Myanmar NOW အင်တာဗျူး – ‘ကချင်ပြည်နယ်မှာနေတဲ့လူအားလုံးရဲ့ တိုးတက်ရေးကို လုပ်သွားမှာပါ’

September 8, 2015

 

စည်းလုံးညီညွတ်ရေးနှင့်ဒီမိုကရေစီပါတီ (ပြည်နယ်-စဒက) ၏ တွဲဖက်အတွင်းရေးမှူး၊ အင်ဂျားယန်မြို့ ပြည်သူ့လွှတ်တော်ကိုယ်စားလှယ် ဒေါ်ဒွဲဘူ (ဓာတ်ပုံ – ဇော်နိုင်ဦး)
အင်တာဗျူး – ‘ကချင်ပြည်နယ်မှာနေတဲ့လူအားလုံးရဲ့ တိုးတက်ရေးကို လုပ်သွားမှာပါ’
အိချယ်ရီအောင် / Myanmar Now  (မိုးမခ၊ စက်တင်ဘာ ၈၊ ၂၀၁၅)

စည်းလုံးညီညွတ်ရေးနှင့်ဒီမိုကရေစီပါတီ (ကချင်ပြည်နယ်-စဒက) ၏ တွဲဖက်အတွင်းရေးမှူး  ဒေါ်ဒွဲဘူသည် နိုဝင်ဘာ ၈ ရွေးကောက်ပွဲတွင် အင်ဂျန်းယန်မြို့ ပြည်သူ့လွှတ်တော်ကိုယ်စားလှယ်အဖြစ် ထပ်မံအရွေးချယ်ခံရရေးအတွက်  ပြင်ဆင်လျက်ရှိသည်။ သူ၏ပါတီသည် မဲဆန္ဒနယ် ၉ ခုအတွက် ယှဉ်ပြိုင်သည့်အခါ ဒေသတွင်း နိုင်ငံရေးပါတီများ၊ အမျိုးသားဒီမိုကရေစီအဖွဲ့ချုပ်၊ အာဏာရပါတီတို့နှင့် ရင်ဆိုင်ရမည်ဖြစ်သည်။

မကြာသေးခင်က သတင်းထောက် အိချယ်ရီအောင်က ဆက်သွယ်မေးမြန်းစဉ် ၅၃ နှစ်အရွယ် တရားရုံးချုပ်ရှေ့နေ ဒေါ်ဒွဲဘူက မဲဆွယ်မှုအစီအစဉ်၊ ကချင်ပြည်နယ်အတွင်း ဥပဒေစိုးမိုးရေး၊ ဆက်လက်ဖြစ်ပေါ်နေသော စစ်ရေးပဋိပက္ခ   စသည့် အခြေအနေများနှင့် ပတ်သက်ပြီး ပြောပြခဲ့သည်။
 မေး –    ကိုယ်စားလှယ်လောင်းတွေ မဲဆွယ်စည်းရုံးခွင့် ၂ လ ရပါမယ်။ ဒါဟာ လုံလောက်တဲ့အချိန်ပမာဏလို့ ပြောလို့ ရမလား။  
ဖြေ – တစ်နေရာနဲ့တစ်နေရာတော့ တူမှာမဟုတ်ပါဘူး။  ကျွန်မရဲ့မဲဆန္ဒနယ်မြေကတော့ လုံလောက်မှုရှိပါတယ်။    အင်ဂျန်းယန် မဲဆန္ဒနယ်က သွားလာရေးခက်ပေမဲ့ လူနည်းပါတယ်။  မဲပေးနိုင်တဲ့လူဦးရေက တစ်ထောင် ပတ်ဝန်းကျင်လောက်ပဲ ရှိပါတယ်။



မေး –    ဘယ်လိုကတိတွေပေးမယ်၊    ဘယ်အချက်ကို အဓိကထားပြီး မဲဆွယ်စည်းရုံးမယ် ဆိုပြီး စဉ်းစားထားတာ ရှိသလား။

