မင်းမှာသစ္စာ၊ လူမှာ ကတိ ဆိုလို့ … ကျမ်းစူးကုန်မှာ စိုးမိတယ် (Khaing Aung Kyaw)

October 22, 2013

မင်းမှာသစ္စာ၊ လူမှာ ကတိ ဆိုလို့ … ကျမ်းစူးကုန်မှာ စိုးမိတယ်
ခိုင်အောင်ကျော် ( နယူးယောက် )၊ အောက်တိုဘာ ၂၃၊ ၂၀၁၃
ပြည်သူ့ နီတိတွေမှာ လူအများလေးစားလိုက်နာဖို့  သွန်သင်ဆုံးမပေးထားသော ယဉ်ကျေးမှုဝေါဟာရများစွာ ရှိသည် ။ ၄င်းအနက် မင်းမှာသစ္စာ လူမှာဂတိ ဆိုသော ဝေါဟာရကို သတိရမိလာသည် ။ ဤစကားလုံး ဝေါဟာရသည် သာမန်အားဖြင့် ပေါ့ပေါ့ဆဆနှင့် ရေးသားသီကုံးထားခဲ့ ကြသည်မဟုတ် ။ ရှေးလူကြီးများတို့ ၏ အတွေ့ အကြုံများမှ ပေါက်ဖွားလာသော ဝေါဟာရများသာဖြစ်သည် ။ ရှေးလွန်လေပြီးသောကာလများက ရှင်ဘုရင်နှင့် -မင်းနှင့် နေထိုင်ခဲ့ ကြသောကြောင့်သာ ဤဝေါဟာရ၌ -မင်းမှာသစ္စာ-လူမှာဂတိဟု ရေးသားထားခဲ့ သည်ကို ဆန်းစစ်ကြည့်က သိသာနိုင်သည် ။ မင်းလုပ်အုပ်ချုပ်စိုးစံသော သူများမှာ မင်းကျင့်တရား ဆယ်ပါးနှင့် အညီ အုပ်ချုပ်စေရန် ရှေးပညာရှိများက ရေးဖွဲ့ စီရင်ပေးထားခဲ့ ကြသည် ။ ၄င်းမင်းကျင့်တရား ဆယ်ပါးသည်ပင် မင်း၏သစ္စာတရားကို ဖွဲ့ ဆိုထားချေသည် ။ မင်းကျင့်တရားနှင့်အညီ မအုပ်ချုပ်နိုင်သော မင်းဆိုးမင်းညစ်တို့ သည်ကား သမိုင်းမှာ အမည်းစက်များစွာဖြင့် ကျန်ခဲ့ ရတော့သည် ။ ကြာရှည်စွာလည်း မအုပ်ချုပ်ခဲ့ ရချေ ။ ထို့ ကြောင့်မင်းကျင့်တရားဆယ်ပါးနှင့် အညီ ကျင့်ကြံစေရန် ရှေးပညာရှိများက ဓမ္မသတ်များစွာတို့ နှင့် ထုံးနှလုံးများကို ညွှန်းပြခဲ့ ကြခြင်းဖြစ်သည် ။
အခါတစ်ပါး၌ မင်းထီးဘုရင်သည် နန်းတော်နှင့် ပြည်ရွာတစ်ခွင်တွင် စည်းကမ်းဥပဒေများကို တည်တန့် ခိုင်မြဲစေလိုသည် ။ ထို့ ကြောင့် စည်းမျှည်းများကို ချမှတ်ပေးလေသည် ။ တစ်နေ့ တွင် နန်းတော်တွင်း တစ်နေရာ၌ ထုံးဖြူသုတ်ထားသည်ကို မြင်၍ မည်သူသုတ်ထားလေသနည်းဟု မေးမြန်းရာ ဘုရင်ကိုယ်တော်တိုင် ကွမ်းစားပြီး နန်းတော်တိုင်မှာ ထုံးဖြူသုတ်မိပါကြောင်း တင်လျှောက်လေတော့သည် ။ သို့ ဖြစ်၍ ဘုရင်မင်းထီးသည် မိမိထုတ်ပြန်ထားသော သစ္စာစကား -ဂတိတစ်လုံးကို မပယ်ဖျက်သည့်အလိုငှာ တိုင်းသူပြည်သူများကလည်း စည်းကမ်းထုံးနှလုံး-ဥပဒေသများကို လေးစားလိုက်နာရန် ထုံးဖြူသုတ်မိသော လက်ညိုးကို လက်စွဲတော်သံလျက်နှင့် ပိုင်းဖြတ်လိုက်လေသည် ။
