ထက်ခေါင်လင်း – စစ်သားမဟုတ်ပေမယ့် တိုင်းပြည်ကိုကောင်းအောင် လုပ်ပေးလို့ရပါတယ် (အင်တာဗျူး)

October 16, 2015

ရန်ကုန်မြို့၊ ဒဂုံမြို့သစ်တောင်ပိုင်း ပြည်သူ့လွှတ်တော်မဲဆန္ဒနယ် တစ်သီးပုဂ္ဂလ လွှတ်တော်ကိုယ်စားလှယ်လောင်း ဦးဌေးအောင် (ဓာတ်ပုံ – Myanmar Now)
ထက်ခေါင်လင်း – စစ်သားမဟုတ်ပေမယ့် တိုင်းပြည်ကိုကောင်းအောင် လုပ်ပေးလို့ရပါတယ် (အင်တာဗျူး)
(မိုးမခ) အောက်တိုဘာ ၁၆၊ ၂၀၁၅
ယခု တွေ့ဆုံမေးမြန်းခန်းအား Myanmar Now မှ ရယူပါသည်။

ရန်ကုန် (Myanmar Now) –  ၂ဝ၁၅ ရွေးကောက်ပွဲ တသီးပုဂ္ဂလအမတ်လောင်းတွေထဲမှာ လုပ်ငန်းရှင် ဦးဌေးအောင်လည်း ပါဝင်ပါတယ်။  ရန်ကုန်မြို့၊ ဒဂုံမြို့သစ်တောင်ပိုင်း ပြည်သူ့လွှတ်တော်မဲဆန္ဒနယ်မှာ တသီးပုဂ္ဂလ ကိုယ်စားလှယ်လောင်းအဖြစ် မဲဆွယ်နေတဲ့ ဦးဌေးအောင်ဟာ မြန်မာနိုင်ငံရဲ့ မော်တော်ကားဈေးကွက်မှာ ထင်ရှားသူတစ်ဦး ဖြစ်ပါတယ်။

မြစ်ဝကျွန်းပေါ်ဒေသ ဟသာင်္တမြို့ဇာတိ ဦးဌေးအောင်ဟာ  ပြည်ပအတွေ့အကြုံများပြားတဲ့လုပ်ငန်းရှင်ဖြစ်ပြီး လွန်ခဲ့တဲ့နှစ် မြို့တော်စည်ပင်ရွေးကောက်ပွဲမှာ ရန်ကုန်အရှေ့ပိုင်းခရိုင်၊ စည်ပင်သာယာရေးကော်မတီ ကိုယ်စားလှယ်အဖြစ် ရွေးကောက် ခံရသူပါ။

Myanmar Now သတင်းထောက် ထက်ခေါင်လင်းနဲ့ မကြာသေးခင်က တွေ့ဆုံရာမှာ ဦးဌေးအောင်က မြန်မာ့မဲဆန္ဒရှင်များ၊ ဒေါ်အောင်ဆန်းစုကြည် သမ္မတဖြစ်လာနိုင်တဲ့ အလားအလာ၊ နိုင်ငံရေးမှာ စစ်တပ်ပါဝင်နေမှု၊ သူ ရွေးကောက်ပွဲဝင်ရတဲ့အကြောင်းရင်းတွေကို ပြောပြထားပါတယ်။

မေး –  ရွေးကောက်ပွဲဝင်ဖို့ ဘယ်လိုစိတ်ကူးမိတာလဲ။  
ဖြေ –   ရန်ကုန်မြို့တော်စည်ပင်မှာ   ကိုယ်နဲ့သက်ဆိုင်တဲ့မြို့နယ်လောက်ပဲ လုပ်ပေးလို့ရတယ်။ အဲဒါကြောင့် လွှတ်တော်ထဲမှာ သွားပြီးတော့ ပြည်သူ့အကျိုးပြုနိုင်မယ့်ဥပဒေတွေ တင်ပြနိုင်အောင်၊ စီးပွားရေးစနစ်တွေ တင်ပြနိုင်အောင်ပေါ့။ အခုပြောနေ တဲ့ ဆင်းရဲမွဲတေမှုပပျောက်ရေးဆိုပေမယ့် တကယ်တမ်း ဆင်းရဲသားလူတန်းစားတွေမှာ ဖြစ်လာရဲ့လား၊  ဖြစ်မလာတာ ဘာ့ကြောင့်လဲ။ ဒါကို ဘယ်လောက်ပဲ ဆောင်းပါးထဲမှာရေးရေး၊ စာနဲ့နိုင်ငံတော်သမ္မတရုံးကိုပဲ ပို့ပို့၊ အကောင်အထည်ပေါ် မလာတာရှိသလို ပေါ်တာလည်း ရှိတာပေါ့။   ကျွန်တော်တို့တင်ပြတဲ့ကိစ္စတချို့ကို သက်ဆိုင်ရာလူကြီးတွေက သူတို့ပဲတင်ပြ သလိုလို၊ သူတို့ပဲလုပ်သွားသလိုလိုနဲ့ ကျွန်တော်တို့က ဦးနှောက်ဖောက်စားခံလိုက်ရတာပေါ့။  ကိုယ်တိုင်တင်ပြနိုင်ဖို့၊ လွှတ် တော် ထဲမှာပြောနိုင်ဖို့ဆိုတာ အရွေးခံမှပဲရမှာကိုး။ ကျွန်တော်တို့လည်း စစ်သားမဟုတ်ပေမယ့် တိုင်းပြည်ကိုကောင်းအောင် လုပ်ပေးလို့ရပါတယ်။

မေး –   ပါတီတစ်ခုခုဘက်ကနေ မရပ်တည်ဘဲနဲ့ ဘာ့ကြောင့် တသီးပုဂ္ဂလအဖြစ် ရပ်တည်ရတာလဲ။
ဖြေ – ကိုယ့်ကိုယ်ကိုယ် ခေါင်းဆောင်နိုင်တဲ့လူတစ်ယောက်လို့ ယုံကြည်တယ်။     ဒီမိုကရေစီနိုင်ငံ တော်တော်များများဟာလည်း သမ္မတဟာ ဖြစ်သွားပေမယ့်လည်း သူဟာ ရာထူးရတာကလွဲလို့ ကျန်တဲ့သူတိုင်းဟာ လုပ်ဖော်ကိုင်ဘက်တွေပဲ။ ငါဟာ သမ္မတပဲ၊ ငါပြောစကားနားထောင်ရမယ်၊ ငါပြောတဲ့အတိုင်းလုပ်ဆိုတာမျိုး မရှိဘူး။ ကျွန်တော်တို့မြန်မာပြည်မှာ အဲဒီလို မဟုတ်ဘူး။ ဘယ်ပါတီပဲကြည့်လိုက်၊ တစ်ဦးတစ်ယောက်တည်းသော ခေါင်းဆောင်အောက်မှာ အကုန်လုံးက ပြားပြား ဝပ် နေတာဖြစ်တော့ ဒါ့ကြောင့်မို့ (ပါတီ) မဝင်တာ။

မေး –  အမျိုးသားဒီမိုကရေစီအဖွဲ့ချုပ် (NLD) ခေါင်းဆောင် ဒေါ်အောင်ဆန်းစုကြည်ကို ဘယ်လို မြင်သလဲ။
ဖြေ – ဒေါ်အောင်ဆန်းစုကြည်ဟာ တော်ပါတယ်၊ လူထုခေါင်းဆောင်တစ်ယောက်ပါ။ ကျွန်တော့်အမြင်ပြောရရင် လူထုခေါင်း ဆောင်လို့ပြောမယ့် ဗိုလ်ချုပ်အောင်ဆန်းဟာ သူနဲ့ကွာခြားမှုတွေရှိပါတယ်။ ဗိုလ်ချုပ်အောင်ဆန်းက တကယ့်ကို ပြည်သူ တွေကြားမှာ ဆင်းပြီးတော့၊ ပြည်နယ်နဲ့တိုင်းတွေကိုဆင်းပြီးတော့ အဲဒီလူတွေကို ဆရာတင်ပြီး ပူးပေါင်းဆောင်ရွက်တာ၊ တပည့်လို့မြင်ပြီးဆောင်ရွက်တာ မဟုတ်ဘူး။ NLD မှာရှိနေတဲ့သူ၊ ဗဟိုအလုပ်အမှုဆောင်ကော်မတီဝင် တော်တော်များ များနဲ့လည်း (ကျွန်တော်) သိပါတယ်။   ဒေါ်စု စကားအောက်မှာပဲ။ သူ့ကိုပြန်ပြီးတော့ တစ်ယောက်မှ မပြောရဲကြဘူး။ ဒါ မဟုတ်ဘူး၊ ကျွန်တော်တို့က ဒီလိုပါတီထဲကို ရောက်သွားရင် ပြန်ပြောရမှာ။ မှန်တယ်ထင်ရင် ထောက်ပြရမှာ။ အဲဒီလို ပြောခွင့်မရှိဘူး၊ ပြောလို့မရဘူးဆိုရင်တော့ ကျွန်တော်တို့က ဘယ်ပါတီမှာမှ သွားပြီးရပ်တည်မှာမဟုတ်ဘူး။

မေး –  အာဏာရပါတီ နဲ့ သမ္မတ ဦးသိန်းစိန်တို့အပေါ်မှာရော ဘယ်လိုသဘောထားလဲ။
ဖြေ – အဲဒီပါတီထဲမှာလည်း အလယ်အလတ်လမ်းစဉ်၊ အမြင်ကျယ်တဲ့လူတွေ ရှိပါတယ်။ အဲဒီပါတီထဲက လူတွေက စစ်သား တွေဆိုပေမယ့် အဲဒီလူတွေကလည်း ကျွန်တော်တို့လို တိုင်းနဲ့ပြည်နယ်အနှံ့က အထက်တန်းတွေအောင်ပြီးတော့ ဗိုလ်ဖြစ် ခဲ့ကြတဲ့သူတွေ၊ ပြည်သူတွေထဲက ပြည်သူတွေပဲ။ စစ်သားဖြစ်သွားလို့ လူမျိုးတစ်မျိုးဖြစ်သွားတာ မဟုတ်ဘူး။ သို့သော် ရာထူးကြီးတွေ ရသွားပြီးတော့ ဘဝင်မြင့်၊ အောက်ခြေကို ပြန်မကြည့်တဲ့ မသမာတဲ့ ကိုယ်ကျိုးရှာပုဂ္ဂိုလ်တွေ ရှိသလို လေးစားထိုက်တဲ့သူတွေလည်း ရှိပါတယ်။ ဒါပေမယ့် ကနေ့မှာ အားသာရာသွားနေတာ၊ လူများစုက များရင် နိုင်သွားတာပေါ့။

မေး -အစိုးရနဲ့ နီးစပ်တဲ့ စီးပွားရေးလုပ်ငန်းရှင်အုပ်စုထဲ   ဦးဌေးအောင် ပါသလား။
ဖြေ –   ကျွန်တော်တို့က စီးပွားရေးသမား။ ဘယ်အစိုးရပဲတက်လာလာ၊ မှန်ကန်တဲ့ ရွေးချယ်မှုနဲ့ ဌာနဆိုင်ရာက ဖိတ်ခေါ်တဲ့ အလုပ်ဆို လုပ်ပါတယ်။ လက်သိပ်ထိုးပြီးပေးတဲ့အလုပ်ဆို မလုပ်ဘူး။ စစ်အစိုးရလက်ထက်က မော်တော်ကား တင်သွင်းခွင့် ပိတ်ထားတယ်၊ ဦးပိုင် (တပ်မတော်ပိုင် မြန်မာ့စီးပွားရေးဦးပိုင် လီမိတက်) ကနေပဲ မော်တော်ကားတွေသွင်းတယ်။   ပြည် ခိုင်ဖြိုးဖြစ်လာတော့လည်း မြန်ဟုန်မြင့်ဆိုပြီး ကုမ္ပဏီထောင်ပြီး မော်တော်ကားသွင်းပြီး လူကြီးတွေကို  ပေးတယ်။ ကျွန်တော် လုံးဝမလုပ်ဘူး။ သို့သော် ၂ဝဝ၆ ခုနှစ်ကျော်လောက်က လူကြီးတွေ အပြောင်းအလဲဖြစ်ကြတယ်။ အဲဒီမှာ လေလံတင်ရွေးချယ်ရေးအဖွဲ့ဖွဲ့ပြီးတော့ တရားဝင်တင်ဒါခေါ်တဲ့အခါမှာ ကျွန်တော်ဝင်လုပ်တယ်။ ကုမ္ပဏီပေါင်း ၃ဝ ကျော်ဝင်ပြီးတော့ မျှတတဲ့ကစားပွဲလေ။   ကျွန်တော်တင်ဒါအောင်ပေမယ့် ကျွန်တော့်ကို အကုန်မပေးဘူး။   တချို့ဆိုသွင်းမယ်လို့ ယူပြီးကာမှ ဆက်မသွင်းနိုင်လို့ ခင်ဗျားပဲသွင်းပေးပါဗျာဆိုတာဖြစ်လာတယ်။ မသွင်းနိုင်ရင် အရေးယူရမှာကို အရေးမယူဘဲ  ကျွန်တော့်ကို ပြန်သွင်းခိုင်းတာ။ ကျွန်တော်ဘယ်သူ့မှမကြောက်ဘူး။ ဒီလိုပဲ ကျွန်တော်ရပ်တည်လာတာ။ ရင်းနှီးတယ်ဆိုပေမယ့် ဒီလူ တွေနဲ့ ပေါင်းစားတာတစ်ခုမှမရှိဘူး။ သို့သော် လုပ်ငန်းသဘောအရတော့ ဆက်ဆံရတယ်။ ဘယ်ဗိုလ်ချုပ်တွေကိုမှ ခေါင်း ခွေ့ပြီး တစ်ကျပ်တန်မှာ ဆယ်ပြားပေးပြီးလုပ်ခဲ့တာ တစ်ခုမှမရှိဘူး။ တပ်မတော်ထဲမှာလည်း ချစ်စရာကောင်းတဲ့သူ အများ ကြီးပါ။ ဒီကနေ့ဗိုလ်ချုပ်တွေဖြစ်ပြီးတော့ အိမ်တစ်လုံးတောင် ကောင်းကောင်းမပိုင်တဲ့သူတွေ ရှိပါတယ်။

မေး – အာဏာရပါတီ၊ NLD တို့ အားကောင်းနေတဲ့ ဒီရွေးကောက်ပွဲမှာ တသီးပုဂ္ဂလကိုယ်စားလှယ်တွေ မျှော်လင့်ချက် ဘယ်လောက် ရှိသလဲ။  
ဖြေ – ကျွန်တော်က တိုက်ပွဲတစ်ခုလိုကို စဉ်းစားတာ။ လေ့လာပြီးမှ လုပ်တာ။ ကိုယ့်ကိုယ်ကိုယ် ယုံကြည်မှုရှိရမယ်။ ကိုယ့် ကို မဲပေးမယ့်ပြည်သူကို ယုံကြည်မှုရှိရမယ်။   ပြည်သူယုံကြည်မှုရှိအောင်လည်း ကိုယ်က လုပ်ပြရမယ်။ အဲဒီလိုမဟုတ်ဘဲ မိုက်နဲ့လိုက်အော်၊ ဆိုင်းဘုတ်လေးချိတ်ပြီးတော့ မဲပေးပါ ဆိုတာတော့ လုပ်လို့မရဘူး။ ကျွန်တော့်လုပ်ငန်းဘဝမှာ ဂျပန်တစ်ဝက်၊ မြန်မာတစ်ဝက်နေလာခဲ့တဲ့သူ။ ဂျပန်တွေရဲ့ ရွေးကောက်ပွဲစနစ်၊ မဲစည်းရုံးတဲ့စနစ် လေ့လာပြီးသား။ ဂျပန်မှာ လွှတ်တော်အမတ်တစ်ယောက်ဖြစ်ဖို့ အရမ်းခက်တယ်။ သူ့တိုင်းပြည်က ဖွံ့ဖြိုးပြီးသားတိုင်းပြည်၊ လွယ်လွယ်လေးနဲ့ မဲဆန္ဒရှင်တစ်ယောက်ရဲ့ မဲတစ်ပြားကိုရဖို့ မလွယ်ဘူး။ ကျွန်တော်တို့မှာက ပြောင်းလဲချင်တယ်ဆိုပေမယ့် ၇၅ ရာခိုင်နှုန်းသော ပြည်သူတွေက စိတ်မဝင်စားဘူး။ ဘယ်လိုမဲပေးရမလဲ၊ ကိုယ်မဲပေးမယ့်လူက ဘယ်လောက်အရည်အချင်းရှိသလဲ၊ သူက ဘယ်လောက်စွမ်းဆောင်မှုတွေရှိလဲ၊ ပြည်သူ့အကျိုးပြုလုပ်ငန်းတွေ ဘယ်လောက်လုပ်ထားသလဲဆိုတဲ့ လေ့လာမှုတွေ မရှိဘူးဗျ။ မဲရုံရှေ့ရောက်တော့မှ ဘယ်သူ့ကိုပေးလိုက်ပါဆိုတဲ့ အကြံပြုချက်နဲ့ ပေးတဲ့သူများတယ်။ ကိုယ်ပိုင်အရည်အချင်းနဲ့ ဘယ်သူ့ကိုမဲပေးရမယ်ဆိုတဲ့ဟာကို မစဉ်းစားဘဲ မဲထည့်ရင်မှားသွားမယ်။

မေး – အခြေခံဥပဒေ ပြင်ဆင်ရေး၊ ငြိမ်းချမ်းရေးကိစ္စတွေ အတွက် ဘယ်လိုစိတ်ကူးထားပါသလဲ။
ဖြေ –  အနိုင်ရသွားတဲ့ပါတီက အစိုးရဖြစ်လာလို့ ကျွန်တော်တို့ကို သုံးမှကိုး။ သူတို့သုံးမှရမှာကိုး။ သူတို့ရဲ့ပါတီဝင်မဟုတ်ရင် သူတို့အစိုးရအဖွဲ့မှာ ထည့်ချင်မှ ထည့်မှာ။  သုံးရင်တော့ ကျွန်တော်တို့က အကြံပေးဖို့တွေ၊ ပြောဖို့တွေ အဆင်သင့်ပါပဲ။     တိုင်းရင်းသားအဖွဲ့ အစည်းတွေနဲ့ ပက်သက်ရင်လည်း ပြောစရာတွေ အများကြီးရှိပါတယ်။ သူတို့ရပ်တည်ရေးအတွက် နယ်စပ်မှာ ဆက်ကြေးတွေကောက်ပြီး တချိန်လုံး တော်လှန်ရေးလုပ်တာဆိုပေမယ့် ကိုယ်ကျိုးစီးပွားရှာနေတဲ့ တိုင်းရင်းသား အဖွဲ့အစည်းတွေ၊ ခေါင်းဆောင်တွေ ရှိတာပဲ။ တချို့ခေါင်းဆောင်တွေဟာ နယ်စပ်မှာ ကျိကျိတက်ချမ်းသာပြီး သူတို့သား သမီးတွေကို အမေရိကားအထိ ကျောင်းတွေထားနေချိန်မှာ အောက်မှာရှိတဲ့တိုင်းရင်းသားတွေက မွဲတေနေတာ၊ အခိုင်းခံ နေရတာတွေ ရှိပါတယ်။ ဒီလိုပါပဲ။

မေး –   လွှတ်တော်တွေမှာ  တပ်မတော်သား ၂၅ ရာခိုင်နှုန်း ရှိနေတဲ့အချက်ကို ဘယ်လို မှတ်ချက်ပေးချင်လဲ။  
ဖြေ – အဲဒါကတော့ တချို့နိုင်ငံတွေမှာလည်း ရှိပါတယ်။ ရှိနေတဲ့တိုင်းပြည်တွေဟာ ဘာဖြစ်လို့လဲဆိုတော့ ကျွန်တော်တို့လိုပဲ သူပုန်၊ သူကန်တွေများလို့ ဒီအဖွဲ့အစည်းကို ထားထားရတာကိုး။ လက်ရှိအနေအထားအရ ကျွန်တော်တုိ့ သူတို့ကို စွန့်လွှတ် လို့မရဘူး။ အတိုင်းအတာတစ်ခုရောက်ရင်တော့ သူတို့ကို သွားခိုင်းရမှာပေါ့။

မေး – အတိုင်းအတာဆိုတာ ဘယ်လောက်အချိန်ကို ဆိုလိုတာလဲ။
အတိုင်းအတာဆိုတာ ကျွန်တော်တို့ အရင်ဆုံးငြိမ်းချမ်းရေး လုပ်ရပါ့မယ်။ ငြိမ်းချမ်းရေး ပြေလည်သွားပြီ ဆိုတာနဲ့အမျှ သူတို့ နောက်ဆုတ်သွားဖို့ကိုလည်း တစ်ပြိုင်နက်တည်း လုပ်ရပါ့မယ်။

မေး – အဲဒါတွေလုပ်ဖို့က   အခြေခံ ဥပဒေပြင်ဆင်ရေးပဲမဟုတ်လား။ ပြင်ဖို့ ပထမအဆင့်အတွက် လွှတ်တော်ထဲ ၇၅ ရာခိုင်နှုန်းကျော် ထောက်ခံဖို့ လိုအပ်တယ် ဆိုတဲ့ ပုဒ်မ ၄၃၆ နဲ့ ပတ်သက်ပြီး ဘာပြောချင်ပါသလဲ။
ဖြေ – ၄၃၆ ကိုတော့ ပြောရရင် ဟိုလွှတ်တော်ရောက်ရင် မဲစနစ်နဲ့သွားတာကိုး။ အဲဒီမဲစနစ်အပေါ်မှာ မူတည်တာပေါ့ဗျာ။ အဲဒီ ၇၅ ရာခိုင်နှုန်းကျော်ဆိုတဲ့ စကားလုံးကိုတော့ ပြင်မှပဲရမှာ။ ဒါမှတခြားဟာတွေ ပြင်လို့ရမှာ။ ကျော်ဖို့ဆိုတာလည်း တပ်ထဲကဟာတွေ (တပ်မတော်သားလွှတ်တော်ကိုယ်စားလှယ်တွေ) ပါမှပဲ ရမှာ။ ဒါ့ကြောင့်မို့လို့ အတိုင်းအတာတစ်ခုအထိ တစ်ထစ်ချင်း လျှော့သွားမှရမှာ။ တပ်မတော်သား ၂၅ ရာခိုင်နှုန်းကို လုံးဝဖြုတ်ထုတ်လိုက်ဖို့လည်း လက်ခံချင်မှ လက်ခံမှာ ပေါ့။

မေး – ဦးဌေးအောင် လွှတ်တော်ထဲ ရောက်သွားရင်   ဘယ်လိုပုဂ္ဂိုလ်မျိုးကို ဒုသမ္မတအဖြစ် မဲမေး ရွေးချယ်မလဲ။  
ဖြေ – ပြည်သူ့လွှတ်တော်ထဲကို ရောက်လာကြမယ့် ပါတီတွေထဲမှာ ၇၃ ရာခိုင်နှုန်းလောက်နိုင်မှ အဲဒီပါတီက သူ့ရဲ့စိတ်ကြိုက် သမ္မတတစ်ယောက်ကို ရွေးလို့ရမှာဖြစ်တယ်။ ဒါ့ကြောင့် NLD  နိုင်မလား။ ပြည်ခိုင်ဖြိုး နိုင်မှာလား  ကျွန်တော်တို့ မသိရသေး ဘူး။ အဲဒါ သိပြီးမှ ဒါကို ဆက်စဉ်းစားလို့ရမယ်။

လက်ရှိ ဖွဲ့စည်းပုံအခြေခံ ဥပဒေအရဆိုရင်တော့ ဒေါ်အောင်ဆန်းစုကြည်ကို သမ္မတ မြှောက်လို့မရဘူး။ ဒါပေမယ့် လွှတ် တော်ထဲရောက်သွားလို့ လွှတ်တော်မှာ အားလုံးသဘောတူတယ်ဆိုရင် ဒုတိယသမ္မတပေးလို့ရပါတယ်။ ဖွဲ့စည်းပုံက ဘယ်လောက်ပဲ ရေးထားထား၊ ၇၅ ရာခိုင်နှုန်းကျော်၊ ၈ဝ ရာခိုင်နှုန်းတို့က မဲပေးမယ်၊ အားလုံးက သမ္မတလုပ်ပါလို့ပြောရင်တော့ ဥပဒေကို မပြင်ဘဲနဲ့ ချွင်းချက်အနေနဲ့ လုပ်လို့ရပါတယ်။ ကျွန်တော်ထင်ပါတယ်၊ သူ့တစ်ပါတီထဲ နိုင်သွားရင်တော့ သူ သမ္မတ ဖြစ်ချင်မှ ဖြစ်မှာပါ၊ ညွန့်ပေါင်းအစိုးရဖြစ်လာရင်တော့ အားလုံးက ဒေါ်အောင်ဆန်းစုကြည်ကို သမ္မတ မြှောက် ပါလိမ့်မယ်။ ကျွန်တော်တို့တိုင်းပြည်က နှစ်ပေါင်းမြောက်များစွာ ဖအေသတ်၊ အကိုသတ်၊ ညီသတ်ပြီး အာဏာတွေယူ လာတဲ့တိုင်းပြည်၊   အာဏာကိုမက်ကြတယ်။ ရသွားရင်လည်း အာဏာကို ယစ်မူးတတ်ကြတယ်။ လူတွေဟာ ဆင်းရဲတာကို ခံနိုင်ပေမယ့် ချမ်းသာတဲ့ဒဏ်ကို မခံနိုင်ကြသလိုပေါ့။   ချမ်းသာတဲ့ဒဏ်ခံနိုင်တဲ့ခေါင်းဆောင်ဖြစ်ဖို့ လိုပါတယ်။ ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်