လောအယ်စိုး – လေနီရိုင်းကိုဆန်ကာပျံသည့် ငှက် – အပိုင်း (၇)

November 1, 2015

– လေနီရိုင်းကိုဆန်ကာပျံသည့် ငှက် – အပိုင်း (၇)
(မိုးမခ) နိုဝင်ဘာ ၁၊ ၂၀၁၅

● တစ်ဆစ်ချိုး
မိတ်ဆွေများနှင့် စကားစမြည်ပြောနေရင်း တယ်လီဖုန်းသံမြည်ပါက မူထန်သည်ခေါ်ဆိုသောနံပါတ်ကိုကြည့်သည်။ မလေး ရှား မှခေါ်ဆိုကြောင်းသိပါက ချက်ချင်းနီးရာထောင့်၊ သို့မဟုတ် အခန်းပြင်သို့ထွက်ပြီး ‘အေးပါ၊ ဟုတ်ပါတယ်ဟာ၊ စိတ်ချပါ’ ဆိုပြီး ကမန်းကတန်းအဖြေပေးရသည်။ မဖြေပါက သေဒဏ်တောင်ကျနိုင်သည့်အနေအထားရှိသည်။

‘နေပါဦးကိုမူထန်ရယ်။ ခင်ဗျားဟာက ရုပ်ပျက်လွန်းပါတယ်။ ဒီမှာဧည့်သည်တွေနဲ့စကားပြောနေတုန်း ဘယ်လိုဖြစ်တာလဲ’ ဟု ကျွန်တော်က စိတ်ဆိုး၍ပြောမိသောအခါတိုင်း၊ ‘စိတ်မရှိပါနဲ့ဗျာ။ ခဏလေးပါ။ သူ့ကိုအဆင်ပြေအောင်ပြန်ပြောနေရလို့ပါ။

အဟီး..နားလည်ပေးပါဗျာ’ဟူ၍ အမြဲတမ်းမျက်နှာချိုလေးနှင့် လေပြည်လေးထိုးရှာ၏။ တစ်ရက်လည်းမဟုတ်၊ တစ်လလည်း မဟုတ်။ တစ်နှစ်လည်းကျော်သွား၍ သူ့ကိုလည်း ကျွန်တော်တို့မိတ်ဆွေများက ကြိုးစားကြိတ်မှိတ်ပြီး ခွင့်လွှတ်ရပါတော့ သည်။ ငယ်ငယ်တုန်းက ရပ်ထဲရွာထဲ ကျွန်တော်တို့ပြေးလွှားကစားခဲ့စဉ်က မည်သူမျှအရေးတယူစိတ်ဆိုးခြင်း၊ ကစားစဉ် လေးလေးနက်နက် အသိအမှတ်ပြုခြင်းမခံရသူကို ‘ဘူးသီးပုပ်’ ဟု ဆိုကြသည်။ ကင်ပွန်းတပ်ကြသည်။ အရေးကြီးသော လူမှုရေး၊ သာရေး၊ နာရေး၊ သူတစ်ပါးကို အိတ်သွန်ဖာမှောက် ကူညီတတ်သောမူထန်ကို နီးစပ်သောမိတ်ဆွေများ၊ ကလေး ငယ်များက လေးလေးနက်နက် အသိအမှတ်ပြုကြသည်။

သို့သော်ချစ်သူနှင့်တယ်လီဖုန်းစကားပြောခြင်းကဏ္ဍကိုအားလုံးကမူထန်အား
‘ဘူးသီးပုပ်’ဟူ၍သာတညီတညွတ်တည်းဆုံးဖြတ်ကြသည်။
သန်းခေါင်ယံအချိန်၊နံနက်စောစောသူတစ်ပါးအိပ်စက်အနားယူချိန်များတွင်
သူကအိပ်ရာမှထပြီး’အသည်းလေးရေ၊အေးပါ၊စိတ်ချပါဟာ၊ငါမဆက်သွယ်တော့ပါဘူး’
စသောစသောအပ်ကြောင်းထပ်နေသည့်ပြောဆိုသံကိုကျွန်တော်တို့တစ်တွေလည်း
အလွတ်နီးပါးရနေကြပါပြီ။

တစ်ခါတစ်ရံမူထန်သည်ကျွန်တော်နှင့်မိခင်ကြီးတို့နေထိုင်သောအိမ်တွင်လာပြီး
ညအိပ်ကာDVDရုပ်ရှင်များကိုလာလာကြည့်တတ်သောကြောင့်ဖြစ်သည်။
‘ကိုမူထန်ရယ်ခင်ဗျားကိုတယ်လီဖုန်းထဲကနေတောင်ဒီလောက်စီးပိုးပြီး
နိုင်နေရင်ခင်ဗျားနဲ့သူနဲ့ညားလို့ကတော့မူထန်ဆိုသောပုဂ္ဂိုလ်ကိုနဖားကြိုးကလေးနဲ့
တောင်တွေ့ရမလိုဖြစ်နေပြီဗျာ’ဟုကျွန်တော်ကပြောမိလိုက်သောအခါ..
‘ဒီမှာဆရာသမား၊ခင်ဗျားမို့လို့ပြောမယ်ဗျာ။ဒါအချစ်ရဲ့လျှို့ဝှက်ချက်၊
တကယ့်နည်းပဲ။အပြင်ပန်းကကြည့်ရင်သူကကျွန်တော့်ကိုနိုင်တယ်လို့ခင်ဗျား
ထင်တာမဟုတ်လား။ဘယ်ကလာ၊တကယ်နိုင်နေပြီးအားလုံးကိုစီမံခန့်ခွဲနေတာ
ကျွန်တော်စမူထန်ပါခင်ဗျာ’ဟူ၍မိမိကိုယ်ကိုမိမိအလွန့်အလွန်ယုံကြည်သောမျက်နှာ
ထားနှင့်ကျွန်တော့်ကိုတုံ့ပြန်သည်။

