ဗိုလ်ထက်မင်း – ဘာကြောင့် ငြိမ်းချမ်းရေး နီးလျှက်နဲ့ဝေးနေရတာလဲ – အပိုင်း(၃)

September 24, 2015

Senior General Min Aung Hlaing Facebook

ဗိုလ်ထက်မင်း – ဘာကြောင့် ငြိမ်းချမ်းရေး နီးလျှက်နဲ့ဝေးနေရတာလဲ – အပိုင်း(၃)
(မိုးမခ) စက်တင်ဘာ ၂၄၊ ၂၀၁၅

၁၅။ အရှေ့မြောက်ဒေသမှ တိုင်းရင်းသားတဦးရဲ့ခံစားချက်ကိုအခြေခံပြီး လူမှုမီဒီယာပေါ်တက်လာတဲ့ ကိုလေးလွင်ရဲ့ ထပ်ဆင့်မွန်းမံတင်ပြချက်ကို တချို့အချက်အလက်များမှ လွဲလို့ကောက်နှူတ်တင်ပြပေးလိုက်ပါတယ်။

”  . ဒေသအုပ်ချုပ်ရေးအဖွဲ့မှာ အစိုးရ၀န်ထမ်းတွေက  တကယ်တမ်း တိုင်းရင်းသားဒေသတွေအပေါ်ကိုယ်ချင်းမစာ  စေတနာသိပ်မထားကြပါဘူး.။ မြို့ပေါ်က ကျောင်းတွေ အဆောက်အဦနဲ့ အတန်းတွင်းပစ္စည်းပစ္စယ အပြည့်အစုံနဲ့ စာသင်ကြရပေမယ့်၊ တိုင်းရင်းသားဒေသတွေမှာ ကတော့ ဘတ်ဂျက်မရတာ၊ ၀ါးကြမ်းစားပွဲ၊ တစ်လုံးဝါးထိုင်ခုံ၊ သက်ကယ်မိုးထရံကာအဆောင်စသဖြင့် ဖြစ်သလိုတွေများနေပါတော့တယ်။ ဒါကိုမြင်တိုင်း မြို့နယ်အုပ်ချုပ်ရေးမှူး၊ ခရိုင်အုပ်ချုပ်ရေးမှူးတွေကို တိုင်း ရင်းသားတွေက မကျေမချမ်းဘဲ၊ သမချင်လေလေဖြစ်ခဲ့ကြပါသတဲ့။  ဒီဒေသက ရတဲ့ လိုင်းကြေးမှန်သမျှကိုကောက်ခံ၊ ဒေသဖွံ့ဖြိုးတိုးတက်ဖို့အတွက်ကြတော့ ဘာတခုမှလုပ်ပေးဖို့ ခေါင်းထဲမရှိတာတွေဟာ – သူတို့အတွက်လုပ်ရိုးလုပ်စဉ်၊ လုပ်ထုံးလုပ်နည်း၊ လုပ်ချင်တာလုပ်တာပါ။ သူတို့အတွက်ရိုးနေမှာပါ  သို့သော်လည်း ဒါတွေဟာ အဲဒီမှာရှိတဲ့ဒေသခံတွေ အပေါ် ဘယ်လိုအကျိုးကျေးဇူးဖြစ်ထွန်းစေသလဲ ဆိုတော့ – ရိုးသားတဲ့ တိုင်းရင်းသားလူငယ်တွေကို သူပုန်သူကန်ဘ၀ရောက်အောင် တွန်းပို့တဲ့အားတွေလို ဖြစ်သွားရတော့တာပါဘဲ။

