ဆွေဝင်း (Myanmar Now) – တိုင်းရင်းသားတွေရဲ့မဲ မရဘဲနဲ့ NLD သမ္မတ မဖြစ်နိုင်ဘူး (အင်တာဗျူး)

November 6, 2015

ဆွေဝင်း (Myanmar Now) – တိုင်းရင်းသားတွေရဲ့မဲ မရဘဲနဲ့ NLD သမ္မတ မဖြစ်နိုင်ဘူး (အင်တာဗျူး)
(မိုးမခ) နိုဝင်ဘာ ၆၊ ၂၀၁၅ယခုတွေ့ဆုံမေးမြန်းခန်းအား Myanmar Now မှ ရယူပါသည်။

ရခိုင်အမျိုးသားပါတီ ဥက္ကဋ္ဌ ဒေါက်တာအေးမောင်သည်  ရွေးကောက်ပွဲတွင် ရခိုင်ပြည်နယ်လွှတ်တော်၊   မာန်အောင်ကျွန်းမဲဆန္ဒ နယ်မှ ဝင်ရောက်ယှဉ်ပြိုင်မည်ဖြစ်သည်။

ရခိုင်အမျိုးသားပါတီသည် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊  အမျိုးသားဒီမိုကရေစီအဖွဲ့ချုပ် (NLD) တို့ပြီးလျှင် ပြည်နယ်တွင် အင်အားအကြီးမားဆုံးပါတီဖြစ်ပြီး ပြည်ထောင်စုလွှတ်တော်အတွက် ၂၉   နေရာ၊ ပြည်နယ်လွှတ်တော်အ တွက် ၃၄ နေရာ ယှဉ်ပြိုင်နေခြင်းဖြစ်သည်။

မဲဆွယ်စည်းရုံးရေးအခြေအနေများနှင့် ပတ်သက်၍ Myanmar Now သတင်းထောက်ဆွေဝင်းက အင်္ဂါနေ့တွင်ဆက်သွယ် မေးမြန်းရာ ၎င်းက ရခိုင်အမျိုးသားပါတီသည် NLD ၏ ထိုးနှက်တိုက်ခိုက်မှုခံနေရသော်လည်း ပြည်နယ်အတွင်း မဲဆန္ဒ္ဒနယ် အားလုံး၏ ၉ဝ ရာခိုင်နှုန်းကျော်  နိုင်ရန်သေချာနေပြီး ပြည်နယ်လွှတ်တော်၊ ပြည်နယ်အစိုးရတို့ကို ထိန်းချုပ်၍ ရခိုင်အမျိုး သားတို့၏  ကံကြမ္မာကို ခိုင်ခန့်ရန် တည်ဆောက်ကြိုးပမ်းမည်ဟု ပြောဆိုခဲ့သည်။

မေး – ဒေါက်တာအေးမောင်ရဲ့ မဲဆန္ဒနယ်မြေမှာ ပြည်သူလူထုရဲ့တုန့်ပြန်မှုက ဘယ်လိုရှိလဲ။
ဖြေ – မာန်အောင်ဟာ သိတဲ့အတိုင်းပဲ    မြောက်ပိုင်းက ပိုဖွံ့ဖြိုးတယ်၊ ဘာလို့လဲဆိုတော့ ရေလုပ်ငန်းတွေရှိလို့။ တောင်ပိုင်းကဖွံ့ဖြိုးမှုနည်းတယ်။ မြောက်ပိုင်းကတော့ ကျွန်တော်တို့ ရခိုင်အမျိုးသားပါတီကို ပိုယုံကြည်စိတ်ချမှုရှိတယ်။ ကျွန်တော်ပြိုင် မယ့်နေရာက အမှတ် (၂) နယ်မြေတောင်ပိုင်းပါ၊ ပညာရေးနိမ့်ကျတယ်၊ ဆက်သွယ်ရေးအားဖြင့် ခုထိ တယ်လီဖုန်းအဆက် အသွယ်မရဘူး၊ လမ်းတွေမကောင်းဘူး၊ အကြောက်တရားလွှမ်းမိုးမှုတွေလည်းရှိနေတယ်။ အကြောက်တရားလွှမ်းမိုးတယ် ဆိုရင် ပြည်ခိုင်ဖြိုးပါတီအားကောင်းတယ်ပေါ့။

မေး –  ရခိုင်အမျိုးသားပါတီကိုမဲထည့်ရင် ဒေသတွင်း မဲကွဲပြီး ပြည်ခိုင်ဖြိုး အာဏာဆက်ရနေမယ်လို့ NLD ဘက်က ရခိုင် ပြည်နယ် မြို့နယ်တချို့မှာ ပြောနေတာတွေလည်း ကြားရပါတယ်။ ဒါနဲ့ပတ်သက်ပြီး ဘာပြောချင်လဲ။
ဖြေ –  ကျွန်တော်တို့က ပြည်ခိုင်ဖြိုးကိုတိုက်နေတာ၊ NLD ကို မိတ်ဖက်လို သဘောထားတယ်။  ဒါပေမယ့် အောက်ခြေမှာရှိတဲ့ ပါတီဝင်တွေက ကျွန်တော်တို့ကို မိတ်ဖက်လို့ မသတ်မှတ်ဘူး။ ကျွန်တော်တို့ကို မဲပေးခြင်းအားဖြင့် ဒီမဲတွေဟာ သဲထဲရေ သွန်ဖြစ်သွားမယ်လို့ သူတို့တွေပြောနေကြတယ်။ အဲဒီအခါမှာ ပြည်ခိုင်ဖြိုးက ကောက်စားတာပေါ့။ သို့သော်လည်း ကျွန်တော်တို့ ပြန်တည်ဆောက်ပါတယ်။ ပြန်တည်ဆောက်တဲ့အခါမှာ ကျွန်တော်တို့ ၆ဝ ရာခိုင်နှုန်းလောက်ကို လူထုထောက် ခံမှုရလာတယ်၊ ခု ၇၅ ရာခိုင်နှုန်းကိုကျော်သွားပြီ။ ဒါ မာန်အောင်ကျွန်းရဲ့အခြေအနေကို ပြောတာ၊ ရခိုင်ပြည်နယ်တစ်ခုလုံး မှာတော့ ကျွန်တော်တို့ပါတီကို ထောက်ခံမှုက ၉၅ ရာခိုင်နှုန်းအထက်မှာရှိနေတယ်။

မး – မကြာသေးခင်က ရခိုင်ပြည်နယ်မြို့တချို့ကို ဒေါ်အောင်ဆန်းစုကြည်လာပြီးနောက် အဲဒီဒေသခံပြည်သူတွေက NLD ကို ထောက်ခံလာကြပြီလို့ကြားရတယ်။ ဒါတွေကော ဘယ်လိုသဘောရလဲ ခင်ဗျ။
ဖြေ –   NLD အောက်ခြေကတော့ အထက်ကလူကြီးတွေသိအောင် ကျွန်တော်တို့နိုင်မယ်ဘာမယ်နဲ့ ဒါပေမယ့်လည်း ဒါဟုတ် ချင်မှ ဟုတ်မှာပေါ့။ အောက်ခြေကတော့ ၁၉၉ဝ မှာလို နိုင်မယ်ထင်လို့ ပြောချင်ပြောမှာပေါ့၊ ဒါပေမယ့် ရခိုင်အမျိုးသားပါတီက ပြည်သူလူထုအောက်ခြေကို ထဲထဲဝင်ဝင်ထိုးပေါက်ထားတဲ့ အခြေအနေနဲ့ ၂ဝ၁၂ ရခိုင်ဘင်္ဂါလီအရေးအခင်းနောက်ဆက် တွဲမှာ သူတို့ လုံခြုံမှုစိုးရိမ်ချက်နဲ့ ရခိုင်တွေက သူတို့ရဲ့ညီညွတ်မှုအားနဲ့ ပြန်တည်ဆောက်ခဲ့ကြတာဗျ။