ထို့ကြောင့်သူ့အား’လေးစားလောက်ပါတယ်ဆရာကြီးမူထန်ရယ်’ဟူ၍သာအလေးပြုဆလံပေးရပါတော့သည်။
ဘယ်သူတွေဘာပဲမြင်မြင်၊ဘာတွေပဲပြောပြောမူထန်နှင့်ချစ်သည်းညှာတို့ကား
နေ့စဉ်၊ညစဉ်၊သန်းခေါင်ယံ၊နံနက်စောစော၊ဒီကြားထဲအခန့်မသင့်၍မလေးရှားမှ
ခေါ်သောတယ်လီဖုန်းခေါ်ဆိုမှုများတို့ကိုလည်းကျေကျေနပ်နပ်ကြီးလက်ခံပြောဆိုပြီး၊
သူတို့နှစ်ဦးသားလေလှိုင်းတွင်မဟာမေတ္တာနန်းတော်ကြီးတည်ဆောက်နေသည်ကိုတော့
အားကျအတုယူလောက်ပါပေသည်။
တစ်နေ့၊ညနေပိုင်းကျွန်တော့်အိမ်တွင်စမူထန်တစ်ယောက်ညစာလာစား
သည်။ပုံမှန်ချစ်သူဖြစ်သူနှင့်စကားတွေပြောနေရင်း၊ထူးဆန်းစွာမူထန်တစ်ယောက်
ဒေါသမာန်ပြင်းပြင်းနှင့်တယ်လီဖုန်းကိုထမင်းစားပွဲပေါ်သို့ပစ်ချလိုက်ရင်း..
‘တော်ပြီ၊တော်ပြီ။ဒီလောက်တောင်နားလည်ပြီးလိုက်လျောနေတာဒီတစ်ခါ
တော့ကမ်းကုန်သွားပြီ။ဒီထက်ပိုပြီးလိုက်လျောလို့ကတော့ငါ့ခေါင်းပေါ်မစင်တက်စွန့်
ဖုိ့ပဲကျန်တော့တယ်’ဟူ၍ခက်ထန်ကျယ်လောင်သောနာကျင်သောအသံ၊မျက်နှာ
ကလည်းရဲရဲနီကာဒေါသအရှိန်များတဖိန်းဖိန်း၊တဟိန်းဟိန်းတောက်နေသည်။ပြီးတော့
လည်း’ပြတ်ပြီဟေ့၊ပြတ်ပြီ။မူထန်ကချစ်ရင်အသေချစ်သလို။ပြတ်ပြီဆိုရင်လည်း
ဘယ်လိုမှပြန်ဆက်လို့မရအောင်ပြတ်တဲ့ယောက်ျားထဲမှာနံပါတ်တစ်ကွ’
ထူးဆန်းစွာကျွန်တော်လည်းသူ့ကိုစိုက်ကြည့်ရင်း’ဘယ်လိုဖြစ်တာလဲဗျာ’
ဟူ၍အံ့သြစွာဖြင့်မေးလိုက်မိသည်။

‘ဘာမှရှည်ရှည်ဝေးဝေးမပြောချင်တော့ဘူး။သည်းခံနိုင်မှုအစွမ်းတွေကျွန်တော့်
ဆီမှာကုန်သွားပြီဗျ။လူကဘောင်းဘီချွတ်ပြီးထမီတောင်ဝတ်ရမယ့်ဘဝရောက်နေ
တယ်ဗျ။ကိုယ့်ရဲ့အမှား၊အားနည်းချက်ကိုပဲနင်းနင်းနေတာဒီနေ့၊ဒီအချိန်၊ဒီညမှာ
မူထန်တစ်ယောက်ပြတ်ပြတ်သားသားဆုံးဖြတ်လိုက်ပြီ။ငါ..ပြတ်ပြီဟေ့’
မျက်လုံးကလည်းဒေါသမီးတွေဟုန်းဟုန်းတောက်နေသည်။’စိတ်ထိန်းပါဦး
ဆရာသမားရယ်’

‘ဟာခင်ဗျား..တကယ်ပဲပြတ်နိုင်လို့လားမူထန်ရာ’ဟုအံ့သြစွာဖြင့်
ကျွန်တော်သေချာအောင်မေးလိုက်မိသည်။

‘ဟေ့မူထန်ဆိုမှ၊တစ်မူထန်တည်းရှိတယ်။ပြတ်ပြီဆိုရင်တိခနဲ၊ဒိုင်းခနဲပဲ’
ဟူ၍သာ။ကျွန်တော်လည်းဆက်ပြီးသိပ်မမေးဝံ့တော့။ဒီဒေါသမီးလျှံကြီးကျွန်တော့်
ဘက်သို့မြားဦးလှည့်ပြီး၊ဦးတည်လာလေမည်ဆိုပြီးဆိတ်ဆိတ်သာနေလိုက်မိသည်။
သူပစ်လိုက်သောတယ်လီဖုန်းကိုပင်ကောက်၍ရိုရိုသေသေလေးပြန်ပေး
လိုက်မိသည်။