၁၆။ လူတိုင်းက စစ်ကိုမတိုက်ချင်ပါဘူး။ အတိတ်ကိုပြန်ကြည့်ရင် သူဌေးတွေစီးပွားရှာတဲ့ လုပ်ငန်း (သို့မဟုတ်) နိုင်ငံရေး အာဏာရယူဘို့ လုပ်တဲ့ လုပ်ငန်းတစ်ခုအဖြစ်နဲ့ ပြည်တွင်းစစ်ဆင်နွှဲခဲ့ရာကနေ တိုင်းရင်းသားတွေခမျာ မလွှဲသာမရှောင်သာ မြေစာပင်တွေ ဖြစ်ခဲ့ကြရတာပါ။ မိဘတွေအနေနဲ့ ကိုယ့်ရဲ့ ဘယ်သားသမီးကိုမဆို စစ်ထဲ မလိုက်စေချင်ပါဘူး။ သမီးတွေကို အိမ်မှာသိမ်းထားလို့ရနိုင်ပေမယ့် သားတွေရဲ့အသက်(၁၅ ၊၁၆) နှစ်ဝန်းကျင်ဆိုရင် သက်ဆိုင်ရာတိုင်းရင်းသားလူမျိုးအလိုက် လက်နက်ကိုင်တပ်တွေထဲ အတင်းအဓမ္မ ဆွဲသွင်းခြင်းခံကြရပါတယ်။  ဥပမာ- ကိုးကန့် (လောက်ကိုင်)ဒေသမှာ အခုခေတ်ထနေတဲ့ “ထုံမော်ကျွင်း” လို့ခေါ်တဲ့ ဖုန်ကျားရှင့်ရဲ့MNDAAတပ်ဖွဲ့ဟာ အစပိုင်း အင်အားသိပ်မရှိလှပေမဲ့၊ နောက်ပိုင်း တိုက်ပွဲကာလအတွင်း အင်အား အတော်တောင့်တင်းသွားခဲ့ပါတယ်၊ ဘယ်လိုလုပ်ခဲ့တာလဲ?

၁၇။ နောက်ဆွယ်က တရုတ်ရဲ့စစ်လက်နက်ပစ္စည်းပံ့ပိုးမှုအကူအညီအောက်မှာ လူသစ်စုဆောင်းခဲ့တဲ့ နည်းနာလေးကတော့ ရိုးရိုးရှင်းရှင်းလေးပါဘဲ။ တပ်မတော်က ဗမာစကားသိပ်မလည်ဝယ်တဲ့  ဒေသခံရွာသားတွေကို သူပုန်ထင်ပြီး  ရွာဝင်လက်မခံသလို၊ တရုတ်နယ်ခြားစောင့်ကလည်း အရပ်သားကိုးကန့်တွေ သူ့နယ်ထဲလုံးဝအ၀င်မခံဖြစ်နေတော့ အငတ်ဘေးကြုံလာရတဲ့ ကိုးကန့်တိုင်းရင်းသားတွေအနေနဲ့ စစ်ဘေးကိုရရာနေရာမှာ ခိုကပ်တိမ်းရှောင်ခဲ့ကြပါတယ်။ အဲသလို လူငယ်တွေရှောင်ပြီး စစ်ထဲမ၀င်တဲ့အတွက် “ထုံမော်ကျွင်း”က သူတို့မိဘတွေ ကိုဖမ်းဆီးခဲ့ပါတော့တယ်၊ ကိုးကန့်ရိုးရာမှာ မိဘကိုကိုးကွယ်တဲ့ဓလေ့ရှိတာမို့  အညှာကိုင်ခံရတဲ့အခါ သား/ သမီးတွေအနေနဲ့ “ထုံမော်ကျွင်း” မှာ သွားရောက်ကာ လူချင်းလဲရပါတော့တယ်။ ဒီလိုနဲ့ “ထုံမော်ကျွင်း”က အင်အားတောင့်တင်းသွားတာပါ

၁၈။ ရှမ်း(မြောက်)နဲ့ ပလောင်ဒေသတွေမှာတော့ သက်ဆိုင်ရာတိုင်းရင်းသားလက်နက်ကိုင်အဖွဲ့ခေါင်းဆောင်တွေရဲ့ မူဝါဒအတိုင်း – လူသစ်လိုက်လံ စုဆောင်းပြီး၊ အနိုင်အထက်ပြုမှုတွေကို ရှောင်ရှားနိုင်ဘို့အတွက် မိဘတွေက သူတို့သားတွေကို နီးစပ်ရာဘုန်းကြီးကျောင်းများမှာ ကိုရင်ဝတ်စေကြရပါတယ်။ အဲဒီအခါမှာ ဘုန်းကြီးကျောင်းတွေအနေနဲ့ နေရာထိုင်ခင်း မလုံလောက်မှုနဲ့ ဆွမ်းကွမ်းအခက်အခဲတွေ ဖြစ်ကြရပြန်ပါတယ်။ ကံကောင်းတာက ရှမ်းနဲ့ပလောင်တိုင်းရင်းသားလက်နက်ကိုင်အဖွဲ့တွေက ဘာသာတရားကိုင်းရှိုင်းမှုရှိသေးတာကြောင့် ဘုန်းကြီးကျောင်းရောက်သွားရင်.ပြန်ခေါ်“ခဲ”ပါတယ်။

၁၉။ သို့သော်လည်း “၀”ဒေသမှာနေထိုင်ရတဲ့ တိုင်းရင်းသားတွေရဲ့ဘ၀ကတော့ အလွန်သနား ဖို့ကောင်းပါတယ်။ သူတို့ခလေးတွေ ဘယ်ဘုန်းကြီးကျောင်းမှာဘဲ သွားထား၊ သွားနေ အချိန်တန်လို့ “၀” သန်းခေါင်စာရင်းအရ စစ်မှုထမ်းဖို့ဆင့်ခေါ်တဲ့အခါ ဘုန်းကြီးကျောင်းတွေကနေ အမြန်ပြန်လည်ခေါ်ပို့ ရပါတယ်။ ခေါ်မပို့ရင် မိဘတွေကို ဆွေစဉ်မျိုးဆက် သုတ်သင်သတ်ဖြတ်ပစ်လေ့ရှိပါတယ်။ စစ်ရေးလေ့ကျင့်စဉ်နဲ့ တာဝန်ထမ်းဆောင်စဉ် ပေါ့လျော့လစ်ဟင်းပါက အခြားသော “၀” စစ်သည်များ ရှေ့မှောက်မှာတင် နမူနာပြ ရက်ရက်စက်စက် သတ်ပြလေ့ရှိပါတယ်။ ဒါကြောင့် အခုလိုငြိမ်းချမ်းရေးအကောင်အထည်ဖော် ကြိုးပမ်းစဉ်ကာလမှာ အမျိုးသားရေးတာဝန်တစ်ရပ် (သို့) တိုင်းရင်းသားအချင်းချင်းကယ်တင်ခြင်းတာဝန် တစ်ရပ်အနေနဲ့ အစိုးရ၊ တပ်မတော်နဲ့ ပြည်သူ့ဝန်ထမ်းတွေက စိတ်ကောင်းစေတနာထားကာ အဓိကပါဝင် ဆောင်ရွက်သင့်ပါတယ်။ အထူးသဖြင့် ပညာရေးကဏ္ဏကို ဇောက်ချမြှင့်တင်ပေးသင့်ပါတယ်။ တိုင်းရင်းသားကလေး/ လူငယ်တွေ ပညာမတတ်သ၍ သူပုန်ရဲ့စုဆောင်းခံ အင်အားဖြစ်စေနိုင်သလို ပညာတတ်မှ ကိုယ့်ဒေသဖွံ့ဖြိုးရေးကို အလေးထားဆောင်ရွက်နိုင်မှာပါ။ …” စတာတွေ ရေးသားထားပါတယ်။ တိုင်းရင်းသားတွေဟာ စစ်ရဲ့သားကောင်ဖြစ်နေရတဲ့ ခံစားချက်ဖေါ်ထုတ်ရင်း သူတို့ကိုကယ်တင်ပြီး ငြိမ်းချမ်းရေးကြိုးစားဖေါ်ဆောင်ဖို့ တိုက်တွန်းသွားတာ ဖြစ်ပါတယ်။

၂၀။ တကယ်တော့ တိုင်းရင်းသားလက်နက်ကိုင် အဖွဲ့တွေဟာ နဝတ၊ နအဖခေတ်ကတည်းက လက်နက်ကိုင်ဆောင်ခွင့်ရတာမို့ ငြိမ်းချမ်းရေးခေါင်းစဉ်အောက်မှာ တရားဝင်တာရော၊ တရားမဝင်တာရော စီးပွါးရေးလုပ်ပိုင်ခွင့်ရကြပေမဲ့ ပြည်သူလူထုအကျိုး၊ဒေသအကျိုးတွေကို လုပ်သင့်သလောက်မလုပ်ပေးဘဲ ကိုယ်ကျိုးစီးပွါး၊ လက်နက်ကိုင်အင်အား တောင့်တင်းအောင် ဖြည့်တင်းခဲ့ကြတယ်။ ဦးအောင်မင်းနဲ့ ဦးခင်ညွှန့် ထောက်လှမ်းရေးတွေရဲ့လက်သုံးစကားဖြစ်တဲ့ တိုင်းရင်းသားလက်နက်ကိုင်တွေကို စီးပွါးရေးခိုင်မာအောင် ပါမစ်တွေချပေးလိုက်ရင် ပျော်ပြီးလက်နက်တွေ စွန့်လွှတ်ကြလိမ့်မယ် ဆိုတဲ့ အယူအဆမှားခဲ့ကြောင်း ဖြစ်စဉ်တွေက သက်သေပြပါတယ်။ ကိုးကန့်ဒေသကို ဦးခင်ညွှန့်က ဖွံ့ဖြိုးတိုးတက်နေပြီလို့ ဂုဏ်ယူလို့မပြီးသေးခင်မှာ ရန်မုန်းလျံအုပ်စုနဲ့ ဖုန်အုပ်စု အဝေမတည့်ကြလို့၊ တပ်မတော်က ပထမထိန်းညှိပေးမဲ့ နောက်ဆုံးမရတော့ဘဲ တိုက်ထုတ်ရသည်အထိ မူးယစ်ဆေးဝါးတွေမိတဲ့အထိ ဖြစ်ခဲ့ပါတယ်။ ဦးနေဝင်းမိသားစုကို စောင့်ရှောက်ချင်တာနဲ့ “ဝ”တွေရဲ့ ငွေမဲကို ငွေဖြူလုပ်ပေးချင်တာနဲ့ – ဆက်သွယ်ရေးမှာ ဆယ်လူလာဟမ်းဖုန်းလိုင်စင်ချပေးရာမှာ ပြည်သူလူထုဆီမှ တလုံးပါမစ် ကျပ် ၅ သိန်း နှုန်း (အဲဒီခေတ်က သိန်း ၅၅ သိန်း ကျော်ပေါက်နေ) ကောက်ခံပြီး တော်တော်နဲ့ချမပေးနိုင်ကာ လူထုကမကျေမနပ်ဖြစ်လာလို့ဝန်ကြီးကို ထိုးကြွေးလိုက်ရပါတယ်။

၂၁။ နယ်စပ်က သစ်ကျောက်စိမ်း၊ သယံဇာတများကို တိုင်းရင်းသားလက်နက်ကိုင်အဖွဲ့အစည်း weight ဆိုတဲ့အရှိန်အဝါနဲ့ လုပ်သလို၊ တပ်မှာ ဗျူဟာမှူး၊ တိုင်းမှူးထိ ၊ထောက်လှမ်းရေး၊ အကောက်ခွန်၊ ရဲ၊ ပြည်သူ့စစ်စတဲ့ အာဏာပိုင်အဖွဲ့အစည်းတွေဟာလည်း အဂတိလိုက်စားမှု ကမ်းကုန်တဲ့အတွက် နိုင်ငံတော်ရဲ့ရသင်တဲ့အခွန်ပမာဏ မရတော့ဘဲ ဆုံးရှူံးမှူကြီးမားလှပါတယ်။ အေရှားဝေါ ဆိပ်ကမ်းမှာ ဘိန်းဖြူမိတာလည်း ရှိခဲ့သ လို Export၊ Import လိုင်စင်နဲ့ တရားမဝင်ကွန်တင်နာထဲ မူးယစ်ဆေးဝါးတွေ ဖမ်းမိတာ စဉ်းစားကြည့်နိုင်ပါတယ်။ နအဖခေတ်က (မပခ) တိုင်းမှူးအိမ်ဟာ နန်းတော်ကြီးတမျှ ခမ်းနားနေတာ၊ တရုတ်နယ်စပ်မှ လစဉ်ထောက်လှမ်းရေးမှူးချုပ်ရုံးကို ကျပ် သိန်းပေါင်း သောင်းချီ လွှဲပေးတာတွေ၊ တိုင်းရင်းသားလက်နက်ကိုင်အဖွဲ့တဖွဲ့မှ ထိပ်ပိုင်းခေါင်းဆောင်တယောက်က (အဖွဲ့၊ သို့မဟုတ်ကိုယ်ကျိုး) စီးပွါးအတွက် တရုတ်သူဌေးကြီးတွေမှ ကြိုတင်ငွေယူထားမိလို့သစ်တွေမပေးနိုင်တဲ့အပေါ် အိပ်မပျော်တာတွေ၊ တရုတ်ကြေးစားစစ်သားတွေ လခနဲ့ ဒဏ်ရာရသူတွေ ဆေးရုံတက်ကုန်ကျစရိတ်ဝန်ပိလာလို့ ဦးဖုန်ကြားရှင်က မူးယစ်ဆေးဝါးသယ်ယူရောင်းချဖို့ကြိုးစားရာမှာ တိုင်းရင်းသားလက်နက်ကိုင်အဖွဲ့တဖွဲ့ထံ ချဉ်းကပ်တာတွေ …  စတာတွေ သိလာရပါတယ်။

၂၂။ တိုင်းရင်းသားလက်နက်ကိုင်အဖွဲ့တဖွဲ့မှာ သစ်တောရေးဝန်ကြီးလုပ်ခဲ့ပြီးမှ အစိုးရထံ ငြိမ်းချမ်းရေးခေါင်းစဉ်နဲ့ဝင်သွားတဲ့ သူတစ်ဦးဟာ သူ့ပါမစ်တွေကို ညှိထားတဲ့ ကုန်သည်ကို မပေးတော့တဲ့အတွက် ကုန်သည်က ငိုပြပြီး၊ သွားတောင်းတဲ့အခါ သူ့သေနတ်ပြကာ ဒါဘဲရမယ်လို့ ပြောကြောင်း စာရေးသူနဲ့ ကားပေါ်မှာ ခရီးသွားဟန် လွှဲတွေ့ခဲ့စဉ်က ရင်ဖွင့်သွားပါတယ်။ သိပ်မကြာလိုက်ဘဲ စွမ်းအင်ဝန်ကြီးဌာနက သူ့ကိုခေါ်ကာ ဇာတ်လမ်းတွေ ရှူပ်နေတာကို ရှင်းရပြီး ကိုယ်စားလှယ်လွှဲစာမလုပ်တော့ဘဲ တိုက်ရိုက်လက်ထဲ ထဲ့ပေးလိုက်ရပါတယ်။

၂၃။ နယ်စပ်ဒေသဖွံဖြိုးမှု နောက်ကျတာဟာ အစိုးရသာမက တိုင်းရင်းသားလက်နက်ကိုင်အဖွဲ့တွေမှာလည်းတာဝန်ရှိပါတယ်။ လူထုက ဟိုလူလည်းကြောက်ရ၊ ဒီလူလည်း ရွာခံဖြစ်တော့ ကြောက်ရ၊ တပ်မတော်စစ်ကြောင်းလာလည်း ကြောက်ရ၊ မရှိရှိတဲ့ အထဲက အခွန်တွေ၊ အကောက်ကောက်တာတွေ၊ ဂိတ်ကြေး၊ ဝါတားဂိတ် ခေါင်းစဉ်အမျိုးမျိုး တပ်ကာ ပေးနေရဆဲ ဖြစ်ပါတယ်။ “အစိုးရချန်ထားတဲ့ အဖွဲ့၃ဖွဲ့ဟာ လူထု ကို ဘယ်လောက်အထိ ကျေးဇူးပြုခဲ့လို့ –  ဒီနေ့ရပ်တည်နေတဲ့ တိုင်းရင်းသားလက်နက်ကိုင်အဖွဲ့တွေအချို့က အသည်းအသန် တောင်းဆိုနေရသလဲ ” … ဆိုတာ တပ်မတော်အရာရှိ(ငြိမ်း) တဦးက မေးလာပါတယ်။ သူက ရှမ်းမြောက်ပိုင်းမှာ တပ်သားသစ် အဓမ္မစုဆောင်းလို့ ရွာလုံးကျွတ်ထွက်ပြေးခဲ့တာ၊ ကားလမ်းမကြီးမှာ သေနတ်ပြပြီး လူထုအားခြိမ်းချောက် ငွေကောက်တာကိုတော့ အဲဒီတောင်းဆိုတဲ့အဖွဲတွေကိုယ်တိုင်က မျက်စိမှိတ်နေတာ ထောက်ပြပါတယ်။ ဒါဆိုရင် ပြည်တွင်းမီဒီယာတခုက နံမည်ကြီးကလောင်ရှင်တဦးက တိုင်းရင်းသား လက်နက်ကိုင်ခေါင်းဆောင်တွေကို စစ်ဘုရင်လို့ ခိုင်းနှိူင်းသွားတာ သူက ကိုးကားလိုက်ပါတယ်။

၂၄။ ကချင်မှာတာဝန်ထမ်းဆောင်ခဲံ့တဲံ့ တပ်မတော်အရာရှိတစ်ဦးကတော့ တိုင်းရင်းသားလက်နက်ကိုင်အဖွဲ့တွေပြောတဲ့ ပြည်သူလူထုကို ရှင်းပြတယ် ဆိုတာ သံသယရှိကြောင်း၊ တကယ်တော့ ဘာသာရေးသင်းအုပ်ဆရာများက လွှမ်းမိုးနေကြောင်း၊ သမ္မတနဲ့ ထိပ်သီးတွေဆုံမှုအပြီး အမေရိကန်ရောက်နေတဲံ့ ကချင်နှစ်ခြင်းခရစ်ယာန်အဖွဲ့ချုပ်မှ ဆရာတော်တစ်ပါးက လှမ်းပြီးဟန့်လိုက်တာ တွေ့လိုက်ရလို့ ဘာသာရေးအလုပ်မလုပ်ဘဲ နိုင်ငံရေး၊ စစ်ရေးကိစ္စတွေမှာ ဝင်စွက်ဖက်နေကြောင်း၊ ပြည်သူလူထုကိုယ်စားပြုတယ်ဆိုတာ နယ်မြေဧရိယာ၊ သြဇာလွမ်းမိုးမှူ၊ လူဦးရေ၊ အချိုးအစားတွက်ကြည့်ရင် အကန့်အသတ်ရှိကြောင်း၊ ကချင်ပြည်နယ်မှာ ရှမ်းနီအဖွဲတွေက KIA ရဲ့ နိုင်ထက်စီးနင်းတာ မကျေနပ်ကြောင်း၊ ဒုက္ခသည်တွေဟာ အများစုက ပြန်ချင်ပြီး ငြိမ်းချမ်းရေးလိုလားကြောင်း၊ ဒုက္ခသည်တွေက မိမိလူမျိုးနဲ့မတူညီတဲ့ ပလောင်နဲ့ ရခိုင်အဖွဲ့ပါမှ လက်မှတ်ထိုးခိုင်းတယ်ဆိုတာ သံသယဖြစ်ဖွယ်ရှိကြောင်း၊ လူရဲ့သဘာဝကိုက ဘာမှမသိတဲ့သူတွေကို ဆွဲထည့်စရာမရှိကြောင်း၊ လူထုကိုရှင်းပြတာထက် ဘာသာရေးဆရာများက ထိန်းချုပ်နိုင်တာမို့ သူတို့ကို သံတော်ဦးတင်နိုင်တာဘဲ ဖြစ်တယ်လို့ သူကပြောသွားပါတယ်။

၂၅။ ဒါဆိုရင် နောက်ကွယ်မှာ လက်မှတ်မထိုးချင်တဲ့ အကြောင်းတွေ ဘာတွေရှိနိုင်သေးလဲ၊ စဉ်းစားလိုက်ရင် ထိပ်သီးဆွေးနွေးပွဲမှာ တပ်ချုပ်က ဘာကြောင့် မတက်ဖြစ်တာလဲ၊ တိုင်းရင်းသားများဘက်မှ စဉ်းစားရင် အစိုးရကိုမယုံကြည်သေးလို့၊ သမ္မတအမှတ်တက်သွားနိုင်တာမို့ နောင်အစိုးရတက်လာတဲ့ သူကျမှ ဆွေးနွေးချင်လို့၊ ဒေါ်အောင်ဆန်းစုကြည်နဲ့ ညှိထားလို့၊ ဗမာလူမျိုးကြီးမို့ ဖက်ဒရယ်အရင်ပေးမှ ထိုးမယ်လို့၊ တရုတ်က တားထားလို့ (UWSA ကတော့ တရုတ်ကြီးက တားထားလို့)၊ ကိုယ်ကျိုးစီးပွါး နယ်စပ်မှာ မပြီးသေးလို့၊ မဟာမိတ်ညီညွှတ်ရေးပျက်မှာစိုးလို့ စသဖြင့် အတွေးတွေ တသီတတန်းကြီးထွက်လာတယ်။ အဲဒီ အတွေးတွေအတွက် ပြန်ဖြေထားတဲ့ရှင်းလင်းချက်တွေ၊ ဖြစ်လာနိုင်မဲ့အကျိုးဆက်၊ ငြိမ်းချမ်းရေးရဖို့ တိုက်တွန်းချက်တွေကိုနောက် နောက်နိဂုံးချုပ် နောက်အပိုင်း (၄ ၊ ၅) မှာ ဆက်လက်ဖေါ်ပြပါမယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဗိုလ်ထက်မင်း, ဗိုလ်ထက်မင်း, သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

MoeMaKa Monthly July 2017 ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်