 ဖြေ –  ဘယ်ကတိ ကဝတ်ကိုမှ ပေးပြီးတော့ မဲဆွယ်မစည်းရုံးပါဘူး။  ကျွန်မကိုယ်တိုင်က ကချင်လူမျိုးဖြစ်တဲ့အတွက် ကိုယ့်အမျိုးသားရေးကို ဘယ်တော့မှ သစ္စာဖောက်မှာ မဟုတ်ပါဘူး။  ကချင် တစ်မျိုးလုံး မဟုတ်ဘဲ ကချင်ပြည်နယ်မှာနေတဲ့လူအားလုံးရဲ့တိုးတက်ရေးကို လုပ်သွားမှာပါ။  ကိုယ်ပြည်နယ်မှာ နေထိုင်သူအားလုံးရဲ့ တိုးတက်ရေးကိုလုပ်ရင် ကချင်ပြည်နယ်တိုးတက်ရေးလည်း တစ်ပါတည်း ပါသွားမှာဖြစ်ပါတယ်။  ပေးလိုက်တဲ့ မဲက အလကား မဖြစ်စေရပါဘူး။  သူတို့ပေးလိုက်တဲ့မဲက ဥပဒေတွေပြောင်းဖို့၊  တစ်နိုင်ငံလုံး ဒီမိုကရေစီတိုးတက်ဖို့၊  မြေသိမ်းယာသိမ်းကိစ္စတွေ တကယ်အကျိုးခံစားခွင့်ရရှိဖို့ အဲဒါတွေကို ဦးစားပေးလုပ်ဆောင်သွားမှာပါ။
မေး –  ၂ဝ၁ဝ ရွေးကောက်ပွဲအတွက် မဲဆွယ်စည်းရုံးတုန်းက   ဘယ်လိုအခက်အခဲတွေ ရှိပါသလဲ။ 
ဖြေ –  ကျွန်မတို့ပါတီက ၂ဝ၁ဝ တုန်းက ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီနဲ့ မဟာမိတ်ဖွဲ့ပြီး လွှတ်တော်ထဲကိုရောက်အောင်သွားခဲ့ပါတယ်။  ကျွန်မတို့ပါတီက ရွေးကောက်ပွဲကို လူနည်းစုပဲဝင်နိုင်ခဲ့တာပါ။  တကယ်လွှတ်တော်ထဲကိုရောက်သွားရင် ပါတီစွဲ၊ လူမျိုးစွဲမထားဘဲ  အားလုံးကပူးပေါင်းဆောင်ရွက်ရတာပါပဲ။  ဒါပေမဲ့လည်း မဲဆွယ်တဲ့ကာလမှာ ဘယ်လိုတိုက်ခိုက်ခံရလဲဆိုရင် ကျွန်မတို့က ပြည်ခိုင်ဖြိုးနဲ့ မဟာမိတ်လုပ်ထားတဲ့အခါကျတော့ ကျွန်မတို့ပါတီကို စစ်တပ်နောက်ခံပါတီဆိုပြီး တခြားတိုင်းရင်းသားပါတီတွေက အထင်မှားတာမျိုးတွေခံရပါတယ်။  ကျွန်မတို့ပါတီက ပြည်နယ်ကို ကိုယ်စားပြုပါတယ်။  ကချင်၊  ရှမ်း၊  ဗမာ တိုင်းရင်းသားများအပြင် တခြားဘာသာဝင်တွေကိုပါ ကိုယ်စားပြုတဲ့အတွက် အမျိုးမစစ်ဘူးဆိုပြီးတော့ ပြောတဲ့အခါမျိုးကျတော့ အောက်ခြေလူထုက အထင်မှားပြီးတော့ နားလည်နိုင်မှုစွမ်းအားနည်းသွားနိုင်ပါတယ်။  တကယ်တမ်းတော့ ဘယ်ပါတီပဲဖြစ်ဖြစ် အခုချိန်မှာတော့ ပြိုင်ကြတာပဲ။  တကယ်တမ်း လွှတ်တော်ထဲရောက်သွားရင် ကျွန်မတို့နိုင်ငံ အနေအထားက ပူးပေါင်းဆောင်ရွက်မှုမရှိရင် နိုင်ငံကောင်းဖို့ မလွယ်ဘူး။  ပြည်သူအတွက် ဥပဒေတစ်ခုပြောင်းလဲဖို့၊  လမ်းစဉ်တစ်ခုပြောင်းလဲဖို့ဆိုတာ လွှတ်တော်ထဲရောက်နေတဲ့ပါတီတွေအားလုံးက ပူးပေါင်းဆောင်ရွက်မှု ရှိကိုရှိရပါတယ်။  အောက်ခြေပြည်သူလူထုရော၊  ပါတီတချို့ကရော ဒီသဘောတရားတွေကို မဖြတ်သန်းဘူးတဲ့အခါကျတော့ နားလည်မပေးနိုင်ဘူး၊ အဓိကစိန်ခေါ်မှုကတော့ အဲဒါပါပဲ။