မေး –  NLD အားကောင်းပုံရတဲ့  ရခိုင်တောင်ပိုင်းမှာလည်း ရခိုင်အမျိုးသားပါတီ အားကောင်းတယ်လို့ ဆိုတာလား။
ဖြေ – ဒါပေါ့၊ ဟုတ်တယ်။ ၂ဝ၁၂ အရေးအခင်းဖြစ်ပြီးနောက်ပိုင်းဗျ၊ အဲဒါမတိုင်ခင်ကတော့ မဟုတ်ဘူး။ ဒေါ်အောင်ဆန်း စုကြည်ရဲ့ တောင်ကုတ် (မြို့ မွတ်စလင် ဆယ်ဦး သတ်ဖြတ်ခံရမှု) နဲ့ပတ်သက်ပြီး လူများစုက လူနည်းစုကို အနိုင်မကျင့် သင့်ဘူးလို့ ပြောဆိုတာရဲ့နောက်ပိုင်းမှာ ဒေါ်အောင်ဆန်းစုကြည်ရဲ့ အမာခံတွေနယ်မြေဖြစ်တဲ့ တောင်ပိုင်းတစ်ခုလုံးပြိုကျသွားတယ်။ Reality (ပကတိအခြေအနေ) ကို ရခိုင်တွေသဘောပေါက်သွားတယ်။ သူတို့ရဲ့မျိုးရိုးစဉ်ဆက်ဖြစ်ခဲ့တာတွေကို ၊ လူမျိုးတစ်ခုလုံးရဲ့အနာဂတ်ကို ပြန်လည်သုံးသပ်ပြီး သူတို့ရဲ့အခြေအနေကို သူတို့ပြန်လည်တည်ဆောက်မှ ရတော့မယ်ဆို တာ သူတို့ သဘောပေါက်သွားကြတယ်။ တောင်ပိုင်းမြောက်ပိုင်းဆိုပြီး အင်္ဂလိပ်လက်ထက်ကတည်းက သွေးခွဲအုပ်ချုပ်ခံခဲ့ရတဲ့အခြေအနေမှာ အမျိုးသားရေးရေချိန်ကို ပြန်ညှိပြီး စည်းလုံးညီညွတ်မှုရှာနိုင်ခဲ့ကြတယ်။

မေး – NLD နဲ့ မဟာမိတ်ဖွဲ့ဖို့ကြိုးပမ်းခဲ့တာရှိလား။  
ဖြေ – ဒေါ်အောင်ဆန်းစုကြည်ကို ကျွန်တော်တို့လည်း အကြံပြုပါတယ်။ မဟာမိတ်ကောင်းကောင်း တည်ဆောက်ပါ၊ တိုင်းရင်းသားဒေသတွေကိုလာခြင်းသည် ပြည်ထောင်စုမြန်မာနိုင်ငံအတွင်းမှာ ရှိတဲ့ တိုင်းရင်းသားဒေသတွေနဲ့ ချစ်ကြည်မှုအရပေါ ဗျာ။ ဒေါ်အောင်ဆန်းစုကြည်ဆိုတာ လူထုခေါင်းဆောင်ပါ။ ကျွန်တော်တို့လည်း ချစ်ပါတယ်။ လေးလည်း လေးစားပါတယ်။ တိုင်းရင်းသားဒေသတွေကို သွားခြင်းသည် မဲဆွယ်ခြင်းမဟုတ်ဘဲ တိုင်းရင်းသားတွေနဲ့ ချစ်ကြည်ရေး သဘောပေါ့ဗျာ။ ကိုယ့်လိုအပ်ချက်အတွက်မဟုတ်ဘဲ အကူအညီပေးမယ်၊ အားပေးမယ်၊ ဖက်လဲတကင်း နွေးထွေးစွာ ပွေ့ဖက်မယ်။ ပြည် ထောင်စုဆိုတာ ဒါမျိုးဆိုပြီး ရင်ခြင်း နှလုံးသားခြင်း လဲလှယ်မယ်၊ ဒါမျိုးဆိုရင် အင်မတန်ကို လှမယ့်ပွဲကြီးပဲ။ ဒါပေမယ့် သူ့လူတွေက ပါတီစွဲလေးတွေပါလာတော့ ဒီဘက်ကလည်း ပြန်တုံ့ပြန်ရတာပေါ့။ ခံစစ်ကြောင်းလုံခြုံအောင်ပြန်လုပ်ရတာ ပေါ့။ ကျွန်တော်ပြောနေတာ ဒေါ်အောင်ဆန်းစုကြည်ကို ပြောနေတာမဟုတ်ဘူး၊ သူ့အောက်ခြေကလူ့တွေကို ပြောနေတာပါ။

