မောင်မောင်လတ် (ရွှေအင်းလေးစာပေ) – ၅ နာရီထိုးရန် ၁၀ မိနစ်အလို ….. (သို့) တပ်မတော် ကာကွယ်ရေး ဦးစီးချုပ်ဆီသို့ (မိုးမခ) အောက်တိုဘာ ၁၃၊ ၂၀၁၅

October 13, 2015

– ၅ နာရီထိုးရန် ၁၀ မိနစ်အလို ….. (သို့) တပ်မတော် ကာကွယ်ရေး ဦးစီးချုပ်ဆီသို့
(မိုးမခ) အောက်တိုဘာ ၁၃၊ ၂၀၁၅

တခုသောညနေအချိန်လေး။
အင်ဒိုနီးရှားနိုင်ငံ၊ ဂျာကာတာမြို့၊ နိုင်ငံတော်သမ္မတရုံး ရုံးခန်းတခုထဲတွင် အင်ဒိုနီးရှားနိုင်ငံတော်သမ္မတကြီး ဆူဟာတိုနှင့် ဒုတိယသမ္မတ တို့နှစ်ဦးသား အရေးတကြီး အပူတပြင်းကိစ္စရပ်တခုအပေါ် တိုင်ပင်ဆွေးနွေးနေပါသည်။

နိုင်ငံတော်သမ္မတရုံးအပြင်ဘက် ပတ်ဝန်းကျင်၌ ထောင်သောင်းမကသော အင်ဒိုနီးရှားပြည်သူများ “တစ်ပါတီအာဏာရှင် အစိုးရ ပြုတ်ကျရေး၊ ပါတီစုံ ဒီမိုကရေစီထူထောင်နိုင်ရေး” စသည့်စသည့် ကြွေးကြော်သံဖြင့်  ဝိုင်းဝန်းဆန္ဒပြနေပါသည်၊၊

ရက်ပေါင်းများစွာကတည်းက ဆန္ဒပြတောင်းဆိုလာရင်းသမ္မတရုံးအပြင်ဘက်တွင် ပြည်သူတထပ်၊ တပ်မတော် တထပ်ပြည် သူမှပြန်၍ တထပ်ဝိုင်းဝန်းပိတ်ဆို့လျှက် ရှေ့မတိုးသာ နောက်မဆုတ်သာ အခြေအနေမျိုးနှင့် ကြုံတွေ့နေချိန် သမ္မတကြီး ဆူဟာတိုမှ အစိုးရအဖွဲ့အတွင်း ပြည်သူအများကြိုက်နှစ်သက်သောလူတစ်ဦးဦးအား ပြင်ဆင်ပြောင်းလဲလိုက်လျှင်….. ကောင်းမည်လော? မည်သူမည်ဝါအား ရွှေးချယ်ထားသည်ကို ဒုသမ္မတနှင့်တိုင်ပင်နေချိန် အနီးမှာရောက်နေသည့် အင်ဒိုနီး ရှားတပ်မတော် ကာကွယ်ရေးဦးစီးချုပ် ဗိုလ်ချုပ်ကြီး ဝီရန်တိုမှ စိတ်မရှည်တော့ဘဲ “သမ္မတကြီးခင်ဗျား ပြည်သူအများ တောင်းဆိုဆန္ဒပြပွဲ ယခုထက်ပို အချိန်ကြာလာပါက တပ်မတော်မှထိမ်းသိမ်းရန် ခက်ခဲလာပါလိမ့်မည်” ဟု စကားဖြတ်ပြောပြီး ခြင်း တပ်မတော်ဗိုလ်ချုပ်ကြီးတဖြစ်လဲ သမ္မတကြီးဆူဟာတို “ခေသူမဟုတ်” ဆိုသည့်စကားအတိုင်း မြွေမြွေချင်း ခြေမြင်ပါ သည်…၊၊

“ငါ့အတွက် ငါ့မိသားစုလုံခြုံရေးအတွက် ဘယ်လိုအစီအစဉ်ရှိသလဲ..” မေးလိုက်သည့် မေးခွန်းအပေါ်ဗိုလ်ချုပ်ကြီး ဝီရန်တိုမှ                        “တပ်မတော်မှ အားလုံးစီမံထားပါသည်၊ အာမခံပါသည်။” ဟု အဖြေပေးပြီးချင်း သမ္မတဆူဟာတို နံရံကပ်နာရီဆီ တစ် ချက်လှမ်းကြည့်လိုက်သည်။

၅ နာရီထိုးရန် ၁၀ မိနစ်။ “ကဲ ကောင်းပြီ ရုပ်မြင်သံကြားကို စီစဉ်ခိုင်းလိုက်ပါ။ ညနေ ၅ နာရီ ငါ မိန့်ခွန်းပြောမယ်”…လို့ ပြောပြီးတဲ့နောက် ညနေ ၅ နာရီတိတိ ၁၀ မိနစ်အတွင်း သူကိုယ်တိုင်ရေးသားသော တိုရှင်းလိုရင်း နောက်ဆုံးမိန်ခွန်း ပြော ကြားပြီး အင်ဒိုနီးရှားနိုင်ငံရေး ဇာတ်ခုံပေါ်ကနေ ဆင်းသွားခဲ့ရတဲ့အဖြစ်။

ရက်ပေါင်းများစွာ ပြည်သူထောင်ပေါင်းများစွာ အလံမလှဲစတမ်း ကြံ့ကြံ့ခိုင် ဆန္ဒပြတောင်းဆိုနေခြင်းအပေါ် သမ္မတကြီး ဆူ ဟာတိုမှ ပေါ့ပျက်ပျက်အလေးမထားခဲ့သည်လား….. အခြေအနေအမှန် အရေးကြီးသည့် သတင်းအချက်အလက် သူ့ထံ မတက်လာခဲ့ခြင်းလား ……… သို့တည်းမဟုတ် သူအားကိုးအားထားသည့် ထောက်လှမ်းရေးအဖွဲ့ကြီးအပေါ် ယုံစားလွန်း ခဲ့၍လား …..သို့လော …….သို့လော  ဝေခွဲမရ…….၊၊

နောက်ဆုံးအချိန်ထိအာဏာကိုစွဲကိုင်ထားဆဲစီမံဆဲရှေ့ဆက်လျှောက်လှမ်းဖို့ပြင်ဆင်ဆဲအချိန်မှာပင် တပမတော် ကာကွယ် ရေးဦးစီးချုပ်မှ   စကားတစ်ခွန်းဟလိုက်သည်နှင့် ပြဇာတ်လေးတစ်ပုဒ် နိဂုံးချုပ်လိုက်ရသည့်အဖြစ်၊

သို့ဖြစ်၍…….တစ်ပါတီ အာဏာရှင်စနစ်တခုအာဏာရှင်တစ်ဦး တယောက်ကျဆုံးစေရန်အတွက် အဓိကအခြေခံ အကြောင်း ရင်းတစ်ခုကို စေ့စေ့တွေး ရေးရေးပေါ်လာခဲ့ပါတော့သည်။ အဓိက ပြည်သူတစ်ရပ်လုံးအပြင် တပ်မတော်ပါလက်တွဲမှလိုချင်သည့်အရာ၊ တောင်းတသည့် ဆန္ဒပြည့်ဝရရှိလာမည်ဟုအတွေးရ အမြင်ရခဲ့ပါသည်။

ယနေ့မြန်မာနိုင်ငံအတွင်း နိုင်ငံရေးမြင်ကွင်းမှာ တဖြေးဖြေး ရှုပ်ထွေးလျှက်ရှိနေပါသည်။ ရက်ပေါင်းလပေါင်းများစွာ သာမက တော့နှစ်ပေါင်းများစွာ ကြာခဲ့ပြီမို့ အပြောင်းအလဲတခု၊ အခြေအနေအသစ်တခုအတွက် အကျိုးတရား အကြောင်းတရား များစုံလင် စုံပြုံလျှက်ရှိနေပါသည်။

ဌာနတခု.. အဖွဲ့အစည်းတခုအတွင်း ဦးစီးခေါင်းဆောင်တစ်ယောက်ပြောင်းတိုင်း ပြောင်းတိုင်း ၎င်းခေါင်းဆောင်အပေါ် အရည်အချင်း အကဲဖြတ်သည့် မှတ်ကျောက်တင်ပွဲ တခုတော့ကြုံတွေ့ရစမြဲ။ သို့ဖြင့် ယနေ့ အရပ်သားအယောင်ဆောင် အစိုးရအဖွဲ့ထဲရှိသော တပ်မတော်ကာကွယ်ရေး ဦးစီးချုပ်တစ်ယောက်အတွက် အရည်အချင်းစစ် အကဲဖြတ်မှတ်ကျောက် တင်ပွဲတပွဲ   မလွဲမသွေပေါ်ပေါက်လာတော့မည်မလွဲပေ၊၊

တပ်မတော်ကာကွယ်ရေးဦးစီးချုပ်၏ အခန်းကဏ္ဍမည်သို့မည်ပုံသရုပ်ဆောင်ကပြသွားမည်ကိုစောင့်မျှော်ရင်း ပြည်သူတစ် ရပ်လုံး ဝိုင်းဝန်း လက်ခုပ်တီးရမည့်အချိန်ကျ ရောက်လာပါပြီ။

အာဏာရှင် ချန်ပီယံကိုအလဲထိုးနိုင်မယ့် အပြီးတိုင် အနိုင်ယူနိုင်မဲ့ စိမ်ခေါ်သူ  တပ်မတော်ကာကွယ်ရေးဦးစီးချုပ်အပေါ်
ပြည်သူတရပ်လုံးရဲ့ လက်ခုပ်သံက ခွန်အားမဟုတ်ပါလား…..၊၊

မောင်မောင်လတ် (ရွှေအင်းလေးစာပေ)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

One Response to မောင်မောင်လတ် (ရွှေအင်းလေးစာပေ) – ၅ နာရီထိုးရန် ၁၀ မိနစ်အလို ….. (သို့) တပ်မတော် ကာကွယ်ရေး ဦးစီးချုပ်ဆီသို့ (မိုးမခ) အောက်တိုဘာ ၁၃၊ ၂၀၁၅

  1. A.R on October 13, 2015 at 3:36 pm

    အရမ်းကိုမှန်​ကန်​တဲ့အ​တွေးပါ
    ကာချုပ်​ကြီးပဲ လက်​တွဲဖို့ ကျန်​ပါ​တော့တယ်​
    ပြည်​သူ

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)