ထက်ခေါင်လင်း (Myanmar Now) – ရွေးကောက်ခံအာဏာရှင်စနစ် ပေါ်မယ့်အလားလာ တွေ့ရတယ် (အင်တာဗျူး)

November 4, 2015

မကြာသေးမီက ရန်ကုန်တွင် တွေ့ရသော ဦးသိန်းညွန့် (ဓာတ်ပုံ – ထက်ခေါင်လင်း/Myanmar Now)
ထက်ခေါင်လင်း (Myanmar Now) – ရွေးကောက်ခံအာဏာရှင်စနစ် ပေါ်မယ့်အလားလာ တွေ့ရတယ် (အင်တာဗျူး)
(မိုးမခ) နိုဝင်ဘာ ၄၊ ၂၀၁၅

ယခုတွေ့ဆုံမေးမြန်းခန်းအား Myanmar Now မှ ရယူပါသည်။

အမျိုးသားဒီမိုကရေစီပါတီသစ် ဥက္ကဋ္ဌ ဦးသိန်းညွန့်သည် ပြည်သူ့လွှတ်တော်တွင် အထင်ရှားဆုံးလွှတ်တော်ကိုယ်စားလှယ် များ ထဲတွင် တစ်ဦးအပါအဝင်ဖြစ်သည်။ ဦးသိန်းညွန့်သည် ၂ဝ၁ဝ ရွေးကောက်ပွဲ၊   ရလဒ် လျစ်လျူရှုခံရသည့် ၁၉၉ဝ ပြည့်နှစ်ရွေးကောက်ပွဲတို့တွင်  ရန်ကုန်၊ သင်္ဃန်းကျွန်းမြို့နယ်  မဲဆန္ဒနယ်မှ ရွေးချယ်တင်မြှောက်ခံရသည်။

ဆယ်နှစ်ကျော်ကြာ ပါဝင်လှုပ်ရှားခဲ့သည့် အမျိုးသား ဒီမိုကရေစီ အဖွဲ့ချုပ်  (NLD) က ၂ဝ၁ဝ ရွေးကောက်ပွဲကို သပိတ်မှောက် သောအခါ လုပ်ဖော်ကိုင်ဘက်တချို့နှင့်အတူ အမျိုးသားဒီမိုကရေစီအင်အားစုပါတီကိုထူထောင်ပြီး ရွေးကောက်ပွဲဝင်ခဲ့သူ ဖြစ်သည်။

နောက်ပိုင်းတွင် ဦးသိန်းညွန့်က အမျိုးသားဒီမိုကရေစီပါတီသစ်ကို တည်ထောင်ခဲ့သည်။ မကြာသေးမီက Myanmar Now သတင်းထောက် ထက်ခေါင်လင်းနှင့်တွေ့ဆုံရာတွင် ဦးသိန်းညွန့်က အနာဂတ်လုပ်ငန်းစဉ်၊ အခြေခံဥပဒေပြင်ဆင်ရေးအပေါ် မျှော်လင့်ချက်၊ ရွေးကောက်ပွဲအပြီး NLD ကြုံတွေ့ရမည့် အခက်အခဲများအကြောင်း ပြောပြခဲ့သည်။ တွေ့ဆုံမေးမြန်းချက်များ ထဲမှ ကောက်နုတ် ဖော်ပြလိုက်ပါသည်။

မေး –  ၂ဝ၁ဝ တုန်းက NLD မပါခဲ့တဲ့အတွက် ဦးသိန်းညွန့် အနိုင်ရတယ်လို့ တချို့က ပြောကြတယ်။ အခု NLD ပါလာတော့ ဘယ်လိုအနိုင်ရဖို့ ကြိုးပမ်းမှာလဲ။
ဖြေ – ၂ဝ၁ဝ တုန်းကတည်းက NLD က ကျွန်မ မပါဘဲနဲ့ မဲမပေးပါနဲ့လို့ တိုက်ခဲ့တာပဲ။ ကျွန်တော့်အတွက်က ဘာမှမထူးဆန်း ဘူး။ အဲဒီတုန်းက ကျွန်တော်က မဲကို ၅ဝ ရာခိုင်နှုန်းကျော်နဲ့ အနိုင်ရခဲ့တာ။

