ဒီမိုကရေစီခြေလှမ်းသစ်နှင့် ဘကြီးမိုး

November 25, 2015
My Friend Tin Moe By Maung Swan Yi - Selection of MoeMaKa Articles

 

ဒီမိုကရေစီခြေလှမ်းသစ်နှင့် ဘကြီးမိုး

(ကုမုဒြာဂျာနယ်) မိုးမခ၊ နိုဝင်ဘာ ၂၅၊ ၂၀၁၅

၅၂နှစ်ကျော် အမှောင်ဖုံး၊ ဒီမိုကရေစီအလင်းရောင် ပိန်းပိတ်မှောင်နေခဲ့ရာက ၂၀၁၅ နိုဝင်ဘာလ ၈ရက်နေ့ ရွေးကောက်ပွဲပြုလုပ်ကျင်းပရာက ပြည်လုံးကျွတ်တစ်ခဲနက် စည်းကမ်းရှိရှိ ဆန္ဒမဲပေးခဲ့ကြလို့ မြန်မာနိုင်ငံမှာ အမျိုးသားဒီမိုကရေစီအဖွဲ့ချုပ်ဟာ မဲဆန္ဒနယ်မြေ အားလုံးနီးပါး တောင်ပြိုကမ်းပြို အနိုင်ရပြီး ဒီမိုကရေစီ လမ်းကြောင်းပေါ်မှာ ပထမဆုံး ခြေလှမ်းသစ် တစ်လှမ်းစတင် လှမ်းနိုင်ခဲ့ပါပြီ ဖြစ်ပါတယ်။

 

အမျိုးသားဒီမိုကရေစီအဖွဲ့ချုပ်ဟာ ၈၈အရေးတော်ပုံအပြီး စတင်ဖွဲ့စည်းခဲ့ကာ ဒီမိုကရေစီတိုက်ပွဲ အတွက် နှစ်ပေါင်းများစွာ ရုန်းကန်တိုက်ပွဲခဲ့ကြပါတယ်။ ၁၉၉၀ပြည့်နှစ် ရွေးကောက်ပွဲမှာ အမျိုးသားဒီမိုက ရေစီအဖွဲ့ချုပ်ဟာ အပြတ်အသတ် အနိုင်ရရှိခဲ့ပေမယ့် စစ်တပ်အစိုးရက အာဏာလွှဲပြောင်းမှု မလုပ်ခဲ့ပါ။ အကြောင်းပြချက်ကမူ အခြေခံဥပဒေ အတည်ပြုရခြင်းမရှိ သေးသောကြောင့်ဟု ဆိုပါသည်။

 

သည်လို သည်လိုနဲ့နေခဲ့ရာမှာ မြန်မာနိုင်ငံသမိုင်းမှာ အဆိုးရွားဆုံး သဘာဝဘေးဒဏ် နာဂစ်အလွန် ၂၀၀၈မှာ စစ်တပ်က စိတ်တိုင်းကျ သူတို့ဘက် အခိုင်လုံဆုံး ဥပဒေများနဲ့ အတိုက်အခံများ မလှုပ်သာ မယှက်သာဖြစ်အောင် ဥပဒေအမျိုးမျိုးအတည်ပြုခဲ့ပြီး နိုင်ငံတော်သမ္မတနေရာကို စစ်ရေးအမြင်ရှိသူကိုသာ ခန့်အပ်ရမည်၊ ထို့ပြင် နိုင်ငံခြားသား သားသမီးရှိသူတို့ကို ရွေးချယ်ပိုင်ခွင့်မရှိဆိုသည့် ဒီမိုကရေစီမဆန်သော၊ လူ့အခွင့်အရေးမရှိသော ဥပဒေများပါဝင်ခဲ့သည့်အပြင် ဒီမိုကရေစီ လွှတ်တော်အစိုးရဖွဲ့စည်းရာမှာလည်း ဒီမိုကရေစီအသွင် လုံးဝမဆောင်တဲ့ လွှတ်တော်ထဲမှာ ရွေးကောက်တင်မြှောက်စရာမလိုတဲ့ စစ်တပ်ကိုယ်စားလှယ် ၂၅ရာခိုင်နှုန်း အော်တိုမက်တစ် ရရှိနေပြီးဖြစ်ရာ လွှတ်တော်အစိုးရဖွဲ့စည်းရန် ၂၀၁၀ရွေးကောက်ပွဲပြုလုပ်ကျင်းပခဲ့ရာ အမျိုးသားဒီမိုကရေစီအဖွဲ့ချုပ်က ပါဝင်ယှဉ်ပြိုင်ခြင်းမရှိဘဲ စစ်အစိုးရက အရပ်ဘက်လူမှုအဖွဲ့စည်းဆိုတဲ့ ကြံ့ခိုင်ဖွံ့ဖြိုးရေးပါတီက အများစု အနိုင်ရပြီး သမ္မတ ဦးသိန်းစိန်ဦးဆောင်တဲ့ လွှတ်တော်အစိုးရက တက်ရောက်လာနိုင်ခဲ့ပါတယ်။

