လောအယ်စိုး – လေနီရိုင်းကိုဆန်ကာ ပျံသည့်ငှက် – အပိုင်း (၅)

October 24, 2015

လောအယ်စိုး – လေနီရိုင်းကိုဆန်ကာ ပျံသည့်ငှက် – အပိုင်း (၅)
(မိုးမခ) အောက်တိုဘာ ၂၄၊ ၂၀၁၅

 

တရားရုံးသို့ရောက်ပေပြီ။ရဲတွေကလည်း မျက်နှာထားကခပ်တည်တည်၊
တရားသူကြီးကလည်း ခပ်တည်တည်၊ အရာအားလုံးက ကျွန်တော့်အတွက် ရန်သူက
အသာစီးရထားသည့် စစ်မြေပြင်ကြီးတစ်ခုလို စကားပြန်ပေးရမည့်ပုဂ္ဂိုလ်ကမြန်မာနိုင်ငံသား
ဗမာလူမျိုး၊သူ၏အမှုက ညသန်းခေါင်ယံအထိသောက်စားကြပြီး အချင်းချင်းရန်ဖြစ်သည့်
အမှု။သူကဓားနှင့်ခုတ်ရန်လုပ်သောကြောင့် ရဲကိုခေါ်ပြီးဖမ်းဆီးထားခြင်းဖြစ်သည်။
နောက်တစ်နေ့ထွက်သည့်မြို့သတင်းစာတွင် ထိုပုဂ္ဂိုလ်၏အမည်နှင့်အသက်၊
ထင်ထင်ရှားရှား ဂုဏ်ပုဒ်ကတော့မြန်မာနိုင်ငံမှရောက်ရှိလာသောနိုင်ငံရေးဒုက္ခသည်။
မျက်ရည်လေးစမ်းစမ်းနှင့်ဖြစ်နေရှာသောဇနီးသည်က စကားပြန်အဖြစ်ရောက်
ရှိလာသောကျွန်တော့်ကို အလွန်အားကိုးသောအကြည့်ဖြင့် တရားခွင်ထဲစောင်းငဲ့၍ကြည့်
ရှာသည်။ စည်းကမ်းအရတစ်ဦးနှင့် တစ်ဦးတရားခွင်အတွင်း စကားပြော၍မရ။ တရားခံ
ကိုလည်း လက်ထိပ်နောက်ပြန်ခတ်ထားသည်။

 

တရားသူကြီးကတရားခံ၏အမည်ကိုခေါ်၊ တစ်ဆက်တည်း စကားပြန်ဖြစ်သူကိုပါ
တရားသူကြီး၏ အရှေ့ထွက်လာဖို့အမိန့်ပေးသည်။
ကျွန်တော်၏အမည်ကိုမေးသည်။ ပြီးတော့ အင်္ဂလိပ်စာအဆင့်အတန်းစစ်ဆေး
သည်။ မည်သည့်ဌာနမှ သင့်အားစကားပြန်အဖြစ် သင်တန်းပေးခဲ့သနည်းဆိုသည်ကိုလည်း
မေးမြန်းစစ်ဆေးသည်။

ကျွန်တော်လည်း မိမိ၏စိုးရိမ်သိမ်ငယ်မှုများကို မျက်နှာတွင်မပေါ်ရအောင်
မနည်းဟန်ဆောင်ပြီးထိန်းထားရသည်။ ပြီးတော့ လက်တစ်ဘက်မြှောက်ကာ ‘တရား
သူကြီးနှုတ်မှပြောဆိုသည့်စကားများကို တိကျသေချာအောင်ဘာသာပြန်ဆိုပါမည်’
ဟူ၍ ကျမ်းကြိမ်ရသည်။

 

စိုးရိမ်ကြောက်ရွံ့စိတ်ကအထွဋ်အထိပ်သို့ရောက်ပေပြီ။မြန်မာနိုင်ငံ၏စမ်းသပ်၍
မဆုံးနိုင်သည့်တက္ကသိုလ်ပညာရေး၏သားကောင်ဖြစ်ခဲ့သောကျွန်တော်၊ဥပဒေပညာကို
ရန်ကုန်တက္ကသိုလ်၌ဆည်းပူးသင်ကြားခဲ့သော်လည်းဘာမျှရေရေရာရာမသိရှိခဲ့။ကိုယ့်
စာကိုကောင်းစွာမကျက်မှတ်ခဲ့သည်ကအဓိက။နောက်ဆုံးနှစ်မှာတောင်တစ်နှစ်
ကျခဲ့သည်။အောင်တော့လည်းအောင်မှတ်နားကပ်၍သာအောင်မြင်ခဲ့သည်။အဓိက
အကြောင်းရင်းကပါမောက္ခနှင့်ဆရာမများသနား၍သာကျွန်တော်ဘွဲ့ရခဲ့ခြင်းဖြစ်သည်။
ဒီကြားထဲကျောင်းစာကလွဲ၍အပြင်စာအဓိကဖတ်ခဲ့သောကျွန်တော်စာမတော်
သောကျောင်းသားတစ်ယောက်ဖြစ်ခဲ့သည်မှာဘာမျှမဆန်း။

 

‘….”….’တရားသူကြီးကအမှုအခင်းဖြစ်စဉ်ကိုဖတ်၏။အစိုးရိမ်လွန်
နေသောကျွန်တော်တရားသူကြီးကဘာတွေပြောသွားမှန်းမသိ။မိမိဘေးကတရားခံကို
လှည့်၍ကြည့်လိုက်တော့’အစ်ကိုကျွန်တော်နားလည်တယ်။သူပြောတာကျွန်တော်
သဘောပေါက်တယ်’ဟူ၍ပြော၏။’ဟုတ်ပြီ..ကျေးဇူးပဲဗျာ၊ငြိမ်ငြိမ်လေးသာနေ
ကျွန်တော်နောက်ထပ်တရားသူကြီးပြောတဲ့စကားတွေကိုဘာသာပြန်ပေးမယ်’ဟူ၍
အားတက်သရောပြောလိုက်တော့မှကျွန်တော်၏စိုးရိမ်ကြောက်ရွံ့မှု၊တံတိုင်းကြီးတစ်စစီ
ပြိုကွဲသွားတော့သည်။တရားသူကြီးကိုလည်းမိမိကိုယ်ကိုယုံကြည်စိတ်အပြည့်ဖြင့်ရဲရဲ
ကြည့်နိုင်ပါတော့သည်။ကျွန်တော်တို့နှစ်ဦးစကားပြောဆိုနေသည်ကိုကြည့်ပြီးတရား
သူကြီးကကျွန်တော်အကျအနဘာသာပြန်ပေးသည်ဟူ၍မှတ်ယူလိုက်ပုံရသည်။
တရားသူကြီးပြောဆိုသည်ကိုကျွန်တော်ကောင်းမွန်စွာဘဝတွင်ပထမ
ဦးဆုံးအကြိမ်အမေရိကန်တရားရုံး၌ကျွန်တော်ဘာသာပြန်ဆိုနိုင်ခဲ့သည်။ရုတ်တရက်
အဆိုးဆုံးအခြေအနေတွင်’အစ်ကိုသူပြောတာတွေကိုကျွန်တော်အားလုံးနားလည်တယ်’
ဟူသောတရားခံဖြစ်သူ၏မြန်မာစကားသည်ကျွန်တော့်၏ကြောက်ရွံ့မှုအလုံးစုံကိုနိဂုံး
ချုပ်စေနိုင်ခဲ့သည်။ထိုလူငယ်တရားခံအားအမြဲကျွန်တော်ကျေးဇူးတင်လျက်ပါ။
မောင်မင်းကြီးသားကျန်းမာ၍အကြွေးတွေကင်းရှင်းပါစေဟူ၍သာ။
၂ဝဝ၈ခုနှစ်နှောင်းပိုင်းမှ၂ဝ၁၄ခု၊မေလအတွင်းထိမရေတွက်နိုင်အောင်
အကြိမ်များစွာကျွန်တော်ဘာဖလိုမြို့နယ်အတွင်းရှိတရားရုံးများသို့သွားရောက်ကာ
စကားပြန်အဖြစ်လုပ်ကိုင်ခဲ့ရပါသည်။

