မောင်စွမ်းရည် – အရှေ့တောင်အာရှစာကြည့်တိုက်မှူးများ ညီလာခံ

August 1, 2015

  မောင်စွမ်းရည် – အရှေ့တောင်အာရှစာကြည့်တိုက်မှူးများ ညီလာခံ
(မိုးမခ) သြဂတ်စ် ၁၊ ၂၀၁၅
 

ကုလသမဂ္ဂ၊ ယူနက်စကိုက ကြီးမှူးပြီး အရှေ့တောင်အာရှ စာကြည့်တိုက်ညီလာခံတစ်ခုကို  ၉၀ခုနှစ်ကာလများအတွင်းက ကျင်းပခဲ့ဖူးတယ်။ ထိုင်းနိုင်ငံ ဘန်ကောက်မြို့မှာ ကျင်းပခဲ့တယ်။ မှတ်တမ်းမှတ်ရာတွေရှိပေမယ့် လူကပြည်ပရောက်နေတော့ ခုနှစ်၊လ၊ ရက်စသည်တို့ကို တိတိကျကျမပြောနိုင်တော့ သည်းခံပါ။ အသက်ကလဲ ကြီးပြီဆိုတော့ မှတ်ဥာစ်ကလဲ မကောင်း တော့လို့ပါ။ ရေးချင်းတဲ့အကြောင်းအရာက အချိန်ကာလအတိအကျကြီးသိဖို့မလိုလှပါဘူး။ ရှစ်လေးလုံးအရေး တော်ပုံကြီးပြီး စ အစိုးရဌာနတိုင်းမှာ ညွှန်မှူး၊ ညွှန်ချုပ်၊ညွှန်ရှုပ်တွေအဖြစ် စစ်တပ်ကဗိုလ်မှူးကြီးငယ်တွေ ခန့်ထားအုပ်ချုပ်နေတဲ့ကာလ ဆိုတာလေး သိထားရင် တော်ပါပြီ။

ကျနော်က အဲဒီအချိန်မှာ အသက်၅၀ကျော်စ။ ဆတ်ဆက်ဆော့ဆော့နဲ့ စာကြည့်တိုက်ပညာ ဒီပလိုမာသင်တန်းကို ရန်ကုန် တက္ကသိုလ်မှာသွားပြီး တက်လိုက်မိတယ်။ ကျနော်က အခြေခံပညာဦးစီးဌာနမှာ “စာကြည့်တိုက်မှူး” ဆိုပြီး မရှိတဲ့ရာထူး ကိုယူပြီး ဌာနမှူးလုပ်နေပါတယ်။ အံ့သြစရာကောင်းတာက “ပညာရေး”လိုဌာနကြီးမှာ စာကြည့်တိုက်ဌာနရယ်လို့ မရှိပါဘူး။ “ကျောင်းသုံးစာအုပ် ကော်မတီ” လိုဟာမျိုးလဲရှိ၊ ပညာရေးကိစ္စတွေလဲလုပ်နေတဲ့နေရာမှာ စာကြည့်တိုက် set up (ဖွဲ့စည်းပုံ) မပါရှိပါဘူး။ ဒါပေမယ့် လွတ်လပ်ရေးခေတ်က ပညာမင်းကြီး ဦးချိုတို့ ဦးကောင်းတို့လို ပုဂ္ဂိုလ်ကြီးတွေက စာအုပ်တွေ ဘီရိုကြီး ဆယ်လေးငါးလုံးလောက်နဲ့ စုဆောင်းထားခဲ့ပါတယ်။ ပညာရေးဥပဒေ၊ ပညာရေးစာဆောင်စသဖြင့် စုဆောင်း ထားတာ အများကြီးပါ။ ဒါပေမယ့်စာကြည့်တိုက်အတွက် အသုံးပြုခွင့်တွေ သီးခြားမရှိပါ။ ကက်တလောက်ဘာ ညာတင်ဖို့ ဝေးစွ။ စာအုပ်စာရင်းစနစ်တကျ ကူးထားတာမရှိပါ။ စာကြည့်တိုက်ပညာရယ်လို့ ရှိမှန်းလဲသိပုံမရကြပါ။ ဒါကြောင့်ကျနော့် အနေနဲ့ မြန်မာစာကျောင်းသုံးစာအုပ်တွေ အသစ်ပြုစုရေး တခန်းကဏ္ဍပြီးသွားလို့ အလုပ်ပါတာနဲ့ တပြိုင်နက် စာကြည့်တိုက် ပညာသင်တန်းကို တက္ကသိုလ်ဘက်မှာ သွားတက်ဖို့ လူကြီးတွေကို တင်ပြပြီး ခွင့်တောင်းပါတယ်။

