ရွှေကူမေနှင်း – နိုင်ငံရေး သံဝေဂ ရသင့်ပြီ

August 27, 2015

Cartoon – Saw Ngo (2104)

– နိုင်ငံရေး သံဝေဂ ရသင့်ပြီ
(အတွဲ (၁) အမှတ် (၄) သြဂုတ် ၂၆ ၊ ၂၀၁၅ ၊ တို့ခေတ်ဂျာနယ်) မိုးမခ၊ သြဂုတ် ၂၇၊ ၂၀၁၅

သြဂုတ်လ ၁၃ ရက် နံနက် ၉ နာရီ။ ဒီရက်မှာ လာယူမယ့်ဆောင်းဆောင်းပါးတစ်ပုဒ် ရေးနေဆဲ။ စားပွဲ ပေါ်ရှိ ဖုန်းမြည်တယ်။

“ အမေ .. အမေ .. ဘာလုပ်နေလဲ”

ကုမ္မဏီရုံးခန်းမှ သားကြီးကလှမ်းပြောတာပါ။ သူ့အသံက မီးလောင်လို့ ပြေးလာရတဲ့ ပုံမျိုး၊ အမောတ ကော။

“ စာရေးနေတာ”

“ သတင်းလေး ဘာလေးလည်း ကြည့်ဦး။ နေပြည်တော်က ကြံ့ခိုင်ရေးရုံးကို ရဲတွေဝိုင်းထားပြီ။”

“ ဟေ … ဟုတ်လား”

အမှန်တော့ နေပြည်တော်က ကြံ့ခိုင်ရေးရုံးဆိုတာ စာရေးသူတို့ သားအမိနဲ့ ဘာမှမပတ်သက်ပါ။ ဒါပေ မယ့် ဒီသားအမိတွေက တိုင်းရေးပြည်ရေး နိုင်ငံတစ်ဝှမ်းလုံးရဲ့ အရေးအပြင်၊ ကမ္ဘာကြီးရဲ့ အရေးကိုပါ စိတ်ဝင် စားကြပါတယ်။ အိမ်မှာ ဝိုင်းဆွေးနွေးနေကြပါ။ အခု သူ့ပြောကြားချက်အရ အထက်မှာ တစ်ခုခု ထူးခြားနေဟန် တူတယ်။ အဲဒီမှာ ထူးခြားရင် တစ်ပြည်လုံးကိုလည်း ကူးစက်နုင်တာမို့ စားပွဲပေါ်က ‘ တက်ဘလက်’ ( ဖလန်း ဖလန်း အင်တာနက်) ကို အမြန်ဖွင့်ကြည့်ရပါတယ်။

“ ကြံ့ခိုင်ရေးရုံးချုပ်မှာ အခြေအနေထူးခြားနေတယ်”

“ အထဲမှာ ကားတွေရပ်ထားလို့ အစည်းအဝေးလုပ်နေပုံရတယ်”

ကျွန်မတို့ ကလေးတွေ ( သတင်းသမားလေးတွေ) က အလွန် ဝီရိယရှိပါတယ်။ မိနစ်နဲ့အမျှ သတင်း တင်နေကြတယ်။ ကြံ့ခိုင်ရေးရုံးချုပ်ပုံရယ်၊ ရုံးခြံအပြင်စည်းရိုးကနေ အထဲကို ကုန်းကြည့်နေကြတဲ့ သတင်း ထောက်တွေကိုရယ် မြင်ရတယ်။

စာဆက်မရေးနိုင်ဘဲ ဖလန်းဖလန်းကိုပဲ စိတ်ရောက်နေခဲ့မိတယ်။ သိပ်မကြာခင်မှာတော့ ပါတီရဲ့ ကြေ ငြာချက်၊ ဗဟိုကော်မတီစာရင်းအသစ် စတာတွေ ဝင်လာရင်း သူတို့အချင်းချင်း အပြောင်းအလဲလုပ်ကြတာလို့ သိခဲ့ရတယ်။

ဖုန်းတွေအပြန်အလှန် ဆက်ကြတယ်။

အမျိုးမျိုးခန့်မှန်းကြ၊ ဝေဖန်ကြတယ်။

ဒီနေ့လယ်မတိုင်ခင် ရုံးတတ်နေတဲ့မြေးမ ( အကြီးမ ) ကလည်း ဖုန်းဆက်သေးတယ်။

“ ဥင်္ီးရဲထွဋ်က တင်ထားတယ်။ နေပြည်တော်မှာ နံနက်ခင်းလေး ရာသီဥတု သိပ်ကောင်းနေတယ်တဲ့။ ဘာတွေဖြစ်နေလဲ မသိဘူး” တဲ့။ အဲဒါပဲကြည့်ပါတော့ ဆရာဦးရဲထွဋ်ရေ။ ဆရာက ရာသီဥတုကောင်းတယ်လို့ ရေးတာကို အသက်နှစ်ဆယ် မြေးမလေးကတောင် တစ်ခုခုကို ဖုံးကွယ်နေတယ်လို့ ထင်နေတာလေ။

နောက်ဆုံးတော့ အားလုံးသိကြတဲ့အတိုင်း ကြံ့ခိုင်ရေးဥက္ကဌ သူရဦးရွှေမန်းနဲ့ အတွင်းရေးမှူး ဦးမောင် မောင်သိန်းကို နေရာမှဖယ်ရှားကြောင်း ရှင်းရှင်းလင်းလင်း သိခွင့်ရကြတယ်။ မရှင်းတာက ဒီလို ပါတီခေါင်း ဆောင် အပြောင်းအလဲလုပ်တာကို ဘာဖြစ်လို့ ရဲအင်အားနှစ်ရာ ဝန်းရံရတာလည်း ဆိုတာကိုပါ။

ကျွန်မတို့ သာမာန်ပြည်သူတွေ မသိနိုင်တာတွေ အများကြီးပါ။ သူတို့ တစ်ခုခုဖြစ်တာကို ကျွန်မတို့ စိတ် မဝင်စားလို့လည်း မရပါဘူး။

ညဘက် လူစုံရင်ပဲ

“ ဆီက ၄၅၀၀ိ/- ကနေ ၅၇၀၀ိ/ – ကို ခုန်တတ်တယ်”

“ သမီးတို့စားတဲ့ဆန်က ၁၈၀၀ိ/ – ကနေ အခု ၂၁၀၀ိ/- တဲ့။

( တစ်ပြည်ဈေးပါ။ တစ်တင်းမဝယ်ဖူးလို့ တစ်တင်းဈေးမသိ။ အိတ်လိုက်ဆို ပိုဝေးပါတယ်။)

ပြည်သူတွေ ကြောက်တာက ဒါပါပဲ။ ကြာတော့ ဘယ်သူတတ်တတ် ကုန်ဈေးနှုန်း တတ်မှာပဲ  ကြောက်ကြတော့တယ်။ ၁၃ ၊ ၁၄ နှစ်ရက်လုံး ဦးရွှေမန်းသတင်းမကြားရ။ ၁၄ ရက် ညနေမှာ ရုံးခန်းမှာထိုင်နေ ပုံ တတ်လာပါရဲ့။ အင်တာနက်ဆိုတာ ဘယ်နေရာက တင်တင်ရတာမို့ မယုံတစ်ဝတ် ယုံတစ်ဝတ် နောက်နေ တယ် ထင်ပါရဲ့။ ဆန္ဒအမှန်ဆိုတဲ့ ခေါင်းစဉ်နဲ့ ပြည်သုတွေနှင့် နောက်ဆုံးအချိန်ထိ အတူရှိပါမည်ဆုိပြီး ဦးရွှေမန်း ကိုယ်တိုင် သစ္စာတိုင်တည်တဲ့စာ မြင်ကြရတယ်။ သေချပြီ။ အကျယ်ချုပ်ဖြစ်မယ်လုိ့ တွေးတဲ့လူက တွေးတယ်။ အရေးထဲ ချယ်ရီ FM ကို နားရမယ်ဆိုပဲ။ ဘာဆိုင်လို့လဲ။ အဲဒီကနေ တစ်ခုခုလွှင့်မှာဆိုးလို့တဲ့။ ချယ်ရီ FM နဲ့ ဦး ရွှေမန်း ဘာဆိုင်လို့လဲ။ သူ့ချွေးမ ပိုင်တာတဲ့။ ဟယ် .. ဟုတ်လား။ အခုမှပဲ ဆွေမျိုးစာရင်း လေ့လာကြသူတွေ လည်း ရှိရဲ့။

မဆိုင်လား၊ ဆိုင်လားမသိ။ အဲပုဂံ ခရီးစဉ်တွေ ရပ်လိုက်ပြီဆိုတဲ့သတင်း တတ်လာပြန်တော့ ဘဏ်တွေ ပါ ထိခိုက်နိုင်တယ်ဆိုပြီး ငွေပြေးထုတ်ကြတော့တယ်။ ဘဏ်တွေမှာ တန်းစီနေကြပြီ။

၁၃ ရက်စပြီး ၁၇ ရက်အထိ နိုင်ငံရေး စိတ်ဝင်စားသူတိုင်း တထိတ်ထိတ်ပါ။ ဂျာနယ်တွေက ခုနှစ်ရက်မို့ မပါနိုင်သေးခင် နေ့စဉ်ထုတ်တွေကတော့ “ ခန့်မှန်း” တွေ ရေးကြတယ်။ ဦးရွှေမန်းကို ပါတီ ဥက္ကဌက ဖယ်ရှား လိုက်ပေမယ့် လွှတ်တော်နာယကနဲ့ ဥက္ကဌအဖြစ်တော့ ဆက်ရှိနေကြောင်း အတည်ပြုကြတယ်။ ၁၈ ရက်မှာ တော့ လွှတ်တော်ခေါ်မယ်ဆိုလို့ ၁၈ ရက်ကို စိတ်ဝင်စားစွာ စောင့်ကြည့်ရတယ်။