မူး၍မိန်းမကိုရိုက်ခြင်း၊သတ်မှတ်ထားသည့်မိုင်နှုန်းထက်ကားကိုမောင်းခြင်း၊
ကားလမ်းကိုပြောင်းပြန်မောင်းခြင်း၊စတိုးဆိုင်ကြီးမှပစ္စည်းကိုခိုးခြင်း၊လမ်းမအလယ်တွင်
ကလေးကိုရိုက်ခြင်း၊ဘေးမဲ့ထားသောသမင်ကိုလိုင်စင်မဲ့သေနတ်ဖြင့်ပစ်ခြင်းစသော
စသောအမှုပေါင်းများစွာတို့အတွက်ကျွန်တော်စကားပြန်ဖြစ်ခဲ့ပါသည်။
အမှုကိစ္စတော်တော်များများမှာတမင်တကာကြံရွယ်၍ပြစ်မှုကိုကျူးလွန်ခြင်း
မဟုတ်ဘဲအမေရိကန်နိုင်ငံရှိဥပဒေများကိုမသိရှိခြင်းကြောင့်ဖြစ်သည်။
သူတို့တစ်တွေကစကားပြန်အဖြစ်လုပ်ပေးသောကျွန်တော့်ကိုတစ်ခါတစ်ရံ
၎င်းးတို့အားကူညီပေးနိုင်မည့်ရှေ့နေအဖြစ်ထင်ကြသည်။အားကိုးကြသည်။ဘာသာပြန်
ပေးခြင်း၊တရားခံဖြစ်သူအားအချုပ်ထဲမှအာမခံနှင့်လွတ်အောင်ကူညီခြင်း၊ရှေ့နေကို
မည်ကဲ့သို့ငှားရမ်းရမည်တို့ကိုအကြံÓာဏ်ပေးခြင်းမှလွဲ၍ကျွန်တော်အခြားကိစ္စရပ်များကို
ကူညီပေးနိုင်ခြင်းမရှိပါ။
တချို့အမှုကိစ္စရပ်များတို့သည်ဥပဒေကိုမထီမဲ့မြင်ပြုလုပ်ရင်းအရေးယူခံရခြင်း
တို့လည်းပါဝင်ပါသည်။

အမေရိကန်နိုင်ငံကိုရောက်ရှိပြီးတစ်နှစ်ကျော်ကျော်အတွင်းမူလတန်း၊အလယ်
တန်းကျောင်းသားတို့ကအင်္ဂလိပ်ဘာသာစကားကိုသွက်လက်စွာပြောဆိုနိုင်သည်။ဘဝ
အခြေအနေအမျိုးမျိုးကြောင့်ပညာကောင်းကောင်းမသင်ခဲ့ရခြင်း၊ဒီကိုရောက်တော့လည်း
မိသားစုစားဝတ်နေရေးတို့အတွက်ရုန်းကန်နေရရှာသောမိဘဖြစ်သူတို့ကမူအင်္ဂလိပ်
ဘာသာစကားဘက်တွင်ဘာမှထူးပြီးမတိုးတက်လာ။’ရက်စ်’၊’နိုး’၊’ဟိုင်း’၊’ဂိုးဟုမ်း’
စသည့်နိစ္စဓူဝအလုပ်ခွင်အတွင်း၌ပြောဆိုနေရင်းပြီးနေသည်။
ထိုအခါဈေးဝယ်၊ဆေးခန်းသွားနှင့်အခြားလူမှုကိစ္စရပ်များတို့တွင်သားသမီးများ
တို့ကိုရှေ့တန်းသို့ပို့ကြရတော့သည်။

ကွမ်းတဝါးဝါး၊ထမီရင်လျားမဝတ်ရင်သာတော်တော့သည်။အချို့တိုင်းရင်းသား
တို့ကလည်းဒီအမေရိကန်ရောက်သည်အထိဝတ်စားဆင်ယင်မှုနှင့်ဓလေ့စရိုက်တို့က
သိပ်ပြီးမပြောင်းလဲ။ထိုအခါမျိုးတွင်ဆယ်ကျော်သက်ရွယ်သားသမီးတို့ကအမေရိကန်
(အဖြူ/အမည်း)များရှေ့တွင်ရှက်ကြပေတော့သည်။ထိုကဲ့သို့သောအဖြစ်အပျက်
တော်တော်များများကိုကျွန်တော်စိတ်မကောင်းစွာဖြင့်ကြုံတွေ့ခဲ့ရသည်။
သားသမီးတို့ကလည်းအင်္ဂလိပ်စာနှင့်အတန်းပညာသာတိုး၍တတ်သွားသည်။
မြန်မာနိုင်ငံမှာကဲ့သို့လူကြီးကိုရိုသေလေးစားခြင်းအတော်များများလျော့နည်းသွား
တော့သည်။အမေရိကန်၏ဆိုးရွားလှသည့်အေးစက်သောမိသားစု၏တန်ဖိုးနှင့်လူကြီး
သူမများပေါ်ဆက်ဆံသည့်ပုံစံများသူတို့တစ်တွေဆီကူးစက်ကြတော့သည်။အမေရိကန်
မိသားစုတိုင်းမဟုတ်ပါ။သို့သော်အချို့အချို့သောမိသားစုဝင်၏တစ်ဦးနှင့်တစ်ဦး
အပြန်အလှန်ဆက်ဆံခြင်းတို့သည်အေးစက်မာကျောနေတတ်သည်။
အချို့အဖေနှင့်အမေတို့ကအတူနေထိုင်ပေါင်းသင်းသည်မှာကာလတစ်ခု
ကြာမြင့်ခဲ့ပြီးသားသမီးလည်းတစ်ဦး(သို့)နှစ်ဦးရှိနေကြသော်လည်းတရားဝင်လက်ထပ်
ထားခြင်းမရှိ။ခရစ်ယာန်ဘုရားကျောင်းတော်တော်များများတို့၌လူကြီးသူမများသာ
ဝတ်ပြုကိုးကွယ်ခြင်းတို့၌အများဆုံးတွေ့ရသည်။ကျွန်တော်နေထိုင်သောမြို့တွင်
ခရစ်ယာန်ဘုရားကျောင်းအတော်များများ၌ဝတ်ပြုကိုးကွယ်သူများမရှိတော့၍ဘုရား
ကျောင်းများကိုအစ္စလမ်ဘာသာဝင်များဝတ်ပြုရာဗလီအဖြစ်ရောင်းချလိုက်သည်ကိုလည်း
တွေ့ရသည်။

