ခ င် လွ န်း – ယာ ယီ နှ င်း များ

November 29, 2015

ခ င် လွ န်း – ယာ ယီ နှ င်း များ
(မိုးမခ) နိုဝင်ဘာ ၂၉၊ ၂၀၁၅(ယခင်က ခေတ်ပြိုင်အင်တာနက်စာမျက်နှာတွင် ဖော်ပြခဲ့ဖူးသည့် မိုးမခပင်တိုင်ကဗျာဆရာတဦးဖြစ်သူ ခင်လွန်း၏ ကဗျာ တပုဒ်အား မိုးမခပရိသတ်အတွက် ပြန်လည် မျှဝေလိုက်ပါတယ်)

နှင်းတွေ။
လာရာကိုကျောခိုင်းလို့
တံတိုင်းခြားခံလိုက်ရတဲ့တောင်တန်းတွေအောက်
ညှို့ကွင်းမိသားကောင်တွေ ထောင်ချောက်မိနေတာမဟုတ်ဘူး

ဒါ
စစ်ပန်းသွားတဲ့ ခေါမဏီတပ်ကြီး နားနေတာလည်းမဟုတ်ဘူး
အိပ်မက်ကိုယ်စီပျိုးလို့
အရိုးကို ဆံထိုးလုပ်လိုသူတွေနဲ့
ကမ်းလွန်ရွှေမုဆိုးတို့ရဲ့ စခန်းထောက်ရာလို့ဆိုဆို
ကိုလံဘတ်အလိုအရပြောရင်
သူတို့အာငွေ့နဲ့ ရွက်လွှင့်ထွက်ခွာရာဆိပ်ကမ်း။

သေချာတာက
အမေတခြား သားတခြား
အိပ်ရာတခြား အိမ်တခြား
ချစ်သူတခြား ပါးတခြား
အဓိပ္ပာယ်ထွေထွေပြားပြားမှာ
နတ်နေကိုင်းတွေ အများသားရှိရာကလာတဲ့
တတိယကမ္ဘာသားတွေပါ။

ဒီလိုဆောင်းဆိုရင်
ဒုက္ခကိုရှေ့တင်ကစားထားရတဲ့ပွဲမှာ
အသားငတ်တာကလွဲလို့
စကားငတ်တာကလွဲလို့
(စာငတ် ကဗျာငတ်တာကလွဲလို့)
အသားပတ်တဲ့ဆောင်းဟာ
ချောင်းတဟွတ်ဟွတ်ဆိုးပြီဆိုရင်
ထုံးဓာတ်များတဲ့ရေကို
ထင်းမီးဖိုမှာ နာနာကြိုပြီ။

ဒီလိုဆောင်းဆိုရင်
နှင်းဝေေ၀ကြား
အပေါစားဗွီဒီယိုကားရဲ့ ဖြစ်ကတတ်ဆန်း ဆက်တင်ထဲကလို
ပုဆိုးခြုံဆေးလိပ်တဖွားဖွားနဲ့ ထင်းကောက်သူကောက်
ဘေထုတ်ထည်တဖားဖားနဲ့ လမ်းလျှောက်သူလျှောက်
အချို့တောပန်းတွေ ကောက်သူကောက်လို့
တချို့ထင်းမီးပုံတဖွားဖွားမှာ သိုက်စာဖတ်ရာ နားထောင်သူထောင်လို့။

သည်လိုတောခန်းတောင်ခန်း
တထောက်စခန်းပဲဆိုဆို
စင်တင်ကဇာတ်ထဲမှာ ပြဇာတ်မင်းသားဆန်နေသူတွေဟာ
အချီအချ ဒိုင်ယာလော့ခန်းဆိုရင်
ကိုယ့်လူများလည်း ခေသူမဟုတ်ကြ။
… … …
… … …
… … …
အင်း သူ့အကြောင်းပြောရင်
ကိုယ့်အကြောင်းလည်း ပြောပြန်ကြလိမ့်မယ်

ထားတော့
တငွေ့ငွေ့လောင်သွားတဲ့ရက်တွေလို
နောက်ဆုံးအံသွားနဲ့ ခဲထားတဲ့ပေါ့လိပ်တိုကို စက္ကူပတ်ခွာလိုက်ချိန်
သုခိတာတဲ့
(ဒုတိယဘာသာစကားအောက် ဒို့တွေ ခိုနေကြရပုံများ)
သုခိတာ ဟောန္တု ဒုက္ခာ မုစ္ဆန္တု
ဆင်းရဲဒုက္ခအပေါင်းမှ လွတ်မြောက်ကြပါစေသတည်း။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ, ခင်လွန်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ 

By

ဒေါက်တာခင်မောင်ဝင်း (သင်္ချာ) – သင်္ချာအတွေးအခေါ်သမိုင်း ၊ ဂိမ်းသီအိုရီနှင့် အတွေးအမြင်ဆောင်းပါးများ  မိုးမခစာပေက ထွက်ပါပြီ။...

Read more »

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်