စောဝေ – ရင်ခုန်သံသစ် နိုဝင်ဘာရှစ်

November 21, 2015

စောဝေ – ရင်ခုန်သံသစ် နိုဝင်ဘာရှစ်

(မိုးမခ) နိုဝင်ဘာ ၂၁၊ ၂၀၁၅

“စစ်အာဏာရှင်တွေက နိုင်ငံရေးခေါင်းဆောင်၊ နိုင်ငံရေးအဖွဲ့တွေကို ခေါင်းချိုးလို့ရမယ်၊ ပြည်သူကိုတော့ ဘယ်တော့မှ ခေါင်းချိုးလို့မရဘူး” (ရဲဘော်ဖိုးသံချောင်း)

၂၀၁၅ ရွေးကောက်ပွဲမဲဆွယ်ခွင့် ကြေညာသည့်နေ့မှာပင် ကျွန်တော့်ဖေ့ဘွတ်မှာ “NLD”  အောင်နိုင်ရေးအတွက် မည်သည့်နေရာဒေသကမဆို ဟောပြောရွတ်ဆိုပေးဖို့ ဖိတ်ခေါ်ပါက မိမိစရိတ်ဖြင့် မိမိ ဝိုင်းရံပေးပါမည်” ဟု ရေးတင်လိုက်ဖြစ်သည်။ ထိုမှစ၍  တိုင်းနဲ့ပြည်နယ်၊ မြို့ရွာအနှံ့၊ ပန်းရဲ့လမ်းဖြင့်၎င်း၊ အဖြူရောင်သက်တံဖြင့်၎င်း၊ စာပေဂီတ ရုပ်ရှင်ပေါင်းစု၍ ၄င်း၊ သွားရောက်ဟောပြောရ၊ ရွတ်ဖတ်ရဖြင့် လှည့်လည်သွားလာနေရတော့သည်။

ကိုယ်သိထားသော ဒီမိုကရေစီကျင့်စဉ်များ၊ သဘောတရားများ၊ စည်းကမ်း၊ စာနာနားလည်မှု၊ လှုံ့ဆော်မှု စသည်များကို ဒေသနှင်၎င်း၊ အတူတွဲပါလာသော လူများကို၎င်း ကြည့်၍ ဟောတန်ဟော၊ ပြောတန်ပြော၊ ရွတ်တန်တာရွတ်၊ ဆိုသင့်တဲ့အခါ တောင်းဆိုတဲ့အခါ ထူးအိမ်သင်ရေးဆိုတဲ့ သွေးသစ္စာ၊ သူ့ရဲ့ ညီ ဒီမွန်ရေးတဲ့ အောင်ဆန်းစိတ်ဓာတ် စသည်ဖြင့်ဆိုရသည်။ ပန်မြန်မာနဲ့ ရသအစုန်အဆန်ပွဲမှာပင် အောင်နိုင်ရေးပုံစံမျိုး ရသနဲ့ နိုင်ငံရေးပေါင်း လုပ်ပေးဖြစ်သည်။  “မိစ္ဆာတွေမောင်းထုတ်” လို ကဗျာမျိုးကို ပရိသတ်နဲ့ အတူတွဲရွတ်သည့်ပုံစံ။

လူပရိသတ်ထောင်သောင်းမကပါ။ ထိုပရိသတ်အားလုံးကို စင်ပေါ်မှ “ဒီမိုကရေစီဆိုတာ ကိုယ့်တာဝန်ကိုယ် ပြည့်ပြည့်ဝဝ သတ္တိရှိရှိယူရဲရတာ။ ဒါကြောင့် ကိုယ့်အမှိုက် သူများအမှိုက်လေးတွေ သိမ်းသွားကြပါလို့” ကျွန်တော်ကပြောရင် ခလေး၊ လူကြီး၊ သီလရှင်၊ သံဃာတွေကပါ လုပ်ဆောင်ကြတာ တွေ့ရသဖြင့် လူထုကြီးရဲ့ ပါဝင်မှုအားက ကြက်သီးထစရာ။
နိုဝင်ဘာငါးမှာ သန်လျှင်လူထုက ငါးသောင်းဝန်းကျင်လို့ ခန့်မှန်းကြတယ်။ မိစ္ဆာတွေမောင်းထုတ်ကဗျာ ဆုံးအောင်မရွတ်နိုင်တော့။ အသံက လုံးဝမထွက်တော့။ သုံးလေးပိုဒ်ချန်ပြီး ရွတ်ခဲ့ရသည်။ မိစ္ဆာတွေမောင်းထုတ်ဖို့ NLD ကို မဲပေးစို့ဆိုတော့ အောက်ပရိသတ်ကြီး သန်လျင်တစ်မြို့လုံး သိမ့်သိမ့်တုန်အောင် အော်ရွတ်ကြတော့သည်။ ဆေးစား အသံပြန်ထွက်အောင် နားရင်း နိုဝင်ဘာရှစ်ကို စောင့်ရသည်။