ဤအမေရိကန်တွင်မြန်မာနိုင်ငံမှရောက်ရှိလာသောဆယ်ကျော်သက်ရွယ်များ
တို့၏စာရိတ္တနှင့်ဂါရဝတရားတို့သည်ဗုဒ္ဓဘာသာဘုန်းကြီးကျောင်းများနှင့်လူမျိုးစုအလိုက်
ခရစ်ယာန်အသိုင်းအဝိုင်းနှင့်ဘုရားကျောင်းတို့၏အခန်းကဏ္ဍသည်အလွန်မှအရေး
ကြီးသည်။

အသီးသီးသောဗုဒ္ဓဘာသာဘုန်းကြီးကျောင်းများနှင့်လူမျိုးစုအလိုက်ခရစ်ယာန်
ဘုရားကျောင်းတို့မှကရင်၊ဗမာနှင့်မြန်မာနိုင်ငံမှရောက်လာသောတိုင်းရင်းသားလူမျိုးစု
အသီးသီးတို့၏ဘာသာစကားနှင့်စာပေတို့ကိုလူငယ်နှင့်ကလေးများ၊နွေရာသီကျောင်း
ပိတ်ရက်ကာလတို့တွင်သင်ကြားနိုင်အောင်ကြိုးစားအားထုတ်လုပ်ဆောင်မှုများကိုလည်း
အားတက်စရာတွေ့ရပါသည်။

ကျွန်တော်နေထိုင်သောမြို့တွင်ဗုဒ္ဓဘာသာဘုန်းကြီးကျောင်း(၃)ကျောင်းရှိသည်။
ယခုတော့(၁)ကျောင်းတိုး၍(၄)ကျောင်းရှိပြီဖြစ်သည်။
မြန်မာနိုင်ငံသားများယခုအချိန်တွင်ဘာဖလိုမြို့၌လူဦးရေ(၁)သောင်းနီးပါးခန့်
ရှိသွားပေပြီ။ကရင်နှင့်ချင်း၊ကရင်နီနယ်မှလာသောသွေးချင်းတို့ကနှစ်ခြင်းခရစ်ယာန်
ဘာသာဝင်နှင့်ကာသိုလိတ်ဘာသာဝင်တို့အများစုဖြစ်ကြသည်။
ဗမာ၊ရှမ်း၊ရခိုင်၊မွန်၊တရုတ်အနွယ်ဝင်များကဗုဒ္ဓဘာသာဝင်များဖြစ်ကြသည်။
ဒုက္ခသည်များအနေဖြင့်အမေရိကန်၊ဘာဖလိုမြို့သို့ရောက်ရှိလာကြသူဦးရေကများသည်။
အသီးသီးသောစက်ရုံ၊အလုပ်ရုံ၊စားသောက်ဆိုင်များတို့တွင်သာမန်အလုပ်သမား
များအနေဖြင့်လုပ်ကိုင်စားသောက်ကြသည့်ဒကာ/ဒကာမတို့ရာခိုင်နှုန်းအများစုက
တည်ထားသောကျောင်းကို’ဒုက္ခသည်ကျောင်း’။

ဂျပန်စားသောက်ဖွယ်ရာဆူရှီလုပ်ငန်းကိုလုပ်ကိုင်သည့်ဒကာ/ဒကာမများ
စုပေါင်း၍တည်ထောင်ထားသောဘုန်းကြီးကျောင်းကို’ဆူရှီကျောင်း’။
ဝါရှင်တန်ဒီစီ၊နယူးယောက်နှင့်အခြားအခြားသောအမေရိကန်မြို့များနှင့်
မြန်မာနိုင်ငံမှရောက်ရှိလာကြသောနိုင်ငံရေးသမားတို့မကြာခဏတည်းခိုရာ၊နိုင်ငံရေး
ရဲဘော်များဆုံဆည်းတတ်သောဘုန်းကြီးကျောင်းကိုတော့’နိုင်ငံရေးကျောင်း’။
ဆူရှီ၊ဒုက္ခသည်၊နိုင်ငံရေးဘုန်းကြီးကျောင်း(၃)ကျောင်းတို့သည်အသီးသီး
သောဂုဏ်ပုဒ်များရှိသော်လည်းအတော်များများသောဗုဒ္ဓဘာသာဝင်မိသားစုတို့က
ခေါ်ရလွယ်သောဆူရှီ၊ဒုက္ခသည်၊နိုင်ငံရေးကျောင်းဟူ၍သာခေါ်ဆိုသမုတ်ကြသည်။
နောက်ဆုံးတည်သည့်ကျောင်းမှာရခိုင်တိုင်းရင်းသားတို့မတည်သည့်’ရခိုင်ဘုန်းကြီး
ကျောင်း’ဖြစ်သည်။