‘ကျုပ်တယ်လီဖုန်းနံပါတ်ပြောင်းတော့မယ်’ဟုနှုတ်မှရေရွတ်၏။
‘ဟာပြတ်လှချည်လားဆရာသမားရယ်။မိန်းကလေးဘက်ကိုလည်းငဲ့ပါဦးဗျာ’
‘တော်တော်၊ခင်ဗျားကျုပ်ကိုဘာမှဒီအမျိုးသမီးအကြောင်းလာမပြောနဲ့
တော့’
မိမိလည်းငြိမ်၍သာနေလိုက်မိသည်။

‘သြော်နှစ်နှစ်ကာကာချစ်ခြင်း၏အစွန်းတစ်ဖက်တွင်ဒေါသ၊အမုန်းဖြင့်
ပြင်းပြင်းထန်ထန်လောင်ကျွမ်းတတ်သောဟုန်းဟုန်တောက်နေသည့်မီးသမုဒ္ဒရာကြီး
ရှိသည်’ဆိုခြင်းကိုကျွန်တော်မူထန်၏အဖြစ်အပျက်မှကြီးမားစွာသင်ခန်းစာရယူခဲ့ပါသည်။
နောက်နာရီဝက်အတွင်းကျွန်တော့်တယ်လီဖုန်းမှခေါ်ဆိုသံကြောင့်တယ်လီဖုန်း
ကိုကောက်ကိုင်ရင်းနံပါတ်ကိုကြည့်လိုက်တော့မလေးရှားမှခေါ်ဆိုခြင်းဖြစ်သည်။

‘ဟေ့ဆရာသမား၊ဒီမှာမလေးရှားကခေါ်နေတယ်။ကျွန်တော်ကိုင်လိုက်ရ
မလား’ဟုသူ၏မျက်နှာအရိပ်အကဲကိုကြည့်ရင်းလေပြည်လေးထိုးပြီးမေးမိလိုက်သော
အခါ..
‘ဟာ..ဒီအမေရိကန်ကဒီမိုကရေစီနိုင်ငံ။ ခင်ဗျားကိုင်ချင်ရင်ကိုင်၊ မကိုင်ရင်
ကျွန်တော့်လို တယ်လီဖုန်းကိုပစ်ထုတ်လိုက်ပေါ့။ တစ်ဦးချင်းရဲ့လွတ်လပ်တဲ့အခွင့်အရေးကို
ဘာမှဝင်ရောက်မစွက်ဖက်လိုဘူး။ဒါပဲ’
‘အေးပါဗျာ၊အေးပါ’ဟူ၍တယ်လီဖုန်းအဝင်ကိုလက်ခံစကားပြောမည့်ခလုတ်
ကိုလည်းနှိပ်ရင်းသူ၏ဒေါသမီးလျှံနှင့်တဟုန်းဟုန်းတောက်နေသည့်မျက်နှာကိုလည်း
အကဲခတ်ရင်း…

‘ဘယ်သူလဲ၊ဘယ်ကလဲကွ’ဟုအသံခပ်မာမာထန်ထန်နှင့်ကျွန်တော်က
မေးလိုက်သောအခါ..
‘အစ်ကို၊ကျွန်မကမူထန်ရဲ့ချစ်သူပါ။ကူညီပါဦးအစ်ကိုရယ်။သူကျွန်မကို
အရမ်းစိတ်ဆိုးသွားတယ်ထင်တယ်။ကျွန်မဖုန်းထပ်ပြီးခေါ်နေတာလည်းမကိုင်တော့ဘူး။
တစ်ခါမှလည်းကျွန်မကိုဒီလိုဒေါသမထွက်ဖူးဘူး။ဘာဖြစ်သွားသလဲမသိပါဘူး
အစ်ကိုရယ်။ကျွန်မကိုကူညီပါဦး’

‘ဟေ့..အခုမှလာပြီးအသံချိုလေးနဲ့ငါတို့ကိုလာပြီးချော့မနေနဲ့။မင်းအတော့်
ကိုလွန်တဲ့မိန်းကလေးပဲ။ဒီလောက်တောင်သည်းခံနိုင်စွမ်းရှိပြီးသုညအမှတ်အောက်
နှိမ့်ချတဲ့ငါ့သူငယ်ချင်းကိုမင်းစော်ကားအနိုင်ယူတာသိပ်များနေပြီ။သူ့ကိုလည်းမပတ်
သက်နဲ့။ငါ့ကိုလည်းလာလာပြီးဆက်သွယ်စရာမလိုဘူးကွ..ဒါပဲ’
ပြင်းပြင်းထန်ထန်တုံ့ပြန်ပြောဆိုပြီးကျွန်တော်တယ်လီဖုန်းချလိုက်သည်။
‘ဒါပဲ..ဒါပဲ။ဒီလိုကိုပြတ်ရမယ်။’ဟုစမူထန်မှအေးစက်သောအပြုံးနှင့်၊
မျက်နှာကလည်းကျွန်တော့်ဘက်ကိုမလှည့်၊ပြတင်းပေါက်ကိုကျော်လွန်ပြီးလျှပ်စစ်
မီးရောင်တွေကြားမှမှိန်မှိန်လေးလင်းလက်နေသည့်ကောင်းကင်ယံကိုကြည့်နေသည်။
အေးလေ၊သူတို့ရဲ့အချစ်အလင်းမီးအိမ်လေးလည်းမီးစာငြိမ်း၍မှေးကာ
မှိန်သွားတော့မည်ကိုး။

အချိုသာဆုံးအသံကိုသုံးရင်းကျွန်တော်က’ဆရာသမားရယ်၊ဒီတစ်ယောက်
အဆင်မပြေတော့လည်းနောက်တစ်ယောက်ပေါ့ဗျာ’ဟူ၍ပြောလိုက်မိသောအခါ..
‘တော်..တော်။ခင်ဗျားကျုပ်ကိုဘာမှလာပြီးထပ်မပြောနဲ့တော့ဗျာ။ဒီ
မိန်းမတွေကိုအတိုင်းအတာကအဆုံးမဲ့ကိုစိတ်ကုန်သွားပြီဗျာ။ကျွန်တော်အခြေအနေ
ပေးရင်တောင်ခရစ်ယာန်ဘုန်းကြီးလုပ်ပစ်လိုက်ချင်တယ်ဗျာ။တကယ်တကယ်စိတ်ကုန်
သွားပြီ။’

မူထန်သည်အံကိုကြိတ်၊လက်သီးကိုလည်းဆုပ်ထားသည်။
ဘယ်လောက်တောင်ကြေကွဲနာကြည်းသွားပြီလဲမသိပါ။ထိုနာကျင်မှုအတိုင်း
အဆကိုသူတို့နှစ်ဦးပဲနားလည်ပေတော့မည်။

‘ကျွန်တော်အသက်(၈ဝ)နားကပ်နေတဲ့အမေ့ကိုပဲလုပ်ကျွေးတော့မယ်။ဒီ
အမေရိကန်မှာအတိုင်းအတာတစ်ခုလောက်အထိပဲနေပြီးအဆင်ပြေရင်ဟင်္သာတကိုပဲ
ပြန်တော့မယ်ဗျာ။..ညဆယ်နာရီတောင်ကျော်နေပြီ၊ကျွန်တော်အိမ်ပြန်တော့မယ်’
‘ဟာ..ခင်ဗျားဒီမှာပဲအိပ်ပါဗျာ။မိုးလည်းချုပ်နေပြီ။ဇာတ်ကားလေး
တစ်ကားလောက်ကြည့်ပြီးမှအိပ်ကြတာပေါ့ဗျာ’ဟုကျွန်တော်ကပြောတော့၊
‘ဆောရီးပါ၊ကျွန်တော်ဘယ်သူ့ကိုမှလည်းစကားမပြောချင်ဘူးဗျာ။ဘာရုပ်ရှင်
ဇာတ်ကားမှလည်းမကြည့်ချင်တော့ဘူး။ဒီညတော့နားလည်ပေးပါဗျာ’
‘အေး..အေး။ခင်ဗျားစိတ်သက်သာသလိုနေပါဗျာ’ဟူ၍သာကျွန်တော်
သူ့ကိုနှစ်သိမ့်ပေးရင်းအိမ်ပြင်တံခါးဝအထိလိုက်ကာသူနှင့်အတူလမ်းလျှောက်ရင်း၊

‘ဂွတ်နိုက်ပါကိုမူထန်၊ဂွတ်နိုက်’

သူကားကျွန်တော့်ကို’ဂွတ်နိုက်”ကောင်းသောညချမ်းပါ’ဟူ၍ပြန်၍ပင်
နှုတ်မဆက်နိုင်တော့။အမေရိကန်နိုင်ငံအထိပင်ဈေးကွက်ထိုးဖောက်နိုင်သောတရုတ်
နိုင်ငံလုပ်တစ်ပတ်ရစ်စက်ဘီးကလေးကိုနင်း၍သူ၏နေအိမ်ဘက်သို့တရွေ့ရွေ့နှင့်
ဦးတည်သွားလေသည်။အမေရိကန်နိုင်ငံ၊ဘာဖလိုမြို့၏အနောက်ပိုင်းရပ်ကွက်တွင်
လျှပ်စစ်မီးရောင်များကားလင်းလက်ထိန်ထိန်သာလျက်။သို့သော်နွေဦးကာလ
ကောင်းကင်ယံဟင်းလင်းပြင်တွင်ကြယ်များကမလင်းတလင်းမှိန်မှေးလျက်သန်းခေါင်ယံ
တွင်မိုးများရွာလိမ့်မည်လားမသိ။မိုးသားတွေမှိုင်းမှုန်နေသလိုကိုမူထန်၏နှလုံးသား
ကောင်းကင်ယံတွင်တိမ်မည်းတိမ်ပုပ်တွေထူထပ်သိပ်သည်းစွာအုပ်မိုးထားနေ
ပေလိမ့်မည်လား။လျှပ်စီးတွေတဖြန်းဖြန်းလက်၍ထစ်ချုန်းမိုးကြီးရွာတော့မလိုကိုမူထန်
၏နှလုံးသားမှကြေကွဲမှုထစ်ချုန်းမိုးကြီးသည်းကြီးမည်းကြီးဒေါသအညှိုးနှင့်ရွာသွန်း
ကာနေပေပြီ။တဖြောင်းဖြောင်းနှင့်နာကြည်းမှုအစိုင်အခဲအတုံးကြီး၊အတုံးသေးမိုးသီး
တွေတောင်ရော၍ရော၍ရွာသွန်းနေပြီကော။

