မောင်စွမ်းရည် – DRONES!

August 22, 2015

 

မောင်စွမ်းရည် – DRONES!

(မိုးမခ) သြဂုတ် ၂၂၊ ၂၀၁၅

 

တရုန်းရုန်းနဲ့ ၊  DRONES တွေဟာ

ပိတုန်းတွေလိုပဲတဲ့

ပျံဝဲနေကြတာ–

 

တီဗွီမှာလဲလာ၊ သတင်းစာမှာလဲပါ

ပါသာပါပေမဲ့၊ငါတခါတလေမှ မမြင်ဖူးဘူး

မြင်ဖူးတယ်ဆိုအုံး၊တောသားငတုံး

ပိတုံးလား၊ ဒရုန်းလား

ခွဲခြား သိမယ်မထင်။

 

ကောင်းကင်မှာတဲ့၊

မောင်းနှင်သူ လူမပါဘူးတဲ့၊

ဦးတည်ချင်ရာ၊ ဒရုန်းယာဉ်နဲ့

ဗုံးတင်လို့ပျံဝဲ၊ ကြဲချင်ရာကြဲ

(ငရဲမကြောက်၊ သရဲမခြောက်ရင်ပေါ့)

ပေါက်ချင်ရာပေါက်၊ ကွဲချင်ရာကွဲ

သူ့လဲ ကိုယ်မသိ၊ ကိုယ့်လဲ သူမသိ

ထိချင်ရာထိ၊ မိချင်ရာမိ

ဒက်ထိ၊ ကွက်တိဆိုပဲ၊

လက်ထဲက ရီမုတ်(Remote )  နဲ့

ခလုတ် အသာကစားရုံနဲ့

မသာ သွားလေရော– တဲ့။

 

ပွေးတကောင်လို

ခွေးမဟောင်တဲ့၊ သေးမျှောင်မျှောင်ကျဉ်းကျဉ်း

မုန်းတွင်းဆိုလား၊ ပုန်းကျင်းဆိုလား

လျှိုကြားမှာ တွင်းအောင်းရင်း

ပုလင်းပေါင်း တရာနှစ်ရာနဲ့

စားစရာ၊ ဝါးစရာ၊ ပလာတာဘာညာတွေရော

ဖား၊ ခါ၊ စာ – အဆာပလာနဲ့ ၊ပါပလာတွေရော

ကစားစရာ၊ ညားစရာ၊ ဝါစာကမာတွေနဲ့

မနားသာ နားသာ ၊ မယားကညာဆွေလဲ

ပါပေမပေါ့။

 

နွေအခါမှာ၊ လေလာလာ- မလာလာ၊

နေ- သာသာ၊မသာသာ၊

ရေ ဆာဆာ ၊မဆာဆာ၊

ဧကစာမကျင့် ၊ဒွေကစာကျင့်မှာပေါ့

တေတျာ အဟင့်တွေနဲ့ ပလ္လင့်ခြေအရင်းမှာ

တပေလျဉ်းလျဉ်း ၊ နှစ်ဗွေပျင်းတိုင်း

မြေကျင်းလျားမှာ၊ ထွေခင်းကစားသူကို

ဘုရားတဆူဆူမှာ၊ အနားယူပေအုံးလို့

ကုန်းကလေးအထက်၊ တောင်ကမူကြားဆီက

အမုန်းအတေးမစွက်၊ ပခုံးကလေးဖက်ပြီး

အောင်ကြူကြူနဲ့ ဟားချင်သမို့

ဒရုန်းကလေးဆိုတဲ့ ၊ငှက်တကောင်ငှားပြီး

ဗုံးကလေး လက်ဆောင်ပါးရမလားလို့

အပြုံးကလေး ကလက်တက်တက်နဲ့

ကလောင်ကစားမိပါရဲ့ ။

 

အမှောင်ကြားမှာ၊ ယောင်ဝါးဝါးနဲ့

သနားသဖြင့် ရယ်မို့

အမှားချင့်မိရင်လဲ

ဟားသင့်မှ     ဟား။   ။

 

 

မောင်စွမ်းရည်

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ, မောင်စွမ်းရည်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

 ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ

By

ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ (မိုးမခ) ဖေဖော်ဝါရီ ၅၊...

Read more »

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ 

By

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ  မိုးမခစာပေက ထွက်ပါပြီ။...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်