အခွင့်သင့်ပါကလည်းနောက်ထပ်အမည်သစ်ရသောဘုန်းတော်ကြီးကျောင်းများ
အမေရိကန်နိုင်ငံ၊ဘာဖလိုမြို့တွင်ထပ်မံပေါ်လာနိုင်စရာအကြောင်းများရှိပါသေးသည်။
ရဟန်းခံ၊ရှင်ပြု၊ထမနဲထိုးပွဲ၊ဝါဆိုသင်္ကန်းကပ်လှူပွဲ၊မွေးနေ့ပွဲများတို့ကိုလည်း
အသီးသီးသောဘုန်းကြီးကျောင်းများတို့တွင်မကြာခဏခြိမ့်ခြိမ့်သဲကျင်းပကြသည်။
တစ်ခါတစ်ရံထိုအခမ်းအနား၊အလှူပွဲများတို့ကိုတကူးတကဖြစ်စေ၊ဖိတ်ကြား
ထား၍တမင်သွားရောက်သောအခါဖြစ်စေ၊ကျွန်တော်မိမိကိုယ်ကိုမိမိမေးခွန်းများတောင်
ပြန်၍ထုတ်မိလိုက်သည်။’ငါအမေရိကန်နိုင်ငံကိုရောက်နေတာတောင်ဟုတ်ရဲ့လား’
ဟူသောမေးခွန်းဖြစ်သည်။

ယခုကျွန်တော်စာရေးနေသောအချိန်၌ဘာဖလိုမြို့တွင်မြန်မာနိုင်ငံမှရောက်ရှိ
လာသောဒုက္ခသည်ဦးရေ(၁)သောင်းနီးပါးကပ်သွားပေပြီ။
ကွမ်းလေးတဝါးဝါးနှင့်ပုဆိုးဝတ်ကာလမ်းလျှောက်နေသောမြန်မာနိုင်ငံမှ
တောင်ပေါ်တိုင်းရင်းသားဒုက္ခသည်များကိုအထူးသဖြင့်ရာသီဥတုသာယာသောနေ့များ
တွင်လမ်းလျှောက်နေသည်ကိုတွေ့ကြရပေလိမ့်မည်။
၂ဝဝ၁ခုနှစ်မှစတင်ပြီးယခု၂ဝ၁၄ခု၊ဇွန်လမှစပြီးဘာဖလိုမြို့၏အနောက်ပိုင်း
(WestSide)တွင်မြန်မာနိုင်ငံ၊ဘူတန်၊အီရတ်၊ဆူဒန်၊ဆိုမာလီနှင့်အခြားကျွန်တော်
မသိသောအာဖရိကနိုင်ငံများမှဒုက္ခသည်များကိုဘာဖလိုမြို့၏အုပ်ချုပ်ရေးအဖွဲ့အစည်းက
နေရာချထားခြင်းဖြစ်သည်။အာဖရိကန်အမေရိကန်အနွယ်ဝင်စပိန်ဘာသာစကား
ပြောသောပေါ်တူဂီကန်နိုင်ငံသားများနှင့်လူဖြူအမေရိကန်တို့နေထိုင်ကြသောအရပ်
သည်ယခုကျွန်တော်တို့မြန်မာနိုင်ငံမှရောက်ရှိလာသောဒုက္ခသည်များအပါအဝင်
အခြားနိုင်ငံအသီးသီးတို့မှရောက်ရှိလာသောဒုက္ခသည်များတို့အားနေရာချပေးသော
ရပ်ကွက်ဖြစ်သည်။

ဘာဖလိုမြို့၏အနောက်ပိုင်းရပ်(WestSide)သည်ကျွန်တော်ရောက်ကာစ
ကာလ၊၂ဝဝ၈ခု၊မတ်လအတွင်းညပိုင်း၌သေနတ်သံများကိုကြားနေရတတ်သည်။
ဥပဒေမှခွင့်ပြုထားသောပြည့်တန်ဆာလုပ်ငန်း၊မူးယစ်ဆေးဝါးရောင်းဝယ်
ဖောက်ကားခြင်းတို့နှင့်အလွန်နာမည်ကြီးသောဘာဖလိုမြို့ရပ်ကွက်များထဲတွင်အနောက်ပိုင်း
(WestSide)ရပ်ကွက်ပါဝင်သည်။
လုယက်မှု၊ခိုးမှုတို့ကလည်းကျွန်တော်တို့နေထိုင်သော(WestSide)တွင်
မရိုးနိုင်အောင်မကြာခဏဖြစ်ပွားသည်။

နည်းမျိုးစုံနှင့်အမေရိကန်အစိုးရထံမှမိသားစု၏စားဝတ်နေရေးနှင့်ကျန်းမာရေး
အကူအညီကိုတောင်းခံပြီးနှစ်ကာလအတော်ကြာကြာနေထိုင်တတ်သူတို့၏ရပ်ကွက်
လည်းဖြစ်သည်။ထို့ကြောင့်ကလေးငယ်တရုန်းရုန်းနှင့်တစ်မျိုး၊တွေ့သမျှလူအတော်
များများမျက်နှာကိုအပြုံးဆင်၍နှုတ်ဆက်တတ်သော၊အဆင်ပြေသည့်နေရာတွင်ဆောင့်
ကြောင့်ထိုင်ပြီးအခြေအနေအရအရေးပေါ်ရင်သားကိုလှစ်ကာကလေးငယ်ကိုနို့တိုက်
တတ်သည့်မြန်မာနိုင်ငံမှရွှေဒုက္ခသည်များတို့ကိုရပ်ကွက်နယ်ခံအမေရိကန်တို့ကတစ်စ
တစ်စသတိမထားဘဲမနေနိုင်တော့။’မင်းတို့ကတရုတ်လား’ဟူ၍သွေးတိုးစမ်းမေးကြ
သည်။အသက်(၃ဝ)ကျော်နှင့်အထက်လူကြီးတို့ကရပ်ကွက်နယ်ခံစပိန်ဘာသာစကား
ပြောနှင့်အာဖရိကန်အမေရိကန်တို့၏မေးမြန်းခြင်းကိုဘာတစ်လုံးမှနားမလည်၊ပြုံး၍သာ
နှုတ်ဆက်တတ်ကြသည်။

တစ်ခါတစ်ရံမြန်မာနိုင်ငံမှရွှေဒုက္ခသည်တို့ကသူတို့တစ်တွေယခုရောက်မှ
ဖုတ်ပူမီးတိုက်သင်ကြားနေသောအင်္ဂလိပ်စာစကားတို့နှင့်ဖော်ရွေစွာနှုတ်ဆက်ကြသည်။
အချိန်ကည၇းဝဝနာရီတောင်တိမ်းနေပြီ။သူတို့က’ဂွတ်မောနင်း’ဟူ၍ခပ်တည်တည်
နှင့်နှုတ်ဆက်ချင်ရင်နှုတ်ဆက်တတ်သည်။စိမ့်နေအောင်အေးခဲနေသည့်ဆောင်း၊နေ့
နှင့်ညဦးများတွင်ကျွန်တော်တို့ရွှေဒုက္ခသည်တို့ကအသီးသီးသောဒုက္ခသည်နေရာ
ချထားရေးရုံးများမှပေးသည့်ညဝတ်အင်္ကျီများကိုဝတ်၍ညှပ်ဖိနပ်လေးနှင့်လမ်းလျှောက်
ချင်ရင်လည်းလျှောက်နေတတ်သည်။