မေး –  အမျိုးသမီးတစ်ယောက် အနေနဲ့ လွှတ်တော်ကိုယ်စားလှယ် တာဝန်ကို ထမ်းဆောင်ရာမှာ  အကြီးမားဆုံးအခက်အခဲက ဘာဖြစ်မလဲ။

 ဖြေ –  သားသမီးတွေကို (အိမ်မှာ) ထားခဲ့ပြီး နေပြည်တော်မှာ တစ်နှစ်လုံးနီးပါးနေရတဲ့ ဒုက္ခပေါ့။  ကိုယ့်သားသမီးတွေကို မိဘအနေနဲ့ သွန်သင်ဆုံးမရမယ့်အချိန်မှာ သားသမီးအရေး၊ မိသားစုအရေးကို မကြည့်နိုင်ဘူးပေါ့။  အဲဒါကတော့ အကြီးမားဆုံးအခက်အခဲပါပဲ။



မေး –  ဦးသိန်းစိန်အစိုးရလက်ထက် ကချင်ပြည်နယ်အတွင်း ငြိမ်းချမ်းရေး ဖော်ဆောင်မှု အခြေအနေကို နည်းနည်းသုံးသပ်ပြပါ။ 

ဖြေ –  ဦးသိန်းစိန်လက်ထက်မှာ   ငြိမ်းချမ်းရေးကို စားပွဲပေါ်ရောက်တဲ့အထိ လုပ်နိုင်ခဲ့ပါတယ်။ ဆွေးနွေးတာလည်းဆွေးနွေး၊ တိုက်တာလည်းတိုက်တုန်းပဲဆိုတော့ ပြည်သူလူထုကလည်း အယုံအကြည်မရှိပါဘူး။  ပြည်သူလူထုအယုံအကြည်မရှိသရွေ့ ငြိမ်းချမ်းရေးကလည်း ဘယ်တော့မှ တိုးတက်လာမှာ မဟုတ်ပါဘူး။  ဒီကဏ္ဍရပ်တွေမှာ သမ္မတတစ်ယောက်အနေနဲ့ တပ်မတော်ကိုထိန်းသိမ်းနိုင်မှု၊ ပြောဆိုနိုင်မှု အင်မတန်မှအားနည်းတာကို တွေ့ရပါတယ်။  ကချင်ပြည်နယ်မှာရှိတဲ့တပ်တွေက ထိုးစစ်တွေသာမဆင်ခဲ့ရင် ငြိမ်းချမ်းတာကြာလှပါပြီ။     ကျွန်မတို့က တကယ့်ဖြစ်စဉ်ကို တင်ပြရင်လည်း ငြိမ်းချမ်းရေးဆွေးနွေးပွဲမှာ အစိုးရ၊  တပ်မတော်ဘက်က လက်ခံတာမျိုးမရှိပါဘူး။  သူတို့ကိုပြောတယ်ဆိုပြီး သဘောမကျတာမျိုးတွေဖြစ်တာကို တွေ့ရပါတယ်။  အဲဒီလို အမြင်မျိုးတွေက ငြိမ်းချမ်းရေးမှာ ရှေ့ဆက်တိုးဖို့အတွက် အခက်အခဲတွေပါပဲ။


