လောအယ်စိုး – လေနီရိုင်းကိုဆန်ကာ ပျံသည့်ငှက် (အပိုင်း – ၈)

November 16, 2015

 
– လေနီရိုင်းကိုဆန်ကာ ပျံသည့်ငှက် (အပိုင်း – ၈)
(မိုးမခ) နိုဝင်ဘာ ၁၆၊ ၂၀၁၅

မိတ်ဆွေတစ်ယောက်က လမ်းကြုံသဖြင့် သူ၏ကားဖြင့် စမူထန်နေထိုင်ရာအိမ်သို့ ကျွန်တော့်ကိုပို့ဆောင်ပေးသည်။ တစ်ဦး နှင့် တစ်ဦး အကြောင်းအမျိုးမျိုးကြောင့်မတွေ့ ဖြစ်ခဲ့သည်မှာ (၃-၄) ရက်ခန့်ပင် ရှိသွားပြီပဲ။

ဒီလူဘာတွေလုပ်နေပါလိမ့်၊ မသောက်စဖူး အရက်ဘီယာတွေသောက်ပြီး မိမိ၏အရင်းစစ်၊ ဘဝအမှန်ကို ခေတ္တလွတ်မြောက် ဖို့ကြိုးစားနေသလား။ ဘယ်လိုပင်ဖြစ်ဖြစ်၊ မိန်းကလေးတစ်ဦးကြောင့် မိမိကိုယ်ကိုလည်း အဆုံးမစီရင်လောက်ပါဘူး။ စီရင်သွားခဲ့ရင်တောင် ဘာဖလိုမြို့ထုတ်သတင်းစာတွင် ပြစ်မှုရေးရာအခန်းကဏ္ဍ၌ ထိပ်တန်းသတင်းအဖြစ်ပါနေလောက် ပေပြီဆိုတာကိုလည်း စိတ်ဖြေကာတွေးမိလိုက်သည်။ ဘာဖလိုမြို့၏နွေနှောင်းရာသီ၌ သစ်ရွက်ခြောက်တို့သည်လည်း စမူထန်ငှားရမ်းနေထိုင်သောအိမ်၏အဝင်လှေကားခြေရင်းတွင်ပြန့်လျက်၊ ကျဲလျက်ကြွေနေလျက်။ သူနှင့်အတူနေထိုင်သည့် ကရင်ပြည်နယ်၊ ဘားအံမြို့နယ်၊ မြပေကျေးရွာသား စောစေးစေးဝါးကလည်း အိမ်တွင်ရှိပုံမပေါ်။ တစ်ခါတစ်ရံ စမူထန်လို လူပျိုကြီးအမည်ခံထားသော စေးစေးဝါးသည် တစ်ယောက်တည်း အိမ်ရှေ့တွင်ထွက်ကာ ထိုင်နေတတ်သည့်အကျင့်ရှိသည်။

မျက်နှာထားကိုအစွမ်းကုန်ပြုံးပြီးအိမ်ရှေ့မှဖြတ်သန်းသွားတတ်သောလူဖြူ၊လူမည်း၊လူညိုတို့ကို’ဟဲလို”ဟိုင်း’ဆိုပြီးနှုတ်ဆက်တတ်သောအကျင့်သည်စော
စေးစေးဝါး၏မွေးရာပါအကျင့်ပင်ဖြစ်သလားဟုပင်ထင်ရသည်။
သူလည်းဆယ်ကျော်သက်ရွယ်ကတည်းကသစ္စာရှိစွာစိုက်လိုက်မတ်တတ်
လက်တွဲခင်တွယ်ခဲ့သည့်ယစ်ရွှေရည်ကိုယနေ့တိုင်မြတ်နိုးခုံမင်နေဆဲ။ကတိဝတ်မပျက်
သောက်သုံး၏။

ဇနီးသည်နှင့်သားသမီးနှစ်ဦးတို့သူ၏သောက်စားခြင်းဝဲဂယက်ဒုက္ခကို
မခံနိုင်လွန်း၍သူ့အားစွန့်ခွာသွားပေမယ့်၊စေးစေးဝါးသည်မိသားစုကိုစွန့်နိုင်သော်လည်း
ယမကာ၏အစွမ်းတန်ခိုး၊ညှို့စက်ကွင်းမှရုန်းထွက်၍ယနေ့တိုင်မရရှာခဲ့။
ကြားသိရသလောက်သူ၏သမီးကြီးပင်လျှင်ဘားအံတက္ကသိုလ်ကြီးမှဘွဲ့ရ
ပညာတတ်သူတစ်ဦးဖြစ်သွားလေပြီ။