 မေး –  NLD နဲ့မဟာမိတ် မဖြစ်ရတာ အဓိကဘာအကြောင်းတွေခံနေလို့လဲ။
ဖြေ –  ကျွန်တော်တို့ပြဿနာတက်နေတာမဟုတ်ဘူး။ ဦးတည်ချက်လမ်းကြောင်းမတူတာ။ ကျွန်တော်တို့က ပြည်နယ်အစိုးရ ကို ထိန်းချုပ်ဖို့ကြိုးစားတာ။ ပြည်နယ်အစိုးရကို ထိန်းချုပ်ဖို့ ရခိုင်ပြည်ဖက်ကတက်မယ့် ပြည်ထောင်စုလွှတ်တော်နေရာမှာ အပြည့်လွှမ်းမိုးနိုင်ဖို့လိုတာပေါ့။ ပြည်ထောင်စုလွှတ်တော်မှာ ရခိုင်အမတ်ရှိမှပဲ ဟိုမှာ Bargaining Power (ဆွေးနွေးရာမှာ ကိုယ့်ဘက်က အားသာချက်) ရှိမှာပေါ့။ ရခိုင်ပြည်နယ်လွှတ်တော်ကို ထိန်းချုပ်ပြီး ရခိုင်ပြည်နယ်အစိုးရကိုဖွဲ့မယ်ဆိုတဲ့ ကျွန်တော်တို့ ပါတီသည် ပြည်ထောင်စုလွှတ်တော်မှာ အမတ်တစ်ယောက်မှ မရှိဘဲ NLD ကလူတွေအားလုံးနေရာယူသွားမယ်ဆိုရင် … ခင်ဗျားပြန်ကြည့်လေ။ သူတို့ဘက်ကလာတာက ပြည်နယ်လွှတ်တော်ကို ရခိုင်အမျိုးသားပါတီကယူ။  ပြည် ထောင်စုလွှတ်တော်ကို သူတို့ဘက်က (ယူ)။ NLD က မဟာဗျူဟာ မှားတယ်ဗျ။

သူ့မူအရ။ ငါတို့က အစိုးရကို အရင်ပြောင်းမယ်။ ပြီးမှ စစ်မှန်တဲ့ပြည်ထောင်စုကိုသွားမယ်။ ဒီကြားထဲမှာဖြစ်နေတဲ့ အပြောင်း အလဲတွေက တိုင်းရင်းသားတွေမှာ (လွတ်လပ်ရေးရတာ) ၆၈ နှစ်ရှိပြီ၊ စစ်မှန်တဲ့ ပြည်ထောင်စုကိုမရဘူး။ ဒီအပြောင်းအလဲမှာ အာမခံချက်နဲ့ တခါတည်းဖြစ်စေမယ်။ ပြည်ထောင်စုအစိုးရတောင်မှ ပွင့်ပွင့်လင်းလင်းပြောရင်ဗျာ ညွန့်ပေါင်း ဖြစ်ရမှာပေါ့။ NLD တစ်ဦးတည်း မင်းမူတာမဖြစ်ရဘူး၊ ပြည်ခိုင်ဖြိုးမင်းမူနေသလိုပေါ့ဗျာ၊ သဘောပြောတာ။ NLD က တိုင်းရင်းသားတွေ ဘက်က တင်ပေးတဲ့ ၂ဝ ရာခိုင်နှုန်းရလို့ အစိုးရဖွဲ့နိုင်ရင် သူ့ဘက်က ရာခိုင်နှုန်းမြင့်သွားပြီ။ တိုင်းရင်းသားတွေရဲ့မဲ မရဘဲနဲ့ NLD သမ္မတ မဖြစ်နိုင်ဘူး၊ လက်ရှိအခင်း အကျင်းမှာ။

