ထင်အောင် – ကျွဲနိုင်နွားနိုင် နိုင်ပါစေ

October 30, 2015

– ကျွဲနိုင်နွားနိုင် နိုင်ပါစေ

(မိုးမခ) အောက်တိုဘာ ၃၀၊ ၂၀၁၅

မြန်မာစာအရေးအသားမှာသာမက အပြောအဆိုမှာပါ အချိန်ကာလခေတ်ကိုလိုက်၍ အပြောင်းအလဲများ အနည်းငယ်စီ ရှိခဲ့ဘူးပါတယ်။ ကုန်းဘောင်ခေတ်က မယ်ဘွဲ့ မောင်ဘွဲ့  တွေကို  တေးထပ်တွေဖြင့် စပ်ဆိုရေးသားရာကနေ “မောင်ရင်မောင်၊ မမယ်မ” ဝတ္တုကစကာ စကားပြေ အရေးအသားဖြင့် ရေးစပြုခဲ့ပါတယ်။ “ချဉ်ပေါင်ရွက်သည် မောင်မှိုင်း” အထိ စကားပြေသက်သက် မဟုတ်သေးပဲ တေးထပ်လေးတွေနဲ့ ရေးသားနေကြတုန်း ဖြစ်ပါတယ်။ သိပ္ပံမောင်ဝတို့ ခေတ်ကာလကျမှသာ ခေတ်ဆန်းစာပေ အမည်တပ်ပြီး စကားပြေသက်သက် တိုတိုတုတ်တုတ် ရေးသားလာကြပါတယ်။

နောက်ပိုင်းမှာလဲ စကားပြောသလို လွတ်လွတ် လပ်လပ် ရေးဖွဲ့ လာတဲ့ပုံစံ ခေတ်စားလာပြန်ပါတယ်။ ဒီလိုရေးတာကို မကြိုက်သောပုဂ္ဂိုလ် များက စာရေးသားနည်း မမှန်ကန်ဘူး ဆိုကာ ဝေဖန်ရေးသားမှုတွေ ဖြစ်လာပါသေးတယ်။ အင်္ဂလိပ်ဝေါဟာရတွေကို မြန်မာအက္ခရာတွေကြားမှာ ညှပ်ပြီးရေးသားတဲ့ရေးနည်းလဲ အဝေဖန်ခံခြင်းက မလွတ် ခဲ့ပါဘူး။ ခေတ်ပေါ် ဘန်းစကားတွေကို ထဲ့ရေးလာတာကိုလဲ လက်ခံသူ ရှိသလို ကန့်ကွက်သူများလဲ ပေါ်လာပါတယ်။ သုံးခဲ့တဲ့ ဘန်းစကားတွေထဲမှာ ကြာရှည်မခံဘဲ ပျောက်ပယ်သွားတဲ့စကား ရှိသလို၊ ယနေ့ တိုင် သုံးစွဲနေသော စကားလုံးများလဲ ရှိနေကြပါတယ်။

ယခု ရက်ပိုင်းကာလအတွင်း သုံးစွဲလာသော စကားလုံးလေးတလုံးကို သတိထားမိ လာပါတယ်။ အသစ်တိုးလာတဲ့ စကားလုံးက ရွေးကောက်ပွဲအမီ သုံးစွဲပေါ်ပေါက်လာသော စကားလုံး ဖြစ်ပါတယ်။ ပထမဆုံး သတိထားမိတာက အမျိုးသမီးဒါရိုက်တာတယောက်က ပြောခဲ့ တာပါ။ နောက်နေ့ထုတ် သတင်းစာဂျာနယ်တွေမှာလဲ ရေးသား သုံးစွဲလာတာကို တွေ့ရ မြင်ရ ဖတ်ခဲ့ရပါတယ်။ “တောင်ပြို ကမ်းပြို” ဆိုတဲ့ စကားလုံးလေးပါ။ ရွေးကောက်ပွဲမှာ ပြည်သူတွေအားပေးတဲ့ပါတီကို ပြတ်ပြတ်သားသားအနိုင်ရရန် စည်းရုံးရာမှာ သုံးစွဲနေသောစကားလုံး ဖြစ်ပါတယ်။ စာသားက အသစ်မဟုတ်ပါ။ သုံးစွဲသောနေရာကသာ အသစ် ဖြစ်နေပါတယ်။

ကျွန်တော်ထင်တာကတော့ နိုင်ငံတကာမှာ ကျင်းပနေတဲ့ ဒီမိုကရေစီနည်းကျကျ သမ္မတရွေးကောက်ပွဲတွေအပြီးမှာ သုံးကြတဲ့ “land slide victory” ဆိုတဲ့ စာသားလေးကို  ဘာသာပြန်ထားတာ ဖြစ်ပါတယ်။ မြန်မာဘာသာနဲ့ အဓိပ္ပါယ်ရှိရှိ ဘာသာပြန်ထားပြီးသား ရှိပါတယ်။ ‘ပြတ်ပြတ်သားသား’ အနိုင်ရသည် ဖြစ်ပါတယ်။ ဒီလိုရှိပြီးသားစကားလုံးကို ဘာလို့ တောင်ပြိုကမ်းပြိုလို့ ဘာသာပြန်ရသလဲဆိုတာကို နားမလည်နိုင်ဘူး ဖြစ်နေရပါတယ်။

“ကျွဲနိုင်နွားနိုင်” လို့ မသုံးချင်လို့ အသစ်ထွင်တာများလား တွေးမိပါတယ်။ ပြတ်ပြတ်သားသား အနိုင်ရသည် ဆိုသော အဓိပ္ပါယ်က ဖတ်လိုက်တာနဲ့ ရှင်းနေပါတယ်။ ပြိုင်ဘက်က လိုက်မယှဉ်နိုင်အောင် အနိုင်ရတယ်ဆိုတာကို ဖတ်လိုက်တဲ့သူတိုင်းက သိနေကြပါတယ်။ တောင်ပြို ကမ်းပြို နိုင်တယ် ဆိုတဲ့ အဓိပ္ပါယ်ကို ဘာဆိုလိုတယ်ဆိုတာ လူတိုင်း မသိနိုင်ပါဘူး။ မြန်မာစာဌာနက ပညာရှင်တွေကို တွေ့မှ မေးရမှာပဲ လို့ တေးမှတ် ထားရပါ တယ်။

ယခုရက်ပိုင်းအတွင်း ဂွါတီမာလာနိုင်ငံက သမ္မတရွေးကောက်ပွဲမှာ လူရွှင်တော် ဂျင်မီမိုရာရေးက ယှဉ်ပြိုင်ဘက်ကို ထောက်ခံမဲ ၆၈ ရာခိုင်နှုန်းအသာနဲ့  တဖက်က မဲ ၃၂ ရာခိုင်နှုန်းအပေါ်မှာ အနိုင်ရသွားပါတယ်။ ဒါမျိုးကို “land slide victory” လို့ သုံးနိုင်ပါတယ်။ တချိန်ထဲမှာ ကျင်းပနေတဲ့ အာဂျင်တီးနားက သမ္မတရွေးကောက်ပွဲမှာတော့ ပြိုင်ပွဲဝင်နှစ်ယောက်ဟာ ၃၅ ရာခိုင်နှုန်းစီ ဖြစ်နေကြပါတယ်။ တယောက်ကတော့ သေချာပေါက် အနိုင်ရမှာ ဖြစ်ပါတယ်။ ဒီလိုနိုင်တာကို နှာတဖြားအသာနဲ့ အနိုင်ရတယ်လို့ သုံးကြပါတယ်။

စကားလုံး တီထွင်တာကို အားပေးပါတယ်။ အင်္ဂလိပ်ဝေါဟာရတွေမှာလဲ အသစ်တွေကို တီထွင် ရေးသားနေကြတုန်း ဖြစ်ပါတယ်။ အသစ်တွေ ပေါ်ပေါ်လာလို့လဲ အင်္ဂလိပ်စာအဘိဓာန်မှာ စာလုံးအသစ်တွေကို ထဲ့ ထဲ့ ပေးနေရပါတယ်။ မြန်မာစာပေမှာလဲ အဓိပ္ပါယ်တမျိုးထဲ သက်ရောက်တဲ့စကားလုံး အမျိုးမျိုးရှိပါတယ်။

အယူသီးတယ်လို့ သတ်မှတ်ချင် သတ်မှတ်ပါတော့၊ ကျွန်တော်ကတော့ တောင်ပြို ကမ်းပြို ဆိုတာ သိပ်မကြိုက်တော့ ကျွဲနိုင်နွားနိုင် နိုင်ပါစေ လို့သာ ဆုတောင်းပေး နေရပါတယ်။ ပြည်သူအားလုံးထောက်ခံတဲ့ ပါတီ ‘ကျွဲနိုင်နွားနိုင်’ နိုင်ပါစေ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဝေဖန်ရေးရာ

One Response to ထင်အောင် – ကျွဲနိုင်နွားနိုင် နိုင်ပါစေ

  1. Ba Ba Gyi on November 1, 2015 at 7:51 am

    “ခွေးကလေးကို တိုင်မှာချည်ရိုက်သလိုနိုင်မယ်” ဆိုတဲ့မြန်မာစကားဟာ ဒီကောင်တွေအတွက် အဆီလျော်ဆုံးပါဗျား။

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်