စေးစေးဝါးလည်းအသက်(၄၆)နှစ်ကျော်ကျော်ရှိနေပေပြီ။မလေးရှားမှ
တစ်ဦးတည်းအမေရိကန်၊ဘာဖလိုမြို့သို့ဒုက္ခသည်တစ်ဦးအနေနှင့်သက်မဲ့ခရီးဆောင်
အဝတ်သေတ္တာငယ်ကိုအဖော်ပြု၍လာခဲ့သည်။ထို့ကြောင့်သူသည်လည်းအကြောင်း
သိသူများကလွဲရင်မိမိကိုယ်ကို’စင်ဂဲလ်-လူပျိုလူလွတ်’ဟူ၍အကြီးအကျယ်
ကြေညာမောင်းခတ်ထားသည်။’ကျွန်တော်စေးစေးဝါး၊လူပျိုကြီးပါခင်ဗျာ’ဟူ၍။
ဘီယာသို့မဟုတ်အမေရိကန်ယစ်ရွှေရည်တစ်မျိုးနှင့်မီးပေါင်တင်ထားတိုင်း
ကျွန်တော်တို့၏စောစေးစေးဝါးသည်လန်း၍တောတောင်မြိုင်ယံတို့၌လှည့်ကာဆေး
တောင်ဝှေးတစ်ချောင်းဖြင့်မြူးနေသော’ဇော်ဂျီ’လေးလိုလွင့်၍လွင့်၍တိမ်လွှာများအကြား
ရှိနေသလို။

ယခုဒီအိမ်သည်လူပျိုကြီးအစစ်ဆိုသူစမူထန်နှင့်တစ်ပြားသားမှမလျှော့
လူပျိုကြီးပါဟုမိမိကိုယ်ကိုမိမိတံဆိပ်ကပ်နှိပ်ထားသူစောစေးစေးဝါးတို့၏မဟာ
နန်းတော်ကြီးလည်းဖြစ်သည်။လူပျိုကြီးများတို့၏သီးခြားရပ်ဝန်းငြိမ်းချမ်းရာကမ္ဘာ
ဆိုရင်လည်းမမှားပါ။ဆန္ဒရှိပါက’ကျေးဇူးပြု၍ကျွန်တော်တို့ကိုစိတ်အနှောင့်အယှက်
ဖြစ်အောင်မနှောင့်ယှက်ပါနှင့်’ဟူသောစာသားကိုသူတို့နှစ်ဦး၏အိမ်ရှေ့တွင်ချိတ်ဆွဲ
လိုပါကချိတ်နိုင်သောပုဂ္ဂိုလ်ထူးကြီးနှစ်ဦးဖြစ်သည်။

နှစ်ဦးစလုံးကလည်းသူတို့ကိုယ်စီအတွေးကိုယ့်ကမ္ဘာလေးနှင့်ကိုယ်၊မူထန်က
ညဥ့်ဦးယံ၌လေးရှားကိုပတ်ဝန်းကျင်မှအနှောင့်အယှက်ဖြစ်လောက်အောင်၊တယ်လီ
ဖုန်းခေါ်ဆို၏။မလေးရှားမှအဝင်ဖုန်းကိုလက်ခံစကားပြော၏။ထိုအချိန်တွင်မကျယ်ဝန်း
လှသောမီးဖိုချောင်၏တစ်လုံးတည်းသာရှိသည့်ကုလားထိုင်ပေါ်၌ပြုံး၍စေးစေးဝါး
ကလည်းဘီယာကိုတစ်ကျိုက်ချင်း၊တစ်ငုံချင်းအရသာရှိရှိသောက်၍ဇရက်မင်းစည်းစိမ်
ခံ၏။သူတို့နှစ်ဦးနားလည်ကာအပြန်အလှန်ကျေနပ်မှုကအဓိကမဟုတ်လား။
တစ်ဦးကတယ်လီဖုန်းဖြင့်သောသောညံလျက်ရှိသလိုစေးစေးဝါးကလည်း
ပြုံး၍ကျေနပ်စွာဘာဖလိုမြို့၏ညချမ်းကိုဂျာမဏီနိုင်ငံထုတ်’ဘတ်ဝိုက်ဇာ’ဘီယာလေးနှင့်
ခံစား၍မြည်းသည်။

သူတို့နှစ်ဦးစလုံး၊တစ်ဦးနှင့်တစ်ဦးအလွန်အဆင်ပြေ၊ခင်မင်ရင်းနှီးကြသည်။
တစ်ခါမျှစကားများရန်ဖြစ်သည်ကိုမကြား။ချွင်းချက်တော့ရှိသည်။စေးစေးဝါးက
မျက်နှာချိုသွေး၍ချေးထားသောဘီယာဖိုး၊အိမ်လခဖိုးငွေများကိုပြန်၍မရတိုင်းမူထန်က
ကျွန်တော့်ထံကိုလာ၍ရင်ဖွင့်သည့်အကြိမ်ပေါင်းကလည်းမနည်း။
‘ဒီလူအလုပ်ကလည်းအခုထိအချိန်ပြည့်မရသေးဘူးဗျာ။လကုန်ကာနီး
မျက်နှာငယ်လေးနဲ့ငွေချေးပြီးအစိုးရကထောက်ပံ့ထားတဲ့အိမ်လခ၊မီးဖိုး၊ဂက်စ်ဖိုးတွေ
ကိုလည်းအရက်၊ဘီယာဝယ်သောက်ပုံရတယ်။’
ကျွန်တော်က’အေးလေ..ဒါဆိုရင်လည်းခင်ဗျားကထုတ်မချေးနဲ့ပေါ့ဗျာ’ဟူ၍
စောဒကတက်မိရင်။

‘ချေးတာမဟုတ်ဘူးဟေ့..ချေးတာမဟုတ်ဘူးဆရာသမားရဲ့။ကျေးဇူးရှင်
ကြီးကိုသနားလို့လေးလေးစားစားကိုလစဉ်ပေးကိုနေရတာ။သူ့မျက်နှာကိုမြင်ရင်လည်း
ငွေတွေပြန်တောင်းချင်စိတ်လည်းမရှိပါဘူးဗျာ။ကိုယ်ကလည်းအဲဒီလိုအခက်အခဲတွေ
ကြုံတွေ့ခဲ့ရတာလည်းမနည်းပါဘူးဗျာ’
‘အေး..ဒါဆိုခင်ဗျားတို့နှစ်ယောက်အဆင်ပြေနေရင်လည်းပြီးတာပဲဗျာ’
ဟူ၍သာစကားတွေကိုအဆုံးသတ်ခဲ့ရပေါင်းလည်းအကြိမ်ပေါင်းမနည်း။
ဘယ်လိုပင်ဖြစ်ဖြစ်၊အပြန်အလှန်လေးစားမှု၊ကျွန်းကိုင်းမှီကိုင်းကျွန်းမှီနှင့်
သူတို့နှစ်ဦးပျော်ရွှင်စွာစခန်းသွားနေကြသည်။

မူထန်၏အမေရိကန်မိတ်ဆွေတစ်ဦးကိုလည်းသူက’စေးစေးဝါးနှင့်ကျွန်တော်
မူထန်သည်အမေရိကန်၏ခေတ်သစ်အိမ်ထောင်စနစ်အရယောက်ျားအချင်းချင်းမေတ္တာ
သက်ဝင်ပြီး၊အတူလက်မထပ်ခင်၊အစမ်းပေါင်းသင်းနေထိုင်သည့်”ဂေးစုံတွဲ(Gay)”
မဟုတ်ကြောင်း’မျက်နှာကိုအတည်ငြိမ်ဆုံးထား၍ဖြေရှင်း၍ကြေညာချက်
ထုတ်ထားပုံရသည်။

မူထန်နှင့်စေးစေးဝါးတို့ကနွေလည်းပျော်၊ဆောင်းမှာလည်းအဆင်ပြေ၊
နွေကာလဆိုရင်လည်းကဗျာတွေဆန်ပြီးအစွမ်းကုန်ကြည်နူးနေကြတယ်။
‘ကိုကြီးမူထန်ရေဒီညအိမ်ပြန်လာနော်”ဖုစတက်”(FoodStamp)
(အမေရိကန်အစိုးရမှဒုက္ခသည်များကိုအလုပ်အကိုင်မရမီသို့မဟုတ်မိသားစုဝင်ငွေနည်းလျက်ထောက်ပံ့ပေးသည့်အစီအစဉ်၌အသုံးပြုရန်ပေးထားသည့်အခမဲ့အစား
အသောက်ဝယ်ယူရေးကတ်ပြား။တစ်ဦးချင်းစီ၌သတ်မှတ်ထားသောငွေကြေးပမာဏ
အတိအကျပါ၏။)ဝင်လို့အိမ်မှာအမဲသားကရင်ချက်ချက်စားတယ်။’ဆိုရင်မူထန်
ကလည်း’အေးအေးငါပြန်လာခဲ့မယ်သိလား…မအိပ်သေးနဲ့ဦး’ဟူ၍ဆိုတတ်
သည်။

အခုလည်းနှလုံးသားမီးလောင်ကျွမ်းနေသည့်အချစ်ဝေဒနာသည်စမူထန်၏
တဟုန်းဟုန်းတောက်နေသည့်အပူမီးသည်ဘဝတူ၊မိမိကိုယ်ကိုလူပျိုကြီးဟုရာနှုန်းပြည့်
သတ်မှတ်ထားသည့်စေးစေးဝါးကိုလည်းကူးစက်၍လောင်ကျွမ်းနေပြီလားမသိ။
စေးစေးဝါးကတော့စိတ်ညစ်ပြီဆိုရင်ပို၍သောက်တတ်သည်။’အစ်ကိုကြီး
မူထန်အတွက်ခံစားရလွန်းလို့ပါ’ဆိုပြီးခေါင်းစဉ်တပ်ပါကထိုည၏ဘီယာ၊အရက်ဖိုးကို
မူထန်ကထုတ်ရပေပြီ။

စေးစေးဝါးကပျော်ရွှင်ကြည်နူး၍သောက်ပါကလည်းအလုပ်ရှိ၍ပုံမှန်ဝင်ငွေရ
နေသောစမူထန်ကပဲအကြိမ်တော်တော်များများထုတ်ရပြီး၊’အစ်ကိုကြီးရဲ့ခံစားမှုကို
ထပ်တူခံစားရပါသည်’ဟုဆိုလာပါကမူထန်ကြီးသည်ရက်ရောစွာဖြင့်ဘီယာဖိုးတို့ကို
ပို၍ပို၍ပေးပေးတော့မည်။