နိုဝင်ဘာခုနှစ်ရက်ညမှာပင် လူက ဂနာမငြိမ်၊ ရင်အစုံကလည်း လှုပ်ခုန်လို့။ ပထမဆုံး မဂ္ဂဇင်းတိုက်ကို စာမူပို့တဲ့ ရင်ခုန်မှုမျိုးလို ခပ်ဆင်ဆင်။ အယ်ဒီတာက ရွေးမလား၊ ပယ်မလား စသည်ဖြင့်။ ထပ်တူကြီးတော့လည်း အရွယ်အရ မဟုတ်ပြန်၊ ရင်တော့ခုန်နေတာ အမှန်ပင်။ ရင်ခုန်သံအသစ်ပေါ့။

နိုဝင်ဘာရှစ် မနက် (၅) နာရီမှာ နိုးသည်။ မိသားစုအားလုံးလည်း မနှိုးရဘဲ နိုးနေကြသည်။ ဇနီးနဲ့ သမီးက လမ်းမလျှောက်တော့ဘူး၊ မဲရုံမှာ သွားတန်းစီမယ်ဆိုပြီး ငါးခွဲမှာ ထွက်သွားကြသည်။ ကိုယ်၌က ရပ်ကွက်ထဲကို ဖြတ်ပြီး လမ်းလျှောက်မည်၊ တွေ့သည့်လူကို ဗျူးချင်သေးသည်။ ဘာလို့ဆို ကျွန်တော်နေထိုင်သော ဗဟန်းမြို့ရဲ့ ရွှေဂုံတိုင်လမ်းဆိုတာက နိုင်ငံရဲ့အချမ်းသာဆုံးနဲ့ အဆင်းရဲဆုံးတွေ စုနေတဲ့ရပ်ကွက်များ၊ နှစ်ရှည်ကျူးကျော်တွေ ရှိသလို။ ခြောက်ထပ်ကြီးဘုရား၊ ငါးထပ်ကြီးဘုရား၊ ဝန်းကျင်မှ ဘုန်းကြီးကျောင်းတိုင်မှာ လူဆယ်ယောက်မှ သုံးဆယ်လောက်ထိ ကပ်နေသူများ။ ဒါကြောင့် သူတို့ရွေးကောက်ပွဲအပေါ် စိတ်ဝင်စားမှုရေချိန်ကို ကျွန်တော်သိလိုသဖြင့် အိမ်မှ လမ်းလျှောက်ထွက်လိုက်သည်။

ရာသီဥတုက သာသာယာယာပင်။ ငါးထပ်ကြီးဘုရားလမ်းထဲဝင်တော့ ကျေးငှက်သံများက စိုစီတွန်ကြူး၊ အကြော်ကြော်နေတဲ့ အဝေးသင်တက္ကသိုလ်တတ်နေဆဲ မိန်းခလေးကိုမေးတော့ “သမီး အကြော်ကုန်ရင် မဲသွားပေးမှာ” တဲ့။ ဆက်သွားတော့ ကွမ်းယာဆိုင်က လူကို အဒေါ်ကြီးတစ်ယောက်က “ ငါ့ယောက်ျားဆုံးတာ၊ ငါ့မှာမှတ်ပုံတင်မရှိတော့၊ ငါအခုမဲပေးချင်လို့ နင်ငါ့ကို ကူညီပါလား၊ ဧည့်စာရင်းရှိတယ်နော် နော် … ” လို့ အကျယ်ကြီးအော်ပြောနေတာကြားရ။