သူ၏ကျောပြင်ကိုငေးကြည့်ကာကျွန်တော်တွေးမိနေသည်။
‘ကောင်းသောညချမ်းပါကိုမူထန်၊ကောင်းသောညချမ်းပါ။’
ဒီလိုနှင့်ပြင်းထန်ရိုင်းစိုင်းကြမ်းတမ်းသည့်အချစ်၏မုန်တိုင်းဒဏ်ကိုခံလိုက်
ရသည့်စမူထန်၏ဘဝလှေငယ်လေးသည်လူ့အသက်တာဆိုသောဘဝပင်လယ်ပြင်
ကြီးဝယ်တစ်စစီဖြစ်ကာကြေမွပျက်စီးသွားပေပြီကော။သြော်..အချစ်..အချစ်
ဆိုသည်မှာတစ်ခါတစ်ရံ၌လူသားများ၏ဘဝတွေကိုအမှောင်ဖုံးစေပြီးအနာဂတ်ဘဝကို
အဆုံးသတ်စေတတ်သည်မဟုတ်လား။

(၃)ရက်လောက်အချစ်ကပ်ဘေးသင့်နေသည့်ကိုမူထန်နှင့်ကျွန်တော်မတွေ့
ဖြစ်တော့ပါ။ရုံးကပေးသောတာဝန်များနှင့်လုံးလည်ချာလည်လိုက်နေသည်။
နီးစပ်ရာမြို့များနှင့်အခြားနိုင်ငံမှမြန်မာပြည်ဖွားတို့အမေရိကန်နိုင်ငံနွေရာသီ
ကာလတွင်ကမ္ဘာကျော်နိုင်ဂရာရေတံခွန်ကြီးဆီသို့လာရောက်လည်ပတ်သောအခါ
ကျွန်တော့်အိမ်တွင်တည်းခိုတတ်သည်။ဧည့်သည်များကိုအိမ်ရှင်တို့၏ဝတ္တရားအတိုင်း
ဧည့်ဝတ်ကျေနိုင်ရန်အတွက်အသက်(၇ဝ)နှစ်ကျော်အရွယ်မိခင်ကြီးကချက်သည်၊
ပြုတ်သည်၊ကြော်သည်၊လှော်သည်။ဒီကြားထဲအီရီမြစ်အတွင်းမှရွှေကရင်တို့ည
သန်းခေါင်ယံသို့မဟုတ်လူပြတ်ချိန်တွင်ခိုး၍ဖမ်းထားသောငါးကလေးများဖြင့်ရိုးရာ
တစ်စက်ကလေးမှမပျက်အောင်စီမံထားသောငပိကိုလည်းကျိုလိုက်သေးသည်။
သွားရည်တများများနှင့်မြန်မာပြည်ဖွားတို့ကမီးဖိုချောင်မှဝေ့၍သင်းလာသော
ငပိ၏ရနံ့ကိုအရသာအပြည့်နှင့်ခံစားရင်းတစ်ခါတစ်ရံ’တညင်းသီးအိုးစိမ်လေး၊
ဘာလေးမရှိဘူးလားဗျာ’ဆိုပြီးရမ္မက်ရင်းထကြပြန်သည်။

‘ဟာရတာပေါ့ဗျာ..၊.မပူနဲ့ကျွန်တော်ဗမာဆိုင်သွားပြီးဝယ်ပေးပါ့မယ်’
ဆိုပြီးစက်ဘီးကိုနင်းသို့မဟုတ်လမ်းလျှောက်ပြီးတညင်းသီးဖန်ဘူးစိမ်ထွက်ဝယ်ရသည်။
မြန်မာနိုင်ငံတွင်တော့တညင်းသီးအိုးစိမ်၊ဒီဘာဖလိုမှာတော့ထိုင်းနိုင်ငံမှ
အမေရိကန်သို့တင်သွင်းသောဖန်ဘူးအလုံပိတ်တညင်းသီးပြုတ်၊တညင်းသီးဆားစိမ်
အစုံ၊အစုံရသည်။ထိုင်းနိုင်ငံမှတင်သွင်းသောစားသောက်ကုန်ကုမ္ပဏီကြီးများကလည်း
ဒီအမေရိကန်နိုင်ငံတွင်သူတို့၏မဟာဖောက်သည်၊သစ္စာရှိသောဖောက်သည်မြန်မာ
နိုင်ငံသားများရှိသည်ကိုအခိုင်အမာသိရှိပြီး၊ဖန်ဘူးအလုံပိတ်တွင်အင်္ဂလိပ်စာ၊ထိုင်းစာ
အပြင်’တညင်းသီးအိုးစိမ်’ဟူ၍တလေးတစားရေးထားပြီးသတ္တိရှိရှိအမေရိကန်
စားသောက်ကုန်ဈေးကွက်အားမြန်မာပြည်ဖွားဒုက္ခသည်ကရင်၊ဗမာ၊ရှမ်း၊ချင်း၊
ကရင်နီတို့အားကိုးဖြင့်ဝင်လာပုံရသည်။

ငပိနံ့ကအိမ်တွင်ဝေ့၍သင်းဝဲကာရနံ့တန်ခိုးပြရုံမကအိမ်အပြင်သို့လည်း
ထွက်သည်။ငပိရည်အိုးကျိုသောအခါအိမ်မှပြတင်းပေါက်များကိုအကုန်နီးပါး
ဖွင့်ထားရသည်။အလွန်အရသာရှိသောငပိနှင့်တို့စရာထမင်းဝိုင်းကိုစုံစုံမက်မက်
မြတ်မြတ်နိုးနိုးရှိသော်လည်းအိမ်တွင်ကြိုင်လှိုင်၍စွဲကပ်နေသည့်အနံ့ဆိုးကို
မြန်မာပြည်ဖွားများနှင့်အမေရိကန်နိုင်ငံသားတို့ဘယ်လိုမှမခံစားနိုင်။
စိမ်းရွှေရွှေ၊အသားပုပ်နံ့လိုလို၊ရေဆိုးမြောင်းမှစိမ့်ထွက်လာသောမသတီစရာ
အနံ့ကြီးကိုရပြီဆိုပါကအိမ်နီးချင်းအမေရိကန်တို့ကလည်းထိုင်နေရင်း၊သို့မဟုတ်
မိသားစုစကားပြောနေရင်း၊တစ်မှေးလေးအိပ်စက်နေတာကိုပင်ချက်ချင်းရပ်ကာ
ပတ်ဝန်းကျင်ကိုအကဲခတ်သည်။အိမ်အပြင်သို့ထွက်ကာအနံ့၏ရင်းမြစ်ကိုသည်းသည်း
မည်းမည်းရှားလော့ဟုမ်းနည်းဖြင့်စနစ်တကျခြေရာခံ၏။

အညိုရောင်မီးခိုးမျှင်လေးသန်းကာထွက်လာသည့်မြန်မာပြည်ဖွားဒုက္ခသည်
တို့၏မီးဖိုချောင်သည်ထိုအနံ့၏ဇာစ်မြစ်ဖြစ်သည်ကိုအတိအကျသိရှိပြီးသည်နှင့်“911”
တယ်လီဖုန်းနံပါတ်ကိုတစ်ခါတည်းခေါ်ကာရဲကိုအကြောင်းကြားပါတော့သည်။
မိနစ်ပိုင်းအတွင်းကြောက်လန့်ဖွယ်ရာဥသြဆွဲသံများနှင့်ရဲကား၊မီးသတ်ကား၊
ဆေးရုံကားတန်းကြီး၊ထိုရွှေနိုင်ငံသားမြန်မာပြည်ဖွား၏အိမ်သို့ရောက်ရှိလာပေသည်။
အိမ်ကိုမီးသတ်ကအတင်းဖွင့်သည်။သူတို့တစ်တွေကလည်းအမေရိကန်
စစ်သည်တို့အီရတ်နိုင်ငံမှဆတ်ဒမ်ဟူစိန်ကိုစစ်ဆင်သည့်အတိုင်းဓာတ်ငွေ့ကာခေါင်းစွပ်
ကြီးများတောင်စွပ်ထားလိုက်သည်။

ထိုအခါမီးဖိုချောင်ထဲသီချင်းလေးတညည်းညည်းဖြင့်ငပိအိုးလေးကျို၊
ဟင်းချိုရည်လေးနွှေးနေသောမြန်မာပြည်ဖွားမှာကိုယ့်ကိုယ်ကိုယ်ပင်ပြန်၍ထိန်းချုပ်
၍မရလောက်အောင်တုန်ရီကြောက်ရွံ့ပြီး၊ဒူးတွေလည်းတဆတ်ဆတ်တုန်ကာ’ရဲတွေ၊
မီးသတ်တွေ၊ဓာတ်ငွေ့ကာမျက်နှာဖုံးစွပ်တွေနဲ့ငါ့ကိုဘာလုပ်ကြပါတော့မလဲ..ကယ်ပါ
အမေ၊ကယ်ပါဘုရားရှင်’ဆိုတာတွေဖြစ်ပြီးဒူးတုပ်၍ထိုင်ရတော့သည်။
မိသားစုဝင်တို့ကလည်းအမေရိကန်၏ကုန်သွယ်ရေးအဆောက်အဦနှစ်ခုအား
လေယာဉ်ပျံဖြင့်တိုက်ခိုက်သော(9/11)တစ်ကျော့ပြန်လာပြီလား၊သို့မဟုတ်မိမိတို့
မိသားစုသည်ကမ္ဘာကြီးအားဖျက်ဆီးနေသောအဆင့်တွင်ပါသွားပြီဟုအားလုံး
ကြောက်ရွံ့ပြီးကလေးငယ်များတို့နှင့်အတူသံပြိုင်ငိုကြတော့သည်။
အစဉ်ခွဲခြားမှုမရှိဘဲကူညီတတ်သည့်ရဲ၊မီးသတ်တို့ကလည်းဒီအချိန်တွင်
အသံကိုအကြမ်းတမ်း၊အခက်ထန်ဆုံးဖြင့်အမိန့်ပေးလေသည်။တစ်အိမ်လုံးကို
ပိုက်စိတ်တိုက်ရှာသည်။ပြီးတော့မှသင်းသင်းလေးထွက်လာသောအနံ့၏သန္ဓေတည်ရာ
ငပိအိုးကိုတွေ့ရှိသွားတော့သည်။

ငပိအိုးကိုဦးစွာမကိုင်ဝံ့၊အိမ်ရှင်အားလက်ညှိုးထိုးပြီးဘာလဲဟုမေး၏။
ရှိသမျှသောတစ်ဘဝလုံးသင်ကြားလာခဲ့သည့်အင်္ဂလိပ်စာတို့ကိုရွှေမြန်မာကဒီအချိန်တွင်
မိမိ၏ဘဝ၊မိမိ၏မိသားစုဘဝနှင့်ရင်းပြီးချွေးပြန်နေသောမျက်နှာပြင်ကိုတုန်ရီနေသည့်
လက်ဖြင့်သုတ်ရင်း’သစ်အစ်ဘားမိဖု၊သစ်အစ်ဘားမိဖု’ဟူ၍သာတွင်တွင်အော်ပါ
တော့သည်။

စိုးရိမ်မှုသတိအနေအထားတို့ဖြင့်ခက်ထန်သောမျက်လုံးများပိုင်ရှင်မီးသတ်၊
ရဲတို့အားလက်ကိုကာပြပြီးမီးဖိုနားကပ်ကာ၊ဂက်စ်ခလုတ်ကိုပိတ်သည်။ပြီးတော့မှ
ငပိအိုးထဲလက်ညှိုးထည့်ပြီးလျှာဖြင့်လျက်ပြရသည်။
ကလေးငယ်နှစ်ဦးကလည်းဒီရဲတွေကိုရှင်းပြနိုင်ဖို့အင်္ဂလိပ်စာနှင့်ဗဟုသုတ
ကလည်းအဘယ်မှာရှိမည်နည်း။ရှိသည်ဆိုလည်းထားဦး၊မိဘနှစ်ပါးတောင်မိမိတို့၏
မြင်ကွင်း၌ရဲ၊မီးသတ်တို့ကိုတုန်နေအောင်ကြောက်ရွံ့နေလျှင်သူတို့လေးတွေခမျာ
လည်းအဘယ်သို့ရှင်းပြနိုင်ပါမည်နည်း။

မည်သူတစ်စုံတစ်ဦးကအကူအညီတောင်းလိုက်သည်မသိ။ဒုက္ခသည်များ
ဘဝအသစ်နေရာချထားရေးရုံးမှဗမာ၊ကရင်ဘာသာစကားကျွမ်းကျင်သူလည်းရေးကြီး
သုတ်ပြာအိမ်သို့ဝင်လာသည်။ရဲမှတစ်ဆင့်ဒုက္ခသည်ဆိုင်ရာရုံးမှတာဝန်ရှိသူကို
အကြောင်းကြား၊ရုံးကလည်းမြန်မာနိုင်ငံအရေးကိုသူတို့ထက်ပို၍သိသောစကားပြန်
ဆိုသူများကိုအရေးပေါ်အိမ်လိပ်စာကိုပေး၍လွှတ်ရတော့သည်။
စကားပြန်ဖြစ်သူကလည်းရေးကြီးသုတ်ပြာကိစ္စမို့ရှိနေသောအရပ်မှအမြန်ဆုံး
လိပ်စာရှိရာသို့ထွက်ခဲ့သည်။ရဲများ၊မီးသတ်များရှေ့တွင်မျက်နှာကအလွန်မောပန်းပြီး
စိုးရိမ်စိတ်ရှိသောမျက်နှာထားကိုအတတ်နိုင်ဆုံးအမြင့်ဆုံးဒီဂရီအထိတင်း၍ပြထားသည်။
သို့သော်စိတ်ထဲတွင်အလွန်မှကြိတ်၍ကြည်နူးကာပျော်နေသည်။
ဒီလိုအရေးပေါ်ဒုက္ခသည်ရုံးကစကားပြန်ဖို့ခိုင်းလိုက်လျှင်မိမိကဒီအချိန်
အတွက်သတ်မှတ်ထားသောနှုန်းထက်(၂)ဆရရှိသွားလေပြီ။
ရဲတွေကိုလည်းပြုံးပြ၊အလွန်စိုးရိမ်နေသောမျက်လုံးအစုံဖြင့်ချစ်သောမြန်မာ
ပြည်ဖွားဒုက္ခသည်မိသားစုကိုလည်းကြည့်။သူ့အတွက်ဒီအချိန်တွင်ကမ္ဘာ့အရေးအခင်း
ကြီးကိုခက်ခက်ခဲခဲကိုင်တွယ်ဖြေရှင်းနေရသောလွန်လေသည့်ကုလသမဂ္ဂအတွင်းရေးမှူး
ကြီး’ဦးသန့်’၏ဝိညာဉ်တောင်လာပြီးပူးကပ်နေသလားတောင်အထင်ရောက်ရှိသွား
သည်။

‘ကဲ..ကဲဘယ်လိုဖြစ်ကြတာလဲဗျာ’ဟူ၍အိမ်ရှင်ကိုမေး။
မိမိ၏ကယ်တင်ရှင်၊မိသားစုကြီး၏မဟာကယ်တင်ရှင်ဖြစ်နေသည့်ကိုရွှေ
စကားပြန်အားဝမ်းသာ၊ဝမ်းနည်းတုန်ရီနေသောကိုယ်ခန္ဓာနှင့်မျက်ရည်လေးပင်ဝဲကာ
အိမ်ထောင်ဦးစီးဖခင်ဖြစ်သူကထိုအချိန်တွင်ကျမှငပိဇာတ်တော်ကြီးကိုခင်းပါတော့သည်။
ဇနီးသည်ကလည်းချုံးပွဲချ၍ငို၊ကလေးငယ်နှစ်ဦးကလည်းသူမနှင့်ရော၍သံပြိုင်ဟစ်ကာ
ငိုတော့သည်။အိမ်တွင်းငိုချင်းကွာယာဆိုနေသည့်နှယ်။
စကားပြန်လည်းထိုအချိန်ကျမှတိတိကျကျပြဿနာရင်းမြစ်၏အဖြေကိုသိရှိပြီး
ရဲနှင့်မီးသတ်၊အရေးပေါ်သူနာပြုယာဉ်မှဝန်ထမ်းများကိုရှင်းလင်း၍ဘာသာပြန်
ပါတော့သည်။

အမေရိကန်တွေကလည်းသူတို့တစ်တွေ၏ဘဝ၌ယခုလိုပြဿနာအထုပ်ကြီးကို
လက်ခံထားသည့်မြန်မာပြည်ဖွားအိမ်ရှင်ဖြစ်သူ၏ပြောစကားများကိုစကားပြန်၏နှုတ်မှ
တစ်လုံးချင်းထွက်နေသည့်အသံလောက်လောကကမ္ဘာတွင်ဘာမျှအရေးမကြီးဟုသတ်မှတ်
ကာတစ်လုံးချင်းစီ၊ဝါကျတစ်ခုစီအထူးဂရုစိုက်၍နားထောင်သည်။
‘အိုးဝှပ်အစ်ငပိ'(Oh!WhatisNgapi?)’ငပိဆိုသည်ကားအဘယ်အရာ
နည်း’ဆိုကာဖြစ်ကုန်သည်။

နောက်ဆုံးတင်းထားသောသူ၊ကယ်ဆယ်ရေးတပ်ဖွဲ့၏သတ္တိ၊မာန်၊စွန့်စားချင်
လိုသောနှလုံး၏အားအင်တို့ကိုလျှော့လိုက်ပြီး၊
‘အိုးမိုင်ဂေါ့’၊’အိုးမိုင်ဂေါ့”ဘုရားရေဘုရားရေ’ဆိုတာတွေဖြစ်သွား
ကြသည်။

အမေရိကန်တစ်ဝှမ်းလုံးရှိပြည်နယ်အသီးသီးတို့၌အခြေချနေထိုင်၊ဘဝသစ်
စသောရွှေမြန်မာနိုင်ငံမှဒုက္ခသည်ထောင်ချီ၊သောင်းချီတို့နှင့်ပတ်သက်ပြီးအမေရိကန်ရဲ၊
မီးသတ်၊ဆရာဝန်၊အစိုးရရုံးအသီးသီးတို့၌အလားတူ’အိုးမိုင်ဂေါ့’၊’အိုးမိုင်ဂေါ့’
ဇာတ်လမ်းတွေရာချီရှိသည်။မယုံမရှိပါနှင့်။
ထိုအဖြစ်အပျက်များအားလုံးကိုရေးပါကကျွန်တော်ဆယ်ကျော်သက်ရွယ်တွင်
ခေတ်စားခဲ့သည့်ဘာသာပြန်တရုတ်သိုင်းဝတ္ထုလိုအတွဲပေါင်း(၂ဝ)ကျော်ကျော်ထက်ပင်
ပို၍သွားပေမည်။

ထို့ကြောင့်ကျွန်တော်သည်ရပ်ဝေးမှဧည့်သည်များအားနာမည်ကျော်ဘာဖလို
ငပိကိုအမေတို့ကျိုတိုင်းပတ်ဝန်းကျင်ကိုထွက်၍မကြာမကြာအကဲခတ်ရသည်။နီးစပ်ရာ
မြန်မာပြည်ဖွားမဟုတ်သူတို့၏မျက်နှာအရိပ်အခြေကိုလေ့လာရန်အိမ်ရှေ့ထွက်ပြီး
ကင်းထောက်ရသည်။

ဒါတောင်မှရိုးရာမပျက်ကရင်လူမျိုးတို့နှစ်သက်ခုံမင်စွာသုံးဆောင်တတ်သော
ဆိတ်ချေးခါး၊ဒရယ်ချေးခါးဇာတ်လမ်းတွေမပါသေးပါ။မျောက်အရှင်ကိုရှာဝယ်၍ဘယ်
လိုမှမတတ်နိုင်သည့်အဆုံးကရင်လူမျိုးအချို့တို့တမ်းတရသောမျောက်ချေးခါး
ဟင်းလျာအစားဆိတ်ချေးခါး၊ဒရယ်ချေးခါး၊အမဲချေးခါးများဖြင့်သာအာသာဖြေနေရ
ရှာသည်။

ဒါကြောင့်လည်းကျွန်တော်အပါအဝင်သူတို့တစ်တွေလည်းပြည့်လျှံပြီးအဆင်
သင့်ချက်ပြုတ်နိုင်ရန်စီမံရောင်းချသောအမေရိကန်ကုန်တိုက်ကြီးများမှကြက်သား၊
ဝက်သား၊အမဲသား၊သိုးသား၊ငါးတို့ကိုလွန်ပြီးဒေါနတောင်တန်း၊တနင်္သာရီတိုင်းဒေသရှိ
တောင်တန်းများနှင့်မုတ်သုံသစ်တောအတွင်းရှိမျောက်၊ချေ၊သမင်၊တောဝက်၊
ရှဥ့်များတို့ကိုတစ်ခါတစ်ရံဘယ်လိုမှတားဆီးချုပ်တည်းမရတော့လောက်အောင်ရမ္မက်
ပြင်းစွာဖြင့်မှန်းဆမိပါတော့သည်။

ဆက်လက်ဖော်ပြပါမည်။
အပိုင်း (၁)
အပိုင်း (၂)
အပိုင်း (၃)
အပိုင်း (၄)
အပိုင်း (၅)
အပိုင်း (၆)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ, လူများ၊ ရုပ်ပုံလွှာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်