 

သမ္မတဦးသိန်းစိန်ဟာ မြန်မာပြည်သူပြည်သားတွေ လိုလားနေကြတဲ့ မြစ်ဆုံစီမံကိန်းကို သူ့ရဲ့ငါးနှစ်သက်တမ်းမှာ ရပ်တန့်ဆိုင်းငံ့ထားဖို့ ဆုံးဖြတ်ချက်တစ်ခုကို ချမှတ်နိုင်ခဲ့တာပဲရှိတယ်။ လွှတ်တော်အစိုးရဆိုပေမယ့် နိုင်ငံတကာအစိုးရများကလည်း အသိအမှတ်မပြု တောင်မရောက် မြောက်မရောက် စစ်အစိုးရအသွင်ပြောင်း စစ်ဘောင်းဘီချွတ်၊ ပုဆိုးဝတ်၊ ခေါင်းပေါင်းစွပ်ထားတာပဲ ထူးခြားမှုတွေ့ရပါတယ်။

 

အဲဒီအချိန်မှာ ရွေးကောက်ပွဲအနိုင်ရ လွှတ်တော်ကိုယ်စားလှယ်များထဲက အစိုးရသမ္မတ၊ ဝန်ကြီးအစရှိတဲ့ အစိုးရတာဝန်ကို အဲသည်နေရာတွေမှာ လစ်ဟာပြီး ကြားဖြတ်ရွေးကောက်ပွဲ ပြုလုပ်ဖို့ ဖြစ်လာပါတယ်။ အဲသည်အချိန်မှာ သမ္မတဦးသိန်းစိန်ဟာ အမျိုးသားဒီမိုကရေစီအဖွဲ့ချုပ် ခေါင်းဆောင်ဖြစ်တဲ့ ဒေါ်အောင်ဆန်းစုကြည်နဲ့ ညှိနှိုင်းပြီး အခြေခံဥပဒေပါ စကားလုံးတစ်လုံးနှစ်လုံးလောက်ပဲ ပြင်ပေးပြီး အင်န်အယ်လ်ဒီကို ကြားဖြတ်ရွေးကောက်ပွဲဝင်ရောက်အရွေးခံဖို့ ဖြစ်လာပါတယ်။ 

 

အမျိုးသားဒီမိုကရေစီအဖွဲ့ ချုပ် ခေါင်းဆောင် ဒေါ်အောင်စုကြည်ဟာ သူကိုယ်တိုင်လည်း ကြားဖြတ်မှာ ၊ ဝင်မယ်၊ သူ့ကိုယ်စားလှယ်များလည်း နေရာအားလုံးဝင်မယ်ဆိုပြီး ပြည်သူလူထုကို စည်းရုံးလှုံ့ဆော်မှုပြုလုပ် ခဲ့ရာ ကြားဖြတ်ရွေးကောက်ပွဲမှာ ဒေါ်အောင်ဆန်းစုကြည်နဲ့ အင်န်အယ်လ်ဒီကိုယ်စားလှယ်များ ၄၀ကျော် အနိုင်ရပြီး လွှတ်တော်ထဲမှာ အတိုက်အခံတကယ်ပဲရှိလာသယောင်ဖြစ်ပြီး နိုင်ငံတကာက အသိအမှတ်ပြုခြင်း တချို့တဝက်ရယူနိုင်ခဲ့ကာ ဟုတ်သယောင် ဖြစ်လာခဲ့ပါတယ်။

 

ဦးသိန်းစိန်ရဲ့လွှတ်တော်အစိုးရဟာ ဆင်းရဲနွမ်းပါးမှုလျှော့ချရေး၊ တိုင်းရင်းသားလက်နက်ကိုင် အဖွဲ့အစည်းများနဲ့ အပစ်အခတ်ရပ်စဲရေးနဲ့ ငြိမ်းချမ်းရေးသဘောတူညီမှုရရှိအောင် ကြိုးပမ်းအားထုတ်မှုများ လုပ်ကိုင်ခဲ့ပေမယ့် ဘယ်စီမံကိန်းမှ မအောင်မြင်၊ လယ်သိမ်းယာသိမ်းကြောင့် ဆန္ဒပြ၊ တိုက်ပွဲတွေဖြစ်ဆိုတဲ့ အခြေအနေရောက်ခဲ့ပါတယ်။

 

အမျိုးသားဒီမိုကရေစီအဖွဲ့ချုပ်အတွက်တော့ ကြားဖြတ်ရွေးကောက်ပွဲဟာ လူသားကလေးငယ်တစ်ဦး မတ်တတ်ရပ်နိုင်ခြင်း၊ ခြေနှစ်ချောင်းပေါ်မှာ ရပ်ပြနိုင်ခြင်းမျိုးပါပဲ။ ဆင်းရဲတွင်းနစ်နေတဲ့ မြန်မာပြည်သူသားများ ကတော့ အမျိုးသားဒီမိုကရေစီအဖွဲ့ချုပ် မတ်တတ်ရပ်နိုင်တာကို ‘ရပ်နိုင်ပေ့၊ ရပ်နိုင်ပေ့’ ဟု အားပေးလက်ခုပ် သြဘာတီးခဲ့ကြပါတယ်။ လွှတ်တော်မှာ ၄၀ ကျော်ပဲ ရောက်လာတဲ့ ဒေါ်အောင်စုကြည်တို့ဟာ ဘာမှဖြစ်ဖြစ် မြောက်မြောက် မလုပ်နိုင်ခဲ့ပါဘူး။

 

သည်လိုသည်လိုနဲ့ ၂၀၁၅ ရွေးကောက်ပွဲကာလကို ရောက်ဖို့ ဖြစ်လာပါတယ်။

 

အမျိုးသားဒီမိုကရေစီအဖွဲ့ချုပ် ဥက္ကဌဒေါ်အောင်ဆန်းစုကြည်ဟာ မဲဆွယ်ကာလမှာ တိုင်းပြည်အနှံ့မဲဆွယ်ခရီးစဉ် မိုင်ပေါင်း ၇၀၀၀သွားခဲ့ပြီး သူ့ရဲ့ပါတီကြွေးကြော်သံကို “ပြောင်းလဲချိန်တန်ပြီ” ဆိုတဲ့ ကြွေးကြော်သံနဲ့ လှုံ့ဆော်ခဲ့ပါတယ်။ ရွေးကောက်ပွဲကိုယ်စားလှယ်များ ရွေးချယ်ရာမှာလည်း ပညာတတ်များ၊ ပရော်ဖက်ဆာ၊ အင်ဂျင်နီယာ၊ ဒေါက်တာများအပြင် အမျိုးသမီး လွှတ်တော်ကိုယ်စားလှယ်များ အများဆုံး ပါဝင်အောင် ရွေးချယ်ခဲ့ပါတယ်။

 

သည်လိုသည်လိုနဲ့ ရွေးကောက်ပွဲရက်ရောက်လာပါတယ်။ အနှစ်နှစ်အလလဖိနှိပ်မှုတွေအောက်က ခံနေရတဲ့ ပြည်သူမဲဆန္ဒရှင်တွေဟာ ဘယ်လိုပဲ ခက်ခဲရှုပ်ထွေးတဲ့ ရွေးကောက်ပွဲကော်မရှင်ဥပဒေတွေကြားထဲက တစ်ခဲနက်စိတ်အားထက်သန်စွာ ပြည်လုံကျွတ် ဆန္ဒမဲပေးလိုက်ကြတာ မြန်မာသာမက ကမ္ဘာကပါ အံ့သြချီး ကျူးရတဲ့ ရွေးကောက်ပွဲအောင်ပွဲရလဒ်ကို ရရှိစေခဲ့ပါတယ်။ ရွေးကောက်ပွဲဥပဒေ၊ မဲစာရင်း၊ တံဆိပ်တုံးတွေ မဲတွေနဲ့ဘယ်လိုပဲ ရှုပ်ထွေးအောင်လုပ်ကိုင်ပေမယ့် ဒေါ်အောင်ဆန်းစုကြည်နဲ့ ပြည်သူလူထုမဲဆန္ဒရှင်များဟာ တစ်ခဲနက် အောင်ပွဲဆင်လိုက်ကြပြီဖြစ်ပါတယ်။

 

အခြေခံဥပဒေအရ ရွေးကောက်ပွဲကော်မရှင်ရဲ့ အတည်ပြုချက်နဲ့ မူလလွှတ်တော်အစိုးရဖြတ်သိမ်းပြီး နောက်တက်မည့် အစိုးရသစ်ကို လွှဲပြောင်းပေးရဖုိ့ဆိုတာ ၂၀၁၆ နှစ်ဆန်းမှဖြစ်လာမှာပါ။

 

ဘာပဲပြောပြောအမျိုးသားဒီမိုကရေစီအဖွဲ့ချုပ်ဟာ ဒီမိုကရေစီလမ်းသစ်ပေါ်မှာ ခြေလှမ်းသစ်တစ်လှမ်း လျှောက်လှမ်းနိုင်ခဲ့ပြီ ဖြစ်ပါတယ်။

 

လူသားကလေးငယ်တို့ရဲ့သဘာဝတိုးတက်မှုအရ ရပ်နိုင်ပေ့မှ ပထမဆုံးခြေလှမ်းကို စတင်လှမ်းနိုင်လာခဲ့ပြီဖြစ်ပါတယ်။ လူသားတို့ သဘာဝအတိုင်း ဒီမိုကရေစီလမ်းသစ်ကြီးပေါ်မှာ အခက်အခဲတွေကျော်ဖြတ်ပြီး လျှောက်လှမ်းသွားနိုင်မှာဖြစ်ကြောင်း မျှော်လင့်ယုံကြည်နေမိပါတယ်။

 

ဒီမိုကရေစီခြေလှမ်းသစ်နှင့် ဘကြီးမိုးပါ။

 

 

ဘကြီးမိုး


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မောင်မိုးသူ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်