ရှေ့ဆက်သွားတော့ ဗိုလ်ချုပ်အောင်ဆန်းနေခဲ့တဲ့ ဗိုလ်ချုပ်ပြတိုက်ရှေ့မှာ မြန်မာဆန်ဆန် ဝတ်ထားတဲ့ လူငယ်သုံးဆယ်ခန့်။ ဘယ်သွားမှာလည်း ပေးလိုက်တော့ “မဲသွားထည့်မှာ၊ စိုက်ပျိုးရေးဝန်ထမ်းတွေတဲ့” ကန်တော်ကြီးထဲရောက် စည်ပင်ဝန်ထမ်းတွေမေးလိုက်တော့ အိမ်သာစောင့်က “ဗိုလ်ကြီးက ထည့်ခိုင်းလို့ ကြိုတင်မဲထည့်လိုက်ပြီ လက်ရှိပေါ့ ခြင်္သေ့”။ တမြက်လှည်းနေတဲ့လူက အကျယ်ကြီး “ကျွန်တော်က ခွပ်ဒေါင်းထည့်တယ်ဗျာ၊ မကြောက်ဘူး”တဲ့။

ကန်တောကြီးကျွန်းထဲ လှည့်လျှောက်တော့ တရုတ်လေးငါးယောက်က ခရမ်းရောင်မှင်စွန်းနေတဲ့ ဘယ်လက်သန်းလေးတွေထောင်ပြီး “ကျွန်တော်တို့ တာဝန်ကျေခဲ့ပြီ”  ကျွန်တော်တို့ တာဝန်ကျေခဲ့ပြီ” တဲ့။

အိမ်ပြန်ရောက်တော့ ဇနီးနဲ့သမီးက မှင်စွန်းနေတဲ့ သူတို့လက်သန်းလေးတွေကို အမေစုပုံအလံနောက်ခံနဲ့ ဓာတ်ပုံရိုက်ပြီး ဖေ့ဘွတ်ပေါ်တင်နေတာတွေ့ရ။ နာရီဝက်ကျော်ကျော် တန်းစီရတယ်တဲ့။

ရေမိုးချိုးပြီး နံနက်စာမစားနိုင်ဘူး။ ရင်ခုန်စွာနဲ့ အရှေ့ရွှေဂုံတိုင်မဲရုံ (၂)ကို သွားလိုက်တော့ ရှေ့မှာ ခြောက်ယောက်တန်းစီပြီး လွတ်လပ်လုံခြုံစွာပဲ ဆန္ဒပြုခွင့်ရ။ ပြည်သူ့လွှတ်တော်၊ အမျိုးသား၊ တိုင်းဒေသကြီး၊ NLD ကိုပဲ မဲပေးခဲ့။ သာသာယာယာပါဘဲ။

နံနက်စားရင်း ဖေစ်ဘွတ်ဖွင့်ကြည့်တော့ အားလုံးမှင်စွန်းထားတဲ့ လက်သန်းလေးတွေ တင်နေကြတာမြင်ရ။ ရင်ခုန်သံအသစ်က မရပ်နိုင်သေးတာနဲ့ ပန်မြန်မာရုံးခန်းကို ထွက်လာလိုက်တော့၊ မသီတာစမ်းချောင်း၊ ခင်အောင်အေး၊ အောင်ဇင်မင်း၊ ထားဥသုန်၊ ဇာခြည်၊ မြေမှုန်လွင်နဲ့ သူ့ဇနီး၊ ပြီးတော့ ရုရှားသူလေးတစ်ယောက်၊ ရွေးကောက်ပွဲရင်ခုန်မှုတွေ ဖလှယ်ကြ။ ထားဥသုန်က သူ့ဝတ္ထု ရုပ်ရှင်ရိုက်ဖို့ ရောင်းရလို့ ထမင်းကျွေး၊ ထိုင်စားကြပြီးတော့ သူများမဲပေးတဲ့ရုံ လိုက်ကြည့်ဦးမှဆိုပြီး မြေမှုန်လွင် မိန်းမ မဲပေးမယ့် မရမ်းကုန်းမြို့နယ်က မဲရုံလေးဆီရောက်တော့ (၃)နာရီထိုးခါနီးပြီ။

သာသာယာယာပါပဲ၊ တန်းမစီရဘဲ မဲပေးခွင့်ရသွားသည်။ ကျောင်းဝင်းအပြင်ထွက်တော့ လမ်းဘေးပလက်ဖောင်းမှာ မိုးကာခင်း၍ မိသားစုထိုင်နေတာတွေ့သည်။ မိုးအနည်းငယ်ရွာထားသဖြင့် အောက်က စိုစွတ်နေသည်။ ဂျိုင်းများ၊ ဓာတ်ဗူးများဖြင့် တွေ့သဖြင့် တာဝန်ကျနေတာလား လို့မေးတော့ “မဟုတ်ပါဘူး၊ မဲရုံပိတ်လို့ မဲရေရင်စောင့်ကြည့်ဖို့ မိသားစုလိုက်လာတာ” တဲ့။