မေး –   ဒေါက်တာအေးမောင်တို့က ပြည်ခိုင်ဖြိုးနဲ့ ကြိတ်ပြီးတော့ မဟာမိတ်ဖွဲ့ဖို့ ဆုံးဖြတ်ထားတယ်၊    ပြီးတော့ NLD ဟာ မွတ် စလင်လိုလားတဲ့ပါတီဆိုပြီးတော့  မဲဆွယ်ပွဲတွေမှာ ပြောတယ်လို့ စွပ်စွဲနေကြတယ်။
ဖြေ –  မဟုတ်ပါဘူး။ ပထမတစ်ခုလည်းမဟုတ်၊ ဒုတိယတစ်ခုလည်းမဟုတ်ပါဘူး။ ကျွန်တော်တို့က ခုခံနေကြတဲ့သူပါ။ ရခိုင် တွေ အတိတ်သမိုင်းမှာ ဘယ်လောက်လူဦးရေရှိခဲ့သလဲ။ အင်္ဂလိပ်အုပ်ချုပ်တယ်ဗျာ၊ ရခိုင်တွေ ပျံ့သွားတယ်၊ ဘင်္ဂလားဒေ့ရှ် (ဘက်ကို) လည်း ရောက်ကြတယ်၊ အိန္ဒိယလည်းရောက်ကြတယ်။ ရခိုင်တွေ အလုပ်အကိုင်မရှိ၊ စီးပွားရေးမရှိနဲ့ ချွတ်ခြုံ ကျပြီးမှ ရခိုင်တွေ ကမ္ဘာကြီးတစ်ခုလုံးကို ပျံ့သွားတာ။ ၂ သန်းလောက်ရှိတဲ့ ရခိုင်တွေ၊ ရခိုင်ပြည်နယ်မှာ ၁ သန်းတောင်မရှိ တော့ဘူး။ အဲဒီတော့ လူဦးရေအခြေအနေကို ကြောက်ရတယ်။ တဘက်ကလာတဲ့ တရားမဝင် ဝင်ရောက်လာသူတွေရဲ့ အင်အားက ၁ သန်းလောက်ဖြစ်လာပြီ။ အင်မတန်ကြောက်စရာကောင်းတဲ့ ခြားနားမှုပေါ့ဗျာ။  (လွတ်လပ်ရေးရတာ)  ၆၈ နှစ်ရှိပြီ၊ ရခိုင်ပြည်နယ်ကို ရခိုင်တို့ကိုယ်တိုင် စီမံခန့်ခွဲ အုပ်ချုပ်ပိုင်ခွင့်မရှိဘူး။ အခုအပြောင်းအလဲကာလမှာ ကျွန်တော် အဲဒါကြောင့် ရခိုင်ပြည်နယ် ပါလီမန်နဲ့ ရခိုင်ပြည်နယ်အစိုးရကို ထိန်းချုပ်ဖို့လာတာဗျ။ ရခိုင်ပြည်နယ်အစိုးရကို ကျွန်တော်တို့ ကိုယ်တိုင်ဖွဲ့မှဖြစ်မယ်။ အဲဒီမှာ NLD က ပြောသလို ရခိုင်ပါတီကိုမဲပေးရင် သဲထဲရေသွန်ဖြစ်မယ်၊ အင်မတန် အပြောင်း အလဲကာလဗျ။ ရခိုင်ပြည်နယ် ပါလီမန်၊ ရခိုင်ပြည်နယ်အစိုးရကို NLD ဘက်က တချို့ ဂွ (မြို့) ဘက်က ပုဂ္ဂိုလ်တွေနဲ့ ချုပ် ကိုင်ချင်တဲ့သဘောမျိုး ဖြစ်လာတယ်။ တိုက်စစ်က တော်တော်ပြင်းတယ်ဗျ။ အဲဒီတော့ ကျွန်တော်တို့ဘက်က ပြန်ပြီး ခံစစ်လုံ အောင်ထားရတာပေါ့။ ဟုတ်ပြီ…  ပြည်ထောင်စုအစိုးရက လူ့အခွင့်အရေးကို သေသေချာချာ သဘောပေါက်တဲ့ ဒီမိုကရေစီ အစိုးရဖြစ်ပြီ၊ နိုင်ငံတကာ ဖိအားတွေလာပြီ၊ ပြည်ထောင်စုအစိုးရဆိုတာ NLD အစိုးရ၊ သူ့ရဲ့ ဝန်ကြီးချုပ်တို့ဘာတို့က NLD ဘက်က ဖြစ်ခဲ့လို့ရှိရင် ဘာမှခုခံပိုင်ခွင့်ရှိမှာ မဟုတ်ဘူး။ သူ့ရဲ့ ပါတီမူဝါဒအတိုင်းပဲ လူ့အခွင့်အရေးပေတံနဲ့ တိုင်းကြတော့ မှာကိုး။ အဲဒါကြောင့် ကျွန်တော်တုိ့ ရခိုင်တွေဘက်မှာ ရွေးစရာမရှိဘူး။ အမြင်တူတဲ့ အစိုးရတရပ်ရှိဖို့ လိုတယ်၊ မဟုတ်ရင် ကျွန်တော်တို့ ပျောက်သွားမယ်။ ဒါလေးကို သဘောပေါက်ပေးဖို့ လိုတယ်။

မေး –   ရခိုင်ပါတီက နိုင်တယ်ထားဦး၊ ပြည်နယ်ဝန်ကြီးချုပ်ကို ပြည်ထောင်စုအစိုးရက တိုက်ရိုက်ခန့်တဲ့ ပေါ်လစီဖြစ်နေတာ ဘယ်လိုအစိုးရဖွဲ့နိုင်မလဲ၊ ပြည်နယ်မှာ။
ဖြေ – အဲဒါ ခင်ဗျားတို့ နားမလည်လို့ပြောတာ။ ကျွန်တော်ပြောတာက တိုင်းရင်းသား power က ၃၁ ရာခိုင်နှုန်းလေ။ ပြည် ထောင်စုလွှတ်တော်မှာရှိမယ့် ၃၁ ရာခိုင်နှုန်းကို ပြည်ထောင်စုအစိုးရကို ဘယ်သူတွေဖွဲ့ဖို့ဆိုတဲ့ မဲလေ။ NLD ဘယ်လောက်ပဲ  အော် အော်ဗျာ။ တိုင်းရင်းသားမဲ၊  ကျွန်တော်တို့မဲမပါပဲနဲ့ သမ္မတမဖြစ်ဘူး။ ကျွန်တော်တို့ကို လာပြီးတော့ ကျွန်တော်တို့ကိုမဲပေး ပါလို့ ပြောတဲ့ပါတီကြီးတွေကို ကျွန်တော်တို့က မဲပေးရမှာကိုး။ ကျွန်တော်တို့မဲကို အလကားပေးပါ့မလား။ အဲဒါကို ကျွန် တော်တို့ ပြန်သုံးမှာကိုး။  ပြည်နယ်အစိုးရမှာ တိုင်းရင်းသားတွေကို ဘယ်နေရာပေးပါ၊  အဲဒီလိုမှမဟုတ်ရင် သမ္မတကို ကျွန် တော် တို့မခန့်ဘူး။ အပေးအယူပေါ့၊ ခင်ဗျားတို့လိုချင်တဲ့သမ္မတကြီးတစ်ယောက်ပေးမယ်၊ ကျွန်တော်တို့လိုချင်တဲ့ ဝန်ကြီး၊   ပြည်နယ်ဝန်ကြီးချုပ်နေရာတွေ ပါတီကိုပေး။ ဒါ စာချုပ်ချုပ်ရမှာပေါ့။ တိုင်းရင်းသားကိုယ်စားလှယ်တွေအကုန်လုံး ရွေး ကောက် ပွဲအလွန်မှာ ဒီကိစ္စညှိနှိုင်းရမှာပေါ့။ အဲဒါကြောင့် ပြည်ထောင်စုလက်တံမှာ ကျွန်တော်တို့ အားတစ်ခုရှိနေဖို့လိုတယ်။ ပြည်နယ်လက်တံမှာ အားတစ်ခုရှိဖို့လိုတယ်။ အဲဒီအားနှစ်ခုနဲ့ ကျွန်တော်တို့ ညှိဖို့အတွက်လုပ်တဲ့အခါမှာ ပြည်ထောင်စု လက်တံကြီးကို NLD က ရိုက်ချိုးတာပေါ့။ အဲဒါကို ကျွန်တော်တို့ ဘယ်ခံနိုင်မလဲ။

မေး – ရခိုင်ပြည်နယ်ရဲ့ ရွေးကောက်ပွဲရလဒ်ကို ဘယ်လိုမျှော်လင့်ထားလဲ။ ရခိုင်တွေပဲ အများဆုံးရမယ်လို့ မျှော်လင့်ထားလား။
ဖြေ – ဟုတ်တယ်။ ရလဒ်ကို အားလုံးကောင်းမယ်လို့။ ပြန်ကြည့်။ ဂွရယ်၊ သံတွဲရယ်။ တောင်ကုတ်၊ မာန်အောင်။ အားလုံး ကောင်းတယ်။ အခု ပြည်ခိုင်ဖြိုးက အခုကြိုတင်မဲတွေ ပေါက်တက်ကရလုပ်နေတာ ကျွန်တော်သိနေပြီ။ နေရာတိုင်းမှာ။ သူတို့က အာဏာ အလွှဲအပြောင်းအတွက် တော်တော်လေးကို စဉ်းစားဆင်ခြင်နေမှာ၊ နည်းအမျိုးမျိုးကို။ အဲဒီအခါမှာ ကျွန် တော် တို့အတိုက်အခံတွေ ပြန်ကွဲတယ်။ NLD ကျွန်တော်တို့ကို ထိုးစစ်မဆင်ရဘူး။ ကျွန်တော်တို့နဲ့ မိတ်ဖက်ကို နောက် ကွယ်မှာ လုပ်ရမှာ။ (ဒေါ်အောင်ဆန်းစုကြည်က) အဲဒီလိုလုပ်ပြီးမှာ ဒီထိုးစစ်ကို ရှင်တို့တာဝန်ယူ၊ ဟိုဘက် ရှမ်းဘက်ကို ဦးခွန်ထွန်းဦး တာဝန်ယူ၊ ပြည်မမှာနိုင်ဖို့ ကျွန်မ တာဝန်ယူမယ်။ မဟာဗျူဟာအရ ထိပ်တိုက်ကို ကြပ်ကြပ်မတ်မတ်လုပ်ရမှာ။ ပြည်နယ်ထိုးစစ်ကို ပြည်နယ်ဘက်ကပေါ့။ အာဏာခွဲဝေမှုတွေ၊ တာဝန်တွေကိုခွဲဝေရမှာ။ အခုတော့ လောဘတကြီးနဲ့။ ဒါမျိုး ကမလုပ်အပ်ဘူးဗျ။ ပါလီမန်မှာ မဟာမိတ်ချိတ်ဆက်မှု ပြိုကွဲနိုင်တယ်ဗျ။ အဓိက ကိုယ့်အမျိုးသားအကျိုးစီးပွားနဲ့ ဖီလာဆန့် ကျင်ရင် မည်သည့်ပါတီကိုမဆို မထောက်ခံဘူး၊ ဝေဖန်မှာပဲ၊ ပြောမှာပဲ၊ တိုင်းရင်းသားလက်နက်ကိုင်အဖွဲ့အစည်းကိုလည်း ပြောမှာပဲ။ ထာဝရတည်တံ့တဲ့ ပြည်ထောင်စုထဲက ပြည်နယ်တစ်ခု ဖြစ်ချင်တယ်၊ ကျွန်တော်တို့လက်ထက်မှာ ပျောက်သွား တာမျိုး မဖြစ်ရဘူး။ အနာဂတ်အတွက် လျှောက်လှမ်းချက်တစ်ခုကို ပြည်ထောင်စုသားအားလုံးနဲ့ ညှိညှိနှိုင်းနှိုင်းနဲ့ ချနိုင်ရမယ်။     ။

Photo source : AP (The Associated Press)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်