီး ..စာရွက် တွေပေါ်မှာတော့ ဦးအောင်ရွှေ၊ ဦးလွင်၊ ဦးကြည်မောင်၊ စတဲ့နာမည်တွေ.. အမျိုးမျိုးရေးထားပါတယ်..။ ဒေါ်အောင်ဆန်း စုကြည်လို့ရေးထားတဲ့ စာရွက်အတိုအစမျိုးတော့ လုံးဝမတွေ့ ရပါ။

ကျနော်က သူတို့ပေးထားတဲ့   ပုံစံစာရွက်ထဲက ခေါင်းဆောင်အမည်နေရာမှာ ဒေါ်အောင်ဆန်းစုကြည်လို့ရေးလိုက်တော့…ရှေ့မျက်နှာချင်းဆိုင်မှာ ထိုင်နေတဲ့ထောက်လှမ်းရေးအရာခံဗိုလ်က လှမ်းဖတ်ပြီး “ဒေါ်အောင်ဆန်းစုကြည်က  နိုင်ငံသားမှ  မဟုတ်ပဲ” လို့ပြောတယ်။

“သူနိုင်ငံသားမဟုတ်ဘူးလို့  ခင်ဗျားက  ဘာအထောက်အထားနဲ့ပြောတာလဲ..” လို့ကျနော်က ပြန်မေးတော့“သူရွေးကောက်ပွဲတုန်းက အရွေးခံခွင့်မရဘူးလေ” ပြောပြန်ပါတယ်..။

“ရွေးကောက်ပွဲတုန်းက သူ့ကို မြို့နယ်စုကော်မရှင်က အရွေးခံခွင့်ပြုခဲ့တယ်လေ..။ တိုင်းကော်မရှင်ကျတော့မှ  အရွေးခံခွင့် ပယ်လိုက်တာ..။ တရားဥပဒေသဘောအရပြောရရင်  အမှုတခုမှာ မူလမှု၊ အယူခံမှု၊ ဗဟိုရုံးအယူခံမှုဆိုပြီး  သုံးဆင့်ရှိတယ်..။ အခု  မြို့နယ်စုရဲ့ မူလအမှုမှာ ဒေါ်စုအရွေးခံခွင့်ရတယ်လေ။

ရန်ကုန်တိုင်းအယူခံကျမှ  ဒေါ်စုကို  အရွေးခံခွင့်ပယ်ခံရတာ။ ဒါဆိုတော့ ၀မ်း-၀မ်း (one- 0ne) ပဲ  ရှိသေးတယ်..။ ဗဟိုက  အဆုံးအဖြတ်မှမပေးသေးတာ..။ဒီတော့ သရေပဲ ဗျ..။ဖိုင်နယ်မဟုတ်သေးဘူး..။ပြီးတော့  ဒေါ်အောင်ဆန်းစုကြည်   ရွေးကောက်ပွဲဝင်ခွင့်မရတာနဲ့နိုင်ငံသားမဟုတ်ဘူးလို့လည်း  မပြောနိုင်ဘူး။

သူ့အဖေအရင်းခေါက်ခေါက်ကြီးက  ခင်ဗျားတို့ ကျနော်တို့တိုင်းပြည်လွတ်လပ်ရေးအတွက်   အသက်စွန့်သွားတဲ့  အာဇာနည် ခေါင်းဆောင်ကြီးလေ..” လို့  ရှည်ရှည်ဝေးဝေးပဲ  ရှင်းလိုက်တယ်..။ “ဒါတော့  ဥပဒေကိစ္စတွေနဲ့ နိုင်ငံရေးကိစ္စတွေ..ကျနော် နား လည်ဘူး” လို့ ပြောပြန်တယ်..။ “နားမလည်လည်း  ကျနော်ရေးထားတာ လက်ခံထားလိုက်ရင်ပြီးတာပဲ”လို့ ဆိုတော့ ဘာမှပြန်မပြောဘူး..။

ကျန်တဲ့ကိုယ်စားလှယ်တယောက်ကိုလည်း အခြားအခန်းတခန်းမှာ ဒီလိုပဲပြောတယ်..။ သူဖြေတာတွေနဲ့ သူနဲ့ ဘာတွေ  အပြန်အလှန်ပြောဖြစ်ကြသေးလဲတော့ ကျနော်မမေးတော့ပါ..။ ဒါ.. သူ့ကိစ္စလို့ သဘောထားပါတယ်..။

ဒီလိုနဲ့အဆင့်တဆင့်  ပြီးသွားပြန်ပါတယ်..။ သူတို့ကသာ ဒီလိုလုပ်နေတာ..။ နိုင်ငံတကာသတင်းဌာနတွေမှာတော့  ဒေါ် အောင်ဆန်းစုကြည်ကို ငြိမ်းချမ်းရေးနိုဘယ်ဆုကြီးတောင် ချီးမြှင့်ဖို့ရည်ရွယ်နေတဲ့သတင်းတွေ ထွက်ပေါ်နေပါတယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မှတ်စုမှတ်တမ်း, ရသဆောင်းပါးစုံ, အုန်းနိုင်

One Response to အုန်းနိုင် – ၁၉၉၁ ခုနှစ် ဒေါ်အောင်ဆန်းစုကြည်အား အမျိုးသားဒီမိုကရေစီအဖွဲ့ ချုပ်မှ ထုတ်ပယ်ခြင်း (၉)

  1. zayarlwinmoe on June 30, 2015 at 6:15 pm

    ခုကျ​တော့​မေးလိုက်​ပါထုတ်​ပယ်​ချင်​​သေးလားလို့​ခွေးဖြစ်​မယ့်​ဟာ​တွေကို၁၉၈၉တုန်းကလိုနလပိန်းတုန်း​တွေအုပ်​ချုပ်​​နေတာမဟုတ်​ဘူး

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်