ညဖေ့ဘွတ်ဖွင့်ကြည့်လိုက်တော့ သူတို့ရပ်ကွက်က သူတို့ထည့်ခဲ့တဲ့ရုံးရှေ့မှာ ဒီဇိုင်နာမြင့်မောင်ကျော်၊ ပန်းချီမမွေး၊ ညိုရင့်၊ မြသွေးနီ၊ အစရှိသဖြင့် ကျွန်တော့ဖရန့်များက စောင့်ကြည့်နေကြ။ ပြည်သူများရဲ့ ရွေးကောက်ပွဲမှာ ပါဝင်လိုမှုကတော့ သြချလောက်ပါရဲ့။ ရွှေဂုံတိုင်လမ်း၊ NLD ရုံးချုပ်ရှေ့မှာလည်း လမ်းအပြည့် ပြည်သူများ၊ မီဒီများ၊ စကိုင်းနက်မှ ထုတ်လွှင့်မှုကို ပရိုဂျက်တာဖြင့် ပြသကြေညာ။

ည (၉)နာရီထိုးကျော်ကျော်မှာ ကျွန်တော်နေတဲ့ ရပ်ကွက်က မဲစာရင်း ကျွန်တော်ထံ ဝင်လာပါပြီ။ NLD က အပြတ်အသတ်နိုင်ပြီး ပြည်ခိုင်ဖြိုးရတဲ့မဲ အရေအတွက်က  အင်မတန် နည်းနေတာ တွေ့ရတော့ အံ့သြမိသည်။ သူတို့မြို့နယ်ရုံးက အိမ်ချင်းကပ်လျက် ပိုက်ဆံထုတ်ချေးတာတို့၊ ထောက်ခံပွဲတို့ဆိုရင် လာလိုက်ကြတာ၊ ကားမျိုးစုံနဲ့ ထောင်ဂဏန်း၊ သောင်းဂဏန်း။ သူတို့အဖွဲ့ဝင်တွေကကို သူတို့ကိုမဲမပေးဘူးဆိုတာ ပေါ်လွင်တာပေါ့။ အော် ဒါမှ မရှက်ကြရင် ရှက်တော့မှာမဟုတ်ပါဘူး၊ အရှုံးကို သတ္တိရှိရှိ လက်ခံလို့လှတဲ့ အလှတရားလောက် ချစ်စရာကောင်းတာ လူ့လောကမှာ မရှိဘူးလို့ ပြောပါရစေ။

နိုဝင်ဘာ (၉)မှာ ရွေးကောက်ပွဲ တရားဝင်ကြေညာနေပါပြီ။ NLD ကဘဲ အပြတ်အသတ်နိုင်ပါတယ်။ အမေစုရဲ့စကားလိုဘဲ ပြည်သူလူထုကြီးက ပြည်ခိုင်ဖြိုးက မေးတာမှန်သမျှယူပြီး မဲပေးတော့ အမေစုကို မဲပေးလိုက်ကြလေသလား။ ပြည်သူပြည်သား၊ လူမျိုးဘာသာ အသားရောင်၊ အဆင့်အတန်း မခွဲခြားဘဲ ညီညွှတ်စွာ မိစ္ဆာတွေ မောင်းထုတ် ခဲ့လေသလား။

“ မိစ္ဆာတွေမောင်းထုတ်”

၁၉၈၈ ဒီမိုကရေစီမျှော်လင့်ချက်
ကိုင်စွဲခဲ့ ပြည်သူတွေကို
ကျည်ဆံမိုးတွေရွာဖြိုး
အညွှန့်တွေကျိုးခဲ့ရ နှစ်နှစ်ဆယ်ကျော်
မိစ္ဆာတွေ မောင်းထုတ်။

တိုင်းပြည်ကို စစ်ဇာတ်ခင်းလို့
လက်နက်၊ အာဏာနဲ့
ကိုယ်ကျိုးစီးပွားထူထောင်
ကမ္ဘာကကျဉ် တရုတ်ကခင်
ဘုရားသား၊ ကျောင်းသား
အရပ်သား၊ တိုင်းရင်းသား
ကောင်းတယ်ဆို ထောင်ထဲထည့်
မိစ္ဆာတွေ မောင်းထုတ်။