မေး –  ဝန်ကြီးဦးအောင်မင်းတို့ရဲ့ ငြိမ်းချမ်းရေးဖော်ဆောင်မှုလုပ်ငန်းတွေကိုရော ဘယ်လိုများမြင်ပါသလဲ။
 ဖြေ –  သူကတော့ တော်တော်ကြိုးစားပြီးလုပ်ပါတယ်၊  တိုင်းရင်းသားတွေရဲ့သဘောထားတွေကိုလည်း အောက်ခြေအထိလိုက်ပြီး လေ့လာပါတယ်၊  တိုင်းရင်းသားတွေအပေါ်မှာလည်း တော်တော် နားလည်တဲ့သဘော ရှိပါတယ်။  ဒါပေမဲ့ သူတစ်ယောက်တည်းနားလည်လို့မရပါဘူး။ ကျန်တဲ့သူတွေပါနားလည်ပြီး ပူးပေါင်းဆောင်ရွက်မှ အောင်မြင်မှာပါ။ တိုင်းရင်းသားတွေကလည်း ဟိုဟာလည်းမယုံ၊  ဒီဟာလည်းမယုံလုပ်နေလို့လည်းမရပါဘူး။  ပြောင်းလဲလာတဲ့အမြင်တွေလည်းရှိဖို့ လိုပါတယ်။  တပ်မတော်အနေနဲ့ လွှတ်တော်ကိုယ်စားလှယ်တွေနဲ့ဆွေးနွေးသင့်တယ်လို့ မြင်ပါတယ်။
မေး – ဦးသိန်းစိန်ရဲ့ သမ္မတသက်တမ်းငါးနှစ်တာကာလအတွင်း ကချင်ပြည်နယ်မှာ တရားဥပဒေစိုးမိုးရေး အခြေအနေက ဘယ်လို ရှိပါသလဲ။ 
ဖြေ –  မြို့ ထဲမှာတော့ ဒီအတိုင်းပါပဲ၊ ပြောင်းလဲမှုမရှိပါဘူး။ တရားရုံးတွေက အရင်အတိုင်းပဲ၊ ပြည်သူလူထုကလည်း အရင်လိုပဲ၊ လာဘ်ပေးလာဘ်ယူမှု လုပ်နေရတုန်းပဲ။  တိုက်ပွဲဖြစ်နေတဲ့ နေရာတွေက တရားဥပဒေ စိုးမိုးမှု မရှိတော့ ပိုဆိုးတာပေါ့။  သစ်မှောင်ခိုတွေ၊  ရွှေသူခိုးတွေ၊  ကျောက်တွင်းမှောင်ခိုတွေ၊  အကြမ်းဖက်မှုတွေ၊  မုဒိန်းမှုတွေ ဒီမိုကရေစီအစိုးရတက်လာတဲ့အချိန်မှာ ပိုပြီးဆိုးလာတာတွေ့ရပါတယ်၊



မေး – ကချင်ဒေသစစ်ဘေးရှောင် ဒုက္ခသည်တွေကို နိုင်ငံတကာရော ပြည်တွင်းအလှူရှင်တွေကပါ လှူဒါန်းတာတွေ၊ ထောက်ပံ့တာတွေက နည်းလာသလား။ 