မဖြစ်မနေဝမ်းရေးအတွက်သွားရောက်၍အင်္ဂလိပ်စာသင်ယူနေသောစာသင်
ခန်း၌’ဒီနိုင်ငံမှာကငါတို့ကိုကားတိုက်ရင်လျော်ကြေးတွေအများကြီးရမှာကွ’ဟူသော
အတွေးနှင့်ရည်မှန်းချက်ကို’ဘယ်ကလာသူဌေးရဲ့ခွေးကငါတို့လမ်းလျှောက်သွားနေရင်း
ကိုက်မိရင်အဲဒီလျော်ကြေးကအများဆုံး’ဆိုပြီးအပြန်အလှန်ငြင်းခုံပွဲကိုလည်းကျွန်တော်
ကိုယ်တိုင်ကြုံဖူးသည်။

မည်သို့ပင်ဖြစ်စေကာမူကျွန်တော်နေထိုင်သောဘာဖလိုမြို့၌ကရင်တိုင်းရင်းသား
တို့ကအများဆုံး၊လူဦးရေ(၅ဝဝဝ)ကျော်ကျော်ရှိသည်။ဗမာ၊ကရင်နီ၊ချင်းမျိုးနွယ်စုများ၊
ရခိုင်၊မွန်၊ရှမ်း၊မြန်မာပြည်ဖွား၊အထူးသဖြင့်ကရင်ပြည်နယ်မွန်ပြည်နယ်တို့မှ
ရောက်ရှိလာကြသောအစ္စလမ်ဘာသာဝင်မိသားစုတို့သည်ရောက်ရှိနေသောနေရာ၊
အခြေအနေကိုအရှိအတိုင်းသုံးသပ်ပြီးဘဝကိုရုန်းကန်ရင်ဆိုင်ကြရတော့သည်။
‘ကရင်စံတော်ချိန်’၊’ဗမာစံတော်ချိန်’ဆိုတာတွေအမေရိကန်လူ့အဖွဲ့အစည်းမှာ
လာလုပ်၍မရ။အလုပ်ပြုတ်သွားမည်။မိသားစု၏အခက်အခဲ၊ပြဿနာတွေ၊တစ်သီ
တစ်တန်းကြီးစီကာရောက်ရှိလာမည်။

အလုပ်ကိုသတ်မှတ်ထားသောအချိန်ရောက်အောင်သွားကြသည်။အချိန်မီ
စာသင်ခန်းသို့ချီတက်ကြသည်။နံနက်စောစောမိမိတို့၏ကလေးများကိုအတင်းနှိုး၊
လမ်းထိပ်သို့ထွက်ကာအဝါရင့်ရင့်ဆေးရောင်ခြယ်ထားသည့်အမေရိကန်ကျောင်းကားများ
အားအချိန်ကိုလေးစားစွာဖြင့်စောင့်ကြတော့သည်။

ပင်ပန်းစွာဖြင့်အလုပ်လုပ်ကိုင်၊ရုန်းကန်ရသောအချို့မိခင်တို့ကနံနက်အစောကြီး
ထကာကလေးများကိုရေချိုးမျက်နှာသစ်၊အဝတ်လဲ၍မမီမှာကိုအစိုးရိမ်လွန်၍ည
ကတည်းကသားသမီးများကိုရေချိုးပေးထားပြီးမနက်ဖြန်ကျောင်းသွားမည့်အင်္ကျီကို
အဆင်သင့်ဝတ်ပေးကာအိပ်ရာကိုဝင်စေသည်။

နှိုးစက်နာရီ၏သတိပေးခေါင်းလောင်းနံနက်၆းဝဝနာရီကျော်ကျော်’ကလင်
ကလင်'(သို့)တဒီဒီမြည်ပါကကမန်းကတန်းမိမိ၏ကလေးကိုနှိုး၊မျက်နှာသစ်
သွားတိုက်၊ကမန်းကတန်းနံနက်စာအမြန်ကျွေးပြီးသတ်မှတ်ထားသောကျောင်းကား
ရပ်မည့်နေရာသို့ပြေးကြပေပြီ။
မိုးဘယ်လောက်ပဲရွာရွာ၊နှင်းခဲဖွေးဖွေးဖြူများဘယ်လောက်ပဲကျနေကျနေ
သတ်မှတ်ထားသည့်အချိန်ကိုဘာမျှဈေးဆစ်၍မရ။ဒါအမေရိကန်လူမှုရေးစနစ်၏
စည်းကမ်း။

ဘာဖလိုမြို့၌အချင်းချင်းပြောဆိုနေကြသောစကားတစ်ခွန်းရှိသည်။’အမေရိကန်
ကသင်သွားလိမ့်မယ်’ဆိုသောစကားဖြစ်သည်။
ဘာမှဈေးဆစ်၊အကြောင်းပြ၍မရ။အချိန်မီလုပ်ကြရတော့သည်။ရွေးချယ်စရာ
ဘာမျှမရှိ။မြန်မာနိုင်ငံ၌မွေးဖွားလာသောလူမျိုးစုတိုင်းရင်းသားအနွယ်အသီးသီး၊ဗမာ
လူမျိုးများအပါအဝင်တို့သည်အချိန်ကိုလေးစားလိုက်သည်မှာစံချိန်တင်လောက်ပါသည်။
စာဖတ်သူမိတ်ဆွေမယုံမရှိပါနှင့်၊လာရောက်၍ကိုယ်တိုင်လေ့လာမှတ်တမ်းယူ
သင့်ပါသည်။

မြန်မာနိုင်ငံနှင့်ထိုင်းနယ်စပ်ရှိဒုက္ခသည်စခန်းများအတွင်းမစားခဲ့ရသောအစား
အစာ၊လူ့အသုံးအဆောင်ပစ္စည်းများတို့ကိုဒီအမေရိကန်မှာစားသောက်သုံးစွဲရသည်။
ပုံမှန်အတိုင်းချွေတာစုဆောင်းပြီးအလုပ်ကြိုးစားပါကဘာဖလိုမြို့သို့ရောက်ပြီးတစ်နှစ်
ကျော်ကျော်အတွင်းကားဝယ်စီးနိုင်သည်။မိသားစုများပါကပို၍အဆင်ပြေသည်။
အိမ်ထောင်ဦးစီးတစ်ဦးတည်းအလုပ်လုပ်သည်ပင်ထားဦး၊အစားအသောက်၊ဆေးဝါး၊
အိမ်လခအချို့(သို့)အပြည့်ကိုအမေရိကန်အစိုးရကအဆင်ပြေအောင်စီစဉ်ပေးသည်။
သူတို့လည်းဒီလောက်ပဲရေမြေခြားမှမိတ်ဆွေတွေကိုအကောင်းဆုံးဂရုစိုက်ပျိုးထောင်
နိုင်သည်။

နှစ်ဟောင်းကုန်လွန်၍ဖေဖော်ဝါရီလ၊မတ်လ၊ဧပြီလများအတွင်းချမ်းသာ
ကြွယ်ဝ၍ဝင်ငွေများသောသူများထံမှအမေရိကန်အစိုးရသည်အခွန်များကိုကောက်ခံသည်။
ဝင်ငွေနည်းသောနိုင်ငံသူနိုင်ငံသားမိသားစုများတို့ကိုနှစ်ကုန်ပါကသူတို့တစ်တွေ
ပေးဆောင်ခဲ့သောအခွန်ငွေများထဲမှပြန်၍ဝေငှသည်။ဥပမာ၊ကလေးငယ်တစ်ယောက်
သာရှိပြီးဇနီးသည်ကကျောင်းတက်၊ခင်ပွန်းကဝင်ငွေနည်းသောအလုပ်ကိုလုပ်ကိုင်သူ
ဖြစ်စေဦး၊အစိုးရကအနည်းဆုံးဒေါ်လာ(၅ဝဝဝ)ကျော်ကျော်ပြန်၍ဝေမျှသည်။ဒီ
အခွင့်အရေးမျိုးမြန်မာနိုင်ငံမှာဘယ်လိုရပါအံ့နည်း။ကလေးငယ်နှစ်ဦးရှိပါကဒေါ်လာ
(၇ဝဝဝ)ကျော်တစ်သောင်းနားကပ်တော့သည်။

တစ်နှစ်တာအတွင်းအလုပ်လုပ်လိုက်၊ပေးစရာရှိသောမီးဖိုး၊အပူငွေ့ဖိုး၊အိမ်
လခ၊ခေါင်းစဉ်အမျိုးမျိုးသောအကြွေးများကိုပေးလိုက်နှင့်လုံးလည်ချာလည်ဖြစ်နေပေမယ့်
ဝင်ငွေနည်းသောမြန်မာပြည်ဖွားရွှေဒုက္ခသည်တို့နှစ်ဦးကာလတွင်မျှော်လင့်ချက်အပြည့်ဖြင့်
ခေါင်းတထောင်ထောင်ဖြစ်နေကြပေပြီ။မိမိဝင်သောငွေ၊မိသားစုအနေအထား၊အသီးသီး
သောအိမ်ထောင်စုဝင်တို့၏မှတ်ပုံတင်နှင့်အခြားအရေးကြီးသည့်ကတ်ပြားများကိုကိုင်၍
နှစ်ဦးပိုင်းဝင်ငွေ၊ထွက်ငွေနှင့်အခွန်များကိုစနစ်တကျမှန်မှန်ကန်ကန်တွက်ချက်၍
အစိုးရ၏အခွန်ဌာနကဲ့သို့တွက်ချက်ပေးသောရုံးအသီးသီး(TexRefund)ရုံးတို့၌ကရင်၊
ဗမာ၊ရခိုင်၊မွန်၊ကရင်နီ၊ချင်းလူမျိုးအသီးသီးတို့နှင့်ကလေးငယ်များတို့ကိုတပြုံးပြုံးနှင့်
တွေ့ကြပေလိမ့်မည်။

ရည်မှန်းထားသောအိမ်သို့မဟုတ်ကားကိုလည်းဝယ်ဖုိ့ပြင်ဆင်ထားသောသူ၊
မြန်မာနိုင်ငံရှိမိဘဆွေမျိုးသားချင်းများတို့ကိုဘယ်လောက်တော့ပို့လိုက်ဦးမည်ဟူသော
စိတ်များတဟုန်းဟုန်းထနေသောသူများရှိကြသလို၊နီးစပ်ရာအတိုး(သို့)အတိုးမဲ့တို့ဖြင့်
အချင်းချင်းငွေကိုချေးခဲ့သောသူများတို့လည်းအကြွေးများကိုဆပ်နိုင်ကြတော့မည်။
မင်္ဂလာကာလနှစ်ဦးအခါသမယပင်ဖြစ်တော့သည်။
ရေခဲတွေဖွေးဖွေးဖြူ၍ဘာဖလိုမြို့၏အပြင်းထန်ဆုံးသောအေးစက်သည့်
ဆောင်းကာလတွင်ရွှေမြန်မာနိုင်ငံမှဒုက္ခသည်အသီးသီးတို့မြန်နှုန်းပြင်းသောမျှော်လင့်ချက်
ရင်ခုန်သံတို့နှင့်ဆောင်း၏ခါးသက်သက်အအေးဒဏ်ကိုပြုံး၍အံတုနိုင်ကြသောကာလ
ဖြစ်သည်။

တစ်ခါတစ်ရံကျွန်တော်အပါအဝင်မြန်မာနိုင်ငံမှဒုက္ခသည်အပေါင်းတို့လည်း
တစ်ကမ္ဘာစီအလှမ်းကွာဝေးသည်ဟုထင်ရလောက်သောမွေးရပ်မြေအမိမြန်မာပြည်ကို
တမ်းတသတိရကြပါသည်။ဆွေမျိုးသားချင်းများကိုလွမ်းသည်။ချက်ကြွေခဲ့သောရွာမှာ
နှစ်စဉ်ကျင်းပသည့်ရာသီပွဲသဘင်တို့ကိုသတိရသည်။အပေါ်ယံရုပ်ဝတ္ထုပစ္စည်းများ
ဆင်းရဲပေမယ့်နွေးထွေးသောမြန်မာ့လူ့အဖွဲ့အစည်းကိုတမ်းတမိသည်။အသက်အရွယ်
ကြီးသောလူကြီးသူမများက’ငါမသေခင်ငါ့ရွာ၊ငါ့မြို့ကိုပြန်ရောက်ပါ့မလား’ဆိုသည့်
ဝမ်းနည်းရိပ်သန်းသောနက်နက်ရှိုင်းရှိုင်းခံစားမှုကြီးတွေရှိကြသည်။
‘အို…ပြေးရ၊လွှားရ၊ပေါ်တာကြေးပေးရ၊ထိုင်းကိုရောက်တော့လည်း
ထိုင်းပုလိပ်ကိုကြောက်ရ၊ဒုက္ခသည်စခန်းမှာနေရတုန်းကလည်းအပြင်လောကကြီးဆိုတာ
ဘာမှန်းကိုမသိရတာ၊နှစ်ပေါင်း(၁၅)နှစ်လောက်ရှိမယ်။ငါမွေးတဲ့နိုင်ငံဆိုပေမယ့်
သတိကိုမရတော့ပါဘူး။ဒီမှာစားသောက်တဲ့အစားအစာ၊အခမဲ့ကုသပေးတဲ့ဆေးဝါးတွေ၊
ကုသပေးတဲ့လူမှုကျန်းမာရေးစနစ်တွေမြန်မာနိုင်ငံမှာကဲ…ဒီမိုကရေစီရပါပြီတဲ့၊
အဲဒီအခွင့်အရေးမျိုးဟိုမှာဘယ်ရမလဲ။သေတဲ့အထိငါမပြန်ဘူးဟေ့’ဆိုပြီးခါးခါးသီးသီး
ပင်မြန်မာနိုင်ငံမပြန်ချင်သူအသက်(၇၄)နှစ်အရွယ်ကရင်အမျိုးသမီးကြီးနှင့်စကားလက်ဆုံ
ကျခဲ့ဖူးပါသည်။