ဒါကြောင့်သူတို့နှစ်ဦး၏’လူပျိုကြီးဂေဟာ’သည်အချစ်၏ခါးသီးသောမုန်တိုင်း၊
မုန်တိုင်းတောင်မှမွမွကျေအောင်ရက်စက်သောအချစ်နာဂစ်ဖြစ်သွားခဲ့ပြီလော။ထို့ကြောင့်
သူတို့နှစ်ဦးအိမ်ကိုလည်း’အချစ်ဘေးဒဏ်သင့်သောကမီးရပ်ဝန်း’ဆိုပြီးဆိုင်းဘုတ်
တောင်ပြောင်း၍ချိတ်ဖို့ပြင်ဆင်ကြလေပြီလားမသိ။

တစ်လှမ်းချင်းလှမ်း၍ကျွန်တော်အိမ်၏စေ့ထားသောတံခါးကိုအသံမထွက်
အောင်ဖြည်းဖြည်းလေးတွန်းကာဖွင့်လိုက်မိသည်။
‘အေးပါ..ဟာ..စိတ်ချစမ်းပါ”ဒါတွေခေါင်းထဲမထည့်ပါနဲ့”အနာဂတ်
ကိုတို့ပိုင်ပါတယ်’ဆိုပြီး၊ထန်းလျက်ခဲကိုပျားရည်ဆမ်းထားသောအသံမျိုးစမူထန်၏
အခန်းမှမတိုးမကျယ်လေးကြားလိုက်ရသည်။

‘အသည်းလေး..အိပ်တော့နော်..ဂွတ်နိုက်’ဆိုသည့်အသံနှင့်အတူ’အိမ်ပေါ်
ကိုဘယ်သူတက်လာလဲမသိဘူး၊ခြေသံကြားတယ်၊ကိုယ်တစ်ချက်ကြည့်လိုက်ဦးမယ်နော်။
အတိတ်တွေခေါင်းထဲမှာထည့်မနေပါနဲ့ကွာ။မနာလိုတဲ့လူတွေစကားနားမယောင်နဲ့နော်
..အေး..အေး။ဂွတ်နိုက်..ကျွတ်..ကျွတ်’ဆိုပြီးတယ်လီဖုန်းကိုအသံမထွက်
ထွက်အောင်တစ်ဖက်လူမကြားကြားအောင်နမ်းနေပြန်သေးသည်။

‘ဟာ၊ခင်ဗျားကလည်းတယ်လီဖုန်းလေးကြိုမဆက်ဘဲ၊ဆိုင်းမဆင့်ဗုံမဆင့်
ဘယ်လိုရောက်လာသလဲ’
‘နေပါဦး..ခင်ဗျားကချစ်သူအသစ်တွေဘာတွေရသွားပြီလား။ခုနတယ်လီ
ဖုန်းပြောသံတွေကြားလိုက်လို့’ဟုကျွန်တော်ကအံ့သြကြီးစွာမေးလိုက်မိတော့…
‘ပေါက်ကရ..ဘယ်ကသာချစ်သူအသစ်လဲ။ဒီအချစ်ဆုံးတစ်ယောက်ပဲရှိတာ။
ရိုးမြေကျရာသက်ပန်ပေါင်းဖို့သူပဲရှိတာ။သူ့ကိုပဲဖုန်းဆက်ရမှာပေါ့၊ခင်ဗျားကလည်း
တစိမ်းဆန်တဲ့စကားမပြောပါနဲ့ဗျာ’
‘နို့..နေပါဦး၊ခင်ဗျားပဲကမ္ဘာပျက်မတတ်ဒေါသတွေထွက်၊ပြတ်ပြီပြတ်ပြီကွ
လို့ဆိုလိုဆို။ကျွန်တော်တောင်ခင်ဗျားဒီသောကနဲ့ကိုယ့်ကိုယ်ကိုယ်သတ်သေနေ
လောက်ပြီထင်လို့လာကြည့်တာ။ခင်ဗျားတို့ကလည်းအပြောင်းအလဲကအရမ်းကို
မြန်တယ်ဗျာ’

‘ဟေ့လူ..အချစ်မှာအကြီးမားဆုံးအနှစ်သာရဆိုတာရှိတယ်။ခင်ဗျားလည်း
လူပျိုကြီးဆိုတော့ဒါတွေနားမလည်လောက်ပါဘူးဗျာ။ဟုတ်တယ်၊ကျွန်တော်အရမ်းကို
စိတ်ဆိုး၊ဒေါသထွက်ခဲ့တယ်။အဲဒါကိုသူကအမျိုးမျိုးသောနည်းဗျူဟာတွေနဲ့ဖုန်းကို
စက်သေနတ်ပစ်သလိုအဆက်မပြတ်မလေးရှားကနေခေါ်။ကိုယ့်ကိုတောင်းပန်လိုက်တာမှ
နှိမ့်ချမှုအတိုင်းအဆကိုတိုင်းတာလို့မရတော့ဘူးဗျာ။ဘယ်..မိန်းကလေးတန်မဲ့
ဒီလိုတောင်းပန်တော့ကျုပ်အရမ်းကိုစိတ်ထိခိုက်သွားတယ်ဗျာ။ချစ်သူတွေ၊ဘာတွေ
ထားဦး၊လူသားတစ်ယောက်အနေနဲ့ကရုဏာစိတ်အပြည့်နဲ့ခံစားမိတယ်ဗျာ။အပြစ်က
လည်းကြီးကြီးမားမားမဟုတ်ပါဘူးဗျာ’