မင်းကျင့်တရား ဆယ်ပါးနှင့်အညီ ကျင့်ကြံအုပ်ချုပ်ခဲ့ သောဘုရင်မင်းထီးသည် သက်တော်ရာကျော် ရှည်ပြီး ရခိုင်နိုင်ငံကို တည်တန့် ခိုင်မြဲအောင် စိုးမိုးအုပ်ချုပ်နိုင်ခဲ့ သည် ။ ဤသည်မှာ ရခိုင်သမိုင်းကြောင်းရာထဲက မင်းမှာသစ္စာ လူမှာဂတိ ဆိုသော ဝေါဟာရပုံရိပ်ကို ဖေါ်ပြခြင်းသာဖြစ်သည် ။ နောက်ထပ်လည်း ၄င်းစကားပုံရိပ်ကို ထင်ဟပ်ပြနိုင်သည့် ဥပမာများလည်း များစွာ ရှိနေကြပါသေးသည် ။
ကျွန်တော်ပြောချင်သည်မှာ သစ္စာတရားနှင့် ဂတိဆိုသော အပိုင်းဖြစ်သည် ။ ယခုတလော မြန်မာနိုင်ငံမှာ-၂၀၀၈-ခုနှစ် ဖွဲ့ စည်းအုပ်ချုပ်ပုံအခြေခံဥပဒေကို အသစ်ပြန်ရေးဆွဲဖို့ -ပြင်ဆင်ဖို့ ဆိုပြီး အမျိုးသားဒီမိုကရေစီအဖွဲ့ ချုပ်က ပြုလုပ်နေသော ဟောပြောပွဲတွေ -တွေ့ ဆုံပွဲတွေကို တွေ့ ရမြင်ရသည် ။ ယခုလည်း ဒေါ်အောင်ဆန်းစုကြည်က ဥရောပ ခရီးစဉ်မှာ -၂၀၁၅-ခုနှစ် ရွေးကောက်ပွဲကို တရားမျှတမှု ရှိစေရန် -၂၀၀၈-ခုနှစ် ဖွဲ့ စည်းပုံအခြေခံဥပဒေကို ပြောင်းလဲပြင်ဆင်ရန်လိုသည်ဟု ပြောဆိုနေသည်ကို မြင်ရသည် ။
သည်တော့ ကျွန်တော်သုံးသပ်ဖြစ်သည် ။ မြန်မာနိုင်ငံ၏ -၂၀၀၈-ခုနှစ် နိုင်ငံတော်ဖွဲ့ စည်းအုပ်ချုပ်ပုံ အခြေခံဥပဒေသည် – ၂၀၁၀-ရွေးကောက်ပွဲဖြင့် အစိုးရမှ အတည်ပြုထားသော ဖွဲ့ စည်းပုံဖြစ်သည် ။ ၄င်းဖွဲ့ စည်းပုံဖြင့် ပြုလုပ်ကျင်းပလိုက်သော ပြည်သူ့ လွှတ်တော်ကိုယ်စားလှယ်များ ရွေးကောက်ပွဲကို ကျင်းပပြီး ပြုလုပ်ပြီးဖြစ်သည် ။ ၄င်းအချိန်က-NO-ဆိုသော စကားလုံးဖြင့် ကျွန်တော်တို့ သည် တိတိကျကျ ကန့် ကွက်ခဲ့ ကြသည် ။ ဟောပြောခဲ့ ကြသည် ။ရေးသားခဲ့ ကြသည် ။ အမျိုးသားဒီမိုကရေစီအဖွဲ့ ချုပ်က အတိုက်အခံပါတီဖြစ်၍ ၄င်းရွေးကောက်ပွဲကို ကန့် ကွက်ပြီး မ၀င်ရောက်သောအခါ ဆန္ဒပြကန့် ကွက်ကြခြင်းဖြစ်သည် ။ ပြည်သူတို့ အားကိုးသော အမျိုးသားဒီမိုကရေစီအဖွဲ့ ချုပ်သည် ပြည်သူတို့ ၏ ဆန္ဒတို့ နှင့် တထပ်တည်း ကျနေခဲ့ သည် ။