‘အစ်ကိုရယ်ကျွန်မအမေတစ်ယောက်မအိပ်နိုင်မစားနိုင်ဖြစ်တာအတော်ကြာပြီ။
ကျေးဇူးပြုပြီးကူညီပေးပါဦး’
‘ဟဒါဆိုလည်းဆေးခန်းသွားပေါ့’ဟုကျွန်တော်ကအကြံဥာဏ်ပေးသောအခါ၊
‘ဟာ..သူ့ရဲ့ရောဂါကဆေးခန်းပြလို့မရဘူး’
‘ဘာဖြစ်လို့တုန်း’ဟုပြန်၍မေးလိုက်သောအခါ၊
‘သူဒီအမေရိကန်မှာသေရင်မီးသင်္ဂြိုလ်စက်ကြီးထဲထည့်မှာကျွန်မအမိုး
တစ်ယောက်အရမ်းကိုကြောက်နေတယ်။မြေမြှုပ်သင်္ဂြိုလ်ဖို့ဒီမှာသင်္ချိုင်းမြေဈေးက
ဒေါ်လာထောင်နဲ့ချီပြီးရှိတာလို့သူ့ကိုဘယ်သူပြောလိုက်သလဲမသိဘူး။အခုသူလတိုင်း
ရတဲ့သက်ကြီးထောက်ပံ့ကြေးကိုဘာမှမသုံးတော့ဘဲသင်္ချိုင်းမြေဖိုးပဲစုစုနေတာစိတ္တဇ
တောင်ဖြစ်နေပြီ’ဟုသမီးဖြစ်သူကအကူအညီတောင်းသောကြောင့်၊
‘ကဲ..အဖီးရယ်ဘာမှမပူနဲ့၊လတိုင်းရတဲ့ထောက်ပံ့ကြေးကိုသုံးချင်တဲ့နေရာ၊
သုံးသင့်တဲ့နေရာမှာသုံးပါ။သင်္ချိုင်းမြေအတွက်ဘာမှကိုမပူနဲ့၊အဖီးသေရင်အဲဒီ
မြေဖိုးရအောင်ကျွန်တော်ပိုက်ဆံလိုက်ကောက်ပေးမယ်’ဆိုပြီးအသက်(၇၅)နှစ်ကျော်
အရွယ်အဖွားတစ်ဦးကိုဖျောင်းဖျရဖူးပါသည်။

သူမခမျာမိမိအတွက်သင်္ချိုင်းမြေနှင့်မြေဖိုးကိစ္စအတွက်အလွန်စိတ်သောက
ရောက်နေခြင်းမှအနည်းငယ်သက်သာသွားပုံရပါသည်။
မတတ်နိုင်ပါ။ကျွန်တော်လည်းထိုကိစ္စကိုမရှင်းတတ်၊အဆင်ပြေသလိုသူမ
စိတ်ချမ်းသာမည့်အဖြေကိုသာပေးခဲ့ရသည်။
သို့သော်မြန်မာနိုင်ငံသားဒုက္ခသည်လူ့အဖွဲ့အစည်းအတွင်းနာရေးပေါ်ပေါက်
ပါကဘာသာ၊လူမျိုးခွဲခြားခြင်းမရှိဘဲတစ်ဦးနှင့်တစ်ဦးနွေးထွေးရိုင်းပင်းစွာဘာဖလိုမြို့၌
ကူညီတတ်သောအစဉ်အလာဓလေ့သည်ကြည်နူးဖွယ်ဖြစ်သည်။ဆက်ပြီးနှစ်ကြာရှည်
သည်နှင့်အမျှအဓွန့်ရှည်ပါစေ။

ရက်ကိုလကစား၊လဟူသောကာလကနှစ်ဟူသောအချိန်ကာလကိုတဖြည်း
ဖြည်းနှင့်ကူးပြောင်းသွားသည်။ဝင်ရိုးစွန်းကိုငါတို့ရောက်နေသလားဟုထင်မိ
လောက်အောင်၊ဘာဖလိုမြို့၏ဆောင်းကာလသည်အမှန်တကယ်ဆောင်းဖြစ်သည်။
နိုဝင်ဘာလနှောင်းပိုင်းကာလမှဧပြီလနောက်ဆုံးနေ့ရက်အထိအိမ်မှအပြင်သို့ထွက်လျှင်
အင်္ကျီနွေးကိုအထူဆုံးရွေး၊ခြေစွပ်၊ခေါင်းစွပ်အပြင်ဒီရောက်မှမြင်၍သုံးဖူးသော
နားရွက်အုပ်ကိုပါအသုံးပြုရသည်။

နှင်းခဲများနှင့်ဖွေးဖွေးဖြူနေသောဘာဖလိုမြို့သည်ထိုရှုခင်းနှင့်ဓာတ်ပုံရိုက်ရန်
အလွန်လှပသော်လည်းခက်ထန်သောဆောင်းကာလနှင့်ဘာဖလိုမြို့နေဒေသခံတို့နှစ်စဉ်
ဖြတ်သန်းကြသည်။

ကျွန်တော်တို့အတွက်လည်းဘာမျှရွေးချယ်စရာမရှိ။ပျော်ပျော်ရွှင်ရွှင်သာ
ဆောင်းတွင်းကာလကိုဖြတ်သန်းကြသည်။မြန်မာနိုင်ငံမှာတုန်းကမျက်စိနာသောသူကို
လူတွေအနားသိပ်အကပ်မခံ၊မျက်စိနာကူးမည်ကိုစိုးရိမ်သောကြောင့်ဖြစ်သည်။
ဒီမှာတော့မျက်စိနာသောမြန်မာနိုင်ငံသား(၃)ဦးခန့်သာဆေးခန်း၌စကားပြန်
လုပ်ရင်းတွေ့ဆုံဖူးသည်။မျက်စိဆရာဝန်ကမျက်စဉ်းဆေးအညွှန်းရေးပေး၊သောက်ဆေး
ပေး၊ဒါနှင့်ပြတ်သည်။