ပါးစပ်ကိုအဟောင်းသားဖွင့်၍ကျွန်တော်နားထောင်နေလိုက်မိသည်။
‘ရင်းနှီးလွန်းခဲ့တဲ့အမျိုးသမီးတွေနဲ့အစိုးရိမ်လွန်ပြီးချစ်သဝန်လေးသူ့ခမျာ
တိုမိသွားရှာတာပါဗျာ။ဒါ..အချစ်မှာအပြစ်မှမဟုတ်တာ။သဘာဝပဲ။စိတ်တိုတုန်း
ကတော့ဗျာ၊ပေါက်ကွဲတာပေါ့။အခုအကျွန်ုပ်စမူထန်သူမအား(၁ဝဝ)ရာခိုင်နှုန်းမက၊
၁သောင်း၊၁သိန်း၊၁သန်းသောနှုန်းတွေနဲ့ရင်ထဲမှ၊စစ်မှန်သည့်နှလုံးရင်ပြင်မှ
ခွင့်လွှတ်လိုက်လေသတည်းဗျာ။ကျုပ်တို့အဆင်ပြေသွားကြပြီ’။
‘ကဲ..ဘာပြောချင်သလဲ’မျက်နှာကလည်းဝင်း၍ထိန်ထိန်သာနေသည့်
လမင်းကြီးပမာ။

ကျွန်တော်ဘာမှစမူထန်ကြီးအားမပြောလိုတော့ပါ။သူ၏ပျော်ရွှင်၊တက်ကြွ၊
ကြည်နူးမှုလှိုင်းကြီးသည်မိုးသားကောင်းကင်ယံကိုပင်အာခံတော်လှန်နိုင်သောပမာဏ
အထွတ်အထိပ်သို့ရောက်သွားခဲ့ပြီလေကော။တရားကျလောက်ပေသည်စမူထန်။
‘ဘာလဲ..အခုခင်ဗျားကကော်ဖီဆိုင်သွားဖို့လာခေါ်တယ်မဟုတ်လား။ဆောရီးပါဆရာသမားရေ၊ဆောရီးပါ။ချစ်သူအခုအိပ်နေပြီ၊တစ်ရေးနိုးလို့အပေါ့လေး
ဘာလေးထသွားပြီးသူကဖုန်းခေါ်လို့ကိုယ်က’အသည်းလေးရေအိပ်ပျော်အောင်
ပြန်အိပ်နော်လို့’ပြန်ပြီးချော့သိပ်ဖို့အဆင်သင့်အနေအထားရှိရမယ်။အခုမှဗျာ၊အချစ်
လှိုင်းတွေ၊အချစ်ဒီရေတွေကတရိပ်ရိပ်နဲ့ကိုတက်နေပြီဗျာ။ဆောရီးပဲဆရာသမားရေ။
ဒီနေ့တော့ဆောရီးပဲဗျာ။ဘာလဲကော်ဖီဖိုးမရှိလို့လား..ရော့အစိမ်း(၁ဝ)’ဆိုပြီး
အမေရိကန်(၁ဝ)ဒေါ်လာတန်ကိုပင်ကျွန်တော့်လက်ထဲထည့်ပေးလိုက်ပြန်သည်။
ကျွန်တော်ဘာမျှလည်းမပြောလို၊မပြောနိုင်၊မပြောတတ်တော့။အချစ်မီးလျှံ
တို့ဖြင့်တဟုန်းဟုန်းတောက်နေသောမူထန်ကြီးကိုဝေးဝေးမှရှောင်ရှားနိုင်ဖို့အတွက်
ကော်ဖီဖိုးလေး(၁ဝ)ကိုယူရင်းသူ့ကိုပင်နှုတ်မဆက်တော့ဘဲအခန်းထဲမှထွက်ခဲ့သည်။
အချစ်ပိတုန်းကြီးစမူထန်၊မေတ္တာပန်းပေါင်းစုံဥယျာဉ်ကြီးဝယ်ဝဲကာဝေ့ကာ
မြင့်ချီတစ်လှည့်၊နိမ့်ကာတစ်မျိုးပျံသန်း၍၊အချစ်..အချစ်ဆိုသည့်ဝတ်ရည်
နုနုချိုချိုလေးတွေကိုတစ်စက်စီအားပါးတရသုံးဆောင်နိုင်ပါစေဟုသာဆန္ဒပြုလိုက်မိ
သည်။

(၄)
နွားငယ်လေးရေကူးသကဲ့သို့ခေါင်းလေးတမော့မော့နှင့်ထိုအချိန်မှစတင်ပြီး၊
အချစ်ပါရဂူမူထန်ကိုတွေ့ရတော့သည်။သွားလည်းအချစ်၊စားလည်းအချစ်အိပ်ရင်
လည်းအချစ်၊သန်းခေါင်ယံရမ်းပြီးယောင်မိရင်တောင်မှ’အသည်းလေး’ဆိုတာတွေ
ဖြစ်ကုန်၏။

မုဒိတာပွားပါ၏စမူထန်၊လေးစားပါ၏၊အောင်မြင်နေမှုများကိုဂုဏ်ပြု
မှတ်တမ်းတင်ပါ၏စမူထန်။ဆက်၍ဆက်၍အချစ်ပန်းတွေပွင့်နေနိုင်ပါစေဟူ၍သာ။
သူနှင့်ကျွန်တော်ခေါင်းစဉ်မတူသည့်ဘာသာရပ်တွေရှိသလို၊တစ်ထပ်တည်း
တူညီနေသည့်ခေါင်းစဉ်တွေကလည်းရှိသည်။စမူထန်သည်ပါရမီရှိသောပန်းချီဆရာ
တစ်ယောက်ဖြစ်သည်။သို့သော်ထိုပါရမီကိုသူအလေးထားပုံမရ။သူအချိန်ရခိုက်
ထိုင်၍ဆွဲသောရေဆေးပန်းချီကား(၃)ချပ်ကိုကျွန်တော်တွေ့သွားပြီးမျက်လုံးပြူး
သွားသည်။

‘ဟာ..ဆရာသမား..ခင်ဗျားကတကယ့်ပါရမီရှင်ပဲ၊ဆက်ပြီးဆွဲပါဗျာ။
ဒီမှာကြိုးစားပြီးပန်းချီကျောင်းလေးတက်ပါဗျာ’ဟုကျွန်တော်ကပြောလျှင်၊
‘သိပါတယ်ဗျာ။ဒါပေမဲ့ဘဝရှင်သန်ရေးကိုဦးစားပေးရမယ်မဟုတ်လား။အသက်
(၈ဝ)ကျော်အမေလည်းရှိသေးတယ်။ပြီးတော့မိန်းမလည်းယူရဦးမှာဗျ’ဟုပြန်ဖြေ
တတ်သည်။

‘အခက်အခဲတွေတော့ရှိတာပေါ့ဗျာ။ဒါပေမဲ့ပါရမီအခံကလည်းရှိ၊တစ်ခါ
ထပ်ပြီးခင်ဗျားကအချိန်ပေးပြီးဒီပန်းချီပညာကိုစနစ်တကျနည်းစနစ်တွေနဲ့မွမ်းမံ
လိုက်ရင်တစ်နေ့ခင်ဗျားထိပ်တန်းပန်းချီဆရာကြီးဖြစ်မှာဗျ’လို့ရင်ထဲမှအနုပညာကို
ချစ်သူတစ်ယောက်ဖြစ်သောကျွန်တော်ကအကြံပေးလျှင်၊
‘စိတ်ချပါ။တစ်နေ့လုပ်ကိုလုပ်မှာ။ဒီမှာအထိုင်ကျဖို့ကအရင်လုပ်ရမှာ။အများ
ကြီးကျုပ်အိပ်မက်တွေမက်ထားတယ်’
‘နေပါဦး၊ခင်ဗျားအခုအသက်ဘယ်လောက်ရှိပြီလဲ’ဟုမေးလျှင်’အေး
..ဘာလိုလိုနဲ့ကျွန်တော်လည်း(၄၅)နှစ်ကိုတောင်ကပ်နေပြီဗျာ။အချိန်တွေအချိန်တွေ’
ဆိုပြီးသူရေရွတ်တတ်သည်။

“StarBurg”ကော်ဖီဆိုင်ထိုင်တိုင်းစာပေ၊အနုပညာ၊သီချင်း၊ပန်းချီကားများ၊
သူ၏ပုသိမ်ထောင်သားဘဝတွေကိုစမူထန်တစ်ယောက်အားပါးတရပြောပြတတ်သည်။
အနာဂတ်များမှုန်ဝါးနေသည့်သူ၏မလေးရှားနေ့ရက်များ၊မိတ်ဆွေတစ်ယောက်
ကပြောပြထား၍မူထန်ကြီးတစ်ယောက်၊မလေးရှားလမ်းပေါ်ကဆိုင်ကယ်ဓားပြတို့၏
ရိုက်နှက်ထိုးကြိတ်ခံခဲ့ရပုံကိုလည်းကြားခဲ့ရသည်။သူကလည်းထိုအကြောင်းကိုမပြောပြ၊
ကျွန်တော်ကလည်းမမေးမိ၊မမေးရက်ပါ။

‘အေးဗျာ..လူ့ဘဝဆိုတာကလည်းအဆန်းကြယ်သားဗျ။ဒီအမေရိကန်မှာ
မြန်မာနိုင်ငံကဒုက္ခသည်တစ်ယောက်အနေနဲ့လာပြီးအခြေချ၊ကျင်လည်ရမယ်ဆိုတာ
အိပ်မက်တောင်မမက်ဖူးပါဘူးဗျာ။ပညာသင်လေးဘာလေးဒါမှမဟုတ်အလည်
သဘောမျိုးတော့လာမယ်ဆိုတာပဲ။ဆယ်ကျော်သက်တုန်းကစိတ်ကူးခဲ့တာ၊အေးလေ
..လူ့ဘဝခရီးလမ်းဆိုတာကလည်းအလိမ်အကွေ့၊အတက်အဆင်းတွေနဲ့’ဆိုပြီး
စာတစ်တန်ပေတစ်တန်ဖွဲ့၍အကြောင်းဆုံရင်သူပြောတတ်သည်။
ဒီကြားထဲညှပ်ညှပ်ပြီးဟင်္သာတမြို့၌နေထိုင်ခဲ့စဉ်ဆယ်ကျော်သက်ရွယ်ဘဝ
အချစ်ကံခေခဲ့သည့်အဖြစ်အပျက်များ၊မိမိအားအလွန်နားလည်သည့်ယခုလက်ရှိ
ချစ်သူသည်သာသူ့ဘဝပုစ္ဆာအားလုံး၏အဖြေပင်ဖြစ်ကြောင်း၊လူမျိုးချင်းမတူညီသော်
လည်းစစ်မှန်သောမေတ္တာတွင်မည်သည့်တံတိုင်းအဆီးအတားမှမရှိကြောင်းကပ်၍
ကပ်၍ကြေညာဝင်တတ်သည်။

‘အေးပါဗျာ။ယုံပါတယ်၊ယုံပါတယ်’ဟုကျွန်တော်ကခေါင်းညိတ်၍ထောက်ခံ
ရသည်။စတင်ရောက်ရှိလာသူတစ်ဦးအတွက်မလေးရှားတွင်ဘဝခရီးကြမ်းတမ်းခဲ့ပုံများ၊
ဒုက္ခသည်များဆိုင်ရာရုံးတွင်စကားပြန်အဖြစ်ဖြတ်သန်းရသောနေ့ရက်တွေ..။
‘ဝါသနာကလည်းပါ၊ကုသိုလ်လည်းရဝမ်းလည်းဝအလုပ်ပါဗျာ’ဟူ၍နှင့်မဆုံး
..’အဲဒီမှာလေအသည်းလေးနဲ့တွေ့တာပေါ့ဗျာ’ဆိုတာလည်းပါသည်။
‘မလေးရှားမှာဘယ်နည်းဘယ်ပုံနဲ့တရုတ်နယ်စပ်ကိုဖြတ်ပြီးရောက်လာမှန်း
မသိတဲ့မြောက်ကိုရီးယားနိုင်ငံကလူတွေနဲ့လည်းဆုံရသေးတယ်ဗျာ၊ကျွန်တော့်သူငယ်ချင်း
ကိုဂျိမ်းဆိုရင်သူတို့တစ်တွေနဲ့နှစ်နဲ့ချီပြီးအလုပ်လုပ်ခဲ့ရတာကွ’
အကာအကွယ်မဲ့ကြေမွသွားပြီးတစ်စစီဖြစ်သွားသည့်မြန်မာနိုင်ငံမှလူငယ်
အမျိုးသမီး၊အမျိုးသားတို့၏ဘဝအထွေထွေ။
နေ့ခင်းကြောင်တောင်ဘတ်စ်ကားပေါ်၌ဓားပြတိုက်ခံရသည့်မြန်မာနိုင်ငံသား
တို့၏အဖြစ်အပျက်တွေ။

ချစ်စရာကောင်းပြီးအနှစ်သာရရှိသည့်ရိုးမြေကျမြန်မာ့ယဉ်ကျေးမှု၏အိမ်ထောင်
ရေးစနစ်ကြီး၊တစ်ပါးမြေသူစိမ်းတစ်ရံဆန်သောအရပ်၌ဟားတိုက်ပြီးပျက်ရယ်ပြုမှု
ခံရခြင်းတွေ။

‘ဟေ့..ဘာမှဂရုစိုက်စရာမလိုဘူး။လူမှာအခွင့်အရေးအပြည့်ရှိတယ်။ဒါက
မလေးရှားလေ၊နှစ်ဦးနှစ်ဖက်အဆင်ပြေရင်ပြီးတာပဲမဟုတ်လား’ဆိုပြီးမြန်မာနိုင်ငံ၌
ကျန်ရစ်ခဲ့သောမိဘ၊သားသမီးတို့၏သောကမျက်ရည်ပူမီးကိုလျှံစေသည့်ခေတ်သစ်
ရာဂ၊တဏှာကျေးကျွန်တို့၏အဖြစ်အပျက်တွေ။