သို့ သော် နောက်ထပ်ကျင်းပလာသော ကြားဖြတ်ရွေးကောက်ပွဲ ပြုလုပ်သောအခါ ယခင်က ဆန့် ကျင်ခဲ့ သော အမျိုးသားဒီမိုကရေစီအဖွဲ့ ချုပ်သည် -၂၀၀၈-ခုနှစ် နိုင်ငံတော် ဖွဲ့ စည်းအုပ်ချုပ်ပုံအခြေခံဥပဒေကို ပြည်သူ့ လွှတ်တော်တွင် ခေါင်းပေါ်ရွက်ပြီး ကျမ်းသစ္စာဆိုရန် ရွေးကောက်ပွဲဝင်ဖြစ်အောင် ၀င်တော့သည် ။ ရွေးကောက်ပွဲမှာ အနိုင်ရတော့ ရွှေကျမ်းသစ္စာကို ရွှေနုတ်တော်များဖြင့် ရွှေလက်ဖြင့် ဖွဖွလေးကိုင်ကာ ကျမ်းသစ္စာပြုခဲ့ ကြလေတော့သည် ။ ကျွန်တော် ကျွန်တော်မတို့ သည် ဤ-၂၀၀၈-ခုနှစ် နိုင်ငံတော် ဖွဲ့ စည်းအုပ်ချုပ်ပုံကို အသက်နှင့်လဲ၍ ကာကွယ်စောင့်ရှောက်ပါမည်ဟု ကျမ်းစူးအောင် ဂုဏ်သရေရှိလှစွာသော ပြည်သူ့ လွှတ်တော်ကိုယ်စားလှယ်များရှေ့မှောက်မှာ ရင်ကော့ပြီး တိုင်တည်ခဲ့ ကြပြီ ။
ထို့ ကြောင့် ၄င်းနေ့ မှစ၍ မြန်မာနိုင်ငံမှာ အတိုက်အခံခေါင်းဆောင်လည်း မရှိတော့သလို အတိုက်အခံပါတီလည်း မရှိတော့ဟု ကျွန်တော်ထင်မြင် ယူဆလက်ခံထားသည် ။ ကျွန်တော်တို့ သည် တစ်ချိန်က ၄င်းကဲ့ သို့  -၂၀၀၈-ခုနှစ် နိုင်ငံတော်ဖွဲ့ စည်းအုပ်ချုပ်ပုံ အခြေခံဥပဒေကို လက်မခံခဲ့ သလို ရွေးကောက်ပွဲဝင်ကြရန် ပြည်ပသို့ ထွက်လာသည့် မဲဆွယ်စည်းရုံးရေးဆင်းလားခဲ့ ကြသည့် နိုင်ငံရေးပါတီများမှ ပုဂ္ဂိုလ်များကို ဝေဖန်ရေးသားပြောဆို ခဲ့ ကြသည် ။ တစ်ချို့ ဆိုလျှင် ခင်မင်ရင်းနှီးသော သူများဘ၀မှ ပြတ်တောက်သွားပြီး အဆက်အသွယ် ဖြတ်လိုက်ကြရတော့သည် ။ စိတ်မကောင်းရုံမှလွဲ၍ မည်သို့ မျှ မတတ်နိုင်တော့ပါ ။ မည်သို့ ပင်ဖြစ်စေကာမူ အမျိုးသားဒီမိုကရေစီအဖွဲ့ ချုပ်က လွှတ်တော်တွင်း ရောက်သွားသောအခါမူ ကျွန်တော်တို့ မှာ အတိုက်အခံခေါင်းဆောင် မရှိတော့ပြီကို သိရှိကြပြီးသလို အတိုက်အခံခေါင်းဆောင်ဟု ရေးသားနေသော စာလုံးများကို မြင်တွေ့ နေရ၍လည်း မျက်စိမုဒိမ်းကျင့်ခံနေရသလို ခံစားနေရတော့သည် ။ ကျွန်တော် ပြောချင်သည်မှာ သစ္စာစကားကို အရင်းခံပြီး ဦးတည်ပြောနေခြင်းသာဖြစ်သည် ။