သို့သော်မိတ်ဆွေနှာစေးချောင်းဆိုးဖြစ်ပါကဘာဖလိုမြို့တွင်မြန်မာနိုင်ငံ၌
မျက်စိနာနေသောသူနှင့်တူပေသည်။’တဟွတ်ဟွတ်’နှင့်ချောင်းဆိုး၊နှာရည်ယိုပြီး
‘ဟတ်ချေး..ဟတ်ချေး’နှင့်မကြာခဏနှာချေနေပါကသင်၏အနားမည်သူမျှ
မကပ်ချင်တော့ပါ။

အလုပ်သဘောအရဖြစ်စေ၊လူမှုရေးအရမိတ်ဆွေကိုလက်ဆွဲနှုတ်ဆက်ပြီး
သည်နှင့်အဆိုပါပုဂ္ဂိုလ်သည်အိမ်သာထဲသို့အမြန်ဆုံးဝင်ပြီးလက်ကိုဆပ်ပြာများများ၊
ရေပူပူနှင့်အထပ်ထပ်ဆေးပါတော့မည်။
အလုပ်ရှင်တော်တော်များများကလည်းလိုအပ်ပါကသင့်ကိုအိမ်သို့အမြန်ဆုံး
ပြန်ခိုင်းပေလိမ့်မည်။အဘယ်ကြောင့်ဆိုသော်ဒီဘာဖလိုမြို့၌(cold)ဟူသောအအေး
ပတ်ပြီးနှာစေးချောင်းဆိုးခြင်းသည်အလွန်ကူးစက်ပြန့်ပွားလွယ်သောထိုကာလ
ဆောင်းအခါသမယ၏အာဂန္တုရောဂါတစ်မျိုးဖြစ်သည်။

ကဲတစ်ခါ၊မေလနှောင်းပိုင်းမှသြဂုတ်လကုန်သည်အထိ၊အပူချိန်က(၇ဝ)ဒီဂရီ
ဖာရင်ဟိုက်မှတစ်ခါတစ်ရံ(၉ဝ)ကျော်နားကပ်သည်။ဘောင်းဘီတိုတွေ၊စွပ်ကျယ်
စပို့စ်ရှပ်လေးတွေနှင့်ဘာဖလိုမြို့၏လမ်းတွင်ညနေပိုင်းလူတွေကစည်ကားတတ်သည်။
အထူးသဖြင့်သောကြာနေ့ညနေပိုင်းရွှေမြန်မာပြည်ဖွားတို့ကလည်းကလေးများ
ကျောင်းပိတ်သည့်ကာလ၊ဒီမှာဇွန်၊ဇူလိုင်၊သြဂုတ်လတို့ကနွေရာသီကိုး။
ညနေပိုင်းအီရီမြစ်ဘေးကိုဆင်းကြသည်။ငါးမျှားသည်။မြစ်၏အနံ့အသက်နှင့်
မြစ်၏အရှိန်နှင့်ပထဝီတန်ခိုးကိုနီးနီးကပ်ကပ်ခံစားသည်။အီရီမြစ်ကြီးကိုကြည့်ပြီး
ချင်းတွင်းကိုလွမ်းသည်။သံလွင်ကိုတမ်းတသည်။မဖော်ပြနိုင်လောက်သောခံစားချက်ဖြင့်
ဧရာဝတီကြီးကိုရော်ရမ်းမချိတင်ကဲမှန်းဆသည်။အိုဘယ့်မွေးရပ်မြေကြီးရယ်…။
အပူချိန်မြင့်လေ၊ကုန်တိုက်ကြီးများ၌လေအေးစက်များရောင်းစရာမကျန်
လောက်သောအခြေအနေမျိုးဖြစ်သွားသည်။

ဘာဖလိုမြို့ဟေမာန်၏ဖြူဖွေးသောနှင်းခဲများနှင့်တဝီဝီမြည်နေသောနွေကာလမှ
အဲယားကွန်ဒေးရှင်းစက်သံတို့သည်အဖြူနှင့်အမည်း၊နေနှင့်လလိုကွာခြားချက်ကြီးမား
လှသည်ဟုမိတ်ဆွေထင်နိုင်သည်။
ဤသည်ကားဘာဖလိုမြို့၏ရာသီစက်ဝန်းခရီးစဉ်ဖြစ်သည်။အိမ်တွင်ညနေပိုင်း
အသားကင်စားကြသည်။ကလေးများကအချိုရည်သောက်၊လူကြီးတွေကယမကာ၊
ဘီယာကိုမှီဝဲ၍အပန်းဖြေ။(၆)လတာအမျှော်ကြီးမျှော်ခဲ့သောနွေရာသီကိုအပြည့်အဝ
ခံစားကြသည်။

ခွင့်ရက်ရှည်ရသောသူတို့ကခရီး၊အခြားသောပြည်နယ်မြို့အသီးသီးသို့ခရီး
ထွက်ကြသည်။

သို့မဟုတ်ကျော်ကြားလှသောဘာဖလိုမြို့အနီးရှိကမ္ဘာကျော်နိုင်ဂရားရေတံခွန်သို့
အလည်ထွက်လာကြသည့်မြန်မာပြည်ဖွား၊အမေရိကန်တစ်နံတစ်လျားရှိဘဝသမိုင်းတူ
ဒုက္ခသည်မိသားစုရောင်ရင်းမိတ်ဆွေများကိုဒိုင်ခံ၍အိမ်တွင်ဧည့်ခံကြသည်။ဧည့်သည်များ
ဝေဝေစည်နေသောအခါသမယပင်ဖြစ်သည်။

ဗုဒ္ဓဘာသာဝင်မိသားစုဝင်များတို့၏ရင်သွေးများရဟန်းခံရှင်ပြုကြသည်။
ခရစ်ယာန်ဘာသာဝင်တို့၏နွေရာသီကျမ်းစာသင်သောကာလလည်းဖြစ်သည်။
ဘာဖလိုမြို့နှင့်အီရီမြစ်ကြီး၏ရေအလျင်ပေါ်ဝယ်စင်ရော်ငှက်အပေါင်းတို့
လေဟုန်တွင်မြူးပျော်ဝဲသောကာလဖြစ်သည်။

ဆက်လက်ဖော်ပြပါမည်။

အပိုင်း (၁)
အပိုင်း (၂)
အပိုင်း (၃)
အပိုင်း (၄)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, လူများ၊ ရုပ်ပုံလွှာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်