ဖြေ –  နိုင်ငံတကာကလည်း ကချင်စစ်ဘေးရှောင်ဒုက္ခသည်တွေကိုပဲ ကူညီရတာ မဟုတ်ပါဘူး။  နိုင်ငံတိုင်းမှာ ဒုက္ခသည်ကတော့ အမျိုးမျိုးရှိတာပါပဲ။  အဲဒါတွေပါကူညီရတာဆိုတော့ ကချင်တစ်ခုတည်းကိုအဓိကထားနိုင်မှာမဟုတ်ပါဘူး။  ပြည်တွင်းအဖွဲ့ အစည်းတွေလည်း အဲဒီလိုပါပဲ။  ကချင်ပြည်နယ် စစ်ဘေးရှောင်ဒုက္ခသည်တွေအနေနဲ့ ကိုယ့်ဖာသာကိုယ် ရပ်တည်နိုင်အောင်လည်း ကြိုးစားရမှာပါပဲ။  အဲဒီလိုလုပ်နိုင်ဖို့ဆိုတာကတော့လည်း တိုက်ပွဲတွေဖြစ်နေတော့ သူတို့ ကိုယ့်ဖာသာ ကိုယ်ရပ်တည်ဖို့ကို မလုပ်နိုင်ပါဘူး။  ဘယ်သူမဆို ဒါမျိုးတွေက တစ်သက်လုံး မကူညီနိုင်ပါဘူး။  ကျွန်မကတော့ အပစ်အခတ်ရပ်စဲဖို့ကိုပဲ အဓိကတိုက်တွန်းသွားမှာပါ။  နိုင်ငံရေးဆွေးနွေးပွဲက အကြာကြီးဆွေးနွေးရမယ်ဆိုတာကို သိပါတယ်။  ဒါပေမဲ့ အပစ်အခတ်ရပ်စဲရေးလက်မှတ်ရေးထိုးပြီးမှ ဒုက္ခသည်တွေနေရပ်ပြန်ပြီး ပြန်လည်လုပ်ကိုင်စားသောက်နိုင်မှာ ဖြစ်ပါတယ်။  နိုင်ငံတကာအဖွဲ့အစည်းတချို့ကလည်း အပစ်အခတ်ရပ်စဲမှ ဒုက္ခသည်တွေကိုကူညီမယ်ဆိုတာမျိုးတွေကလည်း ရှိနေပါသေးတယ်။  လွှတ်တော်အနေနဲ့ကလည်း ပေါ်လစီပိုင်းဆိုင်ရာကတော့ ဒုက္ခသည်တွေနေရပ်ပြန်နိုင်ဖို့ တချိန်လုံးပြောနေတာပဲ။ ဒါပေမဲ့ အကောင်အထည်ဖော်တဲ့သူကဘာမှမလုပ်ရင် လွှတ်တော်ကဘယ်လောက်ပြောပြော ဘာမှဖြစ်လာမှာမဟုတ်ပါဘူး။



မေး –  တရုတ်နိုင်ငံ စွမ်းအင် ကုမ္ပဏီနဲ့ စာချုပ်ချုပ်ထားတဲ့ မြစ်ဆုံရေကာတာ စီမံကိန်းကို ၂၀၁၁ မှာ ရပ်ထားပါတယ်။  ဒီစီမံကိန်းက ဘယ်လိုဆက်ဖြစ်လာမယ် ထင်ပါသလဲ။ 

 ဖြေ –  ဦးသိန်းစိန် သမ္မတထပ်ဖြစ်ရင်တော့ သူ့ကတိအတိုင်း ရပ်ဆိုင်းထားပေးမှာပါ။  ဦးသိန်းစိန်မဟုတ်ဘဲ တခြားသမ္မတဆိုရင်တော့ ပြည်သူတွေနဲ့ပတ်သက်ပြီး ဘယ်လိုဆုံးဖြတ်မလဲ ဆိုတာကို ထပ်နားထောင်ရမှာပေါ့။  တရုတ်ကုမ္ပဏီက ဆက်လုပ်ဖို့ ကြိုးစားနေတာပါပဲ၊ နစ်နာမှုတွေကိုပါထပ်တောင်းဖို့ ရှိပါလိမ့်မယ်။  မြစ်ဆုံဆိုတာ ကချင်ပြည်နယ်လူထုနဲ့ပဲပတ်သက်တာမဟုတ်ပါဘူး၊  တစ်နိုင်ငံလုံးနဲ့ပတ်သက်နေတဲ့အတွက် မြန်မာနိုင်ငံပြည်သူပြည်သားတွေရဲ့ဆုံးဖြတ်ချက်က အရေးကြီးပါတယ်။