‘မြန်မာနိုင်ငံမှာရှာလို့မရတဲ့ငွေကိုဒီမလေးရှားမှာကရှာလို့ရတယ်လေ။
သက်ဆိုင်ရာဘာသာရေးအဆုံးအမတွေနဲ့အညီနေထိုင်ကျင့်ကြံပြီးမိသားစုအကျိုး၊
ရပ်ကျိုးရွာကျိုးတွေကိုဆောင်ရွက်တဲ့လူတွေလည်းအများကြီးပါဗျာ’
တစ်ခါမျှမကြားဖူးခဲ့သည့်တရားမဝင်ဘီယာအတုလုပ်ငန်းကြီး၊ထိုင်း၊တရုတ်
တို့မှဘီယာများအားစည်ကြီးများဖြင့်မလေးရှားသို့တင်သွင်းပြီးသန့်စင်ထားသည့်
ကမ္ဘာ့ထိပ်တန်းဈေးကြီးသည့်အမှတ်တံဆိပ်ပုလင်းထဲသို့သွတ်သွင်းကာမလေးရှားမှ
တရုတ်တွေအကြီးအကျယ်စီးပွားဖြစ်နေသည့်မလေးရှားမြေအောက်စီးပွားရေးလုပ်ငန်း
အကြောင်းကိုလည်းမလေးရှားမှအမေရိကန်သို့ဒုက္ခသည်အဖြစ်ရောက်ရှိလာသော
မိတ်ဆွေသစ်တစ်ဦးကသူ၏ကိုယ်တွေ့ဘဝကိုစိတ်ဝင်စားဖွယ်ပြောပြသည်။

‘မတတ်နိုင်ဘူးလေ။အဆင်ပြေပြီးဝင်ငွေလည်းကောင်းကောင်းရမယ့်အလုပ်
ဆိုရင်လုပ်ကြရတာပဲဗျာ’
‘တကယ်ဖြစ်လာရင်လည်းဘယ်သူမှထိထိရောက်ရောက်ကယ်နိုင်တာမဟုတ်
ပါဘူးဗျာ’
‘ယူအင်ကတ်(UN’sCard)-ကမ္ဘာ့ကုလသမဂ္ဂဒုက္ခသည်များဆိုင်ရာမဟာ
မင်းကြီးရုံး)ကိုတော့ရအောင်ကြိုးစားပြီးယူရတယ်ဗျာ။တစ်ခုခုဖြစ်လို့အဖမ်းအဆီး
ခံရရင်အဲဒီယူအင်ကတ်ကိုင်ထားတဲ့လူကိုယူအင်(UN)ရုံးကလာထုတ်ပေးတယ်လေ’
သြော်ဘဝတွေ၊ဘဝတွေ။သိန်းနှင့်ချီသောအမိမြေမှထိုင်းနိုင်ငံရောက်၊
ဝမ်းစာရှာသူတို့၏ဘဝတွေ၊ရာခိုင်နှုန်းတော်တော်များများဘဝလုံခြုံမှုကင်းမဲ့ရှာသော
မလေးရှားရောက်ချစ်သောမြန်မာနိုင်ငံမှသားပျိုသမီးပျိုတို့၏လောကဓံလှိုင်းအဖုံဖုံ
အနိမ့်အမြင့်။
‘အေးလေ..ကိုယ့်တိုင်းပြည်ကလည်းဖြစ်ချင်တိုင်းဖြစ်နေတာကိုး။ဒီလိုဝင်ငွေနဲ့
အခုလိုကောင်းကောင်းစား၊ကောင်းကောင်းဝတ်အနေအထားမျိုးမြန်မာနိုင်ငံမှာ
တစ်ဝက်ပဲရှိကြည့်၊ကျွန်တော်အခုထပြန်မယ်ဗျာ။အမေ့ကိုအရမ်းသတိရတယ်’
သူပြောပြီးမျက်ရည်တွေစီးကျလာသည်ကိုစမူထန်ရောကျွန်တော်ပါမကြည့်
ရက်ပါ။ဥခွံကွဲခဲ့သောအသိုက်အမြုံဟောင်းကိုကျေးငှက်များပင်တမ်းတ၍လွမ်းမော
တတ်ကြသည်မဟုတ်ပါလား။

‘ဘာပဲဖြစ်ဖြစ်ဘဝကိုအကောင်းဘက်ကပဲကြည့်မှ၊ဒီလောကကြီးထဲမှာဆက်ပြီး
အသက်ရှင်ချင်တဲ့စိတ်ရှိမှာ’လို့စမူထန်ကကျွန်တော်တို့စကားဝိုင်းတွေကိုသိမ်သိမ်
မွေ့မွေ့လေးပြောပြီးအဆုံးသတ်တတ်သည်။

ဆက်လက်ဖော်ပြပါမည်။
အပိုင်း (၁)
အပိုင်း (၂)
အပိုင်း (၃)
အပိုင်း (၄)
အပိုင်း (၅)
အပိုင်း (၆)
အပိုင်း (၇)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

 ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ

By

ဦးခင်မောင်လတ်(MA) နဲ့ ဒေါ်ခင်မျိူးချစ် – အင်္ဂလိပ်စာတတ်လိုသော် စာအုပ် ထွက်ပြီ (မိုးမခ) ဖေဖော်ဝါရီ ၅၊...

Read more »

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ 

By

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ  မိုးမခစာပေက ထွက်ပါပြီ။...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်