အဘယ့်ကြောင့်ဆိုသော် အတိုက်အခံဆိုသည်မှာ စနစ်မကောင်းသော အစိုးရ၏ ယန္တယားစနစ်ဆိုးကို ဖြိုဖျက်နိုင်ရန် ပြုလုပ်သောသူကို အတိုက်အခံဟုသာ ယေဘူယျခေါ်ဆို ချီးမြှင့်ပေးကြသည် ။ အစိုးရ၏ ယန္တယားကို ကောင်းမွန်ရန် ဖြည့်စွက် ထောက်ခံနေသော သူများကို အတိုက်အခံဟု မခေါ်ဝေါ်ချေ ။ ဖြိုဖျက်သူကိုမှ ခေါ်ဝေါ်၍ တစ်ဦးချင်းသော်၎င်း-တစ်ပါတီကိုသော်၎င်း အတိုက်အခံခေါင်းဆောင်-အတိုက်အခံပါတီဟု ရည်ညွှန်းပြောဆိုကြသည် ။ ယခုမူ မြန်မာနိုင်ငံအစိုးရ၏ ယန္တယားစနစ်ကို မည်သူက ရိုက်ချိုးပြီး သူ့ ထက်ကောင်းအောင် ပြုလုပ်နေသနည်း ။ ကျွန်တော်တို့  ရှာ၍ မရတော့ ။
လက်နက်ကိုင်တိုင်းရင်းသား အဖွဲ များကလည်း ဖက်ဒရယ်ပြည်ထောင်စုတည်ဆောက်ရေးအတွက် ငြိမ်းချမ်းရေး ဆွေးနွေးပွဲတွေ ကျင်းပနေကြပြီ ။ ဆွေးနွေးလိုက် တိုက်ပွဲဖြစ်နေလိုက်နှင့် ရှိနေသည်ကိုလည်း မြင်တွေ့ နေရဆဲ ဖြစ်သည် ။ မည်သူမျှ တိုက်ပွဲမှာ အောင်နိုင်သူမဟုတ်သော လက်နက်ကိုင် ပဋိပက္ခကို ချုပ်ငြိမ်းစေဖို့  သူတို့ တွေ အဖြေရှာနေကြသည် ။ သည်တော့ အစိုး၏ ယန္တယားသည် ဆက်လက်တည်ရှိမြဲဖြစ်သည် ။ ဖြိုဖျက်ခံရသော အခြေအနေမဟုတ် ။
ယခင်က ဗမာပြည်ကွန်မြူနစ်ပါတီမူ အစိုးရ ခေတ်အဆက်ဆက်၏ ယန္တယားတစ်ခုလုံးကို ဖြိုဖျက်ရန် ထာဝစဉ် အတိုက်အခံဘ၀နှင့် ရှိနေသည်ကို မြင်တွေ့ ခဲ့ ရသည် ။ ၄င်းအတွက်နင့်ပင် မြန်မာနိုင်ငံမှာ အတိုက်အခံခေါင်းဆောင်များ မရှိတော့ဟု ရိုးစင်းစွာ ကျွန်တော် ပြောလိုရင်းဖြစ်သည် ။
ဤနေရာ၌ ကြားညှပ်၍ ပြောစရာ ရှိသည် ။ ၄င်းမှာ ပြည်သူ့ လွှတ်တော်ထဲတွင် -၂၀၀၈-ခုနှစ် နိုင်ငံတော် ဖွဲ့ စည်းအုပ်ချုပ်ပုံအခြေခံဥပဒေကို အသက်နှင့်လဲ၍ ကာကွယ်စောင့်ရှောက်ပါမည်ဟု ကျမ်းသစ္စာမဆိုထားသော လူပုဂ္ဂိုလ်များ- နိုင်ငံရေးခေါင်းဆောင်များ- ပါတီများသည် ဤ-၂၀၀၈-ခုနှစ် နိုင်ငံတော်ဖွဲ့ စည်းအုပ်ချုပ်ပုံအခြေခံဥပဒေကို အသစ်ပြန်လည်ရေးဆွဲလိုသည် သို့ မဟုတ် ပြင်ဆင်ဖြည့်စွက်လိုသည်ဟု ပြောဆိုပိုင်ခွင့် ရှိသည်ဟု မြင်သည် ။ သူတို့ မှာ ပြည်သူများကို ချပြနိုင်ရန် အခွင့်အရေးလည်း ရှိနေသည် ။ အဘယ့်ကြောင့်ဆိုသော် -၂၀၀၈-ခုနှစ် ဖွဲ့ စည်းအုပ်ချုပ်ပုံအခြေခံဥပဒေနှင့် သူတို့ ကား လားလားမျှ မဆိုင် ။ အသစ်လည်းရေးဆွဲခွင့် ရှိပြီး ပြင်ဆင်ခြင်းများကိုလည်း ရေးသား ထုတ်ဝေဖြန့် ချီ ကြေညာ တင်ပြနိုင်ခွင့် ရှိသည်ဟု ယူဆသည် ။
