မောင်စွမ်းရည် – လေယာဉ်ပေါ်က ကော်ဖီတခွက်

October 21, 2015

မောင်စွမ်းရည် – လေယာဉ်ပေါ်က ကော်ဖီတခွက်

(မိုးမခ) အောက်တိုဘာ ၂၁၊ ၂၀၁၅

လေယာဉ်ပြူတင်း

လေးကွက်ကျဉ်းမှ

မြင်ကွင်းကျယ်ကျယ်၊ တောတောင်လယ်ယာ

ကမ္ဘာအဆုံး၊ မိုးခုံးခုံးထိ

တိမ် မဖုံဘဲ မြင်ရတယ်။

ဖြောင့်စင်း မဲမဲ

ခဲသားတန်းလို၊ လမ်းတွေ လမ်းတွေ၊ လမ်းတွေကလဲ

မြေပေါ်လိပ်လိပ်၊ တောရိပ်ဖုံးတုံ

မဖုံးတုံနဲ့၊ ကုန်တင်ကားတွေ၊ လူတင်ကားတွေ

ကားတွေ ကားတွေ၊ ကားတွေကလည်း တရုန်းရုန်း

မျက်စိတဆုံး၊ ရှုမဆုံး။

စတုရန်းကွက်၊ စတုဂံကွက်

စိုက်ကွက်၊ စိမ်းကွက်

တကွက်ပြီး တကွက်၊ အဆက်ဆက်လဲ

မျက်စိတဆုံး၊ ရှုမဆုံး။

သဲဖုံး ကန္တာရ

ဆာဟာရတွေလဲ

သဲလှိုင်းပြင်ကျယ်၊ သဲပင်လယ်လို

သဲပြင်ပြီး သဲပြင်

သဲပြင်ကျယ်တွေ တရုန်းတရုန်း

မျက်စိတဆုံး၊ ရှုမဆုံး။

တောင်တွေ တောတွေ

ချိုင့်ဝှမ်းတွေနဲ့

မြစ်တွေ ချောင်းတွေ၊ အင်းအိုင်တွေနဲ့

ရေမြေ တောတောင်၊ သဲသောင် ကမ်းသာ

ကြုံလာပြန်တော့

စိမ်းဟန်တကွက်၊ ပြာတကွက်နဲ့

မျက်စိတဆုံး၊ ရှုမဆုံး။

မျက်စိတဆုံး၊ မျက်လုံးတစုံ

အာရုံထဲမှာ –

လူဝါ လူဖြူ ၊ လူနီ လူမဲ

လူမွဲမွဲတို့

သဲသဲ ရုတ်ရုတ်၊ လယ်ကို လုပ်သူ

ယာလုပ်သူနဲ့ –

တောကို ခုတ်သူ၊ တောလုပ်သူနဲ့

သူတို့တတွေ၊ သည်ရေ မြေက

သီးနှံရအောင်

ကျွေးရ မွေးရ၊ ကျွဲစ နွားစ

ကြက်ဝက် ရအောင်

ထွန်ရ ယက်ရ၊ စိုက်ရ ပျိူးရ

ရိတ်ရ သိမ်းရ၊ ခုတ်ရ ထွင်ရ

လုပ်ကိုင်ကြလိမ့်။

လုပ်ရသူတွေ၊ ရလေမလား၊ ၀လေမလား

လှလေမလား၊ မျှလေမလား

လုပ်အားရှင်နဲ့ လယ်ရှင်တွေမှာ –

တူလေသလား၊ မတူလေသလား

တခြားစီလား၊ တဦးစီလား

နှစ်ဦးပဲလား –

လုပ်အား လုပ်ခ၊ မျှလေသလား၊ မမျှလေသလား။

လေယာဉ်ပျံပေါ်၊ ပေသောင်းကျော်က

ငေးမောင်၊ တွေးမျှော်၊ ငိုက်မျဉ်းသော်မူ –

ဟဲလို – ဘာယူမလဲ

လေယာဉ်မယ် မေပုလဲက

ဖြတ်ခနဲ့ မေးလာတတော့ …

ငါလဲ ယောင်ရမ်း လက်လှမ်းရင်းက

နှုတ်မှ ရွတ်ဆို၊ ငါ လိုသည်မှာ

‘ဒီ မို က ရေ စီ’ ပါတဲ့၊

ပေးလာသည်က –

ကော်ဖီတခွက်၊ မုန့်တယှက်။

မောင်စွမ်းရည် (၂၀၀၄)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ, မောင်စွမ်းရည်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်