ထူးခြားတာက ၁၃ ရက်မှာ ဖယ်ရှားခံရကြောင်း ကြေညာချက်အရ သိရပြီ။ ၁၃ ရက် ညနေမှာပဲ ပြည် ထာင်စုရွေးကောက်ပွဲ ကော်မရှင်က Right to recall ဆိုတဲ့ တာဝန်မှ ပြန်လည်ရုပ်သိမ်းခွင့် ဥပဒေပြုရေးကို စောလျင်စွာလုပ်ပေးဖို့ လွှတ်တော်ဥက္ကဌဆီ စာပို့ခြင်းပါပဲ။ ဒီမတိုင်ခင်တစ်လကလည်း ဇေယျာသီရိမြို့နယ်က မဲ ဆန္ဒရှင် ၂ ရာခိုင်နှုန်းလောက်က သူတို့ကိုယ်စားလှယ် ဦးရွှေမန်းကို တာဝန်က ရုတ်သိမ်းဖို့ စာတင်ထားခဲ့တာမို့  သေချာပါပြီ၊ ဒီပုဒ်မနဲ့ပဲ ဇာက်သိမ်းရရှာမှာ သေချာတယ်လို့ တွေးကြတယ်။

နေ့စဉ်သတင်းစာတစ်စောင်မှာဆိုရင် နိုင်ငံရေးအကဲဖြတ် ဆရာတစ်ဦးက လက်ရှိနိုင်ငံရေး အခင်းအ ကျင်းကို သုံးသပ်ပြရင်း “ ၁၈ ရက်မှာ ကျင်းပမယ့် ပြည်သူ့လွှတ်တော်မှာ ဥက္ကဌအဖြစ်၊ ဒုဥက္ကဌ ဦးနန္ဒကျော်စွာ  တတ်ရောက်ပြီး ဦးရွှေမန်းရဲ့ နှုတ်ထွက်လွှာကို ဖတ်ကြားတာ မြင်ရဖွယ်ရှိတယ်”  ဟု ရေးပါတယ်။ သူ တွေး တာပေါ့လေ။

အများစုကတော့ ဦးရွှေမန်းဆိုတာ ဒီလို လွယ်လွယ်နဲ့ လျှော့ပေးမယ့်လူ မဟုတ်ဘူးလို့ တွက်ကြတယ်။ ၁၂ ရက်ညနဲ့ ၁၃ ရက် မနက်မှာ သူခံလိုက်ရတာဟာ လက်ဦးမှုရသွားလို့ပါ။ အခုလို အချိန်ပေးထားရင် သူခုခံ မှာပဲလို့ တွက်ကြတယ်။ ဦးရွှေမန်းကို လိုလားသူတစ်ဦးကလည်း သူတို့ ကာကွယ်သွားဖို့ ပြင်ဆင်ထားတယ်လို့ တရားဝင်ပြောခဲ့တယ်။

ကျွန်မကတော့ “ တတ်ဘလက်” ဖလန်းဖလန်းကိုပဲ မလွှတ်တမ်းကိုင်ခဲ့တယ်။ ဟော… လွှတ်တော်ထဲ ဝင်လာပါရောလား။ ဝတ်ရုံရှည်ကြီး ဝတ်လို့၊ ခါတိုင်းလိုပဲ ကျိုင်းတုက်ထမ်းသမားလည်း ပါတယ်။ မျက်နှာက တော့ ဘာမှမဖြစ်တဲ့ပုံ၊ ဒီလိုပဲ ဟန်ကိုယ့်ဖို့ပေါ့။

ကျွန်မတို့ အချင်းချင်း ဖုန်းဆက်ပြီး စောင့်ကြည့်နေကြတယ်။ ဟင်… ဘယ်မှာလဲ၊ တာဝန်မှ ရုတ်သိမ်း ခြင်းကိစ္စ မပါပါလား။ ဟဲ… ဘုရားရေ လွှတ်တော် ရပ်နားဖို့တဲ့။ ရေဘေးအတွက်တဲ့။ ကြည့်ပါဦး ဒါကြောင့် နိုင်ငံ ရေးကို ခန့်မှန်းဖို့ခတ်တာ။ အားလုံးထင်ထားတာက တာဝန်မှ ရုတ်သိမ်းခြင်းဥပဒေကို ချက်ချင်းပြဌါန်း၊ ဖယ်ထုတ် အဲသလို လုပ်မယ်ထင်တာ။ ခုတော့ “ လွှတ်တော်ရပ်နားရန်” တဲ့။ “ ရပ်ဆိုင်း” တာမဟုတ်ဘူး။ ငါးနှစ်တာလုံးလုံး လုပ်လာတဲ့ဟာကို အဆုံးသတ်ဖို့ပါ။ ပြီးပါပြီဖို့ စာတမ်းထိုးဖို့ပါ။