တစ်သက်လုံး လက်နက်ကိုင်
တစ်သက်လုံး စစ်တိုက်
တစ်သက်လုံး အခွင့်ထူးခံ
သူသိသူတတ် သူအာဏာရှင်
မရိုးနိုင်တဲ့ အကွက်ဆန်းတွေနဲ့
ပြည်သူကို နှာဖာကြိုးထိုးတဲ့
အသင်းကြီးကိုဖွဲ့
ဂွတ္တလစ်၊ ဒီပဲယင်း
၉၆-၂၀၀၇ ကျောင်းသား၊ သံဃာ
သွေးမြေကျအုပ်ချုပ်
မိစ္ဆာတွေ မောင်းထုတ်။

တိုင်းပြည်ရဲ့ အသွေးအသား
အရေးကြီးတဲ့ အခြေခံဥပဒေဆိုတာကို
အာဏာရစ်မူး စစ်ဘီလူးကြီးတွေက
နှစ်ပေါင်းများစွာရေးဆွဲ
အာဏာရူးကြီးကြိုက်ဖို့
လူတစ်ဦးကို ဖယ်ထုတ်
လူ့အသက်ပေါင်းသိန်းချီ
ကိုက်ချီသွားတဲ့ နာဂစ်ကျခါမှ
၂၀၀၈ ခြေဥတဲ့
အာဏာရှင်မိသားစုတွေရဲ့
အကျိုးစီးပွားကို ကာထားတဲ့
ခြံစည်းရိုးဥပဒေများ
မိစ္ဆာတွေ မောင်းထုတ်။

ဘယ်သူနဲ့မှမတူတဲ့ ဒီမိုကရေစီနဲ့
အင်္ကျီအရောင်ပြောင်း အာဏာကို
ဆရာက တပည့်ကိုပေး
တပည့်က သူ့တပည့်ကိုဆက်ပေး
လက်ပန်းတောင်း၊ သာယာဝတီ၊ မြို့တော်ခမ်းမ
လယ်သိမ်း၊ ယာသိမ်း၊ တောင်သိမ်း၊ တောသိမ်း
ငြိမ်းချမ်းရေးဆိုတဲ့ စကားလုံးအလှလေးနဲ့
တိုင်းရင်သားပြည်သူတွေရဲ့
သဘာဝအလှတရား
တောတွေပြောင်၊ တောင်တွေပြောင်
ရေကြီး၊ မိုးခေါင်၊ မီးလောင်
အကောင်းဆုံးရလာဒ်ကတော့
တကမ္ဘာလုံးက အော့နှလုံးနာတဲ့
ဘိန်းဖြူနဲ့ ရာဘဆေးပြားများ
မိစ္ဆာာတွေ မောင်းထုတ်။

အတိုင်းတိုင်းအပြည်ပြည်က
အမနာပပြောခံရ
ပြည်တွင်းပြည်ပ ခိုးဆိုးသတ် မုဒိမ်းတွေလွှတ်ပေး
နိုင်ငံရေးသမားတွေ ထောင်ထဲထည့်
နှစ်ပေါင်းရှည်ကြာ အုပ်ချုပ်နေတာ
ပြည်သူတွေသတ္တိနည်းလို့သာတဲ့
မိစ္ဆာတွေ မောင်းထုတ်။

ကမ္ဘာကြီးပေါ်က မိစ္ဆာတွေရဲ့
တို့ပြည်ကမိစ္ဆာဆရာကြီးတွေကို
အာဏာယစ်ပုလ္လင်က မောင်းထုတ်ဖို့
ဘုရားက တို့ရင်ထဲကို
မဲတပြားဖန်ဆင်းပေးခဲ့
ဘုရားက မေတ္တာတော် အနန္တနဲ့
မိစ္ဆာတွေ မောင်းထုတ်ဖို့
အမှန်တရားမဲတပြားပေးခဲ့
မိစ္ဆာာတွေ မောင်းထုတ်

မိစ္ဆာတွေ မောင်းထုတ်။

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခေတ်ပြိုင်အတွေ့အကြုံ, ခေတ်ပြိုင်အတွေ့အကြုံ, စောဝေ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်