အခု ၂ဝ၁၅ မှာ NLD က ကျွန်တော့်ကို ယှဉ်ပြိုင်လာတာ၊ အတိုက်အခံဖြစ်လာတာ မဆန်းပါဘူးဗျာ။ ဒါပေမယ့် ကျွန်တော်က သင်္ဃန်းကျွန်းလူထုကို ယုံကြည်တယ်။ အခု လွှတ်တော်တွင်း၊ လွှတ်တော်ပြင်ပမှာရော သင်္ဃန်းကျွန်းမြို့နယ်ရဲ့ ဖွံ့ဖြိုးရေး ကို ဆောင်ရွက်နိုင်ခဲ့သလို သင်္ဃန်းကျွန်းလူထုရဲ့ ဂုဏ်သိက္ခာကို မြှင့်တင်ပေးနိုင်ခဲ့ပြီ။ ဒါ့ကြောင့် သင်္ဃန်းကျွန်းလူထုဟာ  ကျွန်တော့်နောက်က ခိုင်ခိုင်မာမာရပ်တည်မယ်လို့ ကျွန်တော်ယုံကြည်ပါတယ်။

မေး –  သင်္ဃန်းကျွန်းဒေသခံတချို့ရဲ့ ပြောဆိုချက်တွေ၊ အင်တာနက်စစ်တမ်းတွေအရ ဆိုရင်  တော်တော်များများက NLD ကို မဲပေးမယ်လို့ ဆိုကြတယ်။ 
ဖြေ – ခင်ဗျားတို့ကောက်တဲ့စစ်တမ်းတွေ၊ အင်တာနက်က ကောက်တဲ့စစ်တမ်းတွေဟာ ဘယ်လောက်ခိုင်မာယုံကြည်စိတ်ချ ရလို့လဲ။ တခါတလေ အင်တာနက်မှာဖန်တီးနေတဲ့ စစ်တမ်းတွေဟာ NLD အနိုင်ရဖို့အတွက် အစီအမံကျကျနဲ့ လုပ်နေတဲ့ ဝါဒဖြန့်မှုတွေပဲ ဖြစ်ပါတယ်။ ငွေကြေးမတောင့်တင်းတဲ့အတွက် ကျွန်တော် ဘယ်မီဒီယာမှာမှ ကြော်ငြာမထည့်ဘူး။ သင်္ဃန်း ကျွန်းမှာ NLD ကို မဲပေးမယ်လို့ဆိုတာ NLD အဝန်းအဝိုင်းကို သွားမေးရင်တော့ ဟုတ်မှာပေါ့။ ကျွန်တော် ကူညီ ပေးခဲ့တဲ့ ဆင်းရဲသားရပ်ကွက်တွေကို သွားမေးရင်တော့ ဘယ်သူ့ကိုမဲပေးမယ်ဆိုတာ နိုဝင်ဘာ ၈ ရက်နေ့ကျရင် အဖြေထွက်မှာပါ။

မေး –  ၂ဝ၁ဝ၊ ၂ဝ၁၅ ရွေးကောက်ပွဲတွေ ဝင်ခဲ့ရတဲ့ အဓိကအကြောင်းရင်းတွေက ဘာလဲ။

ဖြေ –  ဝင်ပြိုင်ရတဲ့အကြောင်းအရင်းကလည်း ဒီ ၂ဝဝ၈ ဖွဲ့စည်းပုံအခြေခံဥပဒေကို မပြင်နိုင်ဘူးဆိုတာသိတယ်၊ အဲဒီတော့ ဒီအခြေခံ ဥပဒေထဲကနေ လူထုအတွက် တတ်နိုင်သမျှ ဒီမိုကရေစီအရေး၊ လူ့အခွင့်အရေးတွေရအောင်လုပ်မယ်ဆိုပြီး ဝင်ခဲ့ တာ။

ဖွဲ့စည်းပုံမပြင်ရင် ရွေးကောက်ပွဲမဝင်ဘူး၊ သပိတ်မှောက်တယ်ဆိုတဲ့ လူတွေက ၂ဝ၁ဝ ရွေးကောက်ပွဲ ကျွန်တော်တို့ ဝင်တဲ့ အခါမှာ ကျွန်မ မပါရင် မဲမပေးနဲ့ဆိုပြီးတော့ အပြင်းအထန် တိုက်ခိုက်ခဲ့တယ်။ သူတို့ရဲ့ တိုက်ခိုက်ချက်တွေကို ကြံ့ခိုင်ရေးက အသုံးချပြီးတော့ ကျွန်တော်တို့ကို နိုင်ငံရေးအရ ထိုးနှက်ခဲ့တယ်။ သို့သော် သင်္ဃန်းကျွန်းလူထုရဲ့ ပြတ်သားတဲ့ ဆုံးဖြတ် ချက်ကြောင့် ၂ဝ၁ဝ ရွေးကောက်ပွဲမှာ အောင်နိုင်ခဲ့ပြီးတော့ ဒီ ၅ နှစ်ဝန်းကျင်မှာ သင်္ဃန်းကျွန်းမြို့နယ်ရဲ့ ဂုဏ်သိက္ခာကို မြှင့်တင်ပေးနိုင်ခဲ့ပြီး မြို့နယ်ရဲ့ ဖွံ့ဖြိုးရေး လုပ်ငန်းတွေကို လုပ်ပေးနိုင်ခဲ့ပြီ။ သင်္ဃန်းကျွန်းလူထုကိုလည်း တရားဥပဒေ စိုးမိုးမှုရဲ့ အကာအကွယ်ရအောင် ပေးနိုင်ခဲ့ပြီ၊ လွှတ်တော်အတွင်းရော လွှတ်တော်အပရောပေါ့။  သင်္ဃန်းကျွန်း ပြည်သူ တွေအတွက် လမ်း၊ ရေ၊ မီး၊ အိမ်သာကအစ လုပ်ပေးခဲ့ပြီးပြီ။ နိုင်ငံရေးအရ ကျွန်တော်အနိုင်ပိုင်းမယ်ဆိုရင် သင့်တော် တဲ့ အခြေအနေပါ။ ဒါပေမယ့် အခု တိုင်းပြည်မှာ ရွေးကောက်ခံအာဏာရှင်စနစ် ပေါ်မယ့်အလားလာ တွေ့ရတယ်။ ဒါဟာ ဒီမိုကရေစီ အသွင်ကူး ပြောင်းမှုမှာ မလိုလားအပ်တဲ့ဟာ။ အဲဒါကို လွှတ်တော်အတွင်းမှာ တားဆီးနိုင်ဖို့။ လူတိုင်းဟာ သမ္မတ ဖြစ်ချင်နေရင်၊ အစိုးရဖြစ်ချင်နေရင် ဒီမိုကရေစီရဲ့အနှစ်သာရတွေ ပျက်သွားလိမ့်မယ်။ ဒီမိုကရေစီဆိုတာ မတူခြားနားတဲ့ အမြင်တွေကို နားထောင်ရတယ်။ ဒီမိုကရေစီ အားကောင်းဖို့ဆိုရင် ခိုင်မာတောင့်တင်းတဲ့ အတိုက်အခံရှိဖို့လိုတယ်။

မေး –   ဦးသိန်းညွန့်ရဲ့အသံက လွှတ်တော်ထဲမှာ တော်တော်လေးထွက်ခဲ့ပေမယ့် ၂ဝ၁၃ နောက်ပိုင်းမှာ အဆိုတွေတင်တာ၊ မေးခွန်းတွေမေးတာ၊ ဥပဒေတွေတင်တာ၊ ဆွေးနွေးတာ အားလျော့သွားတာ တွေ့ရတယ်။  အဲဒါ ဘာ့ကြောင့်များလဲ။
ဖြေ –   ကျွန်တော့်ဘက်ကတော့ ပြည်သူလူထုရဲ့ ပြဿနာတွေ၊ အခက်အခဲတွေကို တောက်လျှောက်တင်တာပဲ။ သို့သော် ကျွန်တော်နာမည်ရလာတာကို မလိုလားတဲ့ အင်အားစုနဲ့ မလို လားတဲ့ ပုဂ္ဂိုလ်တွေကနေ ကျွန်တော့်အဆိုတွေ၊ မေးခွန်းတွေကို လွှတ်တော်မှာ တက်နိုင်သမျှ အသံမထွက်အောင် ဆောင် ရွက်နေကြတယ်ဆိုတာကိုလည်း ကျွန်တော်ခန့်မှန်းမိတယ်။

လွှတ်တော်အစတုန်းက မေးခွန်း ၁ဝ ခွန်းမေးရင် ၇ ခွန်းလောက်က မေးခွင့်ရနေတဲ့ဟာကို လွှတ်တော် ၇ ကြိမ်မြောက် လောက်ကစပြီးတော့ မေးခွန်း ၅ ခွန်းပဲ မေးခွင့်ရတဲ့စနစ်ကို ပြောင်းလိုက်တယ်။ အဲဒါကြောင့် ကျွန်တော်က ကြယ်ပွင့်မပြ မေးခွန်းတွေ မေးရင်းနဲ့ လူထုအတွက် ဆောင်ရွက်ခဲ့တယ်။ ကြယ်ပွင့်မပြတော့ လွှတ်တော်မှာမဖြေတဲ့အတွက် လူမသိဘူးပေါ့။ အဆိုကျတော့ လွှတ်တော်ဥက္ကဋ္ဌရဲ့ လက်ထဲမှာရှိတယ်။ သူခွင့်ပြုမှ ပြောခွင့်ရတာ။ ဥပမာ စတုတ္ထအကြိမ်တုန်းက ကျောင်းသားသမဂ္ဂတွေဖွဲ့ဖို့ ကျွန်တော်လွှတ်တော်မှာ တင်ခဲ့တယ်၊ ဒါပေမယ့် ဆွေးနွေးခွင့်မရခဲ့ဘူး။ အဲဒါကြောင့် ကျွန်တော်  ဥပဒေကြမ်းတွေကို အားပြုခဲ့တယ်။ ဥပဒေကြမ်းတွေက ဘယ်နည်းနဲ့ဖြစ်ဖြစ် လွှတ်တော်ရှေ့မှောက်ကို ပို့ရတယ်။

မေး –  NLD  အစိုးရဖွဲ့ခွင့်ရမယ်ဆိုရင် ဒီအစိုးရအပြောင်းအလဲအတွက် သူတို့နဲ့ ဘယ်လို ပူးပေါင်းဆောင်ရွက်ဖို့ရှိလဲ။
ဖြေ – NLD နဲ့ ကျွန်တော်တို့နဲ့က ပြောစရာမလိုတော့ဘူးလေ။ မလိုတော့ဘူးဆိုတာက ဒါတွေလုပ်ချင်ရင် လက်ရှိအစိုးရနဲ့ရော၊ အတိုက်အခံအင်အားစုနဲ့ရော ရွေးကောက်ပွဲမတိုင်ခင် ကြိုညှိနှိုင်းရတယ်။ NLD က အကြိုညှိနှိုင်းမှုကို လုပ်မှမလုပ်ပဲ။ နိုင်ငံ ရေးမှာ အပြုတ်တိုက်ရေးလမ်းစဉ်ကိုချလာပြီ။ အဲဒီတော့ သူနိုင်ရင်လည်း သူရင်ဆိုင်ရမယ့် နိုင်ငံရေး၊ စီးပွားရေး ပြဿနာတွေ တပုံကြီး။ ရှုံးလည်း သူရင်ဆိုင်ရမယ့် ပြဿနာတွေ တပုံကြီးပါ။ ကျွန်တော့်အနေနဲ့ကတော့ ၂ဝ၁၅  ရွေးကောက် ပွဲရလဒ် ဘာထွက်ထွက် ရွေးကောက်ပွဲပြီးတာနဲ့  လက်တွေ့မြန်မာ့နိုင်ငံရေးမှာ လုပ်တတ်တဲ့ လူငယ်နိုင်ငံရေးသမားတွေကို ပျိုး ထောင်နိုင်ဖုိ့၊ မြန်မာ့နိုင်ငံရေး အခင်းအကျင်းနဲ့အညီ လုပ်တတ်၊ ကိုင်တတ်တဲ့ လူငယ်နိုင်ငံရေး မျိုးဆက်တွေရလာဖို့ NLD လည်းမဟုတ်၊ ကြံ့ခိုင်ရေးလည်းမဟုတ်တဲ့ တပ်ပေါင်းစုတစ်ခုကို ထူထောင်သွားမှာပါ။