ဘယ်သူမှထင်မထားတဲ့ အတွက်ပဲ။ ဟုတ်တာပေါ့ တစ်ရာခိုင်နှုန်း ဥပဒေဆိုရင် ဆွေးနွေး၊ ငြင်းခုံ၊ အတည်ပြုကြဦးမည်။ ရပ်နားဆိုတော့ ပြီးပြီပေါ့။ ကန့်လန့်ကာချပြီး “ ဗျောခေါက်” လိုက်ရင် မင်းသား ဘယ် ဆက်ကလို့ ရတော့မလဲ။ ကျွန်မ တကယ်ကြောက်သွားတယ်။ တပြိုင်နက်တည်းမှာပဲ ကမ္ဘာကျော်စစ်ဘုရင် ချန် ပီယံဖြစ်တဲ့ “ ကက်စ်ပါရို” ကို လှမ်းသတိရမိတယ်။ သူများတွေမထားတဲ့ အကွက်ကို ရွေ့တတ်ခြင်းဟာ ပညာ ကိုး။

ဒါပေမယ့် ဦးရွှေမန်းကလည်း သူရဘွဲ့ရထားသူ။ လွယ်လွယ် အလျှော့မပေးဘူး။ သူ့ လွှတ်တော်မှာ အဆိုပြုတော့ ဒါဟာ ဥက္ကဌတာဝန်သာ ဖြစ်တယ်။ မရပ်နိုင်ဘူးတဲ့။ ဆက်လုပ်မှာပဲတဲ့။

အမျိုးသားလွှတ်တော်က ဦးခင်အောင်မြင့်ကတော့ ပညာသားပါတယ်။ ချက်ချင်းမဆုံးဖြတ်ဘူး။ ၁၉ ရက်နေ့မှာ စဉ်းစားမယ်တဲ့။ ၁၉ ရက်မှာတော့ ဥက္ကဌပါဝါ မသုံးပါဘူး။ မဲခွဲလိုက်တယ်။ ထောက်ခံမဲ ၁၂၈၊ ကန့် ကွက်မဲ ၃၄၊ ကြားနေမဲ ၁၄။ အဖြေက ဒီနေ့ကစပြီး ရပ်ပြီတဲ့။

ပြည်ထောင်စုလွှတ်တော် ရှိသေးတယ်လို့ တချို့ကဆိုတယ်။ အမျိုးသားလွှတ်တော် အိမ်ပြန်သွားပြီဆို တော့ ဘယ်လိုလုပ် ပြည်ထောင်စု ကျင်းပနိုင်မှာတုန်း။

ပြည်ထောင်စု မကျင်းပနိုင်ရင် ဘာဥပဒေမှ ပြဌါန်းလို့ မရဘူး။ ပြည်သူ့လွှတ်တော်က ဆက်ပြီးတတ်နေ လဲ တတ်တာပဲရှိမယ်။ ဘာမှလှုပ်ရှားမှု ဥပဒေပြုမှု မလုပ်နိုင်တော့ပါဘူး။ စက်တင်ဘာ ၈ ရက်ဆိုရင်လည်း မဲ ဆွယ်ကာလမို့ နားကြရတော့မယ်။

သြော်… နိုင်ငံရေးဆိုတာ တယ်လဲကြောက်စရာကောင်းပါလားလို့ သံဝေဂရမိပါတယ်။ ပါတီနိုင်ငံရေးမှာ အာဏာနိုင်ငံရေးပါလာရင် ပိုပြီးကြောက်စရာကောင်းပါတယ်။

အခုတိုင်းဆိုရင် ၂၀၁၀-၂၀၁၅ လွှတ်တော် ပြီးသွားပြီ။ ကျန်တဲ့ကိစ္စတွေကို ၂၀၁၆ မှာ ဆက်လာမယ့် လွှတ်တော်အသစ်က သယ်ဆောင်ရုံပဲ။

ပြည်သူများအနေနဲ့ကတော့ သံဝေဂတရား ရင်ဝယ်ထားရင်း နောက်တတ်မယ့်လူတွေကို အတက်နိုင် ဆုံး အကောင်းဆုံး ရွေးချယ်ဖို့ မျှော်လင့်စရာသာ ရှိပါတော့မယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဝေဖန်ရေးရာ, ရွှေကူမေနှင်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments