ကယ်နိုင်ရင် ကယ်ကြပါ နှင့် ဘကြီးမိုး

September 2, 2015
My Friend Tin Moe By Maung Swan Yi - Selection of MoeMaKa Articles

ကယ်နိုင်ရင် ကယ်ကြပါ နှင့် ဘကြီးမိုး
(ကုမုဒြာဂျာနယ်မှ ကူးယူဖော်ပြသည်) မိုးမခ၊ စက်တင်ဘာ ၂၊ ၂၀၁၅

ဘကြီးမိုးဆုိတဲ့ ငနဲက နာမည်မှာ ‘ မိုး’ ပါလို့လား မသိပါဘူး မိုးကိုချစ်တယ်။ ကွယ်လွန်သူ သူငယ်ချင်း ကြီး စန္ဒရားလှထွတ်ရဲ့ တိမ်တမန်ကိုလည်း ချစ်တာပဲ။ ဘာတဲ့ တိမ်တမန်မှာပါတဲ့ စာသားလေ။ ဆည်မြောင်း ချောင်းကန် ပြည့်လျှံတိုးအောင် မိုးလုံးမည်းမျှ မရွာစေချင်ပါပေ၊ ဆည်မြောင်းချောင်းကန် အသစ်အမှန်ဖြိုးရန် ပုလဲလုံးရွဲအလှ ရွာစေချင်ပါပေ ဆိုိလားပဲ။

အခုတော့ မြစ်ချောင်းအင်းအိုင်တွေ ပြည့်လျှံဖြိုးအောင်မက အဆက် မပြတ်ရွာသွန်းနေလို့ တစ်တိုင်းတစ်ပြည်လုံး ရေကြီးရေလျှံတွေဖြစ်၊ ရေဘေးဒုက္ခသည်ပေါင်း သိန်းနဲ့ သန်းနဲ့ ဖြစ် နေလေတော့ တိုင်းပြည်နဲ့အဝန်း စေတနာတွေ သွန်းဖြိုးပြီး ရေဘေးဒုက္ခသည်တွေအတွက် အလှူငွေတွေ  ကောက်ခံ၊ ဆရာတော် သံဃာတော်တွေကအစ အနုပညာသည်အားလုံး၊ ကျောင်းသူကျောင်းသားတွေအားလုံး၊ ဘကြီးမိုးရဲ့ မြေးတွေလည်း ပါတယ်။ ရေဘေးအလှူခံပြီး ရေဘေးဒုက္ခသည်တွေကို အတက်နိုင်ဆုံး ကူညီ ထောက်ပံ့ပေးနေကြပါတယ်။

သည်ကြားထဲမှာ မိုးက အဆက်မပြတ်ချင်သေး။ ဦးထွန်းလွင်ရဲ့ အဆိုအရ ဘင်္ဂလားပင်လယ်အော်မှာ လေဖိအားနည်းရပ်ဝန်းကတဆင့် မုန်တိုင်းဖြစ်ပြီး မုန်တိုင်းက ဘင်္ဂလားကမ်းခြေကို ဝင်တာတဲ့။ ဒါပေမယ့် မိုးက တော့ မြန်မာပြည်အထက်ပိုင်းနဲ့ မြစ်ဝကျွန်းပေါ်မှာ ရွာနိုင်တုန်းတဲ့။

မြန်မာပြည်အထက်ပိုင်း ရွာတဲ့မိုးကလည်း ဒုက္ခပဲခင်ဗျ။ ချင်းမှာဆိုရင် မြေတွေပြို၊ အိမ်တွေပျက်။ ဖလမ်း ဆိုရင် မြို့လုံးကျွတ်နီးပါး ရွှေ့ပြောင်းရမယ့်သဘော။ မိုးကြီးရေလျှံလို့ လမ်းတံတားတွေပျက်၊ လမ်းတံတားတွေ ပျက်တော့ အစာရေစာတွေလည်း ပို့ရခတ်၊ ကုန်ဈေးနှုန်းတွေကလည်း တက်ဖြစ်ကုန်တာပေါ့။ အရေးအကြီးဆုံး ဖြစ်တဲ့ ဆန်စပါးဆိုတော့ ဆန်ကုန်သည်များအသင်းက ပြည်တွင်းစားသုံးဖို့ ဖူလုံဖို့အရေး နိုင်ငံခြားကို ဆန်တင်ပို့ မှုတွေ ရပ်ဆိုင်းထားရကြောင်း ကြေငြာလုပ်ဆောင်နေကြရပါတယ်။ ဒါပေမယ့်လည်း ဒါပေမယ့်ပေါ့လေ ဆန် ဈေးနှုန်းကတော့ ဘယ်နေမဲ တက်တာပေါ့။ ဘကြီးမိုးတို့ ရန်ကုန်မှာ ဆန်ဈေးတက်သလို ဟို ချင်းတို့ ကချင်တို့ မှာ ဆန်ဈေးက မကြုံစဖူး တက်ကြတော့တာပေါ့။

တစ်ပြည်လုံး ရေကြီးရေလျှံဖြစ်လို့ လယ်ယာတွေ တော်တော်များများ နစ်မြုပ်ပျက်စီးကုန်ကြလို့ ပြည် လည်စိုက်ပျိုးဖို့ လုပ်စရာတွေက တစ်ပုံတစ်ခေါင်းကြီး။

ပြန်လည်ပြုပြင်တည်ဆောက်ဖို့ အင်မတိအင်မတန် လိုအပ်နေချိန်မှာ မြန်မာနိုင်ငံရဲ့ အစိုးရဖြစ်တဲ့ ကြံ့ ခိုင်အဖွဲ့ကြီးထိပ်ပိုင်းက ညကြီးသန်းခေါင်မှာ ရဲအစောင့်အရှောက်တွေနဲ့ အပြောင်းအလဲလုပ်ကြလေတော့ တိုင်း ပြည်က ထိန့်လန့်တကြားဖြစ်ပြီး နဂိုက ဒေါ်လာဈေးတက်နေရတဲ့အထဲ ဗဟိုဘဏ်က ဒေါ်လာတွေ ထုက်ရောင်း လို့ မနိုင်၊ ဒေါ်လာဈေးက ၁၃၀၀ အထိ ဖြစ်လာပါလေရော။ ဒေါ်လာဈေးတက်တော့ ကုန်ဈေးနှုန်းကလည်း တက်ပြန်တာပေါ့။ အစိုးရထိပ်ပိုင်း အပြောင်းအလဲဖြစ်တာကို အကြောင်းပြုပြီး ဘဏ်တွေရဲ့ အခြေအနေတွေက လည်း ကောလဟာလတွေဖြစ်၊ ဘဏ်မှာအပ်ထားသူတွေက ပိုက်ဆံတွေထုက်ကြတော့ အထိတ်တလန့် ဖြစ် ကုန်ကြတာပေါ့။

ဒေါ်လာဈေးတက်၊ မြန်မာငွေဈေးက ကျတော့ ဒေါ်လာနဲ့ဝယ်ကြရတဲ့ ကုန်ဈေးနှုန်းတွေကလည်း  တက် ကုန်တာပေါ့။ တစ်ဆက်တည်း မြန်မာငွေဈေးကျလေတော့ နယ်စပ်ကုန်သွယ်ရေးကတစ်ဆင့် တင်သွင်းတဲ့ ကုန် ပစ္စည်းတွေကလည်း ဈေးတက်သွားပြန်ရော။ အဲသည် ဒုက္ခတွေအားလုံး ခံရတာကတော့ ‘ ဘိန်မခေါင်း’ ဆိုတဲ့ ဘကြီးမိုးတို့လို လက်လုပ်လက်စား ဆင်းရဲတွေရဲ့ ခေါင်းပေါ်ပဲ ပုံကြတာဖြစ်ပါတယ်။ ဘကြီးမိုးလည်း လက်လုပ် လက်စားပဲခင်ဗျ။ လက်ကလှုပ်ပြီး  စာတွေ တရတွန်းရေးမှ ပိုက်ဆံကရတာကိုး။ ဘကြီးမိုးဖြင့် ဘောလ်ပင်ကိုင် တဲ့ လက်ချောင်းလေးတွေ ပိန်ချိုင့်နေအောင် ရေးရလွန်းလို့ ကိုယ့်လက်ချောင်းကလေးတွေကို ပြန်သနားနေရ သေး။