မေး – အခြေခံဥပဒေ ပြင်ဆင်ရေးအတွက်ရော ဘာတွေလုပ်ဖို့ရှိလဲ။

ဖြေ – ဒီဖွဲ့စည်းပုံအခြေခံ ဥပဒေပြင်ရေးဆိုတဲ့ လေလုံးထွားမှုဟာ ပြီးခဲ့တဲ့ ၁၂ ကြိမ်မြောက် လွှတ်တော်မှာ အဖြေထွက်သွားပြီ။ ကျွန်တော်က  လေလုံးထွားတဲ့အလုပ် မလုပ်ဘူး။ မဖြစ်နိုင်တဲ့ မျှော်လင့်ချက်တွေကို လူထုကို မပေးဘူး။ အဲဒီတော့ ဒီအခြေခံဥပဒေထဲကပဲ လူထုအတွက်၊ တိုင်းပြည်အတွက် ရနိုင်သမျှ အခွင့်အရေးရဖို့၊ အကာအကွယ်ပေးဖို့တွေကိုပဲ ကျွန်တော်ဆက်ကြိုးစားမယ်။ အခြေခံဥပဒေပြင်ရေးဟာ လွှတ်တော်ပေါ်မှာမတည်ဘူး၊ အမျိုးသားပြန်လည်သင့်မြတ်ရေးပေါ်မှာတည်တယ်။ အမျိုးသားပြန်လည်သင့်မြတ်ရေး ရလာရင် တပ်မတော်အနေနဲ့ ဒီအခြေခံဥပဒေပြင်ရေးကို မလွဲမသွေ လုပ်ရတော့မယ်။  အောက်တိုဘာမှာ လက်နက်ကိုင် ၈ ဖွဲ့ လက်မှတ်ထိုးပြီ။ အဲဒါပြီးရင် နိုင်ငံရေးမူဘောင် ဆွေးနွေးပွဲတွေ လာမယ်။ အဲဒီ ဆွေးနွေးပွဲတွေကနေ အခြေခံဥပဒေပြင်ဖို့ ဆွေးနွေးရမယ်။ အဲဒီလို ဖြစ်ရိုးဖြစ်စဉ် လုပ်သင့်လုပ်ထိုက်တဲ့လမ်းကြောင်းတွေကို သိလျက်သားနဲ့ ကျွန်မ နိုင်ရင် ဒီအခြေခံဥပဒေကို ပြင်ပေးမယ်လို့ ဒုတိယအကြိမ် လေလုံးထွားတာက ကိုယ်ပြောတဲ့အတိုင်း မဖြစ်လာရင် နိုင်ငံရေးမှာ တာဝန်ယူရဲတဲ့ သတ္တိတော့ ရှိဖို့လိုမယ်။

မေး – ရွေးကောက်ပွဲ နောက်ပိုင်းမှာ သမ္မတ ဖြစ်မယ်လို့ သတင်းထွက်နေတဲ့သူ ၄ ယောက်တောင်ရှိတယ်။ ဦးသိန်းညွန့်က ဘယ်သူ့ကို သမ္မတဖြစ်စေချင်သလဲ။
ဖြေ – ၄ ယောက်ကိုတော့ မပြောဘူး။ ၂ ယောက်ကိုတော့ ပြောမယ်။ သမ္မတဖြစ်ချင်တယ်လို့ ၂ နှစ်လောက်ကြိုပြောတဲ့သူတွေကို ကျွန်တော်ထောက်ခံမှာ မဟုတ်ဘူး။ ဘာဖြစ်လို့လဲဆိုတော့ မြန်မာပြည်ရဲ့ အခြေခံဥပဒေဟာ အမေရိကန်ရဲ့ အခြေခံဥပဒေ မဟုတ်ဘူး၊ အဲဒါကို မလေ့လာဘဲနဲ့ ကျွန်မ သမ္မတ လုပ်ချင်တယ်၊ ကျွန်တော် သမ္မတလုပ်ချင်တယ် လို့ပြောတာဟာ တော်တော်ရယ်စရာကောင်းတယ်။ ရွေးကောက်ပွဲပြီးမှ နိုင်တဲ့ရလဒ်ပေါ် မူတည်ပြီး ပြည်သူ့လွှတ်တော်က ၁ ယောက်၊ အမျိုးသားလွှတ်တော်က ၁ ယောက်၊ တပ်မတော်သားဘက်က ၁ ယောက်၊ ဒီ ၃ ယောက်ထဲကမှ  ပြန်ရွေးရမှာ။ အဲဒီအချိန် ကျမှ လုပ်ရမယ့်ကိစ္စတွေကို အခုကြိုပြောတဲ့အတွက် အဲဒီလောက်အထိ နိုင်ငံရေးလောဘကြီးတဲ့သူတွေကို ကျွန်တော် မဲမပေးဘူး၊ အဲဒါတော့စိတ်ချ။

မေး – ရွေးကောက်ပွဲအလွန်မှာ ဦးသိန်းညွန့်တို့က လွှတ်တော်မှာ ဘာဆက်လုပ်မလဲ။
ဖြေ –  ကြံ့ခိုင်ရေးပဲနိုင်နိုင်၊ NLD ပဲ နိုင်နိုင် လွှတ်တော်မှာ ကြံ့ခိုင်အားကောင်းတဲ့ အတိုက်အခံရှိဖို့လိုမယ်။ ကျွန်တော်က အတိုက်အခံအဖြစ်ပဲ ရပ်တည်မှာ၊၂ဝ၁ဝ ကတည်းက ပြောခဲ့တာ။ ကျွန်တော်က ရာထူးလိုချင်တဲ့အမတ် မဟုတ်တဲ့အတွက် ကနေ့အထိ လွှတ်တော်မှာ အတိုက်အခံအမတ်အဖြစ် ရပ်တည်နေခဲ့တာ ဒီနေ့အထိပဲ။   ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး

3 Responses to ထက်ခေါင်လင်း (Myanmar Now) – ရွေးကောက်ခံအာဏာရှင်စနစ် ပေါ်မယ့်အလားလာ တွေ့ရတယ် (အင်တာဗျူး)

  1. robertmoore on November 5, 2015 at 12:49 am

    ဦးသိန်းညွန့် ပြောတာတွေ အကုန်မှန်နေတာမို့ လက်ခံပါ
    တယ်ခင်ဗျား။ ကျွန်တော်က ဘယ်ပါတီဝင်မှမဟုတ်ပါ။

  2. Arnold Su on November 5, 2015 at 3:54 am

    ​တော်​ပါ​တော ဦးသိန်းညွန့်​ ခင်​ဖျားတို့ အတူတူ​တွေပါပဲရှိပြီးသားလးနဲ
    ​အေး​ဆေး​နေပါ မလုပ်​တတ်​ရင်​မလုပ်​ပါနဲ့
    ​ဒေါါ်​အောင်​ဆန်းစုကြည်​ကို​တော့ မတိုက်​ခိုက်​နဲ့ဗျာ
    သူခိုးကလူဟစ်​​နေသလိုပဲ
    ခင်​များNLDနဲ့လက်​တွဲပါ

  3. ဇာနီကြီး on November 5, 2015 at 12:01 pm

    ဦးသိန်းညွန်ရေ သင်္ကန်ကျွန်တခုထဲတောင် အမတ်ဖြစ်ရက်နဲ့ လုပ်မပေးနိုင်တာတွေ အများကြီး တနိုင်ငံလုံးဆို
    လုပ်ရမှာတွေ များကြီးပဲ အင်အယ်ဒီလဲ မလုပ်နိုင်သေးပါ။ တားပဲတားရမဲ့ အခွန်ရှောင်မှု ဇီးသီးဗန်းမှောက်မှု မတရားတာတွေ တားရုံပဲ အင်အယ်ဒီလုပ်နိုင်မှာပါ။ ဒါတောင် ၇၀% လွှန်နော်၂ခု ရှိရင်တောင် သမ္မတ အင်အယ်ဒီမရျအာင် ရနောင်မောင်မောင်တုတ်လို လူစားက ရျှိနတယ်လေ။
    တကယ်လို့ ကံကောင်းလို့ ရွေးခံရင် အင်အယ်ဒီကို ထောက်ခံပါဗိာ။ ကျုပ်ကတော့ ဒေါ်စု အာဏာရှင်လုပ်ရင်တောင် ထောက်ခံမှာ။ လုပ်လဲမလုပ်ပါဘူးးလေ။

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

MoeMaKa Monthly July 2017 ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ

By

 မိုးမခ ဧပြီ ရန်ကုန်ဆိုင်တွေ ဖြန့်ချိပြီးပါပြီ (မိုးမခ) ဧပြီ ၂၊ ၂၀၁၇ ကမ္ဘာဟာအကြမ်းပညာနဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်