လူကြီးတချို့က ဦးနုခေတ်မှာ ကျောင်းတွေအတွက်ရော၊ ကျေးလက်စာကြည့်တိုက်တွေအတွက်ပါ စာကြည့်တိုက်ပညာသင် တန်းတွေ ပေးဖူးတယ်လို့ ပြောပြပါတယ်။ စာပေဗိမာန်ကစီစဉ်တာထင်ပါတယ်။  ကိုယ့်ဌာနဘက်က အဆင်ပြေလို့ တက္က သိုလ်ဘက်ကို သွားရောက်စုံစမ်းပါတယ်။ ဆရာဇော်ဂျီက စာကြည့်တိုက်ပညာဌာနကို အုပ်ချုပ်နေရာက အနားယူသွားပြီး ဦးသော်ကောင်း(ပညာမင်းကြီး ဦးကောင်းရဲ့သား)က တက္ကသိုလ်များရဲ့ ဗဟိုစာကြည့်တိုက်မှူးအဖြစ်နဲ့ စာကြည့်တိုက်ဌာနကို တွဲဖက်အုပ်ချုပ်နေပါပြီ။ သူကကျနော့်နဲ့ သက်တူရွယ်တူ တနှစ်ထဲမွေးဖွားသူပါ။ သူက “ မလုပ်ပါနဲ့ဗျာ။ ခု သင်တန်းပို့ချနေတဲ့ ဆရာတွေက လူကြီးတွေမရှိတော့ဘူး။ ကလေးတွေချည်းပဲ။ ကျနော်တို့တပည့်တွေ ခင်များလာရင် ခင်များအဖို့လဲ ကလေး တွေကသင်ပေးနေတာ ကြည့်မကောင်းဘူး။ ကလေးတွေကလဲ လူကြီးကိုသင်ရတာ စိတ်ဖြောင့်ကြမှာမဟုတ်ဘူး” ပြောဆို ကန့်ကွက်ပါတယ်။ ကျနော်ကလဲကျနော့်ဘက်က “ပညာသင်ယူတာ” မို့ စိတ်စနောင့်စနင်းမရှိပါဘူးဆိုပြီး ဇွတ်ရော အဓမ္မ ရောဆိုလို့ စာရင်းသွင်းခဲ့ပါတယ်။ နောင်အခါ သူတို့ဒုက္ခကိုသိရလို့ အားနာရပါတယ်။

ဆရာဦးသော်ကောင်းခမျာ ဒုက္ခများသွားရှာပါတယ်။ ကျနော်က သူ့အနေနဲ့ ဒီလောက်ဒုက္ခများသွားမယ်လို့ မထင်မိလို့ အားနာရပါတယ်။ သူက အငြိ်မ်းစားယူသွားတဲ့လူကြီးတွေကို ပြန်ပြီးမေတ္တာရပ်ခံရရှာပါတယ်။ ရုံးအလုပ်ဆိုတော့ အထက်စာ တင်ရ၊ ရှင်းပြရနဲ့ တော်တော်ဒုက္ခများသွားပါတယ်။ ဦးထင်ကြီး (စာပေဗိမ္မာန်)၊ ဦးသန်းထွတ် (ယဉ်ကျေးမှုဌာန-ညွှန်ချုပ် စာရေးဆရာတိုက်စိုး) စတဲ့စာကြည့်တိုက်ပညာရှင်ကြီးများကို ပြန်လည်ပင့်ခေါ်ရရှာတာ ပတ်ခြာရိုက်သွားခဲ့ရရှာပါတယ်။ ကျနော်က အခြေခံပညာရေးဌာနက ဆောင်ပုဒ်နဲ့ အညီ “ကျောင်းမှန်မှန်တက် စာမခက်” ဆိုတဲ့အတိုင်း လိုက်နာပါတယ်။ အခြေခံပညာရုံးချုပ်ကလဲ ရုံးချိန်မထိခိုက်ဘဲ မနက် ၉ နာရီမတိုင်ခင် တက်ရတာမို့ ကြည်ကြည်ဖြူဖြူလိုက်လျောပါတယ်။

နောက်ထပ်ဆက်ခံလုပ်ဆောင်ဖို့ရော၊ လက်ငင်းကူညီဖို့ရော သင်ရိုးအဖွဲ့ကဆွဲခန့်တပည့်နှစ်ဦးကိုလဲ စာကြည့်တိုက်ပညာ ဒီပလိုမာသာမက၊ ပညာရေးဒီပလိုမာပါ လိုအပ်တယ်ဆိုပြီး ၂ နှစ် စာပေးစာယူသင်တန်းတွေကို ရုံးချိန်မထိခိုက်ဘဲ တက်စေ ပါတယ်။ (နောက်ဆုံးမှာ- ညွှန်ချုပ်လုပ်နေတဲ့ စစ်ဘက်အရာရှိကြီးကိုပါ ပညာရေးဒီပလိုမာဘွဲ့ရအောင် ကျနော့်တပည့်နှစ်ဦးနဲ့ ကျနော်တို့ ဝိုင်းဝန်းကူညီအားပေးကြလို့ လူကြီးမင်းပါ ပညာရေးဘွဲ့ရသွားခဲ့ပါတယ်။

ကျနော်စာကြည့်တိုက်ဘွဲ့ရချိန်မှာ ကျနော်တို့ဌာနက တခြာဘယ်သူမှ ဒီဘွဲ့မရသေးပါဘူး။ ဒီအချိန်ရှစ်လေးလုံးဖြစ်လို့ ကဖြစ်ကညစ်နဲ့ ကျနော်ဖြေရပေမယ့် ကလေးတွေကြားမှာ ဂုဏ်ထူးတွေဘာတွေတောင် အများကြီးရလိုက်ပါတယ်။ လူကြီးက ဂုဏ်ထူးရတာဆိုတော့ ကြွားရလို့ ခက်တာနဲ့ ငြိမ်နေရပါတယ်။ ဒီပလိုမာလဲရရော- ထိုင်းနိုင်ငံမှာ ကျင်းပတဲ့ အရှေ့ တောင်အာရှဆိုင်ရာ စာကြည့်တိုက်မှူးများ ညီလာခံကို ကျနော်သွားတက်ရပါတယ်။ တခြားတက်မယ့်သူမရှိလို့ပါ။ ရက်သတ္တတပတ် ထက် မနည်းတက်ခဲ့ရပါတယ်။ ညီလာခံအပြီးသတ်ဆုံးဖြတ်ချက်အရ နောက်တကြိမ်အရှေ့တောင်အာရှစာကြည့်တိုက်မှူးများ ညီလာခံကို ဗမာပြည်မှာ ကျင်းပကြမယ်။ ကျနော်တို့ပညာရေးဌာနကပဲ ဦးစီးရမယ်။ ယူနက်စကိုအဖွဲ့ကြီးရဲ့ အစီစဉ်အရ ကျင်းပမှာဖြစ်ပါတယ်။ ကျနော်က ဝမ်းပန်းတသာ လက်ခံခဲ့တယ်။ ကျနော်က နေရာတွေ၊ ဆရာတွေတက်ရောက်ရမယ့် စာကြည့်တိုက်မှူးတွေစာရင်းပါ အကြမ်းဖျင်းလုပ်ပြီး အထက်ကို တင်ပြပါတယ်။ အထက်က နိုင်ငံခြားသားတွေကလုပ်မှာ ကိုလက်မခံဘူးလို့ အပြတ်ငြင်းလိုက်ပါကြောင်း။ (မှတ်ကရော လျာရှည်ချင်တဲ့လူ။)

ဒါတင်ဘယ်ကမှာလဲ မြန်မာစာကြည့်တိုက်အသင်းကဏ္ဍအသင်း မထင်မရှားလုပ်ထားတာရှိတယ်။ နိုင်ငံခြား (အမေရိကန် ကထင်ပါတယ်)က စာကြည့်တိုက်တွေက စာအုပ်အဟောင်းတွေယူမလား မေးလာပါတယ်။ စာအုပ်ဟောင်းတွေဆိုပေမယ့် ၄-၅ နှစ်မကြာသေးပါဘူး။ ကျနော်တို့မမြင်ဘူး မဖတ်ဖူးတဲ့ စာအုပ်ကောင်းတွေပါတယ်။ စာအုပ်ဆိုတာ ဟောင်းတာ သစ် တာထက် အကြောင်းအရာကလဲ အရေးကြီးပါတယ်။ ကိုယ့်ဆီမှာ မရောက်ဖူးတဲ့ ဘာသာရပ်ဆိုင်ရာစာအုပ်တွေဆိုတော့ ယူချင်တာပေါ့။ ဝတ္ထုတွေဆိုလဲ ခေတ်ပေါ်ဂန္ထဝင်တွေပေါ့။ ရောက်လဲလာရော- ဗိုလ်ခင်ညွှန့်က “ကျုပ်တို့ဗမာနိုင်ငံဟာ သူ တောင်းစားနိုင်ငံမဟုတ်ဘူး။ အဟောင်းတွေမယူဘူး” တဲ့။ ဟုတ်ကဲ့။ အဟောင်းလဲမယူရ။ အသစ်လဲ (သူတောင်းစား မဟုတ်သူတွေက မဝယ်နိုင်)။ ဒါနဲ့ ပြန်တောင်ပို့ရတယ်ထင်ပါတယ်။ ဒီလိုနဲ့ ….

၁။ နိုင်ငံခြားစာအုပ်တွေရဖို့အရေးရော။

၂။ ယူနက်စကိုဦးစီးတဲ့ အရှေ့တောင်အာရှစာကြည့်တိုက်ညီလာခံကြီးက ခုဗမာပြည်မှာကျင်းပဖို့ အခွင့်အရေးရော-(စစ် ဗိုလ်ချုပ်ကြီးများ ကသိကအောက်လုပ်လို့) လက်လွှတ်ခဲ့ရပါကြောင်း။

၂၀၁၅ ဇူလိုင် ၂၉
မောင်စွမ်းရည်
(အခြေခံပညာဦးစီးဌာန စာကြည့်တိုက်ဌာနခွဲမှူးဟောင်း)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, မောင်စွမ်းရည်

2 Responses to မောင်စွမ်းရည် – အရှေ့တောင်အာရှစာကြည့်တိုက်မှူးများ ညီလာခံ

  1. San Hla Gyi on August 1, 2015 at 6:05 pm

    အော် သူ အဲဒီလို ပြောခဲ့တယ် ဆိုတာ အခုမှ သိတော့တယ်။ စာအုပ်ဆိုတာ ဘယ်လောက်ဟောင်းဟောင်း ကိုယ်မဖတ်ရသေးရင် အသစ်ပဲ ဆရာရယ်။ သူကတော့ ဘယ်နားလည်ပါ့မလဲ။

  2. Mya Oo on August 3, 2015 at 1:01 pm

    ၂၀၁၄-၂၀၁၈ သက်တမ်းအတွက် အရှေ့တောင်အာရှစာကြည့်တိုက်မှူးများညီလာခံကို မြန်မာနိုင်ငံအမျိုးသားစာကြည့်တိုက်နဲ့မြန်မာနိုင်ငံစာကြည့်တိုက်အသင်းတို့ပူးပေါင်းပြီးလက်ခံကျင်းပပါမယ်။

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်