မေး –  လာမယ့် ၅ နှစ် အစိုးရသစ်လက်ထက်မှာ ငြိမ်းချမ်းရေးဖော်ဆောင်မှုအလားအလာ ဘယ်လိုရှိမယ်ထင်ပါသလဲ။

 ဖြေ –  လာမယ့်အစိုးရမှာ ဘယ်လိုလူတွေပါဝင်လာမလဲဆိုတာ အဓိကအရေးကြီးပါတယ်။  ငြိမ်းချမ်းရေးကို ဘယ်လိုလူတွေဦးဆောင်မလဲ။  သူတို့တွေက တိုင်းရင်းသားတွေအပေါ်မှာ တကယ်ကိုစိတ်ကောင်း၊ စေတနာကောင်းရှိတဲ့သူတွေ ဖြစ်ဖို့လိုပါတယ်။ တပ်မတော်မှာ သြဇာအာဏာညောင်းတဲ့လူလည်း ဖြစ်ဖို့လိုပါတယ်။    အစိုးရကဘယ်လောက်သွားသွား တပ်မတော်ပိုင်းက သမ္မတအထက်မှာတောင် သူတို့ရှိနေတဲ့ပုံစံမျိုး ဖြစ်နေတယ်။  ဒါကြောင့် သူတို့ကိုပြောင်းလဲအောင်လုပ်နိုင်တဲ့သူမျိုးဖြစ်ဖို့လိုပါတယ်။ ငြိမ်းချမ်းရေးမှာ တပ်မတော်ရဲ့ပါဝင်မှုကလည်း အရေးကြီးပါတယ်။  ကာကွယ်ရေးဦးစီးချုပ်ကလည်း ဖက်ဒရယ်ကိုပါးစပ်ကပဲမပြောဘဲ တိုင်းရင်းသားတွေအပေါ်မှာ တကယ်စိတ်ကောင်းစေတနာကောင်းရှိပြီး ငြိမ်းချမ်းရေးကို တိုင်းရင်းသားတွေနဲ့လက်တွဲ၊ ငြိမ်းချမ်းရေးကို အကောင်အထည်ဖော်နိုင်တဲ့သူမျိုးဖြစ်ဖို့ လိုပါတယ်။

 

အခုလာမဲ့အစိုးရအဖွဲ့မှာ တိုင်းရင်းသားတွေ ပါလာရင် ပိုကောင်းပါတယ်။  ငြိမ်းချမ်းရေးဆွေးနွေးတဲ့နေရာမှာ အခုဆို ခေါင်းဆောင်ပိုင်းက အကုန်ဗမာတွေချည်းပဲဆိုတော့ လုပ်ငန်းကော်မတီက စကားပြောရင်လည်း သူတို့ကမကြိုက်ဘူး။  ကျွန်မကိုလည်း အမျိုးသမီးလည်းဖြစ်တော့    ကျွန်မတို့ပြောတဲ့စကားက ဘာမှအရေးမပါဘူးဆိုပြီး လက်မခံတာမျိုးလေးတွေလည်း ရှိပါတယ်။   တိုင်းရင်းသားတွေအသံရော အမျိုးသမီးတွေရဲ့အသံတွေပါ နားထောင်သင့်တယ်။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး

One Response to Myanmar NOW အင်တာဗျူး – ‘ကချင်ပြည်နယ်မှာနေတဲ့လူအားလုံးရဲ့ တိုးတက်ရေးကို လုပ်သွားမှာပါ’

  1. ko zaw on September 8, 2015 at 9:49 pm

    ငြိမ်းချမ်းရေးကို ဘယ်လိုလူတွေဦးဆောင်မလဲ။ သူတို့တွေက တိုင်းရင်းသားတွေအပေါ်မှာ တကယ်ကိုစိတ်ကောင်း၊ စေတနာကောင်းရှိတဲ့သူတွေ ဖြစ်ဖို့လိုပါတယ်။

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments