မောင်မောင်စိုး – သမတဦးသိန်းစိန်သက်တမ်းအတွင်းရှိ ငြိမ်းချမ်းရေးဆွေးနွေးပွဲနှင့် စစ်ပွဲ

November 29, 2015

မောင်မောင်စိုး – သမတဦးသိန်းစိန်သက်တမ်းအတွင်းရှိ ငြိမ်းချမ်းရေးဆွေးနွေးပွဲနှင့် စစ်ပွဲ
(မိုးမခ) နိုဝင်ဘာ ၂၉၊ ၂၀၁၅

၁၉၈၈ နဝတ တက်လာပြီးနောက်ပိုင်းမှ စတွက်လျှင် လက်ရှိ သမတဦးသိန်းစိန်သက်တမ်းသည် တိုင်းရင်းသားလက်နက်ကိုင် အဖွဲ့များနှင့်ဆွေးနွေးပွဲများ ပြုလုပ်၍ ပြဿနာဖြေရှင်းရန်ကြိုးပမ်းသည့်ကာလဖြစ်သည်ဆိုသည်ကိုတော့ ငြင်းပယ်ရန်မရှိချေ။

၁၉၈၈ ခုနှစ် နဝတ စစ်အစိုးရတက်လာပြီးနောက်ပိုင်း ၁၉၈၉ မှစ၍ တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်းရေးရယူ သည်ဆိုပြီး အအပစ်အခတ်ရပ်စဲကို တွင်တွင်ကျယ်ကျယ်ပြုလုပ်ခဲ့သည်။ တိုင်းရင်းသားလက်နက်ကိုင်အဖွဲ့ဒေသများအား အထူးဒေသများဟု သတ်မှတ်ပေးခဲ့သည်။ သက်ဆိုင်ရာ နယ်မြေအလိုက် တည်ရှိခွင့်အုပ်ချုပ်ခွင့်နှင့် အခြားစီးပွားရေး အခွင့် အလမ်းများပေးခဲ့သည်။ တိုင်းရင်းသားလက်နက်ကိုင်တပ်ဖွဲ့များနှင့် တိုက်ပွဲများကို သိသိသာသာလျှော့ချခဲ့သည်။ သို့သော် တိုင်းရင်းသားလက်နက်ကိုင်တပ်ဖွဲ့များပြဿနာကို နိုင်ငံရေးအရ ဖြေရှင်းခြင်းမျိုးပြုခြင်းမရှိဘဲ ထိမ်းထားခဲ့သည် ကာလဟု ဆိုရမည်။

ထိုသို့ထိမ်းထားခဲ့ခြင်းမှာ ပြည်မရှိတင်းမာနေသော နိုင်ငံရေး အကြပ်အတည်းကို အာရုံစိုက်ဖြေရှင်းရန် စစ်မျက်နှာတခုထဲအား အာရုံစိုက်နိုင်ရန်ဖြစ်သည်ဟု သုံးသပ်ရသည်။ သို့သော် ထိုကာလတွင် မြန်မာစစ်ခေါင်းဆောင်များသည် ပြည်တွင်းနိုင်ငံရေး အကြပ်အတည်းအား အာရုံစိုက်ဖြေရှင်းနေသည့်နှင့် တပြိုင်တည်းတွင် စစ်အင်အားတိုးချဲ့ရေးကို တစိုက်မတ်မတ် ပြုလုပ်ခဲ့ သည်။ နဝတခေတ်တွင် စစ်ပွဲများလျှော့ချခဲ့သော်လည်း စစ်အင်အားမှာ များစွာတိုးပွားလာသည်။

နဝတခေတ်တွင် စစ်တိုင်း ၅ တိုင်း တပ်မနှင့်ဖွဲ့စည်းပုံတူသော ခြေလျင် စကခ ၂၀ ခု စစ်တိုင်းများအောက်တွင်လည်း တပ်မ နီးပါးဖွဲ့စည်းပုံတူသည့် ဒကစများ ဖွဲ့စည်းခဲ့ပြီး ခြေလျင်တပ်ရင်းများမှာလည်း ၅၀၀ ကျော်အထိ တိုးတက်လာသည်။ ပြည် နယ်များတွင် အခြေချတပ်ရင်းများသိသိသာသာ တိုးတက်လာသည်။

ထို့ပြင် ယခင်ကမရှိသော အမြောက်တပ်မ သံချပ်ကာ ယန္တယားတပ်မ လေကြောင်းရန် ကာကွယ်ရေးတပ်မတို့ တိုးချဲ့ဖွဲ့စည်း လာသည်ကို တွေ့ရသည်။ ထို့ပြင် လေတပ် ရေတပ်တို့အားလည်း ခေတ်မှီယဉ်များဖြင့် ဖြည့်ဆီးတိုးချဲ့နိုင်ခဲ့သည်။ ခြေလျင် တပ်၏ တိုက်ပွဲများအား ထောက်ကူပေးရန် လေကြောင်းပစ်ကူနှင့် လက်နက်ကြီး ပစ်ကူတို့အား သိသိသာသာ တိုးချဲ့ဖြည့် ဆည်းနိုင်ခဲ့သည်ဟု ဆိုရမည်။

ထိုသို့ အနှစ် ၂၀ ခန့် စစ်အင်အားဖြည့်တင်းချိန်အတွင်း တိုင်းရင်းသားလက်နက်ကိုင်အဖွဲ့များကိုစစ်ပွဲအစား အနုနည်းဖြင့် စည်းရုံးဖြိုခွဲမှုသာ ပြုခဲ့သည်ဟု ဆိုရမည်။ သို့သော် ၂၀၀၈ အခြေခံဥပဒေ ပြဌာန်းပြီးနောက်ပိုင်းတွင်မူ နအဖအနေနှင့် တိုင်း ရင်းသားလက်နက်ကိုင်အဖွဲ့ ပြဿနာကို ဖြေရှင်းရန်ကြိုးစားလာသည်ကို တွေ့ရသည်။ ထိုစဉ်နအဖက တိုင်းရင်းသား လက်နက်ကိုင်အဖွဲ့များအား နယ်ခြားစောင့်တပ် BGF ဖွဲ့စည်းပြီး စစ်တပ်၏ကွပ်ကဲမှုအောက်ဝင်ရန် အကြောင်းကြား အသိပေးခြင်းဖြင့် စတင်ခဲ့သည်။ တိုင်းရင်းသားလက်နက်ကိုင်တပ်ဖွဲ့ပြဿနာကို ဆွေးနွေးဖြေရှင်းခြင်းမပြုဘဲ မိမိသဘော အတိုင်း လိုက်နာဆောင်ရွက်ရန် အမိန့်ပေးသည့်နည်းကို အသုံးပြုခဲ့သည်ဟု ဆိုရမည်။

ဤနည်းသည် သေးငယ်သော စည်းရုံးမှုအားနည်းသော အဖွဲ့ငယ်များတွင် အလုပ်ဖြစ်ခဲ့သည်ဟုဆိုရမည်။ ဇခုန်တိန့်ယင်း ခေါင်းဆောင်သောNDAK ကယားပြည်နယ်မှ ကလလတ DKBA  မှ စောချစ်သူတို့အဖွဲ့များသည် BGF အဖြစ် ပြောင်းလဲဖွဲ့ စည်းခဲ့ပြီး ကွတ်ခိုင်အနီး ကောင်းခါးမှ မထုနော်ဦးစီး KDA အဖွဲ့နှင့် သီပေါအနီး SSA အင်အား အချို့အား ပြည်သူစစ်အဖြစ် ပြောင်းလဲဖွဲ့စည်းခဲ့သည်။

တချိန်တည်းတွင် BGF ကိုလက်မခံသော အဖွဲ့များနှင့်တင်းမာမှုများ စတင်ခဲ့သည်။ နအဖ ကလည်းရာဇသံများပေးခဲ့သည်။ BGF လက်ခံသော ၂၀၀၉ တွင် ဖုန်ကြားစင်းတို့ အင်အားသုံးဖယ်ရှားခံရပြီး ကွဲထွက်လာသော ပယ်စောက်ချိန်တို့အား သိမ်း သွင်းကာ ကိုးကန့် BGF ဖွဲ့စည်းခဲ့သည်။ တဖက်တွင်လည်း ပြည်သူစစ်ဖွဲ့စည်းရေးလက်ခံသောသူများ SSPP/SSA အဖြစ် ပြန်လည် ရပ်တည်ခဲ့သည်။ သို့သော် ထိုတင်းမာမှုများသည် ၂၀၁၀ ရွေးကောက်ပွဲကာလတွင် ခေတ္တငြိမ်သက်သွားသည်။

ချုပ်၍ဆိုရလျင် နဝတ /နအဖ သက်တမ်းတလျှောက်တွင် တိုင်းရင်းသားလက်နက်ကိုင်အဖွဲ့များနှင့် အပစ်ရပ်ထား၍ စစ် တပ်အင်အားကို တည်ဆောက်ခဲ့သည်။ သူသက်တမ်းနောက်ဆုံးပိုင်းတွင်ထိုအဖွဲ့များအား BGF အဖြစ်ပြောင်းလဲဖွဲ့စည်းပြီး
စစ်တပ်၏ထိမ်းချုပ်မှုထည့်သွင်းခြင်းဖြင့် ဖြေရှင်းရန် ဖိအားပေးခြင်း မက်လုံးပေးခြင်းများဖြင့် ကြိုးပမ်းခဲ့သည်။ သေးငယ် ယိမ်းရိုင်နေသောအဖွဲ့အချို့အား စိတ်တိုင်းကျပုံသွင်းနိုင်ခဲ့သည်။ ညီညွတ်ရေးပျက်ပြားနေသော ကိုးကန့်အဖွဲ့အား အင်အား သုံးဖြိုခွဲနိုင်ခဲ့သည်။

တဖက်မှပြောရလျှင် အပစ်ရပ်ထားသည့်ကာလတလျောက် နဝတ/နအဖ၏ မက်လုံးပေး ဖိအားပေးခြင်းသည် လုံးဝအလုပ် မဖြစ်သည်တော့ မဟုတ်ပေ။ PSLO/PSLA တဖွဲ့လုံး လက်နက်ချခဲ့ရသည်။ ဦးတာကလယ်၏ ရလလဖ အပိုင်းပိုင်းကွဲပြီး ပြိုကွဲခဲ့ရသည်။ တိုင်းရင်းသားခေါင်းဆောင်အချို့လည်း စည်စိမ်များနှင့်ယစ်မူးကာ မူလလမ်းကြောင်းမှ သွေးဖီကုန်သည်။ အလုပ်ဖြစ်သည်လည်း ရှိသည်ဟု ဆိုရပေမည်။

သို့သော် အဓိကတိုင်းရင်းသားအဖွဲ့များကမူ နအဖ ၏ BGF ဖွဲ့ရေးကိုလက်မခံခဲ့ကြပေ။ မူလနဝတနှင့် အပစ်ရပ်သဘောတူစဉ် က ထားရှိခဲ့သော ကတိကဝတ်ဖြစ်သည့် လက်ရှိစစ်အစိုးရကာလ အပစ်ရပ်ထားပြီး နိုင်ငံရေးပြဿနာကို အရပ်သားအစိုးရ တက်မှဆွေးနွေးမည်ဆိုသည်ကိုထောက်ပြပြီး နိုင်ငံရေးအရ ဆွေးနွေးဖြေရှင်းရန် တောင်းဆိုရပ်ခံခဲ့ကြသည်။ သို့ဖြစ်ရာ အဓိ ကအင်အားတောင့်တင်းသည့် အဖွဲ့များနှင့်မူ အလုပ်မဖြစ်ဟု ဆိုရမည်။ သို့ဖြစ်ရာ ဤပေါ်လစီကိုဆက်လက်အကောင်အထည် ဖေါ်ရန် ဦးသိန်းစိန်အစိုးရ ပုခုံးပေါ်သို့ ရောက်ရှိလာပေတော့သည်။

ဤသို့ဖြင့် သမတဦးသိန်းစိန်လက်ထက်တွင် တိုင်းရင်းသားလက်နက်ကိုင်အဖွဲ့များပြဿနာဖြေရှင်းရေးအတွက် ဆွေးနွေးပွဲ  များပေါ်လာသည်ဟုဆိုရမည်။ ပြည်ထောင်စုအဆင့်ငြိမ်းချမ်းရေးဖေါ်ဆောင်ရေးကော်မတီနှင့်အတူ ပြည်နယ်အဆင့် သ ဘောတူညီချက် ပြည်ထောင်စုအဆင့်သဘောတူညီချက်များရေးထိုးရေးတို့ ပါဝင်လာသည်။ နိုင်ငံတကာအလှူရှင်များ၏ ပံ့ပိုးမှုအရငြိမ်းချမ်းလုပ်ငန်းများကို အထောက်အကူပြုရန် MPC ဆိုသည်လည်း ပေါ်လာသည်။

သို့သော် ၂၀၁၁ နှစ်ကုန်ပိုင်းမှစပြီး KIA နှင့် ပြန်လည်၍တိုက်ပွဲများ ပြင်းပြင်းထန်ထန်ဖြစ်ပွားခဲ့သည်။ အလားတူပင် DKBA/ SSPP/RCSS တို့နှင့်လည်းတိုက်ပွဲများ ဖြစ်လိုက် ရပ်လိုက် ဖြစ်နေခဲ့သည်။ ၂၀၁၂ မှစ၍ ပြန်လည်ဖွဲ့စည်းတည်ထောင်လာ သော PSLF/TNLA နှင့်လည်းကောင်း၊ ၂၀၁၃ နှစ်ကုန်ပိုင်းက သံလွင်အနောက်ခြမ်းတွင် ပြန်လည်လှုပ်ရှားလာသော MNDAA ကိုးကန့်အဖွဲ့သည် ၂၀၁၅ နှစ်ဆန်းပိုင်းက ကိုးကန့်ဒေသကို ပြန်လည်ဝင်ရောက်တိုက်ခိုက်သောအခါ ပို၍ ကြီးမား သောတိုက်ပွဲများဖြစ်လာတော့သည်။

ဤသို့ဖြင့် သမတဦးသိန်းစိန်သက်တမ်းသည် ဆွေးနွေးပွဲရော စစ်ပွဲပါ ရောယှက်ရှုတ်ထွေးနေသည့်ကာလဖြစ်သွားပေတော့ သည်။ ယခင် နအဖခေတ်၏အကျိုးဆက်များကို ဆက်လက်ထမ်းပိုးလိုက်ရသည်ဟုဆိုရမည်။ နအဖခေတ်က စစ်အင်အား သုံး၍ မိမိလိုချင်သောပုံစံရရှိအောင် ဖြေရှင်းခဲ့သည့်အကျိုးဆက်ဟု ဆိုရမည်။

မိမိလိုချင်သောပုံစံအတိုင်းရရှိအောင် အင်အားသုံးဖိအားပေးခြင်းမရှိဘဲ မူလကတိကဝတ်အတိုင်း အရပ်သားအစိုးရ လက် ထက်တွင် နိုင်ငံရေးအရဆွေးနွေးဖြေရှင်းသည့်လမ်းကြောင်းကိုသွားပါက KIA/ DKBA/ SSPP/ RCSS တို့နှင့် တကျော့ပြန် တိုက်ပွဲများ ဖြစ်ပွားဖွယ်မရှိချေ။ PSLO/ PSLA ကို ဖိအားပေး လက်နက်ချခြင်းမျိုးမရှိပါက ယနေ့ TNLA ပေါ်ပေါက်ဖွယ်မရှိချေ။ ၂၀၀၉ က ဖုန်ကြားစင်အဖွဲ့အား အင်အားသုံးမောင်းထုတ်ခြင်းမရှိက ၂၀၁၅ ကိုးကန့်ဒေသတွင် ပြင်းထန်သောစစ်ပွဲများ ဖြစ်ပွားဖွယ်မရှိချေ။ ထို့အတူ UWSA/NDAA တို့နှင့်လည်း တင်းမာမှုများပြန်လည်ဖြစ်ပွားဖွယ်ရာ မရှိချေ။

သို့ဖြစ်ရာ ယနေ့ပြန်လည်ဖြစ်ပွားနေသော စစ်ပွဲများ၏ဇစ်မြစ်မှာ အချိန်ကြာမြင့်စွာ စစ်ရပ်နားထားပြီးနောက် နိုင်ငံရေးဆွေးနွေး ပွဲဆီသို့မဆက်ဘဲ အင်အားသုံး၍ မိမိလိုချင်သော ပုံစံအားသွပ်သွင်းရာမှ အစပြုသည်ဟု ဆိုရမည်။ ထို့ပြင် စစ်ပွဲအား လိုချင် သည့် နိုင်ငံရေးသဘောတူညီချက်ရရှိရေးအတွက် ဖိအားပေးရာတွင်လည်းကောင်း၊ အပစ်အခတ်ရပ်စဲချိန်တွင် စစ်ရေးအရ သော်လည်းကောင်း၊ သယံဇာတထွက်ရှိမှုအရသော်လည်းကောင်း၊ အပြန်အလှန်နယ်မြေထိမ်းချုပ်နိုင်ရန် ကြိုးစားရာတွင်လည်းကောင်း၊ အသုံးပြုကြရာ စစ်ပွဲသည် အတောမသတ်နိုင်ဖြစ်ရပေတော့သည်။

ထို့ပြင် စစ်ပွဲပြန်လည်ဖြစ်ပွားသည်နှင့် နှစ်ဖက်ကျဆုံးဒဏ်ရာ ရရှိမှုများနှင့် စစ်ဘေးဒုက္ခသည်များ နစ်နာဆုံးရှုံးမှုများ ပေါ် ပေါက်လာရာ နှစ်ဖက်စလုံးတွင် အကြိတ်အခဲများ ဒဏ်ရာဒဏ်ချက်များနှင့် နားကျည်းချက်များပေါ်လာပေရာ ပြန်လည်ဖြေ လျော့၍ စစ်ပွဲများရပ်ဆိုင်းရန် ပိုမိုခက်ခဲနေသည်ဟုယူဆရပါသည်။

ယခုအခါ ၂၀၀၈ အခြေခံဥပဒေကိုလက်ခံရေးနှင့်ပတ်သက်သော ပြဿနာကိုလည်းကောင်း၊ လက်နက်ကိုင်တပ်ပြဿနာ ကိုလည်းကောင်း၊ နိုင်ငံရေးဆွေးနွေးပွဲဆီသို့ပို့၍ ဖြေရှင်းသဘောတူခဲ့ကြသော်လည်း အစချီချက်လွဲချော်ခဲ့သည့်အတွက် နိုင်ငံရေးဆွေးနွေးပွဲတွင် အားလုံးပါဝင်ရေးသည် ခက်ခဲနေဆဲဖြစ်သည်။

သို့ဖြစ်ရာ ခြုံ၍ဆိုရလျှင် နဝတ/နအဖ ခေတ်တလျောက်လုံး မဖြေရှင်းခဲ့သည့် တိုင်းရင်းသားလက်နက်ကိုင်တပ်ဖွဲ့များပြဿနာကို သမတဦးသိန်းစိန်သက်တမ်းမစမှီမှ စတင်ဖြေရှင်းပြီး ၎င်းအကျိုးဆက်ကို သမတဦးသိန်းစိန်သက်တမ်းတွင် ဆက် လက်အကောင်အထည်ဖော်ခဲ့သည်ဟု ဆိုရပေမည်။ သို့ဖြစ်ရာ သမတဦးသိန်းစိန်သက်တမ်းသည် ဆွေးနွေးပွဲရော စစ်ပွဲပါ ရောယှက်နေသည့်ကာလဟု ဆိုရပေမည်။ မူလအပစ်ရပ်ထားရာမှ ဆွေးနွေးပွဲဆီဆက်လှမ်းရန် စီစဉ်ဆောင်ရွက်ခဲ့ပါက ဤမျှ ရှုတ်ထွေးဘွယ်ရာ မရှိပေ။

မည်သို့ဆိုစေ တိုင်းရင်းသားလက်နက်ကိုင်တပ်ဖွဲ့ပြဿနာ တိုင်းရင်းသားအရေးပြဿနာကို နှစ်ပေါင်းများစွာ လစ်လျူရှုထား ရာမှ လက်တွေ့ကျကျ ဖြေရှင်းရန်ကြိုးစားသည်ကတော့ကောင်းသည် ဟု ဆိုရမည်။ နောင်လာမည့်အစိုးရသစ်လက်ထက်တွင် ကောင်းမွန်သည့်အချက်များကို ဆက်လက်သယ်ဆောင်မည်ဟု ဆိုပါသည်။

အင်အားသုံးဖြေရှင်းခြင်းနှင့် ၎င်းကိုတုန့်ပြန်သည့် အင်အားရှိမှဖြစ်မည်ဟူ၍ အပြိုင်အဆိုင် စစ်အင်အားတိုးချဲ့ခြင်းတို့သည်
ပြဿနာကို ဖြေရှင်းရန် ပိုမိုခက်ခဲစေသည်ကို သတိပြုရန် လိုပါသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး, မောင်မောင်စိုး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်