သစ္စာတရားသည် နိုင်ငံအုပ်ချုပ် မင်းလုပ်သောသူများအတွက် အထူးအရေးကြီးသည် ။ ပြည်သူ့ လွှတ်တော်တွင် ကျမ်းသစ္စာကျိန်ဆိုပြီးသော အမတ်မင်းများသည် ဂုဏ်သရေရှိကြသော သူများဖြစ်ရာ မြန်မာနိုင်ငံ၏ လက်ရှိဖြစ်ပေါ်နေသော အရေးအရာများကို တင်ပြဆွေးနွေးပြီး အစိုးရယန္တယားကို အကေင်အထည် ဖေါ်ဆောင်နေကြသည်ဟု ထင်သည် ။ လွှတ်တော်တွင်းမှာ ကျမ်းသစ္စာကို အသက်နှင့်လဲပြီး ကာကွယ်စောင့်ရှောက်ပါမည်ဟု သစ္စာဆိုခဲ့ သော သူများသည် သာမန်လူသားများ မဟုတ်ကြ ။ သူတို့ သည် ပြည်သူ့ လွှတ်တော်ထဲမှာ သစ္စာဂတိ ခံယူထားခဲ့ သလို ပြည်သူ့ လွှတ်တော်၏ ပြင်ပနိုင်ငံရေးလောကမှာလည်း ၄င်း-၂၀၀၈-ခုနှစ် ဖွဲ့ စည်းပုံ အခြေခံဥပဒေကို အသက်နှင့်လဲ၍ ကာကွယ် စောင့်ရှောက်ပါမည်ဟု ပြောမှ လူကြီးလူကောင်း ပိုဆန်မည်ဟု ပြောရတော့မည် ။
တစ်ခုတော့ရှိသည် ။ ၁၉၉၃-ခုနှစ်က ၂၀၀၈-ခုနှစ်ထိ နိုင်ငံတော်ဖွဲ့ စည်းအုပ်ချုပ်ပုံအခြေခံဥပဒေ မရှိပါဘဲ မြန်မာနိုင်ငံကို အုပ်ချုပ်ရေးယန္တယား ကောင်းကောင်းဖြင့် အုပ်ချုပ်ရေးစွမ်းရည် မြင့်မားသော နိုင်ငံကို အုပ်ချုပ်နေသည့် စစ်ဖက်ဆိုင်ရာ ပဂ္ဂိုလ်များကို လွယ်လွယ်နှင့်တော့ မည်သို့ မျှ ယှဉ်၍မရ ။ ယခုလည်း ဖွဲ့ စည်းပုံ ဥပဒေနှင့် အညီ အုပ်ချုပ်နေသည်ဟု ပြော၍မရသေးသည်ကို မြင်တွေ့ နေဆဲ ။ တစ်ချိန်တည်းမှာပင် သူတို့ မှာ တန်းစီဇယားဖြင့် လူတွေ ရှိနေပြီးဖြစ်နေသည်ကို သဘောပေါက်ထားရန်လိုသည် ။ သမ္မတ-ကာကွယ်ရေးစစ်ဦးစီးချုပ်- လွှတ်တော် ဥက္ကဋ္ဌ တွေ ဆိုပြီး နေရာတွေ လျာထားပြီးသား ရှိနေသည် ။ ထို့ ကြောင့် အတိုက်အခံခေါင်းဆောင်-ပါတီ မရှိပါဘဲ မြန်မာနိုင်ငံသားတို့ ၏ လိုချင်သော ဒီမိုကရေစီနစ်ကား တော်တော်နှင့် မဖြစ်နိုင်သေးဟု ထင်မြင်ယူဆပါကြောင်း ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Khaing Aung Kyaw

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်