သည်ကြားထဲမှာ မောင်သန်းဝင်းထွဋ်တို့ တို့ပြည်တို့မြေဆိုတာကို ကြည့်ကြည့်နေရလေတော့ မြန်မာ ပြည်အနှံ့ ဟို မြောက်ဘက်ဖျားက ပြည်နယ် ဖားကန့်ကအစ ဟို အောက်ဘက်အစွန်က မြိတ်၊ ထားဝယ်၊ ကော့သောင်းအလယ်၊ ရခိုင်၊ ကျောက်ဖြူမကျန် မြစ်ဝကျွန်းပေါ် ပုသိမ်အထိ တစ်ပြည်လုံးမှာ မူးယစ်ဆေးဝါးရဲ့ ဒဏ်ကို အဆမတန် ဖိစီးခံနေရကြောင်း သတင်းတွေ ကြားလာရပါတယ်။ မူးယစ်ဆေးဝါးက လူငယ်လူရွယ်တွေ ကို လူသားစွမ်းရည် ပျက်စီးစေရုံမကဘူး ခင်ဗျ။ အကျင့်စာရိတ္တပါ ပျက်စီးစေတာပါ။ အကျင့်စာရိတ္တပျက်စီးစေ တာဟာ ပြည်လည်ပြုပြင်ဖို့ အလွန်ခတ်ပြီး အချိန်တွေ အများကြီး အများကြီး ယူကြရတဲ့ကိစ္စ။ အဲသလို အဲသလို မူးယစ်ဆေးဝါး အန္တရာယ်ကြီး တစ်ပြည်လုံးအတိုင်းအတာနဲ့ ဖိစီးနှိပ်စက်ခံနေရတဲ့အချိန်မှာ ဘကြီးမိုးတို့ ရန်ကုန် မြို့ကြီးရဲ့အလယ်မှာပဲ ပိုင်ရှင်မဲ့ ဖမ်းစီးမိတဲ့ မူးယစ်ဆေးဝါးတွေဟာ ဘယ်လောက်တောင် များပြားသလဲဆိုရင် အာရှတိုက်မှာ အများဆုံး၊ ကမ္ဘာမှာ ဒုတိယအများဆုံးအထိ မြင်းမားလှတဲ့ ပမာဏ မိတာခင်ဗျ။

တစ်နေရာတည်းမှာလည်း မဟုက်ဘူး၊ နှစ်နေရာ၊ သုံးနေရာ ဖမ်းမိတာ။ ဖမ်းမိတာတွေ အားလုံးက လည်း ပိုင်ရှင်မဲ့တွေချည်းပဲတဲ့။ သည်လောက်များပြားတဲ့ မူးယစ်ဆေးဝါးတွေဟာ ဘယ်နိုင်ငံက ထုက်လုပ်တာ လဲ။ မြန်မာပြည်တွင်းကပဲ ထုက်လုပ်နေတာလား။ လက်ဝယ်ရရှိပြီးသား မူးယစ်ဆေးဝါး၊ အဲ ဖမ်းမိထားတဲ့ မူး ယစ်ဆေးဝါးတွေဟာ ပြည်တွင်းမှာ ဖြန့်ချီရောင်းချကြဖို့လား၊ ဒါမှမဟုက် နိုင်ငံတကာအထိ ဖြန့်ချီရောင်းချကြမျာ လား။

ဟိုအရင် ရှေးက မူးယစ်ဆေးဝါးဆိုတာ ဘိန်းတို့၊ ဘိန်းဖြူတို့လေ။ အဲဒါတွေက ဘိန်းပင်ကရတာ။ ဘိန်း ခေတ်မှာတောင် မြန်မာနိုင်ငံက ဘိန်းစိုက်ပျိုးမှု၊ ထုတ်လုပ်မှုမှာ ဘာဖဂန်ကလွဲရင် ဒုတိယအကြီးဆုံးလို့ သက် မှတ်ခံထားရတယ်လေ။ သည်နေ့ မူးယစ်ဆေးဝါးဆိုတဲ့ ဆေးပြားတွေကတော့ ကမ်မီကယ်ဓာတုပစ္စည်းတွေနဲ့  ထုတ်လုပ်တာတဲ့။ အရည်ဖျော်တဲ့စက်က အဝတ်လျှော်စက်လောက်ဆိုရင် ဖြစ်ပြီး ဆေးပြားရိုက်တဲ့စက်က လည်း မီးဖိုချောင်သုံးစက်ကလေးနဲ့တောင် ထုတ်လုပ်နိုင်ဆိုပဲ။

ဒါပေမယ့် အဲသည်လောက် အများအပြားကြီး ထုတ်လုပ်နိုင်ဖို့ကြတော့ တစ်နိုင်တစ်ပိုင်လူတွေ လုပ်နိုင် ကြတာ မဟုက်နိုင်တော့ဘူးလေ။ တကယ်ကို ကြီးမားတဲ့ လုပ်ငန်းရှင်ကြီးတွေ ရင်းနှီးမြှုပ်နှံမှု အများကြီးနဲ့လုပ်မှ သည်ပမာဏမျိုး ရနိုင်တာကလား။

သည်တော့ ရွှေသမင်ဘယ်ကထွက်ဆိုသလို ဖြစ်နေပါပေါ့လား။ ဘိန်းစိုက်ပျိုးတဲ့ တောင်သူတစ်ချို့ရဲ့  ဖွင့်ဟ ဝန်ခံချက်အရ ဘိန်းခင်းကို သုံးကွက်စိုက်ရသတဲ့။ တစ်ခင်းက သူတို့ စားဖို့သောက်ဖို့၊ တစ်ခင်းက အာ ဏာပိုင်များ၊ အာဏာပိုင်များဆိုတာ အစိုးရရော၊ တခြား လက်နက်ကိုင်အဖွဲ့အစည်းတွေရောပေါ့လေ။ သူတို့အ တွက် တစ်ကွက်တဲ့။ ကျန်တစ်ကွက်ကတော့ ဖျက်ဆီးတာ စာရင်းပြဖို့ စိုက်ရပါသတဲ့။ မှတ်ကရောပဲ။

အခု မူးယစ်ဆေးဝါးထုက်လုပ်သူတွေကော သုံးသီးသုံးကွက် ထုတ်လုပ်နေကြလေရော့သလား မသိ တော့ပါဘူး။ ကြက်သီးထစရာကောင်းလောက်အောင် ဆိုးရွားနေတာတော့ အမှန်ပဲခင်ဗျ။

သည်တော့ ဘကြီးမိုးက ‘ ကယ်နိုင်ရင် ကယ်ကြပါ’ လို့ပဲ ကုန်းကုန်း အော်မိနေတော့တာပါပဲ။ ဒါလည်း အသံထွက်အောင် မအော်ရဲ့ဘူးခင်ဗျ။ တိုင်းပြည်ကြီး ဒုက္ခရောက်တဲ့ဘေးက ငါတို့ပဲ ကယ်ကယ်နေရတာဆိုပြီး ပြောပြောနေကြတဲ့ သူတွေ ကြားသွားမှာလည်း စိုးရသေးသကိုး။ သူတို့ သူတို့ ကယ်လိုက်တိုင်း တိုင်းပြည်က  နစ်သည်ထက်နစ်ခဲ့တာ နှစ်ခိရှာ နှစ်ခါရှိပေါ့။ သည်တော့…..

ကယ်နိုင်ရင် ကယ်ကြပါလို့ အသံမထွက်အောင် တိုးတိုးလေးပဲ အော်လိုက်ရကြောင်းပါ။

ကယ်နိုင်ရင် ကယ်ကြပါနှင့် ဘကြီးမိုးပါ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သူတို့အာဘော်, မောင်မိုးသူ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

 ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ

By

ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ (မိုးမခ) ဖေဖော်ဝါရီ ၅၊...

Read more »

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ 

By

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ  မိုးမခစာပေက ထွက်ပါပြီ။...

Read more »

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်