ရန်ဝင်း (တောင်တံခါး) – ကျဆင်းဂူ ဂူဘုရား၊ ပုဂံ

October 8, 2015
ရန်ဝင်း (တောင်တံခါး) – ကျဆင်းဂူ ဂူဘုရား၊ ပုဂံ
(မိုးမခ) အောက်တိုဘာ ၈၊ ၂၀၁၅

ပုဂံမြို့ဟောင်း မြင်းကပါအရပ်မှာ ဘွဲ့တော် ခပ်ဆန်းဆန်းရှိတဲ့ ကျဆင်းဂူ ဂူဘုရား၊ ဘုရားအမှတ် (၁၂၁၉/၅၅၅) တည်ရှိပါ တယ်။ ကွန်းတောင်ပေါက် နှစ်ထပ်ဂူဘုရားကြီး ဖြစ်ပါတယ်။

ကျဆင်းဂူ  ဂူဘုရားဆိုတဲ့ ဘွဲ့တော်ကို ရာဇ၀င်လာ အနော်ရထာမင်း၊ စုက္ကတေးမင်းတို့နဲ့ ဆက်စပ်ပြီး ပြောဆိုနေကြတာတွေ လည်းရှိပါတယ်။ ဘုရားဘွဲ့တော်အမှန်ကတော့  “တြေလောကလုဝေါးဗိုလ်”  ဖြစ်ပါတယ်။

ကျဆင်းဂူ ဂူဘုရား၊ ယခင်

၁၃ ရာစုနှစ်စောစောပိုင်းမှာ စတင်တည်ခဲ့တဲ့ ဂူဘုရားကြီးမှာ အရေးကြီးတဲ့ အချက်ကတော့ မူလပထမတည်ခဲ့သူ၊ အပြီးသတ် ဆက်ပြီးတည်တဲ့သူ၊ ကောင်းမှုရှင် နာမည်တွေ၊ စတည်တဲ့ ခုနှစ်၊ ပြီးစီးတဲ့ ခုနှစ်နဲ့ ဘုရားဘွဲ့တော်ကိုပါ တိတိကျကျ မင်စာမှတ် တမ်းတွေကို တွေ့ရတာပါပဲ။ ပုဂံမှာ ဒီလို စုံစုံစေ့စေ့ တွေ့ရှိရတာ သိပ်ကိုရှားပါးပါတယ်။

ကျဆင်းဂူ ဂူဘုရား အပေါ်ထပ်၊ ယခု

မူလတည်ဆောက်တဲ့ ဒကာအမည်က ဗာရုစီ ဖြစ်ပါတယ်။ သက္ကရာဇ် ၄၈၇ ခုနှစ်မှာ ဗာရုစီကွယ်လွန်တဲ့အခါ ဂူဘုရားကို အပြီးမသတ်နိုင်ပဲ ရှိခဲ့ပုံရပါတယ်။ နှစ်ပေါင်း ၉၂ ကြာပြီးတဲ့အခါ၊ သက္ကရာဇ် ၅၇၉ ခုနှစ်မှာ သင်တြအိုလ် အမည်ရှိသူက ဆက် လက်တည်ခဲ့ရာ သက္ကရာဇ်  ၅၈၅ (၁၁၂၅ အေဒီ) ခုနှစ်မှာ အပြီးသတ်နိုင်ခဲ့ပါတယ်။ ဘုရားဘွဲ့တော်ကိုလည်း ဆိုခဲ့တဲ့ “တြေ လောကလုဝေါးဗိုလ်”  လို့ အမည်မှည့်ခဲ့ပါတယ်။ သင်တြအိုလ် ဘုရားလို့လည်း ခေါ်ကြပါသေးတယ်။

ထူးခြားတဲ့အချက်ကတော့ ဂူဘုရားအတွင်းမှာ ပဓာနဆင်းတုတော်ကြီးနဲ့ ၀ဲယာတစ်ဘက် တစ်ချက်စီမှာ အတွေ့ရနည်းတဲ့ ခြေတွဲလဲချထိုင်ပုံ (ပါလိလေယျကာသန/ပလမ္ဗပါဒါသန) နဲ့ ဗုဒ္ဓဆင်းတုတော်တွေကို တွေ့ရပါတယ်။

ကျဆင်းဂူ ဂူဘုရား ဖြတ်ပိုင်းဆွဲပုံ နှင့် ပန္နက် ဆွဲပုံများ

ထူးခြားချက် နောက်ထပ်တစ်ခုကတော့ နှစ်ထပ်ဂူဘုရားတွေမှာတွေ့ရလေ့မရှိတဲ့ ရှေးမွန်ဘာသာ ကမ္ပည်းစာတွေကို အောက်ထပ်ဂူနံရံအပေါ်ပိုင်းမှာ တွေ့ရပါတယ်။ အထက်ပါ ဆင်းတုတော်ကြီး ၃ ဆူရဲ့ အထက်နံရံ ခပ်မြင့်မြင့်မှာ ရှေးမွန်ဘာ သာနဲ့ ရေးထိုးထားတဲ့ နှစ်ကျိပ် ရှစ်ဆူဘုရားများဆိုင်ရာ ကမ္ပည်း စာတန်းတွေ ရှိပါတယ်။

တည်ဆောက်ပုံ ထူးခြားချက်အနေနဲ့ကတော့ တခြားနှစ်ထပ်ဂူဘုရားတွေမှာ ရှိကောင်းရှိနိုင်ပေမယ့် မမြင်သာတဲ့ ပထမထပ် နဲ့ ဒုတိယထပ်၊ အထပ်နှစ်ခု အကြား၊ ကျယ်ဝန်းတဲ့ လှိုဏ်ပတ်လမ်းကျယ် တစ်ခုရှိနေတာပါ။

ကျဆင်းဂူ ဂူဘုရား အတွင်းက ခြေတွဲလဲချထိုင်ပုံ (ပါလိလေယျကာသန/ပလမ္ဗပါဒါသန) ဗုဒ္ဓဆင်းတုတော်

ကျဆင်းဂူဂူဘုရား ရဲ့ဖြတ်ပိုင်းပုံတွေကိုကြည့်ရင် နှစ်ထပ်ဂူဘုရားတွေမှာ အမိုးခုံး၊ နံရံတွေနဲ့ လှိုဏ်ပတ်လမ်းတွေကို ဘယ်လို ဆောက်တည်တယ်ဆိုတာ လေ့လာ တွေ့ရှိနိုင်ပါတယ်။ လှိုဏ်ပတ်လမ်း နံရံတွေမှာလည်း နံရံဆေးရေးပန်းချီတွေ ရှိပါတယ်။

မကြာသေးခင်ကာလတုန်းကမှ လုပ်လေ့ လုပ်ထရှိတဲ့အတိုင်း ရှေးလက်ရာ မူလကွန်းတောင် လက်ကျန်အပေါ်မှာ ခေတ်သစ် လက်ရာ အထွတ်စေတီကို ထပ်ဖြည့်ထည့်ထားတာကလွဲရင် ကျဆင်းဂူ ဂူဘုရားကြီး က ရှေးဟောင်းအတိုင်း တွေ့ရနိုင်သေး တဲ့ ဂူဘုရားကြီးတစ်ဆူဖြစ်ပါတယ်။

အညွှန်း။
ပုဂံသုတေသနလမ်းညွှန်၊ ဦးဗိုကေ၊ ပထမအကြိမ်၊ ၁၉၈၁
Pagan, Art and Architecture of Old Burma: Paul Strachan 2nd Edn. 1996

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

Comments are closed.

ကြော်ငြာ … ကြော်ငြာ …

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags